Sacred Stotras & Deities

శ్రీ లక్ష్మీ నృసింహాష్టోత్తర శతనామ స్తోత్రం

నారసింహో మహాసింహో దివ్యసింహో మహాబలః ।
ఉగ్రసింహో మహాదేవస్స్తంభజశ్చోగ్రలోచనః ॥ 1 ॥

రౌద్రస్సర్వాద్భుతః శ్రీమాన్ యోగానందస్త్రివిక్రమః ।
హరిః కోలాహలశ్చక్రీ విజయో జయవర్ధనః ॥ 2 ॥

పంచాననః పరబ్రహ్మ చాఽఘోరో ఘోరవిక్రమః ।
జ్వలన్ముఖో జ్వాలమాలీ మహాజ్వాలో మహాప్రభుః ॥ 3 ॥

నిటిలాక్షస్సహస్రాక్షో దుర్నిరీక్షః ప్రతాపనః ।
మహాదంష్ట్రాయుధః ప్రాజ్ఞశ్చండకోపీ సదాశివః ॥ 4 ॥

హిరణ్యకశిపుధ్వంసీ దైత్యదానవభంజనః ।
గుణభద్రో మహాభద్రో బలభద్రస్సుభద్రకః ॥ 5 ॥

కరాళో వికరాళశ్చ వికర్తా సర్వకర్తృకః ।
శింశుమారస్త్రిలోకాత్మా ఈశస్సర్వేశ్వరో విభుః ॥ 6 ॥

భైరవాడంబరో దివ్యశ్చాఽచ్యుతః కవి మాధవః ।
అధోక్షజోఽక్షరశ్శర్వో వనమాలీ వరప్రదః ॥ 7 ॥

విశ్వంభరోఽద్భుతో భవ్యః శ్రీవిష్ణుః పురుషోత్తమః ।
అనఘాస్త్రో నఖాస్త్రశ్చ సూర్యజ్యోతిస్సురేశ్వరః ॥ 8 ॥

సహస్రబాహుఃస్సర్వజ్ఞస్సర్వసిద్ధిప్రదాయకః ।
వజ్రదంష్ట్రో వజ్రనఖో మహానందః పరంతపః ॥ 9 ॥

సర్వమంత్రైకరూపశ్చ సర్వయంత్రవిదారణః ।
సర్వతంత్రాత్మకోఽవ్యక్తస్సువ్యక్తో భక్తవత్సలః ॥ 10 ॥

వైశాఖశుక్లభూతోత్థః శరణాగతవత్సలః ।
ఉదారకీర్తిః పుణ్యాత్మా మహాత్మా చండవిక్రమః ॥ 11 ॥

వేదత్రయప్రపూజ్యశ్చ భగవాన్పరమేశ్వరః ।
శ్రీవత్సాంకః శ్రీనివాసో జగద్వ్యాపీ జగన్మయః ॥ 12 ॥

జగత్పాలో జగన్నాథో మహాకాయో ద్విరూపభృత్ ।
పరమాత్మా పరంజ్యోతిర్నిర్గుణశ్చ నృకేసరీ ॥ 13 ॥

పరతత్త్వః పరంధామ సచ్చిదానందవిగ్రహః ।
లక్ష్మీనృసింహస్సర్వాత్మా ధీరః ప్రహ్లాదపాలకః ॥ 14 ॥

ఇదం శ్రీమన్నృసింహస్య నామ్నామష్టోత్తరం శతమ్ ।
త్రిసంధ్యం యః పఠేద్భక్త్యా సర్వాభీష్టమవాప్నుయాత్ ॥ 15 ॥

ఇతి శ్రీనృసింహపూజాకల్పే శ్రీ లక్ష్మీనృసింహాష్టోత్తరశతనామ స్తోత్రమ్ ।

శ్రీకృష్ణాష్టోత్తరశత నామస్తోత్రం

శ్రీగోపాలకృష్ణాయ నమః ॥

శ్రీశేష ఉవాచ ॥

ఓం అస్య శ్రీకృష్ణాష్టోత్తరశతనామస్తోత్రస్య।
శ్రీశేష ఋషిః ॥ అనుష్టుప్ ఛందః ॥ శ్రీకృష్ణోదేవతా ॥
శ్రీకృష్ణాష్టోత్తరశతనామజపే వినియోగః ॥

ఓం శ్రీకృష్ణః కమలానాథో వాసుదేవః సనాతనః ।
వసుదేవాత్మజః పుణ్యో లీలామానుషవిగ్రహః ॥ 1 ॥

శ్రీవత్సకౌస్తుభధరో యశోదావత్సలో హరిః ।
చతుర్భుజాత్తచక్రాసిగదా శంఖాద్యుదాయుధః ॥ 2 ॥

దేవకీనందనః శ్రీశో నందగోపప్రియాత్మజః ।
యమునావేగసంహారీ బలభద్రప్రియానుజః ॥ 3 ॥

పూతనాజీవితహరః శకటాసురభంజనః ।
నందవ్రజజనానందీ సచ్చిదానందవిగ్రహః ॥ 4 ॥

నవనీతవిలిప్తాంగో నవనీతనటోఽనఘః ।
నవనీతనవాహారో ముచుకుందప్రసాదకః ॥ 5 ॥

షోడశస్త్రీ సహస్రేశ స్రిభంగి మధురాకృతిః ।
శుకవాగమృతాబ్ధీందుర్గోవిందో గోవిదాంపతిః ॥ 6 ॥

