NATARAJA Stotras & Hymns - Read Sacred Verses

శ్రీ నరహర్యష్టకం

శ్రీ నరహర్యష్టకం.

Telugu

శ్రీ నరహర్యష్టకం

యద్ధితం తవ భక్తానామస్మాకం నృహరే హరే |
తదాశు కార్యం కార్యజ్ఞ ప్రళయార్కాయుతప్రభ || 1 ||
రటత్సటోగ్ర భ్రుకుటీకఠోరకుటిలేక్షణ |
నృపంచాస్య జ్వలజ్జ్వాలోజ్జ్వలాస్యారీన్ హరే హర || 2 ||
ఉన్నద్ధకర్ణవిన్యాస వివృతానన భీషణ |
గతదూషణ మే శత్రూన్ హరే నరహరే హర || 3 ||
హరే శిఖిశిఖోద్భాస్వదురః క్రూరనఖోత్కర |
అరీన్ సంహర దంష్ట్రోగ్రస్ఫురజ్జిహ్వ నృసింహ మే || 4 ||
జఠరస్థ జగజ్జాల కరకోట్యుద్యతాయుధ |
కటికల్పతటిత్కల్పవసనారీన్ హరే హర || 5 ||
రక్షోధ్యక్షబృహద్వక్షోరూక్షకుక్షివిదారణ |
నరహర్యక్ష మే శత్రుపక్షకక్షం హరే దహ || 6 ||
విధిమారుతశర్వేంద్రపూర్వగీర్వాణపుంగవైః |
సదా నతాంఘ్రిద్వంద్వారీన్ నరసింహ హరే హర || 7 ||
భయంకరోర్వలంకార వరహుంకారగర్జిత |
హరే నరహరే శత్రూన్ మమ సంహర సంహర || 8 ||
వాదిరాజయతిప్రోక్తం నరహర్యష్టకం నవం |
పఠన్నృసింహకృపయా రిపూన్ సంహరతి క్షణాత్ || 9 ||
ఇతి శ్రీమద్వాదిరాజ పూజ్యచరణ విరచితం శ్రీ నరహర్యష్టకం |

శ్రీ చిదంబర పంచచామర స్తోత్రం

శ్రీ చిదంబర పంచచామర స్తోత్రం.

