శ్రీపద్మావతీస్తోత్రం 4

శ్రీధరాచార్యవిరచితం

ఓం జయంతీభమాతంగీ సర్చదుష్టక్షయంకరీ .

పద్మాసనే పద్మదేవీ చ మహాపద్మే నమోనమః .. 1..

దేవీ త్వం ధ్యాయితా ఇంద్రే పూజితా శివసంకరే .

కృష్ణేన సంస్తుతా దేవో మహాపద్మే నమోనమః .. 2..

సావిత్రి పతిమారాధ్య వాసుకై సేవితా భృశం .

తేషాం సంతుక్షతే దేవీ మహాపద్మే నమోనమః .. 3..

పద్మాంబరధరా దేవీ పద్మద్రహనివాసినీ !

పద్మాయుధధరా నిత్యం మహాపద్మే నమోనమః .. 4..

యస్యాం ప్రసన్నతాం పద్మే తస్యో దారిద్ర్యనాశనే .

జయ త్వం సుఖదాతా చ మహాపద్మే నమోనమః .. 5..

దేవి ! దారిద్ర్యదగ్ధాహం తన్మేసం సంకరీభవ .

చిఞ్తితా వరదాతా చ మహాపద్మే నమోనమః .. 6..

పద్మావతీ యస్యా గృహే పూజితా జగదీశ్వరీ .

హృదయే యస్య వర్తంతే తస్య సౌఖ్యం నిరంతరం .. 7..

ఇదం స్తోత్రం పవిత్రం చ శ్రీధరాచార్యభాషితం .

ఏకాగ్రమనసా సాధ్యం తస్య సౌఖ్యం నిరంతరం .. 8..

రణే రాజకులే చైవ దుర్గ్గమే శత్రుసంకటే .

మహావనే మహాభీమే విధ్నో యాంతి దిసో దిసా .. 9..

అపుత్రో లభతే పుత్రం ధనార్థీ లభతే ధనం .

విద్యార్థీ లభతే విద్యాం సుఖార్థీ లభతే సుఖం .. 10..

ఇతి శ్రీధరాచార్యవిరచితం శ్రీపద్మావతీస్తోత్రం సంపూర్ణం .