వత్సవాటచరోఽనంతో ధేనుకాసురభంజనః ।
తృణీకృతతృణావర్తో యమళార్జునభంజనః ॥ 7 ॥

ఉత్తానతాలభేత్తా చ తమాలశ్యామలాకృతిః ।
గోపగోపీశ్వరో యోగీ సూర్యకోటిసమప్రభః ॥ 8 ॥

ఇలాపతిః పరంజ్యోతిర్యాదవేంద్రో యదూద్వహః ।
వనమాలీ పీతవాసాః పారిజాతాపహారకః ॥ 9 ॥

గోవర్ధనాచలోద్ధర్తా గోపాలః సర్వపాలకః ।
అజో నిరంజనః కామజనకః కంజలోచనః ॥ 10 ॥

మధుహా మథురానాథో ద్వారకానాయకో బలీ ।
వృందావనాంతసంచారీ తులసీదామభూషణః ॥ 11 ॥

శ్యమంతకమణేర్హర్తా నరనారాయణాత్మకః ।
కుబ్జాకృష్ణాంబరధరో మాయీ పరమపూరుషః ॥ 12 ॥

ముష్టికాసురచాణూరమహాయుద్ధవిశారదః ।
సంసారవైరీ కంసారిర్మురారిర్నరకాంతకః ॥ 13 ॥

అనాదిబ్రహ్మచారీ చ కృష్ణావ్యసనకర్షకః ।
శిశుపాలశిరశ్ఛేత్తా దుర్యోధనకులాంతకః ॥ 14 ॥

విదురాక్రూరవరదో విశ్వరూపప్రదర్శకః ।
సత్యవాక్ సత్యసంకల్పః సత్యభామారతో జయీ ॥ 15 ॥

సుభద్రాపూర్వజో విష్ణుర్భీష్మముక్తిప్రదాయకః ।
జగద్గురుర్జగన్నాథో వేణునాదవిశారదః ॥ 16 ॥

వృషభాసురవిధ్వంసీ బాణాసురబలాంతకః ।
యుధిష్ఠిరప్రతిష్ఠాతా బర్హిబర్హావతంసకః ॥ 17 ॥

పార్థసారథిరవ్యక్తో గీతామృతమహోదధిః ।
కాలీయఫణిమాణిక్యరంజితశ్రీపదాంబుజః ॥ 18 ॥

దామోదరో యజ్ఞభోక్తా దానవేంద్రవినాశకః ।
నారాయణః పరంబ్రహ్మ పన్నగాశనవాహనః ॥ 19 ॥

జలక్రీడాసమాసక్త గోపీవస్త్రాపహారకః ।
పుణ్యశ్లోకస్తీర్థపాదో వేదవేద్యో దయానిధిః ॥ 20 ॥

సర్వతీర్థాత్మకః సర్వగ్రహరుపీ పరాత్పరః ।
ఏవం శ్రీకృష్ణదేవస్య నామ్నామష్టోత్తరం శతమ్ ॥ 21 ॥

కృష్ణనామామృతం నామ పరమానందకారకమ్ ।
అత్యుపద్రవదోషఘ్నం పరమాయుష్యవర్ధనమ్ ॥ 22 ॥

॥ ఇతి శ్రీనారదపంచరాత్రే జ్ఞానామృతసారే చతుర్థరాత్రే ఉమామహేశ్వరసంవాదే
ధరణీశేషసంవాదే శ్రీకృష్ణాష్టోత్తరశతనామస్తోత్రం సంపూర్ణమ్ ॥

శ్రీ వేంకటేశ్వర అష్టోత్తరశత నామస్తోత్రం

ఓం శ్రీవేంకటేశః శ్రీనివాసో లక్ష్మీ పతిరనామయః ।
అమృతాంశో జగద్వంద్యో గోవింద శ్శాశ్వతః ప్రభుః ॥ 1 ॥

శేషాద్రినిలయో దేవః కేశవో మధుసూదనః
అమృతో మాధవః కృష్ణః శ్రీహరిర్ జ్ఞానపంజరః ॥ 2 ॥

శ్రీవత్సవక్షాః సర్వేశో గోపాలః పురుషోత్తమః ।
గోపీశ్వరః పరంజ్యోతి-ర్వైకుంఠపతి-రవ్యయః ॥ 3 ॥

సుధాతను-ర్యాదవేంద్రో నిత్యయౌవనరూపవాన్‌ ।
చతుర్వేదాత్మకో విష్ణు-రచ్యుతః పద్మినీప్రియః ॥ 4 ॥

ధరాపతి-స్సురపతి-ర్నిర్మలో దేవ పూజితః ।
చతుర్భుజ-శ్చక్రధర-స్త్రిధామా త్రిగుణాశ్రయః ॥ 5 ॥

నిర్వికల్పో నిష్కళంకో నిరాంతకో నిరంజనః ।
నిరాభాసో నిత్యతృప్తో నిర్గుణో నిరుపద్రవః ॥ 6 ॥

గదాధర-శ్శార్ఙ్గపాణి-ర్నందకీ శంఖధారకః ।
అనేకమూర్తి-రవ్యక్తః కటిహస్తో వరప్రదః ॥ 7 ॥

అనేకాత్మా దీనబంధు-రార్తలోకాభయప్రదః ।
ఆకాశరాజవరదో యోగిహృత్పద్మమందిరః ॥ 8 ॥

దామోదరో జగత్పాలః పాపఘ్నో భక్తవత్సలః ।
త్రివిక్రమ-శ్శింశుమారో జటామకుటశోభితః ॥ 9 ॥

శంఖమధ్యోల్లసన్మంజు కింకిణాఢ్యకరంఢకః ।
నీలమేఘశ్యామతను-ర్బిల్వపత్రార్చనప్రియః ॥ 10 ॥

జగద్వ్యాపీ జగత్కర్తా జగత్సాక్షీ జగత్పతిః ।
చింతితార్థప్రదో జిష్ణు-ర్దాశార్హో దశరూపవాన్‌ ॥ 11 ॥

దేవకీనందన-శ్శౌరి-ర్హయగ్రీవో జనార్దనః ।
కన్యాశ్రవణతారేజ్యః పీతాంబరధరోఽనఘః ॥ 12 ॥

వనమాలీ పద్మనాభో మృగయాసక్త మానసః ।
అశ్వారూఢః ఖడ్గధారీ ధనార్జన సముత్సుకః ॥ 13 ॥

ఘనసారలసన్మధ్య కస్తూరీ తిలకోజ్జ్వలః ।
సచ్చిదానందరూపశ్చ జగన్మంగళదాయకః ॥ 14 ॥

యజ్ఞరూపో యజ్ఞభోక్తా చిన్మయః పరమేశ్వరః ।
పరమార్థప్రదః శాంతః శ్రీమాన్‌ దోర్దండవిక్రమః ॥ 15 ॥

