అష్టమాతృకాస్తోత్రం

అష్టమాతృకాస్తోత్రం

ఓం నమః శ్రీవిఘ్నేశ్వరాష్టమాతృకాభ్యః .

విఘ్నేశ్వర మహావీర సిద్ధిరూపాయ వృద్ధయే .

విఘ్ననాశాయ దేవాయ గణేశాయ నమామ్యహం .. 1..

పూర్వే బ్రహ్మాణీ దేవీ హంసమారుహ్య సంస్థితా .

పీతవర్ణప్రభా దేవీ శ్రీబ్రహ్మాణి నమోఽస్తు తే .. 2..

దక్షిణే శ్రీవారాహీ మహిషాసనసంస్థితా .

రక్తవర్ణాఽఙ్కుశహస్తా శ్రీవారాహి నమోఽస్తు తే .. 3..

పశ్చిమే చేంద్రాణీ దేవీ గజమారుహ్య సంస్థితా .

కుంకుమాభా వజ్రహస్తా శ్రీఇంద్రాణి నమోఽస్తు తే .. 4..

ఉత్తరే మాహేశ్వరీ దేవీ వృషమారుహ్య సంస్థితా .

శ్వేతవర్ణప్రభా దేవీ మాహేశ్వరి నమోఽస్తు తే .. 5..

ఆగ్నేయే బాలకౌమారీ మయూరకాంతిపూరణీ .

రక్తవర్ణా శక్తిహస్తా శ్రీకౌమారి నమోఽస్తు తే .. 6..

నైరృత్యే వైష్ణవీ దేవీ శ్యామాభా గరుడాసనా .

శంఖచక్రధరా దేవీ నారాయణి నమోఽస్తు తే .. 7..

వాయవ్యే చాముండా దేవీ సింహమారుహ్య సంస్థితా .

కకారమూర్తిధారీ చ ఖడ్గహస్తాం నమామ్యహం .. 8..

ఈశానే చండికా దేవీ ధూమ్రవర్ణా ప్రజ్వాలినీ .

కర్తిముండధరా దేవీ మహాలక్ష్మి నమోఽస్తు తే .. 9..

అష్టపీఠస్థితా దేవీరష్టవృక్షనివాసినీః .

అష్టభైరవసంయుక్తా అష్టమాతృకా నమామ్యహం .. 10..

సూర్యః సోమో మహీపుత్రో బుధో దేవాసురగురూ .

శనిశ్చ రాహుః కేతుశ్చ యమాయ చ నమో నమః .. 11..

ఇతి శ్రీ అష్టమాతృకాస్తోత్రం సంపూర్ణం ..