శ్రీ దత్తాత్రేయ స్తోత్రం (విష్ణుదత్త కృతం)

శ్రీ దత్తాత్రేయ స్తోత్రం (విష్ణుదత్త కృతం)

దత్తాత్రేయం హరిం కృష్ణం ఉన్మాదం ప్రణతోఽస్ంయహం |
ఆనందదాయకం దేవం మునిబాలం దిగంబరం || 1 ||
పిశాచరూపిణం విష్ణుం వందేఽహం జ్ఞానసాగరం |
యోగినం భోగినం నగ్నం అనసూయాత్మజం కవిం || 2 ||
భోగమోక్షప్రదం వందే సర్వదేవస్వరూపిణం |
ఉరుక్రమం విశాలాక్షం పరమానందవిగ్రహం || 3 ||
వరదం దేవదేవేశం కార్తవీర్యవరప్రదం |
నానారూపధరం హృద్యం భక్తచింతామణిం గురుం || 4 ||
విశ్వవంద్యపదాంభోజం యోగిహృత్పద్మవాసినం |
ప్రణతార్తిహరం గూఢం కుత్సితాచారచేష్టితం || 5 ||
మితాచారం మితాహారం భక్ష్యాభక్ష్యవివర్జితం |
ప్రమాణం ప్రాణనిలయం సర్వాధారం నతోఽస్ంయహం || 6 ||
సిద్ధసాధకసంసేవ్యం కపిలం కృష్ణపింగళం |
విప్రవర్యం వేదవిదం వేదవేద్యం వియత్సమం || 7 ||
పరాశక్తి పదాశ్లిష్టం రాజరాజ్యప్రదం శివం |
శుభదం సుందరగ్రీవం సుశీలం శాంతవిగ్రహం || 8 ||
యోగినం రామయాస్పృష్టం రామారామం రమాప్రియం |
ప్రణతోఽస్మి మహాదేవం శరణం భక్తవత్సలం || 9 ||
వీరం వరేణ్యం వృషభం వృషాచారం వృషప్రియం |
అలిప్తమనఘం మేధ్యం అనాదిమగుణం పరం || 10 ||
అనేకమేకమీశానం అనంతమణికేతనం |
అధ్యక్షమసురారాతిం శమం శాంతం సనాతనం || 11 ||
గుహ్యం గభీరం గహనం గుణజ్ఞం గహ్వరప్రియం |
శ్రీదం శ్రీశం శ్రీనివాసం శ్రీవత్సాంకం పరాయణం || 12 ||
జపంతం జపతాం వంద్యం జయంతం విజయప్రదం |
జీవనం జగతస్సేతుం జనానాం జాతవేదసం || 13 ||
యజ్ఞమిజ్యం యజ్ఞభుజం యజ్ఞేశం యాజకాం యజుః |
యష్టారం ఫలదం వందే సాష్టాంగం పరయా ముదా || 14 ||
ఇతి విష్ణుదత్త కృత శ్రీ దత్తాత్రేయ స్తోత్రం |