Sacred Stotras & Deities

పద్మావతీకవచం

శ్రీగణేశాయ నమః .

శ్రీభైరవ ఉవాచ .

అధునా కవచం దివ్యం మంత్రగర్భం వరాభయం .

వక్ష్యే పార్వతి భక్తాతే వజ్రపంజరకాభిధం .. 1..

గుహ్యం చ పరమం గుహ్యం సర్వస్వం మే రహస్యకం .

సర్వమంత్రమయం తత్త్వం దేవీ పద్మావతీ ప్రియం .. 2..

వినాజ్ఞానేన సిద్ధిః స్యాత్కవచేంద్రేణ పార్వతి .

మంత్రస్యాస్య మహాదేవ్యా నాఖ్యేయం యత్రకుత్రచిత్ .. 3..

అస్య ధారణమాత్రేణ భైరవోఽహం శివోఽస్మ్యహం .

విష్ణుర్నారాయణో లోకే బ్రహ్మలోక పితామహః .. 4..

ఇంద్రో దివస్పతిర్దేవి గురుర్వాగీశతాంగతః .

శుక్రో దైత్యగురుర్దేవి యః పఠేద్శ్రావయేదపి .. 5..

ధారయేన్మూర్ధ్ని వా బాహౌ సభవేద్భోగమోక్షభాక్ .

కవచస్యాస్య దేవేశి సదాశివ ఋషిరుఢతః .. 6..

త్రిష్టుప ఛంద ఇతిఖ్యాతం దేవీ పద్మావతీ స్మృతా .

రమాబీజం పరాశక్తిః కామః కీలకమీశ్వరి .. 7..

భోగాపవర్గ సిధ్యర్థం ధారయేవినియోగకః .

ఓం అస్య శ్రీపద్మావతీవజ్రపంజరకవచస్య శ్రీసదాశివఋషిః

త్రిష్టుపఛందః శ్రీసర్వజ్ఞేశ్వరసహితా శ్రీపద్మావతీదేవతా

శ్రీం బీజం హ్రీం శక్తిః క్లీం కీలకం శ్రీభోగాపవర్గసిద్ధ్యర్థం

కవచేపాఠేధారణే వినియోగః ..

ఓం హ్రీం శ్రీం మే శిరః పాతు రాజ్యలక్ష్మీః శివప్రియా .

క్లీం బ్లూం ఫట్ పాతు నేత్రే మహాలక్ష్మీర్హరిప్రియా .. 8..

ఓం ఐం క్లీం మే శ్రుతీ పాతు సిద్ధలక్ష్మీ శివాసనా .

దయావతీ పాతు నాసాం పాతు సత్యవతీ ముఖం .. 9..

కంఠం యశోవతీ పాతు స్కంధౌపాత్వమరావతీ .

ప్రభావతీ భుజౌ పాతు పాయాద్వనవతీ కరౌ .. 10..

వక్షః క్రియావతీ పాతు స్తనౌ పాతుమరావతీ .

కుక్షిం మే కమలా పాతు నాభిం మే విమలావతు .. 11..

పార్శ్వౌమమావృతాన్మాలా విశాలాక్షీం కటిం మమ .

పృష్ఠం కపాలినీ పాతు లింగం మేఽవతు మాలినీ .. 12..

హారిణీ పాతు మే మేఢ్రే గుదం హాలాచతాన్మమ .

మమోరూ బాలికా పాతు జానూ మే కోమలావతు .. 13..

బలామమావతాజ్జంఘే గుల్ఫౌ సేవ్యాద్బలాకినీ .

పాదౌ మే శాకినీ పాతు లాకినీ నఖరాన్మమ .. 14..

పాదాదిమూర్ధపర్యంతం డాకినీ పాతు మేవపుః .

శిరసః పాదపర్యంతం ఖేచరీ సకలం వపుః .. 15..

పూర్వే మాం పాతు బ్రహ్మాణీ వహ్నౌ నారాయణీ చ మాం .

పశ్చిమే పాతు మాం నిత్యం మంగలాఖ్యాపరాజితా .. 16..

వాయవ్యే పాతు కౌమారీ వారాహీచోత్తరేఽవతు .

ఐశాన్యాం నారసింహీ మాం పాతు సర్వత్ర సర్వదా .. 17..