Telugu

Read Stotra

శ్రీ చిదంబర పంచచామర స్తోత్రం

కదంబకాననప్రియం చిదంబయా విహారిణం
మదేభకుంభగుంఫితస్వడింభలాలనోత్సుకం |
సదంభకామఖండనం సదంబువాహినీధరం
హృదంబుజే జగద్గురుం చిదంబరం విభావయే || 1 ||
సమస్తభక్తపోషణస్వహస్తబద్ధకంకణం
ప్రశస్తకీర్తివైభవం నిరస్తసజ్జనాపదం |
కరస్థముక్తిసాధనం శిరఃస్థచంద్రమండనం
హృదంబుజే జగద్గురుం చిదంబరం విభావయే || 2 ||
జటాకిరీటమండితం నిటాలలోచనాన్వితం
పటీకృతాష్టదిక్తటం పటీరపంకలేపనం |
నటౌఘపూర్వభావినం కుఠారపాశధారిణం
హృదంబుజే జగద్గురుం చిదంబరం విభావయే || 3 ||
కురంగశాబశోభితం చిరం గజాననార్చితం
పురాంగనావిచారదం వరాంగరాగరంజితం |
ఖరాంగజాతనాశకం తురంగమీకృతాగమం
హృదంబుజే జగద్గురుం చిదంబరం విభావయే || 4 ||
అమందభాగ్యభాజనం సుమందహాససన్ముఖం
సుమందమందగామినీగిరీంద్రకన్యకాధవం |
శమం దమం దయాలుతామమందయంతమాత్మనో
హృదంబుజే జగద్గురుం చిదంబరం విభావయే || 5 ||
కరీంద్రచర్మవాససం గిరీంద్రచాపధారిణం
సురేంద్రముఖ్యపూజితం ఖగేంద్రవాహనప్రియం |
అహీంద్రభూషణోజ్జ్వలం నగేంద్రజావిలాసినం
హృదంబుజే జగద్గురుం చిదంబరం విభావయే || 6 ||
మలాపహారిణీతటే సదా విలాసకారిణం
బలారిశాపభంజనం లలామరూపలోచనం |
లసత్ఫణీంద్రహారిణం జ్వలత్త్రిశూలధారిణం
హృదంబుజే జగద్గురుం చిదంబరం విభావయే || 7 ||
శశాంకభానువీతిహోత్రరాజితత్రిలోచనం
విశాలవక్షసం సుదీర్ఘబాహుదండమండితం |
దిగంబరోల్లసద్వపుర్ధరం ధరారథాన్వితం
హృదంబుజే జగద్గురుం చిదంబరం విభావయే || 8 ||
సదంతరంగసజ్జనౌఘపాపసంఘనాశనే
మదాంధయుక్తదుర్జనాలిశిక్షణే విచక్షణః |
చిదంబరాఖ్యసద్గురుస్వరూపమేత్య భూతలే
సదాశివో విరాజతే సదా ముదాన్వితో హరః || 9 ||
చిదంబరాఖ్యసద్గురోరిదం సదా విలాసినం
ముదా లిఖంతి యే సకృత్ సదోపమానమష్టకం |
సదా వసేత్తదాలయే హరిప్రియా తదాననే
విధిప్రియా చ నిశ్చలా జగద్గురోరనుగ్రహాత్ || 10 ||
ఇతి శ్రీ చిదంబర పంచచామర స్తోత్రం |

శ్రీ చిదంబరాష్టకం

శ్రీ చిదంబరాష్టకం.

Telugu

Read Stotra

శ్రీ చిదంబరాష్టకం

చిత్తజాంతకం చిత్స్వరూపిణం
చంద్రమృగధరం చర్మభీకరం |
చతురభాషణం చిన్మయం గురుం
భజ చిదంబరం భావనాస్థితం || 1 ||
దక్షమర్దనం దైవశాసనం
ద్విజహితే రతం దోషభంజనం |
దుఃఖనాశనం దురితశాసనం
భజ చిదంబరం భావనాస్థితం || 2 ||
బద్ధపంచకం బహులశోభితం
బుధవరైర్నుతం భస్మభూషితం |
భావయుక్‍స్తుతం బంధుభిః స్తుతం
భజ చిదంబరం భావనాస్థితం || 3 ||
దీనతత్పరం దివ్యవచనదం
దీక్షితాపదం దివ్యతేజసం |
దీర్ఘశోభితం దేహతత్త్వదం
భజ చిదంబరం భావనాస్థితం || 4 ||
క్షితితలోద్భవం క్షేమసంభవం
క్షీణమానవం క్షిప్రసద్యవం |
క్షేమదాత్రవం క్షేత్రగౌరవం
భజ చిదంబరం భావనాస్థితం || 5 ||
తక్షభూషణం తత్త్వసాక్షిణం
యక్షసాగణం భిక్షురూపిణం |
భస్మపోషణం వ్యక్తరూపిణం
భజ చిదంబరం భావనాస్థితం || 6 ||
యస్తు జాపికం చిదంబరాష్టకం
పఠతి నిత్యకం పాపహం సుఖం |
కఠినతారకం ఘటకులాధికం
భజ చిదంబరం భావనాస్థితం || 7 ||

శ్రీ చిదంబరేశ్వర స్తోత్రం

శ్రీ చిదంబరేశ్వర స్తోత్రం.

