జానకీ సహస్రనామస్తోత్రం

జానకీ సహస్రనామస్తోత్రం

శ్రీజానకీచరితామృతే సప్తాశీతితమోఽధ్యాయః .. 87..

అథ శ్రీయోగేశ్వరకవి ద్వారా వర్ణితం శ్రీజానకీసహస్రనామస్తోత్రం .

శ్రీకవిరువాచ .

నీలేందీవరలోచనాం జనకజాం విస్మేరబింబాధరాం

బ్రహ్మావిష్ణుమహేశసేవ్యచరణాం దీవ్యత్సువర్ణప్రభాం .

సవ్యే శ్రీమిథిలేశితుః సునయనాక్రోడే ముదా రాజితాం

వందే బంధుగణాన్వితామనుచరీవృందైః సమారాధితాం .. 1..

ఓం అకల్పాఽకల్మషాఽకామా అకాయాఽకారచర్చితా .

అకారణాఽకోపపూజ్యా అక్రూరైకాఽక్షణాఽక్షరా .. 2..

అగదాఽగుణాఽగ్రగణ్యా అచలాపుత్రికాఽచలా .

అచ్యుతాఽజాఽజేయబుద్ధిరజ్ఞాతగతిసత్తమా .. 3..

అణోరణీయస్యతర్క్యా అతీంద్రియచయాఽతులా .

అదభ్రమహిమాఽదృశ్యా అద్వితీయక్షమానిధిః .. 4..

అద్వితీయదయామూర్తిరద్వితీయానహంకృతిః .

అదీనవుద్ధిరద్వైతా అధృతాఽధోక్షజాఽనఘా .. 5..

అనంతవిగ్రహాఽనంతా అనంతైశ్వర్యసంయుతా .

అనన్యభావసంతుష్టా అనర్థౌఘనివారిణీ .. 6..

అనవద్యాఽనామరూపా అనిర్దేశ్యస్వరూపిణీ .

అనిర్వాచ్యసుఖాంభోధిరనిర్వాచ్యాంఘ్రిమార్దవా .. 7..

అనిర్విణ్ణాఽనుకూలైకా అనుకంపైకవిగ్రహా .

అనుత్తమాఽనుత్తమాత్మా అనురాగర్భరాంచితా .. 8..

అపారమహిమాఽపారభవవారిధితారిణీ .

అపూర్వచరితాఽపూర్వసిద్ధాంతాఽపూర్వసౌభగా .. 9..

అప్రకృష్టాఽప్రతిద్వంద్వవిక్రమాఽప్రతిమద్యుతిః .

అప్రతిమాఽప్రమత్తాత్మా అప్రమేయసుఖాకృతిః .. 10..

అప్రాకృతగుణైశ్వర్యవిశ్వమోహనవిగ్రహా .

అభివాద్యాఽమలాఽమానా అమితాఽమృతరూపిణీ .. 11..

అమృతాఽమృతదృష్టిశ్చ అమృతాశాఽమృతోద్భవా .

అయోనిసంభవాఽరౌద్రా అలోలాఽవనిపుత్రికా .. 12..

అవరాఽవర్ణ్యమాధుర్య్యా అవర్ణ్యకరుణావధిః .

అవిచింత్యాఽవిశిష్టాత్మా అవ్యక్తాఽవ్యయశేముషీ .. 13..

అవ్యాజకరుణామూర్తిరశోకాఽసంఖ్యకాఽసమా .

అసమ్మితాఽఽప్తసంకల్పా ఆత్మజ్ఞానవిభాకరీ .. 14..

ఆత్మోద్భవాఽఽత్మమర్మజ్ఞా ఆత్మలాభప్రదాయినీ .

ఆత్మవత్యాదికర్త్ర్యాదిరాధారపరమాలయా .. 15..

ఆధ్యేయాంఘ్రిసరోజాంకా ఆనందామృతవర్షిణీ .

ఆమ్నాయవేద్యచరణా ఆశ్రితత్రాణతత్పరా .. 16..

ఆసక్త్యపహృతాసక్తిరాస్యస్పర్ద్ధివిధువ్రజా .

ఆహ్లాదసూపమాసింధురినవంశ్యపరప్రియా .. 17..

ఇందుపూర్ణోల్లసద్వక్త్రా ఇభరాజసుతాగతిః .

ఇయత్త్వరహితేర్వాల్వీ ప్రపన్నసకలాపదాం .. 18..

ఇష్టా సమస్తదేవానామీప్సితార్థప్రదాయినీ .

ఈశ్వరీ సర్వలోకానాముచ్ఛిన్నాశ్రిత్తసంశయా .. 19..

ఉజ్జ్వలైకసమారాధ్యా ఉత్ఫుల్లేందీవరేక్షణా .

ఉత్తరోత్తానహస్తాబ్జా ఉత్తమోత్సంగభూషణా .. 20..

ఉదారకీర్త్తనోదారచరితోదారవందనా .

