(ఋ.వే.2.23.1)
గ॒ణానా”o త్వా గ॒ణప॑తిం హవామహే
క॒విం క॑వీ॒నాము॑ప॒మశ్ర॑వస్తమం |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒
ఆ న॑: శృ॒ణ్వన్నూ॒తిభి॑: సీద॒ సాద॑నం ||
(ఋ.వే.1.18.1)
సో॒మాన॒o స్వర॑ణం కృణు॒హి బ్ర”హ్మణస్పతే |
క॒క్షీవ॑న్త॒o య ఔ॑శి॒జః || 1
యో రే॒వాన్ యో అ॑మీవ॒హా వ॑సు॒విత్ పు॑ష్టి॒వర్ధ॑నః |
స న॑: సిషక్తు॒ యస్తు॒రః || 2
మా న॒: శంసో॒ అర॑రుషో ధూ॒ర్తిః ప్రణ॒ఙ్ మర్త్య॑స్య |
రక్షా” ణో బ్రహ్మణస్పతే || 3
స ఘా” వీ॒రో న రి॑ష్యతి॒ యమిన్ద్రో॒ బ్రహ్మ॑ణ॒స్పతి॑: |
సోమో” హి॒నోతి॒ మర్త్య”ం || 4
త్వం తం బ్ర”హ్మణస్పతే॒ సోమ॒ ఇన్ద్ర॑శ్చ॒ మర్త్య”ం |
దక్షి॑ణా పా॒త్వంహ॑సః || 5
(ఋ.వే.1.40.1)
ఉత్తి॑ష్ఠ బ్రహ్మణస్పతే దేవ॒యన్త॑స్త్వేమహే |
ఉప॒ ప్ర య”న్తు మ॒రుత॑: సు॒దాన॑వ॒ ఇన్ద్ర॑ ప్రా॒శూర్భ॑వా॒ సచా” || 6
త్వామిద్ధి స॑హసస్పుత్ర॒ మర్త్య॑ ఉపబ్రూ॒తే ధనే” హి॒తే |
సు॒వీర్య”o మరుత॒ ఆ స్వశ్వ్య॒o దధీ”త॒ యో వ॑ ఆచ॒కే || 7
ప్రైతు॒ బ్రహ్మ॑ణ॒స్పతి॒: ప్ర దే॒వ్యే”తు సూ॒నృతా” |
అచ్ఛా” వీ॒రం నర్య”o ప॒ఙ్క్తిరా”ధసం దే॒వా య॒జ్ఞం న॑యన్తు నః || 8
యో వా॒ఘతే॒ దదా”తి సూ॒నర॒o వసు॒ స ధ॑త్తే॒ అక్షి॑తి॒ శ్రవ॑: |
తస్మా॒ ఇళా”o సు॒వీరా॒మా య॑జామహే సు॒ప్రతూ॑ర్తిమనే॒హస”ం || 9
ప్ర నూ॒నం బ్రహ్మ॑ణ॒స్పతి॒ర్మన్త్ర”o వదత్యు॒క్థ్య”ం |
యస్మి॒న్నిన్ద్రో॒ వరు॑ణో మి॒త్రో అ॑ర్య॒మా దే॒వా ఓకా”oసి చక్రి॒రే || 10
తమిద్వో”చేమా వి॒దథే॑షు శ॒oభువ॒o మన్త్ర”o దేవా అనే॒హస”ం |
ఇ॒మాం చ॒ వాచ”o ప్రతి॒హర్య॑థా నరో॒ విశ్వే”ద్వా॒మా వో” అశ్నవత్ || 11
కో దే”వ॒యన్త॑మశ్నవ॒జ్జన॒o కో వృ॒క్తబ॑ర్హిషం |
ప్రప్ర॑ దా॒శ్వాన్ప॒స్త్యా”భిరస్థితాన్త॒ర్వావ॒త్ క్షయ”o దధే || 12
ఉప॑ క్ష॒త్రం పృ”ఞ్చీ॒త హన్తి॒ రాజ॑భిర్భ॒యే చి॑త్సుక్షి॒తిం ద॑ధే |
నాస్య॑ వ॒ర్తా న త॑రు॒తా మ॑హాధ॒నే నార్భే” అస్తి వ॒జ్రిణ॑: || 13
(ఋ.వే.2.23.1)
గ॒ణానా”o త్వా గ॒ణప॑తిం హవామహే క॒విం క॑వీ॒నాము॑ప॒మశ్ర॑వస్తమం |
జ్యే॒ష్ఠ॒రాజ॒o బ్రహ్మ॑ణాం బ్రహ్మణస్పత॒ ఆ న॑: శృ॒ణ్వన్నూ॒తిభి॑: సీద॒ సాద॑నం || 14
దే॒వాశ్చి॑త్తే అసుర్య॒ ప్రచే॑తసో॒ బృహ॑స్పతే య॒జ్ఞియ”o భా॒గమా”నశుః |
ఉ॒స్రా ఇ॑వ॒ సూర్యో॒ జ్యోతి॑షా మ॒హో విశ్వే”షా॒మిజ్జ॑ని॒తా బ్రహ్మ॑ణామసి || 15
ఆ వి॒బాధ్యా” పరి॒రాప॒స్తమా”oసి చ॒ జ్యోతి॑ష్మన్త॒o రథ॑మృ॒తస్య॑ తిష్ఠసి |
బృహ॑స్పతే భీ॒మమ॑మిత్ర॒దంభ॑నం రక్షో॒హణ”o గోత్ర॒భిద”o స్వ॒ర్విద”ం || 16
సు॒నీ॒తిభి॑ర్నయసి॒ త్రాయ॑సే॒ జన॒o యస్తుభ్య॒o దాశా॒న్న తమంహో” అశ్నవత్ |
బ్ర॒హ్మ॒ద్విష॒స్తప॑నో మన్యు॒మీర॑సి॒ బృహ॑స్పతే॒ మహి॒ తత్ తే” మహిత్వ॒నం || 17
న తమంహో॒ న దు॑రి॒తం కుత॑శ్చ॒న నారా”తయస్తితిరు॒ర్న ద్వ॑యా॒విన॑: |
విశ్వా॒ ఇద॑స్మాద్ధ్వ॒రసో॒ వి బా”ధసే॒ యం సు॑గో॒పా రక్ష॑సి బ్రహ్మణస్పతే || 18
త్వం నో” గో॒పాః ప॑థి॒కృద్వి॑చక్ష॒ణస్తవ॑ వ్ర॒తాయ॑ మ॒తిభి॑ర్జరామహే |
బృహ॑స్పతే॒ యో నో” అ॒భి హ్వరో” ద॒ధే స్వా తం మ॑ర్మర్తు దు॒చ్ఛునా॒ హర॑స్వతీ || 19
ఉ॒త వా॒ యో నో” మ॒ర్చయా॒దనా”గసోఽరాతీ॒వా మర్త॑: సాను॒కో వృక॑: |
బృహ॑స్పతే॒ అప॒ తం వ॑ర్తయా ప॒థః సు॒గం నో” అ॒స్యై దే॒వవీ॑తయే కృధి || 20
త్రా॒తార”o త్వా త॒నూనా॑o హవామ॒హేఽవ॑స్పర్తరధివ॒క్తార॑మస్మ॒యుం |
బృహ॑స్పతే దేవ॒నిదో॒ ని బ॑ర్హయ॒ మా దు॒రేవా॒ ఉత్త॑రం సు॒ంనమున్న॑శన్ || 21
త్వయా” వ॒యం సు॒వృధా॑ బ్రహ్మణస్పతే స్పా॒ర్హా వసు॑ మను॒ష్యా ద॑దీమహి |
యా నో” దూ॒రే త॒ళితో॒ యా అరా”తయో॒ఽభి సన్తి॑ జ॒oభయా॒ తా అ॑న॒ప్నస॑: || 22
త్వయా” వ॒యము॑త్త॒మం ధీ”మహే॒ వయో॒ బృహ॑స్పతే॒ పప్రి॑ణా॒ సస్ని॑నా యు॒జా |
మా నో” దు॒:శంసో” అభిది॒ప్సురీ॑శత॒ ప్ర సు॒శంసా” మ॒తిభి॑స్తారిషీమహి || 23
అ॒నా॒ను॒దో వృ॑ష॒భో జగ్మి॑రాహ॒వం నిష్ట॑ప్తా॒ శత్రు॒o పృత॑నాసు సాస॒హిః |
అసి॑ స॒త్య ఋ॑ణ॒యా బ్ర”హ్మణస్పత ఉ॒గ్రస్య॑ చిద్దమి॒తా వీ”ళుహ॒ర్షిణ॑: || 24
అదే”వేన॒ మన॑సా॒ యో రి॑ష॒ణ్యతి॑ శా॒సాము॒గ్రో మన్య॑మానో॒ జిఘా”oసతి |
బృహ॑స్పతే॒ మా ప్రణ॒క్ తస్య॑ నో వ॒ధో ని క”ర్మ మ॒న్యుం దు॒రేవ॑స్య॒ శర్ధ॑తః || 25
భరే॑షు॒ హవ్యో॒ నమ॑సోప॒సద్యో॒ గన్తా॒ వాజే”షు॒ సని॑తా॒ ధన”o‍ధనం |
విశ్వా॒ ఇద॒ర్యో అ॑భిది॒ప్స్వో॒ 3 మృధో॒ బృహ॒స్పతి॒ర్వి వ॑వర్హా॒ రథా”ఁ ఇవ || 26
తేజి॑ష్ఠయా తప॒నీ ర॒క్షస॑స్తప॒ యే త్వా” ని॒దే ద॑ధి॒రే దృ॒ష్టవీ”ర్యం |
ఆ॒విస్తత్ కృ॑ష్వ॒ యదస॑త్ త ఉ॒క్థ్యం 1 బృహ॑స్పతే॒ వి ప॑రి॒రాపో” అర్దయ || 27
బృహ॑స్పతే॒ అతి॒ యద॒ర్యో అర్హా॑ద్ద్యు॒మద్వి॒భాతి॒ క్రతు॑మ॒జ్జనే”షు |
యద్దీ॒దయ॒చ్ఛవ॑స ఋతప్రజాత॒ తద॒స్మాసు॒ ద్రవి॑ణం ధేహి చి॒త్రం || 28
మా న॑: స్తే॒నేభ్యో॒ యే అ॒భి ద్రు॒హస్ప॒దే ని॑రా॒మిణో” రి॒పవోఽన్నే”షు జాగృ॒ధుః |
ఆ దే॒వానా॒మోహ॑తే॒ వి వ్రయో” హృ॒ది బృహ॑స్పతే॒ న ప॒రః సాంనో” విదుః || 29
విశ్వే”భ్యో॒ హి త్వా॒ భువ॑నేభ్య॒స్పరి॒ త్వష్టాజ॑న॒త్సాంన॑:సాంనః క॒విః |
స ఋ॑ణ॒చిదృ॑ణ॒యా బ్రహ్మ॑ణ॒స్పతి॑ర్ద్రు॒హో హ॒న్తా మ॒హ ఋ॒తస్య॑ ధ॒ర్తరి॑ || 30
తవ॑ శ్రి॒యే వ్య॑జిహీత॒ పర్వ॑తో॒ గవా”o గో॒త్రము॒దసృ॑జో॒ యద”ఙ్గిరః |
ఇన్ద్రే॑ణ యు॒జా తమ॑సా॒ పరీ”వృత॒o బృహ॑స్పతే॒ నిర॒పామౌ”బ్జో అర్ణ॒వం || 31
బ్రహ్మ॑ణస్పతే॒ త్వమ॒స్య య॒న్తా సూ॒క్తస్య॑ బోధి॒ తన॑యం చ జిన్వ |
విశ్వ॒o తద్భ॒ద్రం యదవ”న్తి దే॒వా బృ॒హద్వ॑దేమ వి॒దథే॑ సు॒వీరా”: || 32
(ఋ.వే.2.24.1)
సేమామ॑విడ్ఢి॒ ప్రభృ॑తి॒o య ఈశి॑షే॒ఽయా వి॑ధేమ॒ నవ॑యా మ॒హా గి॒రా |
యథా” నో మీ॒ఢ్వాన్త్స్తవ॑తే॒ సఖా॒ తవ॒ బృహ॑స్పతే॒ సీష॑ధ॒: సోత నో” మ॒తిం || 33
యో నన్త్వా॒న్యన॑మ॒న్న్యోజ॑సో॒తాద॑ర్దర్మ॒న్యునా॒ శంబ॑రాణి॒ వి |
ప్రాచ్యా”వయ॒దచ్యు॑తా॒ బ్రహ్మ॑ణ॒స్పతి॒రా చావి॑శ॒ద్వసు॑మన్త॒o వి పర్వ॑తం || 34
తద్దే॒వానా”o దే॒వత॑మాయ॒ కర్త్వ॒మశ్ర॑థ్నన్ దృ॒ళహావ్ర॑దన్త వీళి॒తా |
ఉద్గా ఆ”జ॒దభి॑న॒ద్బ్రహ్మ॑ణా వ॒లమగూ”హ॒త్తమో॒ వ్య॑చక్షయ॒త్ స్వ॑: || 35
అశ్మా”స్యమవ॒తం బ్రహ్మ॑ణ॒స్పతి॒ర్మధు॑ధారమ॒భి యమోజ॒సాతృ॑ణత్ |
తమే॒వ విశ్వే” పపిరే స్వ॒ర్దృశో” బ॒హు సా॒కం సి॑సిచు॒రుత్స॑ము॒ద్రిణ”ం || 36
సనా॒ తా కా చి॒ద్భువ॑నా॒ భవీ”త్వా మా॒ద్భిః శ॒రద్భి॒ర్దురో” వరన్త వః |
అయ॑తన్తా చరతో అ॒న్యద”న్య॒దిద్యా చ॒కార॑ వ॒యునా॒ బ్రహ్మ॑ణ॒స్పతి॑: || 37
అ॒భి॒నక్ష”న్తో అ॒భి యే తమా”న॒శుర్ని॒ధిం ప॑ణీ॒నాం ప॑ర॒మం గుహా” హి॒తం |
తే వి॒ద్వాంస॑: ప్రతి॒చక్ష్యానృ॑తా॒ పున॒ర్యత॑ ఉ॒ ఆయ॒న్తదుదీ”యురా॒విశ॑ం || 38
ఋ॒తావా”నః ప్రతి॒చక్ష్యానృ॑తా॒ పున॒రాత॒ ఆ త॑స్థుః క॒వయో” మ॒హస్ప॒థః |
తే బా॒హుభ్యా॑o ధమి॒తమ॒గ్నిమశ్మ॑ని॒ నకి॒: షో అ॒స్త్యర॑ణో జ॒హుర్హి త”ం || 39
ఋ॒తజ్యే”న క్షి॒ప్రేణ॒ బ్రహ్మ॑ణ॒స్పతి॒ర్యత్ర॒ వష్టి॒ ప్ర తద॑శ్నోతి॒ ధన్వ॑నా |
తస్య॑ సా॒ధ్వీరిష॑వో॒ యాభి॒రస్య॑తి నృ॒చక్ష॑సో దృ॒శయే॒ కర్ణ॑యోనయః || 40
స స”oన॒యః స వి॑న॒యః పు॒రోహి॑త॒: స సుష్టు॑త॒: స యు॒ధి బ్రహ్మ॑ణ॒స్పతి॑: |
చా॒క్ష్మో యద్వాజ॒o భర॑తే మ॒తీ ధనాఽఽదిత్సూర్య॑స్తపతి తప్య॒తుర్వృథా” || 41
వి॒భు ప్ర॒భు ప్ర॑థ॒మం మే॒హనా”వతో॒ బృహ॒స్పతే”: సువి॒దత్రా॑ణి॒ రాధ్యా॑ |
ఇ॒మా సా॒తాని॑ వే॒న్యస్య॑ వా॒జినో॒ యేన॒ జనా” ఉ॒భయే” భుఞ్జ॒తే విశ॑: || 42
యోఽవ॑రే వృ॒జనే” వి॒శ్వథా” వి॒భుర్మ॒హాము॑ ర॒ణ్వః శవ॑సా వ॒వక్షి॑థ |
స దే॒వో దే॒వాన్ప్రతి॑ పప్రథే పృ॒థు విశ్వేదు॒ తా ప॑రి॒భూర్బ్రహ్మ॑ణ॒స్పతి॑: || 43
విశ్వ”o స॒త్యం మ॑ఘవానా యు॒వోరి॒దాప॑శ్చ॒న ప్ర మి॑నన్తి వ్ర॒తం వా॑ం |
అచ్ఛే”న్ద్రాబ్రహ్మణస్పతీ హ॒విర్నోఽన్న॒o యుజే”వ వా॒జినా” జిగాతం || 44
ఉ॒తాశి॑ష్ఠా॒ అను॑ శృణ్వన్తి॒ వహ్న॑యః స॒భేయో॒ విప్రో” భరతే మ॒తీ ధనా” |
వీ॒ళు॒ద్వేషా॒ అను॒ వశ॑ ఋ॒ణమా”ద॒దిః స హ॑ వా॒జీ స॑మి॒థే బ్రహ్మ॑ణ॒స్పతి॑: || 45
బ్రహ్మ॑ణ॒స్పతే”రభవద్యథావ॒శం స॒త్యో మ॒న్యుర్మహి॒ కర్మా” కరిష్య॒తః |
యో గా ఉ॒దాజ॒త్స ది॒వే వి చా”భజన్ మ॒హీవ॑ రీ॒తిః శవ॑సాసర॒త్పృథ॑క్ || 46
బ్రహ్మ॑ణస్పతే సు॒యమ॑స్య వి॒శ్వహా” రా॒యః స్యా”మ ర॒థ్యో॒ 3 వయ॑స్వతః |
వీ॒రేషు॑ వీ॒రాఁ ఉప॑ పృఙ్ధి న॒స్త్వం యదీశా”నో॒ బ్రహ్మ॑ణా॒ వేషి॑ మే॒ హవ॑ం || 47
బ్రహ్మ॑ణస్పతే॒ త్వమ॒స్య య॒న్తా సూ॒క్తస్య॑ బోధి॒ తన॑యం చ జిన్వ |
విశ్వ॒o తద్భ॒ద్రం యదవ”న్తి దే॒వా బృ॒హద్వ॑దేమ వి॒దథే” సు॒వీరా”: || 48
(ఋ.వే.2.25.1)
ఇన్ధా”నో అ॒గ్నిం వ॑నవద్వనుష్య॒తః కృ॒తబ్ర”హ్మా శూశువద్రా॒తహ”వ్య॒ ఇత్ |
జా॒తేన॑ జా॒తమతి॒ స ప్ర స॑ర్సృతే॒ యంయ॒o యుజ”o కృణు॒తే బ్రహ్మ॑ణ॒స్పతి॑: || 49
వీ॒రేభి॑ర్వీ॒రాన్వ॑నవద్వనుష్య॒తో గోభీ” ర॒యిం ప॑ప్రథ॒ద్బోధ॑తి॒ త్మనా” |
తో॒కం చ॒ తస్య॒ తన॑యం చ వర్ధతే॒ యంయ॒o యుజ”o కృణు॒తే బ్రహ్మ॑ణ॒స్పతి॑: || 50
సిన్ధు॒ర్న క్షోద॒: శిమీ”వాఁ ఋఘాయ॒తో వృషే”వ॒ వధ్రీ”oర॒భి వ॒ష్ట్యోజ॑సా |
అ॒గ్నేరి॑వ॒ ప్రసి॑తి॒ర్నాహ॒ వర్త॑వే॒ యంయ॒o యుజ”o కృణు॒తే బ్రహ్మ॑ణ॒స్పతి॑: || 51
తస్మా” అర్షన్తి ది॒వ్యా అ॑స॒శ్చత॒: స సత్వ॑భిః ప్రథ॒మో గోషు॑ గచ్ఛతి |
అని॑భృష్టతవిషిర్హ॒న్త్యోజ॑సా॒ యంయ॒o యుజ॑o కృణు॒తే బ్రహ్మ॑ణ॒స్పతి॑: || 52
తస్మా॒ ఇద్విశ్వే॑ ధునయన్త॒ సిన్ధ॒వోఽచ్ఛి॑ద్రా॒ శర్మ॑ దధిరే పు॒రూణి॑ |
దే॒వానా”o సు॒ంనే సు॒భగ॒: స ఏ”ధతే॒ యంయ॒o యుజ”o కృణు॒తే బ్రహ్మ॑ణ॒స్పతి॑: || 53
(ఋ.వే.2.26.1)
ఋ॒జురిచ్ఛంసో” వనవద్వనుష్య॒తో దే”వ॒యన్నిదదే”వయన్తమ॒భ్య॑సత్ |
సు॒ప్రా॒వీరిద్వ॑నవత్పృ॒త్సు దు॒ష్టర॒o యజ్వేదయ॑జ్యో॒ర్వి భ॑జాతి॒ భోజ॑నం || 54
యజ॑స్వ వీర॒ ప్ర వి॑హి మనాయ॒తో భ॒ద్రం మన॑: కృణుష్వ వృత్ర॒తూర్యే” |
హ॒విష్కృ॑ణుష్వ సు॒భగో॒ యథాస॑సి॒ బ్రహ్మ॑ణ॒స్పతే॒రవ॒ ఆ వృ॑ణీమహే || 55
స ఇజ్జనే”న॒ స వి॒శా స జన్మ॑నా॒ స పు॒త్రైర్వాజ”o భరతే॒ ధనా॒ నృభి॑: |
దే॒వానా॒o యః పి॒తర॑మా॒వివా”సతి శ్ర॒ద్ధామ॑నా హ॒విషా॒ బ్రహ్మ॑ణ॒స్పతి”ం || 56
యో అ॑స్మై హ॒వ్యైర్ఘృ॒తవ॑ద్భి॒రవి॑ధ॒త్ ప్ర తం ప్రా॒చా న॑యతి॒ బ్రహ్మ॑ణ॒స్పతి॑: |
ఉ॒రు॒ష్యతీ॒మంహ॑సో॒ రక్ష॑తీ రి॒షో॒o3ఽహోశ్చి॑దస్మా ఉరు॒చక్రి॒రద్భు॑తః || 57
(ఋ.వే.7.97.3)
తము॒ జ్యేష్ఠ॒o నమ॑సా హ॒విర్భి॑: సు॒శేవ॒o బ్రహ్మ॑ణ॒స్పతి”o గృణీషే |
ఇన్ద్ర॒o శ్లోకో॒ మహి॒ దైవ్య॑: సిషక్తు॒ యో బ్రహ్మ॑ణో దే॒వకృ॑తస్య॒ రాజా” || 58
(ఋ.వే.7.97.9)
ఇ॒యం వా”o బ్రహ్మణస్పతే సువృ॒క్తిర్బ్రహ్మేన్ద్రా”య వ॒జ్రిణే” అకారి |
అ॒వి॒ష్టం ధియో” జిగృ॒తం పుర”o‍ధీర్జజ॒స్తమ॒ర్యో వ॒నుషా॒మరా”తీః || 59
(ఋ.వే.10.155.2)
చ॒త్తో ఇ॒తశ్చ॒త్తాముత॒: సర్వా” భ్రూ॒ణాన్యా॒రుషీ” |
అ॒రా॒య్య”o బ్రహ్మణస్పతే॒ తీక్ష్ణ॑శృఙ్గోదృ॒షన్ని॑హి || 60
అ॒దో యద్దారు॒ ప్లవ॑తే॒ సిన్ధో”: పా॒రే అ॑పూరు॒షం |
తదా ర॑భస్వ దుర్హణో॒ తేన॑ గచ్ఛ పరస్త॒రం || 61
(ఋ.వే.ఖి.10.128.12)
అగ్ని॒ర్యేన॑ వి॒రాజ॑తి సూ॒ర్యో” యేన వి॒రాజ॑తి |
వి॒రాజ్యే”న విరా॒జతి తేనా॒స్మాన్ బ్రహ్మ॑ణస్పతే వి॒రా॑జ సమిధ॒o కు॑రు || 62
(ఋ.వే.6.75.17)
యత్ర॑ బా॒ణాః స॒ంపత”న్తి కుమా॒రా వి॑శి॒ఖా ఇ॑వ |
తత్రా” నో॒ బ్రహ్మ॑ణ॒స్పతి॒రది॑తి॒: శర్మ॑ యచ్ఛతు వి॒శ్వాహా॒ శర్మ॑ యచ్ఛతు || 63
(ఋ.వే.10.164.4)
యది॑న్ద్ర బ్రహ్మణస్పతేఽభిద్రో॒హం చరా”మసి |
ప్రచే”తా న ఆఙ్గిర॒సో ద్వి॑ష॒తాం పా॒త్వంహ॑సః || 64
(ఋ.వే.10.112.9)
ని షు సీ”ద గణపతే గ॒ణేషు॒ త్వామా”హు॒ర్విప్ర॑తమం కవీ॒నాం |
న ఋ॒తే త్వత్క్రి॑యతే॒ కిం చ॒నారే మ॒హామ॒ర్కం మ॑ఘవఞ్చి॒త్రమ॑ర్చ || 65
(ఋ.వే.10.60.12)
అ॒యం మే॒ హస్తో॒ భగ॑వాన॒యం మే॒ భగ॑వత్తరః |
అ॒యం మే॑ వి॒శ్వభే”షజో॒ఽయం శి॒వాభి॑మర్శనః || 66