Telugu

Read Stotra

శ్రీ చిదంబరేశ్వర స్తోత్రం

కృపాసముద్రం సుముఖం త్రినేత్రం
జటాధరం పార్వతీవామభాగం |
సదాశివం రుద్రమనంతరూపం
చిదంబరేశం హృది భావయామి || 1 ||
వాచామతీతం ఫణిభూషణాంగం
గణేశతాతం ధనదస్య మిత్రం |
కందర్పనాశం కమలోత్పలాక్షం
చిదంబరేశం హృది భావయామి || 2 ||
రమేశవంద్యం రజతాద్రినాథం
శ్రీవామదేవం భవదుఃఖనాశం |
రక్షాకరం రాక్షసపీడితానాం
చిదంబరేశం హృది భావయామి || 3 ||
దేవాదిదేవం జగదేకనాథం
దేవేశవంద్యం శశిఖండచూడం |
గౌరీసమేతం కృతవిఘ్నదక్షం
చిదంబరేశం హృది భావయామి || 4 ||
వేదాంతవేద్యం సురవైరివిఘ్నం
శుభప్రదం భక్తిమదంతరాణాం |
కాలాంతకం శ్రీకరుణాకటాక్షం
చిదంబరేశం హృది భావయామి || 5 ||
హేమాద్రిచాపం త్రిగుణాత్మభావం
గుహాత్మజం వ్యాఘ్రపురీశమాద్యం |
శ్మశానవాసం వృషవాహనస్థం
చిదంబరేశం హృది భావయామి || 6 ||
ఆద్యంతశూన్యం త్రిపురారిమీశం
నందీశముఖ్యస్తుతవైభవాఢ్యం |
సమస్తదేవైః పరిపూజితాంఘ్రిం
చిదంబరేశం హృది భావయామి || 7 ||
తమేవ భాంతం హ్యనుభాతిసర్వ-
-మనేకరూపం పరమార్థమేకం |
పినాకపాణిం భవనాశహేతుం
చిదంబరేశం హృది భావయామి || 8 ||
విశ్వేశ్వరం నిత్యమనంతమాద్యం
త్రిలోచనం చంద్రకలావతంసం |
పతిం పశూనాం హృది సన్నివిష్టం
చిదంబరేశం హృది భావయామి || 9 ||
విశ్వాధికం విష్ణుముఖైరుపాస్యం
త్రిలోచనం పంచముఖం ప్రసన్నం |
ఉమాపతిం పాపహరం ప్రశాంతం
చిదంబరేశం హృది భావయామి || 10 ||
కర్పూరగాత్రం కమనీయనేత్రం
కంసారిమిత్రం కమలేందువక్త్రం |
కందర్పగాత్రం కమలేశమిత్రం
చిదంబరేశం హృది భావయామి || 11 ||
విశాలనేత్రం పరిపూర్ణగాత్రం
గౌరీకలత్రం హరిదంబరేశం |
కుబేరమిత్రం జగతః పవిత్రం
చిదంబరేశం హృది భావయామి || 12 ||
కళ్యాణమూర్తిం కనకాద్రిచాపం
కాంతాసమాక్రాంతనిజార్ధదేహం |
కపర్దినం కామరిపుం పురారిం
చిదంబరేశం హృది భావయామి || 13 ||
కల్పాంతకాలాహితచండనృత్తం
సమస్తవేదాంతవచోనిగూఢం |
అయుగ్మనేత్రం గిరిజాసహాయం
చిదంబరేశం హృది భావయామి || 14 ||
దిగంబరం శంఖసితాల్పహాసం
కపాలినం శూలినమప్రయేం |
నాగాత్మజావక్త్రపయోజసూర్యం
చిదంబరేశం హృది భావయామి || 15 ||
సదాశివం సత్పురుషైరనేకైః
సదార్చితం సామశిరః సుగీతం |
వైయ్యాఘ్రచర్మాంబరముగ్రమీశం
చిదంబరేశం హృది భావయామి || 16 ||
చిదంబరస్య స్తవనం పఠేద్యః
ప్రదోషకాలేషు పుమాన్ స ధన్యః |
భోగానశేషాననుభూయ భూయః
సాయుజ్యమప్యేతి చిదంబరస్య || 17 ||
ఇతి శ్రీచిదంబరేశ్వర స్తోత్రం సంపూర్ణం |

శ్రీ నటరాజ స్తోత్రం (పతంజలిముని కృతం)

శ్రీ నటరాజ స్తోత్రం (పతంజలిముని కృతం).