ఉదారజపపాఠేజ్యా ఉదారధ్యానసంస్తవా .. 21..

ఉదారవల్లభోదారవీక్షణస్మితభాషితా .

ఉదారశ్రీనామరూపలీలాధామగుణవ్రజా .. 22..

ఉదారాలిగణోదారోపాసకా ౠతరూపిణీ .

ౠభువంద్యాంఘ్రిరౄకారా లౄపుత్రీ లౄస్వరూపిణీ .. 23..

ఏకైకశరణం పుంసామైక్యభావప్రసాదితా .

ఓకఃప్రధానికౌజోఽవ్ధిరౌదార్యౌత్కర్ష్య విశ్రుతా .. 24..

కమలా కమలారాధ్యా కరణం కలభాషిణీ .

కలాధారా కలాభిజ్ఞా కలామూర్తిః కలావధిః .. 25..

కల్పవృక్షాశ్రయా కల్ప్యా కల్మషౌఘనివారిణీ .

కల్యాణదాత్రీ కల్యాణప్రకృతిః కామచారిణీ .. 26..

కామదా కామ్యసంసక్తిః కారణాద్వయకారణం .

కారుణ్యార్ద్రవిశాలాక్షీ కాలచక్రప్రవర్తికా .. 27..

కీనాశభయమూలఘ్నీ కుంజకేలిసుఖప్రదా .

కుంజరాధీశగతికా కృతజ్ఞార్చ్యా కృతాగమా .. 28..

కృపాపీయూషజలధిః కోమలార్చ్యపదాంబుజా .

కౌశల్యాప్రతిమాంభోధిః కౌశల్యాసుతవల్లభా .. 29..

ఖరారిహృదయాతుల్యపరమోత్సవరూపిణీ .

ఖలాన్యమతిసందాత్రీ ఖవాసీశాదివందితా .. 30..

ఖేలమాత్రజగత్సృష్టిర్గణనాథార్చ్చితా గతిః .

గతైశ్వర్యస్మయశ్రేష్ఠా గభీరా గమ్యభావనా .. 31..

గహనాగ్ర్యా గీర్గీర్వాణహితసాధనతత్పరా .

గుప్తా గుహేశయా గుహ్యా గేయోదారయశస్తతిః .. 32..

గోపనీయపదాసక్తిర్గోప్త్రీ గోవిదనుత్తమా .

గ్రహణీయశుభాదర్శా గ్లౌపుంజాభనఖచ్ఛవిః .. 33..

ఘనశ్యామాత్మనిలయా ఘర్మద్యుతికులస్నుషా .

ఘృణాలుకా ఙస్వరూపా చతురాత్మా చతుర్గతిః .. 34..

చతుర్భావా చతుర్వ్యూహా చతుర్వర్గప్రదాయినీ .

చతుర్వేదవిదాం శ్రేష్ఠా చపలాసత్కృతద్యుతిః .. 35..

చంద్రకలాసమారాధ్యా చంద్రబింబోపమాననా .

చారుశీలాదిభిః సేవ్యా చారుసంపావనాస్మితా .. 36..

చారురూపగుణోపేతా చారుస్మరణమంగలా .

చార్వంగీ చిదలంకారా చిదానందస్వరూపిణీ .. 37..

ఛవిక్షుబ్ధరతిః ఛిన్నప్రణతాశేషసంశయా .

జగత్క్షేమవిధానజ్ఞా జగత్సేతునిబంధినీ .. 38..

జగదాదిర్జగదాత్మప్రేయసీ జగదాత్మికా .

జగదాలయవృందేశీ జగదాలయసంఘసూః .. 39..

జగదుద్భవాదికర్త్రీ జగదేకపరాయణం .

జగన్నేత్రీ జగన్మాతా జగన్మాంగల్యమంగలా .. 40..

జగన్మోహనమాధుర్యమనోమోహనవిగ్రహా .

జతుశోభిపదాంభోజా జనకానందవర్ధినీ .. 41..

జనకల్యాణసక్తాత్మా జననీ సర్వదేహినాం .

జననీహృదయానందా జనబాధానివారిణీ .. 42..

జనసంతాపశమనీ జనిత్రీ సుఖసంపదాం .

జనేశ్వరేడ్యా జన్మాంతత్రాసనిర్ణాశచింతనా .. 43..

జపనీయా జయఘోషారాధ్యమానా జయప్రదా .

జయా జయావహా జన్మజరామృత్యుభయాతిగా .. 44..

జలకేలిమహాప్రాజ్ఞా జలజాసనవందితా .

జలజారుణహస్తాంఘ్రిర్జలజాయతలోచనా .. 45..

జవానతమనోవేగా జాడ్యధ్వాంతనివారిణీ .

జానకీ జితమాయైకా జితామిత్రా జితచ్ఛవిః .. 46..

జితద్వంద్వా జితామర్షా జీవముక్తిప్రదాయినీ .

