శ్రీఅన్నపూర్ణాసహస్రనామస్తోత్రం

శ్రీఅన్నపూర్ణాసహస్రనామస్తోత్రం

శ్రీరుద్రయామలే

కైలాసశిఖరాసీనం దేవదేవం మహేశ్వరం .

ప్రణమ్య దండవద్భూమౌ పార్వతీ పరిపృచ్ఛతి .. 1..

శ్రీపార్వత్యువాచ .

అన్నపూర్ణా మహాదేవీ త్రైలోక్యే జీవధారిణీ .

నామ్నాం సహస్రం తస్యాస్తు కథయస్వ మహాప్రభో .. 2..

శ్రీశివ ఉవాచ .

శృణు దేవి వరారోహే జగత్కారణి కౌలిని .

ఆరాధనీయా సర్వేషాం సర్వేషాం పరిపృచ్ఛసి .. 3..

సహస్రైర్నామభిర్దివ్యైస్త్రైలోక్యప్రాణిపూజితైః .

అన్నదాయాస్స్తవం  దివ్యం యత్సురైరపి వాంఛితం .. 4..

కథయామి తవ స్నేహాత్సావధానాఽవధారయ .

గోపనీయం ప్రయత్నేన స్తవరాజమిదం శుభం .. 5..

న ప్రకాశ్యం త్వయా భద్రే దుర్జనేభ్యో నిఃశేషతః .

న దేయం పరశిష్యేభ్యో భక్తిహీనాయ పార్వతి .. 6..

దేయం శిష్యాయ శాంతాయ గురుదేవరతాయ చ .

అన్నపూర్ణాస్తవం దేయం కౌలికాయ కులేశ్వరీ .. 7..

ఓం అస్య శ్రీమదన్నపూర్ణాసహస్రనామస్తోత్రమాలామంత్రస్య,

శ్రీభగవాన్ ఋషిః, అనుష్టుప్ఛందః,

ప్రకటగుప్తగుప్తతర సంపదాయ కులోత్తీర్ణ నిగర్భరహస్యాతి

రహస్యపరాపరాతిరహస్యాతిపూర్వాచింత్యప్రభావా భగవతీ

శ్రీమదన్నపూర్ణాదేవతా, హలో బీజం, స్వరాశ్శక్తిః, జీవో బీజం,

బుద్ధిశ్శక్తిః, ఉదానో బీజం, సుషుమ్నా నాడీ, సరస్వతీ శక్తిః,

ధర్మార్థకామమోక్షార్థే పాఠే వినియోగః ..

ధ్యానం .

అర్కోన్ముక్తశశాంకకోటివదనామాపీనతుంగస్తనీం

చంద్రార్ధాంకితమస్తకాం మధుమదామాలోలనేత్రత్రయీం .

బిభ్రాణామనిశం వరం జపపటీం శూలం కపాలం కరైః

ఆద్యాం యౌవనగర్వితాం లిపితనుం వాగీశ్వరీమాశ్రయే ..

అథ అన్నపూర్ణాసహస్రనామస్తోత్రం .

.. ఓం అన్నపూర్ణాయై నమః ..

అన్నపూర్ణా అన్నదాత్రీ అన్నరాశికృతాలయా .

అన్నదా అన్నరూపా చ అన్నదానరతోత్సవా .. 1..

అనంతా చ అనంతాక్షీ అనంతగుణశాలినీ .

అచ్యుతా అచ్యుతప్రాణా అచ్యుతానందకారిణీ .. 2..

అవ్యక్తాఽనంతమహిమా అనంతస్య కులేశ్వరీ .

అబ్ధిస్థా అబ్ధిశయనా అబ్ధిజా అబ్ధినందినీ .. 3..

అబ్జస్థా అబ్జనిలయా అబ్జజా అబ్జభూషణా .

అబ్జాభా అబ్జహస్తా చ అబ్జపత్రశుభేక్షణా .. 4..

అబ్జాననా అనంతాత్మా అగ్రిస్థా అగ్నిరూపిణీ .

అగ్నిజాయా అగ్నిముఖీ అగ్నికుండకృతాలయా .. 5..

అకారా అగ్నిమాతా చ అజయాఽదితినందినీ .

ఆద్యా ఆదిత్యసంకాశా ఆత్మజ్ఞా ఆత్మగోచరా .. 6..

ఆత్మసూరాత్మదయితా ఆధారా ఆత్మరూపిణీ .

ఆశా ఆకాశపద్మస్థా అవకాశస్వరూపిణీ .. 7..

ఆశాపూరీ అగాధా చ అణిమాదిసుసేవితా .

అంబికా అబలా అంబా అనాద్యా చ అయోనిజా .. 8..

అనీశా ఈశికా ఈశా ఈశానీ ఈశ్వరప్రీయా .

