Sacred Stotras & Deities

శ్రీ కామాక్షీ స్తోత్రం 4 (పరమాచార్య కృతం)

శ్రీ కామాక్షీ మంగళ కీర్తన సకల శుభాలను ప్రసాదించే శ్రీ కామాక్షి అమ్మవారిని స్తుతిస్తూ, జగద్గురు శ్రీ చంద్రశేఖరేంద్ర సరస్వతి స్వామి వారు (పరమాచార్య) రచించిన అద్భుతమైన స్తోత్రం. ఈ స్తోత్రం మంగళకరమైన రూపం, సజ్జనులపై దయ, మరియు భక్తుల బాధలను తొలగించే శక్తి కల అమ్మవారిని కీర్తిస్తూ, అందరికీ కల్యాణమును (శుభమును) ప్రసాదించమని కోరుతుంది. ఈ కీర్తన పారాయణం వల్ల నిత్య శుభాలు కలుగుతాయి.

మంగళచరణే మంగళవదనే మంగళదాయిని కామాక్షి |
గురుగుహజనని కురు కల్యాణం కుంజరిజనని కామాక్షి || 1 ||

శ్రీ కామాక్షీ స్తోత్రం

కల్పానోకహపుష్పజాలవిలసన్నీలాలకాం మాతృకాం
కాంతాం కంజదళేక్షణాం కలిమలప్రధ్వంసినీం కాళికాం |
కాంచీనూపురహారదామసుభగాం కాంచీపురీనాయికాం
కామాక్షీం కరికుంభసన్నిభకుచాం వందే మహేశప్రియాం || 1 ||
కాశాభాం శుకభాసురాం ప్రవిలసత్కోశాతకీ సన్నిభాం
చంద్రార్కానలలోచనాం సురుచిరాలంకారభూషోజ్జ్వలాం |
బ్రహ్మశ్రీపతివాసవాదిమునిభిః సంసేవితాంఘ్రిద్వయాం
కామాక్షీం గజరాజమందగమనాం వందే మహేశప్రియాం || 2 ||
ఐం క్లీం సౌరితి యాం వదంతి మునయస్తత్త్వార్థరూపాం పరాం
వాచామాదిమకారణం హృది సదా ధ్యాయంతి యాం యోగినః |
బాలాం ఫాలవిలోచనాం నవజపావర్ణాం సుషుంనాశ్రితాం
కామాక్షీం కలితావతంససుభగాం వందే మహేశప్రియాం || 3 ||
యత్పాదాంబుజరేణులేశమనిశం లబ్ధ్వా విధత్తే విధి-
-ర్విశ్వం తత్పరిపాతి విష్ణురఖిలం యస్యాః ప్రసాదాచ్చిరం |
రుద్రః సంహరతి క్షణాత్తదఖిలం యన్మాయయా మోహితః
కామాక్షీమతిచిత్రచారుచరితాం వందే మహేశప్రియాం || 4 ||
సూక్ష్మాత్సూక్ష్మతరాం సులక్షితతనుం క్షాంతాక్షరైర్లక్షితాం
వీక్షాశిక్షితరాక్షసాం త్రిభువనక్షేమంకరీమక్షయాం |
సాక్షాల్లక్షణలక్షితాక్షరమయీం దాక్షాయణీం సాక్షిణీం
కామాక్షీం శుభలక్షణైః సులలితాం వందే మహేశప్రియాం || 5 ||
ఓంకారాంగణదీపికాముపనిషత్ప్రాసాదపారావతీం
ఆంనాయాంబుధిచంద్రికామఘతమఃప్రధ్వంసహంసప్రభాం |
కాంచీపట్టణపంజరాంతరశుకీం కారుణ్యకల్లోలినీం
కామాక్షీం శివకామరాజమహిషీం వందే మహేశప్రియాం || 6 ||
హ్రీంకారాత్మకవర్ణమాత్రపఠనాదైంద్రీం శ్రియం తన్వతీం
చిన్మాత్రాం భువనేశ్వరీమనుదినం భిక్షాప్రదానక్షమాం |
విశ్వాఘౌఘనివారిణీం విమలినీం విశ్వంభరాం మాతృకాం
కామాక్షీం పరిపూర్ణచంద్రవదనాం వందే మహేశప్రియాం || 7 ||
వాగ్దేవీతి చ యాం వదంతి మునయః క్షీరాబ్ధికన్యేతి చ
క్షోణీభృత్తనయేతి చ శ్రుతిగిరో యాం ఆమనంతి స్ఫుటం |
ఏకానేకఫలప్రదాం బహువిధాఽఽకారాస్తనూస్తన్వతీం
కామాక్షీం సకలార్తిభంజనపరాం వందే మహేశప్రియాం || 8 ||
మాయామాదిమకారణం త్రిజగతామారాధితాంఘ్రిద్వయాం
ఆనందామృతవారిరాశినిలయాం విద్యాం విపశ్చిద్ధియాం |
మాయామానుషరూపిణీం మణిలసన్మధ్యాం మహామాతృకాం
కామాక్షీం కరిరాజమందగమనాం వందే మహేశప్రియాం || 9 ||
కాంతా కామదుఘా కరీంద్రగమనా కామారివామాంకగా
కల్యాణీ కలితావతారసుభగా కస్తూరికాచర్చితా
కంపాతీరరసాలమూలనిలయా కారుణ్యకల్లోలినీ
కల్యాణాని కరోతు మే భగవతీ కాంచీపురీదేవతా || 10 ||

