KRISHNA Stotras & Hymns - Read Sacred Verses

శ్రీ వాసుదేవ స్తోత్రం (మహాభారతే)

శ్రీ వాసుదేవ స్తోత్రం (మహాభారతే).

Telugu

శ్రీ వాసుదేవ స్తోత్రం (మహాభారతే)

భీష్మ ఉవాచ |
విశ్వావసుర్విశ్వమూర్తిర్విశ్వేశో
విష్వక్సేనో విశ్వకర్మా వశీ చ |
విశ్వేశ్వరో వాసుదేవోఽసి తస్మా-
-ద్యోగాత్మానం దైవతం త్వాముపైమి || 1 ||
జయ విశ్వ మహాదేవ జయ లోకహితేరత |
జయ యోగీశ్వర విభో జయ యోగపరావర || 2 ||
పద్మగర్భ విశాలాక్ష జయ లోకేశ్వరేశ్వర |
భూతభవ్యభవన్నాథ జయ సౌంయాత్మజాత్మజ || 3 ||
అసంఖ్యేయగుణాధార జయ సర్వపరాయణ |
నారాయణ సుదుష్పార జయ శార్ఙ్గధనుర్ధర || 4 ||
జయ సర్వగుణోపేత విశ్వమూర్తే నిరామయ |
విశ్వేశ్వర మహాబాహో జయ లోకార్థతత్పర || 5 ||
మహోరగవరాహాద్య హరికేశ విభో జయ |
హరివాస దిశామీశ విశ్వావాసామితావ్యయ || 6 ||
వ్యక్తావ్యక్తామితస్థాన నియతేంద్రియ సత్క్రియ |
అసంఖ్యేయాత్మభావజ్ఞ జయ గంభీరకామద || 7 ||
అనంతవిదిత బ్రహ్మన్ నిత్యభూతవిభావన |
కృతకార్య కృతప్రజ్ఞ ధర్మజ్ఞ విజయావహ || 8 ||
గుహ్యాత్మన్ సర్వయోగాత్మన్ స్ఫుట సంభూత సంభవ |
భూతాద్య లోకతత్త్వేశ జయ భూతవిభావన || 9 ||
ఆత్మయోనే మహాభాగ కల్పసంక్షేపతత్పర |
ఉద్భావనమనోభావ జయ బ్రహ్మజనప్రియ || 10 ||
నిసర్గసర్గనిరత కామేశ పరమేశ్వర |
అమృతోద్భవ సద్భావ ముక్తాత్మన్ విజయప్రద || 11 ||
ప్రజాపతిపతే దేవ పద్మనాభ మహాబల |
ఆత్మభూత మహాభూత సత్వాత్మన్ జయ సర్వదా || 12 ||
పాదౌ తవ ధరా దేవీ దిశో బాహు దివం శిరః |
మూర్తిస్తేఽహం సురాః కాయశ్చంద్రాదిత్యౌ చ చక్షుషీ || 13 ||
బలం తపశ్చ సత్యం చ కర్మ ధర్మాత్మజం తవ |
తేజోఽగ్నిః పవనః శ్వాస ఆపస్తే స్వేదసంభవాః || 14 ||
అశ్వినౌ శ్రవణౌ నిత్యం దేవీ జిహ్వా సరస్వతీ |
వేదాః సంస్కారనిష్ఠా హి త్వయీదం జగదాశ్రితం || 15 ||
న సంఖ్యా న పరీమాణం న తేజో న పరాక్రమం |
న బలం యోగయోగీశ జానీమస్తే న సంభవం || 16 ||
త్వద్భక్తినిరతా దేవ నియమైస్త్వాం సమాశ్రితాః |
అర్చయామః సదా విష్ణో పరమేశం మహేశ్వరం || 17 ||
ఋషయో దేవగంధర్వా యక్షరాక్షసపన్నగాః |
పిశాచా మానుషాశ్చైవ మృగపక్షిసరీసృపాః || 18 ||
ఏవమాది మయా సృష్టం పృథివ్యాం త్వత్ప్రసాదజం |
పద్మనాభ విశాలాక్ష కృష్ణ దుఃఖప్రణాశన || 19 ||
త్వం గతిః సర్వభూతానాం త్వం నేతా త్వం జగద్గురుః |
త్వత్ప్రసాదేన దేవేశ సుఖినో విబుధాః సదా || 20 ||
పృథివీ నిర్భయా దేవ త్వత్ప్రసాదాత్సదాఽభవత్ |
తస్మాద్భవ విశాలాక్ష యదువంశవివర్ధనః || 21 ||
ధర్మసంస్థాపనార్థాయ దైత్యానాం చ వధాయ చ |
జగతో ధారణార్థాయ విజ్ఞాప్యం కురు మే ప్రభో || 22 ||
యత్తత్పరమకం గుహ్యం త్వత్ప్రసాదాదిదం విభో |
వాసుదేవ తదేతత్తే మయోద్గీతం యథాతథం || 23 ||
సృష్ట్వా సంకర్షణం దేవం స్వయమాత్మానమాత్మనా |
కృష్ణ త్వమాత్మనో సాక్షీ ప్రద్యుంనం చాత్మసంభవం || 24 ||
ప్రద్యుంనాదనిరుద్ధం త్వం యం విదుర్విష్ణుమవ్యయం |
అనిరుద్ధోఽసృజన్మాం వై బ్రహ్మాణం లోకధారిణం || 25 ||
వాసుదేవమయః సోఽహం త్వయైవాస్మి వినిర్మితః |
[*తస్మాద్యాచామి లోకేశ చతురాత్మానమాత్మనా|*] విభజ్య భాగశోఽఽత్మానం వ్రజ మానుషతాం విభో || 26 ||
తత్రాసురవధం కృత్వా సర్వలోకసుఖాయ వై |
ధర్మం ప్రాప్య యశః ప్రాప్య యోగం ప్రాప్స్యసి తత్త్వతః || 27 ||
త్వాం హి బ్రహ్మర్షయో లోకే దేవాశ్చామితవిక్రమ |
తైస్తైర్హి నామభిర్యుక్తా గాయంతి పరమాత్మకం || 28 ||
స్థితాశ్చ సర్వే త్వయి భూతసంఘాః
కృత్వాశ్రయం త్వాం వరదం సుబాహో |
అనాదిమధ్యాంతమపారయోగం
లోకస్య సేతుం ప్రవదంతి విప్రాః || 29 ||
ఇతి శ్రీమహాభారతే భీష్మపర్వణి పంచషష్టితమోఽధ్యాయే వాసుదేవ స్తోత్రం |