జీవానాం పరమారాధ్యా జీవేశీ జేతృసద్గతిః .. 47..

జేత్రీ జ్ఞానదా జ్ఞానపాథోధిర్జ్ఞానినాం గతిః .

జ్ఞేయాఽఽత్మహితకామానాం జ్యేష్ఠా జ్యోత్స్నాధిపాననా .. 48..

జ్వరాతిగా జ్వలత్కాంతిర్జ్వాలామాలాసమాకులా .

ఝణన్నూపురపాదాబ్జా ఝంపాకేశప్రసాదితా .. 49..

ఝపకేతుప్రియాయూథసంచితచ్ఛవిమోహినీ .

ఝాటవాటోత్సవాధారా ఞరూపా టుంటుకేతరా .. 50..

ఠాత్మికా డంబరోత్కృష్టా దామరాధీశగామినీ .

ఢుంఢీష్టదేవతా ఢక్కామంజునాదప్రహర్షితా .. 51..

ణకారా తడిదోఘాభదీప్తాంగీ తత్త్వరూపిణీ .

తత్త్వకుశలా తత్త్వాత్మా తత్త్వాదిస్తనుమధ్యమా .. 52..

తంతుప్రవర్ద్ధినీ తన్వీ తపనీయనిభద్యుతిః .

తపోమూర్తిస్తపోవాసా తమసః పరతః పరా .. 53..

తమోఘ్నీ తాపశమనీ తారిణీ తుష్టమానసా .

తుష్టిప్రదాయికా తృప్తా తృప్తిస్తృప్త్యేకకారిణీ .. 54..

తేజఃస్వరూపిణీ తేజోవృషా తోయభవార్చితా .

త్రికాలజ్ఞా త్రిలోకేశీ థై థై శబ్దప్రమోదినీ .. 55..

దక్షా దనుజదర్పఘ్నీ దమితాశ్రితకంటకా .

దంభాదిమలమూలఘ్నీ దయార్ద్రాక్షీ దయామయీ .. 56..

దశస్యందనజప్రేష్ఠా దాక్షిణ్యాఖిలపూజితా .

దాంతా దారిద్ర్యశమనీ దివ్యధ్యేయశుభాకృతిః .. 57..

దివ్యాత్మా దివ్యచరితా దివ్యోదారగుణాన్వితా .

దివ్యా దివ్యాత్మవిభవా దీనోద్ధరణతత్పరా .. 58..

దీప్తాంగీ దీప్తమహిమా దీప్యమానముఖాంబుజా .

దురాసదా దురారాధ్యా దురితఘ్నీ దుర్మర్షణా .. 59..

దుర్జ్ఞేయా దుష్ప్రకృతిఘ్నీ దుఃస్వప్నాదిప్రణాశినీ .

ద్యుతిర్ద్యుతిమతి దేవచూడామణిప్రభుప్రియా .. 60..

దేవతాహితదా దైన్యభావాచిరసుతోషితా .

ధరాకన్యా ధరానందా ధరామోదవివర్ధినీ .. 61..

ధరారత్నం ధర్మనిధిర్ధర్మ సేతునిబంధినీ .

ధర్మశాస్త్రానుగా ధామపరిభూతతడిద్ద్యుతిః .. 62..

ధృతిర్ధ్రువా నతిప్రీతా నయశాస్త్రవిశారదా .

నామనిర్ధూతనిరయా నిగమాంతప్రతిష్ఠితా .. 63..

నిగమైర్గీతచరితా నిత్యముక్తనిషేవితా .

నిధిర్నిమికులోత్తంసా నిమిత్తజ్ఞానిసత్తమా .. 64..

నియతేంద్రియసంభావ్యా నియతాత్మా నిరంజనా .

నిరాకారా నిరాతంకా నిరాధారా నిరామయా .. 65..

నిర్వ్యాజకరుణామూర్తినీతిః పంకేరుహేక్షణా .

పతితోద్ధారిణీ పద్మగంధేష్టా పద్మజార్చ్చితా .. 66..

పద్మపాదా పద్మవక్త్రా పద్మినీ పరమేశ్వరీ .

పరబ్రహ్మ పరస్పష్టా పరాశక్తిః పరిగ్రహా .. 67..

పరిత్రాత్రీ పరిశ్లాఘ్యా పరేప్టా పర్యవస్థితా .

పవిత్రం పాటవాధారా పాతివ్రత్యధురంధరా .. 68..

పాపిపాపౌఘసంహర్త్రీ పారిజాతసుమార్చ్చితా .

పావనానుత్తమాదర్శా పావనీ పుణ్యదర్శనా .. 69..

పుణ్యశ్రవణచరితా పుణ్యశ్లోకవరీయసీ .

పుష్పాలంకారసంపన్నా పుష్టిః పుష్టిప్రదాయినీ .. 70..

పూతాత్మా పూతసర్వేహా పూజ్యపాదాంబుజద్వయా .

