శ్రీ కేతు కవచం

శ్రీ కేతు కవచం

అస్య శ్రీ కేతుకవచస్తోత్రస్య త్ర్యంబక ఋషిః, అనుష్టుప్ ఛందః, కేతుర్దేవతా, కం బీజం, నమః శక్తిః, కేతురితి కీలకం, కేతు ప్రీత్యర్థే జపే వినియోగః |
ధ్యానం –
ధూంరవర్ణం ధ్వజాకారం ద్విభుజం వరదాంగదం
చిత్రాంబరధరం కేతుం చిత్రగంధానులేపనం |
వైడూర్యాభరణం చైవ వైడూర్య మకుటం ఫణిం
చిత్రం కఫాధికరసం మేరుం చైవాప్రదక్షిణం ||
కేతుం కరాళవదనం చిత్రవర్ణం కిరీటినం |
ప్రణమామి సదా దేవం ధ్వజాకారం గ్రహేశ్వరం || 1 ||
అథ కవచం –
చిత్రవర్ణః శిరః పాతు ఫాలం ధూంరసమద్యుతిః |
పాతు నేత్రే పింగళాక్షః శ్రుతీ మే రక్తలోచనః || 2 ||
ఘ్రాణం పాతు సువర్ణాభశ్చిబుకం సింహికాసుతః |
పాతు కంఠం చ మే కేతుః స్కంధౌ పాతు గ్రహాధిపః || 3 ||
హస్తౌ పాతు సురశ్రేష్ఠః కుక్షిం పాతు మహోగ్రహః |
సింహాసనః కటిం పాతు మధ్యం పాతు మహాసురః || 4 ||
ఊరూ పాతు మహాశీర్షో జానునీ మేఽతికోపనః |
పాతు పాదౌ చ మే క్రూరః సర్వాంగం నరపింగళః || 5 || [రవిమర్దకః] య ఇదం కవచం దివ్యం సర్వరోగవినాశనం |
సర్వశత్రువినాశం చ ధారణాద్విజయీ భవేత్ || 6 ||
ఇతి శ్రీబ్రహ్మాండపురాణే శ్రీ కేతు కవచం |