శ్రీ దక్షిణామూర్త్యష్టకం –2 (వ్యాస కృతం)

శ్రీ దక్షిణామూర్త్యష్టకం –2 (వ్యాస కృతం)

శ్రీవ్యాస ఉవాచ |
శ్రీమద్గురో నిఖిలవేదశిరోనిగూఢ
బ్రహ్మాత్మబోధ సుఖసాంద్రతనో మహాత్మన్ |
శ్రీకాంతవాక్పతి ముఖాఖిలదేవసంఘ
స్వాత్మావబోధక పరేశ నమో నమస్తే || 1 ||
సాన్నిధ్యమాత్రముపలభ్యసమస్తమేత-
-దాభాతి యస్య జగదత్ర చరాచరం చ |
చిన్మాత్రతాం నిజ కరాంగుళి ముద్రయా యః
స్వస్యానిశం వదతి నాథ నమో నమస్తే || 2 ||
జీవేశ్వరాద్యఖిలమత్ర వికారజాతం
జాతం యతః స్థితమనంతసుఖే చ యస్మిన్ |
యేనోపసంహృతమఖండచిదేకశక్త్యా
స్వాభిన్నయైవ జగదీశ నమో నమస్తే || 3 ||
యః స్వాంశజీవసుఖదుఃఖఫలోపభోగ-
-హేతోర్వపూంషి వివిధాని చ భౌతికాని |
నిర్మాయ తత్ర విశతా కరణైః సహాంతే
జీవేన సాక్ష్యమత ఏవ నమో నమస్తే || 4 ||
హృత్పుండరీకగతచిన్మణిమాత్మరూపం
యస్మిన్ సమర్పయతి యోగబలేన విద్వాన్ |
యః పూర్ణబోధసుఖలక్షణ ఏకరూప
ఆకాశవద్విభురుమేశ నమో నమస్తే || 5 ||
యన్మాయయా హరిహర ద్రుహిణా బభూవుః
సృష్ట్యాదికారిణ ఇమే జగతామధీశాః |
యద్విద్యయైవ పరయాత్రహి వశ్యమాయా
స్థైర్యం గతా గురువరేశ నమో నమస్తే || 6 ||
స్త్రీపుంనపుంసకసమాహ్వయ లింగహీనో-
-ఽప్యాస్తేత్రిలింగక ఉమేశతయా య ఏవ |
సత్యప్రబోధ సుఖరూపతయా త్వరూప-
-వత్త్వే న చ త్రిజగదీశ నమో నమస్తే || 7 ||
జీవత్రయం భ్రమతి వై యదవిద్యయైవ
సంసారచక్ర ఇహ దుస్తర దుఃఖహేతౌ |
యద్విద్యయైవ నిజబోధరతం స్వవశ్యా
విద్యం చ తద్భవతి సాంబ నమో నమస్తే || 7 ||
ఇతి శ్రీవ్యాసకృత శ్రీ దక్షిణామూర్త్యష్టకం |