శ్రీ గోకులాష్టకం

శ్రీ గోకులాష్టకం.

Telugu

Read Stotra

శ్రీ గోకులాష్టకం

శ్రీమద్గోకులసర్వస్వం శ్రీమద్గోకులమండనం |
శ్రీమద్గోకులదృక్తారా శ్రీమద్గోకులజీవనం || 1 ||
శ్రీమద్గోకులమాత్రేశః శ్రీమద్గోకులపాలకః |
శ్రీమద్గోకులలీలాబ్ధిః శ్రీమద్గోకులసంశ్రయః || 2 ||
శ్రీమద్గోకులజీవాత్మా శ్రీమద్గోకులమానసః |
శ్రీమద్గోకులదుఃఖఘ్నః శ్రీమద్గోకులవీక్షితః || 3 ||
శ్రీమద్గోకులసౌందర్యం శ్రీమద్గోకులసత్ఫలం |
శ్రీమద్గోకులగోప్రాణః శ్రీమద్గోకులకామదః || 4 ||
శ్రీమద్గోకులరాకేశః శ్రీమద్గోకులతారకః |
శ్రీమద్గోకులపద్మాళిః శ్రీమద్గోకులసంస్తుతః || 5 ||
శ్రీమద్గోకులసంగీతః శ్రీమద్గోకులలాస్యకృత్ |
శ్రీమద్గోకులభావాత్మా శ్రీమద్గోకులపోషకః || 6 ||
శ్రీమద్గోకులహృత్స్థానః శ్రీమద్గోకులసంవృతః |
శ్రీమద్గోకులదృక్పుష్పః శ్రీమద్గోకులమోదితః || 7 ||
శ్రీమద్గోకులగోపీశః శ్రీమద్గోకులలాలితః |
శ్రీమద్గోకులభోగ్యశ్రీః శ్రీమద్గోకులసర్వకృత్ || 8 ||
ఇమాని శ్రీగోకులేశనామాని వదనే మమ |
వసంతు సంతతం చైవ లీలా చ హృదయే సదా || 9 ||
ఇతి శ్రీవిఠ్ఠలేశ్వర విరచితం శ్రీ గోకులాష్టకం |

గోపీ గీతం (గోపికా గీతం)

గోపీ గీతం (గోపికా గీతం).

