శ్రీ కాళీ స్తుతిః (బ్రహ్మ కృతం)

 శ్రీ కాళీ స్తుతిః (బ్రహ్మ కృతం)

నమామి కృష్ణరూపిణీం కృష్ణాంగయష్టిధారిణీం |
సమగ్రతత్త్వసాగరం అపారపారగహ్వరాం || 1 ||
శివాప్రభాం సముజ్జ్వలాం స్ఫురచ్ఛశాంకశేఖరాం |
లలాటరత్నభాస్కరాం జగత్ప్రదీప్తిభాస్కరాం || 2 ||
మహేంద్రకశ్యపార్చితాం సనత్కుమారసంస్తుతాం |
సురాసురేంద్రవందితాం యథార్థనిర్మలాద్భుతాం || 3 ||
అతర్క్యరోచిరూర్జితాం వికారదోషవర్జితాం |
ముముక్షుభిర్విచింతితాం విశేషతత్త్వసూచితాం || 4 ||
మృతాస్థినిర్మితస్రజాం మృగేంద్రవాహనాగ్రజాం |
సుశుద్ధతత్త్వతోషణాం త్రివేదపారభూషణాం || 5 ||
భుజంగహారహారిణీం కపాలఖండధారిణీం |
సుధార్మికౌపకారిణీం సురేంద్రవైరిఘాతినీం || 6 ||
కుఠారపాశచాపినీం కృతాంతకామభేదినీం |
శుభాం కపాలమాలినీం సువర్ణకల్పశాఖినీం || 7 ||
శ్మశానభూమివాసినీం ద్విజేంద్రమౌళిభావినీం |
తమోఽంధకారయామినీం శివస్వభావకామినీం || 8 ||
సహస్రసూర్యరాజికాం ధనంజయోగ్రకారికాం |
సుశుద్ధకాలకందలాం సుభృంగబృందమంజులాం || 9 ||
ప్రజాయినీం ప్రజావతీం నమామి మాతరం సతీం |
స్వకర్మకారణే గతిం హరప్రియాం చ పార్వతీం || 10 ||
అనంతశక్తికాంతిదాం యశోఽర్థభుక్తిముక్తిదాం |
పునః పునర్జగద్ధితాం నమాంయహం సురార్చితాం || 11 ||
జయేశ్వరి త్రిలోచనే ప్రసీద దేవి పాహి మాం |
జయంతి తే స్తువంతి యే శుభం లభంత్యమోక్షతః || 12 ||
సదైవ తే హతద్విషః పరం భవంతి సజ్జుషః |
జరాః పరే శివేఽధునా ప్రసాధి మాం కరోమి కిం || 13 ||
అతీవ మోహితాత్మనో వృథా విచేష్టితస్య మే |
కురు ప్రసాదితం మనో యథాస్మి జన్మభంజనః || 14 ||
తథా భవంతు తావకా యథైవ ఘోషితాలకాః |
ఇమాం స్తుతిం మమేరితాం పఠంతి కాళిసాధకాః |
న తే పునః సుదుస్తరే పతంతి మోహగహ్వరే || 15 ||
ఇతి కాళీరహస్యే బ్రహ్మ కృత శ్రీ కాళీ స్తుతిః ||