Telugu

Read Stotra

శ్రీ నటరాజ స్తోత్రం (పతంజలిముని కృతం)

సదంచిత ముదంచిత నికుంచితపదం ఝలఝలం చలితమంజుకటకం
పతంజలి దృగంజనమనంజనమచంచలపదం జననభంజనకరం |
కదంబరుచిమంబరవసం పరమమంబుదకదంబక విడంబక గళం
చిదంబుధిమణిం బుధహృదంబుజరవిం పరచిదంబరనటం హృది భజ || 1 ||
హరం త్రిపురభంజనమనంతకృతకంకణమఖండదయమంతరహితం
విరించిసురసంహతిపురంధర విచింతితపదం తరుణచంద్రమకుటం |
పరం పద విఖండితయమం భసితమండితతనుం మదనవంచనపరం
చిరంతనమముం ప్రణవసంచితనిధిం పరచిదంబరనటం హృది భజ || 2 ||
అవంతమఖిలం జగదభంగ గుణతుంగమమతం ధృతవిధుం సురసరి-
-త్తరంగ నికురుంబ ధృతి లంపట జటం శమనదంభసుహరం భవహరం |
శివం దశదిగంతరవిజృంభితకరం కరలసన్మృగశిశుం పశుపతిం
హరం శశిధనంజయపతంగనయనం పరచిదంబరనటం హృది భజ || 3 ||
అనంతనవరత్నవిలసత్కటకకింకిణి ఝలం ఝలఝలం ఝలరవం
ముకుందవిధిహస్తగతమద్దల లయధ్వని ధిమిద్ధిమిత నర్తనపదం |
శకుంతరథ బర్హిరథ నందిముఖ దంతిముఖ భృంగిరిటిసంఘనికటం [భయహరం] సనందసనకప్రముఖవందితపదం పరచిదంబరనటం హృది భజ || 4 ||
అనంతమహసం త్రిదశవంద్యచరణం మునిహృదంతర వసంతమమలం
కబంధ వియదింద్వవని గంధవహ వహ్ని మఖబంధు రవి మంజువపుషం |
అనంతవిభవం త్రిజగదంతరమణిం త్రినయనం త్రిపురఖండనపరం
సనందమునివందితపదం సకరుణం పరచిదంబరనటం హృది భజ || 5 ||
అచింత్యమళిబృందరుచిబంధురగళం కురిత కుంద నికురుంబ ధవళం
ముకుంద సురబృంద బలహంతృ కృతవందన లసంతమహికుండలధరం |
అకంపమనుకంపితరతిం సుజనమంగళనిధిం గజహరం పశుపతిం
ధనంజయనుతం ప్రణతరంజనపరం పరచిదంబరనటం హృది భజ || 6 ||
పరం సురవరం పురహరం పశుపతిం జనిత దంతిముఖ షణ్ముఖమముం
మృడం కనకపింగళజటం సనకపంకజరవిం సుమనసం హిమరుచిం |
అసంఘమనసం జలధి జన్మగరళం కబళయంతమతులం గుణనిధిం
సనందవరదం శమితమిందువదనం పరచిదంబరనటం హృది భజ || 7 ||
అజం క్షితిరథం భుజగపుంగవగుణం కనకశృంగిధనుషం కరలస-
-త్కురంగ పృథుటంకపరశుం రుచిర కుంకుమరుచిం డమరుకం చ దధతం |
ముకుంద విశిఖం నమదవంధ్యఫలదం నిగమబృందతురగం నిరుపమం
సచండికమముం ఝటితిసంహృతపురం పరచిదంబరనటం హృది భజ || 8 ||
అనంగపరిపంథినమజం క్షితిధురంధరమలం కరుణయంతమఖిలం
జ్వలంతమనలందధతమంతకరిపుం సతతమింద్రసురవందితపదం |
ఉదంచదరవిందకులబంధుశతబింబరుచి సంహతి సుగంధి వపుషం
పతంజలినుతం ప్రణవపంజరశుకం పరచిదంబరనటం హృది భజ || 9 ||
ఇతి స్తవమముం భుజగపుంగవ కృతం ప్రతిదినం పఠతి యః కృతముఖః
సదః ప్రభుపదద్వితయదర్శనపదం సులలితం చరణశృంగరహితం |
సరః ప్రభవ సంభవ హరిత్పతి హరిప్రముఖ దివ్యనుత శంకరపదం
స గచ్ఛతి పరం న తు జనుర్జలనిధిం పరమదుఃఖజనకం దురితదం || 10 ||
ఇతి శ్రీపతంజలిముని ప్రణీతం చరణశృంగరహిత నటరాజ స్తవం ||