ఈశ్వరీ ఈశ్వరప్రాణా ఈశ్వరానందదాయినీ .. 9..

ఇంద్రాణీ ఇంద్రదయితా ఇంద్రసూరింద్రపాలినీ .

ఇందిరా ఇంద్రభగినీ ఇంద్రియా ఇందుభూషణా .. 10..

ఇందుమాతా ఇందుముఖీ ఇంద్రియాణాం వశంకరీ .

ఉమా ఉమాపతేః ప్రాణా ఓడ్యాణపీఠవాసినీ .. 11..

ఉత్తరజ్ఞా ఉత్తరాఖ్యా ఉకారా ఉత్తరాత్మికా .

ఋమాతా ఋభవా ఋస్థా ౠలౄకారస్వరూపిణీ .. 12..

ఋకారా చ లృకారా చ లౄతకప్రీతిదాయినీ .

ఏకా చ ఏకవీరా చ ఏకారైకారరూపిణీ .. 13..

ఓకారీ ఓఘరూపా చ ఓఘత్రయసుపూజితా .

ఓఘస్థా ఓఘసంభూతా ఓఘధాత్రీ చ ఓఘసూః .. 14..

షోడశస్వరసంభూతా షోడశస్వరరూపిణీ .

వర్ణాత్మా వర్ణనిలయా శూలినీ వర్ణమాలినీ .. 15..

కాలరాత్రిర్మహారాత్రిర్మోహరాత్రిః సులోచనా .

కాలీ కపాలినీ కృత్యా కాలికా సింహగామినీ .. 16..

కాత్యాయనీ కలాధారా కాలదైత్యనికృంతనీ .

కామినీ కామవంద్యా చ కమనీయా వినోదినీ .. 17..

కామసూః కామవనితా కామధుక్ కమలావతీ .

కామదాత్రీ కరాలీ చ కామకేలివినోదినీ .. 18..

కామనా కామదా కామ్యా కమలా కమలార్చితా .

కాశ్మీరలిప్తవక్షోజా కాశ్మీరద్రవచర్చితా .. 19..

కనకా కనకప్రాణా కనకాచలవాసినీ .

కనకాభా కాననస్థా కామాఖ్యా కనకప్రదా .. 20..

కామపీఠస్థితా నిత్యా కామధామనివాసినీ .

కంబుకంఠీ కరాలాక్షీ కిశోరీ చ కలాపినీ .. 21..

కలా కాష్ఠా నిమేషా చ కాలస్థా కాలరూపిణీ .

కాలజ్ఞా కాలమాతా చ కాలధాత్రీ కలావతీ .. 22..

కాలదా కాలహా కుల్యా కురుకుల్లా కులాంగనా .

కీర్తిదా కీర్తిహా కీర్తిః కీర్తిస్థా కీర్తివర్ధనీ .. 23..

కీర్తిజ్ఞా కీర్తితపదా కృత్తికా కేశవప్రియా .

కేశిహా కేలీకారీ చ కేశవానందకారిణీ .. 24..

కుముదాభా కుమారీ చ కర్మదా కమలేక్షణా .

కౌముదీ కుముదానందా కౌలినీ చ కుముద్వతీ .. 25..

కోదండధారిణీ క్రోధా కూటస్థా కోటరాశ్రయా .

కాలకంఠీ కరాలాంగీ కాలాంగీ కాలభూషణా .. 26..

కంకాలీ కామదామా చ కంకాలకృతభూషణా .

కపాలకర్త్రికకరా కరవీరస్వరూపిణీ .. 27..

కపర్దినీ కోమలాంగీ కృపాసింధుః కృపామయీ .

కుశావతీ కుండసంస్థా కౌబేరీ కౌశికీ తథా .. 28..

కాశ్యపీ కద్రుతనయా కలికల్మషనాశినీ .

కంజస్థా కంజవదనా కంజకింజల్కచర్చితా .. 29..

కంజాభా కంజమధ్యస్థా కంజనేత్రా కచోద్భవా .

కామరూపా చ హ్రీంకారీ కశ్యపాన్వయవర్ధినీ .. 30..

ఖర్వా చ ఖంజనద్వంద్వలోచనా ఖర్వవాహినీ .

ఖడ్గినీ ఖడ్గహస్తా చ ఖేచరీ ఖడ్గరూపిణీ .. 31..

ఖగస్థా ఖగరూపా చ ఖగగా ఖగసంభవా .

ఖగధాత్రీ ఖగానందా ఖగయోనిస్వరూపిణీ .. 32..

ఖగేశీ ఖేటకకరా ఖగానందవివర్ధినీ .

ఖగమాన్యా ఖగాధారా ఖగగర్వవిమోచినీ .. 33..

గంగా గోదావరీ గీతిర్గాయత్రీ గగనాలయా .