Telugu

Read Stotra

గోపీ గీతం (గోపికా గీతం)

గోప్య ఊచుః |
జయతి తేఽధికం జన్మనా వ్రజః
శ్రయత ఇందిరా శశ్వదత్ర హి |
దయిత దృశ్యతాం దిక్షు తావకా-
-స్త్వయి ధృతాసవస్త్వాం విచిన్వతే || 1 ||
శరదుదాశయే సాధుజాతసత్
సరసిజోదరశ్రీముషా దృశా |
సురతనాథ తేఽశుల్కదాసికా
వరద నిఘ్నతో నేహ కిం వధః || 2 ||
విషజలాప్యయాద్వ్యాలరాక్షసా-
-ద్వర్షమారుతాద్వైద్యుతానలాత్ |
వృషమయాత్మజాద్విశ్వతోభయా-
-దృషభ తే వయం రక్షితా ముహుః || 3 ||
న ఖలు గోపికానందనో భవా-
-నఖిలదేహినామంతరాత్మదృక్ |
విఖనసాఽర్థితో విశ్వగుప్తయే
సఖ ఉదేయివాన్ సాత్వతాం కులే || 4 ||
విరచితాభయం వృష్ణిధుర్య తే
చరణమీయుషాం సంసృతేర్భయాత్ |
కరసరోరుహం కాంత కామదం
శిరసి ధేహి నః శ్రీకరగ్రహం || 5 ||
వ్రజజనార్తిహన్ వీరయోషితాం
నిజజనస్మయ ధ్వంసనస్మిత |
భజ సఖే భవత్కింకరీః స్మ నో
జలరుహాననం చారు దర్శయ || 6 ||
ప్రణతదేహినాం పాపకర్శనం
తృణచరానుగం శ్రీనికేతనం |
ఫణిఫణార్పితం తే పదాంబుజం
కృణు కుచేషు నః కృంధి హృచ్ఛయం || 7 ||
మధురయా గిరా వల్గువాక్యయా
బుధమనోజ్ఞయా పుష్కరేక్షణ |
విధికరీరిమా వీర ముహ్యతీ-
-రధరసీధునాఽఽప్యాయయస్వ నః || 8 ||
తవ కథామృతం తప్తజీవనం
కవిభిరీడితం కల్మషాపహం |
శ్రవణమంగళం శ్రీమదాతతం
భువి గృణంతి తే భూరిదా జనాః || 9 ||
ప్రహసితం ప్రియ ప్రేమవీక్షణం
విహరణం చ తే ధ్యానమంగళం |
రహసి సంవిదో యా హృదిస్పృశః
కుహక నో మనః క్షోభయంతి హి || 10 ||
చలసి యద్వ్రజాచ్చారయన్ పశూన్
నళినసుందరం నాథ తే పదం |
శిలతృణాంకురైః సీదతీతి నః
కలిలతాం మనః కాంత గచ్ఛతి || 11 ||
దినపరిక్షయే నీలకుంతలై-
-ర్వనరుహాననం బిభ్రదావృతం |
ఘనరజస్వలం దర్శయన్ ముహు-
-ర్మనసి నః స్మరం వీర యచ్ఛసి || 12 ||
ప్రణతకామదం పద్మజార్చితం
ధరణిమండనం ధ్యేయమాపది |
చరణపంకజం శంతమం చ తే
రమణ నః స్తనేష్వర్పయాధిహన్ || 13 ||
సురతవర్ధనం శోకనాశనం
స్వరితవేణునా సుష్ఠు చుంబితం |
ఇతరరాగవిస్మారణం నృణాం
వితర వీర నస్తేఽధరామృతం || 14 ||
అటతి యద్భవానహ్ని కాననం
త్రుటిర్యుగాయతే త్వామపశ్యతాం |
కుటిలకుంతలం శ్రీముఖం చ తే
జడ ఉదీక్షతాం పక్ష్మకృద్దృశాం || 15 ||
పతిసుతాన్వయ భ్రాతృబాంధవా-
-నతివిలంఘ్య తేఽంత్యచ్యుతాగతాః |
గతివిదస్తవోద్గీతమోహితాః
కితవ యోషితః కస్త్యజేన్నిశి || 16 ||
రహసి సంవిదం హృచ్ఛయోదయం
ప్రహసితాననం ప్రేమవీక్షణం |
బృహదురః శ్రియో వీక్ష్య ధామ తే
ముహురతిస్పృహా ముహ్యతే మనః || 17 ||
వ్రజవనౌకసాం వ్యక్తిరంగ తే
వృజినహంత్ర్యలం విశ్వమంగళం |
త్యజ మనాక్ చ నస్త్వత్ స్పృహాత్మనాం
స్వజనహృద్రుజాం యన్నిషూదనం || 18 ||
యత్తే సుజాతచరణాంబురుహం స్తనేషు
భీతాః శనైః ప్రియ దధీమహి కర్కశేషు |
తేనాటవీమటసి తద్వ్యథతే న కింస్విత్
కూర్పాదిభిర్భ్రమతి ధీర్భవదాయుషాం నః || 19 ||
[** అధిక శ్లోకాః –
శ్రీ శుక ఉవాచ –
ఇతి గోప్యః ప్రగాయన్త్యః ప్రలపన్త్యశ్చచిత్రధా |
రురుదుః సుస్వరం రాజన్ కృష్ణదర్శనలాలసాః ||
తాసామావిరభూచ్ఛౌరిః స్మయమానముఖాంబుజః |
పీతాంబరధరః స్రగ్వీ సాక్షాన్మన్మథమన్మథః ||
**] ఇతి శ్రీమద్భాగవత మహాపురాణే పారమహంస్యాం సంహితాయాం దశమస్కంధే పూర్వార్ధే రాసక్రీడాయాం గోపీగీతం నామైకత్రింశోఽధ్యాయః ||