పూర్ణా పూర్ణేందువదనా ప్రకృతిః ప్రకృతేః పరా .. 71..

ప్రకృష్టాత్మా ప్రణమ్యాంఘ్రిః ప్రణయాతిశయప్రియా .

ప్రణతాతుల్యవాత్సల్య ప్రణతధ్వస్తసంసృతిః .. 72..

ప్రణవినీ ప్రతిష్ఠాత్రీ ప్రథమా ప్రథితా ప్రధీః .

ప్రపన్నరక్షణోద్యోగా ప్రవిత్తం ప్రవిశారదా .. 73..

ప్రహ్వీ ప్రాణప్రదా ప్రాణనిలయా ప్రాణవల్లభా .

ప్రాణాత్మికా ప్రార్థనీయా ప్రియమోహనదర్శనా .. 74..

ప్రియార్హా ప్రీతితత్త్వజ్ఞా ప్రీతిదా ప్రీతివర్ధినీ .

ప్రేజ్యా ప్రేమరతా ప్రేమవల్లభాతీవవల్లభా .. 75..

ప్రేమవారాం నిధిః ప్రేమవిగ్రహా ప్రేమవైభవా .

ప్రేమశక్త్యేకవివశా ప్రేమసంసాధ్యదర్శనా .. 76..

ప్రేమైకహాటకాగారా ప్రేమైకాద్భుతవిగ్రహా .

ఫణీంద్రావర్ణ్యవిభవా ఫలరూపా సుకర్మణాం .. 77..

బుద్ధిదా బుధమృగ్యాంఘ్రికమలా బోధవారిధిః .

బ్రహ్మలేఖాతిగా బ్రహ్మవేత్త్రీ బ్రహ్మాండవృందసూః .. 78..

భక్తత్రాణవిధానజ్ఞా భక్తిసంసాధ్యదర్శనా .

భజనీయగుణోపేతా భయఘ్నీ భవతారిణీ .. 79..

భవపూజ్యా భవారాధ్యా భవోత్పత్యాదికారిణీ .

భాగ్యైకసంశోధయిత్రీ భావైకపరితోషితా .. 80..

భూతప్రసూతిర్భూతాత్మా భూతాదిర్భూతిదాయినీ .

భూతిమత్సముపాస్యాంఘ్రిర్భూసుతా భ్రాంతిహారిణీ .. 81..

మంగలాశేషమాంగల్యా మంగలైకమహానిధిః .

మధురా మధురాకారా మననీయగుణావలిః .. 82..

మనోజవా మనోజ్ఞాంగీ మనోరమగుణాన్వితా .

మనః స్వరూపా మహతీ మహనీయగుణాంబుధిః .. 83..

మహద్ధ్ర్యేకా మహాకీర్తిర్మహాకోశా మహాక్రతుః .

మహాక్రమా మహాగర్తా మహాఛవిర్మహాద్యుతిః .. 84..

మహాదృష్టిర్మహాధామ్నీ మహానందస్వరూపిణీ .

మహానాయకసమ్మాత్యా మహానైపుణ్యవారిధిః .. 85..

మహాపూజ్యా మహాప్రాజ్ఞా మహాప్రేజ్యా మహాఫలా .

మహాభాగా మహాభోగా మహామతిమతాం వరా .. 86..

మహామాధుర్యసంపన్నా మహామాయాస్వరూపిణీ .

మహాయోగప్రసాధ్యైకా మహాయోగేశ్వరప్రియా .. 87..

మహారతిర్మహాలక్ష్మీర్మహావిద్యాస్వరూపిణీ .

మహాశక్తిర్మహాశ్రేష్ఠా మహాశ్లాఘ్యయశోఽన్వితా .. 88..

మహాసిద్ధిర్మహాసేవ్యా మహాసౌభాగ్యదాయినీ .

మహాహవిర్మహార్హార్హా మహిష్టాత్మా మహీయసీ .. 89..

మహీశజా మహోత్కర్షా మహోత్సాహా మహోదయా .

మహోదారా మహేశాదిసమాలభ్వ్యాంఘ్రిపంకజా .. 90..

మాతా సమస్త జగతాం మాధురీజితమాధురీ .

మాన్యపరమసమ్మాన్యా మా మితకోకిలస్వనా .. 91..

మిథిలేశక్రతూద్భూతా మిథిలేశ్వరనందినీ .

మీనాక్షీ ముక్తివరదా మునిసేవ్యపదాంబుజా .. 92..

మునీంద్రావర్ణ్యమహిమా మూలప్రకృతిసంజ్ఞితా .

మృగనేత్రా మృగాంకాభవదనా మృదుభాషిణీ .. 93..

మృదులా మూదులాచారా మృదుసమోహనేక్షణా .

మృదుస్వభావసంపన్నా మృద్వీ మేధసముద్భవా .. 94..

