RAHU Stotras & Hymns - Read Sacred Verses

శ్రీ రాహు పంచవింశతినామ స్తోత్రం

శ్రీ రాహు పంచవింశతినామ స్తోత్రం.

Telugu

శ్రీ రాహు పంచవింశతినామ స్తోత్రం

రాహుర్దానవమంత్రీ చ సింహికాచిత్తనందనః |
అర్ధకాయః సదా క్రోధీ చంద్రాదిత్యవిమర్దనః || 1 ||
రౌద్రో రుద్రప్రియో దైత్యః స్వర్భానుర్భానుభీతిదః |
గ్రహరాజః సుధాపాయీ రాకాతిథ్యభిలాషకః || 2 ||
కాలదృష్టిః కాలరూపః శ్రీకంఠహృదయాశ్రయః |
విధుంతుదః సైంహికేయో ఘోరరూపో మహాబలః || 3 ||
గ్రహపీడాకరో దంష్ట్రీ రక్తనేత్రో మహోదరః |
పంచవింశతినామాని స్మృత్వా రాహుం సదా నరః || 4 ||
యః పఠేన్మహతీ పీడా తస్య నశ్యతి కేవలం |
ఆరోగ్యం పుత్రమతులాం శ్రియం ధాన్యం పశూంస్తథా || 5 ||
దదాతి రాహుస్తస్మై తు యః పఠేత్ స్తోత్రముత్తమం |
సతతం పఠతే యస్తు జీవేద్వర్షశతం నరః || 6 ||
ఇతి శ్రీస్కందపురాణే శ్రీ రాహు పంచవింశతినామ స్తోత్రం ||

శ్రీ రాహు కవచం

శ్రీ రాహు కవచం.

Telugu

Read Stotra

శ్రీ రాహు కవచం

అస్య శ్రీరాహు కవచస్తోత్రస్య చంద్రమా ఋషిః, అనుష్టుప్ ఛందః, రాహుర్దేవతా, రాం బీజం, నమః శక్తిః, స్వాహా కీలకం, రాహు ప్రీత్యర్థే జపే వినియోగః |
ధ్యానం –
రాహుం చతుర్భుజం చర్మశూలఖడ్గవరాంగినం
కృష్ణాంబరధరం నీలం కృష్ణగంధానులేపనం |
గోమేధికవిభూషం చ విచిత్రమకుటం ఫణిం
కృష్ణసింహరథారూఢం మేరుం చైవాప్రదక్షిణం ||
ప్రణమామి సదా రాహుం శూర్పాకారం కిరీటినం |
సైంహికేయం కరాళాస్యం భక్తానామభయప్రదం || 1 ||
అథ కవచం –
నీలాంబరః శిరః పాతు లలాటం లోకవందితః |
చక్షుషీ పాతు మే రాహుః శ్రోత్రే త్వర్ధశరీరవాన్ || 2 ||
నాసికాం మే ధూంరవర్ణః శూలపాణిర్ముఖం మమ | [కరాళాస్యః] జిహ్వాం మే సింహికాసూనుః కంఠం మే కఠినాంఘ్రికః || 3 || [కష్టనాశనః] భుజంగేశో భుజౌ పాతు నీలమాల్యాంబరః కరౌ |
పాతు వక్షఃస్థలం మంత్రీ పాతు కుక్షిం విధుంతుదః || 4 ||
కటిం మే వికటః పాతు ఊరూ మే సురపూజితః |
స్వర్భానుర్జానునీ పాతు జంఘే మే పాతు జాడ్యహా || 5 ||
గుల్ఫౌ గ్రహపతిః పాతు పాదౌ మే భీషణాకృతిః |
సర్వాణంగాని మే పాతు నీలచందనభూషణః || 6 ||
రాహోరిదం కవచమృద్ధిదవస్తుదం యో
భక్త్యా పఠత్యనుదినం నియతః శుచిః సన్ |
ప్రాప్నోతి కీర్తిమతులాం శ్రియమృద్ధిమాయు-
-రారోగ్యమాత్మవిజయం చ హి తత్ప్రసాదాత్ || 7 ||
ఇతి శ్రీమన్మహాభారతే ద్రోణపర్వణి ధృతరాష్ట్రసంజయసంవాదే శ్రీ రాహు కవచం |

శ్రీ రాహు స్తోత్రం –1

శ్రీ రాహు స్తోత్రం –1.

