శ్రీ సుబ్రహ్మణ్య వజ్రపంజర కవచం

శ్రీ సుబ్రహ్మణ్య వజ్రపంజర కవచం

అస్య శ్రీ సుబ్రహ్మణ్య కవచస్తోత్ర మహామంత్రస్య అగస్త్యో భగవాన్ ఋషిః, అనుష్టుప్ఛందః శ్రీ సుబ్రహ్మణ్యో దేవతా, సం బీజం, స్వాహా శక్తిః, సః కీలకం, శ్రీ సుబ్రహ్మణ్యప్రసాదసిద్ధ్యర్థే జపే వినియోగః |
న్యాసః –
హిరణ్యశరీరాయ అంగుష్ఠాభ్యాం నమః |
ఇక్షుధనుర్ధరాయ తర్జనీభ్యాం నమః |
శరవణభవాయ మధ్యమాభ్యాం నమః |
శిఖివాహనాయ అనామికాభ్యాం నమః |
శక్తిహస్తాయ కనిష్ఠికాభ్యాం నమః |
సకలదురితమోచనాయ కరతలకరపృష్ఠాభ్యాం నమః |
ఏవం హృదయాది న్యాసః ||
ధ్యానం |
కనకకుండలమండితషణ్ముఖం
వనజరాజి విరాజిత లోచనం |
నిశిత శస్త్రశరాసనధారిణం
శరవణోద్భవమీశసుతం భజే ||
అగస్త్య ఉవాచ |
స్కందస్య కవచం దివ్యం నానా రక్షాకరం పరం |
పురా పినాకినా ప్రోక్తం బ్రహ్మణోఽనంతశక్తయే || 1 ||
తదహం సంప్రవక్ష్యామి భద్రం తే శృణు నారద |
అస్తి గుహ్యం మహాపుణ్యం సర్వప్రాణి ప్రియంకరం || 2 ||
జపమాత్రేణ పాపఘ్నం సర్వకామఫలప్రదం |
మంత్రప్రాణమిదం జ్ఞేయం సర్వవిద్యాదికారకం || 3 ||
స్కందస్య కవచం దివ్యం పఠనాద్వ్యాధినాశనం |
పిశాచ ఘోరభూతానాం స్మరణాదేవ శాంతిదం || 4 ||
పఠితం స్కందకవచం శ్రద్ధయానన్యచేతసా |
తేషాం దారిద్ర్యదురితం న కదాచిద్భవిష్యతి || 5 ||
భూయః సాంరాజ్యసంసిద్ధిరంతే కైవల్యమక్షయం |
దీర్ఘాయుష్యం భవేత్తస్య స్కందే భక్తిశ్చ జాయతే || 6 ||
అథ కవచం |
శిఖాం రక్షేత్కుమారస్తు కార్తికేయః శిరోఽవతు |
లలాటం పార్వతీసూనుః విశాఖో భ్రూయుగం మమ || 7 ||
లోచనే క్రౌంచభేదీ చ నాసికాం శిఖివాహనః |
కర్ణద్వయం శక్తిధరః కర్ణమూలం షడాననః || 8 ||
గండయుగ్మం మహాసేనః కపోలౌ తారకాంతకః |
ఓష్ఠద్వయం చ సేనానీః రసనాం శిఖివాహనః || 9 ||
తాలూ కళానిధిః పాతు దంతాం దేవశిఖామణిః |
గాంగేయశ్చుబుకం పాతు ముఖం పాతు శరోద్భవః || 10 ||
హనూ హరసుతః పాతు కంఠం కారుణ్యవారిధిః |
స్కంధావుమాసుతః పాతు బాహులేయో భుజద్వయం || 11 ||
బాహూ భవేద్భవః పాతు స్తనౌ పాతు మహోరగః |
మధ్యం జగద్విభుః పాతు నాభిం ద్వాదశలోచనః || 12 ||
కటిం ద్విషడ్భుజః పాతు గుహ్యం గంగాసుతోఽవతు |
జఘనం జాహ్నవీసూనుః పృష్ఠభాగం పరంతపః || 13 ||
ఊరూ రక్షేదుమాపుత్రః జానుయుగ్మం జగద్ధరః |
జంఘే పాతు జగత్పూజ్యః గుల్ఫౌ పాతు మహాబలః || 14 ||
పాదౌ పాతు పరంజ్యోతిః సర్వాంగం కుక్కుటధ్వజః |
ఊర్ధ్వం పాతు మహోదారః అధస్తాత్పాతు శాంకరిః || 15 ||
పార్శ్వయోః పాతు శత్రుఘ్నః సర్వదా పాతు శాశ్వతః |
ప్రాతః పాతు పరం బ్రహ్మ మధ్యాహ్నే యుద్ధకౌశలః || 16 ||
అపరాహ్నే గుహః పాతు రాత్రౌ దైత్యాంతకోఽవతు |
త్రిసంధ్యం తు త్రికాలజ్ఞః అంతస్థం పాత్వరిందమః || 17 ||
బహిస్థితం పాతు ఖఢ్గీ నిషణ్ణం కృత్తికాసుతః |
వ్రజంతం ప్రథమాధీశః తిష్ఠంతం పాతు పాశభృత్ || 18 ||
శయనే పాతు మాం శూరః మార్గే మాం పాతు శూరజిత్ |
ఉగ్రారణ్యే వజ్రధరః సదా రక్షతు మాం వటుః || 19 ||
ఫలశృతిః |
సుబ్రహ్మణ్యస్య కవచం ధర్మకామార్థమోక్షదం |
మంత్రాణాం పరమం మంత్రం రహస్యం సర్వదేహినాం || 20 ||
సర్వరోగప్రశమనం సర్వవ్యాధివినాశనం |
సర్వపుణ్యప్రదం దివ్యం సుభగైశ్వర్యవర్ధనం || 21 ||
సర్వత్ర శుభదం నిత్యం యః పఠేద్వజ్రపంజరం |
సుబ్రహ్మణ్యః సుసంప్రీతో వాంఛితార్థాన్ ప్రయచ్ఛతి |
దేహాంతే ముక్తిమాప్నోతి స్కందవర్మానుభావతః || 22 ||
ఇతి స్కాందే అగస్త్యనారదసంవాదే సుబ్రహ్మణ్య కవచం |