అన్నమయ్య కీర్తన జగడపు చనువుల

Stotra Lyrics

జగడపు చనువుల జాజర
సగినల మంచపు జాజర ॥

మొల్లలు తురుముల ముడిచిన బరువున
మొల్లపు సరసపు మురిపెమున ।
జల్లన పుప్పొడి జారగ పతిపై చల్లే పతిపై
చల్లే రతివలు జాజర ॥

భారపు కుచముల పైపై కడు సిం-
గారము నెరపేటి గంధవొడి ।
చేరువ పతిపై చిందగ పడతులు
సారెకు చల్లేరు జాజర ॥

బింకపు కూటమి పెనగేటి చెమటల
పంకపు పూతల పరిమళము ।
వేంకటపతిపై వెలదులు నించేరు
సంకుమ దంబుల జాజర ॥