Telugu

Read Stotra

శ్రీ రాహు స్తోత్రం –1

నమస్తే దైత్యరూపాయ దేవారిం ప్రణమాంయహం |
నమస్తే సర్వభక్ష్యాయ ఘోరరూపాయ వై నమః || 1 ||
త్వం బ్రహ్మా వరుణో దేవస్త్వం విష్ణుస్త్వం హరిః శివః |
మర్త్యలోకే భవాన్ప్రీతః సంసారజనతారకః || 2 ||
కూటపర్వతదుర్గాణి నగరాణి పురాణి చ |
యస్య క్రోధవశాద్భస్మీభవంతి క్షణమాత్రకం || 3 ||
ధూంరవర్ణో భవాన్ రాహూ రక్తాక్షః పింగలోపమః |
క్రూరగ్రహస్తథా భీమో యమరూపో మహాబలః || 4 ||
యస్య స్థానే పంచమేఽపి షష్ఠే చైవ తృతీయకే |
దశమైకాదశే చైవ తస్య శ్రేయః కరోత్యలం || 5 ||
అన్నం ఖడ్గం చ యద్దత్తం రాహవే సుఫలప్రదం |
పృథివ్యాం బ్రహ్మపీడాం చ గోపీడాం తన్నివారయేత్ || 6 ||
కృమికీటపతంగేషు చరంతం సచరాచరం |
గోదానం భూమిదానం చ హ్యన్నం వస్త్రం చ దాపయేత్ || 7 ||
సౌవర్ణరౌప్యదానం చ కన్యాదానం చ తత్క్షణాత్ |
ఏతద్దానం చ సంపూర్ణం రాహుమోక్షకరం నృణాం |
అస్య స్తోత్రస్య మాహాత్ంయాద్రాహుపీడా వినశ్యతి || 8 ||
రక్తాక్షో ధూంరవర్ణాభో విజితారిర్మహాబలః |
అబాహుశ్చాంతరిక్షస్థః స రాహుః ప్రీయతాం మమ || 9 ||

శ్రీ రాహు స్తోత్రం –2

శ్రీ రాహు స్తోత్రం –2.