శ్రీ గోపీజనవల్లభాష్టకం –1

శ్రీ గోపీజనవల్లభాష్టకం –1.

Telugu

Read Stotra

శ్రీ గోపీజనవల్లభాష్టకం –1

నవాంబుదానీకమనోహరాయ
ప్రఫుల్లరాజీవవిలోచనాయ |
వేణుస్వనైర్మోదితగోకులాయ
నమోఽస్తు గోపీజనవల్లభాయ || 1 ||
కిరీటకేయూరవిభూషితాయ
గ్రైవేయమాలామణిరంజితాయ |
స్ఫురచ్చలత్కాంచనకుండలాయ
నమోఽస్తు గోపీజనవల్లభాయ || 2 ||
దివ్యాంగనాబృందనిషేవితాయ
స్మితప్రభాచారుముఖాంబుజాయ |
త్రైలోక్యసంమోహనసుందరాయ
నమోఽస్తు గోపీజనవల్లభాయ || 3 ||
రత్నాదిమూలాలయసంగతాయ
కల్పద్రుమచ్ఛాయసమాశ్రితాయ |
హేమస్ఫురన్మండలమధ్యగాయ
నమోఽస్తు గోపీజనవల్లభాయ || 4 ||
శ్రీవత్సరోమావళిరంజితాయ
వక్షఃస్థలే కౌస్తుభభూషితాయ |
సరోజకింజల్కనిభాంశుకాయ
నమోఽస్తు గోపీజనవల్లభాయ || 5 ||
దివ్యాంగుళీయాంగుళిరంజితాయ
మయూరపింఛచ్ఛవిశోభితాయ |
వన్యస్రజాలంకృతవిగ్రహాయ
నమోఽస్తు గోపీజనవల్లభాయ || 6 ||
మునీంద్రవృందైరభిసంస్తుతాయ
క్షరత్పయోగోకులసంకులాయ |
ధర్మార్థకామామృతసాధకాయ
నమోఽస్తు గోపీజనవల్లభాయ || 7 ||
మనస్తమస్తోమదివాకరాయ
భక్తస్య చింతామణిసాధకాయ |
అశేషదుఃఖామయభేషజాయ
నమోఽస్తు గోపీజనవల్లభాయ || 8 ||
ఇతి శ్రీవహ్నిసూను విరచితం శ్రీ గోపీజనవల్లభాష్టకం |

శ్రీ గోపీజనవల్లభాష్టకం 2

శ్రీ గోపీజనవల్లభాష్టకం 2.