గీర్వాణసుందరీ గౌశ్చ గాధా గీర్వాణపూజితా .. 34..

గీర్వాణచర్చితపదా గాంధారీ గోమతీ తథా .

గర్విణీ గర్వహంత్రీ చ గర్భస్థా గర్భధారిణీ .. 35..

గర్భదా గర్భహంత్రీ చ గంధర్వకులపూజితా .

గయా గౌరీ చ గిరిజా గిరిస్థా గిరిసంభవా .. 36..

గిరిగహ్వరమధ్యస్థా కుంజరేశ్వరగామినీ .

కిరీటినీ చ గదినీ గుంజాహారవిభూషణా .. 37..

గణపా గణకా గణ్యా గణకానందకారిణీ .

గణపూజ్యా చ గీర్వాణీ గణపాననందకారిణీ .. 38..

గురుమాతా గురురతా గురుభక్తిపరాయణా .

గోత్రా గౌః కృష్ణభగినీ కృష్ణసూః కృష్ణనందినీ .. 39..

గోవర్ధనీ గోత్రధరా గోవర్ధనకృతాలయా .

గోవర్ధనధరా గోదా గౌరాంగీ గౌతమాత్మజా .. 40..

ఘర్ఘరా ఘోరరూపా చ ఘోరా ఘర్ఘరనాదినీ .

శ్యామా ఘనరవాఽఘోరా ఘనా ఘోరార్తినాశినీ .. 41..

ఘనస్థా చ ఘనానందా దారిద్ర్యఘననాశినీ .

చిత్తజ్ఞా చింతితపదా చిత్తస్థా చిత్తరూపిణీ .. 42..

చక్రిణీ చారుచంపాభా చారుచంపకమాలినీ .

చంద్రికా చంద్రకాంతిశ్చ చాపినీ చంద్రశేఖరా .. 43..

చండికా చండదైత్యఘ్నీ చంద్రశేఖరవల్లభా .

చాండాలినీ చ చాముండా చండముండవధోద్యతా .. 44..

చైతన్యభైరవీ చండా చైతన్యఘనగేహినీ .

చిత్స్వరూపా చిదాధారా చండవేగా చిదాలయా .. 45..

చంద్రమండలమధ్యస్థా చంద్రకోటిసుశీతలా .

చపలా చంద్రభగినీ చంద్రకోటినిభాననా .. 46..

చింతామణిగుణాధారా చింతామణివిభూషణా .

భక్తచింతామణిలతా చింతామణికృతాలయా .. 47..

చారుచందనలిప్తాంగీ చతురా చ చతుర్ముఖీ .

చైతన్యదా చిదానందా చారుచామరవీజితా .. 48..

ఛత్రదా ఛత్రధారీ చ ఛలచ్ఛద్మవినాశినీ .

ఛత్రహా ఛత్రరూపా చ ఛత్రచ్ఛాయాకృతాలయా .. 49..

జగజ్జీవా జగద్ధాత్రీ జగదానందకారిణీ .

యజ్ఞప్రియా యజ్ఞరతా జపయజ్ఞపరాయణా .. 50..

జననీ జానకీ యజ్వా యజ్ఞహా యజ్ఞనందినీ .

యజ్ఞదా యజ్ఞఫలదా యజ్ఞస్థానకృతాలయా .. 51..

యజ్ఞభోక్త్రీ యజ్ఞరూపా యజ్ఞవిఘ్నవినాశినీ .

జపాకుసుమసంకాశా జపాకుసుమశోభితా .. 52..

జాలంధరీ జయా జైత్రీ జీమూతచయభాషిణీ .

జయదా జయరూపా చ జయస్థా జయకారిణీ .. 53..

జగదీశప్రియా జీవా జలస్థా జలజేక్షణా .

జలరూపా జహ్నుకన్యా యమునా జలజోదరీ .. 54..

జలజాస్యా జాహ్నవీ చ జలజాభా జలోదరీ .

యదువంశోద్భవా జీవా యాదవానందకారిణీ .. 55..

యశోదా యశసాం రాశిర్యశోదానందకారిణీ .

జ్వలినీ జ్వాలినీ జ్వాలా జ్వలత్పావకసన్నిభా .. 56..

జ్వాలాముఖీ జగన్మాతా యమలార్జునభంజనీ .

జన్మదా జన్మహా జన్యా జన్మభూర్జనకాత్మజా .. 57..

జనానందా జాంబవతీ జంబూద్వీపకృతాలయా .

జాంబూనదసమానాభా జాంబూనదవిభూషణా .. 58..

జంభహా జాతిదా జాతిర్జ్ఞానదా జ్ఞానగోచరా .

జ్ఞానరూపాఽజ్ఞానహా చ జ్ఞానవిజ్ఞానశాలినీ .. 59..

