Sacred Stotras & Deities

చండీశతకం

(బాణభట్టవిరచితం)

మా భాంక్షీర్విభ్రమం భ్రూరధర విధురతా కేయమాస్యాస్య రాగం

పాణే ప్రాణ్యేవ నాయం కలయసి కలహశ్రద్ధయా కిం త్రిశూలం .

ఇత్యుద్యత్కోపకేతూన్ప్రకృతిమవయవాన్ప్రా(స్థా)పయంత్యేవ దేవ్యా

న్యస్తో వో మూర్ధ్ని ముష్యాన్మరుదసుహృదసూన్సంహరన్నంఘ్రిరంహః .. 1..

హుంకారే న్యక్కృతోదన్వతి మహతి జితే శింజితైర్నూపురస్య

శ్లిష్యచ్ఛృంగక్షతేఽపి క్షరదసృజి నిజాలక్తకభ్రాంతిభాజి .

స్కంధే వింధ్యాద్రిబుద్ధ్యా నికషతి మహిషస్యాహితోఽసూనహార్షీ-

దజ్ఞానాదేవ యస్యాశ్చరణ ఇతి శివం సా శివా వః కరోతు .. 2..

జాహ్నవ్యా యా న జాతానునయపర(అనవమపు?)హరక్షిప్తయా క్షాలయంత్యా

నూనం నో నూపురేణ గ్లపితశశిరుచా జ్యోత్స్నయా వా నఖానాం .

తాం శోభామాదధానా జయతి నవమివాలక్తకం పీడయిత్వా

పాదేనైవ క్షిపంతీ మహిషమసురసాదాననిష్కార్యమార్యా .. 3..

మృత్యో(యామ్యాః)స్తుల్యం త్రిలోకీం గ్రసితుమతిరసాన్నిఃసృతాః కిం ను జిహ్వాః

కిం వా కృష్ణాంఘ్రిపద్మద్యుతిభిరరుణితా విష్ణుపద్యాః పదవ్యః .

ప్రాప్తాః సంధ్యాః స్మరారేః స్వయముత నుతిభిస్తిస్ర ఇత్యూహ్యమానా

దేవైర్దేవీత్రిశూలాహత(దేవ్యాస్త్రిశూలక్షత)మహిషజుషో రక్తధారా జయంతి .. 4..

దత్తే దర్పాత్ప్రహారే సపది పదభరోత్పిష్టదేహావశిష్టాం

శ్లిష్టాం శృంగస్య కోటిం మహిషసురరిపోర్నూపురగ్రంథిసీమ్ని .

ముష్యాద్వః కల్మ(కిల్బి)షాణి వ్యతికరవిరతావాదదానః కుమారో

మాతుః ప్రభ్రష్టలీలాకువలయకలికాకర్ణపూరాదరేణ .. 5..

శశ్వద్విశ్వోపకారప్రకృతిరవికృతిః సాస్తు శాంత్యై శివా వో

యస్యాః పాదోపశల్యే త్రిదశపతి(మహిషసుర)రిపుర్దూరదుష్టాశయోఽపి .

నాకే ప్రాపత్ప్రతిష్ఠామసకృదభిముఖో వాదయఞ్శృంగకోట్యా

హత్వా కోణేన వీణామివ రణితమణిం మండలీం నూపురస్య .. 6..

నిష్ఠ్యూతోఽఙ్గుష్ఠకోట్యా నఖశిఖరహతః పార్ష్ణినిర్యాతసారో(నిష్ణాత్సారః)

గర్భే దర్భాగ్రసూచీలఘురివ గణితో నోపసర్పన్సమీపం .

నాభౌ వక్రం ప్రవిష్టా(తిష్ఠా)కృతివికృతి యయా పాదపాతేన కృత్వా

దైత్యాధీశో వినాశం రణభువి గమితః సాస్తు దేవీ శ్రియే (శాంత్యై శివా)వః .. 7..

గ్రస్తాశ్వః శష్పలోభాదివ హరితహరేరప్రసోఢానలోష్మా

స్థాణౌ కండూం వినీయ ప్రతిమహిషరుషేవాంతకోపాంతవర్తీ .