శ్రీ కామాక్షీ స్తోత్రం –2

కాంచీనూపురరత్నకంకణ లసత్కేయూరహారోజ్జ్వలాం
కాశ్మీరారుణకంచుకాంచితకుచాం కస్తూరికాచర్చితాం |
కల్హారాంచితకల్పకోజ్జ్వలముఖీం కారుణ్యకల్లోలినీం
కామాక్షీం కలయామి కల్పలతికాం కాంచీపురీదేవతాం || 1 ||
కామారాతిమనఃప్రియాం కమలభూసేవ్యాం రమారాధితాం
కందర్పాధికదర్పదానవిలసత్సౌందర్యదీపాంకురాం |
కీరాలాపవినోదినీం భగవతీం కాంయప్రదానవ్రతాం
కామాక్షీం కలయామి కల్పలతికాం కాంచీపురీదేవతాం || 2 ||
గంధర్వామరసిద్ధచారణవధూద్గేయాపదానాంచితాం
గౌరీం కుంకుమపంకపంకిత కుచద్వంద్వాభిరామాం శుభాం |
గంభీరస్మితవిభ్రమాంకితముఖీం గంగాధరాలింగితాం
కామాక్షీం కలయామి కల్పలతికాం కాంచీపురీదేవతాం || 3 ||
విష్ణుబ్రహ్మముఖామరేంద్రపరిషత్కోటీరపీఠస్థలాం
లాక్షారంజితపాదపద్మయుగళాం రాకేందుబింబాననాం |
వేదాంతాగమవేద్యచింత్యచరితాం విద్వజ్జనైరాదృతాం
కామాక్షీం కలయామి కల్పలతికాం కాంచీపురీదేవతాం || 4 ||
మాకందద్రుమమూలదేశమహితే మాణిక్యసింహాసనే
దివ్యాం దీపితహేమకాంతినివహావస్త్రావృతాం తాం శుభాం |
దివ్యాకల్పితదివ్యదేహభరితాం దృష్టిప్రమోదావహాం
కామాక్షీం కలయామి కల్పలతికాం కాంచీపురీదేవతాం || 5 ||
ఆధారాదిసమస్తచక్రనిలయామాద్యంతశూన్యాముమా-
-మాకాశాదిసమస్తభూతనివహాకారామశేషాత్మికాం |
యోగీంద్రైరతి యోగినీశతగణైరారాధితామంబికాం
కామాక్షీం కలయామి కల్పలతికాం కాంచీపురీదేవతాం || 6 ||
హ్రీం‍కారప్రణవాత్మికాం ప్రణమతాం శ్రీవిద్యవిద్యామయీం
ఐం శ్రీం సౌం రుచిమంత్రమూర్తి నివహాకారామశేషాత్మికాం |
బ్రహ్మానందరసానుభూతమహితాం బ్రహ్మప్రియంవాదినీం
కామాక్షీం కలయామి కల్పలతికాం కాంచీపురీదేవతాం || 7 ||
సిద్ధానందజనస్య చిన్మయసుఖాకారాం మహాయోగిభిః
మాయావిశ్వవిమోహినీం మధుమతీం ధ్యాయేచ్ఛుభాం బ్రాహ్మణీం |
ధ్యేయాం కిన్నరసిద్ధచారణవధూద్గేయాం సదా యోగిభిః
కామాక్షీం కలయామి కల్పలతికాం కాంచీపురీదేవతాం || 8 ||
కామారికామాం కమలాసనస్థాం
కాంయప్రదాం కంకణచూడహస్తాం |
కాంచీనివాసాం కనకప్రభాసాం
కామాక్షిదేవీం కలయామి చిత్తే || 9 