శ్రీ నటరాజ హృదయభావనా సప్తకం

శ్రీ నటరాజ హృదయభావనా సప్తకం.

Telugu

Read Stotra

శ్రీ నటరాజ హృదయభావనా సప్తకం

కామశాసనమాశ్రితార్తినివారణైకధురంధరం
పాకశాసనపూర్వలేఖగణైః సమర్చితపాదుకం |
వ్యాఘ్రపాదఫణీశ్వరాదిమునీశసంఘనిషేవితం
చిత్సభేశమహర్నిశం హృది భావయామి కృపాకరం || 1 ||
యక్షరాక్షసదానవోరగకిన్నరాదిభిరన్వహం
భక్తిపూర్వకమత్యుదారసుగీతవైభవశాలినం |
చండికాముఖపద్మవారిజబాంధవం విభుమవ్యయం
చిత్సభేశమహర్నిశం హృది భావయామి కృపాకరం || 2 ||
కాలపాశనిపీడితం మునిబాలకం స్వపదార్చకం
హ్యగ్రగణ్యమశేషభక్తజనౌఘకస్య సదీడితం |
రక్షితుం సహసావతీర్య జఘాన యచ్ఛమనం చ తం
చిత్సభేశమహర్నిశం హృది భావయామి కృపాకరం || 3 ||
భీకరోదకపూరకైర్భువమర్ణవీకరణోద్యతాం
స్వర్ధునీమభిమానినీమతిదుశ్చరేణ సమాధినా |
తోషితస్తు భగీరథేన దధార యో శిరసా చ తం
చిత్సభేశమహర్నిశం హృది భావయామి కృపాకరం || 4 ||
యోగినః సనకాదయో మునిపుంగవా విమలాశయాః
దక్షిణాభిముఖం గురుం సముపాస్య యం శివమాదరాత్ |
సిద్ధిమాపురనూపమాం తమనన్యభావయుతస్త్వహం
చిత్సభేశమహర్నిశం హృది భావయామి కృపాకరం || 5 ||
క్షీరసాగరమంథనోద్భవకాలకూటమహావిషం
నిగ్రహీతుమశక్యమన్యసురాసురైరపి యోఽర్థితః |
రక్షతి స్మ జగత్త్రయం సవిలాసమేవ నిపీయ తం
చిత్సభేశమహర్నిశం హృది భావయామి కృపాకరం || 6 ||
సర్వదేవమయం యమేవ భజంతి వైదికసత్తమాః
జ్ఞానకర్మవిబోధకాః సకలాగమాః శ్రుతిపూర్వకాః |
ఆహురేవ యమీశమాదరతశ్చ తం సకలేశ్వరం
చిత్సభేశమహర్నిశం హృది భావయామి కృపాకరం || 7 ||
ఇతి శ్రీ నటరాజ హృదయభావనా సప్తకం ||

శ్రీ నటరాజాష్టకం

శ్రీ నటరాజాష్టకం.

