శ్రీ సీతా రామ స్తోత్రం

శ్రీ సీతా రామ స్తోత్రం

అయోధ్యాపురనేతారం మిథిలాపురనాయికాం |
రాఘవాణామలంకారం వైదేహానామలంక్రియాం || 1 ||
రఘూణాం కులదీపం చ నిమీనాం కులదీపికాం |
సూర్యవంశసముద్భూతం సోమవంశసముద్భవాం || 2 ||
పుత్రం దశరథస్యాద్యం పుత్రీం జనకభూపతేః |
వసిష్ఠానుమతాచారం శతానందమతానుగాం || 3 ||
కౌసల్యాగర్భసంభూతం వేదిగర్భోదితాం స్వయం |
పుండరీకవిశాలాక్షం స్ఫురదిందీవరేక్షణాం || 4 ||
చంద్రకాంతాననాంభోజం చంద్రబింబోపమాననాం |
మత్తమాతంగగమనం మత్తహంసవధూగతాం || 5 ||
చందనార్ద్రభుజామధ్యం కుంకుమార్ద్రకుచస్థలీం |
చాపాలంకృతహస్తాబ్జం పద్మాలంకృతపాణికాం || 6 ||
శరణాగతగోప్తారం ప్రణిపాదప్రసాదికాం |
కాలమేఘనిభం రామం కార్తస్వరసమప్రభాం || 7 ||
దివ్యసింహాసనాసీనం దివ్యస్రగ్వస్త్రభూషణాం |
అనుక్షణం కటాక్షాభ్యాం అన్యోన్యేక్షణకాంక్షిణౌ || 8 ||
అన్యోన్యసదృశాకారౌ త్రైలోక్యగృహదంపతీ |
ఇమౌ యువాం ప్రణంయాహం భజాంయద్య కృతార్థతాం || 9 ||
అనేన స్తౌతి యః స్తుత్యం రామం సీతాం చ భక్తితః |
తస్య తౌ తనుతాం పుణ్యాః సంపదః సకలార్థదాః || 10 ||
ఏవం శ్రీరామచంద్రస్య జానక్యాశ్చ విశేషతః |
కృతం హనుమతా పుణ్యం స్తోత్రం సద్యో విముక్తిదం |
యః పఠేత్ప్రాతరుత్థాయ సర్వాన్ కామానవాప్నుయాత్ || 11 ||