కృష్ణం పంకం యథేచ్ఛన్వరుణముపగతో మజ్జనాయేవ యస్యాః

స్వస్థోఽభూత్పాదమాప్త్వా హ్రదమివ మహిషః సాస్తు దుర్గా శ్రియే (దేవీ ముదే)వః .. 8..

త్రైలోక్యాతంకశాంత్యై ప్రవిశతి వివశే ధాతరి ధ్యానతంద్రీ-

మింద్రాద్యేషు ద్రవత్సు ద్రవిణపతిపయఃపాలకాలానలేషు .

యే స్పర్శేనైవ పిష్ట్వా మహిషమతిరుషం త్రాతవంతస్త్రిలోకీం (త్రాతవంతో జగంతి)

పాంతు త్వాం పంచ చండ్యాశ్చరణనఖనిభేనా(మిషేణ)పరే లోకపాలాః .. 9..

ప్రాలేయోత్పీడపీన్వాం(దీవ్యత్)నఖరజనికృతామాతపేనాతిపాండుః

పార్వత్యాః పాతు యుష్మాన్పితురివ తులితాద్రీంద్రసారః స పాదః .

యో ధైర్యాన్ముక్తలీలాసముచితపతనాపాతపీతాసురాసీ-

న్నో దేవ్యా ఏవ వామశ్ఛలమహిషతనోర్నాకలోకద్విషోఽపి .. 10..

వక్షో వ్యాజైణరాజః స దశభిరభినత్పాణిజైః ప్రాక్సురారేః

పంచైవాస్తం నయామో యువతిచరణజాః శత్రుమేతే వయం తు .

ఇత్యుత్పన్నాభిమానైర్నఖశశిమణిభిర్జ్యోత్స్నయా స్వాంశుమయ్యా

(ఇత్యుత్పన్నాతిరుచిర్నఖైః శశిమణిభిర్జ్యోత్స్నయా స్వాంశుమయ్యా)

యస్యాః పాదే హతారౌ హసిత ఇవ హరిః సాస్తు కాలీ శ్రియే (శాంత్యై శివా)వః .. 11..

రక్తాక్తేఽలక్తకశ్రీర్విజయిని విజయే నో విరాజత్యముష్మి-

న్హాసో హస్తాగ్రసంవాహనమపి ద(తు)లితాద్రీంద్రసారద్విషోఽస్య .

త్రాసేనైవాద్యః సర్వః ప్రణమతి కదనేనామునేతి క్షతారిః

పాదోఽవ్యాచ్చుంబితో వో రహసి విహసతా త్ర్యంబకేణాంబికాయాః .. 12..

భంగో న భ్రూలతాయాస్తులితబలతయానాస్థమస్థ్నాం తు చక్రే

న క్రోధాత్పాదపద్మం మహదమృతభుజాముద్ధృతం శల్యమంతః .

వాచాలం నూపురం నో జగదజని జయం శంసదంశేన పార్ష్ణే-

ర్ముష్ణంత్యాసూన్సురారేః సమరభువి యయా పార్వతీ పాతు సా వః .. 13..

ని(తి)ర్యన్నానాస్త్రశస్త్రావలి వలతి బలం కేవలం దానవానాం

ద్రాఙ్ నీతే దీర్ఘనిద్రాం ద్విషతి న మహిషీత్యుచ్యసే ప్రాయశోఽద్య .

అస్త్రీసంభావ్యవీర్యా త్వమసి ఖలు మయా నైవమాకారణీయా

కాత్యాయన్యాత్తకేలావితి హసతి హరే హ్రీమతీ హంత్వరీన్వః .. 14..

జాతా కిం తే హరే భీర్భవతి మహిషతో భీరవశ్యం హరీణా-

మద్యేందోర్ద్వౌ కలంకౌ త్యజతి పతిరపాం ధైర్యమాలోక్య చంద్రం .

వాయో కంప్యస్త్వయాన్యో నయ యమ మహిషాదాత్మయుగ్యం యయారౌ

పిష్టే నష్టం జహాస ద్యుజనమితి జయా సాస్తు దేవీ శ్రియే వః .. 15..

శూలప్రోతాదుపాత్తప్లుతమహి మహిషాదుత్పతంత్యా స్రవంత్యా

వర్త్మన్యారజ్యమానే సపది మఖభుజాం జాతసంధ్యాప్రమోహః .