Telugu

Read Stotra

శ్రీ రాహు స్తోత్రం –2

అస్య శ్రీ రాహుస్తోత్రమహామంత్రస్య వామదేవ ఋషిః, అనుష్టుప్ ఛందః, రాహుర్దేవతా, శ్రీ రాహుగ్రహ ప్రసాదసిద్ధ్యర్థే జపే వినియోగః |
కశ్యప ఉవాచ |
శృణ్వంతు మునయః సర్వే రాహుప్రీతికరం స్తవం |
సర్వరోగప్రశమనం విషభీతిహరం పరం || 1 ||
సర్వసంపత్కరం చైవ గుహ్యమేతదనుత్తమం |
ఆదరేణ ప్రవక్ష్యామి శ్రూయతామవధానతః || 2 ||
రాహుః సూర్యరిపుశ్చైవ విషజ్వాలీ భయానకః |
సుధాంశువైరిః శ్యామాత్మా విష్ణుచక్రాహితో బలీ || 3 ||
భుజగేశస్తీక్ష్ణదంష్ట్రః క్రూరకర్మా గ్రహాధిపః |
ద్వాదశైతాని నామాని నిత్యం యో నియతః పఠేత్ || 4 ||
జప్త్వా తు ప్రతిమాం చైవ సీసజాం మాషసంస్థితాం |
నీలైర్గంధాక్షతైః పుష్పైర్భక్త్యా సంపూజ్య యత్నతః || 5 ||
విధినా వహ్నిమాదాయ దూర్వాన్నాజ్యాహుతీః క్రమాత్ |
తన్మంత్రేణైవ జుహుయాద్యావదష్టోత్తరం శతం || 6 ||
హుత్వైవం భక్తిమాన్ రాహుం ప్రార్థయేద్గ్రహనాయకం |
సర్వాపద్వినివృత్యర్థం ప్రాంజలిః ప్రణతో నరః || 7 ||
రాహో కరాళవదన రవిచంద్రభయంకర |
తమోరూప నమస్తుభ్యం ప్రసాదం కురు సర్వదా || 8 ||
సింహికాసుత సూర్యారే సిద్ధగంధర్వపూజిత |
సింహవాహ నమస్తుభ్యం సర్వాన్ రోగాన్ నివారయ || 9 ||
కృపాణఫలకాహస్త త్రిశూలిన్ వరదాయక |
కరాళాతికరాళాస్య గదాన్మే నాశయాఖిలాన్ || 10 ||
స్వర్భానో సర్పవదన సుధాకరవిమర్దన |
సురాసురవరస్తుత్య సర్వదా త్వం ప్రసీద మే || 11 ||
ఇతి సంప్రార్థితో రాహుః దుష్టస్థానగతోఽపి వా |
సుప్రీతో జాయతే తస్య సర్వాన్ రోగాన్ వినాశయేత్ || 12 ||
విషాన్న జాయతే భీతిః మహారోగస్య కా కథా |
సర్వాన్ కామానవాప్నోతి నష్టం రాజ్యమవాప్నుయాత్ || 13 ||
ఏవం పఠేదనుదినం స్తవరాజమేతం
మర్త్యః ప్రసన్నహృదయో విజితేంద్రియో యః |
ఆరోగ్యమాయురతులం లభతే సుపుత్రాన్
సర్వేగ్రహా విషమగాః సురతిప్రసన్నాః || 14 ||

శ్రీ రాహు అష్టోత్తరశతనామ స్తోత్రం

శ్రీ రాహు అష్టోత్తరశతనామ స్తోత్రం.

