గోస్తోత్రం

గోస్తోత్రం

క్షీరోదతోయసంభూతా యాః పురామృతమంథనే .

పంచగాదః శుభాః పార్థ పంచలోకస్యమాతరః .. 1..

నందా సుభద్రా సురభిః సుశీలా బహులా ఇతి .

ఏతా లోకోపకారాయ దేవానాం తర్పణాయ చ .. 2..

జమదగ్నిభరద్వాజవసిష్ఠాసితగౌతమః .

జగృహుః కామదాః పంచ గావో దత్తాః సురైస్తతః .. 3..

గోమయం రోచనా మూత్రం క్షీరం దధి ఘృతం గవాం .

షడంగాని పవిత్రాణి సంశుద్ధికరణాని చ .. 4..

గోమయాదుత్థితః శ్రీమాన్ బిల్వవృక్షః శివప్రియః .

తత్రాస్తే పద్మహస్తా శ్రీః శ్రీవృక్షస్తేన స స్మృతః .. 5..

బీజాన్యుత్పలపద్మానాం పునర్జాతాని గోమయాత్ .

గోరోచనా చ మాంగల్యా పవిత్రా సర్వసాధికా .. 6..

గోమూత్రాద్ గుగ్గులుర్జాతః సుగంధిః ప్రియదర్శనః .

ఆహారః సర్వదేవానాం శివస్య చ విశేషతః .. 7..

యద్బీజం జగతః కించిత్ తజ్జ్ఞేయం క్షీరసంభవం .

దధిజాతాని సర్వాణి మంగలాన్యర్థసిద్ధయే .. 8..

ఘృతాదమృతముత్పన్నం దేవానాం తృప్తికారణం .

బ్రాహ్మణశ్చైవ గావశ్చ కులమేకం ద్విధా కృతం .. 9..

ఏకత్ర మంత్రాస్తిష్ఠంతి హవిరన్యత్ర తిష్ఠతి .

గోషు యజ్ఞాః ప్రవర్తంతే గోషు దేవాః ప్రతిష్ఠితాః .

గోషు వేదాః సముత్కీర్ణాః సషడంగపదక్రమాః .. 10..

ఇతి శ్రీ భవిష్యపురాణాంతర్గతం గోస్తోత్రం సమాప్తం ..

భవిష్యపురాణ . ఉత్తరపర్వ . అధ్యాయ 69/16-24..