శ్రీ నృసింహ స్తుతిః (శుక్రాచార్య కృతం)

శ్రీ నృసింహ స్తుతిః (శుక్రాచార్య కృతం)

శుక్ర ఉవాచ |
నమామి దేవం విశ్వేశం వామనం విష్ణురూపిణం |
బలిదర్పహరం శాంతం శాశ్వతం పురుషోత్తమం || 1 ||
ధీరం శూరం మహాదేవం శంఖచక్రగదాధరం |
విశుద్ధం జ్ఞానసంపన్నం నమామి హరిమచ్యుతం || 2 ||
సర్వశక్తిమయం దేవం సర్వగం సర్వభావనం |
అనాదిమజరం నిత్యం నమామి గరుడధ్వజం || 3 ||
సురాసురైర్భక్తిమద్భిః స్తుతో నారాయణః సదా |
పూజితం చ హృషీకేశం తం నమామి జగద్గురుం || 4 ||
హృది సంకల్ప్య యద్రూపం ధ్యాయంతి యతయః సదా |
జ్యోతీరూపమనౌపంయం నరసింహం నమాంయహం || 5 ||
న జానంతి పరం రూపం బ్రహ్మాద్యా దేవతాగణాః |
యస్యావతారరూపాణి సమర్చంతి నమామి తం || 6 ||
ఏతత్ సమస్తం యేనాదౌ సృష్టం దుష్టవధాత్పునః |
త్రాతం యత్ర జగల్లీనం తం నమామి జనార్దనం || 7 ||
భక్తైరభ్యర్చితో యస్తు నిత్యం భక్తప్రియో హి యః |
తం దేవమమలం దివ్యం ప్రణమామి జగత్పతిం || 8 ||
దుర్లభం చాపి భక్తానాం యః ప్రయచ్ఛతి తోషితః |
తం సర్వసాక్షిణం విష్ణుం ప్రణమామి సనాతనం || 9 ||
ఇతి శ్రీనరసింహపురాణే పంచపంచాశోఽధ్యాయే శుక్రాచార్య కృత శ్రీ నరసింహ స్తుతిః ||