పరాత్పరః పరంబ్రహ్మ శ్రీవిభు-ర్జగదీశ్వరః ।
ఏవం శ్రీవేంకటేశస్య నామ్నా-మష్టోత్తరం శతమ్ ॥

పఠతాం శృణ్వతాం భక్త్యా సర్వాభీష్టప్రదం శుభమ్ ।
త్రిసంధ్యం యః పఘేన్నిష్యం సర్వాన్‌ కామివాప్ను యాత్‌ ॥

॥ శ్రీ వేంకటేశ్వరార్పణమస్తు ॥

సుబ్రహ్మణ్యష్టోత్తరశత నామస్తోత్రం

శక్తిహస్తం విరూపాక్షం శిఖివాహం షడాననమ్ ।
దారుణం రిపురోగఘ్నం భావయే కుక్కుటధ్వజమ్ ॥

ఇతి ధ్యానం

స్కందో గుహః షణ్ముఖశ్చ ఫాలనేత్రసుతః ప్రభుః ।
పింగళః కృత్తికాసూనుః శిఖివాహో ద్విషడ్భుజః ॥ 1 ॥

ద్విషణ్ణేత్ర-శ్శక్తిధరః పిశితాశ ప్రభంజనః ।
తారకాసురసంహారీ రక్షోబలవిమర్దనః ॥ 2 ॥

మత్తః ప్రమత్త ఉన్మత్తః సురసైన్యసురక్షకః ।
దేవసేనాపతిః ప్రాజ్ఞః కృపాళు ర్భక్తవత్సలః ॥ 3 ॥

ఉమాసుత-శ్శక్తిధరః కుమారః క్రౌంచధారణః ।
సేనానీ-రగ్నిజన్మా చ విశాఖః శంకరాత్మజః ॥ 4 ॥

శివస్వామీ గణస్వామీ సర్వస్వామీ సనాతనః ।
అనంతమూర్తి రక్షోభ్యః పార్వతీప్రియనందనః ॥ 5 ॥

గంగాసుత-శ్శరోద్భూత ఆహూతః పావకాత్మజః ।
జృంభః ప్రజృంభ ఉజ్జృంభః కమలాసనసంస్తుతః ॥ 6 ॥

ఏకవర్ణో ద్వివర్ణశ్చ త్రివర్ణః సుమనోహరః ।
చతుర్వర్ణః పంచవర్ణః ప్రజాపతి-రహస్పతిః ॥ 7 ॥

అగ్నిగర్భ-శ్శమీగర్భో విశ్వరేతా-స్సురారిహా ।
హరిద్వర్ణ-శ్శుభకరో పటుశ్చ వటువేషభృత్ ॥ 8 ॥

పూషా గభస్తి-ర్గహన శ్చంద్రవర్ణః కళాధరః ।
మాయాధరో మహామాయీ కైవల్య-శ్శంకరాత్మజః ॥ 9 ॥

విశ్వయోని-రమేయాత్మా తేజోనిధి-రనామయః ।
పరమేష్ఠీ పరంబ్రహ్మ వేదగర్భో విరాట్సుతః ॥ 10 ॥

పుళిందకన్యాభర్తా చ మహాసారస్వతావృతః ।
అశ్రితోఖిలదాతా చ చోరఘ్నో రోగనాశనః ॥ 11 ॥

అనంతమూర్తి-రానంద-శ్శిఖండీకృతకేతనః ।
డంభః పరమడంభశ్చ మహాడంభో వృషాకపిః ॥ 12 ॥

కారణోపాత్తదేహశ్చ కారణాతీతవిగ్రహః ।
అనీశ్వరోఽమృతః ప్రాణః ప్రాణాయామపరాయణః ॥ 13 ॥

విరుద్ధహంతా వీరఘ్నో రక్తశ్యామగళోఽపి చ ।
సుబ్రహ్మణ్యో గుహః ప్రీతో బ్రహ్మణ్యో బ్రాహ్మణప్రియః ॥ 14 ॥

వంశవృద్ధికరో వేదో వేద్యోఽక్షయఫలప్రదః ॥ 15 ॥

ఇతి శ్రీ సుబ్రహ్మణ్యాష్టోత్తర శతనామస్తోత్రం సంపూర్ణమ్ ।

గాయత్ర్యష్టోత్తరశత నామస్తోత్రం

తరుణాదిత్యసంకాశా సహస్రనయనోజ్జ్వలా ।
విచిత్రమాల్యాభరణా తుహినాచలవాసినీ ॥ 1 ॥

వరదాభయహస్తాబ్జా రేవాతీరనివాసినీ ।
ప్రణిత్యయవిశేషజ్ఞా యంత్రాకృతవిరాజిత ॥ 2 ॥

భద్రపాదప్రియా చైవ గోవిందపథగామినీ ।
దేవర్షిగణసంస్తుత్యా వనమాలావిభూషితా ॥ 3 ॥

స్యందనోత్తమసంస్థా చ ధీరజీమూతనిస్వనా ।
మత్తమాతంగగమనా హిరణ్యకమలాసనా ॥ 4 ॥

దీనజనోద్ధారనిరతా యోగినీ యోగధారిణీ ।
నటనాట్యైకనిరతా ప్రణవాద్యక్షరాత్మికా ॥ 5 ॥

చోరచారక్రియాసక్తా దారిద్ర్యచ్ఛేదకారిణీ ।
యాదవేంద్రకులోద్భూతా తురీయపథగామినీ ॥ 6 ॥

గాయత్రీ గోమతీ గంగా గౌతమీ గరుడాసనా ।
గేయగానప్రియా గౌరీ గోవిందపదపూజితా ॥ 7 ॥

గంధర్వనగరాగారా గౌరవర్ణా గణేశ్వరీ ।
గదాశ్రయా గుణవతీ గహ్వరీ గణపూజితా ॥ 8 ॥

గుణత్రయసమాయుక్తా గుణత్రయవివర్జితా ।
గుహావాసా గుణాధారా గుహ్యా గంధర్వరూపిణీ ॥ 9 ॥

గార్గ్యప్రియా గురుపదా గుహలింగాంగధారిణీ ।
సావిత్రీ సూర్యతనయా సుషుమ్నానాడిభేదినీ ॥ 10 ॥

