శ్రీ మనసా దేవి స్తోత్రం (ధన్వంతరి కృతం)

శ్రీ మనసా దేవి స్తోత్రం (ధన్వంతరి కృతం)

ధ్యానం |
చారుచంపకవర్ణాభాం సర్వాంగసుమనోహరాం |
ఈషద్ధాస్యప్రసన్నాస్యాం శోభితాం సూక్ష్మవాససా || 1 ||
సుచారుకబరీశోభాం రత్నాభరణభూషితాం |
సర్వాభయప్రదాం దేవీం భక్తానుగ్రహకారకాం || 2 ||
సర్వవిద్యాప్రదాం శాంతాం సర్వవిద్యావిశారదాం |
నాగేంద్రవాహినీం దేవీం భజే నాగేశ్వరీం పరాం || 3 ||
ధన్వంతరిరువాచ |
నమః సిద్ధిస్వరూపాయై సిద్ధిదాయై నమో నమః |
నమః కశ్యపకన్యాయై వరదాయై నమో నమః || 4 ||
నమః శంకరకన్యాయై శంకరాయై నమో నమః |
నమస్తే నాగవాహిన్యై నాగేశ్వర్యై నమో నమః || 5 ||
నమ ఆస్తీకజనన్యై జనన్యై జగతాం మమ |
నమో జగత్కారణాయై జరత్కారుస్త్రియై నమః || 6 ||
నమో నాగభగిన్యై చ యోగిన్యై చ నమో నమః |
నమశ్చిరం తపస్విన్యై సుఖదాయై నమో నమః || 7 ||
నమస్తపస్యారూపాయై ఫలదాయై నమో నమః |
సుశీలాయై చ సాధ్వ్యై చ శాంతాయై చ నమో నమః || 8 ||
ఇదం స్తోత్రం మహాపుణ్యం భక్తియుక్తశ్చ యః పఠేత్ |
వంశజానాం నాగభయం నాస్తి తస్య న సంశయః || 9 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే ఏకపంచాశత్తమోఽధ్యాయః ధన్వంతరికృత శ్రీ మనసాదేవి స్తోత్రం ||