Telugu

Read Stotra

శ్రీ రాహు అష్టోత్తరశతనామ స్తోత్రం

శృణు నామాని రాహోశ్చ సైంహికేయో విధుంతుదః |
సురశత్రుస్తమశ్చైవ ఫణీ గార్గ్యాయణస్తథా || 1 ||
సురాగుర్నీలజీమూతసంకాశశ్చ చతుర్భుజః |
ఖడ్గఖేటకధారీ చ వరదాయకహస్తకః || 2 ||
శూలాయుధో మేఘవర్ణః కృష్ణధ్వజపతాకవాన్ |
దక్షిణాశాముఖరతః తీక్ష్ణదంష్ట్రధరాయ చ || 3 ||
శూర్పాకారాసనస్థశ్చ గోమేదాభరణప్రియః |
మాషప్రియః కశ్యపర్షినందనో భుజగేశ్వరః || 4 ||
ఉల్కాపాతజనిః శూలీ నిధిపః కృష్ణసర్పరాట్ |
విషజ్వలావృతాస్యోఽర్ధశరీరో జాద్యసంప్రదః || 5 ||
రవీందుభీకరశ్ఛాయాస్వరూపీ కఠినాంగకః |
ద్విషచ్చక్రచ్ఛేదకోఽథ కరాళాస్యో భయంకరః || 6 ||
క్రూరకర్మా తమోరూపః శ్యామాత్మా నీలలోహితః |
కిరీటీ నీలవసనః శనిసామంతవర్త్మగః || 7 ||
చాండాలవర్ణోఽథాశ్వ్యర్క్షభవో మేషభవస్తథా |
శనివత్ఫలదః శూరోఽపసవ్యగతిరేవ చ || 8 ||
ఉపరాగకరః సూర్యహిమాంశుచ్ఛవిహారకః |
నీలపుష్పవిహారశ్చ గ్రహశ్రేష్ఠోఽష్టమగ్రహః || 9 ||
కబంధమాత్రదేహశ్చ యాతుధానకులోద్భవః |
గోవిందవరపాత్రం చ దేవజాతిప్రవిష్టకః || 10 ||
క్రూరో ఘోరః శనేర్మిత్రం శుక్రమిత్రమగోచరః |
మానేగంగాస్నానదాతా స్వగృహేప్రబలాఢ్యకః || 11 ||
సద్గృహేఽన్యబలధృచ్చతుర్థే మాతృనాశకః |
చంద్రయుక్తే తు చండాలజన్మసూచక ఏవ తు || 12 ||
జన్మసింహే రాజ్యదాతా మహాకాయస్తథైవ చ |
జన్మకర్తా విధురిపు మత్తకో జ్ఞానదశ్చ సః || 13 ||
జన్మకన్యారాజ్యదాతా జన్మహానిద ఏవ చ |
నవమే పితృహంతా చ పంచమే శోకదాయకః || 14 ||
ద్యూనే కళత్రహంతా చ సప్తమే కలహప్రదః |
షష్ఠే తు విత్తదాతా చ చతుర్థే వైరదాయకః || 15 ||
నవమే పాపదాతా చ దశమే శోకదాయకః |
ఆదౌ యశః ప్రదాతా చ అంతే వైరప్రదాయకః || 16 ||
కాలాత్మా గోచరాచారో ధనే చాస్య కకుత్ప్రదః |
పంచమే ధిషణాశృంగదః స్వర్భానుర్బలీ తథా || 17 ||
మహాసౌఖ్యప్రదాయీ చ చంద్రవైరీ చ శాశ్వతః |
సురశత్రుః పాపగ్రహః శాంభవః పూజ్యకస్తథా || 18 ||
పాటీరపూరణశ్చాథ పైఠీనసకులోద్భవః |
దీర్ఘకృష్ణోఽతనుర్విష్ణునేత్రారిర్దేవదానవౌ || 19 ||
భక్తరక్షో రాహుమూర్తిః సర్వాభీష్టఫలప్రదః |
ఏతద్రాహుగ్రహస్యోక్తం నాంనామష్టోత్తరం శతం || 20 ||
శ్రద్ధయా యో జపేన్నిత్యం ముచ్యతే సర్వసంకటాత్ |
సర్వసంపత్కరస్తస్య రాహురిష్టప్రదాయకః || 21 ||
ఇతి శ్రీ రాహు అష్టోత్తరశతనామ స్తోత్రం |

శ్రీ రాహు అష్టోత్తరశతనామావళిః

శ్రీ రాహు అష్టోత్తరశతనామావళిః.

Telugu

Read Stotra

శ్రీ రాహు అష్టోత్తరశతనామావళిః

రాహు గ్రహస్య వేదోక్త మంత్రం

రాహు గ్రహస్య వేదోక్త మంత్రం.

