శ్రీ చంద్ర అష్టావింశతి నామ స్తోత్రం

Stotra Lyrics

చంద్రస్య శృణు నామాని శుభదాని మహీపతే |
యాని శృత్వా నరో దుఃఖాన్ముచ్యతే నాత్ర సంశయః || 1 ||
సుధాకరో విధుః సోమో గ్లౌరబ్జః కుముదప్రియః |
లోకప్రియః శుభ్రభానుశ్చంద్రమా రోహిణీపతిః || 2 ||
శశీ హిమకరో రాజా ద్విజరాజో నిశాకరః |
ఆత్రేయ ఇందుః శీతాంశురోషధీశః కళానిధిః || 3 ||
జైవాతృకో రమాభ్రాతా క్షీరోదార్ణవసంభవః |
నక్షత్రనాయకః శంభుశ్శిరశ్చూడామణిర్విభుః || 4 ||
తాపహర్తా నభోదీపో నామాన్యేతాని యః పఠేత్ |
ప్రత్యహం భక్తిసంయుక్తస్తస్య పీడా వినశ్యతి || 5 ||
తద్దినే చ పఠేద్యస్తు లభేత్సర్వం సమీహితం |
గ్రహాదీనాం చ సర్వేషాం భవేచ్చంద్రబలం సదా || 6 ||
ఇతి శ్రీ చంద్ర అష్టావింశతినామ స్తోత్రం ||