సుప్రకాశా సుఖాసీనా సుమతి-స్సురపూజితా ।
సుషుప్త్యవస్థా సుదతీ సుందరీ సాగరాంబరా ॥ 11 ॥

సుధాంశుబింబవదనా సుస్తనీ సువిలోచనా ।
సీతా సత్త్వాశ్రయా సంధ్యా సుఫలా సువిధాయినీ ॥ 12 ॥

సుభ్రూ-స్సువాసా సుశ్రోణీ సంసారార్ణవతారిణీ ।
సామగానప్రియా సాధ్వీ సర్వాభరణభూషితా ॥ 13 ॥

వైష్ణవీ విమలాకారా మహేంద్రీ మంత్రరూపిణీ ।
మహలక్ష్మీ-ర్మహాసిద్ధి-ర్మహామాయా మహేశ్వరీ ॥ 14 ॥

మోహినీ మదనాకారా మధుసూదనచోదితా ।
మీనాక్షీ మధురావాసా నగేంద్రతనయా ఉమా ॥ 15 ॥

త్రివిక్రమపదాక్రాంతా త్రిస్వరా త్రివిలోచనా ।
సూర్యమండలమధ్యస్థా చంద్రమండలసంస్థితా ॥ 16 ॥

వహ్నిమండలమధ్యస్థా వాయుమండలసంస్థితా ।
వ్యోమమండలమధ్యస్థా చక్రిణీ చక్రరూపిణీ ॥ 17 ॥

కాలచక్రవితానస్థా చంద్రమండలదర్పణా ।
జ్యోత్స్నాతపాసులిప్తాంగీ మహామారుతవీజితా ॥ 18 ॥

సర్వమంత్రాశ్రయా ధేనుః పాపఘ్నీ పరమేశ్వరీ ।
నమస్తేఽస్తు మహాలక్ష్మీ-ర్మహాసంపత్తిదాయిని ॥ 19 ॥

నమస్తే కరుణామూర్తే నమస్తే భక్తవత్సలే ।
గాయత్ర్యాః ప్రజపేద్యస్తు నామ్నామష్టోత్తరం శతమ్ ॥ 20 ॥

తస్య పుణ్యఫలం వక్తుం బ్రహ్మణాపి న శక్యతే ।

ఇతి శ్రీగాయత్ర్యష్టోత్తరశతనామస్తోత్రం సంపూర్ణమ్ ।

సరస్వత్యష్టోత్తరశత నామస్తోత్రం

సరస్వతీ మహాభద్రా మహామాయా వరప్రదా ।
శ్రీప్రదా పద్మనిలయా పద్మాక్షీ పద్మవక్త్రిగా ॥ 1 ॥

శివానుజా పుస్తకహస్తా జ్ఞానముద్రా రమా చ వై ।
కామరూపా మహావిద్యా మహాపాతకనాశినీ ॥ 2 ॥

మహాశ్రయా మాలినీ చ మహాభోగా మహాభుజా ।
మహాభాగా మహోత్సాహా దివ్యాంగా సురవందితా ॥ 3 ॥

మహాకాళీ మహాపాశా మహాకారా మహాంకుశా ।
సీతా చ విమలా విశ్వా విద్యున్మాలా చ వైష్ణవీ ॥ 4 ॥

చంద్రికా చంద్రలేఖావిభూషితా చ మహాఫలా ।
సావిత్రీ సురసాదేవీ దివ్యాలంకారభూషితా ॥ 5 ॥

వాగ్దేవీ వసుధా తీవ్రా మహాభద్రా చ భోగదా ।
గోవిందా భారతీ భామా గోమతీ జటిలా తథా ॥ 6 ॥

వింధ్యవాసా చండికా చ సుభద్రా సురపూజితా ।
వినిద్రా వైష్ణవీ బ్రాహ్మీ బ్రహ్మజ్ఞానైకసాధనా ॥ 7 ॥

సౌదామినీ సుధామూర్తి స్సువీణా చ సువాసినీ ।
విద్యారూపా బ్రహ్మజాయా విశాలా పద్మలోచనా ॥ 8 ॥

శుంభాసురప్రమథినీ ధూమ్రలోచనమర్దనా ।
సర్వాత్మికా త్రయీమూర్తి శ్శుభదా శాస్త్రరూపిణీ ॥ 9 ॥

సర్వదేవస్తుతా సౌయా సురాసురనమస్కృతా ।
రక్తబీజనిహంత్రీ చ చాముండా ముండకాంబికా ॥ 10 ॥

కాళరాత్రిః ప్రహరణా కళాధారా నిరంజనా ।
వరారోహా చ వాగ్దేవీ వారాహీ వారిజాసనా ॥ 11 ॥

చిత్రాంబరా చిత్రగంధా చిత్రమాల్యవిభూషితా ।
కాంతా కామప్రదా వంద్యా రూపసౌభాగ్యదాయినీ ॥ 12 ॥

శ్వేతాసనా రక్తమధ్యా ద్విభుజా సురపూజితా ।
నిరంజనా నీలజంఘా చతుర్వర్గఫలప్రదా ॥ 13 ॥

చతురాననసామ్రాజ్ఞీ బ్రహ్మవిష్ణుశివాత్మికా ।
హంసాననా మహావిద్యా మంత్రవిద్యా సరస్వతీ ॥ 14 ॥

మహాసరస్వతీ తంత్రవిద్యా జ్ఞానైకతత్పరా ।

ఇతి శ్రీసరస్వత్యష్టోత్తరశతనామస్తోత్రం సంపూర్ణమ్ ।

శ్రీ అన్నపూర్ణా అష్టోత్తరశత నామ్స్తోత్రం

అస్య శ్రీ అన్నపూర్ణాష్టోత్తర శతనామస్తోత్ర మహామంత్రస్య బ్రహ్మా ఋషిః అనుష్టుప్ఛందః శ్రీ అన్నపూర్ణేశ్వరీ దేవతా స్వధా బీజం స్వాహా శక్తిః ఓం కీలకం మమ సర్వాభీష్టప్రసాదసిద్ధ్యర్థే జపే వినియోగః ।

