అన్నమయ్య కీర్తన నల్లని మేని

Stotra Lyrics

రాగం: పూర్వి కల్యాణి
(53 గమనశ్రమ జన్య)
ఆ: స రి1 గ3 మ2 ప ద2 ప స
అవ: స ని3 ద2 ప మ2 గ3 రి1 స
తాళం: ఆది

పల్లవి
నల్లని మేని నగవు చూపుల వాడు ।
తెల్లని కన్నుల దేవుడు ॥ (2.5)

చరణం 1
బిరుసైన దనుజుల పింఛమణచినట్టి ।
తిరుపు కైదువ తోడి దేవుడు । (2)
సరిపడ్డ జగమెల్ల చక్క ఛాయకు దెచ్చి । (2+1)
తెరవు చూపినట్టి దేవుడు ॥ (1+1)
నల్లని మేని నగవు చూపుల వాడు..(ప..)

చరణం 2
నీటగలసినట్టి నిండిన చదువులు ।
తేట పరచినట్టి దేవుడు । (2)
పాటిమాలినట్టి ప్రాణుల దురితపు । (2+1)
తీట రాసినట్టి దేవుడు ॥ (1+1)
నల్లని మేని నగవు చూపుల వాడు..(ప..)

చరణం 3
గురుతువెట్టగరాని గుణముల నెలకొన్న ।
తిరువేంకటాద్రిపై దేవుడు । (2)
తిరముగ ధృవునికి దివ్యపదంబిచ్చి । (2+1)
తెరచి రాజన్నట్టి దేవుడు ॥ (1+1)
నల్లని మేని నగవు చూపుల వాడు ।
తెల్లని కన్నుల దేవుడు ॥ (1.5)