శ్రీ తారా ప్రత్యంగిరా కవచం

శ్రీ తారా ప్రత్యంగిరా కవచం

తారాయాః స్తంభినీ దేవీ మోహినీ క్షోభిణీ తథా |
జృంభిణీ భ్రామిణీ రౌద్రీ సంహారిణ్యపి తారిణీ || 1 ||
శక్తయోరష్టౌ క్రమాదేతా శత్రుపక్షే నియోజితాః |
ధారితా సాధకేంద్రేణ సర్వశత్రునివారిణీ || 2 ||
ఓం స్తంభినీ స్త్రీం స్త్రీం మమ శత్రూన్ స్తంభయ స్తంభయ || 3 ||
ఓం మోహినీ స్త్రీం స్త్రీం మమ శత్రూన్ మోహయ మోహయ || 4 ||
ఓం క్షోభిణీ స్త్రీం స్త్రీం మమ శత్రూన్ క్షోభయ క్షోభయ || 5 ||
ఓం జృంభిణీ స్త్రీం స్త్రీం మమ శత్రూన్ జృంభయ జృంభయ || 6 ||
ఓం భ్రామిణీ స్త్రీం స్త్రీం మమ శత్రూన్ భ్రామయ భ్రామయ || 7 ||
ఓం రౌద్రీ స్త్రీం స్త్రీం మమ శత్రూన్ సంతాపయ సంతాపయ || 8 ||
ఓం సంహారిణీ స్త్రీం స్త్రీం మమ శత్రూన్ సంహారయ సంహారయ || 9 ||
ఓం తారిణీ స్త్రీం స్త్రీం సర్వాపద్భ్యః సర్వభూతేభ్యః సర్వత్ర మాం రక్ష రక్ష స్వాహా || 10 ||
ఫలశ్రుతిః –
య ఇమాం ధారయేద్విద్యాం త్రిసంధ్యం వాఽపి యః పఠేత్ |
స దుఃఖం దూరతస్త్యక్త్వా హన్యాచ్ఛత్రూన్ న సంశయః || 11 ||
రణే రాజకులే దుర్గే మహాభయే విపత్తిషు |
విద్యా ప్రత్యంగిరా హ్యేషా సర్వతో రక్షయేన్నరం || 12 ||
అనయా విద్యయా రక్షాం కృత్వా యస్తు పఠేత్ సుధీ |
మంత్రాక్షరమపి ధ్యాయన్ చింతయేన్నీలసరస్వతీం || 13 ||
అచిరేనైవ తస్యాసన్ కరస్థా సర్వసిద్ధయః |
ఓం హ్రీం ఉగ్రతారాయై నీలసరస్వత్యై నమః || 14 ||
ఇదం కవచం ధీయానో నిత్యం (యో) ధారయేన్నరః |
న క్వాపి భయమాప్నోతి సర్వత్ర జయమాప్నుయాత్ || 15 ||
ఇతి శ్రీరుద్రయామలే శ్రీమదుగ్రతరా ప్రత్యంగిరా కవచం |