జినజైత్రీ జినాధారా జినమాతా జినేశ్వరీ .

జితేంద్రియా జనాధారా అజినాంబరధారిణీ .. 60..

శంభుకోటిదురాధర్షా విష్ణుకోటివిమర్దినీ .

సముద్రకోటిగంభీరా వాయుకోటిమహాబలా .. 61..

సూర్యకోటిప్రతీకాశా యమకోటిదురాపహా .

కామధుక్కోటిఫలదా శక్రకోటిసురాజ్యదా .. 62..

కందర్పకోటిలావణ్యా పద్మకోటినిభాననా .

పృథ్వీకోటిజనాధారా అగ్నికోటిభయంకరీ .. 63..

అణిమా మహిమా ప్రాప్తిర్గరిమా లఘిమా తథా .

ప్రాకామ్యదా వశకరీ ఈశికా సిద్ధిదా తథా .. 64..

మహిమాదిగుణోపేతా అణిమాద్యష్టసిద్ధిదా .

జవనధ్నీ జనాధీనా జామినీ చ జరాపహా .. 65..

తారిణీ తారికా తారా తోతలా తులసీప్రియా .

తంత్రిణీ తంత్రరూపా చ తంత్రజ్ఞా తంత్రధారిణీ .. 66..

తారహారా చ తులజా డాకినీతంత్రగోచరా .

త్రిపురా త్రిదశా త్రిస్థా త్రిపురాసురఘాతినీ .. 67..

త్రిగుణా చ త్రికోణస్థా త్రిమాత్రా త్రితనుస్థితా .

త్రైవిద్యా చ త్రయీ త్రిఘ్నీ తురీయా త్రిపురేశ్వరీ .. 68..

త్రికోదరస్థా త్రివిధా త్రైలోక్యా త్రిపురాత్మికా .

త్రిధామ్నీ త్రిదశారాధ్యా త్ర్యక్షా త్రిపురవాసినీ .. 69..

త్రివర్ణీ త్రిపదీ తారా త్రిమూర్తిజననీ త్వరా .

త్రిదివా త్రిదివేశాఽఽదిర్దేవీ త్రైలోక్యధారిణీ .. 70..

త్రిమూర్తిశ్చ త్రిజననీ త్రీభూస్త్రీపురసుందరీ .

తపస్వినీ తపోనిష్ఠా తరుణీ తారరూపిణీ .. 71..

తామసీ తాపసీ చైవ తాపఘ్నీ చ తమోపహా .

తరుణార్కప్రతీకాశా తప్తకాంచనసన్నిభా .. 72..

ఉన్మాదినీ తంతురూపా త్రైలోక్యవ్యాపినీశ్వరీ .

తార్కికీ తర్కికీ విద్యా తాపత్రయవినాశినీ .. 73..

త్రిపుష్కరా త్రికాలజ్ఞా త్రిసంధ్యా చ త్రిలోచనా .

త్రివర్గా చ త్రివర్గస్థా తపసస్సిద్ధిదాయినీ .. 74..

అధోక్షజా అయోధ్యా చ అపర్ణా చ అవంతికా .

కారికా తీర్థరూపా చ తీరా తీర్థకరీ తథా .. 75..

దారిద్ర్యదుఃఖదలినీ అదీనా దీనవత్సలా .

దీనానాథప్రియా దీర్ఘా దయాపూర్ణా దయాత్మికా .. 76..

దేవదానవసంపూజ్యా దేవానాం ప్రియకారిణీ .

దక్షపుత్రీ దక్షమాతా దక్షయజ్ఞవినాశినీ .. 77..

దేవసూర్దక్షీణా దక్షా దుర్గా దుర్గతినాశినీ .

దేవకీగర్భసంభూతా దుర్గదైత్యవినాశినీ .. 78..

అట్టాఽట్టహాసినీ దోలా దోలాకర్మాభినందినీ .

దేవకీ దేవికా దేవీ దురితఘ్నీ తటిత్తథా .. 79..

గండకీ గల్లకీ క్షిప్రా ద్వారా ద్వారవతీ తథా .

ఆనందోదధిమధ్యస్థా కటిసూత్రైరలంకృతా .. 80..

ఘోరాగ్నిదాహదమనీ దుఃఖదుస్స్వప్ననాశినీ .

శ్రీమయీ శ్రీమతీ శ్రేష్ఠా శ్రీకరీ శ్రీవిభావినీ .. 81..

శ్రీదా శ్రీశా శ్రీనివాసా శ్రీమతీ శ్రీర్మతిర్గతిః .

ధనదా దామినీ దాంతా ధమదో ధనశాలినీ .. 82..

దాడిమీపుష్పసంకాశా ధనాగారా ధనంజయా .

