గోసావిత్రీస్తోత్రం

గోసావిత్రీస్తోత్రం

నారాయణం నమస్కృత్య దేవీం త్రిభువనేశ్వరీం .

గోసావిత్రీం ప్రవక్ష్యామి వ్యాసేనోక్తం సనాతనీం .. 1..

యస్య శ్రవణమాత్రేణ సర్వపాపైః ప్రముచ్యతే .

గవాం నిఃశ్వసితం వేదాః సషడంగపదక్రమాః .. 2..

శీక్షా వ్యాకరణం ఛందో నిరుక్తం జ్యోతిషం తథా .

ఏతాసామగ్రశృంగేషు ఇంద్రవిష్ణూ స్వయంస్థితౌ .. 3..

శిరో బ్రహ్మా గురుః స్కంధే లలాటే వృషభధ్వజః .

కర్ణయోరశ్వినౌ దేవౌ చక్షుషోః శశిభాస్కరౌ .. 4..

దంష్ట్రేషు మరుతో దేవా జిహ్వాయాం చ సరస్వతీ .

కంఠే చ వరుణో దేవో హృదయే హవ్యవాహనః .. 5..

ఉదరే పృథివీ దేవీ సశైలవనకాననా .

కకుది ద్యౌః సనక్షత్రా పృష్ఠే వైవస్వతో యమః .. 6..

ఊర్వోస్తు వసవో దేవా వాయుర్జంగే సమాశ్రితః .

ఆదిత్యస్త్వాశ్రితో వాలే సాధ్యాః సర్వాంగసంధిషు .. 7..

అపానే సర్వతీర్థాని గోమూత్రే జాహ్నవీ స్వయం .

ధృతిః పుష్టిర్మహాలక్ష్మీర్గోమయే సంస్థితాః సదా .. 8..

నాసికాయాం చ శ్రీదేవీ జ్యేష్ఠా వసతి భామినీ .

చత్వారః సాగరాః పూర్ణా గవాం హ్యేవ పయోధరే .. 9..

ఖురమధ్యేషు గంధర్వాః ఖురాగ్రే పన్నగాః శ్రితాః .

ఖురాణాం పశ్చిమే భాగే హ్యప్సరాణాం గణాః స్మృతాః .. 10..

శ్రోణీతస్తేషు పితరో రోమలాంగూలమాశ్రితాః .

ఋషయో రోమకూపేషు చర్మణ్యేవ ప్రజాపతిః .. 11..

హుంకారే చతురో వేదా హుంశబ్దే చ ప్రజాపతిః .

ఏవం విష్ణుమయం గాత్రం తాసాం గోప్తా స కేశవః .. 12..

గవాం దృష్ట్వా నమస్కృత్య కృత్వా చైవ ప్రదక్షిణం .

ప్రదక్షిణీకృతా తేన సప్తద్వీపా వసుంధరా .. 13..

కామదోగ్ధ్రీ స్వయం కామదోగ్ధా సన్నిహితా మతా .

గోగ్రాసస్య విశేషోఽస్తి హస్తసంపూర్ణమాత్రతః .. 14..

శతబ్రాహ్మణభుక్తేన సమమాహుర్యుధిష్ఠిర .

య ఇదం పఠతే నిత్యం శృణుయాద్వా సమాహితః .. 15..

బ్రాహ్మణో లభతే విద్యాం క్షత్రియో రాజ్యమశ్నుతే .

వైశ్యో ధనసమృద్ధః స్యాచ్చూద్రః పాపాత్ ప్రముచ్యతే .. 16..

గర్భీణీ జనయేత్ పుత్రం కన్యా భర్తారమాప్నుయాత్ .

సాయం ప్రాతస్తు పఠతాం శాంతిస్వస్త్యయనం మహత్ .. 17..

అహోరాత్రకృతైః పాపైస్తత్క్షణాత్ పరిముచ్యతే .

ఫలం తు గోసహస్రస్యేత్యుక్తం హి బ్రహ్మణా పురా .. 18..

గావో మే హ్యగ్రతః సంతు గావో మే సంతు పృష్ఠతః .

గావో మే హృదయే సంతు గవాం మధ్యే వసామ్యహం .. 19..

సురభిర్వైష్ణవీ మాతా నిత్యం విష్ణుపదే స్థితా .

గోగ్రాసం తు మయా దత్తం సురభిః ప్రతిగృహ్యతాం .. 20..

గావో మే మాతరః సర్వాః సర్వే మే పితరో వృషాః .

గ్రాసముష్టిం మయా దత్తం సురభిః ప్రతిగృహ్యతాం .. 21..

ఫలానాం గోసహస్రస్య ప్రదద్యాద్బ్రాహ్మణోత్తమే .

సర్వతీర్థాధికం పుణ్యమిత్యుక్తం బ్రహ్మణా పురా .. 22..

.. ఇతి గోసావిత్రీస్తోత్రం ..

The stotra is extended version of portion in

Ashvamedhikaparva adhyAya 106, verses 46-59

and is conversation between Shrikrishna and Yudhishthira.

(Kumbhakonam edition)

భగవానువాచ. 14-106-44

ఇత్యుక్త్వాఽస్యై వరం దత్త్వా ప్రయయుస్తే యథాగతం .

లోకనిస్తరణార్థాయ సా చ లోకాంశ్చచార హ .. 14-106-44

తస్యామేవ సముద్భూతా హ్యేతాశ్చ కపిలా నవ .

విచరంతి మహీమేనాం లోకానుగ్రహకారణాత్ .