ఓం అన్నపూర్ణా శివా దేవీ భీమా పుష్టిస్సరస్వతీ ।
సర్వజ్ఞా పార్వతీ దుర్గా శర్వాణీ శివవల్లభా ॥ 1 ॥

వేదవేద్యా మహావిద్యా విద్యాదాత్రీ విశారదా ।
కుమారీ త్రిపురా బాలా లక్ష్మీశ్శ్రీర్భయహారిణీ ॥ 2 ॥

భవానీ విష్ణుజననీ బ్రహ్మాదిజననీ తథా ।
గణేశజననీ శక్తిః కుమారజననీ శుభా ॥ 3 ॥

భోగప్రదా భగవతీ భక్తాభీష్టప్రదాయినీ ।
భవరోగహరా భవ్యా శుభ్రా పరమమంగలా ॥ 4 ॥

భవానీ చంచలా గౌరీ చారుచంద్రకలాధరా ।
విశాలాక్షీ విశ్వమాతా విశ్వవంద్యా విలాసినీ ॥ 5 ॥

ఆర్యా కల్యాణనిలయా రుద్రాణీ కమలాసనా ।
శుభప్రదా శుభాఽనంతా వృత్తపీనపయోధరా ॥ 6 ॥

అంబా సంహారమథనీ మృడానీ సర్వమంగలా ।
విష్ణుసంసేవితా సిద్ధా బ్రహ్మాణీ సురసేవితా ॥ 7 ॥

పరమానందదా శాంతిః పరమానందరూపిణీ ।
పరమానందజననీ పరానందప్రదాయినీ ॥ 8 ॥

పరోపకారనిరతా పరమా భక్తవత్సలా ।
పూర్ణచంద్రాభవదనా పూర్ణచంద్రనిభాంశుకా ॥ 9 ॥

శుభలక్షణసంపన్నా శుభానందగుణార్ణవా ।
శుభసౌభాగ్యనిలయా శుభదా చ రతిప్రియా ॥ 10 ॥

చండికా చండమథనీ చండదర్పనివారిణీ ।
మార్తాండనయనా సాధ్వీ చంద్రాగ్నినయనా సతీ ॥ 11 ॥

పుండరీకహరా పూర్ణా పుణ్యదా పుణ్యరూపిణీ ।
మాయాతీతా శ్రేష్ఠమాయా శ్రేష్ఠధర్మాత్మవందితా ॥ 12 ॥

అసృష్టిస్సంగరహితా సృష్టిహేతు కపర్దినీ ।
వృషారూఢా శూలహస్తా స్థితిసంహారకారిణీ ॥ 13 ॥

మందస్మితా స్కందమాతా శుద్ధచిత్తా మునిస్తుతా ।
మహాభగవతీ దక్షా దక్షాధ్వరవినాశినీ ॥ 14 ॥

సర్వార్థదాత్రీ సావిత్రీ సదాశివకుటుంబినీ ।
నిత్యసుందరసర్వాంగీ సచ్చిదానందలక్షణా ॥ 15 ॥

నామ్నామష్టోత్తరశతమంబాయాః పుణ్యకారణమ్ ।
సర్వసౌభాగ్యసిద్ధ్యర్థం జపనీయం ప్రయత్నతః ॥ 16 ॥

ఇదం జపాధికారస్తు ప్రాణమేవ తతస్స్తుతః ।
ఆవహంతీతి మంత్రేణ ప్రత్యేకం చ యథాక్రమమ్ ॥ 17 ॥

కర్తవ్యం తర్పణం నిత్యం పీఠమంత్రేతి మూలవత్ ।
తత్తన్మంత్రేతిహోమేతి కర్తవ్యశ్చేతి మాలవత్ ॥ 18 ॥

ఏతాని దివ్యనామాని శ్రుత్వా ధ్యాత్వా నిరంతరమ్ ।
స్తుత్వా దేవీం చ సతతం సర్వాన్కామానవాప్నుయాత్ ॥ 19 ॥

ఇతి శ్రీ బ్రహ్మోత్తరఖండే ఆగమప్రఖ్యాతిశివరహస్యే అన్నపూర్ణాష్టోత్తర శతనామస్తోత్రమ్ ॥

దత్తాత్రేయ అష్టోత్తరశతనామ స్తోత్రం

ఓంకారతత్త్వరూపాయ దివ్యజ్ఞానాత్మనే నమః ।
నభోతీతమహాధామ్న ఐంద్ర్యృధ్యా ఓజసే నమః ॥ 1॥

నష్టమత్సరగమ్యాయాగమ్యాచారాత్మవర్త్మనే ।
మోచితామేధ్యకృతయే ఱ్హీంబీజశ్రాణితశ్రియే ॥ 2॥

మోహాదివిభ్రమాంతాయ బహుకాయధరాయ చ ।
భత్తదుర్వైభవఛేత్రే క్లీంబీజవరజాపినే ॥ 3॥

భవహే-తువినాశాయ రాజచ్ఛోణాధరాయ చ ।
గతిప్రకంపితాండాయ చారువ్యహతబాహవే ॥ 4॥

గతగ-ర్వప్రియాయాస్తు యమాదియతచేతసే ।
వశితాజాతవశ్యాయ ముండినే అనసూయవే ॥ 5॥

వదద్వ-రేణ్యవాగ్జాలా-విస్పృష్టవివిధాత్మనే ।
తపోధనప్రసన్నాయే-డాపతిస్తుతకీర్తయే ॥ 6॥

తేజోమణ్యంతరంగాయా-ద్మరసద్మవిహాపనే ।
ఆంతరస్థానసంస్థాయాయైశ్వర్యశ్రౌతగీతయే ॥ 7॥

వాతాదిభయయుగ్భావ-హేతవే హేతుబేతవే ।
జగదాత్మాత్మభూతాయ విద్విషత్షట్కఘాతినే ॥ 8॥

సురవ-ర్గోద్ధృతే భృత్యా అసురావాసభేదినే ।
నేత్రే చ నయనాక్ష్ణే చిచ్చేతనాయ మహాత్మనే ॥ 9॥