Telugu

Read Stotra

శ్రీ గోపీజనవల్లభాష్టకం 2

సరోజనేత్రాయ కృపాయుతాయ
మందారమాలాపరిభూషితాయ |
ఉదారహాసాయ లసన్ముఖాయ
నమోఽస్తు గోపీజనవల్లభాయ || 1 ||
ఆనందనందాదికదాయకాయ
బకీబకప్రాణవినాశకాయ |
మృగేంద్రహస్తాగ్రజభూషణాయ
నమోఽస్తు గోపీజనవల్లభాయ || 2 ||
గోపాలలీలాకృతకౌతుకాయ
గోపాలకాజీవనజీవనాయ |
భక్తైకగంయాయ నవప్రియాయ
నమోఽస్తు గోపీజనవల్లభాయ || 3 ||
మన్థానభాండాఖిలభంజనాయ
హైయ్యంగవీనాశనరంజనాయ |
గోస్వాదుదుగ్ధామృతపోషితాయ
నమోఽస్తు గోపీజనవల్లభాయ || 4 ||
కళిందజాకూలకుతూహలాయ
కిశోరరూపాయ మనోహరాయ |
పిశంగవస్త్రాయ నరోత్తమాయ
నమోఽస్తు గోపీజనవల్లభాయ || 5 ||
ధారాధరాభాయ ధరాధరాయ
శృంగారహారావళిశోభితాయ |
సమస్తగర్గోక్తిసులక్షణాయ
నమోఽస్తు గోపీజనవల్లభాయ || 6 ||
ఇభేంద్రకుంభస్థలఖండనాయ
విదేశబృందావనమండనాయ |
హంసాయ కంసాసురమర్దనాయ
నమోఽస్తు గోపీజనవల్లభాయ || 7 ||
శ్రీదేవకీసూనువిమోక్షణాయ
క్షత్తోద్ధవాక్రూరవరప్రదాయ |
గదాసిశంఖాబ్జచతుర్భుజాయ
నమోఽస్తు గోపీజనవల్లభాయ || 8 ||
ఇతి శ్రీహరిదాస కృత శ్రీ గోపీజనవల్లభాష్టకం ||

దైన్యాష్టకం

దైన్యాష్టకం.

Telugu

Read Stotra

దైన్యాష్టకం

శ్రీకృష్ణ గోకులాధీశ నందగోపతనూద్భవ |
యశోదాగర్భసంభూత మయి దీనే కృపాం కురు || 1 ||
వ్రజానంద వ్రజావాస వ్రజస్త్రీహృదయస్థిత |
వ్రజలీలాకృతే నిత్యం మయి దీనే కృపాం కురు || 2 ||
శ్రీభాగవతభావార్థరసాత్మన్ రసికాత్మక |
నామలీలావిలాసార్థం మయి దీనే కృపాం కురు || 3 ||
యశోదాహృదయానంద విహితాంగణరింగణ |
అలకావృతవక్త్రాబ్జ మయి దీనే కృపాం కురు || 4 ||
విరహార్తివ్రతస్థాత్మన్ గుణగానశ్రుతిప్రియ |
మహాదైన్యదయోద్భూత మయి దీనే కృపాం కురు || 5 ||
అత్యాసక్తజనాసక్త పరోక్షభజనప్రియ |
పరమానందసందోహ మయి దీనే కృపాం కురు || 6 ||
నిరోధశుద్ధహృదయదయితాగీతమోహిత |
ఆత్యంతికవియోగాత్మన్ మయి దీనే కృపాం కురు || 7 ||
స్వాచార్యహృదయస్థాయిలీలాశతయుత ప్రభో |
సర్వథా శరణం యాతే మయి దీనే కృపాం కురు || 8 ||
ఇతి శ్రీహరిదాస విరచితం దైన్యాష్టకం ||

పంచాక్షరమంత్రగర్భ స్తోత్రం

పంచాక్షరమంత్రగర్భ స్తోత్రం.

Telugu

Read Stotra

పంచాక్షరమంత్రగర్భ స్తోత్రం

దుష్టతమోఽపి దయారహితోఽపి
విధర్మవిశేషకృతిప్రథితోఽపి |
దుర్జనసంగరతోఽప్యవరోఽపి
కృష్ణ తవాఽస్మి న చాఽస్మి పరస్య || 1 ||
లోభరతోఽప్యభిమానయుతోఽపి
పరహితకారణకృత్యకరోఽపి |
క్రోధపరోఽప్యవివేకహతోఽపి
కృష్ణ తవాఽస్మి న చాఽస్మి పరస్య || 2 ||
కామమయోఽపి గతాశ్రయణోఽపి
పరాశ్రయగాశయచంచలితోఽపి |
వైషయికాదరసంవలితోఽపి
కృష్ణ తవాఽస్మి న చాఽస్మి పరస్య || 3 ||
ఉత్తమధైర్యవిభిన్నతరోఽపి
నిజోదరపోషణహేతుపరోఽపి |
స్వీకృతమత్సరమోహమదోఽపి
కృష్ణ తవాఽస్మి న చాఽస్మి పరస్య || 4 ||
భక్తిపథాదరమాత్రకృతోఽపి
వ్యర్థవిరుద్ధకృతిప్రసృతోఽపి |
త్వత్పదసన్ముఖతాపతితోఽపి
కృష్ణ తవాఽస్మి న చాఽస్మి పరస్య || 5 ||
సంసృతిగేహకళత్రరతోఽపి
వ్యర్థధనార్జనఖేదసహోఽపి |
ఉన్మదమానససంశ్రయణోఽపి
కృష్ణ తవాఽస్మి న చాఽస్మి పరస్య || 6 ||
కృష్ణపథేతరధర్మరతోఽపి
స్వస్థితవిస్మృతిసద్ధృదయోఽపి |
దుర్జనదుర్వచనాదరణోఽపి
కృష్ణ తవాఽస్మి న చాఽస్మి పరస్య || 7 ||
వల్లభవంశజనుః సబలోఽపి
స్వప్రభుపాదసరోజఫలోఽపి |
లౌకికవైదికధర్మఖలోఽపి
కృష్ణ తవాఽస్మి న చాఽస్మి పరస్య || 8 ||
పంచాక్షరమహామంత్రగర్భితస్తోత్రపాఠతః |
శ్రీమదాచార్యదాసానాం తదీయత్వం భవేద్ధ్రువం || 9 ||
ఇతి శ్రీహరిదాస కృతం పంచాక్షరమంత్రగర్భ స్తోత్రం |