Telugu

Read Stotra

శ్రీ నటరాజాష్టకం

కుంజరచర్మకృతాంబరమంబురుహాసనమాధవగేయగుణం
శంకరమంతకమానహరం స్మరదాహకలోచనమేణధరం |
సాంజలియోగిపతంజలిసన్నుతమిందుకళాధరమబ్జముఖం
మంజులశింజితరంజితకుంచితవామపదం భజ నృత్యపతిం || 1 ||
పింగళతుంగజటావళిభాసురగంగమమంగళనాశకరం
పుంగవవాహముమాంగధరం రిపుభంగకరం సురలోకనతం |
భృంగవినీలగలం గణనాథసుతం భజ మానస పాపహరం
మంగళదం వరరంగపతిం భవసంగహరం ధనరాజసఖం || 2 ||
పాణినిసూత్రవినిర్మితికారణపాణిలసడ్డమరూత్థరవం
మాధవనాదితమర్దలనిర్గతనాదలయోద్ధృతవామపదం |
సర్వజగత్ప్రళయప్రభువహ్నివిరాజితపాణిముమాలసితం
పన్నగభూషణమున్నతసన్నుతమానమ మానస సాంబశివం || 3 ||
చండగుణాన్వితమండలఖండనపండితమిందుకళాకలితం
దండధరాంతకదండకరం వరతాండవమండితహేమసభం |
అండకరాండజవాహసఖం నమ పాండవమధ్యమమోదకరం
కుండలశోభితగండతలం మునివృందనుతం సకలాండధరం || 4 ||
వ్యాఘ్రపదానతముగ్రతరాసురవిగ్రహమర్దిపదాంబురుహం
శక్రముఖామరవర్గమనోహరనృత్యకరం శ్రుతినుత్యగుణం |
వ్యగ్రతరంగితదేవధునీధృతగర్వహరాయతకేశచయం
భార్గవరావణపూజితమీశముమారమణం భజ శూలధరం || 5 ||
ఆసురశక్తివినాశకరం బహుభాసురకాయమనంగరిపుం
భూసురసేవితపాదసరోరుహమీశ్వరమక్షరముక్షధృతం |
భాస్కరశీతకరాక్షమనాతురమాశ్వరవిందపదం భజ తం
నశ్వరసంసృతిమోహవినాశమహస్కరదంతనిపాతకరం || 6 ||
భూతికరం సితభూతిధరం గతనీతిహరం వరగీతినుతం
భక్తియుతోత్తమముక్తికరం సమశక్తియుతం శుభభుక్తికరం |
భద్రకరోత్తమనామయుతం శ్రుతిసామనుతం నమ సోమధరం
స్తుత్యగుణం భజ నిత్యమగాధభవాంబుధితారకనృత్యపతిం || 7 ||
శూలధరం భవజాలహరం నిటిలాగ్నిధరం జటిలం ధవళం
నీలగలోజ్జ్వలమంగళసద్గిరిరాజసుతామృదుపాణితలం |
శైలకులాధిపమౌళినతం ఛలహీనముపైమి కపాలధరం
కాలవిషాశమనంతమిలానుతమద్భుతలాస్యకరం గిరిశం || 8 ||
చిత్తహరాతులనృత్తపతిప్రియవృత్తకృతోత్తమగీతిమిమాం
ప్రాతరుమాపతిసన్నిధిగో యది గాయతి భక్తియుతో మనసి |
సర్వసుఖం భువి తస్య భవత్యమరాధిపదుర్లభమత్యధికం
నాస్తి పునర్జనిరేతి చ ధామ స శాంభవముత్తమమోదకరం || 9 ||

శ్రీ నటేశ స్తవః

శ్రీ నటేశ స్తవః.