తస్మాత్తు కపిలా దేయా పరత్ర హితమిచ్ఛతా ..  14-106-45

యదా చ దీయతే రాజన్కపిలా హ్యగ్నిహోత్రిణే .

తదా చ శృంగయోస్తస్యా విష్ణురింద్రశ్చ తిష్ఠతి .. 14-106-46

చంద్రవజ్రధరౌ చాపి తిష్ఠతః శృంగమూలయోః .

శృంగమధ్యే తథా బ్రహ్మా లలాటే గోవృషధ్వజః .. 14-106-47

కర్ణయోరశ్వినౌ దేవౌ చక్షుషీ శశిభాస్కరౌ .

దంతేషు మరుతో దేవా జిహ్వాయాం వాక్సరలస్వతీ .. 14-106-48

రోమకూపేషు మునయశ్చర్మణ్యేవ ప్రజాపతిః .

నిశ్శ్వాసేషు స్థితా వేదాః సషడంగపదక్రమాః .. 14-106-49

నాసాపుటే స్థితా గంధాః పుష్పాణి సురభీణి చ .

అధరే వసవః సర్వే ముఖే చాగ్నిః ప్రతిష్ఠితః .. 14-106-50

సాధ్యా దేవాః స్థితాః కక్షే గ్రీవాయాం పార్వతీ స్థితా .

పృష్ఠే చ నక్షత్రగణాః కకుద్దేశే నభస్స్థలం .. 14-106-51

అపానే సర్వతీర్థాని గోమూత్రే జాహ్నవీ స్వయం .

ఇష్టతుష్టమయా లక్ష్మీర్గోమయే వసతీ తదా .. 14-106-52

నాసికాయాం సదా దేవీ జ్యేష్ఠా వసతి భామినీ .

శ్రోణీతటస్థాః పితరో రమా లాంగూలమాశ్రితా .. 14-106-53

పార్శ్వయోరుభయోః సర్వే విశ్వేదేవాః ప్రతిష్ఠితాః .

తిష్ఠత్యురసి తాసాం తు ప్రీతః శక్తిధరో గుహః .. 14-106-54

జానజంఘోరుదేశేషు పంచ తిష్ఠంతి వాయవః .

ఖురమధ్యేషు గంధర్వాః ఖురాగ్రేషు చ పన్నగాః .. 14-106-55

చత్వారః సాగరాః పూర్ణాస్తస్యా ఏవ పయోధరాః .

రతిర్మేధా క్షమా స్వాహా శ్రద్ధా శాంతిర్ధృతిః స్మృతిః.  14-106-56

కీర్తిర్దీప్తిః క్రియా కాంతిస్తుష్టిః పుష్టిస్చ సంతతిః .

దిశశ్చ ప్రదిశశ్చైవ సేవంతే కపిలాం సదా .. 14-106-57

దేవా పితృగణాశ్చాపి గంధర్వాప్సరసాం గణాః .

లోకా ద్వీపార్ణవాశ్చైవ గంగాద్యాః సరితస్తథా .. 14-106-58

దేవాః పితృగణాశ్చాపి వేదాః సాంగాః సహాధ్వరైః .

వేదోక్తైర్వివిధైర్మంత్రైః స్తువంతి హృషితాస్తథా .. 14-106-59

విద్యాధరాశ్చ యే సిద్ధా భూతాస్తారాగణాస్తథా .

పుష్పవృష్టిం చ వర్షంతి ప్రనృత్యంతి చ హర్షితాః .. 14-106-60

బ్రహ్మణోత్పాదితా దేవీ వహ్నికుండాన్మహాప్రభా .

నమస్తే కపిలే పుణ్యే సర్వదేవైర్నమస్కృతే .. 14-106-61

కపిలేఽథ మహాసత్వే సర్వతీర్థమయే శుభే .

దాతారం స్వజనోపేతం బ్రహ్మలోకం నయ స్వయం .. 14-106-62

అహో రత్నమిదం పుణ్యం సర్వదుఃఖఘ్నముత్తమం .

అహో ధర్మార్జితం శుద్ధమిదమగ్ర్యం మహాధనం .

ఇత్యాకాశస్థితస్తే తు సర్వదేవా జపంతి చ ..  14-106-63

తస్యాః ప్రతిగ్రహీతా చ భుంక్తే యావద్ద్విజోత్తమః .

తావద్దేవగణాః సర్వే కపిలామర్చయంతి చ .

స్వర్ణశృంగీం రూప్యఖురాం గంధైః పుష్పైః సుపూజితాం ..  14-106-64

వస్త్రాభ్యామహతాభ్యాం తు యావత్తిష్ఠత్యలంకృతా .

తావద్యదిచ్ఛేత్కపిలా మంత్రపూతా సుసంస్కృతా .

భూలోకవాసినః సర్వాన్బ్రహ్మలోకం నయేత్స్వయం ..  14-106-65

భూరశ్వః కనకం గావో రూప్యమశ్వం తిలా యవాః .

దీయమానాని విప్రాయ ప్రహృష్యంతి దినేదినే .. 14-106-66

అథ త్వశ్రోత్రియేభ్యో వై తాని దత్తాని పాండవ .

తథా నిందంత్యథాత్మానమశుభం కింను నః కృతం .. 14-106-67

అహో రక్షఃపిశాచైశ్చ లుప్యమానాః సమంతతః .

యాస్యామో నిరయం శీఘ్రమితి శోచంతి తాని వై .. 14-106-68

ఏతాన్యపి ద్విజేభ్యో వై శ్రోత్రియేభ్యో విశేషతః .

దీయమానాని వర్ధంతే దాతారం తారయంతి చ .. 14-106-69