మేధేశీ మైథిలీ మోదవర్షిణీ మౌఢ్యభంజికా .

యతచిత్తేంద్రియగ్రామా యుక్తా యుక్తాత్మభాషితా .. 95..

యోగదా యోగనిలయా యోగస్థా యోగినాం గతిః .

యోగినాం సముపాలభ్యా యోగిరాజప్రియాత్మజా .. 96..

రక్తోత్పలలసద్ధస్తా రఘునందనవల్లభా .

రఘునాథస్వభావజ్ఞా రఘువీరసుఖే రతా .. 97..

రతిసౌందర్యదర్పఘ్నీ రతీశేహాహరస్మృతిః .

రవిమండలధ్యస్థా రవివంశేందుహృత్స్థితా .. 98..

రసజ్ఞా రసభావజ్ఞా రసానందవివర్ధినీ .

రమణీయగుణగ్రామా రమారాధ్యా రమాలయా .. 99..

రమ్యరమ్యనిధీ రమ్యాశేషా రసమయాకృతిః .

రసాపుత్రీ రసాసక్తా రసికానాం పరాగతిః .. 100..

రసికేంద్రప్రియా రాకాధిపపుంజనిభాననా .

రాఘవేంద్రప్రభావజ్ఞా రాధా రాసరసేశ్వరీ .. 101..

రాసలీలాకలాపజ్ఞా రాసానందప్రదాయినీ .

రాసేశీ రూపదాక్షిణ్యమండితా లక్ష్మణార్చ్చితా .. 102..

లలనాదర్శచరితా లలనాధర్మదీపికా .

లలామైకనామరూపలీలాధామగుణాదికా .. 103..

లలితాంభోజపత్రాక్షీ లలితాశేషచేష్టితా .

లావణ్యజితపాథోధిర్లాకృతిర్లీనరక్షికా .. 104..

లీలాభూమాధవప్రేష్ఠా లోకకల్యాణతత్పరా .

లోకత్రయమహారాజ్ఞీలోకమృగ్యాంఘ్రిపంకజా .. 105..

లోకజ్ఞా లోకశరణం లోకపావనపావనీ .

లోకప్రగీతమహిమా లోకానుత్తమదర్శనా .. 106..

లోకాలయకలాపాంబా లోకోత్పత్యాదికారిణీ .

లోకేశకాంతా లోకేశీ లోకైకప్రియకాంక్షిణీ .. 107..

లోచనాదీంద్రియవ్రాతశక్తిసంచారకారిణీ .

లోపయిత్రీ లోభహరా లోమశాదికభావితా .. 108..

వత్సరా వత్సలోత్కృష్టా వదాన్యా వనజేక్షణా .

వనమాలాంచితా వభ్వ్రీ వరణీయపదాశ్రయా .. 109..

వరదాధిరాజకాంతా వరదా వరవర్ణినీ .

వరబోధా వరారోహాభూషితా వర్ణనాతిగా .. 110..

వర్ణాభావా వర్ణశ్రేష్ఠా వర్ణాశ్రమవిధాయినీ .

వర్ణ్యానవద్యచిత్కేలిర్వర్ద్ధినీ సుఖసంపదాం .. 111..

వశకృద్వశగశ్రేష్ఠా వశ్యా వసుప్రదాయినీ .

బహుశ్రుతో వాచ్యకీర్తిర్వారిజాసనవందితా .. 112 ..

వికల్మషా విక్షరాత్మా విగతేహా విజేతృకా .

విజ్ఞానదాత్రీ విజ్ఞానమయాప్రాకృతవిగ్రహా .. 113..

విజ్ఞా విజ్వరా విదితా విదిశా విద్యయాఽన్వితా .

విద్యావత్పుంగవోత్కృష్టా విధాత్రీ విధికేతనా .. 114 ..

విధిదుర్జ్ఞేయమహిమా విధుపూర్ణముఖాంబుజా .

వినయార్హా వినీతాత్మా విపక్వాత్మా విపద్ధరా .. 115..

విమత్సరా విమలార్చ్యా విముక్తాత్మా విముక్తిదా .

విమోహినీ వియన్మూర్తిర్విరతిప్రదచింతనా .. 116..

విరామా విలసత్క్షాంతిర్విబుధర్షిగణార్చితా .

వివేకపరమాధారా వివేకవదుపాసితా .. 117..

విశదశ్లోకసంపూజ్యా విశాలేందీవరేక్షణా .

విశిష్టాత్మా విశేషజ్ఞా విశ్వలీలాప్రసారిణీ .. 118..

విశ్వతః పాణిపాదాస్యా విశ్వమాత్రైకధారిణీ .

విశ్వభరణీ విశ్వాత్మా విశ్వాలయవ్రజేశ్వరీ .. 119..

విశ్వాసరూపా విశ్వేషాం సాక్షిణీ విస్తృతోత్తమా .

వీణావాణీ వీతభ్రాంతిః వీతరాగస్మయాదికా .. 120..