వినాయకో విఘ్నరాజో గౌరీపుత్రో గణేశ్వరః |
స్కందాగ్రజోఽవ్యయః పూతో దక్షోఽధ్యక్షో ద్విజప్రియః || 1 ||
అగ్నిగర్వచ్ఛిదింద్రశ్రీప్రదో వాణీప్రదాయకః |
సర్వసిద్ధిప్రదః శర్వతనయః శర్వరీప్రియః || 2 ||
సర్వాత్మకః సృష్టికర్తా దేవానీకార్చితః శివః |
సిద్ధిబుద్ధిప్రదః శాంతో బ్రహ్మచారీ గజాననః || 3 ||
ద్వైమాతురో మునిస్తుత్యో భక్తవిఘ్నవినాశనః |
ఏకదంతశ్చతుర్బాహుశ్చతురః శక్తిసంయుతః || 4 ||
లంబోదరః శూర్పకర్ణో హరిర్బ్రహ్మవిదుత్తమః |
కావ్యో గ్రహపతిః కామీ సోమసూర్యాగ్నిలోచనః || 5 ||
పాశాంకుశధరశ్చండో గుణాతీతో నిరంజనః |
అకల్మషః స్వయం సిద్ధః సిద్ధార్చితపదాంబుజః || 6 ||
బీజాపూరఫలాసక్తో వరదః శాశ్వతః కృతీ |
ద్విజప్రియో వీతభయో గదీ చక్రీక్షుచాపధృత్ || 7 ||
శ్రీదోఽజ ఉత్పలకరః శ్రీపతిస్తుతిహర్షితః |
కులాద్రిభేత్తా జటిలశ్చంద్రచూడోఽమరేశ్వరః || 8 ||
నాగయజ్ఞోపవీతీ చ కలికల్మషనాశనః |
స్థూలకంఠః స్వయంకర్తా సామఘోషప్రియః పరః || 9 ||
స్థూలతుండోఽగ్రణీర్ధీరో వాగీశః సిద్ధిదాయకః |
దూర్వాబిల్వప్రియః కాంతః పాపహారీ సమాహితః || 10 ||
ఆశ్రితశ్రీకరః సౌంయో భక్తవాంఛితదాయకః |
శాంతోఽచ్యుతార్చ్యః కైవల్యో సచ్చిదానందవిగ్రహః || 11 ||
జ్ఞానీ దయాయుతో దాంతో బ్రహ్మద్వేషవివర్జితః |
ప్రమత్తదైత్యభయదో వ్యక్తమూర్తిరమూర్తిమాన్ || 12 ||
శైలేంద్రతనుజోత్సంగఖేలనోత్సుకమానసః |
స్వలావణ్యసుధాసారజితమన్మథవిగ్రహః || 13 ||
సమస్తజగదాధారో మాయీ మూషకవాహనః |
రమార్చితో విధిశ్చైవ శ్రీకంఠో విబుధేశ్వరః || 14 ||
చింతామణిద్వీపపతిః పరమాత్మా గజాననః |
హృష్టస్తుష్టః ప్రసన్నాత్మా సర్వసిద్ధిప్రదాయకః || 15 ||
అష్టోత్తరశతేనైవం నాంనాం విఘ్నేశ్వరం విభుం |
యః పూజయేదనేనైవ భక్త్యా సిద్ధివినాయకం || 16 ||
దూర్వాదళైః బిల్వపత్రైః పుష్పైర్వా చందనాక్షతైః |
సర్వాన్కామానవాప్నోతి సర్వవిఘ్నైః ప్రముచ్యతే || 17 ||
ఇతి భవిష్యోత్తరపురాణే వినాయకాష్టోత్తరశతనామ స్తోత్రం |