నృత్యన్హాసేన మత్వా విజయమహమహం మానయామీతివాదీ

యామాశ్లిష్య ప్రనృత్తః పునరపి పురభిత్పార్వతీ పాతు సా వః .. 16..

నాకౌకోనాయకాద్యైర్ద్యువసతిభిరసిశ్యామధామా ధరిత్రీం

రుంధన్వర్ధిష్ణువింధ్యాచలచకితమనోవృత్తిభిర్వీక్షితో యః .

పాదోత్పిష్టః స యస్యా మహిషసురరిపుర్నూపురాంతావలంబీ

లేభే లోలేంద్రనీలోపలశకలతులాం స్తాదుమా సా శ్రియే వః .. 17..

దుర్వారస్య ద్యుధామ్నాం మహిషితవపుషో విద్విషః పాతు యుష్మా-

న్పార్వత్యా ప్రేతపాలస్వపురుషపరుషః ప్రేషితోఽసౌ పృషత్కః .

యః కృత్వా లక్ష్యభేదం హృతభువనభయో గాం విభిద్య ప్రవిష్టః

పాతాలం పక్షపాలీపవనకృతపతత్తార్క్ష్యశంకాకులాహిః .. 18..

వజ్రం విన్యస్య హారే హరికరగలితం కంఠసూత్రే చ చక్రం

కేశాన్బద్ధ్వాబ్ధిపాశైర్ధృతధనదగదా ప్రాక్ప్రలీనాన్విహస్య .

దేవానుత్సారణోత్కా కిల మహిషహతౌ మీలతో హ్రేపయంతీ

హ్రీమత్యా హైమవత్యా విమతివిహతయే తర్జితా స్తాజ్జయా వః .. 19..

ఖడ్గే పానీయమాహ్లాదయతి హి మహిషం పక్షపాతీ పృషత్కః

శూలేనేశో యశోభాగ్భవతి పరిలఘుః స్యాద్వధార్హేఽపి దండః .

హిత్వా హేతీరితీవాభిహతిబహలితప్రాక్తనాపాటలిమ్నా

పార్ష్ణ్యైవ ప్రోషితాసుం సురరిపుమవతాత్కుర్వతీ పార్వతీ వః .. 20..

కృత్వేదృక్కర్మ లజ్జాజననమనశనే శక్ర మాసూన్విహాసీః-

విత్తే(అర్థే)శ స్థాణుకంఠే జహి గదమగదస్యాయమేవోపయోగః .

జాతశ్చక్రిన్విచక్రో దితిజ ఇతి సురాంస్త్యక్తహేతీన్బ్రువంత్యా

వ్రీడాం(లజ్జాం)వ్యాపాదితారిర్జయతి విజయయా నీయమానా భవానీ .. 21..

దేయాద్వో వాంఛితాని చ్ఛలమయమహిషోత్పేషరో(దో)షానుషంగా-

న్నీతః పాతాలకుక్షిం హృతభువన(కృతపరమ)భయో భద్రకాల్యాః స పాదః .

యః ప్రాదక్షిణ్యకాంక్షావలయితవపుషా వంద్యమానో ముహూర్తం

శేషేణేవేందుకాంతోపలరచితమహానూపురాభోగలక్ష్మీః .. 22..

శూలం తూలం ను గాఢం ప్రహర హర హృషీకేశ కేశోఽపి వక్ర-

శ్చక్రేణాకారి కిం మే పవిరవతి నహి త్వాష్ట్రశత్రో ద్యురాష్ట్రం .

పాశాః కేశాబ్జనాలాన్యనల న లభసే భాతుమిత్యాత్తదర్పం

జల్పందేవాందివౌకోరిపురవధి యయా సాస్తు శాంత్యై శివా (పార్వతీ పాతు సా)వః .. 23..

శార్ఙ్గిన్బాణం విముంచ భ్రమసి బలిరసౌ సంయతః కేన బాణో

గోత్రారే హన్మ్యహం తే రిపుమమ(సు)రరిపుస్త్వేష గోత్రస్య శత్రుః .