దేవాధిదేవదేవాయ వసుధాసురపాలినే ।
యాజినామగ్రగణ్యాయ ద్రాంబీజజపతుష్టయే ॥ 10॥

వాసనావనదావాయ ధూలియుగ్దేహమాలినే ।
యతిసంన్యాసిగతయే దత్తాత్రేయేతి సంవిదే ॥ 11॥

యజనాస్యభుజేజాయ తారకావాసగామినే ।
మహాజవాస్పృగ్రూపాయా-త్తాకారాయ విరూపిణే ॥ 12॥

నరాయ ధీప్రదీపాయ యశస్వియశసే నమః ।
హారిణే చోజ్వలాంగాయాత్రేస్తనూజాయ సంభవే ॥ 13॥

మోచితామరసంఘాయ ధీమతాం ధీరకాయ చ ।
బలిష్ఠవిప్రలభ్యాయ యాగహోమప్రియాయ చ ॥ 14॥

భజన్మహిమవిఖ఼యాత్రేఽమరారిమహిమచ్ఛిదే ।
లాభాయ ముండిపూజ్యాయ యమినే హేమమాలినే ॥ 15॥

గతోపాధివ్యాధయే చ హిరణ్యాహితకాంతయే ।
యతీంద్రచర్యాం దధతే నరభావౌషధాయ చ ॥ 16॥

వరిష్ఠయోగిపూజ్యాయ తంతుసంతన్వతే నమః ।
స్వాత్మగాథాసుతీర్థాయ మఃశ్రియే షట్కరాయ చ ॥ 17॥

తేజోమయోత్తమాంగాయ నోదనానోద్యకర్మణే ।
హాన్యాప్తిమృతివిజ్ఞాత్ర ఓంకారితసుభక్తయే ॥ 18॥

రుక్షుఙ్మనఃఖేదహృతే దర్శనావిషయాత్మనే ।
రాంకవాతతవస్త్రాయ నరతత్త్వప్రకాశినే ॥ 19॥

ద్రావితప్రణతాఘాయా-త్తఃస్వజిష్ణుఃస్వరాశయే ।
రాజంత్ర్యాస్యైకరూపాయ మఃస్థాయమసుబమ్ధవే ॥ 20॥

యతయే చోదనాతీత- ప్రచారప్రభవే నమః ।
మానరోషవిహీనాయ శిష్యసంసిద్ధికారిణే ॥ 21॥

గంగే పాదవిహీనాయ చోదనాచోదితాత్మనే ।
యవీయసేఽలర్కదుఃఖ-వారిణేఽఖండితాత్మనే ॥ 22॥

హ్రీంబీజాయార్జునజ్యేష్ఠాయ దర్శనాదర్శితాత్మనే ।
నతిసంతుష్టచిత్తాయ యతినే బ్రహ్మచారిణే ॥ 23॥

ఇత్యేష సత్స్తవో వృత్తోయాత్ కం దేయాత్ప్రజాపినే ।
మస్కరీశో మనుస్యూతః పరబ్రహ్మపదప్రదః ॥ 24॥

॥ ఇతి శ్రీ. ప. ప. శ్రీవాసుదేవానంద సరస్వతీ విరచితం
మంత్రగర్భ శ్రీ దత్తాత్రేయాష్టోత్తరశతనామ స్తోత్రం సంపూర్ణం॥

సూర్య అష్టోత్తర శత నామ స్తోత్రం

అరుణాయ శరణ్యాయ కరుణారససింధవే ।
అసమానబలాయాఽఽర్తరక్షకాయ నమో నమః ॥ 1 ॥

ఆదిత్యాయాఽఽదిభూతాయ అఖిలాగమవేదినే ।
అచ్యుతాయాఽఖిలజ్ఞాయ అనంతాయ నమో నమః ॥ 2 ॥

ఇనాయ విశ్వరూపాయ ఇజ్యాయైంద్రాయ భానవే ।
ఇందిరామందిరాప్తాయ వందనీయాయ తే నమః ॥ 3 ॥

ఈశాయ సుప్రసన్నాయ సుశీలాయ సువర్చసే ।
వసుప్రదాయ వసవే వాసుదేవాయ తే నమః ॥ 4 ॥

ఉజ్జ్వలాయోగ్రరూపాయ ఊర్ధ్వగాయ వివస్వతే ।
ఉద్యత్కిరణజాలాయ హృషీకేశాయ తే నమః ॥ 5 ॥

ఊర్జస్వలాయ వీరాయ నిర్జరాయ జయాయ చ ।
ఊరుద్వయాభావరూపయుక్తసారథయే నమః ॥ 6 ॥

ఋషివంద్యాయ రుగ్ఘంత్రే ఋక్షచక్రచరాయ చ ।
ఋజుస్వభావచిత్తాయ నిత్యస్తుత్యాయ తే నమః ॥ 7 ॥

ౠకారమాతృకావర్ణరూపాయోజ్జ్వలతేజసే ।
ౠక్షాధినాథమిత్రాయ పుష్కరాక్షాయ తే నమః ॥ 8 ॥

లుప్తదంతాయ శాంతాయ కాంతిదాయ ఘనాయ చ ।
కనత్కనకభూషాయ ఖద్యోతాయ నమో నమః ॥ 9 ॥

లూనితాఖిలదైత్యాయ సత్యానందస్వరూపిణే ।
అపవర్గప్రదాయాఽఽర్తశరణ్యాయ నమో నమః ॥ 10 ॥

ఏకాకినే భగవతే సృష్టిస్థిత్యంతకారిణే ।
గుణాత్మనే ఘృణిభృతే బృహతే బ్రహ్మణే నమః ॥ 11 ॥

ఐశ్వర్యదాయ శర్వాయ హరిదశ్వాయ శౌరయే ।
దశదిక్సంప్రకాశాయ భక్తవశ్యాయ తే నమః ॥ 12 ॥

ఓజస్కరాయ జయినే జగదానందహేతవే ।
జన్మమృత్యుజరావ్యాధివర్జితాయ నమో నమః ॥ 13 ॥

ఔన్నత్యపదసంచారరథస్థాయాత్మరూపిణే ।
కమనీయకరాయాఽబ్జవల్లభాయ నమో నమః ॥ 14 ॥

అంతర్బహిఃప్రకాశాయ అచింత్యాయాఽఽత్మరూపిణే ।
అచ్యుతాయ సురేశాయ పరస్మై జ్యోతిషే నమః ॥ 15 ॥

