జయదుర్గాస్తోత్రం

జయదుర్గాస్తోత్రం

వినియోగః -

ఓం అస్య శ్రీజయదుర్గా మహామంత్రస్య, మార్కండయో మునిః, బృహతీ

ఛందః, శ్రీజయదుర్గా దేవతా, ప్రణవో బీజం, స్వాహా శక్తిః .

శ్రీదుర్గా ప్రసాదసిద్ధ్యర్థే జపే వినియోగః .

హృదయాదిన్యాసః -

ఓం దుర్గే హృదయాయ నమః . ఓం దుర్గే శిరసి స్వాహా . ఓం దుర్గాయై శిఖాయై

వషట్ . ఓం భూతరక్షిణీ కవచాయ హుం . ఓం దుర్గే దుర్గే రక్షిణి నేత్రత్రయాయ

వౌషట . ఓం దుర్గే దుర్గే రక్షిణి . అస్త్రాయ ఫట్ .

ధ్యానం -

కాలాశ్చాభాం కటాక్షైరరికులభయదాం మౌలిబద్ధేందురేఖాం

     శంఖం చక్రం కృపాణం త్రిశిఖమపి కరైరుద్వహంతీం త్రినేత్రాం .

సింహస్కంధాధిరూఢాం త్రిభువనమఖిలం తేజసా పూరయంతీం

     ధ్యాయేద్ దుర్గా జయాఖ్యాం త్రిదశపరివృతాం సేవితాం సిద్ధికామైః ..

ప్రథమమంత్రః -

ఓం నమో దుర్గే-దుర్గే రక్షిణీ స్వాహా .

ద్వితీయమంత్రః -

ఓం క్రోం క్లీం శ్రీం హీం ఆం స్త్రీ హూం జయదుర్గే రక్ష-రక్ష స్వాహా .

బ్రహ్మో ఉవాచ -

దుర్గే శివేఽభయే మాయే నారాయణి సనాతని .

జయే మే మంగలం దేహి నమస్తే సర్వమంగలే .. 1..

దైత్యనాశార్థవచనో దకారః పరికీర్తితః .

ఉకారో విఘ్ననాశార్థవాచకో వేదసమ్మతః .. 2..

రేఫో రోగఘ్నవచనో గశ్చ పాపఘ్నవాచకః .

భయశత్రుఘ్నవచనశ్చాకారః పరికీర్తితః .. 3..

స్మృత్యుక్తిస్మరణాద్యస్యా ఏతే నశ్యంతి నిశ్చితం .

అతో దుర్గా హరేః శక్తిర్హరిణా పరికీర్తితా .. 4..

విపత్తివాచకో దుర్గశ్చాకారో నాశవాచకః .

దుర్గం నశ్యతి యా నిత్యం సా దుర్గా పరికీర్తితా .. 5..

దుర్గో దైత్యేంద్రవచనోఽప్యాకారో నాశవాచకః .

తం ననాశ పురా తేన బుధైర్దుర్గా ప్రకీర్తితా .. 6..

శశ్చ కల్యాణవచన ఇకారోత్కృష్టవాచకః .

సమూహవాచకశ్చైవ వాకారో దాతృవాచకః .. 7..

శ్రేయఃసంఘోత్కృష్టదాత్రీ శివా తేన ప్రకీర్తితా .

శివరాశిర్మూర్తిమతీ శివా తేన ప్రకీర్తితా .. 8..

శివో హి మోక్షవచనశ్చాకారో దాతృవాచకః .

స్వయం నిర్వాణదాత్రీ యా సా శివా పరికీర్తితా .. 9..

అభయో భయనాశోక్తశ్చాకారో దాతృవాచకః .

ప్రదదాత్యభయం సద్యః సాఽభయా పరికీర్తితా .. 10..

రాజశ్రీవచనో మాశ్చ యాశ్చ ప్రాపణవాచకః .

తాం ప్రాపయతి యా సద్యః సా మాయా పరికీర్తితా .. 11..

మాశ్చ మోక్షార్థవచనో యాశ్చ ప్రాపణవాచకః .

తం ప్రాపయతి యా నిత్యం సా మాయా పరికీర్తితా .. 12..

నారాయాణార్ధాంగభూతా తేన తుల్యా చ తేజసా .

తదా తస్య శరీరస్థా తేన నారాయణీ స్మృతా .. 13..

నిర్గుణస్య చ నిత్యస్య వాచకశ్చ సనాతనః .

సదా నిత్యా నిర్గుణా య కీర్తితా సా సనాతనీ .. 14..