దైత్యా వ్యాపాద్యతాం ద్రాగజ ఇవ మహిషో హన్యతే మన్మహేఽద్యే-

త్యుత్ప్రాస్యోమా పురస్తాదను దనుజతనుం మృద్గతీ త్రాయతాం వః .. 24..

స్పర్ధావర్ధితవింధ్యదుర్భరభరవ్యస్తాద్విహాయస్తలం

హస్తాదుత్పతితా ప్రసాదయతు వః కృత్యాని కాత్యాయనీ .

యాం శూలామివ దేవదారుఘటితాం స్కంధేన మోహాంధధీ-

ర్వధ్యోద్దేశమశేషబాంధవకులధ్వంసాయ కంసోఽనయత్ .. 25..

తూర్ణం తో(రో)షాత్తురాషాట్ప్రభృతిషు శమితే శాత్రవే స్తోత్రకృత్సు

క్లాంతేవోపేత్య పత్యుస్తతభుజయుగలస్యాలమాలంబనాయ .

దేహార్ధే గేహబుద్ధిం ప్రతివిహితవతీ లజ్జయాలీయ కాలీ

కృచ్ఛ్రం వోఽనిచ్ఛయైవాపతితఘనతరాశ్లేషసౌఖ్యా విహంతు .. 26..

ఆస్తాం ముగ్ధేఽర్ధచంద్రః క్షిప సురసరితం యా సపత్నీ భవత్యాః

క్రీడా ద్వాభ్యాం విముంచాపరమలమమునైకేన మే పాశకేన .

శూలం ప్రాగేవ లగ్నం శిరసి యదబలా యుధ్యసేఽవ్యాద్విదగ్ధం

సోత్ప్రాసాలాపపాతైరితి దనుజముమా నిర్దహంతీ దృశా వః .. 27..

వక్రాణాం విక్లవః కిం వహసి బత రుచం స్కంద షణ్ణాం విషణ్ణా-

మన్యాః షణ్మాతరస్తే భవ భవ సకలస్త్వం శరీరార్ధలబ్ధ్యా .

జిహ్మాం హన్మ్యద్య కాలీమితి సమమసుభిః కంఠతో నిర్గతా గీ-

ర్గీర్వాణారేర్యయే(దృ)చ్ఛామృదుపదమృదితస్యాద్రిజా సావతాద్వః .. 28..

గాహస్వ వ్యోమమార్గం గతమహిషభయైర్బ్రధ్న విశ్రబ్ధమశ్వైః

శృంగాభ్యాం విశ్వకర్మన్ఘటయసి న నవం శార్ఙ్గిణః శార్ఙ్గమన్యత్ .

ఐభీ త్వంగిష్ఠురేయం బిభృహి మృదుమిమామీశ్వరేత్యాత్తహాసా

గౌరీ వోఽవ్యాత్క్షతారిః స్వచరణగరిమగ్రస్తగీర్వాణగర్వా .. 29..

క్షిప్తో బాణః కృతస్తే త్రికవినతితతో నిర్వలిర్మధ్యదేశః

ప్రహ్లాదో నూపురస్య క్షతరిపుశిరసః పాదపాతైర్దిశోఽగాత్ .

సంగ్రామే సన్నతాంగి (సంతతా వో)వ్యథయసి మహిషం నైకమన్యానపి త్వం

యే యుధ్య(విద్య)న్తేఽత్ర నైవేత్యవతు పతిపరీహాసహృష్టా శివా వః (తుష్టా భవానీ) .. 30..

మేరౌ మే రౌద్రశృంగక్షతవపుషి రుషో నైవ నీతా నదీనాం

భర్తారో రిక్తతాం యత్తదపి హితమభూన్నిఃసపత్నోఽత్ర కోఽపి .

ఏతన్నో మృష్యతే యన్మహిష కలుషితా స్వర్ధునీ మూర్ధ్ని మాన్యా

శంభోర్భింద్యాద్ధసంతీ పతిమితి శమితారాతిరీతీరుమా వః .. 31..

సద్యః సాధితసాధ్యముద్ధృతవతీ శూలం శివా పాతు వః

పాద(ప్రోత)ప్రాంతవిషక్త ఏవ మహిషాకారే సురద్వేషిణి .

