శ్రీ వారాహీ స్వరూప ధ్యాన శ్లోకాః

శ్రీ వారాహీ స్వరూప ధ్యాన శ్లోకాః

1. వార్తాలీ –
రక్తాంభోరుహకర్ణికోపరిగతే శావాసనే సంస్థితాం
ముండస్రక్పరిరాజమానహృదయాం నీలాశ్మసద్రోచిషం |
హస్తాబ్జైర్ముసలంహలాఽభయవరాన్ సంబిభ్రతీం సత్కుచాం
వార్తాలీమరుణాంబరాం త్రినయనాం వందే వరాహాననాం ||
వార్తాలీ వారాహీ దేవ్యై నమః |
2. అశ్వారూఢా –
రక్తామశ్వాధిరూఢాం శశిధరశకలాబద్ధమౌలిం త్రినేత్రాం
పాశేనాబధ్య సాధ్యాం స్మరశరవివశాం దక్షిణేనానయంతీం |
హస్తేనాన్యేన వేత్రం వరకనకమయం ధారయంతీం మనోజ్ఞాం
దేవీం ధ్యాయేదజస్రం కుచభరనమితాం దివ్యహారాభిరామాం ||
అశ్వారూఢా వారాహీ దేవ్యై నమః |
3. ధూంర వారాహీ –
వారాహీ ధూంరవర్ణా చ భక్షయంతీ రిపూన్ సదా |
పశురూపాన్ మునిసురైర్వందితాం ధూంరరూపిణీం ||
ధూంర వారాహీ దేవ్యై నమః |
4. అస్త్ర వారాహీ –
నమస్తే అస్త్రవారాహి వైరిప్రాణాపహారిణి |
గోకంఠమివ శార్దూలో గజకంఠం యథా హరిః ||
శత్రురూపపశూన్ హత్వా ఆశు మాంసం చ భక్షయ |
వారాహి త్వాం సదా వందే వంద్యే చాస్త్రస్వరూపిణీ ||
అస్త్ర వారాహీ దేవ్యై నమః |
5. సుముఖీ వారాహీ –
గుంజానిర్మితహారభూషితకుచాం సద్యౌవనోల్లాసినీం
హస్తాభ్యాం నృకపాలఖడ్గలతికే రంయే ముదా బిభ్రతీం |
రక్తాలంకృతివస్త్రలేపనలసద్దేహప్రభాం ధ్యాయతాం
నౄణాం శ్రీసుముఖీం శవాసనగతాం స్యుః సర్వదా సంపదః ||
సుముఖీ వారాహీ దేవ్యై నమః |
6. నిగ్రహ వారాహీ –
విద్యుద్రోచిర్హస్తపద్మైర్దధానా
పాశం శక్తిం ముద్గరం చాంకుశం చ |
నేత్రోద్భూతైర్వీతిహోత్రైస్త్రినేత్రా
వారాహీ నః శత్రువర్గం క్షిణోతు ||
నిగ్రహ వారాహీ దేవ్యై నమః |
7. స్వప్న వారాహీ –
మేఘశ్యామరుచిం మనోహరకుచాం నేత్రత్రయోద్భాసితాం
కోలాస్యాం శశిశేఖరామచలయా దంష్ట్రాతలే శోభినీం |
బిభ్రాణాం స్వకరాంబుజైరసిలతాం చర్మాసి పాశం సృణిం
వారాహీమనుచింతయేద్ధయవరారూఢాం శుభాలంకృతిం ||
స్వప్న వారాహీ దేవ్యై నమః |
8. వశ్య వారాహీ –
తారే తారిణి దేవి విశ్వజననీ ప్రౌఢప్రతాపాన్వితే
తారే దిక్షు విపక్షపక్షదలిని వాచాచలా వారుణీ |
లక్ష్మీకారిణీ కీర్తిధారిణి మహాసౌభాగ్యసంధాయిని
రూపం దేహి యశశ్చ సతతం వశ్యం జగత్యావృతం ||
వశ్య వారాహీ దేవ్యై నమః |
9. కిరాత వారాహీ –
ఘోణీ ఘర్ఘర నిస్వనాంచితముఖాం కౌటిల్య చింతాం పరాం
ఉగ్రాం కాలిమకాలమేఘపటలచ్ఛన్నోరు తేజస్వినీం |
క్రూరాం దీర్ఘవినీల రోమపటలామశ్రూయతామీశ్వరీం
ధ్యాయేత్క్రోడముఖీం త్రిలోకజననీముగ్రాసి దండాన్వితా ||
కిరాత వారాహీ దేవ్యై నమః |
10. లఘు వారాహీ –
మహార్ణవే నిపతితాం ఉద్ధరంతీం వసుంధరాం |
మహాదంష్ట్రాం మహాకాయాం నమాంయున్మత్తభైరవీం ||
ముసలాసిలసద్ఘంటాహలోద్యత్కర పంకజాం |
గదావరదసంయుక్తాం వారాహీం నీరదప్రభాం ||
లఘు వారాహీ దేవతాయై నమః |
11. బృహద్వారాహీ –
రక్తాంబుజే ప్రేతవరాసనస్థామర్థోరుకామార్భటికాసనస్థాం |
దంష్ట్రోల్లసత్పోత్రిముఖారవిందాం కోటీరసంచ్ఛిన్న హిమాంశురేఖాం |
హలం కపాలం దధతీం కరాభ్యాం వామేతరాభ్యాం ముసలేష్టదౌ చ |
రక్తాంబరాం రక్తపటోత్తరీయాం ప్రవాలకర్ణాభరణాం త్రినేత్రాం |
శ్యామాం సమస్తాభరణం సృగాఢ్యాం వారాహి సంజ్ఞాం ప్రణమామి నిత్యం ||
బృహద్వారాహీ దేవతాయై నమః |
12. మహావారాహీ –
ప్రత్యగ్రారుణసంకాశపద్మాంతర్గర్భసంస్థితాం |
ఇంద్రనీలమహాతేజః ప్రకాశాం విశ్వమాతరం ||
కదంబముండమాలాఢ్యాం నవరత్నవిభూషితాం |
అనర్ఘ్యరత్నఘటితముకుటశ్రీవిరాజితాం ||
కౌశేయార్ధోరుకాం చారుప్రవాలమణిభూషణాం |
దండేన ముసలేనాపి వరదేనాఽభయేన చ ||
విరాజితచతుర్బాహుం కపిలాక్షీం సుమధ్యమాం |
నితంబినీముత్పలాభాం కఠోరఘనసత్కుచాం ||
మహావారాహీ దేవతాయై నమః |