గోమతీమహిమా

గోమతీమహిమా

మాతర్గోమతి ! తావకీనపయసాం పూరేషు మజ్జంతి యే

       తేఽన్తే దివ్యవిభూతిసూతిసుభగస్వర్లోకసీమాంతరే .

వాతాందోలితసిద్ధసింధులహరీసంపర్కసాంద్రీభవన్

       మందారద్రుమపుష్పగంధమధురం ప్రాసాదమధ్యాసతే .. 1..

ఆస్తాం కాలకరాలకల్మషభయాద్ భీతేవ కాశర్య గతా

       మధ్యేపాత్రముదూఢసైకతభరాకీర్ణాఽవశీర్ణామృతా .

గంగా వా యమునా నితాంతవిషమాం కాష్ఠాం సమాలంభితా-

       మాతస్త్వం తు సమాకృతిః ఖలు యథాపూర్వం వరీవర్తసే .. 2..

యా వ్యాలోలతరంగబాహు వికసన్ముగ్ధార విందేక్షణం

       భౌ జంగీం గతిమాతనోతి పరితః సాధ్వీ పరా రాజతే .

పీయూషాదపి మాధురీమధికయంత్యారాదుదారాశయా

       సాఽస్మత్పాతకసాతనాయ భవతాత్స్రోతస్వతీ గోమతీ .. 3..

కుంభాకారమురీకరోషి కుహచిత్క్వాప్యర్ధచాంద్రాకృతిం

       ధత్సే భూతలమానయష్టిఘటనామాలంబసే కుత్రచిత్ .

అంతః క్వాపి తడాగవర్తనతయా సిద్ధాశ్రమం సూయసే

       మాతర్గోమతి ! యాత భంగివిధయా నానాకృతిర్జాయసే .. 4..

రోధోభంగినివేశనేన కుహచిద్వాపీయసే పీయసే

       క్వాప్యుత్తాలతటాధరాంబుకలయా కూపాయసే పూయసే .

మాతస్తీర సమత్వతః క్వాచిదపాం గతార్యసే త్రాయసే

       కుత్రాపి ప్రతనుస్పదేన సరితో నాలీయసే గీయసే .. 5..

తానాసన్నతరానపి క్షితిరుహో యాః పాతయంతి క్షణా-

       త్తాస్వర్థో ఘుణకీర్ణవర్ణఘటనన్యాయేన సంగచ్ఛతాం .

గోమంతాచలదారికే ! తవ తటే తూద్యల్లతాపాదపే

       సద్యో నిర్వృతిమేతి భక్తజనతా తామైహికాముష్మికీం .. 6..

ఏతత్తాపనతాపతప్తముదకం మాభూదితీవాంతికే

        మాద్యత్పల్లవతల్లజద్రుమతతీ యత్రాతపత్రాయతే .

మాతః ! శారదచంద్రమండలగలత్పీయూషపూరాయితే

       శయ్యోత్థాయమజస్రమాహ్నికకృతే త్వాం బాఢమభ్యర్థయే .. 7..

ఏకం చక్రమవాప్య తత్రాభవతో దాక్షాయణీవల్లభా-

       ద్దేవో దైత్యవినాశకస్త్రిభువనే స్వాస్థ్యం సమారోపయత్ .

తచ్చక్రం త్వయి భాసతేఽపి బహుధా నిశ్చక్రమ్మహోపహా

       యత్త్వం దీవ్యసి తత్తవైష మహిమా చిత్రాయతే త్రాయిని ! .. 8..

యే గోమతీస్తుతిమిమాం మధురాం ప్రభాతే

       సంకీర్తయేయురురుభక్తిరసాధిరూఢాః .

తేషాం కృతే సపది సా శరదిందుకాంతి-

       కీర్తిప్రరోహవిభవాన్ విదధాతి తుష్టా .. 9..

ఇతి శ్రీదుర్గాప్రసాదద్వివేదీవిరచితా గోమతీ-మహిమా సమాప్తా ..