దిష్ట్యా దేవ వృషధ్వజో యది భవానేషాపి నః స్వామినీ

సంజాతా మహిషధ్వజేతి జయయా కేలౌ కృతేఽర్ధస్మితా .. 32..

విద్రాణేంద్రాణి కిం త్వం ద్రవిణదదయితే పశ్య సంఖ్యం స్వసఖ్యాః

స్వాహే స్వస్థా స్వభర్తర్యమృతభు(సృ)జి ముధా రోహిణీ రోదితీయ .

లక్ష్మి శ్రీవత్సలక్ష్మోరసి వససి పురేత్యార్తమాశ్వాసయంత్యాం

స్వర్గస్త్రైణం జయాయాం జయతి హతరిపోర్హ్రేపితం హైమవత్యా .. 33..

నిర్వాణః కిం త్వమేకో రణశిరసి శిఖిఞ్శార్ఙ్గధన్వాపి విధ్యం-

స్తత్తే ధైర్యం క్వ యాతం జహిహి జలపతే దీనతాం త్వం న దీనః .

శక్తో నో శత్రుభంగే భయపిశున సునాసీర నాసీరధూలి-

ర్ధిగ్యాసి క్వేతి జల్పన్రిపురవధి యయా పార్వతీ పాతు సా వః .. 34..

నందిన్నానందదో మే తవ మురజమృదుః సంప్రహారే ప్రహారః

కిం దంతే రోమ్ణి రుగ్ణే వ్రజసి గజముఖ త్వం వశీభూత ఏవ .

నిఘ్నన్నిఘ్నన్నిదానీం ద్యుజనమిహ మహాకాల ఏకోఽస్మి నాన్యః

కన్యాద్రేర్దైత్యమిత్థం ప్రమథపరిభవే మృద్గతీ త్రాయతాం వః .. 35..

వజ్రం మజ్ఞో మరుత్వానరి హరిరురసః శూలమీశః శిరస్తో

దండం తుండాత్కృతాంతస్త్వరితగతిగదామస్థితోఽర్థాధినాథః .

ప్రాపన్యత్పాదపిష్టే ద్విషి మహిషవపుష్యంగలగ్నాని భూయో-

ఽప్యాయూంషీవాయుధాని ద్యువసతయ ఇతి స్తాదుమా సా శ్రియే వః .. 36..

దృష్టావాసక్తదృష్టిః (కృతమఖవికృతిః)ప్రథమమివ తథా సమ్ముఖీనాభిముఖ్యే

స్మేరా హాసప్రగల్భే ప్రియవచసి కృతశ్రోత్రపేయాధికోక్తిః .

ఉద్యుక్తా నర్మకర్మణ్యవతు పశుపతౌ (పశుపతేః)పూర్వవత్పార్వతీ వః

కుర్వాణా సర్వమీషద్వినిహితచరణాలక్తకేవ క్షతారిః .. 37..

దైత్యో దోర్దర్పశాలీ నహి మహిషవపుః కల్పనీయాభ్యుపాయో

వాయో వారీశ విష్ణో వృషగమన వృషన్కిం (బృహత్)విషాదో వృథైవ .

బధ్నీత బ్రధ్నమిశ్రాః కవచమచకితాశ్చిత్రభానో దహారీ-

నేవం దేవాంజయోక్తే జయతి హతరిపోర్హ్రేపితం హైమవత్యాః

(నేవం దేవాంజయోక్తే జయతి హతరిపుర్హ్రేపితస్వర్నికాయా) .. 38..

ఆ వ్యోమవ్యాపిసీమ్నాం వనమతిగహనం గాహమానో భుజానా-

మర్చిర్మోక్షేణ మూర్చ్ఛందవదహనరుచాం లోచనానాం త్రయస్య (త్రయేణ) .

యస్యా నిర్మజ్జమజ్జచ్చరణభరనతో గాం విభిద్య ప్రవిష్టః

పాతాలం పంకపాతోన్ముఖ ఇవ మహిషః స్తాదుమా సా శ్రియే వః .. 39..

నీతే నిర్వ్యాజదీర్ఘాం మఘవతి మఘవద్వజ్రలజ్జానిదానే

నిద్రాం ద్రాగేవ దేవద్విషి ముషితరుషః(భియః)సంస్మరంత్యాః స్వభావం .

