KEERTANS

అన్నమయ్య కీర్తన కట్టెదుర వైకుంఠము

Sacred recitation and chant for invocation and blessings of KEERTANS.

అన్నమయ్య కీర్తన కట్టెదుర వైకుంఠము

Stotra Lyrics

అన్నమయ్య కీర్తన కట్టెదుర వైకుంఠము

కట్టెదుర వైకుంఠము కాణాచయిన కొండ
తెట్టరాయ మహిమలే తిరుమల కొండ ॥

వేదములే శిలలై వెలసినది కొండ
యేదెస బుణ్యరాసులే యేరులైనది కొండ ।
గాదిలి బ్రహ్మాది లోకముల కొనలు కొండ
శ్రీదేవు డుండేటి శేషాద్రి కొండ ॥

సర్వదేవతలు మృగజాతులై చరించే కొండ
నిర్వహించి జలధులే నిట్టచరులైన కొండ ।
వుర్వి దపసులే తరువులై నిలచిన కొండ
పూర్వ టంజనాద్రి యీ పొడవాటి కొండ ॥

వరములు కొటారుగా వక్కాణించి పెంచే కొండ
పరగు లక్ష్మీకాంతు సోబనపు గొండ ।
కురిసి సంపదలెల్ల గుహల నిండిన కొండ
విరివైన దదివో శ్రీ వేంకటపు గొండ ॥

Related Stotras

Explore All Stotras