JUPITER Stotras & Hymns - Read Sacred Verses

శ్రీ బృహస్పతి కవచం

శ్రీ బృహస్పతి కవచం.

Telugu

శ్రీ బృహస్పతి కవచం

అస్య శ్రీబృహస్పతి కవచస్తోత్రమంత్రస్య ఈశ్వర ఋషిః, అనుష్టుప్ ఛందః, బృహస్పతిర్దేవతా, గం బీజం, శ్రీం శక్తిః, క్లీం కీలకం, బృహస్పతి పీడాప్రశమనార్థే బృహస్పతి ప్రసాదసిద్ధ్యర్థే జపే వినియోగః |
కరన్యాసః –
గాం అంగుష్ఠాభ్యాం నమః |
గీం తర్జనీభ్యాం నమః |
గూం మధ్యమాభ్యాం నమః |
గైం అనామికాభ్యాం నమః |
గౌం కనిష్ఠికాభ్యాం నమః |
గః కరతలకరపృష్ఠాభ్యాం నమః |
అంగన్యాసః –
గాం హృదయాయ నమః |
గీం శిరసే స్వాహా |
గూం శిఖాయై వషట్ |
గైం కవచాయ హుం |
గౌం నేత్రత్రయాయ వౌషట్ |
గః అస్త్రాయ ఫట్ |
ధ్యానం –
అభీష్టఫలదం దేవం సర్వజ్ఞం సురపూజితం |
అక్షమాలాధరం శాంతం ప్రణమామి బృహస్పతిం || 1 ||
అథ కవచం –
బృహస్పతిః శిరః పాతు లలాటం పాతు మే గురుః |
కర్ణౌ సురగురుః పాతు నేత్రే మేఽభీష్టదాయకః || 2 ||
జిహ్వాం పాతు సురాచార్యో నాసాం మే వేదపారగః |
ముఖం మే పాతు సర్వజ్ఞో కంఠం మే దేవతాగురుః || 3 ||
భుజావాంగిరసః పాతు కరౌ పాతు శుభప్రదః |
స్తనౌ మే పాతు వాగీశః కుక్షిం మే శుభలక్షణః || 4 ||
నాభిం దేవగురుః పాతు మధ్యం పాతు సుఖప్రదః |
కటిం పాతు జగద్వంద్య ఊరూ మే పాతు వాక్పతిః || 5 ||
జానుజంఘే సురాచార్యో పాదౌ విశ్వాత్మకస్తథా |
అన్యాని యాని చాంగాని రక్షేన్మే సర్వతో గురుః || 6 ||
ఇత్యేతత్కవచం దివ్యం త్రిసంధ్యం యః పఠేన్నరః |
సర్వాన్ కామానవాప్నోతి సర్వత్ర విజయీ భవేత్ || 7 ||
ఇతి శ్రీబ్రహ్మయామలోక్తం శ్రీ బృహస్పతి కవచం |

శ్రీ బృహస్పతి పంచవింశతినామ స్తోత్రం –1

శ్రీ బృహస్పతి పంచవింశతినామ స్తోత్రం –1.

Telugu

Read Stotra

శ్రీ బృహస్పతి పంచవింశతినామ స్తోత్రం –1

చరాచరగురుం నౌమి గురుం సర్వోపకారకం |
యస్య సంకీర్తనాదేవ క్షణాదిష్టం ప్రజాయతే || 1 ||
బృహస్పతిః సురాచార్యో నీతిజ్ఞో నీతికారకః |
గురుర్జీవోఽథ వాగీశో వేదవేత్తా విదాంవరః || 2 ||
సౌంయమూర్తిః సుధాదృష్టిః పీతవాసాః పితామహః |
అగ్రవేదీ దీర్ఘశ్మశ్రుర్హేమాంగః కుంకుమచ్ఛవిః || 3 ||
సర్వజ్ఞః సర్వదః సర్వః సర్వపూజ్యో గ్రహేశ్వరః |
సత్యధామాఽక్షమాలీ చ గ్రహపీడానివారకః || 4 ||
పంచవింశతినామాని గురుం స్మృత్వా తు యః పఠేత్ |
ఆయురారోగ్యసంపన్నో ధనధాన్యసమన్వితః || 5 ||
జీవేద్వర్షశతం సాగ్రం సర్వవ్యాధివివర్జితః |
కర్మణా మనసా వాచా యత్పాపం సముపార్జితం || 6 ||
తదేతత్పఠనాదేవ దహ్యతేఽగ్నిరివేంధనం |
గురోర్దినేఽర్చయేద్యస్తు పీతవస్త్రానులేపనైః || 7 ||
ధూపదీపోపహారైశ్చ విప్రభోజనపూర్వకం |
పీడాశాంతిర్భవేత్తస్య స్వయమాహ బృహస్పతిః || 8 ||
మేరుమూర్ధ్ని సమాక్రాంతో దేవరాజపురోహితః |
జ్ఞాతా యః సర్వశాస్త్రాణాం స గురుః ప్రీయతాం మమ || 9 ||

శ్రీ బృహస్పతి పంచవింశతినామ స్తోత్రం –2

శ్రీ బృహస్పతి పంచవింశతినామ స్తోత్రం –2.