వీతశంకాసమారాధ్యా వీతసంపూర్ణసాధ్వసా .

బుధారాధ్యాంఘ్రికమలా వృపపా వేదకారణం .. 121..

వేదగా వేదనిఃశ్వాసా వేదప్రణుతవైభవా .

వేదప్రతిపాద్యతత్త్వా వేదవేదాంతకోవిదా .. 122..

వేదరక్షావిధానజ్ఞా వేదసారమయాకృతిః .

వేదాంతవేద్యా వేదాంతా వైదేహీ వైభవార్ణవా .. 123..

వంకచికురా వంకభ్రూర్వంకాకర్షణవీక్షణా .

శక్తివ్రజేశ్వరీ శక్తిః శతమూర్తిః శతోదితా .. 124..

శబ్దబ్రహ్మాతిగా శబ్దవిగ్రహా శమదాయినీ .

శమితాశ్రితసంక్లేశా శమిభక్త్యాశుతోషితా .. 125..

శంపాదామోల్లసత్కాంతిః శంప్రదధ్యానసంస్తవా .

శమ్మయాశేషకైంకర్య్యా శరణం సర్వదేహినాం .. 126..

శరణాగతసంత్రాత్రీ శరణ్యైకాఽసుధారిణాం .

శబరీమానదప్రేష్ఠా శాంతా శాంతిప్రదాయినీ .. 127..

శాశ్వతచింతనీయాంఘ్రికమలా శాశ్వతస్థిరా .

శాశ్వతీ శాసికోత్కృష్టా శిరోధార్యకరాంబుజా .. 128..

శిశిరా శీలసంపన్నా శుచిగమ్యాంఘ్రిచింతనా .

శుచిప్రాప్యపదాసక్తిః శుద్ధాంతఃకరణాలయా .. 129..

శుద్ధా శుద్ధిప్రదధ్యానా శూలత్రయనివారిణీ .

శైలరాజసుతాదీష్టా శోభాసాగర సత్కృతా .. 130..

శౌర్యపాథోనిధిః శ్యామా శ్రయణీయపదాంబుజా .

శ్రవణీయయశోగాథా శ్రీకరీ శ్రీప్రదాయినీ .. 131..

శ్రీమదుత్తంసమహితా శ్రీమయీ శ్రీమహానిధిః .

శ్రీలక్ష్మ్యాదిభిః సేవ్యా శ్రీవాసా శ్రీసముద్భవా .. 132..

శ్రీః శ్రుతిగీతచరితా శ్రుత్యంతప్రతిపాదితా .

శ్రేయోగుణేరణా శ్రేయోనిధిః శ్రేయోమయస్మృతిః .. 133..

శ్రోత్రియైకసమారాధ్యా శ్లక్ష్ణసూనృతభాషిణీ .

శ్లాఘనీయమహాకీర్తిః శ్లీలచారిత్ర్యవిశ్రుతా .. 134..

శ్లోకలోకార్చితాబ్జాంఘ్రిః శ్వసనాధీశసత్కృతా .

శ్వేతధామోల్లసద్వక్త్రా షట్చతుర్వస్విలోదితా .. 135 ..

షడతీతా షడాధారా షడర్ద్ధాక్షహృదిస్థితా .

సఖీమండలమధ్యస్థా సగుణా సంక్షయోజ్ఝితా .. 136..

సంఖ్యాతీతగుణా సంగముక్తా సంగీతకోవిదా .

సంగీర్ణప్రణతత్రాణా సంగ్రహానుగ్రహే రతా .. 137..

సఖ్యశీఘ్రసమాసాద్యా సజ్జనోపాసితాంఘ్రికా .

సతతారాధ్యచరణా సతీత్వాదర్శదాయినీ .. 138..

సతీవృందశిరోరత్నం సతీశాజస్రభావితా .

సత్తమా సత్యధర్మైకపాలికా సత్యరూపిణీ .. 139..

సత్యసంచింతనా సత్యసంధా సత్యాపతిస్నుషా .

సత్యా సత్రధరాగర్భోద్భూతా సత్వవదగ్రణీః .. 140..

సదాచారా సదాసేవ్యా సదృశాతీతశేముషీ .

సనాతనీ సదానమ్యా సంతోషైకప్రదాయినీ .. 141..

సందేహాపహరా సంధిః సన్నిషేవ్యసమాశ్రితా .

సన్నుత్యాశేషచరితా సభ్యలోకసభాజితా .. 142..

సమగ్రజ్ఞానవైరాగ్యధర్మశ్రీర్యశోనిధిః .

సమగ్రైశ్వర్యసంపన్నా సమతీతగుణోపమా .. 143..

సమదృష్టిః సమర్చ్యైకా సమర్థాగ్రా సమర్ధకా .

సమవిశ్వమనోజ్ఞాంగీ సమవేక్ష్యాంఘ్రిలాంఛనా .. 144..

