DEVI STOTRAS Stotras & Hymns - Read Sacred Verses

అంబా నవమణిమాలా అథవా ఆర్యా నవకం

అంబా నవమణిమాలా అథవా ఆర్యా నవకం.

Telugu

Read Stotra

అంబా నవమణిమాలా అథవా ఆర్యా నవకం

వాణీం జితశుకవాణీమలికులవేణీం భవాంబుధిద్రోణీం .

వీణాశుకశిశుపాణీం నతగీర్వాణీం నమామి శర్వాణీం .. 1..

కువలయదలనీలాంగీం కువలయరక్షైకదీక్షితాపాంగీం .

లోచనవిజితకురంగీం మాతంగీం నౌమి శంకరార్ధాంగీం .. 2..

కమలాకమలజకాంతాకరసారసదత్తకాంతకరకమలాం .

కరయుగలవిధృతకమలాం విమలాం కమలాంకచూడసకలకలాం .. 3..

సుందరహిమకరవదనాం కుందసురదనాం ముకుందనిధిసదనాం .

కరుణోజ్జీవితమదనాం సురకుశలాయాఽసురేషుకృతకదనాం .. 4..

అరుణాధరజితబింబాం జగదంబాం గమనవిజితకాదంబాం .

పాలితసుజనకదంబాం పృథులనితంబాం భజే సహేరంబాం .. 5..

శరణాగతజనభరణాం కరుణావరుణాలయాం నవావరణాం .

మణిమయదివ్యాభరణాం చరణాంభోజాతసేవకోద్ధరణాం .. 6..

తుంగస్తనజితకుంభాం కృతపరిరంభాంశివేన గుహడింభాం .

దారితశుంభనిశుంభాం నర్తితరంభాం పురో విగతదంభాం .. 7..

నతజనరక్షాదీక్షాం ప్రత్యక్షదైవతాధ్యక్షాం .

వాహీకృతహర్యక్షాం క్షపితవిపక్షాం సురేషుకృతరక్షాం .. 8..

ధన్యాం సురవరమాన్యాం హిమిగిరికన్యాం త్రిలోకమూర్ద్ధన్యాం .

విహృతసురద్రుమవన్యాం వేద్మి వినా త్వాం న దేవతాస్వన్యాం .. 9..

ఏతాం నవమణిమాలాం పఠంతి భక్త్యేహ యే పరాశక్త్యాః .

తేషాం వదనే సదనే నృత్యతి వాణీ రమా చ పరమముదా .. 10..

పాతయ వా పాతాలే స్థాపయ వా సకలభువనసామ్రాజ్యే .

మాతస్తవ పదయుగలం నాహం ముంచామి నైవ ముంచామి .. 11..

ఇతి అంబా నవమణిమాలా సమాప్తా .

నవరత్నమాలికా

ఆర్యా నవకం

అంధకకృతా గౌరీస్తుతిః

అంధకకృతా గౌరీస్తుతిః.

Telugu

Read Stotra

అంధకకృతా గౌరీస్తుతిః

అంధక ఉవాచ.

ఓం నమస్యే భవానీం భూతభవ్యప్రియాం లోకధాత్రీం జనిత్రీం స్కందమాతరం మహాదేవప్రియాం ధారిణీం స్యందినీం చేతనాం త్రైలోక్యమాతరం ధరిత్రీం దేవమాతరమథేజ్యాం శ్రుతిం స్మృతిం దయాం లజ్జాం కాంతిమగ్ర్యామసూయాం మతిం సదాపావనీం దైత్యసైన్యక్షయకరీం మహామాయాం వైజయంతీం సుశుభాం కాలరాత్రిం గోవిందభగినీం శైలరాజపుత్రీం సర్వదేవార్చితాం సర్వభూతార్చితాం విద్యాం సరస్వతీం త్రినయనమహిషీం నమస్యామి మృడానీం శరణ్యాం శరణముపాగతోఽహం నమో నమస్తే .. 91

ఇతి శ్రీవామనపురాణే సప్తతితమోఽధ్యాయే అంధకకృతా గౌరీస్తుతిః .

అంధకకృతం పార్వతీస్తోత్రం

అంతర్విమర్శః

అంతర్విమర్శః.

Telugu

Read Stotra

అంతర్విమర్శః

మూలే దీపాంకురాకారామగ్రే పద్మానుకారిణీం .

కిరంతీమమృత-జ్యోత్స్నాం కలయే బోధ-సారిణీం .. 1..

యాతాయాత-పరాక్రాంత-చక్రాంత-పరివర్తినీం .

గాహే జ్ఞప్తి-సుధా-సూతిం సిద్ధి-సాధన-వర్తినీం .. 2..

ప్రత్యక్షీ-క్రియతే యాంతరసంప్రజ్ఞాత-వర్త్మనా .

తాం వ్యామృశామి విశ్వేశీం దహరాకాశ-రూపిణీమ్మ్ .. 3..

యదాజ్ఞయా స్వస్వ-కృత్యే పంచ-భూతాని జాగ్రతి .

తాం సిద్ధి-పాణి-గ్రహణ-కల్యాణ-కలశీం స్తువే .. 4..

శ్యామామపి పరిస్ఫూర్జత్తడిత్కాంత-కలేవరాం .

వందే త్రివిగ్రహాం నానా-విగ్రహామప్యవిగ్రహాం .. 5..

సంసార-సర్ప-సందష్ట-స్వాస్థ్య-సంపాదనోద్యతాం .

ఉద్యత్సాంద్ర-దయా-దృష్టి-దృష్ట-భక్త-కులాం శ్రయే .. 6..

దుర్వాసనా-సరిన్మగ్న-సముద్ధరణ-తత్పరాం .

ఉపాసే పరమేశానీం స్థాస్ను-సౌహిత్య-సాధనీం .. 7..

అంతరూర్ధ్వమధో-విశ్వగ్వికసన్మహిమాశ్రయాం .

విద్యామవిద్యా-హతయే ప్రతిపద్యే మహేశ్వరీం .. 8..

యే చైకతాన-మనసః సముదీరయంతి దుర్గాప్రసాద-గదితం స్తవ-రత్నమేతత్ .

తేఽన్తః-ప్రమాదమవహత్య సమూల-ఘాతం దుర్గా-ప్రసాదన-కృతే ప్రగుణీభవంతి .. 9..

ఇతి శ్రీదుర్గాప్రసాదద్వివేదీవిరచితః అంతర్విమర్శః సంపూర్ణః ..

Sign In

OTP Verification

Sacred Stotras & Deities

అంబా నవమణిమాలా అథవా ఆర్యా నవకం

అంధకకృతా గౌరీస్తుతిః

అంతర్విమర్శః

MENU

LINKS

Astrologer Section

Vendor Section

GET ADVICE ON

Download Our Apps