తారోపనిషత్ అథర్వవేదీయ

తారోపనిషత్ అథర్వవేదీయ

ఓం

అథ తారోపనిషత్ .

ఓం తత్సత్ . బ్రహ్మతద్రూపం  ప్రకృతిపరం గగననాభం   తత్పరం

పరమం మహత్సత్యం తదహం  హ్రీంకారం రక్తవర్ణం మన్నాభిస్త్రీంకారం

పింగలాభం హూంకారం  మద్ధృదయరూపం విశదాభం భూమండలం

ఫట్కారం ధూమ్రవర్ణం మద్ఖడ్గమోంకారజ్వలద్రూపం మే మస్తకం

వేదా మద్ధస్తాశ్చంద్రార్కానలా మన్నేత్రే దివానక్తం మత్పాదౌ సంధ్యే

మత్కర్ణౌ సంవత్సరో మదుదరం  శ్వేతకృష్ణపక్షౌ  మత్పార్శ్వై

వారర్తవో మదంగుల్యో విద్యా మన్నఖాః పావకో మన్ముఖం మహీ మద్రసనా

ద్యౌర్మన్ముఖం  గగనం మధృదయం భక్తిర్మమ చర్మరసం మద్రుధిరం

చాన్నం వాసాంసి ఫలాని నిరహంకారా అస్థీని సుధామన్మజ్జా స్థావరాణి

మద్రోమాణి పాతాలాదిలోకౌ మత్కుచౌ బ్రహ్మనాదం మన్నాడ్యో జ్ఞానం మన్మనః

క్షమాబుద్ధిః శూన్యం మదాసనం నక్షత్రాణి మద్భూషణాని ..

ఏతద్వైరాటకం మద్వపుః . మదుజ్వలం సత్త్వం బిందుస్వరూపం

మహోంకారస్వరూపజ్జ్యోతిర్మయం విద్ధి . శిర ఉగ్రతారాం మహోగ్రాం నీలాం

ఘనామేకజటాం మహామాయాం ప్రకృతిం మాం విదిత్వా యో జపతి మద్రూపాణి

యో వేత్తి మన్మంత్రం యో జపతి మద్రూపకల్పితాం యో జపతి మద్రూపాణి యో

వేత్తి  మన్మంత్రం యో జపతి  మద్రూపకల్పతాం యో జపతి భగం భజతి

నిర్వికల్పః సాధకః సదా మద్రూపో భవతి ..

సర్వాణి కర్మాణి సాధ్యాని (కృత్వా) నిర్భయో భవతి . గురున్నత్వా

వస్త్రభూషణాని దత్త్వా ఇమానుపనిషద్విద్యాం ప్రాప్య మాం యో జపతి స

జీవన్ముక్తో భవతి ..

ఇత్యథర్వవేదే సౌభాగ్యకాండే తారోపనిషత్సమాప్తా ..