శ్రీ బాలముకుందాష్టకం

శ్రీ బాలముకుందాష్టకం.

Telugu

Read Stotra

శ్రీ బాలముకుందాష్టకం

కరారవిందేన పదారవిందం
ముఖారవిందే వినివేశయంతం |
వటస్య పత్రస్య పుటే శయానం
బాలం ముకుందం మనసా స్మరామి || 1 ||
సంహృత్య లోకాన్ వటపత్రమధ్యే
శయానమాద్యంతవిహీనరూపం |
సర్వేశ్వరం సర్వహితావతారం
బాలం ముకుందం మనసా స్మరామి || 2 ||
ఇందీవరశ్యామలకోమలాంగం
ఇంద్రాదిదేవార్చితపాదపద్మం |
సంతానకల్పద్రుమమాశ్రితానాం
బాలం ముకుందం మనసా స్మరామి || 3 ||
లంబాలకం లంబితహారయష్టిం
శృంగారలీలాంకితదంతపంక్తిం |
బింబాధరం చారువిశాలనేత్రం
బాలం ముకుందం మనసా స్మరామి || 4 ||
శిక్యే నిధాయాద్య పయోదధీని
బహిర్గతాయాం వ్రజనాయికాయాం |
భుక్త్వా యథేష్టం కపటేన సుప్తం
బాలం ముకుందం మనసా స్మరామి || 5 ||
కలిందజాంతః స్థితకాలియస్య
ఫణాగ్రరంగే నటనప్రియం తం |
తత్పుచ్ఛహస్తం శరదిందువక్త్రం
బాలం ముకుందం మనసా స్మరామి || 6 ||
ఉలూఖలే బద్ధముదారశౌర్యం
ఉత్తుంగయుగ్మార్జునభంగలీలం |
ఉత్ఫుల్లపద్మాయతచారునేత్రం
బాలం ముకుందం మనసా స్మరామి || 7 ||
ఆలోక్య మాతుర్ముఖమాదరేణ
స్తన్యం పిబంతం సరసీరుహాక్షం |
సచ్చిన్మయం దేవమనంతరూపం
బాలం ముకుందం మనసా స్మరామి || 8 ||

శ్రీ అచ్యుతాష్టకం 2

శ్రీ అచ్యుతాష్టకం 2.