శ్రీ కామాక్షీ స్తోత్రం –3 (బ్రహ్మ కృతం)

బ్రహ్మోవాచ |
జయ దేవి జగన్మాతర్జయ త్రిపురసుందరి |
జయ శ్రీనాథసహజే జయ శ్రీసర్వమంగలే || 1 ||
జయ శ్రీకరుణారాశే జయ శృంగారనాయికే |
జయజయేధికసిద్ధేశి జయ యోగీంద్రవందితే || 2 ||
జయ జయ జగదంబ నిత్యరూపే
జయ జయ సన్నుతలోకసౌఖ్యదాత్రి |
జయ జయ హిమశైలకీర్తనీయే
జయ జయ శంకరకామవామనేత్రి || 3 ||
జగజ్జన్మస్థితిధ్వంసపిధానానుగ్రహాన్ముహుః |
యా కరోతి స్వసంకల్పాత్తస్యై దేవ్యై నమో నమః || 4 ||
వర్ణాశ్రమాణాం సాంకర్యకారిణః పాపినో జనాన్ |
నిహంత్యాద్యాతితీక్ష్ణాస్త్రైస్తస్యై దేవ్యై నమో నమః || 5 ||
నాగమైశ్చ న వేదైశ్చ న శాస్త్రైర్న చ యోగిభిః |
వేద్యా యా చ స్వసంవేద్యా తస్యై దేవ్యై నమో నమః || 6 ||
రహస్యాంనాయవేదాంతైస్తత్త్వవిద్భిర్మునీశ్వరైః |
పరం బ్రహ్మేతి యా ఖ్యాతా తస్యై దేవ్యై నమో నమః || 7 ||
హృదయస్థాపి సర్వేషాం యా న కేనాపి దృశ్యతే |
సూక్ష్మవిజ్ఞానరూపాయై తస్యై దేవ్యై నమో నమః || 8 ||
బ్రహ్మా విష్ణుశ్చ రుద్రశ్చ ఈశ్వరశ్చ సదాశివః |
యద్ధ్యానైకపరా నిత్యం తస్యై దేవ్యై నమో నమః || 9 ||
యచ్చరణభక్తా ఇంద్రాద్యా యదాజ్ఞామేవ బిభ్రతి |
సాంరాజ్యసంపదీశాయై తస్యై దేవ్యై నమో నమః || 10 ||
వేదా నిఃశ్వసితం యస్యా వీక్షితం భూతపంచకం |
స్మితం చరాచరం విశ్వం తస్యై దేవ్యై నమో నమః || 11 ||
సహస్రశీర్షా భోగీంద్రో ధరిత్రీం తు యదాజ్ఞయా |
ధత్తే సర్వజనాధారాం తస్యై దేవ్యై నమో నమః || 12 ||
జ్వలత్యగ్నిస్తపత్యర్కో వాతో వాతి యదాజ్ఞయా |
జ్ఞానశక్తిస్వరూపాయై తస్యై దేవ్యై నమో నమః || 13 ||
పంచవింశతితత్త్వాని మాయాకంచుకపంచకం |
యన్మయం మునయః ప్రాహుస్తస్యై దేవ్యై నమో నమః || 14 ||
శివశక్తీశ్వరాశ్చైవ శుద్ధబోధః సదాశివః |
యదున్మేషవిభేదాః స్యుస్తస్యై దేవ్యై నమో నమః || 15 ||
గురుర్మంత్రో దేవతా చ తథా ప్రాణాశ్చ పంచధా |
యా విరాజతి చిద్రూపా తస్యై దేవ్యై నమో నమః || 16 ||
సర్వాత్మనామంతరాత్మా పరమానందరూపిణీ |
శ్రీవిద్యేతి స్మృతా యా తు తస్యై దేవ్యై నమో నమః || 17 ||
దర్శనాని చ సర్వాణి యదంగాని విదుర్బుధాః |
తత్తన్నియమయూపాయై తస్యై దేవ్యై నమో నమః || 18 ||
యా భాతి సర్వలోకేషు మణిమంత్రౌషధాత్మనా |
తత్త్వోపదేశరూపాయై తస్యై దేవ్యై నమో నమః || 19 ||
దేశకాలపదార్థాత్మా యద్యద్వస్తు యథా తథా |
తత్తద్రూపేణ యా భాతి తస్యై దేవ్యై నమో నమః || 20 ||
హే ప్రతిభటాకారా కల్యాణగుణశాలినీ |
విశ్వోత్తీర్ణేతి చాఖ్యాతా తస్యై దేవ్యై నమో నమః || 21 ||
ఇతి స్తుత్వా మహాదేవీం ధాతా లోకపితామహః |
భూయో భూయో నమస్కృత్య సహసా శరణం గతః || 22 ||
ఇతి శ్రీబ్రహ్మాండమహాపురాణే ఉత్తరభాగే లలితోపాఖ్యానే ఏకోనచత్వారింశోఽధ్యాయే బ్రహ్మకృత శ్రీ కామాక్షీ స్తోత్రం |