ఓం వినాయకాయ నమః |
ఓం విఘ్నరాజాయ నమః |
ఓం గౌరీపుత్రాయ నమః |
ఓం గణేశ్వరాయ నమః |
ఓం స్కందాగ్రజాయ నమః |
ఓం అవ్యయాయ నమః |
ఓం పూతాయ నమః |
ఓం దక్షాయ నమః |
ఓం అధ్యక్షాయ నమః | 9
ఓం ద్విజప్రియాయ నమః |
ఓం అగ్నిగర్వచ్ఛిదే నమః |
ఓం ఇంద్రశ్రీప్రదాయ నమః |
ఓం వాణీప్రదాయకాయ నమః |
ఓం సర్వసిద్ధిప్రదాయ నమః |
ఓం శర్వతనయాయ నమః |
ఓం శర్వరీప్రియాయ నమః |
ఓం సర్వాత్మకాయ నమః |
ఓం సృష్టికర్త్రే నమః | 18
ఓం దేవానీకార్చితాయ నమః |
ఓం శివాయ నమః |
ఓం సిద్ధిబుద్ధిప్రదాయ నమః |
ఓం శాంతాయ నమః |
ఓం బ్రహ్మచారిణే నమః |
ఓం గజాననాయ నమః |
ఓం ద్వైమాతురాయ నమః |
ఓం మునిస్తుత్యాయ నమః |
ఓం భక్తవిఘ్నవినాశనాయ నమః | 27
ఓం ఏకదంతాయ నమః |
ఓం చతుర్బాహవే నమః |
ఓం చతురాయ నమః |
ఓం శక్తిసంయుతాయ నమః |
ఓం లంబోదరాయ నమః |
ఓం శూర్పకర్ణాయ నమః |
ఓం హరయే నమః |
ఓం బ్రహ్మవిదుత్తమాయ నమః |
ఓం కావ్యాయ నమః | 36
ఓం గ్రహపతయే నమః |
ఓం కామినే నమః |
ఓం సోమసూర్యాగ్నిలోచనాయ నమః |
ఓం పాశాంకుశధరాయ నమః |
ఓం చండాయ నమః |
ఓం గుణాతీతాయ నమః |
ఓం నిరంజనాయ నమః |
ఓం అకల్మషాయ నమః |
ఓం స్వయం సిద్ధాయ నమః | 45
ఓం సిద్ధార్చితపదాంబుజాయ నమః |
ఓం బీజాపూరఫలాసక్తాయ నమః |
ఓం వరదాయ నమః |
ఓం శాశ్వతాయ నమః |
ఓం కృతినే నమః |
ఓం ద్విజప్రియాయ నమః |
ఓం వీతభయాయ నమః |
ఓం గదినే నమః |
ఓం చక్రిణే నమః | 54
ఓం ఇక్షుచాపధృతే నమః |
ఓం శ్రీదాయ నమః |
ఓం అజాయ నమః |
ఓం ఉత్పలకరాయ నమః |
ఓం శ్రీపతిస్తుతిహర్షితాయ నమః |
ఓం కులాద్రిభేత్త్రే నమః |
ఓం జటిలాయ నమః |
ఓం చంద్రచూడాయ నమః |
ఓం అమరేశ్వరాయ నమః | 63
ఓం నాగయజ్ఞోపవీతవతే నమః |
ఓం కలికల్మషనాశనాయ నమః |
ఓం స్థులకంఠాయ నమః |
ఓం స్వయంకర్త్రే నమః |
ఓం సామఘోషప్రియాయ నమః |
ఓం పరాయ నమః |
ఓం స్థూలతుండాయ నమః |
ఓం అగ్రణ్యాయ నమః |
ఓం ధీరాయ నమః | 72
ఓం వాగీశాయ నమః |
ఓం సిద్ధిదాయకాయ నమః |
ఓం దూర్వాబిల్వప్రియాయ నమః |
ఓం కాంతాయ నమః |
ఓం పాపహారిణే నమః |
ఓం సమాహితాయ నమః |
ఓం ఆశ్రితశ్రీకరాయ నమః |
ఓం సౌంయాయ నమః |
ఓం భక్తవాంఛితదాయకాయ నమః | 81
ఓం శాంతాయ నమః |
ఓం అచ్యుతార్చ్యాయ నమః |
ఓం కైవల్యాయ నమః |
ఓం సచ్చిదానందవిగ్రహాయ నమః |
ఓం జ్ఞానినే నమః |
ఓం దయాయుతాయ నమః |
ఓం దాంతాయ నమః |
ఓం బ్రహ్మద్వేషవివర్జితాయ నమః |
ఓం ప్రమత్తదైత్యభయదాయ నమః | 90
ఓం వ్యక్తమూర్తయే నమః |
ఓం అమూర్తిమతే నమః |
ఓం శైలేంద్రతనుజోత్సంగఖేలనోత్సుకమానసాయ నమః |
ఓం స్వలావణ్యసుధాసారజితమన్మథవిగ్రహాయ నమః |
ఓం సమస్తజగదాధారాయ నమః |
ఓం మాయినే నమః |
ఓం మూషకవాహనాయ నమః |
ఓం రమార్చితాయ నమః |
ఓం విధయే నమః | 99
ఓం శ్రీకంఠాయ నమః |
ఓం విబుధేశ్వరాయ నమః |
ఓం చింతామణిద్వీపపతయే నమః |
ఓం పరమాత్మనే నమః |
ఓం గజాననాయ నమః |
ఓం హృష్టాయ నమః |
ఓం తుష్టాయ నమః |
ఓం ప్రసన్నాత్మనే నమః |
ఓం సర్వసిద్ధిప్రదాయకాయ నమః | 108 |