Telugu

Read Stotra

శ్రీ అచ్యుతాష్టకం 2

అచ్యుతాచ్యుత హరే పరమాత్మన్
రామ కృష్ణ పురుషోత్తమ విష్ణో |
వాసుదేవ భగవన్ననిరుద్ధ
శ్రీపతే శమయ దుఃఖమశేషం || 1 ||
విశ్వమంగళ విభో జగదీశ
నందనందన నృసింహ నరేంద్ర |
ముక్తిదాయక ముకుంద మురారే
శ్రీపతే శమయ దుఃఖమశేషం || 2 ||
రామచంద్ర రఘునాయక దేవ
దీననాథ దురితక్షయకారిన్ |
యాదవేంద్ర యదుభూషణ యజ్ఞ
శ్రీపతే శమయ దుఃఖమశేషం || 3 ||
దేవకీతనయ దుఃఖదవాగ్నే
రాధికారమణ రంయసుమూర్తే |
దుఃఖమోచన దయార్ణవ నాథ
శ్రీపతే శమయ దుఃఖమశేషం || 4 ||
గోపికావదనచంద్రచకోర
నిత్య నిర్గుణ నిరంజన జిష్ణో |
పూర్ణరూప జయ శంకర శర్వ
శ్రీపతే శమయ దుఃఖమశేషం || 5 ||
గోకులేశ గిరిధారణ ధీర
యామునాచ్ఛతటఖేలనవీర |
నారదాదిమునివందితపాద
శ్రీపతే శమయ దుఃఖమశేషం || 6 ||
ద్వారకాధిప దురంతగుణాబ్ధే
ప్రాణనాథ పరిపూర్ణ భవారే |
జ్ఞానగంయ గుణసాగర బ్రహ్మన్
శ్రీపతే శమయ దుఃఖమశేషం || 7 ||
దుష్టనిర్దళన దేవ దయాళో
పద్మనాభ ధరణీధర ధర్మిన్ |
రావణాంతక రమేశ మురారే
శ్రీపతే శమయ దుఃఖమశేషం || 8 ||
అచ్యుతాష్టకమిదం రమణీయం
నిర్మితం భవభయం వినిహంతుం |
యః పఠేద్విషయవృత్తినివృత్తి-
-ర్జన్మదుఃఖమఖిలం స జహాతి || 9 ||
ఇతి శ్రీమచ్ఛంకరాచార్య విరచితం శ్రీ అచ్యుతాష్టకం |

అచ్యుతాష్టకం

అచ్యుతాష్టకం.

Telugu

Read Stotra

అచ్యుతాష్టకం

అచ్యుతం కేశవం రామనారాయణం
కృష్ణదామోదరం వాసుదేవం హరిం |
శ్రీధరం మాధవం గోపికావల్లభం
జానకీనాయకం రామచంద్రం భజే || 1 ||
అచ్యుతం కేశవం సత్యభామాధవం
మాధవం శ్రీధరం రాధికారాధితం |
ఇందిరామందిరం చేతసా సుందరం
దేవకీనందనం నందజం సందధే || 2 ||
విష్ణవే జిష్ణవే శంఖినే చక్రిణే
రుక్మిణీరాగిణే జానకీజానయే |
వల్లవీవల్లభాయార్చితాయాత్మనే
కంసవిధ్వంసినే వంశినే తే నమః || 3 ||
కృష్ణ గోవింద హే రామ నారాయణ
శ్రీపతే వాసుదేవాజిత శ్రీనిధే |
అచ్యుతానంత హే మాధవాధోక్షజ
ద్వారకానాయక ద్రౌపదీరక్షక || 4 ||
రాక్షసక్షోభితః సీతయా శోభితో
దండకారణ్యభూపుణ్యతాకారణం |
లక్ష్మణేనాన్వితో వానరైః సేవితో-
-ఽగస్త్యసంపూజితో రాఘవః పాతు మాం || 5 ||
ధేనుకారిష్టహాఽనిష్టకృద్ద్వేషిణాం
కేశిహా కంసహృద్వంశికావాదకః |
పూతనాకోపకః సూరజాఖేలనో
బాలగోపాలకః పాతు మాం సర్వదా || 6 ||
విద్యుదుద్యోతవత్ప్రస్ఫురద్వాససం
ప్రావృడంభోదవత్ప్రోల్లసద్విగ్రహం |
వన్యయా మాలయా శోభితోరఃస్థలం
లోహితాంఘ్రిద్వయం వారిజాక్షం భజే || 7 ||
కుంచితైః కుంతలైర్భ్రాజమానాననం
రత్నమౌళిం లసత్కుండలం గండయోః |
హారకేయూరకం కంకణప్రోజ్జ్వలం
కింకిణీమంజులం శ్యామలం తం భజే || 8 ||
అచ్యుతస్యాష్టకం యః పఠేదిష్టదం
ప్రేమతః ప్రత్యహం పూరుషః సస్పృహం |
వృత్తతః సుందరం వేద్యవిశ్వంభరం
తస్య వశ్యో హరిర్జాయతే సత్వరం || 9 ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ శ్రీ అచ్యుతాష్టకం ||

గర్భస్తుతిః (దేవ కృతం)

గర్భస్తుతిః (దేవ కృతం).