ధూమ్రాభా ధూమ్రదైత్త్రఘ్నీ ధవలా ధవలప్రియా .. 83..

ధూమ్రవక్త్రా ధూమ్రనేత్రా ధూమ్రకేశీ చ ధూసరా .

ధరణీ ధరిణీ ధైర్యా ధరా ధాత్రీ చ ధైర్యదా .. 84..

దమినీ ధర్మిణీ ధూశ్చ దయా దోగ్ధ్రీ దురాసదా .

నారాయణీ నారసింహీ నృసింహహృదయాలయా .. 85..

నాగినీ నాగకన్యా చ నాగసూర్నాగనాయికా .

నానారత్నవిచిత్రాంగీ నానాభరణమండితా .. 86..

దుర్గస్థా దుర్గరూపా చ దుఃఖదుష్కృతనాశినీ .

హీంకారీ చైవ శ్రీంకారీ హుంకారీ క్లేశనాశినీ .. 87..

నగాత్మజా నాగరీ చ నవీనా నూతనప్రియా .

నీరజాస్యా నీరదాభా నవలావణ్యసుందరీ .. 88..

నీతిజ్ఞా నీతిదా నీతిర్నిమనాభిర్నగేశ్వరీ .

నిష్ఠా నిత్యా నిరాతంకా నాగయజ్ఞోపవీతినీ .. 89..

నిధిదా నిధిరూపాచ నిర్గుణా నరవాహినీ .

నరమాంసరతా నారీ నరముండవిభూషణా .. 90..

నిరాధారా నిర్వికారా నుతిర్నిర్వాణసుందరీ .

నరాసృక్పానమత్తా చ నిర్వైరా నాగగామినీ .. 91..

పరమా ప్రమితా ప్రాజ్ఞా పార్వతీ పర్వతాత్మజా .

పర్వప్రియా పర్వరతా పర్వపావనపావనీ .. 92..

పరాత్పరతరా పూర్వా పశ్చిమా పాపనాశినీ .

పశూనాం పతిపత్నీ చ పతిభక్తిపరాయణా .. 93..

పరేశీ పారగా పారా పరంజ్యోతిస్వరూపిణీ .

నిష్ఠురా క్రూరహృదయా పరాసిద్ధిః పరాగతిః .. 94..

పశుఘ్నీ పశురూపా చ పశుహా పశువాహినీ .

పితా మాతా చ యంత్రీ చ పశుపాశవినాశినీ .. 95..

పద్మినీ పద్మహస్తా చ పద్మకింజల్కవాసినీ .

పద్మవక్త్రా చ పద్మాక్షీ పద్మస్థా పద్మసంభవా .. 96..

పద్మాస్యా పంచమీ పూర్ణా  పూర్ణపీఠనివాసినీ .

పద్మరాగప్రతీకాశా పాంచాలీ పంచమప్రియా .. 97..

పరబ్రహ్మస్వరూపా చ పరబ్రహ్మనివాసినీ .

పరమానందముదితా పరచక్రనివాసినీ .. 98..

పరేశీ పరమా పృథ్వీ పీనతుంగపయోధరా .

పరాపరా పరావిద్యా పరమానందదాయినీ .. 99..

పూజ్యా ప్రజ్ఞావతీ పుష్టిః పినాకిపరికీర్తితా .

ప్రాణఘ్నీ ప్రాణరూపా చ ప్రాణదా చ ప్రియంవదా .. 100..

ఫణిభూషా ఫణావేశీ ఫకారకంఠమాలినీ .

ఫణిరాడ్వృతసర్వాంగీ ఫలభాగనివాసినీ .. 101..

బలభద్రస్య భగినీ బాలా బాలప్రదాయినీ .

ఫల్గురుపా ప్రలంబధ్నీ ఫల్గూత్సవ వినోదినీ .. 102..

భవానీ భవపత్నీ చ భవభీతిహరా భవా .

భవేశ్వరీ భవారాధ్యా భవేశీ భవనాయికా .. 103..

భవమాతా భవాగమ్యా భవకంటకనాశినీ .

భవప్రియా భవానందా భవ్యా చ భవమోచనీ .. 104..

భావనీయా భగవతీ భవభారవినాశినీ .

భూతధాత్రీ చ భూతేశీ భూతస్థా భూతరూపిణీ .. 105..

భూతమాతా చ భూతఘ్నీ భూతపంచకవాసినీ .

భోగోపచారకుశలా భిస్సాధాత్రీ చ భూచరీ .. 106..

భీతిఘ్నీ భక్తిగమ్యా చ భక్తానామార్తినాశినీ .

భక్తానుకంపినీ భీమా భగినీ భగనాయికా .. 107..

భగవిద్యా భగక్లిన్నా భగయోనిర్భగప్రదా .