సమాకర్ణ్యయశోగాథా సమాహర్త్రీ సమాహితా .

సమానాత్మా సమారాధ్యా సమాలంబ్యాంఘ్రిపంకజా .. 145..

సమావర్తా సమాసేవ్యా సమార్హా సమితింజయా .

సమీక్ష్యావ్యాజకరుణా సవిభావ్యసువిగ్రహా .. 146..

సరయూపులినాక్రీడా సరలా సరసేక్షణా .

సర్గస్థిత్యంతప్రభవా సర్వకామప్రదాయినీ .. 147..

సర్వకార్యబుధా సర్వచ్ఛద్మజ్ఞా సర్వజన్మదా .

సర్వజీవహితా సర్వజ్ఞానినాం జ్ఞేయసత్తమా .. 148..

సర్వజ్ఞాననిధిః సర్వజ్ఞానవద్భిరుపాసితా .

సర్వజ్ఞా సర్వజ్యేష్ఠాదిః సర్వతీర్థమయస్మృతిః .. 149..

సర్వతోఽక్ష్యాస్యహస్తాంఘ్రికమలా సర్వదర్శనా .

సర్వదివ్యగుణోపేతా సర్వదుఃఖహరస్మితా .. 150..

సర్వదేవనుతా సర్వధర్మతత్త్వవిదాం వరా .

సర్వధర్మనిధిః సర్వనాయకోత్తమనాయికా .. 151..

సర్వనీతిరహస్యజ్ఞా సర్వనైపుణ్యమండితా .

సర్వపాపహరధ్యానా సర్వపావనపావనీ .. 152..

సర్వభక్తావనాభిజ్ఞా సర్వభక్తిమతాం గతిః .

సర్వభావపదాతీతా సర్వభావప్రపూరికా .. 153..

సర్వభక్తిప్రదోత్కృష్టా సర్వభూతహితే రతా .

సర్వభూతాశయాభిజ్ఞా సర్వభృతసుధారిణీ .. 154..

సర్వమంగలమాంగల్యా సర్వమండనమండనా .

సర్వమేధావినాం శ్రేష్ఠా సర్వమోదమయేక్షణా .. 155..

సర్వమోహచ్ఛిదాసక్తిః సర్వమోహనమోహినీ .

సర్వమౌలిమణిప్రేష్ఠా సర్వయజ్ఞఫలప్రదా .. 156..

సర్వయజ్ఞవ్రతస్నాతా సర్వయోగవినిఃసృతా .

సర్వరమ్యగుణాగారా సర్వలక్షణలక్షితా .. 157..

సర్వలావణ్యజలధిః సర్వలీలాప్రసారిణీ .

సర్వలోకనమస్కార్యా సర్వలోకేశ్వరప్రియా .. 158..

సర్వలోకేశ్వరీ సర్వలౌకికేతరవైభవా .

సర్వవిద్యావ్రతస్నాతా సర్వవైభవకారణం .. 159..

సర్వశక్తిమతామిష్టా సర్వశక్తిమహేశ్వరీ .

సర్వశత్రుహరా సర్వశరణం సర్వశర్మదా .. 160..

సర్వశ్రేయస్కరీ సర్వసహా సర్వసదర్చితా .

సర్వసద్భావనాధారా సర్వసద్భావపోషిణీ .. 161..

సర్వసౌఖ్యప్రదా సర్వసౌభాగ్యైకప్రదాయినీ .

సాకేతపరమస్థానా సాకేతపరమోత్సవా .. 162..

సాకేతాధిపతిప్రేష్ఠా సాకేతానందవర్షిణీ .

సాక్షాన్ఛ్రీః సాక్షిణీ సర్వదేహినాం సర్వకర్మణాం .. 163..

సాఘప్రాణిజనారుష్టా సాతపత్రోత్తమాసనా .

సాధనాతీతసంప్రాప్తిః సాధ్యా సాధ్వీజనప్రియా .. 164..

సామగా సామగోద్గీతా సాఫల్యైకప్రదాయినీ .

సామర్థ్యజగదాధారమోహినీ సామ్యదాయినీ .. 165..

సారజ్ఞా సిద్ధసంకల్పా సిద్ధసేవ్యపదాంబుజా .

సిద్ధార్థా సిద్ధిదా సిద్ధిరూపిణీ సిద్ధిసాధనం .. 166 .

సీతా సీమంతినీశ్రేష్ఠా సీరధ్వజనృపాత్మజా .

సుకటాక్షా సుకీర్తీడ్యా సుకృతీనాం మహాఫలా .. 167..

సుకేశీసుఖమూలైకా సుఖసందోహదర్శనా .

సుగమా సుఘనజ్ఞానా సుచార్వీ సుజవోత్తమా .. 168..

సుజ్ఞా సుతన్వీ సుదతీ, సుదాననిరతాశ్రయా .

సుధావాణీ సుధీరాత్మా సుధీశ్రేష్ఠా సుధేక్షణా .. 169..