అహస్కరాయ రవయే హరయే పరమాత్మనే ।
తరుణాయ వరేణ్యాయ గ్రహాణాం పతయే నమః ॥ 16 ॥

ఓం నమో భాస్కరాయాఽఽదిమధ్యాంతరహితాయ చ ।
సౌఖ్యప్రదాయ సకలజగతాం పతయే నమః ॥ 17 ॥

నమః సూర్యాయ కవయే నమో నారాయణాయ చ ।
నమో నమః పరేశాయ తేజోరూపాయ తే నమః ॥ 18 ॥

ఓం శ్రీం హిరణ్యగర్భాయ ఓం హ్రీం సంపత్కరాయ చ ।
ఓం ఐం ఇష్టార్థదాయాఽనుప్రసన్నాయ నమో నమః ॥ 19 ॥

శ్రీమతే శ్రేయసే భక్తకోటిసౌఖ్యప్రదాయినే ।
నిఖిలాగమవేద్యాయ నిత్యానందాయ తే నమః ॥ 20 ॥

ఇతి శ్రీ సూర్య అష్టోత్తరశతనామ స్తోత్రమ్ ।

చంద్ర అష్టోత్తర శత నామ స్తోత్రం

శ్రీమాన్ శశధరశ్చంద్రో తారాధీశో నిశాకరః ।
సుధానిధిః సదారాధ్యః సత్పతిః సాధుపూజితః ॥ 1 ॥

జితేంద్రియో జగద్యోనిః జ్యోతిశ్చక్రప్రవర్తకః ।
వికర్తనానుజో వీరో విశ్వేశో విదుషాం పతిః ॥ 2 ॥

దోషాకరో దుష్టదూరః పుష్టిమాన్ శిష్టపాలకః ।
అష్టమూర్తిప్రియోఽనంతకష్టదారుకుఠారకః ॥ 3 ॥

స్వప్రకాశః ప్రకాశాత్మా ద్యుచరో దేవభోజనః ।
కళాధరః కాలహేతుః కామకృత్కామదాయకః ॥ 4 ॥

మృత్యుసంహారకోఽమర్త్యో నిత్యానుష్ఠానదాయకః ।
క్షపాకరః క్షీణపాపః క్షయవృద్ధిసమన్వితః ॥ 5 ॥

జైవాతృకః శుచీ శుభ్రో జయీ జయఫలప్రదః ।
సుధామయః సురస్వామీ భక్తనామిష్టదాయకః ॥ 6 ॥

భుక్తిదో ముక్తిదో భద్రో భక్తదారిద్ర్యభంజకః ।
సామగానప్రియః సర్వరక్షకః సాగరోద్భవః ॥ 7 ॥

భయాంతకృద్భక్తిగమ్యో భవబంధవిమోచకః ।
జగత్ప్రకాశకిరణో జగదానందకారణః ॥ 8 ॥

నిస్సపత్నో నిరాహారో నిర్వికారో నిరామయః ।
భూచ్ఛాయాఽఽచ్ఛాదితో భవ్యో భువనప్రతిపాలకః ॥ 9 ॥

సకలార్తిహరః సౌమ్యజనకః సాధువందితః ।
సర్వాగమజ్ఞః సర్వజ్ఞో సనకాదిమునిస్తుతః ॥ 10 ॥

సితచ్ఛత్రధ్వజోపేతః సితాంగో సితభూషణః ।
శ్వేతమాల్యాంబరధరః శ్వేతగంధానులేపనః ॥ 11 ॥

దశాశ్వరథసంరూఢో దండపాణిః ధనుర్ధరః ।
కుందపుష్పోజ్జ్వలాకారో నయనాబ్జసముద్భవః ॥ 12 ॥

ఆత్రేయగోత్రజోఽత్యంతవినయః ప్రియదాయకః ।
కరుణారససంపూర్ణః కర్కటప్రభురవ్యయః ॥ 13 ॥

చతురశ్రాసనారూఢశ్చతురో దివ్యవాహనః ।
వివస్వన్మండలాగ్నేయవాసో వసుసమృద్ధిదః ॥ 14 ॥

మహేశ్వరప్రియో దాంతః మేరుగోత్రప్రదక్షిణః ।
గ్రహమండలమధ్యస్థో గ్రసితార్కో గ్రహాధిపః ॥ 15 ॥

ద్విజరాజో ద్యుతిలకో ద్విభుజో ద్విజపూజితః ।
ఔదుంబరనగావాస ఉదారో రోహిణీపతిః ॥ 16 ॥

నిత్యోదయో మునిస్తుత్యో నిత్యానందఫలప్రదః ।
సకలాహ్లాదనకరః పలాశసమిధప్రియః ॥ 17 ॥

ఏవం నక్షత్రనాథస్య నామ్నామష్టోత్తరం శతమ్ ॥

ఇతి శ్రీ చంద్ర అష్టోత్తరశతనామ స్తోత్రమ్ ।

అంగారక అష్టోత్తర శత నామ స్తోత్రం

మహీసుతో మహాభాగో మంగళో మంగళప్రదః ।
మహావీరో మహాశూరో మహాబలపరాక్రమః ॥ 1 ॥

మహారౌద్రో మహాభద్రో మాననీయో దయాకరః ।
మానదోఽమర్షణః క్రూరస్తాపపాపవివర్జితః ॥ 2 ॥

సుప్రతీపః సుతామ్రాక్షః సుబ్రహ్మణ్యః సుఖప్రదః ।
వక్రస్తంభాదిగమనో వరేణ్యో వరదః సుఖీ ॥ 3 ॥

వీరభద్రో విరూపాక్షో విదూరస్థో విభావసుః ।
నక్షత్రచక్రసంచారీ క్షత్రపః క్షాత్రవర్జితః ॥ 4 ॥