ఏకదంతం మహాకాయం తప్తకాంచనసన్నిభం |
లంబోదరం విశాలాక్షం వందేఽహం గణనాయకం || 1 ||
మౌంజీకృష్ణాజినధరం నాగయజ్ఞోపవీతినం |
బాలేందుసుకలామౌళిం వందేఽహం గణనాయకం || 2 ||
అంబికాహృదయానందం మాతృభిఃపరివేష్టితం |
భక్తప్రియం మదోన్మత్తం వందేఽహం గణనాయకం || 3 ||
చిత్రరత్నవిచిత్రాంగం చిత్రమాలావిభూషితం |
చిత్రరూపధరం దేవం వందేఽహం గణనాయకం || 4 ||
గజవక్త్రం సురశ్రేష్ఠం కర్ణచామరభూషితం |
పాశాంకుశధరం దేవం వందేఽహం గణనాయకం || 5 ||
మూషకోత్తమమారుహ్య దేవాసురమహాహవే |
యోద్ధుకామం మహావీర్యం వందేఽహం గణనాయకం || 6 ||
యక్షకిన్నరగంధర్వసిద్ధవిద్యాధరైః సదా |
స్తూయమానం మహాబాహుం వందేఽహం గణనాయకం || 7 ||
సర్వవిఘ్నహరం దేవం సర్వవిఘ్నవివర్జితం |
సర్వసిద్ధిప్రదాతారం వందేఽహం గణనాయకం || 8 ||
గణాష్టకమిదం పుణ్యం యః పఠేత్సతతం నరః |
సిద్ధ్యంతి సర్వకార్యాణి విద్యావాన్ ధనవాన్ భవేత్ || 9 ||