జయః కల్యాణవచనో హ్యాకారో దాతృవాచకః .

జయం దదాతి యా నిత్యం సా జయా పరికీర్తితా .. 15..

సర్వమంగలశబ్దశ్చ సంపూర్ణైశ్వర్యవాచకః .

ఆకారో దాతృవచనస్తద్దాత్రీ సర్వమంగలా .. 16..

నామాష్టకమిదం సారం నామార్థసహసంయుతం .

నారాయణేన యద్దత్తం బ్రహ్మణే నాభిపంకజే .. 17..

తస్మై దత్వా నిద్రితశ్చ బభూవ జగతాం పతిః .

మధుకైటభౌ దుర్గాంతౌ బ్రహ్మాణం హంతుముద్యతౌ .. 18..

స్తోత్రేణానేన స బ్రహ్మా స్తుతిం నత్వా చకార హ .

సాక్షాత్స్తుతా తదా దుర్గా బ్రహ్మణే కవచం దదౌ .. 19..

శ్రీకృష్ణకవచం దివ్యం సర్వరక్షణనామకం .

దత్త్వా తస్మై మహామాయా సాఽన్తర్ధానం చకార హ .. 20..

స్తోత్రం కుర్వంతి నిద్రాం చ సంరక్ష్య కవచేన వై .

నిద్రానుగ్రహతః సద్యః స్తోత్రస్యైవ ప్రభావతః .. 21..

తత్రాజగామ భగవాన్వృషరూపీ జనార్దనః .

శక్త్యా చ దుర్గయా సార్ధం శంకరస్య జయాయ చ .. 22..

సరథం శంకరం మూర్ధ్ని కృత్వా చ నిర్భయం దదౌ .

అత్యూర్ధ్వం ప్రాపయామాస జయా తస్మై జయం దదౌ .. 23..

స్తోత్రస్యైవ ప్రభావేణ సంప్రాప్య కవచం విధిః .

వరం చ కవచం ప్రాప్య నిర్భయం ప్రాప నిశ్చితం .. 24..

బ్రహ్మా దదౌ మహేశాయ స్తోత్రం చ కవచం వరం .

త్రిపురస్య చ సంగ్రామే సరథే పతితే హరౌ .. 25..

బ్రహ్మాస్త్రం చ గృహీత్వా స సనిద్రం శ్రీహరిం స్మరన్ .

స్తోత్రం చ కవచం ప్రాప్య జఘాన త్రిపురం హరః .. 26..

స్తోత్రేణానేన తాం దుర్గాం కృత్వా గోపాలికా స్తుతిం .

లేభిరే శ్రీహరిం కాంతం స్తోత్రస్యాస్య ప్రభావతః .. 27..

గోపకన్యా కృతం స్తోత్రం సర్వమంగలనామకం .

వాంఛితార్థప్రదం సద్యః సర్వవిఘ్నవినాశనం .. 28..

త్రిసంధ్యం యః పఠేన్నిత్యం భక్తియుక్తశ్చ మానవః .

శైవో వా వైష్ణవో వాఽపి శాక్తో దుర్గాత్ప్రముచ్యతే .. 29..

రాజద్వారే శ్మశానే చ దావాగ్నౌ ప్రాణసంకటే .

హింస్రజంతుభయగ్రస్తో మగ్నః పోతే మహార్ణవే .. 30..

శత్రుగ్రస్తే చ సంగ్రామే కారాగారే విపద్గతే .

గురుశాపే బ్రహ్మశాపే బంధుభేదే చ దుస్తరే .. 31..

స్థానభ్రష్టే ధనభ్రష్టే జాతిభ్రష్టే శుచాఽన్వితే .

పతిభేదే పుత్రభేదే ఖలసర్పవిషాన్వితే .. 32..

స్తోత్రస్మరణమాత్రేణ సద్యో ముచ్యేత నిర్భయః .

వాంఛితం లభతే సద్యః సర్వైశ్వర్యమనుత్తమం .. 33..

ఇహ లోకే హరేర్భక్తిం దృఢాం చ సతతం స్మృతిం .

అంతే దాస్యం చ లభతే పార్వత్యాశ్చ ప్రసాదతః .. 34..

అనేన స్తవరాజేన తుష్తువుర్నిత్యమీశ్వరం .

ప్రణేముః పరయా భక్త్యా యావన్మాసం వ్రజాంగనాః .. 35..

ఇతి శ్రీబ్రహ్మవైవర్తే బ్రహ్మకృతం జయదుర్గాస్తోత్రం సంపూర్ణం