Telugu

Read Stotra

శ్రీ బృహస్పతి పంచవింశతినామ స్తోత్రం –2

బృహస్పతిః సురాచార్యో దయావాన్ శుభలక్షణః |
లోకత్రయగురుః శ్రీమాన్ సర్వజ్ఞః సర్వకోవిదః || 1 ||
సర్వేశః సర్వదాఽభీష్టః సర్వజిత్సర్వపూజితః |
అక్రోధనో మునిశ్రేష్ఠో నీతికర్తా గురుః పితా || 2 ||
విశ్వాత్మా విశ్వకర్తా చ విశ్వయోనిరయోనిజః |
భూర్భువః సువరోం చైవ భర్తా చైవ మహాబలః || 3 ||
పంచవింశతినామాని పుణ్యాని నియతాత్మనా |
నందగోపగృహాసీన విష్ణునా కీర్తితాని వై || 4 ||
యః పఠేత్ ప్రాతరుత్థాయ ప్రయతః సుసమాహితః |
విపరీతోఽపి భగవాన్ ప్రీతో భవతి వై గురుః || 5 ||
యః శృణోతి గురుస్తోత్రం చిరం జీవేన్న సంశయః |
బృహస్పతికృతా పీడా న కదాచిద్భవిష్యతి || 6 ||
ఇతి శ్రీ బృహస్పతి పంచవింశతినామ స్తోత్రం |

శ్రీ బృహస్పతి స్తోత్రం

శ్రీ బృహస్పతి స్తోత్రం.

Telugu

Read Stotra

శ్రీ బృహస్పతి స్తోత్రం

అస్య శ్రీబృహస్పతిస్తోత్రస్య గృత్సమద ఋషిః అనుష్టుప్ ఛందః బృహస్పతిర్దేవతా బృహస్పతిప్రీత్యర్థే జపే వినియోగః ||
గురుర్బృహస్పతిర్జీవః సురాచార్యో విదాంవరః |
వాగీశో ధిషణో దీర్ఘశ్మశ్రుః పీతాంబరో యువా || 1 ||
సుధాదృష్టిర్గ్రహాధీశో గ్రహపీడాపహారకః |
దయాకరః సౌంయమూర్తిః సురార్చ్యః కుంకుమద్యుతిః || 2 ||
లోకపూజ్యో లోకగురుర్నీతిజ్ఞో నీతికారకః |
తారాపతిశ్చాంగిరసో వేదవైద్యపితామహః || 3 ||
భక్త్యా బృహస్పతిం స్మృత్వా నామాన్యేతాని యః పఠేత్ |
అరోగీ బలవాన్ శ్రీమాన్ పుత్రవాన్ స భవేన్నరః || 4 ||
జీవేద్వర్షశతం మర్త్యో పాపం నశ్యతి నశ్యతి |
యః పూజయేద్గురుదినే పీతగంధాక్షతాంబరైః || 5 ||
పుష్పదీపోపహారైశ్చ పూజయిత్వా బృహస్పతిం |
బ్రాహ్మణాన్ భోజయిత్వా చ పీడాశాంతిర్భవేద్గురోః || 6 ||
ఇతి శ్రీస్కందపురాణే శ్రీ బృహస్పతి స్తోత్రం |

శ్రీ బృహస్పతి అష్టోత్తరశతనామావళిః

శ్రీ బృహస్పతి అష్టోత్తరశతనామావళిః.

Telugu

Read Stotra

శ్రీ బృహస్పతి అష్టోత్తరశతనామావళిః

బృహస్పతి గ్రహస్య వేదోక్త మంత్రం

బృహస్పతి గ్రహస్య వేదోక్త మంత్రం.

