తులసీమహిమా

మహాదేవ ఉవాచ .

విష్ణుప్రీతిం కరోత్వేషా తరుర్భూత్వా మహీతలే .

శరీరమర్జ్యతామస్యాః శ్రీవిష్ణుప్రీతయే గణాః .. 1..

అస్యాః పత్రేణ వృందాయాః పూజితః స్యాత్ స్వయం హరిః .

నాన్యేనేతి సువిజ్ఞేయం మణిముక్తాదినాపి చ .. 2..

నామాస్యాస్తులసీత్యస్తు పవిత్రాయాః సుపావనం .

తకారో మరణం ప్రోక్తం తద్యోగః స్యాదుకారతః .. 3..

మృతా లసతి చేత్యేవం తులసీత్యేవ గీయతే .

స్థితః ప్రతిదలేష్వస్యా మంత్రో ద్వాదశవర్ణకః .. 4..

అధిష్ఠాత్రీ దేవతాస్యామావాం దేవీమహేశ్వరౌ .

నారాయణ ఉపాస్యోఽస్యాః ప్రియేయం వైష్ణవీ మతా .. 5..

(ద్వాదశవర్ణకః అథవా ద్వాదశాక్షరవిష్ణుమంత్రః

ఓం నమో భగవతే వాసుదేవాయ .)

.. ఇతి బృహద్ధర్మపురాణే సప్తమోఽధ్యాయే మహాదేవప్రోక్తం

తులసీ ప్రాదుర్భావసహితా తులసీమహిమా సంపూర్ణా ..

.. బృహద్ధర్మపురాణం . పూర్వఖండః . అధ్యాయః 7. 60.2-64..