భగేశీ భగరూపా చ భగగుహ్యా భగాపహా .. 108..

భగోదరీ భగానందా భగాద్యా భగమాలినీ .

భోగప్రదా భోగవాసా భోగమూలా చ భోగినీ .. 109..

భేరుండా భేదినీ భీమా భద్రకాలీ భిదోజ్ఝితా .

భైరవీ భువనేశానీ భువనా భువనేశ్వరీ .. 110..

భీమాక్షీ భారతీ చైవ భైరవాష్టకసేవితా .

భాస్వరా భాస్వతీ భీతిర్భాస్వదుత్తానశాయినీ .. 111..

భాగీరథీ భోగవతీ భవఘ్నీ భువనాత్మికా .

భూతిదా భూతిరూపా చ భూతస్థా భూతవర్ధినీ .. 112..

మాహేశ్వరీ మహామాయా మహాతేజా మహాసురీ .

మహాజిహ్వా మహాలోలా మహాదంష్ట్రా మహాభుజా .. 113..

మహామోహాంధకారఘ్నీ మహామోక్షప్రదాయినీ .

మహాదారిద్ర్యశమనీ మహాశత్రువిమర్దినీ .. 114..

మహాశక్తిర్మహాజ్యోతిర్మహాసురవిమర్దినీ .

మహాకాయా మహావీర్యా మహాపాతకనాశినీ .. 115..

మహారవా మంత్రమయీ మణిపూరనివాసినీ .

మానసీ మానదా మాన్యా మనశ్చక్షురగోచరా .. 116..

మాహేంద్రీ మధురా మాయా మహిషాసురమర్దినీ .

మహాకుండలినీ శక్తిర్మహావిభవవర్ధినీ .. 117..

మానసీ మాధవీ మేధా మతిదా మతిధారిణీ .

మేనకాగర్భసంభూతా మేనకాభగినీ మతిః .. 118..

మహోదరీ ముక్తకేశీ ముక్తికామ్యార్థసిద్ధిదా .

మాహేశీ మహిషారూఢా మధుదైత్యవిమర్దినీ .. 119..

మహావ్రతా మహామూర్ధా మహాభయవినాశినీ .

మాతంగీ మత్తమాతంగీ మాతంగకులమండితా .. 120..

మహాఘోరా మాననీయా మత్తమాతంగగామినీ .

ముక్తాహారలతోపేతా మదధూర్ణితలోచనా .. 121..

మహాపరాధరాశిఘ్రీ మహాచోరభయాపహా .

మహాచింత్యస్వరూపా చ మణీమంత్రమహౌషధీ .. 122..

మణిమండపమధ్యస్థా మణిమాలావిరాజితా .

మంత్రాత్మికా మంత్రగమ్యా మంత్రమాతా సుమంత్రిణీ .. 123..

మేరుమందిరమధ్యస్థా మకరాకృతికుండలా .

మంథరా చ మహాసూక్ష్మా మహాదూతీ మహేశ్వరీ .. 124..

మాలినీ మానవీ మాధ్వీ మదరూపా మదోత్కటా .

మదిరా మధురా చైవ మోదినీ చ మహోద్ధతా .. 125..

మంగలాంగీ మధుమయీ మధుపానపరాయణా .

మనోరమా రమామాతా రాజరాజేశ్వరీ రమా .. 126..

రాజమాన్యా రాజపూజ్యా రక్తోత్పలవిభూషణా .

రాజీవలోచనా రామా రాధికా రామవల్లభా .. 127..

శాకినీ డాకినీ చైవ లావణ్యాంబుధివీచికా .

రుద్రాణీ రుద్రరూపా చ రౌద్రా రుద్రార్తినాశినీ .. 128..

రక్తప్రియా రక్తవస్త్రా రక్తాక్షీ రక్తలోచనా .

రక్తకేశీ రక్తదంష్ట్రా రక్తచందనచర్చితా .. 129..

రక్తాంగీ రక్తభూషా చ రక్తబీజనిపాతినీ .

రాగాదిదోషరహితా రతిజా రతిదాయినీ .. 130..

విశ్వేశ్వరీ విశాలాక్షీ వింధ్యపీఠనివాసినీ .

విశ్వభూర్వీరవిద్యా చ వీరసూర్వీరనందినీ .. 131..

వీరేశ్వరీ విశాలాక్షీ విష్ణుమాయా విమోహినీ .

విద్యావతీ విష్ణురూపా విశాలనయనోజ్జ్వలా .. 132..

విష్ణుమాతా చ విశ్వాత్మా విష్ణుజాయాస్వరూపిణీ .

వారాహీ వరదా వంద్యా విఖ్యాతా విలసల్కచా .. 133..

బ్రహ్మేశీ బ్రహ్మదా బ్రాహ్మీ బ్రహ్మాణీ బ్రహ్మరూపిణీ .