సునయనాక్రోడరత్నం సునయనాప్రపోషితా .

సునయనామహారాజ్ఞీహృదయానందవర్ద్ధినీ .. 170..

సునాసా సునిదిధ్యాస్యా సునీతిః సుప్రతిష్ఠితా .

సుప్రసాదా సుభగాయాః కరపల్లవచర్చితా .. 171..

సుభగా సుభుజా సుభ్రూః సుముఖీ సురపూజితా .

సురాధ్యక్షా సురానమ్యా సురాధీశజరక్షికా .. 172..

సురేశ్వరీ చ సులభా సువర్ణాభాంగశోభనా .

సువేద్యైకా సుశరణం సుశ్రీః సుశ్లోకసత్తామా .. 173..

సృష్టదీనహితోపాయా సృష్టిజన్మాదికారిణీ .

సేవ్యా సైరధ్వజీజ్యేష్ఠా సోమవత్ప్రియదర్శనా .. 174..

సౌభాగ్యజననీ సౌమ్యా స్థానం సర్వాసుధారిణాం .

స్థిరా స్థూలదయా చైవ స్థూలసూక్ష్మవిలక్షణా .. 175..

స్రష్టృపాత్రంతకర్తౄణామీశ్వరీ స్వగతిప్రదా .

స్వంఘ్రికా స్వచ్ఛహృదయా స్వచ్ఛందా స్వజనప్రియా .. 176..

స్వజనానందనివహా స్వతర్క్యా స్వధరస్మితా .

స్వధర్మాచరణాఖ్యాతా స్వధర్మావనపండితా .. 177..

స్వధాస్వరూపా స్వధృతా స్వభావాఘహరస్మితా .

స్వభావాపాస్తనార్శస్యా స్వభావావర్ణ్యమార్దవా .. 178..

స్వభావావాచ్యవాత్సల్యా స్వవశా స్వస్తిదక్షిణా .

స్వస్తిదా స్వస్తిరూపా చ స్వామినీసర్వదేహినాం .. 179..

స్వాస్యా స్వాశ్రితసర్వేష్టదాయినీ స్విష్టదేవతా .

స్వేచ్ఛాచారేణరహితా హరిణోత్ఫుల్లలోచనా .. 180..

హారసంభూషితా హాస్యస్పర్ద్ధిచంద్రకరవ్రజా .

హితైకా సర్వజగతాం హృదయానందవర్ద్ధినీ .. 181..

హృదయేశీ చ హృద్యైకా హేమాగారనివాసినీ .

హేమాసేవ్యపదాంభోజా హేయపాదాబ్జవిస్మృతిః .. 182..

హ్లాదినీ హ్రీమతాం శ్రేష్ఠా క్షమాధ్వస్తధరాస్మయా .

క్షమాస్వరూపా క్షమిణాం క్షమేశీ క్షాంతివిగ్రహా .. 183..

క్షితీశతనయా క్షేమదాయినీ క్షేమయాఽర్చితా .

సుతా తవైషా కల్యాణీ సర్వోపాస్యేతి  మేం మతం .. 184..

ఇయం హి రాజన్ ! మృగపోతలోచనా వాగీశ్వరీశైలసుతారమాదిభిః .

నిషేవ్యమాణాడ్ఘ్రిసరోరుహద్వయా విరాజతే పూర్ణసుధాకరాననా .. 185..

మహామునీనాం యతిపుంగవానాం యోగేశ్వరాణాం సురసత్తమానాం .

సిద్ధీశ్వరాణాం విగతైషణానాం భోగార్థినాం మోక్షపదేచ్ఛుకానాం .. 186..

హానీతరోత్సుక్యసమన్వితానాం స్వజన్మనో భూమిపతేఽఖిలానాం .

సంభావనీయా సముపాసనీయా జ్ఞేయాఽనుగేయా తనయా తవేయం .. 187..

అనంతనామాని తవాత్మజాయాః సంతి క్షితీశప్రవరాద్య తేషాం .

మయా సహస్రేణ ముదా ప్రగీతా తనోతు శం సేయమయోనిజా నః .. 188..

భక్త్యాఽనురక్త్యా పఠతామజస్ర ధ్యానాన్వితానాం తనయా ధరణ్యా .

దృగ్గోచరీ వంఛితసిద్ధిదాత్రీ భూయాద్ద్రుతం నామ సహస్రమేతత్ .. 189..

శ్రీశివ ఉవాచ .

నృణాం చతుర్వర్గవిలోలచేతసాం పాట్యం సంకల్పమిదం శుభావహం .

గిరీంద్రకన్యే ! మధురాక్షరాన్వితే శ్రీజానకీనామసహస్రమన్వహం .. 190..

ఇతి సప్తాశీతితమోఽధ్యాయాంతర్గతం శ్రీజానకీసహస్రనామస్తోత్రం సంపూర్ణం ..87..