గర్భ ఉవాచ |
నమస్తే గణనాథాయ బ్రహ్మణే బ్రహ్మరూపిణే |
అనాథానాం ప్రణాథాయ విఘ్నేశాయ నమో నమః || 1 ||
జ్యేష్ఠరాజాయ దేవాయ దేవదేవేశమూర్తయే |
అనాదయే పరేశాయ చాదిపూజ్యాయ తే నమః || 2 ||
సర్వపూజ్యాయ సర్వేషాం సర్వరూపాయ తే నమః |
సర్వాదయే పరబ్రహ్మన్ సర్వేశాయ నమో నమః || 3 ||
గజాకారస్వరూపాయ గజాకారమయాయ తే |
గజమస్తకధారాయ గజేశాయ నమో నమః || 4 ||
ఆదిమధ్యాంతభావాయ స్వానందపతయే నమః |
ఆదిమధ్యాంతహీనాయ త్వాదిమధ్యాంతగాయ తే || 5 ||
సిద్ధిబుద్ధిప్రదాత్రే చ సిద్ధిబుద్ధివిహారిణే |
సిద్ధిబుద్ధిమయాయైవ బ్రహ్మేశాయ నమో నమః || 6 ||
శివాయ శక్తయే చైవ విష్ణవే భానురూపిణే |
మాయినాం మాయయా నాథ మోహదాయ నమో నమః || 7 ||
కిం స్తౌమి త్వాం గణాధీశ యత్ర వేదాదయోఽపరే |
యోగినః శాంతిమాపన్నా అతస్త్వాం ప్రణమాంయహం || 8 ||
రక్ష మాం గర్భదుఃఖాత్త్వం త్వామేవ శరణాగతం |
జన్మమృత్యువిహీనం వై కురుష్వ తే పదప్రియం || 9 ||
ఇతి శ్రీమన్ముద్గలే మహాపురాణే నవమ ఖండే శ్రీ గణనాథ స్తోత్రం ||

ఓం హిరణ్యవర్ణాయై నమః |
ఓం హరిణ్యై నమః |
ఓం సువర్ణస్రజాయై నమః |
ఓం రజతస్రజాయై నమః |
ఓం హిరణ్మయ్యై నమః |
ఓం అనపగామిన్యై నమః |
ఓం అశ్వపూర్వాయై నమః |
ఓం రథమధ్యాయై నమః |
ఓం హస్తినాదప్రబోధిన్యై నమః | 9

ఓం శ్రియై నమః |
ఓం దేవ్యై నమః |
ఓం హిరణ్యప్రాకారాయై నమః |
ఓం ఆర్ద్రాయై నమః |
ఓం జ్వలంత్యై నమః |
ఓం తృప్తాయై నమః |
ఓం తర్పయంత్యై నమః |
ఓం పద్మే స్థితాయై నమః |
ఓం పద్మవర్ణాయై నమః | 18

ఓం చంద్రాయై ప్రభాసాయై నమః |
ఓం యశసా జ్వలంత్యై నమః |
ఓం లోకే శ్రియై నమః |
ఓం దేవజుష్టాయై నమః |
ఓం ఉదారాయై నమః |
ఓం పద్మిన్యై నమః |
ఓం ఆదిత్యవర్ణాయై నమః |
ఓం బిల్వాయై నమః |
ఓం కీర్తిప్రదాయై నమః | 27

ఓం ఋద్ధిప్రదాయై నమః |
ఓం గంధద్వారాయై నమః |
ఓం దురాధర్షాయై నమః |
ఓం నిత్యపుష్టాయై నమః |
ఓం కరీషిణ్యై నమః |
ఓం సర్వభూతానాం ఈశ్వర్యై నమః |
ఓం మనసః కామాయై నమః |
ఓం వాచా ఆకూత్యై నమః |
ఓం సత్యాయై నమః | 36

ఓం పశూనాం రూపాయై నమః |
ఓం అన్నస్య యశసే నమః |
ఓం మాత్రే నమః |
ఓం ఆర్ద్రాయై పుష్కరిణ్యై నమః |
ఓం పుష్ట్యై నమః |
ఓం పింగళాయై నమః |
ఓం పద్మమాలిన్యై నమః |
ఓం చంద్రాయై హిరణ్మయ్యై నమః |
ఓం ఆర్ద్రాయై కరిణ్యై నమః | 45

ఓం యష్ట్యై నమః |
ఓం సువర్ణాయై నమః |
ఓం హేమమాలిన్యై నమః |
ఓం సూర్యాయై హిరణ్మయ్యై నమః |
ఓం ఆనందమాత్రే నమః |
ఓం కర్దమమాత్రే నమః |
ఓం చిక్లీతమాత్రే నమః |
ఓం శ్రీదేవ్యై నమః |
ఓం పద్మాసన్యై నమః | 54

ఓం పద్మోరవే నమః |
ఓం పద్మాక్ష్యై నమః |
ఓం పద్మసంభవాయై నమః |
ఓం అశ్వదాయ్యై నమః |
ఓం గోదాయ్యై నమః |
ఓం ధనదాయ్యై నమః |
ఓం మహాధన్యై నమః |
ఓం పద్మప్రియాయై నమః |
ఓం పద్మిన్యై నమః | 63

ఓం పద్మహస్తాయై నమః |
ఓం పద్మాలయాయై నమః |
ఓం పద్మదళాయతాక్ష్యై నమః |
ఓం విశ్వప్రియాయై నమః |
ఓం విష్ణుమనోనుకూలాయై నమః |
ఓం పద్మాసనస్థాయై నమః |
ఓం విపులకటితట్యై నమః |
ఓం పద్మపత్రాయతాక్ష్యై నమః |
ఓం గంభీరావర్తనాభ్యై నమః | 72

ఓం స్తనభరనమితాయై నమః |
ఓం శుభ్రవస్త్రోత్తరీయాయై నమః |
ఓం హేమకుంభైః స్నాపితాయై నమః |
ఓం సర్వమాంగళ్యయుక్తాయై నమః |
ఓం క్షీరసముద్రరాజతనయాయై నమః |
ఓం శ్రీరంగధామేశ్వర్యై నమః |
ఓం దాసీభూతసమస్తదేవవనితాయై నమః |
ఓం లోకైకదీపాంకురాయై నమః |
ఓం శ్రీమన్మందకటాక్షలబ్ధాయై నమః | 81

ఓం విభవద్బ్రహ్మేంద్రగంగాధరాయై నమః |
ఓం త్రైలోక్యకుటుంబిన్యై నమః |
ఓం సరసిజాయై నమః |
ఓం ముకుందప్రియాయై నమః |
ఓం సిద్ధలక్ష్మ్యై నమః |
ఓం మోక్షలక్ష్మ్యై నమః |
ఓం జయలక్ష్మ్యై నమః |
ఓం సరస్వత్యై నమః |
ఓం శ్రీలక్ష్మ్యై నమః | 90

ఓం వరలక్ష్మ్యై నమః |
ఓం వరముద్రాం వహంత్యై నమః |
ఓం అంకుశం వహంత్యై నమః |
ఓం పాశం వహంత్యై నమః |
ఓం అభీతిముద్రాం వహంత్యై నమః |
ఓం కమలాసనస్థాయై నమః |
ఓం బాలార్కకోటిప్రతిభాయై నమః |
ఓం త్రినేత్రాయై నమః |
ఓం ఆద్యాయై నమః | 99

ఓం జగదీశ్వర్యై నమః |
ఓం సర్వమంగళమాంగళ్యై నమః |
ఓం శివాయై నమః |
ఓం సర్వార్థసాధికాయై నమః |
ఓం త్ర్యంబకాయై నమః |
ఓం నారాయణ్యై నమః |
ఓం మహాదేవ్యై నమః |
ఓం విష్ణుపత్న్యై నమః |
ఓం లక్ష్మ్యై నమః | 108

దోహా-
శ్రీ గురు చరణ సరోజ రజ
నిజమన ముకుర సుధారి
వరణౌ రఘువర విమల యశ
జో దాయక ఫలచారి ||

బుద్ధిహీన తను జానికే
సుమిరౌ పవనకుమార
బల బుద్ధి విద్యా దేహు మోహి
హరహు కలేశ వికార ||

