అన్నమయ్య కీర్తన సర్వాంతరాత్ముడవు

రాగం: కానడ
ఆ: స రి2 గ2 మ1 ద ని2 స
అవ: స ని2 ప మ1 గ2 మ1 రి2 స

రాగం: లలితా
ఆ: స రి1 గ3 మ1 ద1 ని3 స
అవ: స ని3 ద1 మ1 గ3 రి1 స

తాళం: ట్/ఆది
పల్లవి
సర్వాంతరాత్ముడవు శరణాగతుడ నేను ।
సర్వాంతరాత్ముడవు శరణాగతుడ నేను । (2.5)

చరణం 1
వూరకున్నజీవునికి వొక్కొక్క స్వతంత్రమిచ్చి ।
కోరేటియపరాధాలు కొన్ని వేసి । (2)
నేరకుంటే నరకము నేరిచితే స్వర్గమంటూ ।
దూరువేసేవింతేకాక దోషమెవ్వరిదయ్యా ॥ (2)

సర్వాంతరాత్ముడవు శరణాగతుడ నేను ।
సర్వాపరాధినైతి చాలుజాలునయ్యా ॥

చరణం 2
మనసు చూడవలసి మాయలు నీవే కప్పి ।
జనులకు విషయాలు చవులుచూపి । (2)
కనుగొంటే మోక్షమిచ్చి కానకుంటె కర్మమిచ్చి ।
ఘనము సేసేవిందు కర్తలెవ్వరయ్యా ॥ (2)

సర్వాంతరాత్ముడవు శరణాగతుడ నేను ।
సర్వాపరాధినైతి చాలుజాలునయ్యా ॥

చరణం 3
వున్నారు ప్రాణులెల్లా నొక్కనీగర్భములోనే ।
కన్నకన్న భ్రమతలే కల్పించి । (2)
యిన్నిటా శ్రీవేంకటేశ యేలితివి మమ్ము నిట్టె ।
నిన్ను నన్ను నెంచుకుంటే నీకే తెలియునయ్యా ॥ (2)

సర్వాంతరాత్ముడవు శరణాగతుడ నేను ।
సర్వాపరాధినైతి చాలుజాలునయ్యా ॥ (2)