దేవ్యా దృగ్భ్యస్తిసృభ్యస్త్రయ ఇవ గలితా రాశయో రక్తతాయా-(శోణితస్య)

స్త్రాయంతాం(రక్షంతుత్వాం)వస్త్రిశూలక్షతకుహరభువో లోహితాంభః సముద్రాః .. 40..

కాలీ కల్పాంతకాలాకులమివ సకలం లోకమాలోక్య పూర్వం

పశ్చాచ్ఛ్లిష్టే విషాణే విదితదితిసుతా లోహితా మత్సరేణ .

పాదోత్పిష్టే పరాసౌ నిపతతి మహిషే ప్రాక్స్వభావేన గౌరీ

గౌరీ వః పాతు పత్యుః ప్రతినయనమి(ఇ)వావిష్కృతాన్యోన్యరూపా(భావా) .. 41..

గమ్యం నాగ్నేర్న (జితేందుం)చేందోః సపది దినకృతాం ద్వాదశానామసహ్యం(శక్యం)

శక్రస్యాక్ష్ణాం సహస్రం సహ సురసదసా సాదయంతం ప్రసహ్య .

ఉత్పాతోగ్రాంధకారాగమమివ మహిషం నిఘ్నతీ శర్మ దిశ్యా-

 ద్దేవీ వో వామపాదాంబురుహనఖమయైః పంచభిశ్చంద్రమోభిః .. 42..

దత్త్వా స్థూలాంత్రమాలావలివిఘసహసద్ధస్మరప్రేతకాంతం

కాత్యాయన్యాత్మనైవ త్రిదశరిపుమహాదైత్యదేహోపహారం .

విశ్రాంత్యై పాతు యుష్మాన్క్షణముపరి ధృ(కృ)తం కేసరిస్కంధభిత్తే-

ర్బిభ్రత్తత్కేసరాలీమలిముఖరరణన్నూపురం పాదపద్మం .. 43..

కోపేనేవారుణత్వం దధదధికతరాలక్ష్యలాక్షారసశ్రీః

శ్లిష్యచ్ఛృంగాగ్రకోణక్వణితమణితులాకోటిహుంకారగర్భః .

ప్రత్యాసన్నాత్మమృత్యుప్రతిభయమసురైరీక్షితో హంత్వరీన్వః

పాదో దేవ్యాః కృతాంతోఽపర ఇవ మహిషస్యోపరిష్టాన్నివిష్టః .. 44..

ఆహంతుం(ఘాతం)నీయమానా భరవిధురభుజస్రంసమానోభయాంసం

కంసేనైనాంసి సా వో హరతు హరియశోరక్షణాయ క్షమాపి .

ప్రాక్ప్రాణానస్య నాస్యద్గగనముదపతద్గోచరం యా శిలాయాః

సంప్రాప్యాగామివింధ్యాచలశిఖరశిలావాసయోగోద్యతేవ .. 45..

సామ్నా నామ్నాయయోనేర్ధృతిమకృత హరేర్నాపి చక్రేణ భేదా-

త్సేంద్రస్యైరావణస్యాప్యుపరి కలుషితః (పులకితః)కేవలం దానవృష్ట్యా .

దాంతో దండేన మృత్యోర్న చ విఫలయథోక్తాభ్యుపాయో హతోఽరి-

ర్యేనోపాయః స పాదః సుఖయతు భవతః (నదతు భవదఘం)పంచమశ్చండికాయాః .. 46..

భర్తా కర్తా త్రిలోక్యాస్త్రిపురవధకృతీ పశ్యతి త్ర్యక్ష ఏష

క్వ స్త్రీ క్వాయోధనేచ్ఛా న తు సదృశమిదం ప్రస్తుతం కిం మయేతి .

మత్వా సవ్యాజసవ్యేతరచరణచలా(నఖా)ఙ్గుష్ఠకోణాభిమృష్టం(కోణేన పిష్ట్వా)

సద్యో యా లజ్జితేవాసురపతిమవధీత్పార్వతీ పాతు సా వః .. 47..

వృద్ధోక్షో న క్షమస్తే భవతు భవ భవద్వాహ ఏషోఽధునేతి

క్షిప్తః పాదేన దేవం ప్రతి ఝటితి యయా కేలికాంతం విహస్య .

