శ్రీ దుర్గా దేవి కవచం

Stotra Lyrics

ఈశ్వర ఉవాచ |
శృణు దేవి ప్రవక్ష్యామి కవచం సర్వసిద్ధిదం |
పఠిత్వా పాఠయిత్వా చ నరో ముచ్యేత సంకటాత్ || 1 ||
అజ్ఞాత్వా కవచం దేవి దుర్గామంత్రం చ యో జపేత్ |
స నాప్నోతి ఫలం తస్య పరత్ర నరకం వ్రజేత్ || 2 ||
ఉమా దేవీ శిరః పాతు లలాటే శూలధారిణీ |
చక్షుషీ ఖేచరీ పాతు కర్ణౌ చత్వరవాసినీ || 3 ||
సుగంధా నాసికే పాతు వదనం సర్వధారిణీ |
జిహ్వాం చ చండికాదేవీ గ్రీవాం సౌభద్రికా తథా || 4 ||
అశోకవాసినీ చేతో ద్వౌ బాహూ వజ్రధారిణీ |
హృదయం లలితాదేవీ ఉదరం సింహవాహినీ || 5 ||
కటిం భగవతీ దేవీ ద్వావూరూ వింధ్యవాసినీ |
మహాబలా చ జంఘే ద్వే పాదౌ భూతలవాసినీ || 6 ||
ఏవం స్థితాఽసి దేవి త్వం త్రైలోక్యరక్షణాత్మికే |
రక్ష మాం సర్వగాత్రేషు దుర్గే దేవి నమోఽస్తు తే || 7 ||
ఇతి కుబ్జికాతంత్రోక్తం శ్రీ దుర్గా కవచం |