Telugu

Read Stotra

రాహు గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ రాహు గ్రహపీడాపరిహారార్థం రాహు గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం రాహు గ్రహస్య న్యాసపూర్వక వేదోక్త మంత్రజపం కరిష్యే ||
కయానశ్చిత్రేత్యస్య మంత్రస్య వామదేవ ఋషిః గాయత్రీ ఛందః రాహుర్దేవతా కయాన ఇతి బీజం శచిరితి శక్తిః రాహు ప్రీత్యర్థే జపే వినియోగః |
న్యాసః –
ఓం వామదేవ ఋషయే నమః శిరసి |
ఓం గాయత్రీ ఛందసే నమః ముఖే |
ఓం రాహు దేవతాయై నమః హృదయే |
ఓం కయాన ఇతి బీజాయ నమః గుహ్యే |
ఓం శచిరితి శక్తయే నమః పాదయోః |
ఓం రాహు ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం కయానః ఇతి అంగుష్ఠాభ్యాం నమః |
ఓం చిత్ర ఇతి తర్జనీభ్యాం నమః |
ఓం ఆభువ ఇతి మధ్యమాభ్యాం నమః |
ఓం దూతీసదావృధః ఇతి అనామికాభ్యాం నమః |
ఓం సఖాకయా ఇతి కనిష్ఠికాభ్యాం నమః |
ఓం శచిష్ఠయావృతా ఇతి కరతలకరపృష్ఠాభ్యాం నమః |
హృదయాదిన్యాసః –
ఓం కయానః ఇతి హృదయాయ నమః |
ఓం చిత్ర ఇతి శిరసే స్వాహా |
ఓం ఆభువ ఇతి శిఖాయై వషట్ |
ఓం దూతీసదావృధః ఇతి కవచాయ హుం |
ఓం సఖాకయా ఇతి నేత్రత్రయాయ వౌషట్ |
ఓం శచిష్ఠయావృతా ఇతి అస్త్రాయ ఫట్ |
ధ్యానం –
నీలాంబరో నీలవపుః కిరీటీ
కరాళవక్త్రః కరవాలశూలీ |
చతుర్భుజశ్చర్మధరశ్చ రాహుః
సింహాధిరూఢో వరదోఽస్తు మహ్యం ||
(య.వే.36-4)
ఓం కయా॑ నశ్చి॒త్ర ఆ భు॑వదూ॒తీ స॒దావృ॑ధ॒: సఖా॑ |
కయా॒ శచి॑ష్ఠయా వృ॒తా ||
ఓం రాహవే నమః ||
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత రాహు గ్రహస్య మంత్ర జపేన రాహు సుప్రీతో సుప్రసన్నో వరదో భవంతు |

రాహు గ్రహస్య బీజ మంత్ర జపం

రాహు గ్రహస్య బీజ మంత్ర జపం.

Telugu

Read Stotra

రాహు గ్రహస్య బీజ మంత్ర జపం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ రాహు గ్రహపీడాపరిహారార్థం రాహు గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం రాహు గ్రహస్య బీజమంత్ర జపం కరిష్యే ||
ధ్యానం –
నీలాంబరో నీలవపుః కిరీటీ
కరాళవక్త్రః కరవాలశూలీ |
చతుర్భుజశ్చర్మధరశ్చ రాహుః
సింహాధిరూఢో వరదోఽస్తు మహ్యం ||
అర్ధకాయం మహావీర్యం చంద్రాదిత్యవిమర్దనం |
సింహికాగర్భసంభూతం తం రాహుం ప్రణమాంయహం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం భ్రాం భ్రీం భ్రౌం సః రాహవే నమః | (18000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత రాహు గ్రహస్య మంత్రజపేన రాహు గ్రహదేవతా సుప్రీతో సుప్రసన్నో వరదో భవంతు |

Sign In

OTP Verification

Sacred Stotras & Deities

శ్రీ రాహు పంచవింశతినామ స్తోత్రం

శ్రీ రాహు కవచం

శ్రీ రాహు స్తోత్రం –1

శ్రీ రాహు స్తోత్రం –2

శ్రీ రాహు అష్టోత్తరశతనామ స్తోత్రం

శ్రీ రాహు అష్టోత్తరశతనామావళిః

రాహు గ్రహస్య వేదోక్త మంత్రం

రాహు గ్రహస్య బీజ మంత్ర జపం

MENU

LINKS

Astrologer Section

Vendor Section

GET ADVICE ON

Download Our Apps