ద్వారకా విశ్వవంద్యా చ విశ్వపాశవిమోచనీ .

విశ్వాసకారిణీ విశ్వా విశ్వశక్తిర్విచక్షణా .. 134..

బాణచాపధరా వీరా బిందుస్థా బిందుమాలినీ .

షట్చక్రభేదినీ షోఢా షోడశారనివాసినీ .. 135..

శితికంఠప్రియా శాంతా శాకినీ వాతరూపిణీ .

శాశ్వతీ శంభువనితా శాంభవీ శివరూపిణీ .. 136..

శివమాతా చ శివదా శివా శివహృదాసనా .

శుక్లాంబరా శీతలా చ శీలా శీలప్రదాయినీ .. 137..

శిశుప్రియా వైద్యవిద్యా సాలగ్రామశిలా శుచిః .

హరిప్రియా హరమూర్తిర్హరినేత్రకృతాలయా .. 138..

హరివక్త్రోద్భవా హాలా హరివక్షఃస్థలస్థితా .

క్షేమంకరీ క్షితిః క్షేత్రా క్షుధితస్య ప్రపూరణీ .. 139..

వైశ్యా చ క్షత్రియా శూద్రీ క్షత్రియాణాం కులేశ్వరీ .

హరపత్నీ హరారాధ్యా హరసూర్హరరూపిణీ .. 140..

సర్వానందమయీ సిద్ధిస్సర్వరక్షాస్వరూపిణీ .

సర్వదుష్టప్రశమనీ సర్వేప్సితఫలప్రదా .. 141..

సర్వసిద్ధేశ్వరారాధ్యా సర్వమంగలమంగలా .

ఫలశ్రుతిః .

పుణ్యం సహస్రనామేదం తవ ప్రీత్యా ప్రకాశితం .. 142..

గోపనీయం ప్రయత్నేన పఠనీయం ప్రయత్నతః .

నాతః పరతరం పుణ్యం నాతః పరతరం తపః .. 143..

నాతః పరతరం స్తోత్రం నాతః పరతరా గతిః .

స్తోత్రం నామసహస్రాఖ్యం మమ వక్త్రాద్వినిర్గతం .. 144..

యః పఠేత్పరయా భక్త్యా శృణుయాద్వా సమాహితః .

మోక్షార్థీ లభతే మోక్షం స్వర్గార్థీ స్వర్గమాప్నుయాత్ .. 145..

కామార్థీ లభతే కామం ధనార్థీ లభతే ధనం .

విద్యార్థీ లభతే విద్యాం యశోఽర్థీ లభతే యశః .. 146..

కన్యార్థీ లభతే కన్యాం సుతార్థీ లభతే సుతాన్ .

మూర్ఖోఽపి లభతే శాస్త్రం చోరోఽపి లభతే గతిం .. 147..

గుర్విణీ జనయేత్పుత్రం కన్యాం విందతి సత్పతిం .

సంక్రాంత్యాం చ చతుర్దశ్యామష్టమ్యాం చ విశేషతః .. 148..

పౌర్ణమాస్యామమావాస్యాం నవమ్యాం భౌమవాసరే .

పఠేద్వా పాఠయేద్వాపి పూజయేద్వాపి పుస్తకం .. 149..

స ముక్తస్సర్వపాపేభ్యః కామేశ్వరసమో భవేత్ .

లక్ష్మీవాన్ సుతవాంశ్చైవ వల్లభస్సర్వయోషితాం .. 150..

తస్య వశ్యం భవేదాశు త్రైలోక్యం సచరాచరం .

విద్యానాం పారగో విప్రః క్షత్రియో విజయీ రణే .. 151..

వైశ్యో ధనసమృద్ధస్స్యాచ్ఛూద్రస్సుఖమవాప్నుయాత్ .

క్షేత్రే చ బహుసస్యం స్యాద్గావశ్చ బహుదుగ్ధదాః .. 152..

నాశుభం నాపదస్తస్య న భయం నృపశత్రుతః .

జాయతే నాశుభా బుద్ధిర్లభతే కులపూజ్యతాం .. 153..

న బాధంతే గ్రహాస్తస్య న రక్షాంసి న పన్నగాః .

న పిశాచా న డాకిన్యో భూతభేతాలడంభకాః .. 154..

బాలగ్రహాభిభూతానాం బాలానాం శాంతికారకం .

ద్వంద్వానాం ప్రతిభేదే చ మైత్రీకరణముత్తమం .. 155..

లోహపాశైదృఢైర్బద్ధో బందీ వేశ్మని దుర్గమే .

తిష్ఠంఛృణ్వన్పతన్మర్త్యో ముచ్యతే నాత్ర సంశయః .. 156..