Telugu

Read Stotra

గర్భస్తుతిః (దేవ కృతం)

దేవా ఊచుః |
జగద్యోనిరయోనిస్త్వమనంతోఽవ్యయ ఏవ చ |
జ్యోతిః స్వరూపో హ్యనఘః సగుణో నిర్గుణో మహాన్ || 1 ||
భక్తానురోధాత్ సాకారో నిరాకారో నిరంకుశః |
నిర్వ్యూహో నిఖిలాధారో నిఃశంకో నిరుపద్రవః || 2 ||
నిరుపాధిశ్చ నిర్లిప్తో నిరీహో నిధనాంతకః |
స్వాత్మారామః పూర్ణకామో నిమిషో నిత్య ఏవ చ || 3 ||
స్వేచ్ఛామయః సర్వహేతుః సర్వః సర్వగుణాశ్రయః |
సుఖదో దుఃఖదో దుర్గో దుర్జనాంతక ఏవ చ || 4 ||
సుభగో దుర్భగో వాగ్మీ దురారాధ్యో దురత్యయః |
వేదహేతుశ్చ వేదశ్చ వేదాంగో వేదవిద్విభుః || 5 ||
ఇత్యేవముక్త్వా దేవాశ్చ ప్రణేముశ్చ ముహుర్ముహుః |
హర్షాశ్రులోచనాః సర్వే వవృషుః కుసుమాని చ || 6 ||
ద్విచత్వారింశన్నామాని ప్రాతరుత్థాయ యః పఠేత్ |
దృఢాం భక్తిం హరేర్దాస్యం లభతే వాంఛితం ఫలం || 7 ||
ఇత్యేవం స్తవనం కృత్వా దేవాస్తే స్వాలయం యయుః |
బభూవ జలవృష్టిశ్చ నిశ్చేష్టా మథురాపురీ || 8 ||
ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖండే సప్తమోఽధ్యాయే దేవకృత గర్భస్తుతిః |

శ్రీ విఠ్ఠల స్తోత్రం

శ్రీ విఠ్ఠల స్తోత్రం.

Telugu

Read Stotra

శ్రీ విఠ్ఠల స్తోత్రం

శ్రీమద్వల్లభసాగరసముదితకుందౌఘజీవదో నరః |
విశ్వసముద్ధృతదీనో జగతి శ్రీవిఠ్ఠలో జయతి || 1 ||
మాయావాదః కులనాశనకరణే ప్రసిద్ధదిననాథః |
అపరఃకృష్ణావతారో జగతి శ్రీవిఠ్ఠలో జయతి || 2 ||
శ్రీమద్గిరిధరపదయుగసేవనపరినిష్ఠహృత్సరోజశ్చ |
వంశస్థాపితమహిమా జగతి శ్రీవిఠ్ఠలో జయతి || 3 ||
శ్రీమద్గోకులహిమరుచిరుచికరలబ్ధైకసచ్చకోరపదః |
పరిలసదద్భుతచరితో జగతి శ్రీవిఠ్ఠలో జయతి || 4 ||
శారదచంద్రసమానఃశిశిరీకృతదగ్ధసకలలోకః |
విద్యాజితసురవంద్యో జగతి శ్రీవిఠ్ఠలో జయతి || 5 ||
గోవర్ధనధరమిలనత్యాగవిధానేఽతికాతరః సుభగః |
ప్రకటితపుష్టిజభక్తిర్జగతి శ్రీవిఠ్ఠలో జయతి || 6 ||
యజ్ఞవిధాయకచేతాః సకలప్రతిపక్షసింధువడవాగ్నిః |
కుండలశోభితగల్లో జగతి శ్రీవిఠ్ఠలో జయతి || 7 ||
పాలితభక్తసమాజో వ్రజభువి విశదీకృతైకనవరత్నః |
వాసితగోకులనగరో జగతి శ్రీవిఠ్ఠలో జయతి || 8 ||
నిత్యం స్తోత్రవరం తద్భక్తినియుక్తః పఠన్ స్వకీయాష్టకం |
పరమపదం లభతే స చ యః కిల నిష్ఠోఽపి విఠ్ఠలస్యేదం || 9 ||
ఇతి శ్రీమద్దేవకీనందనాత్మజశ్రీరఘునాథజీకృతం శ్రీ విఠ్ఠల స్తోత్రం |

Sign In

OTP Verification

Sacred Stotras & Deities

శ్రీ వాసుదేవ స్తోత్రం (మహాభారతే)

శ్రీ గోకులాష్టకం

గోపీ గీతం (గోపికా గీతం)

శ్రీ గోపీజనవల్లభాష్టకం –1

శ్రీ గోపీజనవల్లభాష్టకం 2

దైన్యాష్టకం

పంచాక్షరమంత్రగర్భ స్తోత్రం

శ్రీ బాలముకుందాష్టకం

శ్రీ అచ్యుతాష్టకం 2

అచ్యుతాష్టకం

గర్భస్తుతిః (దేవ కృతం)

శ్రీ విఠ్ఠల స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps