జయమధురాష్టకం

జయమధురాష్టకం

ఏకవస్త్రే శిఖిజ్వాలా-శిఖే పద్మకరే శుభే .

వామే కపాల-వహనే, సర్వాభరణ-భూషితే .. 1..

క్రూర-దంష్ట్రే రక్తమాల్యే, అష్టాదశ-భుజాన్వితే .

మంగలే కారణే మాయే , మాతరబల-రక్షకే .. 2..

కుంకుమాభే గుణావాసే , కుల-వృద్ధికరే శ్రియే,

శూలం డమరుకం చైవ బిభ్రాణే పాశధారిణి .. 3..

ఓంకార-రూపే చిచ్ఛక్తే, వరరూపే వరాశ్రయే .

సుఖాసనే చ చాముండే, యోగాధీశ్వరి సుందరి .. 4..

సింహవాహ-ప్రియే దేవి, శ్యామవర్ణే చ శాంభవి .

మహాకాలి శ్మశానస్థే, మాతృకామయ-మండలే .. 5..

సిరువాచ్చూర్-క్షేత్రవాస-ప్రియే శీఘ్రవరప్రదే .

పూర్వపుణ్య-వశాద్ దృష్టే, మహామంగల-దర్శిని .. 6..

జ్యోతిర్మయే జయే కాలి, దుఃఖనాశ-ప్రియే శివే .

జన్మలాభవరే కాంతే, మధురే జ్యోతిరూపిణి .. 7..

క్లేశనాశిని సావిత్రి, సర్వాభీష్ట-ఫలప్రదే .

షోడశానుగ్రహే దేవి, భక్తానుగ్రహ-కారిణి .. 8..

ఏకమాసం శుక్రవారే, సౌభాగ్యం కాలిదర్శనం .

శుక్రసోమ-దినం జప్త్వా, సర్వమంగల-భాగ్యదం .

అష్ట పూర్ణం జపేన్నిత్యం, అష్టసిద్ధి-ప్రదం శుభం .. 9..

ఇతి జయమధురశ్తకం సంపూర్ణం .

మధురాంబికాష్టకం

మధుర కాలీ అమ్మన్