పశ్యంతి నహి తే శోకం వియోగం చిరజీవినః .

శృణ్వతీ బద్ధగర్భా చ సుఖం చైవ ప్రసూయతే .. 157..

ఏకదా పఠనాదేవ సర్వపాపక్షయో భవేత్ .

నశ్యంతి చ మహారోగా దశధావర్తనేన చ .. 158..

శతధావర్తనే చైవ వాచాం సిద్ధిః ప్రజాయతే .

నవరాత్రే జితాహారో దృఢబుద్ధిర్జితేంద్రియః .. 159..

అంబికాయతనే విద్వాన్ శుచిష్మాన్ మూర్తిసన్నిధౌ  .

ఏకాకీ చ దశావర్తం పఠంధీరశ్చ నిర్భయః .. 160..

సాక్షాత్త్వగవతీ తస్మై ప్రయచ్ఛేదీప్సితం ఫలం .

సిద్ధపీఠే గిరౌ రమ్యే సిద్ధక్షేత్రే సురాలయే .. 161..

పఠనాత్సాధకస్యాశు సిద్ధిర్భవతి వాంఛితా .

దశావర్తం పఠేన్నిత్యం భూమీశాయీ నరశ్శుచిః .. 162..

స్వప్నే మూర్తిమయాం దేవీం వరదాం సోఽపి పశ్యతి .

ఆవర్తనసహస్రైర్యే జపంతి పురుషోత్తమాః .. 163..

తే సిద్ధా సిద్ధిదా లోకే శాపానుగ్రహణక్షమాః .

ప్రయచ్ఛంతశ్చ సర్వస్వం సేవంతే తాన్మహీశ్వరాః .. 164..

భూర్జపత్రేఽష్టగంధేన లిఖిత్వా తు శుభే దినే .

ధారయేద్యంత్రితం శీర్షే పూజయిత్వా కుమారికాం .. 165..

బ్రాహ్మణాన్ వరనారీశ్చ ధూపైః కుసుమచందనైః .

క్షీరఖండాదిభోజ్యాంశ్చ భోజయిత్వా సుభక్తితః .. 166..

బధ్నంతి యే మహారక్షాం బాలానాం చ విశేషతః .

రుద్రం దృష్ట్వా యథా దేవం విష్ణుం దృష్ట్వా చ దానవాః .. 167..

పన్నగా గరుడం దృష్ట్వా సింహం దృష్ట్వా యథా గజాః .

మండూకా భోగినం దృష్ట్వా మార్జారం మూషికాస్తథా .. 168..

విఘ్నభూతాః పలాయంతే తస్య వక్త్రవిలోకనాత్ .

అగ్నిచోరభయం తస్య కదాచిన్నైవ సంభవేత్ .. 169..

పాతకాన్వివిధాన్సోఽపి మేరుమందరసన్నిభాన్ .

భస్మితాన్కురుతే క్షిప్రం తృణం వహ్నిహుతం యథా .. 170..

నృపాశ్చ వశ్యతాం యాంతి నృపపూజ్యాశ్చ తే నరాః .

మహార్ణవే మహానద్యాం పోతస్థే చ న భీః కచిత్ .. 171..

రణే ద్యూతే వివాదే చ విజయం ప్రాప్నువంతి తే .

సర్వత్ర పూజితో లోకైర్బహుమానపురస్సరైః .. 172..

రతిరాగవివృద్ధాశ్చ విహ్వలాః కామపీడితాః .

యౌవనాక్రాంతదేహాస్తాన్ శ్రయంతే వామలోచనాః .. 173..

సహస్రం జపతే యస్తు ఖేచరీ జాయతే నరః .

సహస్రదశకం దేవి యః పఠేద్భక్తిమాన్నరః .. 174..

సా తస్య జగతాం ధాత్రీ ప్రత్యక్షా భవతి ధ్రువం .

లక్షం పూర్ణం యదా దేవి స్తోత్రరాజం జపేత్సుధీః .. 175..

భవపాశవినిర్ముక్తో మమ తుల్యో న సంశయః .

సర్వతీర్థేషు యత్పుణ్యం సర్వతీర్థేషు యత్ఫలం .. 176..

సర్వధర్మేషు యజ్ఞేషు సర్వదానేషు యత్ఫలం .

సర్వవేదేషు ప్రోక్తేషు యత్ఫలం పరికీర్తితం .. 177..

తత్పుణ్యం కోటిగుణితం సకృజ్జప్త్వా లభేన్నరః .

దేహాంతే పరమం స్థానం యత్సురైరపి దుర్లభం .

స యాస్యతి న సందేహస్స్తవరాజస్య కీర్తనాత్ .. 178..

.. ఇతి రుద్రయామలే శ్రీఅన్నపూర్ణాసహస్రనామస్తోత్రం సంపూర్ణం ..