చౌపాయీ-
జయ హనుమాన జ్ఞానగుణసాగర |
జయ కపీశ తిహు లోక ఉజాగర || 1 ||

రామదూత అతులిత బలధామా |
అంజనిపుత్ర పవనసుత నామా || 2 ||

మహావీర విక్రమ బజరంగీ |
కుమతి నివార సుమతి కే సంగీ || 3 ||

కంచన వరణ విరాజ సువేశా |
కానన కుండల కుంచిత కేశా || 4 ||

హాథ వజ్ర ఔరు ధ్వజా విరాజై |
కాంధే మూంజ జనేవూ సాజై || 5 ||

శంకర సువన కేసరీనందన |
తేజ ప్రతాప మహా జగవందన || 6 ||

విద్యావాన గుణీ అతిచాతుర |
రామ కాజ కరివే కో ఆతుర || 7 ||

ప్రభు చరిత్ర సునివే కో రసియా |
రామ లఖన సీతా మన బసియా || 8 ||

సూక్ష్మరూప ధరి సియహి దిఖావా |
వికటరూప ధరి లంక జరావా || 9 ||

భీమరూప ధరి అసుర సంహారే |
రామచంద్ర కే కాజ సంవారే || 10 ||

లాయ సంజీవన లఖన జియాయే |
శ్రీరఘువీర హరషి వుర లాయే || 11 ||

రఘుపతి కీన్హీ బహుత బడాయీ |
తుమ మమ ప్రియ భరత సమ భాయీ || 12 ||

కహా భరత సమ తుమ ప్రియ భాయి |
అస కహి శ్రీపతి కంఠ లగావై || 13 ||

సనకాదిక బ్రహ్మాది మునీశా |
నారద శారద సహిత అహీశా || 14 ||

యమ కుబేర దిగపాల జహాఁ తే |
కవి కోవిద కహి సకే కహాఁ తే || 15 ||

తుమ ఉపకార సుగ్రీవహి కీన్హా |
రామ మిలాయ రాజ పద దీన్హా || 16 ||

తుంహరో మంత్ర విభీషణ మానా |
లంకేశ్వర భయె సబ జగ జానా || 17 ||

యుగ సహస్ర యోజన పర భానూ |
లీల్యో తాహి మధుర ఫల జానూ || 18 ||

ప్రభు ముద్రికా మేలి ముఖ మాహీ |
జలధి లాంఘి గయే అచరజ నాహీ || 19 ||

దుర్గమ కాజ జగత కే జేతే |
సుగమ అనుగ్రహ తుంహరే తేతే || 20 ||

రామ దువారే తుమ రఖవారే |
హోత న ఆజ్ఞా బిను పైఠారే || 21 ||

సబ సుఖ లహై తుంహారీ శరణా |
తుమ రక్షక కాహూ కో డరనా || 22 ||

ఆపన తేజ సంహారో ఆపై |
తీనోఁ లోక హాంక తేఁ కాంపై || 23 ||

భూత పిశాచ నికట నహిఁ ఆవై |
మహావీర జబ నామ సునావై || 24 ||

నాసై రోగ హరై సబ పీరా |
జపత నిరంతర హనుమత వీరా || 25 ||

సంకటసే హనుమాన ఛుడావై |
మన క్రమ వచన ధ్యాన జో లావై || 26 ||

సబ పర రామ తపస్వీ రాజా |
తిన కే కాజ సకల తుమ సాజా || 27 ||

ఔర మనోరథ జో కోయీ లావై |
సోయి అమిత జీవన ఫల పావై || 28 ||

చారోఁ యుగ ప్రతాప తుంహారా |
హై పరసిద్ధ జగత ఉజియారా || 29 ||

సాధుసంతకే తుమ రఖవారే |
అసుర నికందన రామ దులారే || 30 ||

అష్ట సిద్ధి నవ నిధి కే దాతా |
అసవర దీన్హ జానకీ మాతా || 31 ||

రామ రసాయన తుంహరే పాసా |
సదా రహో రఘుపతి కే దాసా || 32 ||

తుంహరే భజన రామ కో పావై |
జన్మ జన్మ కే దుఖ బిసరావై || 33 ||

అంతకాల రఘుపతి పుర జాయీ |
జహాఁ జన్మ హరిభక్త కహాయీ || 34 ||

ఔర దేవతా చిత్త న ధరయీ |
హనుమత సేయి సర్వసుఖకరయీ || 35 ||

సంకట హటై మిటై సబ పీరా |
జో సుమిరై హనుమత బలవీరా || 36 ||

జై జై జై హనుమాన గోసాయీ |
కృపా కరహు గురు దేవ కీ నాయీ || 37 ||

యహ శతవార పాఠ కర కోయీ |
ఛూటహి బంది మహాసుఖ హోయీ || 38 ||

జో యహ పఢై హనుమాన చాలీసా |
హోయ సిద్ధి సాఖీ గౌరీసా || 39 ||

తులసీదాస సదా హరి చేరా |
కీజై నాథ హృదయ మహ డేరా || 40 ||

దోహా-
పవనతనయ సంకట హరణ
మంగళ మూరతి రూప్ ||
రామ లఖన సీతా సహిత
హృదయ బసహు సుర భూప్ ||

నరనారాయణావూచతుః |
నమస్తే గణనాథాయ భక్తసంరక్షకాయ తే |
భక్తేభ్యో భక్తిదాత్రే వై హేరంబాయ నమో నమః || 1 ||
అనాథానాం విశేషేణ నాథాయ గజవక్త్రిణే |
చతుర్బాహుధరాయైవ లంబోదర నమోఽస్తు తే || 2 ||
ఢుంఢయే సర్వసారాయ నానాభేదప్రచారిణే |
భేదహీనాయ దేవాయ నమశ్చింతామణే నమః || 3 ||
సిద్ధిబుద్ధిపతే తుభ్యం సిద్ధిబుద్ధిస్వరూపిణే |
యోగాయ యోగనాథాయ శూర్పకర్ణాయ తే నమః || 4 ||
సగుణాయ నమస్తుభ్యం నిర్గుణాయ పరాత్మనే |
సర్వపూజ్యాయ సర్వాయ దేవదేవాయ తే నమః || 5 ||
బ్రహ్మణాం బ్రహ్మణే తుభ్యం సదా శాంతిప్రదాయక |
సుఖశాంతిధరాయైవ నాభిశేషాయ తే నమః || 6 ||
పూర్ణాయ పూర్ణనాథాయ పూర్ణానందాయ తే నమః |
యోగమాయాప్రచాలాయ ఖేలకాయ నమో నమః || 7 ||
అనాదయే నమస్తుభ్యమాదిమధ్యాంతమూర్తయే |
స్రష్ట్రే పాత్రే చ సంహర్త్రే సింహవాహాయ తే నమః || 8 ||
గతాభిమానినాం నాథస్త్వమేవాత్ర న సంశయః |
తేన హేరంబనామాఽసి వినాయక నమోఽస్తు తే || 9 ||
కిం స్తువస్త్వాం గణాధీశ యోగాభేదమయం పరం |
అతస్త్వాం ప్రణమావో వై తేన తుష్టో భవ ప్రభో || 10 ||
ఏవముక్త్వా నతౌ తత్ర నరనారాయణావృషీ |
తావుత్థాప్య గణేశాన ఉవాచ ఘననిస్వనః || 11 ||
హేరంబ ఉవాచ |
వరం చిత్తేప్సితం దాస్యామి బ్రూతం భక్తియంత్రితః |
మహాభాగావాదిమునీ యోగమార్గప్రకాశకౌ || 12 ||
భవత్కృతమిదం స్తోత్రం మమ ప్రీతికరం భవేత్ |
పఠతే శృణ్వతే చైవ భుక్తిముక్తిప్రదం తథా || 13 ||
యద్యదిచ్ఛతి తత్తద్వై దాస్యామి స్తోత్రపాఠతః |
మమ భక్తిప్రదం చైవ భవిష్యతి సుసిద్ధిదం || 14 ||
ఇతి శ్రీమన్ముద్గలే మహాపురాణే తృతీయేఖండే నరనారాయణకృతా శ్రీ హేరంబ స్తుతిః ||

