శ్రీ శ్యామలా అష్టోత్తరశతనామ స్తోత్రం –2

శ్రీ శ్యామలా అష్టోత్తరశతనామ స్తోత్రం –2

అస్య శ్రీశ్యామలాష్టోత్తరశతనామస్తోత్ర మహామంత్రస్య, మహాభైరవ ఋషిః, అనుష్టుప్ ఛందః, శ్రీమాతంగీశ్వరీ దేవతా, ఆదిశక్తిరితి బీజం, సర్వకామప్రదేతి శక్తిః, పరంజ్యోతిః స్వరూపిణీతి కీలకం, శ్యామలాష్టోత్తరశతనామ జపే వినియోగః |
నమస్తేఽస్తు జగద్ధాత్రి మాతంగీశ్వరి తే నమః |
శ్యామలే జగదీశానే నమస్తే పరమేశ్వరీ || 1 ||
నమస్తేఽస్తు మహాకృష్ణే సర్వభూషణసంయుతే |
మహాదేవి మహేశాని మహాదేవప్రియే నమః || 2 ||
ఆదిశక్తిర్మహాశక్తిః పరాశక్తిః పరాత్పరే |
బ్రహ్మశక్తే విష్ణుశక్తే శివశక్తే నమో నమః || 3 ||
నమోఽమృతేశ్వరీ దేవి నమః పరశివప్రియే |
బ్రహ్మరూపే విష్ణురూపే శివరూపే నమోఽస్తు తే || 4 ||
సర్వకామప్రదే తుభ్యం సర్వసిద్ధిప్రదే నమః |
సర్వసంపత్ప్రదే నౄణాం సర్వరాజసుశంకరి || 5 ||
స్త్రీవశంకరి వందే త్వాం నమో నరవశంకరి |
దేవమోహిని సేవే త్వాం సర్వసత్త్వవశంకరి || 6 ||
నమః శాంకరి వాగ్దేవి సర్వలోకవశంకరీ |
సర్వాభీష్టప్రదే నిత్యే నమో మాతంగకన్యకే || 7 ||
నమో నీలోత్పలప్రఖ్యే నమో మరకతప్రభే |
నీలమేఘప్రతీకాశే ఇంద్రనీలసమప్రభే || 8 ||
నమశ్చండ్యాదిదేవేశి దివ్యనారీవశంకరీ |
నమస్తే మాతృసంస్తుత్యే జయే తే విజయే నమః || 9 ||
భూషితాంగి మహాశ్యామే మహారామే మహాప్రభే |
మహావిష్ణుప్రియకరీ సదాశివమహాప్రియే || 10 ||
రుద్రాణీ సర్వపాపఘ్నీ కామేశ్వరి నమోఽస్తు తే |
శుకశ్యామే లఘుశ్యామే రాజవశ్యకరీ నమః || 11 ||
వీణాహస్తే నమస్తుభ్యం నమో గీతరతే సదా |
సర్వవిద్యాప్రదే తుభ్యం నమః శక్త్యాదిపూజితే || 12 ||
భజేఽహం వేదగీతే త్వాం దేవగీతే నమో నమః |
శంఖకుండలసంయుక్తే బింబోష్ఠీ త్వాం భజాంయహం || 13 ||
రక్తవస్త్రపరీధానే గృహీతమధుపాత్రకే |
మధుప్రియే నమస్తుభ్యం మధుమాంసబలిప్రియే || 14 ||
రక్తాక్షీ ఘార్ణమానాక్షీ స్మితేందుముఖి సంస్తుతే |
కస్తూరీతిలకోపేతే చంద్రశీర్షే జగన్మయే || 15 ||
నమస్తుభ్యం మహాలక్ష్మి కదంబవనసంస్థితే |
మహావిద్యే నమస్తుభ్యం స్తనభారవిరాజితే || 16 ||
హరహర్యాదిసంస్తుత్యే స్మితాస్యే త్వాం భజాంయహం |
నమః కళ్యాణదే పుంసాం కళ్యాణి కమలాలయే || 17 ||
మహాదారిద్ర్యసంహర్త్రీ మహాపాతకదాహినీ |
మహాజ్ఞానప్రదే నౄణాం మహాసౌందర్యదే నమః || 18 ||
మహాముక్తిప్రదే వాణి పరంజ్యోతిః స్వరూపిణి |
చిదానందాత్మికే తుభ్యం నమోఽలక్ష్మీవినాశిని || 19 ||
భక్తాఽభయప్రదే నిత్యమాపన్నాశిని తే నమః |
నమస్తేఽస్తు సహస్రాక్షి సహస్రభుజధారిణీ || 20 ||
మహ్యాః శుభప్రదే తుభ్యం భక్తానాం మంగళప్రదే |
నమోఽస్త్వశుభసంహర్త్రీ భక్తాష్టైశ్వర్యదే నమః || 21 ||
నమో దేవ్యై నమస్తుభ్యం నమస్తే ముఖరంజినీ |
జగన్మాతర్నమస్తుభ్యం నమస్తే సర్వనాయికే || 22 ||
నమః పరాపరకళే పరమాత్మప్రియే నమః |
నమస్తే రాజమాతంగీ నమస్తుభ్యం నమోఽస్తు తే || 23 ||
ఫలశ్రుతిః –
నాంనామష్టోత్తరం పుణ్యం శ్యామలాయా ఇతీరితం |
ప్రజపేద్యో నరో భక్త్యా సర్వపాపైర్విముచ్యతే || 24 ||
వ్యాచష్టే సర్వశాస్త్రాణి మహావాగీశ్వరో భవేత్ |
సకృచ్ఛ్రవణమాత్రేణ గుహ్యాద్ద్వే చ చతుష్టయం || 25 ||
సర్వలోకాన్ వశీకుర్యాత్ కాంత్యా విష్ణుసమో భవేత్ |
లభతే మహతీం లక్ష్మీం దైవతైరతిదుర్లభాం || 26 ||
అణిమాదిగుణైశ్వర్యం స లభేచ్ఛీఘ్రమేవ హి |
జాతిస్మృతిర్భవేచ్ఛీఘ్రం సర్వవిద్యానిధిర్భవేత్ || 27 ||
ప్రాప్నోతి పరమం జ్ఞానం సర్వదా సుఖమశ్నుతే |
సర్వత్ర స భవేత్పూజ్యః సర్వత్ర విజయీ భవేత్ || 28 ||
భూతప్రేతపిశాచాది భయం తస్య న జాయతే |
మహతీం కీర్తిమాప్నోతి లభేద్యోగమనుత్తమం || 29 ||
ఘటికాపాదుకాద్యష్టసిద్ధినాథో భవేదయం |
మంగళాని భవేన్నిత్యం స మహాపండితో భవేత్ || 30 ||
లభతే మహదాయుష్యం లోకసంమోహనో భవేత్ |
లభేదంతే మహాదేవరూపం నాత్ర విచారణా || 31 ||
ఇతి శ్రీ శ్యామలాష్టోత్తరశతనామ స్తోత్రం ||