శ్రీ కామాక్ష్యష్టోత్తరశతనామావళిః

ఓం కాలకంఠ్యై నమః |
ఓం త్రిపురాయై నమః |
ఓం బాలాయై నమః |
ఓం మాయాయై నమః |
ఓం త్రిపురసుందర్యై నమః |
ఓం సుందర్యై నమః |
ఓం సౌభాగ్యవత్యై నమః |
ఓం క్లీంకార్యై నమః |
ఓం సర్వమంగళాయై నమః | 9
ఓం ఐంకార్యై నమః |
ఓం స్కందజనన్యై నమః |
ఓం పరాయై నమః |
ఓం పంచదశాక్షర్యై నమః |
ఓం త్రైలోక్యమోహనాధీశాయై నమః |
ఓం సర్వాశాపూరవల్లభాయై నమః |
ఓం సర్వసంక్షోభణాధీశాయై నమః |
ఓం సర్వసౌభాగ్యవల్లభాయై నమః |
ఓం సర్వార్థసాధకాధీశాయై నమః | 18
ఓం సర్వరక్షాకరాధిపాయై నమః |
ఓం సర్వరోగహరాధీశాయై నమః |
ఓం సర్వసిద్ధిప్రదాధిపాయై నమః |
ఓం సర్వానందమయాధీశాయై నమః |
ఓం యోగినీచక్రనాయికాయై నమః |
ఓం భక్తానురక్తాయై నమః |
ఓం రక్తాంగ్యై నమః |
ఓం శంకరార్ధశరీరిణ్యై నమః |
ఓం పుష్పబాణేక్షుకోదండపాశాంకుశకరాయై నమః | 27
ఓం ఉజ్జ్వలాయై నమః |
ఓం సచ్చిదానందలహర్యై నమః |
ఓం శ్రీవిద్యాయై నమః |
ఓం పరమేశ్వర్యై నమః |
ఓం అనంగకుసుమోద్యానాయై నమః |
ఓం చక్రేశ్వర్యై నమః |
ఓం భువనేశ్వర్యై నమః |
ఓం గుప్తాయై నమః |
ఓం గుప్తతరాయై నమః | 36
ఓం నిత్యాయై నమః |
ఓం నిత్యక్లిన్నాయై నమః |
ఓం మదద్రవాయై నమః |
ఓం మోహిన్యై నమః |
ఓం పరమానందాయై నమః |
ఓం కామేశ్యై నమః |
ఓం తరుణీకలాయై నమః |
ఓం కలావత్యై నమః |
ఓం భగవత్యై నమః | 45
ఓం పద్మరాగకిరీటాయై నమః |
ఓం రక్తవస్త్రాయై నమః |
ఓం రక్తభూషాయై నమః |
ఓం రక్తగంధానులేపనాయై నమః |
ఓం సౌగంధికలసద్వేణ్యై నమః |
ఓం మంత్రిణ్యై నమః |
ఓం తంత్రరూపిణ్యై నమః |
ఓం తత్త్వమయ్యై నమః |
ఓం సిద్ధాంతపురవాసిన్యై నమః | 54
ఓం శ్రీమత్యై నమః |
ఓం చిన్మయ్యై నమః |