క్షయవృద్ధివినిర్ముక్తః క్షమాయుక్తో విచక్షణః ।
అక్షీణఫలదః చక్షుర్గోచరః శుభలక్షణః ॥ 5 ॥

వీతరాగో వీతభయో విజ్వరో విశ్వకారణః ।
నక్షత్రరాశిసంచారో నానాభయనికృంతనః ॥ 6 ॥

కమనీయో దయాసారః కనత్కనకభూషణః ।
భయఘ్నో భవ్యఫలదో భక్తాభయవరప్రదః ॥ 7 ॥

శత్రుహంతా శమోపేతః శరణాగతపోషకః ।
సాహసః సద్గుణాఽధ్యక్షః సాధుః సమరదుర్జయః ॥ 8 ॥

దుష్టదూరః శిష్టపూజ్యః సర్వకష్టనివారకః ।
దుశ్చేష్టవారకో దుఃఖభంజనో దుర్ధరో హరిః ॥ 9 ॥

దుఃస్వప్నహంతా దుర్ధర్షో దుష్టగర్వవిమోచకః ।
భరద్వాజకులోద్భూతో భూసుతో భవ్యభూషణః ॥ 10 ॥

రక్తాంబరో రక్తవపుర్భక్తపాలనతత్పరః ।
చతుర్భుజో గదాధారీ మేషవాహోఽమితాశనః ॥ 11 ॥

శక్తిశూలధరః శక్తః శస్త్రవిద్యావిశారదః ।
తార్కికస్తామసాధారస్తపస్వీ తామ్రలోచనః ॥ 12 ॥

తప్తకాంచనసంకాశో రక్తకింజల్కసన్నిభః ।
గోత్రాధిదేవో గోమధ్యచరో గుణవిభూషణః ॥ 13 ॥

అసృగంగారకోఽవంతీదేశాధీశో జనార్దనః ।
సూర్యయామ్యప్రదేశస్థో యౌవనో యామ్యదిఙ్ముఖః ॥ 14 ॥

త్రికోణమండలగతస్త్రిదశాధిపసన్నుతః ।
శుచిః శుచికరః శూరో శుచివశ్యః శుభావహః ॥ 15 ॥

మేషవృశ్చికరాశీశో మేధావీ మితభాషణః ।
సుఖప్రదః సురూపాక్షః సర్వాభీష్టఫలప్రదః ॥ 16 ॥

ఇతి శ్రీ అంగారకాష్టోత్తరశతనామ స్తోత్రమ్ ।

బుధ అష్టోత్తర శత నామ స్తోత్రం

బుధో బుధార్చితః సౌమ్యః సౌమ్యచిత్తః శుభప్రదః ।
దృఢవ్రతో దృఢఫలః శ్రుతిజాలప్రబోధకః ॥ 1 ॥

సత్యవాసః సత్యవచాః శ్రేయసాం పతిరవ్యయః ।
సోమజః సుఖదః శ్రీమాన్ సోమవంశప్రదీపకః ॥ 2 ॥

వేదవిద్వేదతత్త్వజ్ఞో వేదాంతజ్ఞానభాస్వరః ।
విద్యావిచక్షణ విభుర్విద్వత్ప్రీతికరో ఋజః ॥ 3 ॥

విశ్వానుకూలసంచారో విశేషవినయాన్వితః ।
వివిధాగమసారజ్ఞో వీర్యవాన్ విగతజ్వరః ॥ 4 ॥

త్రివర్గఫలదోఽనంతః త్రిదశాధిపపూజితః ।
బుద్ధిమాన్ బహుశాస్త్రజ్ఞో బలీ బంధవిమోచకః ॥ 5 ॥

వక్రాతివక్రగమనో వాసవో వసుధాధిపః ।
ప్రసన్నవదనో వంద్యో వరేణ్యో వాగ్విలక్షణః ॥ 6 ॥

సత్యవాన్ సత్యసంకల్పః సత్యబంధుః సదాదరః ।
సర్వరోగప్రశమనః సర్వమృత్యునివారకః ॥ 7 ॥

వాణిజ్యనిపుణో వశ్యో వాతాంగో వాతరోగహృత్ ।
స్థూలః స్థైర్యగుణాధ్యక్షః స్థూలసూక్ష్మాదికారణః ॥ 8 ॥

అప్రకాశః ప్రకాశాత్మా ఘనో గగనభూషణః ।
విధిస్తుత్యో విశాలాక్షో విద్వజ్జనమనోహరః ॥ 9 ॥

చారుశీలః స్వప్రకాశః చపలశ్చ జితేంద్రియః ।
ఉదఙ్ముఖో మఖాసక్తో మగధాధిపతిర్హరః ॥ 10 ॥

సౌమ్యవత్సరసంజాతః సోమప్రియకరః సుఖీ ।
సింహాధిరూఢః సర్వజ్ఞః శిఖివర్ణః శివంకరః ॥ 11 ॥

పీతాంబరో పీతవపుః పీతచ్ఛత్రధ్వజాంకితః ।
ఖడ్గచర్మధరః కార్యకర్తా కలుషహారకః ॥ 12 ॥

ఆత్రేయగోత్రజోఽత్యంతవినయో విశ్వపావనః ।
చాంపేయపుష్పసంకాశః చారణః చారుభూషణః ॥ 13 ॥

వీతరాగో వీతభయో విశుద్ధకనకప్రభః ।
బంధుప్రియో బంధముక్తో బాణమండలసంశ్రితః ॥ 14 ॥

అర్కేశానప్రదేశస్థః తర్కశాస్త్రవిశారదః ।
ప్రశాంతః ప్రీతిసంయుక్తః ప్రియకృత్ ప్రియభాషణః ॥ 15 ॥

మేధావీ మాధవాసక్తో మిథునాధిపతిః సుధీః ।
కన్యారాశిప్రియః కామప్రదో ఘనఫలాశ్రయః ॥ 16 ॥

బుధస్యైవం ప్రకారేణ నామ్నామష్టోత్తరం శతమ్ ।
సంపూజ్య విధివత్కర్తా సర్వాన్కామానవాప్నుయాత్ ॥ 17 ॥

ఇతి శ్రీ బుధ అష్టోత్తరశతనామ స్తోత్రమ్ ।