శ్రీ మనసా దేవీ ద్వాదశనామ స్తోత్రం (నాగభయ నివారణ స్తోత్రం)

శ్రీ మనసా దేవీ ద్వాదశనామ స్తోత్రం (నాగభయ నివారణ స్తోత్రం)

జరత్కారుర్జగద్గౌరీ మనసా సిద్ధయోగినీ |
వైష్ణవీ నాగభగినీ శైవీ నాగేశ్వరీ తథా || 1 ||
జరత్కారుప్రియాఽఽస్తీకమాతా విషహరీతీ చ |
మహాజ్ఞానయుతా చైవ సా దేవీ విశ్వపూజితా || 2 ||
ద్వాదశైతాని నామాని పూజాకాలే చ యః పఠేత్ |
తస్య నాగభయం నాస్తి తస్య వంశోద్భవస్య చ || 3 ||
నాగభీతే చ శయనే నాగగ్రస్తే చ మందిరే |
నాగక్షతే నాగదుర్గే నాగవేష్టితవిగ్రహే || 4 ||
ఇదం స్తోత్రం పఠిత్వా తు ముచ్యతే నాత్ర సంశయః |
నిత్యం పఠేద్యస్తం దృష్ట్వా నాగవర్గః పలాయతే || 5 ||
దశలక్షజపేనైవ స్తోత్రసిద్ధిర్భవేన్నృణాం |
స్తోత్రం సిద్ధిం భవేద్యస్య స విషం భోక్తుమీశ్వరః || 6 ||
నాగౌఘం భూషణం కృత్వా స భవేన్నాగవాహనః |
నాగాసనో నాగతల్పో మహాసిద్ధో భవేన్నరః || 7 ||
ఇతి శ్రీబ్రహ్మవైవర్తమహాపురాణే ప్రకృతిఖండే పంచచత్వారింశోఽధ్యాయే శ్రీ మనసాదేవీ ద్వాదశనామ స్తోత్రం ||