అసితాంగః ప్రభాతేవ్యాన్మధ్యాహ్నే రురుభైరవః .

నిశాంతేఽవతుసోన్మత్తః సర్వదామాం కపాలకః .. 18..

రాత్రిర్దినం భీషణేశః సంహారః సర్వతోఽవతు .

సర్వతః సర్వదా సత్యం రణే రాజభయాదిషు .. 19..

పాతు మాం సకలత్రం చ దేవీ పద్మావతీ పరా .

ఇంద్రోమే కమలాం పాతు పాతు వహ్ని భయాచ్చమాం .. 20..

ధర్మరాజోఽవతాద్వర్మం రక్షోభీతిషునిందతిః .

వరుణః సలిలా పాతు కల్పాంతపవనాన్మరుత్ .. 21..

ధనం ధనపతిః పాయాదైశ్వర్య పరమేశ్వరః .

ఊర్ధ్వం బ్రహ్మా సదా పాయాదధోనారాయణోఽవతుః .. 22..

సర్వతః సకలం సేవ్యాత్సవజ్ఞేశ్వరభైరవః .

ఓం ఓం ఓం వం వం ఓం విషాద్విషధరాత్పద్మావతీ పాతుమాం .. 23..

హ్రీం హ్రీం హ్రీం హ హ హా హ్సౌః హయగజంత్రాసాత్పరాపాతు మాం .

శ్రీం శ్రీం శ్రీం శ శ శా శశాంకముకుటః సర్వజ్ఞనాథోఽవతు .. 24..

క్లీం క్లీం క్లీం కలిపావతోరిపుభయాన్నాగేంద్రభూనాయకీ .

ఇతీదం కవచం దివ్యం వజ్రపంజరకాభిధం .

సర్వమంత్రమయం సిద్ధం సర్వదేవీమయం పరం .. 25..

సర్వ సమ్మోహనం వర్మ సర్వాసా పరిపూరకం .

ధనదం కీర్తిదం దేవి సర్వసారస్వతప్రదం .. 26..

సర్వపూజారహస్యం చ సర్వయజ్ఞఫలప్రదం .

సర్వైశ్వర్యప్రదం తత్త్వం సర్వమంత్రరహస్యకం .. 27..

యః పఠేత్పాఠయేద్వాపి శృణోతి శ్రావయేదపి .

సవాగ్మీధనవాంల్లోకే విద్యయా గురూసన్నిభః .. 28..

ఐశ్వర్యేణ మహేశస్తు శ్రియావైశ్రవణోపమః .

బలేన వాయుఃసదృశోనీత్యా భార్గవసన్నిభః .. 29..

జయవాన్ రామసదృశో దయయావిష్ణుదేవసః .

బహునోక్తేన కిం దేవి యః పఠేద్ధారయేదిదం .. 30..

ఇహలోకే రిపూంజిత్వా ప్రాప్నుయాన్నిశ్చలాం శ్రియం .

రవౌభూర్జే లిఖేద్వర్మ మూలమంత్రమయం శివే .. 31..

సయంత్రం వాష్టగంధేన మాతృకాక్షరవేష్టితం .

శ్వేతసూత్రేణ సంవేష్ట్య లాక్షయాపరివేష్టయేత్ .. 32..

సౌవర్ణేనాథ సంవేష్ట్య పూజయేద్యంత్రరాజవత్ .

ధారయన్ మూర్ధ్నివాబాహౌయోషిద్వామకరేతథా .. 33..

కిం కిం న సాధయేద్వీరో భవేద్భైరవసన్నిభః .

వంధ్యాప్రసూయతే పుత్రాన్ కాకవంధ్యాచిరాయుషః .. 34..

మృతవత్సాపిదేవేశి లభేత్పుత్రకులోత్తమాన్ .

రణేరిపూంజయేద్వీరః శయ్యరాజ్యమకంటకం .. 35..

భుక్త్వాభోగాం లభేదంతే పరం భాగవతం పదం .

ఇదం రహస్యమేశాని తవభక్త్యామయేరితం .. 36..

అదాతవ్యమభక్తాయ గోపనీయం స్వయోనివత్ .

ఇతి శ్రీదేవీయామలతంత్రే షడామ్నాయ ప్రదీపికాయాం

పద్మావతీకవచం సంపూర్ణం ..