సంకటహర చతుర్థీ పూజా విధానం

పునఃసంకల్పం –
పూర్వోక్త ఏవం గుణవిశేషణ విశిష్టాయాం శుభతిథౌ

మమ సర్వసంకటనివృత్తిద్వారా సకలకార్యసిద్ధ్యర్థం

॒॒॒॒ మాసే కృష్ణచతుర్థ్యాం శుభతిథౌ శ్రీగణేశ దేవతా ప్రీత్యర్థం

యథా శక్తి సంకటహరచతుర్థీ పుజాం కరిష్యే |
ధ్యానం –
ఏకదంతం మహాకాయం తప్తకాంచనసన్నిభం |
లంబోదరం విశాలాక్షం వందేఽహం గణనాయకం ||
ఆఖుపృష్ఠసమాసీనం చామరైర్వీజితం గణైః |
శేషయజ్ఞోపవీతం చ చింతయామి గజాననం ||
ఓం శ్రీవినాయకాయ నమః ధ్యాయామి |
ఆవాహనం –
ఆగచ్ఛ దేవ దేవేశ సంకటం మే నివారయ |
యావత్పూజా సమాప్యేత తావత్త్వం సన్నిధౌ భవ ||
ఓం గజాస్యాయ నమః ఆవాహయామి |
ఆసనం –
గణాధీశ నమస్తేఽస్తు సర్వసిద్ధిప్రదాయక |
ఆసనం గృహ్యతాం దేవ సంకటం మే నివారయ ||
ఓం విఘ్నరాజాయ నమః ఆసనం సమర్పయామి |
పాద్యం –
ఉమాపుత్ర నమస్తేఽస్తు నమస్తే మోదకప్రియ |
పాద్యం గృహాణ దేవేశ సంకటం మే నివారయ ||
ఓం లంబోదరాయ నమః పాద్యం సమర్పయామి |
అర్ఘ్యం –
లంబోదర నమస్తేఽస్తు రత్నయుక్తం ఫలాన్వితం |
అర్ఘ్యం గృహాణ దేవేశ సంకటం మే నివారయ ||
ఓం శంకరసూనవే నమః అర్ఘ్యం సమర్పయామి |
ఆచమనీయం –
గంగాదిసర్వతీర్థేభ్యః ఆహృతం జలముత్తమం |
గృహాణాచమనీయార్థం సంకటం మే నివారయ ||
ఓం ఉమాసుతాయ నమః ఆచమనీయం సమర్పయామి |
పంచామృత స్నానం –
పయోదధిఘృతం చైవ శర్కరామధుసంయుతం |
పంచామృతం గృహాణేదం సంకటం మే నివారయ ||
ఓం వక్రతుండాయ నమః పంచామృతస్నానం సమర్పయామి |
శుద్ధోదక స్నానం –
కవేరజాసింధుగంగా కృష్ణాగోదోద్భవైర్జలైః |
స్నాపితోఽసి మయా భక్త్యా సంకటం మే నివారయ ||
ఓం ఉమాపుత్రాయ నమః శుద్ధోదకస్నానం సమర్పయామి |
వస్త్రం –
ఇభవక్త్ర నమస్తుభ్యం గృహాణ పరమేశ్వర |
వస్త్రయుగ్మం గణాధ్యక్ష సంకటం మే నివారయ ||
ఓం శూర్పకర్ణాయ నమః వస్త్రాణి సమర్పయామి |
ఉపవీతం –
వినాయక నమస్తుభ్యం నమః పరశుధారిణే |
ఉపవీతం గృహాణేదం సంకటం మే నివారయ ||
ఓం కుబ్జాయ నమః యజ్ఞోపవీతం సమర్పయామి |
గంధం –
ఈశపుత్ర నమస్తుభ్యం నమో మూషికవాహన |
చందనం గృహ్యతాం దేవ సంకటం మే నివారయ ||
ఓం గణేశ్వరాయ నమః గంధాన్ ధారయామి |
అక్షతాన్ –
ఘృతకుంకుమ సంయుక్తాః తండులాః సుమనోహరాః |
అక్షతాస్తే నమస్తుభ్యం సంకటం మే నివారయ ||
ఓం విఘ్నరాజాయ నమః అక్షతాన్ సమర్పయామి |
పుష్పం –
చంపకం మల్లికాం దూర్వాః పుష్పజాతీరనేకశః |
గృహాణ త్వం గణాధ్యక్ష సంకటం మే నివారయ ||
ఓం విఘ్నవినాశినే నమః పుష్పైః పూజయామి |
పుష్ప పూజా –
ఓం సుముఖాయ నమః | ఓం ఏకదంతాయ నమః |
ఓం కపిలాయ నమః | ఓం గజకర్ణకాయ నమః |
ఓం లంబోదరాయ నమః | ఓం వికటాయ నమః |
ఓం విఘ్నరాజాయ నమః | ఓం వినాయకాయ నమః |
ఓం ధూమకేతవే నమః | ఓం గణాధ్యక్షాయ నమః |
ఓం ఫాలచంద్రాయ నమః | ఓం గజాననాయ నమః |
ఓం వక్రతుండాయ నమః | ఓం శూర్పకర్ణాయ నమః |
ఓం హేరంబాయ నమః | ఓం స్కందపూర్వజాయ నమః |
ఏకవింశతి దూర్వాయుగ్మ పూజా –
గణాధిపాయ నమః దూర్వాయుగ్మం సమర్పయామి |
ఉమాపుత్రాయ నమః దూర్వాయుగ్మం సమర్పయామి |
అఘనాశనాయ నమః దూర్వాయుగ్మం సమర్పయామి |
ఏకదంతాయ నమః దూర్వాయుగ్మం సమర్పయామి |
ఇభవక్త్రాయ నమః దూర్వాయుగ్మం సమర్పయామి |
మూషికవాహనాయ నమః దూర్వాయుగ్మం సమర్పయామి |
వినాయకాయ నమః దూర్వాయుగ్మం సమర్పయామి |
ఈశపుత్రాయ నమః దూర్వాయుగ్మం సమర్పయామి |
సర్వసిద్ధిప్రదాయ నమః దూర్వాయుగ్మం సమర్పయామి |
లంబోదరాయ నమః దూర్వాయుగ్మం సమర్పయామి |
వక్రతుండాయ నమః దూర్వాయుగ్మం సమర్పయామి |
మోదకప్రియాయ నమః దూర్వాయుగ్మం సమర్పయామి |
విఘ్నవిధ్వంసకర్త్రే నమః దూర్వాయుగ్మం సమర్పయామి |
విశ్వవంద్యాయ నమః దూర్వాయుగ్మం సమర్పయామి |
అమరేశాయ నమః దూర్వాయుగ్మం సమర్పయామి |
గజకర్ణకాయ నమః దూర్వాయుగ్మం సమర్పయామి |
నాగయజ్ఞోపవీతినే నమః దూర్వాయుగ్మం సమర్పయామి |
ఫాలచంద్రాయ నమః దూర్వాయుగ్మం సమర్పయామి |
పరశుధారిణే నమః దూర్వాయుగ్మం సమర్పయామి |
విఘ్నాధిపాయ నమః దూర్వాయుగ్మం సమర్పయామి |
విద్యాప్రదాయ నమః దూర్వాయుగ్మం సమర్పయామి |
ధూపం –
లంబోదర మహాకాయ ధూంరకేతో సువాసితం |
ధూపం గృహాణ దేవేశ సంకటం మే నివారయ ||
ఓం వికటాయ నమః ధూపం ఆఘ్రాపయామి |
దీపం –
విఘ్నాంధకార సంహార కారక త్రిదశాధిప |
దీపం గృహాణ దేవేశ సంకటం మే నివారయ ||
ఓం వామనాయ నమః దీపం దర్శయామి |
నైవేద్యం –
మోదకాపూపలడ్డుక పాయసం శర్కరాన్వితం |
పక్వాన్నం సఘృతం దేవ నైవేద్యం ప్రతిగృహ్యతాం ||
ఓం సర్వదేవాయ నమః అమృతోపహారం సమర్పయామి |
ఫలం –
నారికేళ ఫలం ద్రాక్షా రసాలం దాడిమం శుభం |
ఫలం గృహాణ దేవేశ సంకటం మే నివారయ ||
ఓం సర్వార్తినాశినే నమః ఫలం సమర్పయామి |
తాంబూలం –
క్రముకైలాలవంగాని నాగవల్లీదళాని చ |
తాంబూలం గృహ్యతాం దేవ సంకటం మే నివారయ ||
ఓం విఘ్నహర్త్రే నమః తాంబూలం సమర్పయామి |
నీరాజనం –
కర్పూరానలసంయుక్తం అశేషాఘౌఘనాశనం |
నీరాజనం గృహాణేశ సంకటాన్మాం విమోచయ ||
ఓం శ్రీవినాయకాయ నమః కర్పూరనీరాజనం సమర్పయామి |
పుష్పాంజలిః –
చంపకాశోకవకుళ పారిజాత భవైః సుమైః |
పుష్పాంజలిం గృహాణేమం సంకటాన్మాం విమోచయ ||
ఓం దేవోత్తమాయ నమః సువర్ణపుష్పం సమర్పయామి |
నమస్కారం –
త్వమేవ విశ్వం సృజసీభవక్త్ర
త్వమేవ విశ్వం పరిపాసి దేవ |
త్వమేవ విశ్వం హరసేఽఖిలేశ
త్వమేవ విశ్వాత్మక ఆవిభాసి ||
నమామి దేవం గణనాథమీశం
విఘ్నేశ్వరం విఘ్నవినాశదక్షం |
భక్తార్తిహం భక్తవిమోక్షదక్షం
విద్యాప్రదం వేదనిదానమాద్యం ||
యే త్వామసంపూజ్య గణేశ నూనం
వాంఛంతి మూఢాః విహితార్థసిద్ధిం |
త ఏవ నష్టా నియతం హి లోకే
జ్ఞాతో మయా తే సకలః ప్రభావః ||
ఓం ధూంరాయ నమః ప్రార్థనా నమస్కారాన్ సమర్పయామి |
అర్ఘ్యం –
తిథీనాముత్తమే దేవి గణేశప్రియవల్లభే |
సంకటం హర మే దేవి గృహాణార్ఘ్యం నమోఽస్తు తే ||
చతుర్థీతిథిదేవతాయై నమః ఇదమర్ఘ్యం | (7 సార్లు)
లంబోదర నమస్తుభ్యం సతతం మోదకప్రియ |
సంకటం హర మే దేవ గృహాణార్ఘ్యం నమోఽస్తు తే ||
సంకటహర విఘ్నేశాయ నమః ఇదమర్ఘ్యం | (7 సార్లు)
క్షీరోదార్ణవ సంభూత అత్రిగోత్రసముద్భవ |
గృహాణార్ఘ్యం మయా దత్తం రోహిణీసహితః శశిన్ ||
చంద్రాయ నమః ఇదమర్ఘ్యం | (7 సార్లు)
క్షమాప్రార్థన –
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే గజాననం ||
మంత్రహీనం క్రియాహీనం భక్తిహీనం గణాధిప |
యత్పూజితం మయా దేవ పరిపూర్ణం తదస్తు తే ||
సమర్పణం –
అనయా ధ్యాన ఆవాహనాది షోడశోపచార పూజయా భగవాన్ సర్వాత్మికః శ్రీ గణేశః సుప్రీతో సుప్రసన్నో వరదో భవంతు | ఇదం సంకటహరచతుర్థీ పూజా గణేశార్పణమస్తు |
తీర్థప్రసాద స్వీకరణ –
అకాలమృత్యుహరణం సర్వవ్యాధినివారణం |
సమస్తపాపక్షయకరం శ్రీ మహాగణాధిపతి పాదోదకం పావనం శుభం ||
శ్రీ మహాగణపతి ప్రసాదం శిరసా గృహ్ణామి ||
ఉద్వాసనం –
గచ్ఛ సత్త్వముమాపుత్ర మమానుగ్రహకారణాత్ |
పూజితోఽసి మయా భక్త్యా గచ్ఛ స్వస్థానకం ప్రభో ||
గణపతయే నమః యథాస్థానం ఉద్వాసయామి |
శోభనార్థే క్షేమాయ పునరాగమనాయ చ |

అంబాష్టకం అథవా నవరత్నమంజరీ

చేటీభవన్నిఖిలఖేటీకదంబతరువాటీషు నాకపటలీ-  var  వనవాటీషు

కోటీరచారుతరకోటీమణీకిరణకోటీకరంబితపదా .