Telugu

Read Stotra

శ్రీ నటేశ స్తవః

హ్రీమత్యా శివయా విరాణ్మయమజం హృత్పంకజస్థం సదా
హ్రీణానా శివకీర్తనే హితకరం హేలాహృదా మానినాం |
హోబేరాదిసుగంధవస్తురుచిరం హేమాద్రిబాణాసనం
హ్రీంకారాదికపాదపీఠమమలం హృద్యం నటేశం భజే || 1 ||
శ్రీమజ్జ్ఞానసభాంతరే ప్రవిలసచ్ఛ్రీపంచవర్ణాకృతిం
శ్రీవాణీవినుతాపదాననిచయం శ్రీవల్లభేనార్చితం |
శ్రీవిద్యామనుమోదినం శ్రితజనశ్రీదాయకం శ్రీధరం
శ్రీచక్రాంతరవాసినం శివమహం శ్రీమన్నటేశం భజే || 2 ||
నవ్యాంభోజముఖం నమజ్జననిధిం నారాయణేనార్చితం
నాకౌకోనగరీనటీలసితకం నాగాదినాలంకృతం |
నానారూపకనర్తనాదిచతురం నాలీకజాన్వేషితం
నాదాత్మానమహం నగేంద్రతనయానాథం నటేశం భజే || 3 ||
మధ్యస్థం మధువైరిమార్గితపదం మద్వంశనాథం ప్రభుం
మారాతీతమతీవ మంజువపుషం మందారగౌరప్రభం |
మాయాతీతమశేషమంగళనిధిం మద్భావనాభావితం
మధ్యేవ్యోమసభాగుహాంతమఖిలాకాశం నటేశం భజే || 4 ||
శిష్టైః పూజితపాదుకం శివకరం శీతాంశురేఖాధరం
శిల్పం భక్తజనావనే శిథిలితాఘౌఘం శివాయాః ప్రియం |
శిక్షారక్షణమంబుజాసనశిరః సంహారశీలప్రభుం
శీతాపాంగవిలోచనం శివమహం శ్రీమన్నటేశం భజే || 5 ||
వాణీవల్లభవంద్యవైభవయుతం వందారుచింతామణిం
వాతాశాధిపభూషణం పరకృపావారాన్నిధిం యోగినాం |
వాంఛాపూర్తికరం వలారివినుతం వాహీకృతాంనాయకం
వామంగాత్తవరాంగనం మమ హృదావాసం నటేశం భజే || 6 ||
యక్షాధీశసఖం యమప్రమథనం యామిన్యధీశాసనం
యజ్ఞధ్వంసకరం యతీంద్రవినుతం యజ్ఞక్రియాదీశ్వరం |
యాజ్యం యాజకరూపిణం యమధనైర్యత్నోపలభ్యాంఘ్రికం
వాజీభూతవృషం సదా హృది మమాయత్తం నటేశం భజే || 7 ||
మాయాశ్రీవిలసచ్చిదంబరమహాపంచాక్షరైరంకితాన్
శ్లోకాన్ సప్త పఠంతి యేఽనుదివసం చింతామణీనామకాన్ |
తేషాం భాగ్యమనేకమాయురధికాన్ విద్వద్వరాన్ సత్సుతాన్
సర్వాభీష్టమసౌ దదాతి సహసా శ్రీమత్సభాధీశ్వరః || 8 ||

శ్రీ నటేశ్వర భుజంగ స్తుతిః

శ్రీ నటేశ్వర భుజంగ స్తుతిః.