Telugu

Read Stotra

బృహస్పతి గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ బృహస్పతి గ్రహపీడాపరిహారార్థం బృహస్పతి గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం బృహస్పతి గ్రహస్య న్యాసపూర్వక వేదోక్త మంత్రజపం కరిష్యే ||
బృహస్పతయేత్యస్య మంత్రస్య గృత్సమద ఋషిః భురిగత్యష్టిశ్ఛందః బృహస్పతిర్దేవతా బృహస్పతి ప్రీత్యర్థే జపే వినియోగః |
న్యాసః –
ఓం గృత్సమద ఋషయే నమః శిరసి |
ఓం భురిగత్యష్టిశ్ఛందసే నమః ముఖే |
ఓం బృహస్పతి దేవతాయై నమః హృదయే |
ఓం బృహస్పతి ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం బృహస్పతేఽఅతి యదర్యో ఇతి అంగుష్ఠాభ్యాం నమః |
ఓం అర్హాద్ద్యుమదితి తర్జనీభ్యాం నమః |
ఓం విభాతి క్రతుమదితి మధ్యమాభ్యాం నమః |
ఓం జనేషు ఇతి అనామికాభ్యాం నమః |
ఓం యద్దీదయచ్ఛవసఽఋత ప్రజాతతదస్మాసు ఇతి కనిష్ఠికాభ్యాం నమః |
ఓం ద్రవిణం ధేహి చిత్రమితి కరతలకరపృష్ఠాభ్యాం నమః |
హృదయాదిన్యాసః –
ఓం బృహస్పతేఽఅతి యదర్యో ఇతి హృదయాయ నమః |
ఓం అర్హాద్ద్యుమదితి శిరసే స్వాహా |
ఓం విభాతి క్రతుమదితి శిఖాయై వషట్ |
ఓం జనేషు ఇతి కవచాయ హుం |
ఓం యద్దీదయచ్ఛవసఽఋత ప్రజాతతదస్మాసు ఇతి నేత్రత్రయాయ వౌషట్ |
ఓం ద్రవిణం ధేహి చిత్రమితి అస్త్రాయ ఫట్ |
ధ్యానం –
స్వర్ణాంబరః స్వర్ణవపుః కిరీటీ
చతుర్భుజో దేవగురుః ప్రశాంతః |
దధాతి దండం చ కమండలుం చ
తథాఽక్షసూత్రం వరదోఽస్తు మహ్యం ||
(య.వే.26-3)
ఓం బృహ॑స్పతే॒ఽఅతి॒ యద॒ర్యోఽఅర్హా॑ద్ ద్యు॒మద్వి॒భాతి॒ క్రతు॑మ॒జ్జనే॑షు |
యద్దీ॒దయ॒చ్ఛవ॑సఽ ఋతప్రజాత॒ తద॒స్మాసు॒ ద్రవి॑ణం ధేహి చి॒త్రం ||
ఓం బృహస్పతయే నమః |
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత బృహస్పతి గ్రహస్య మంత్ర జపేన బృహస్పతి సుప్రీతో సుప్రసన్నో వరదో భవంతు |

బృహస్పతి గ్రహస్య బీజ మంత్ర జపం

బృహస్పతి గ్రహస్య బీజ మంత్ర జపం.

Telugu

Read Stotra

బృహస్పతి గ్రహస్య బీజ మంత్ర జపం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ బృహస్పతి గ్రహపీడాపరిహారార్థం బృహస్పతి గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం బృహస్పతి గ్రహస్య బీజమంత్ర జపం కరిష్యే ||
ధ్యానం –
స్వర్ణాంబరః స్వర్ణవపుః కిరీటీ
చతుర్భుజో దేవగురుః ప్రశాంతః |
దధాతి దండం చ కమండలుం చ
తథాఽక్షసూత్రం వరదోఽస్తు మహ్యం ||
దేవానాం చ ఋషీణాం చ గురుం కాంచనసన్నిభం |
బుద్ధిభూతం త్రిలోకేశం తం నమామి బృహస్పతిం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం గ్రాం గ్రీం గ్రౌం సః గురవే నమః | (19000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత బృహస్పతి గ్రహస్య మంత్రజపేన బృహస్పతి గ్రహదేవతా సుప్రీతో సుప్రసన్నో వరదో భవంతు |

Sign In

OTP Verification

Sacred Stotras & Deities

శ్రీ బృహస్పతి కవచం

శ్రీ బృహస్పతి పంచవింశతినామ స్తోత్రం –1

శ్రీ బృహస్పతి పంచవింశతినామ స్తోత్రం –2

శ్రీ బృహస్పతి స్తోత్రం

శ్రీ బృహస్పతి అష్టోత్తరశతనామావళిః

బృహస్పతి గ్రహస్య వేదోక్త మంత్రం

బృహస్పతి గ్రహస్య బీజ మంత్ర జపం

MENU

LINKS

Astrologer Section

Vendor Section

GET ADVICE ON

Download Our Apps