పాటీరగంధికుచశాటీకవిత్వపరిపాటీమగాధిపసుతా

ఘోటీకులాదధికధాటీముదారముఖవీటీరసేన తనుతాం .. 1..

    కూలాతిగామిభయతూలావలీజ్వలనకీలా నిజస్తుతివిధౌ

    కోలాహలక్షపితకాలామరీకుశలకీలాలపోషణనభః .  var  కలశకీలాల

    స్థూలా కుచే జలదనీలా కచే కలితలీలా కదంబవిపినే

    శూలాయుధప్రణతిశీలా విభాతు హృది శైలాధిరాజతనయా .. 2..   var  భవతు

యత్రాశయో లగతి తన్నాగజా వసతు కుత్రాపి నిస్తులశుకా  var  తత్రాగజా

సుత్రామకాలముఖసత్రాశనప్రకరసుత్రాణకారిచరణా .

ఛత్రానిలాతిరయపత్రాభిరామగుణమిత్రామరీసమవధూః

కుత్రాసహన్మణివిచిత్రాకృతిః స్ఫురితపుత్రాదిదాననిపుణా .. 3..

    ద్వైపాయనప్రభృతిశాపాయుధత్రిదివసోపానధూలిచరణా

    పాపాపహస్వమనుజాపానులీనజనతాపాపనోదనిపుణా .

    నీపాలయా సురభిధూపాలికా దురితకూపాదుదంచయతు మాం  var  సురభుధూపాలకా

    రూపాభికా శిఖరిభూపాలవంశమణిదీపాయితా భగవతీ .. 4..

యాఽఽలీభిరాత్మతనుతాలీసకృత్ప్రియకపాలీషు ఖేలతి భవ-  var  భయ-

వ్యాలీనకుల్యసితచూలీభరా చరణధూలీలసన్మునివరా .

బాలీభృతి శ్రవసి తాలీదలం వహతి యాలీకశోభితిలకా  var  యాలికా

సాఽఽలీకరోతు మమ కాలీ మనః స్వపదనాలీకసేవనవిధౌ .. 5..

    న్యంకాకరే వపుషి కంకాలరక్తపుషి కంకాదిపక్షివిషయే    var  పక్షవిషయే

    త్వం కామనామయసి కిం కారణం హృదయపంకారిమేహి గిరిజాం .

    శంకాశిలానిశితటంకాయమానపదసంకాశమానసుమనో-

    ఝంకారిమానతతిమంకానుపేతశశిసంకాశివక్త్రకమలాం .. 6..

కంబావతీసమవిడుంబా గలేన నవతుంబాభవీణసవిధా

శం బాహులేయశశిబింబాభిరామముఖసంబాధితస్తనభరా .  var  బింబాధరా

అంబా కురంగమదజంబాలరోచిరిహ లంబాలకా దిశతు మే  var  రహ

బింబాధరా వినతశంబాయుధాదినికురుంబా కదంబవిపినే .. 7..

    ఇంధానకీరమణిబంధా భవే హృదయబంధావతీవ రసికా

    సంధావతీ భువనసంధారణేఽప్యమృతసింధావుదారనిలయా .

    గంధానుభానముహురంధాలివీతకచబంధా సమర్పయతు మే

    శం ధామ భానుమపి సంధానమాశు పదసంధానమప్యగసుతా .. 8..  var  భానుమతిసంధా

ఇతి శ్రీమచ్ఛంకరాచార్యవిరచితమంబాష్టకం సంపూర్ణం ..

అంబాస్తవం

అంబికే! ప్రణమామి ``త్వామాయరే'' గ్రామదేవతే .

సర్వశక్తే, ప్రసీద త్వం సచ్చిదానందరూపిణి .. 1..

        గ్రామరక్షాబద్ధదీక్షే, గ్రామపుష్టిప్రదాయిని! .

        ఆపన్నివారకే దేవి! దయామయి, నమోఽస్తు తే .. 2..

ప్రసన్నకరుణాపూర్ణవిలోలనయనాంబుజాం .

ఆకుంచితమనోహారిస్ఫురచ్చిల్లీమత్లికాం .. 3..

        సిందూరతిలకోద్భాసివిశాలనిటిలాంచితాం .

        కపోలబింబితారమ్యమణికుండలభూషితాం .. 4..

మందస్మితమనోహారి మధురాధరశోభితాం .

ఆనీలపట్టవసనసమావృతకలేవరాం .. 5..

        ప్రశాంతదివ్యమహసా పరివేషితవిగ్రహాం .

        ధ్యాయామి త్వాం మహాదేవీం శ్రీవిద్యాశక్తిరూపిణీం .. 6..

ప్రసీద త్వం శివే, దేవి, లక్ష్మి, దుర్గే, సరస్వతి .

రమ్యం భవద్రూపమిదం భాసతాం హృదయే సదా .. 7..

        విపదస్త్రాహి నో దేవి! సంపదో దేహి నః శివే! .

        అస్మాసు ధేహి కరుణాం భక్తాన్ నః పాహి సర్వదా .. 8..

గ్రామాంబికాస్తోత్రమిదం యే పఠంతి సమాహితాః .

శృణ్వంతి వా తథా తేషు ప్రసీదతి మహేశ్వరీ! .. 9..

ఇతి శ్రీవాసుదేవన్ ఏలయథేన విరచితం అంబాస్తవం సంపూర్ణం .

అంబాపంచరత్నస్తోత్రం

అంబాశంబరవైరితాతభగినీ శ్రీచంద్రబింబాననా

బింబోష్ఠీ స్మితభాషిణీ శుభకరీ కాదంబవాట్యాశ్రితా .

హ్రీంకారాక్షరమంత్రమధ్యసుభగా శ్రోణీనితంబాంకితా

మామంబాపురవాసినీ భగవతీ హేరంబమాతావతు .. 1..

కల్యాణీ కమనీయసుందరవపుః కాత్యాయనీ కాలికా

కాలా శ్యామలమేచకద్యుతిమతీ కాదిత్రిపంచాక్షరీ .

కామాక్షీ కరుణానిధిః కలిమలారణ్యాతిదావానలా

మామంబాపురవాసినీ భగవతీ హేరంబమాతావతు .. 2..

కాంచీకంకణహారకుండలవతీ కోటీకిరీటాన్వితా

కందర్పద్యుతికోటికోటిసదనా పీయూషకుంభస్తనా .

కౌసుంభారుణకాంచనాంబరవృతా కైలాసవాసప్రియా

మామంబాపురవాసినీ భగవతీ హేరంబమాతావతు .. 3..

యా సా శుంభనిశుంభదైత్యశమనీ యా రక్తబీజాశనీ

యా శ్రీ విష్ణుసరోజనేత్రభవనా యా బ్రహ్మవిద్యాఽఽసనీ .

యా దేవీ మధుకైటభాసురరిపుర్యా మాహిషధ్వంసినీ

మామంబాపురవాసినీ భగవతీ హేరంబమాతావతు .. 4..

శ్రీవిద్యా పరదేవతాఽఽదిజననీ దుర్గా జయా చండికా

బాలా శ్రీత్రిపురేశ్వరీ శివసతీ శ్రీరాజరాజేశ్వరీ .

శ్రీరాజ్ఞీ శివదూతికా శ్రుతినుతా శృంగారచూడామణిః

మామంబాపురవాసినీ భగవతీ హేరంబమాతావతు .. 5..

అంబాపంచకమద్భుతం పఠతి చేద్యో వా ప్రభాతేఽనిశం

దివ్యైశ్వర్యశతాయురుత్తమమిదం విద్యాం శ్రియం శాశ్వతం .

లబ్ధ్వా భూమితలే స్వధర్మనిరతాం శ్రీసుందరీం భామినీం

అంతే స్వర్గఫలం లభేత్స విబుధైః సంస్తూయమానో నరః .. 6..

ఇతి అంబాపంచరత్నస్తోత్రం సమాప్తం ..