Telugu

Read Stotra

శ్రీ నటేశ్వర భుజంగ స్తుతిః

లోకానాహూయ సర్వాన్ డమరుకనినదైర్ఘోరసంసారమగ్నాన్
దత్వాభీతిం దయాళుః ప్రణతభయహరం కుంచితం వామపాదం |
ఉద్ధృత్యేదం విముక్తేరయనమితి కరాద్దర్శయన్ ప్రత్యయార్థం
బిభ్రద్వహ్నిం సభాయాం కలయతి నటనం యః స పాయాన్నటేశః || 1 ||
దిగీశాది వంద్యం గిరీశానచాపం
మురారాతి బాణం పురత్రాసహాసం |
కరీంద్రాది చర్మాంబరం వేదవేద్యం
మహేశం సభేశం భజేఽహం నటేశం || 2 ||
సమస్తైశ్చ భూతైః సదా నంయమాద్యం
సమస్తైకబంధుం మనోదూరమేకం |
అపస్మారనిఘ్నం పరం నిర్వికారం
మహేశం సభేశం భజేఽహం నటేశం || 3 ||
దయాళుం వరేణ్యం రమానాథవంద్యం
మహానందభూతం సదానందనృత్తం |
సభామధ్యవాసం చిదాకాశరూపం
మహేశం సభేశం భజేఽహం నటేశం || 4 ||
సభానాథమాద్యం నిశానాథభూషం
శివావామభాగం పదాంభోజ లాస్యం |
కృపాపాంగవీక్షం హ్యుమాపాంగదృశ్యం
మహేశం సభేశం భజేఽహం నటేశం || 5 ||
దివానాథరాత్రీశవైశ్వానరాక్షం
ప్రజానాథపూజ్యం సదానందనృత్తం |
చిదానందగాత్రం పరానందసౌధం
మహేశం సభేశం భజేఽహం నటేశం || 6 ||
కరేకాహలీకం పదేమౌక్తికాలిం
గళేకాలకూటం తలేసర్వమంత్రం |
ముఖే మందహాసం భుజే నాగరాజం
మహేశం సభేశం భజేఽహం నటేశం || 7 ||
త్వదన్యం శరణ్యం న పశ్యామి శంభో
మదన్యః ప్రపన్నోస్తి కింతేతిదీనః |
మదర్థేహ్యుపేక్షా తవాసీత్కిమర్థం
మహేశం సభేశం భజేఽహం నటేశం || 8 ||
భవత్పాదయుగ్మం కరేణావలంబే
సదా నృత్తకారిన్ సభామధ్యదేశే |
సదా భావయే త్వాం తదా దాస్యసీష్టం
మహేశం సభేశం భజేఽహం నటేశం || 9 ||
భూయః స్వామిన్ జనిర్మే మరణమపి తథా మాస్తు భూయః సురాణాం
సాంరాజ్యం తచ్ఛ తావత్సుఖలవరహితం దుఃఖదం నార్థయే త్వాం |
సంతాపఘ్నం పురారే ధురి చ తవసభా మందిరే సర్వదా త్వ-
-న్నృత్తం పశ్యన్వసేయం ప్రమథగణవరైః సాకమేతద్విధేహి || 10 ||
ఇతి శ్రీ జ్ఞానసంబంధ కృత శ్రీ నటేశ్వర భుజంగ స్తుతిః |

Sign In

OTP Verification

Sacred Stotras & Deities

శ్రీ నరహర్యష్టకం

శ్రీ చిదంబర పంచచామర స్తోత్రం

శ్రీ చిదంబరాష్టకం

శ్రీ చిదంబరేశ్వర స్తోత్రం

శ్రీ నటరాజ స్తోత్రం (పతంజలిముని కృతం)

శ్రీ నటరాజ హృదయభావనా సప్తకం

శ్రీ నటరాజాష్టకం

శ్రీ నటేశ స్తవః

శ్రీ నటేశ్వర భుజంగ స్తుతిః

MENU

LINKS

Astrologer Section

Vendor Section

GET ADVICE ON

Download Our Apps