ఓం దేవ్యై నమః |
ఓం కౌలిన్యై నమః |
ఓం పరదేవతాయై నమః |
ఓం కైవల్యరేఖాయై నమః |
ఓం వశిన్యై నమః |
ఓం సర్వేశ్వర్యై నమః |
ఓం సర్వమాతృకాయై నమః | 63
ఓం విష్ణుస్వస్రే నమః |
ఓం వేదమయ్యై నమః |
ఓం సర్వసంపత్ప్రదాయిన్యై నమః |
ఓం కింకరీభూతగీర్వాణ్యై నమః |
ఓం సుతవాపివినోదిన్యై నమః |
ఓం మణిపూరసమాసీనాయై నమః |
ఓం అనాహతాబ్జవాసిన్యై నమః |
ఓం విశుద్ధిచక్రనిలయాయై నమః |
ఓం ఆజ్ఞాపద్మనివాసిన్యై నమః | 72
ఓం అష్టత్రింశత్కళామూర్త్యై నమః |
ఓం సుషుంనాద్వారమధ్యగాయై నమః |
ఓం యోగీశ్వరమనోధ్యేయాయై నమః |
ఓం పరబ్రహ్మస్వరూపిణ్యై నమః |
ఓం చతుర్భుజాయై నమః |
ఓం చంద్రచూడాయై నమః |
ఓం పురాణాగమరూపిణ్యై నమః |
ఓం ఓంకార్యై నమః |
ఓం విమలాయై నమః | 81
ఓం విద్యాయై నమః |
ఓం పంచప్రణవరూపిణ్యై నమః |
ఓం భూతేశ్వర్యై నమః |
ఓం భూతమయ్యై నమః |
ఓం పంచాశత్పీఠరూపిణ్యై నమః |
ఓం షోడాన్యాసమహారూపిణ్యై నమః |
ఓం కామాక్ష్యై నమః |
ఓం దశమాతృకాయై నమః |
ఓం ఆధారశక్త్యై నమః | 90
ఓం అరుణాయై నమః |
ఓం లక్ష్ంయై నమః |
ఓం త్రిపురభైరవ్యై నమః |
ఓం రహఃపూజాసమాలోలాయై నమః |
ఓం రహోయంత్రస్వరూపిణ్యై నమః |
ఓం త్రికోణమధ్యనిలయాయై నమః |
ఓం బిందుమండలవాసిన్యై నమః |
ఓం వసుకోణపురావాసాయై నమః |
ఓం దశారద్వయవాసిన్యై నమః |
ఓం చతుర్దశారచక్రస్థాయై నమః | 99
ఓం వసుపద్మనివాసిన్యై నమః |
ఓం స్వరాబ్జపత్రనిలయాయై నమః |
ఓం వృత్తత్రయవాసిన్యై నమః |
ఓం చతురస్రస్వరూపాస్యాయై నమః |
ఓం నవచక్రస్వరూపిణ్యై నమః |
ఓం మహానిత్యాయై నమః |
ఓం విజయాయై నమః |
ఓం శ్రీరాజరాజేశ్వర్యై నమః || 108
ఇతి శ్రీ కామాక్ష్యష్టోత్తరశతనామావళిః