దంతజ్యోత్స్నావితానైర(అలభత)తనుభిరతనుర్న్యక్కృతార్ధేందుభాభి-

ర్గౌరో గౌరేవ జాతః క్షణమివ మహిషః సావతాదంబికా వః .. 48..

ప్రాక్కామం దహతా కృతః పరిభవో యేన త్రిసంధ్యానతైః(తేః)

సేర్ష్యా వోఽవతు చండికా చరణయోః స్వం పాతయంతీ పతిం .

కుర్వత్యాభ్యధికం కృతే ప్రతికృతం ముక్తేన మౌలౌ ముహు-

ర్బాష్పేణాహితకజ్జలేన లిఖితం స్వం నామ (నామేవ)చంద్రే యయా .. 49..

తుంగాం(ఙ్గాః)శృంగాగ్రభూమిం(మిః)శ్రితవతి మరుతాం ప్రే(ప్రో)తకాయే నికాయే

కుంజౌత్సుక్యాద్విశత్సు శ్రుతికుహరపుటం ద్రాక్కకుప్కుంజరేషు .

స్మిత్వా వః సంహృతాసోర్దశనరుచికృతాకాండకైలాసభాసః

పాయాత్పృష్ఠాధిరూఢే స్మరముషి మహిషస్యోచ్చహాసేవ దేవీ .. 50..

కృత్వా పాతాలపంకే(ఙ్కైః)క్షయరయమిలితైకా(ర)ర్ణవేచ్ఛావగాహం

దాహాన్నేత్రత్రయాగ్నేర్విలయనవిగలచ్ఛృంగశూన్యోత్తమాంగః .

క్రిడాక్రోడాభిశంకాం విదధదపిహితవ్యోమసీమా మహిమ్నా

వీక్ష్య క్షుణ్ణో యయారిస్తృణమివ మహిషః సావతాదంబికా(కాలికా)వః .. 51..

శూలే శైలావికంపం న నిమిషితమిషౌ పట్టిశే సాట్టహాసం

ప్రాసే సోత్ప్రాసమవ్యాకులమపి(ఇవ)కులిశే జాతశంకం న శంకౌ .

చక్రేఽవక్రం(క్త్రం)కృపాణే(ణం)న కృపణమసురారాతిభిః పాత్యమానే

దైత్యం పాదేన దేవీ మహిషితవపుషం పింషతీ వః పునాతు .. 52..

చక్రే చక్రస్య నాస్త్ర్యా న చ ఖలు పరశోర్న క్షురప్రస్య నాసే-

ర్యద్వక్త్రం కైతవావిష్కృతమహిషతనౌ విద్విషత్యాజిభాజి .

ప్రోతాత్ప్రాసేన మూర్ధ్నః సఘృణమభిముఖాయాతయా కాలరాత్ర్యా

కల్యాణాన్యాననాబ్జం సృజతు తదసృజో ధారయా వక్రితం వః .. 53..

హస్తాదుత్పత్య యాంత్యా గగనమగణితాధైర్యవీర్యావలేపం

వైలక్ష్యేణేవ పాండుద్యుతిమదితిసుతారాతిమాపాదయంత్యాః .

దర్పానల్పాట్టహాస(సా)ద్విగుణతరసితాః సప్తలోకీజనన్యా-

స్తర్జన్యా జన్యదూతో నఖరుచితతయ(రరుచ)స్తర్జయంత్యా జయంతి .. 54..

ప్రాలేయాచలపల్వలైకబిసినీ సార్యాస్తు వః శ్రేయసే

యస్యాః పాదసరోజసీమ్ని మహిషక్షోభాత్క్షణం విద్రుతాః .

నిష్పిష్టే పతితాస్త్రివిష్టపరిపౌ గీత్యుత్సవోల్లాసినో

లోకాః సప్త సపక్షపాతమరుతో భాంతి స్మ భృంగా ఇవ .. 55..

ఆప్రాప్యే(ప్తే)షురుదాసితాసిరశనేరారాత్కుతః శంకత-

శ్చక్రవ్యుక్రమకృత్పరోక్షపరశుః శూలేన శూన్యో యయా .

మృత్యుర్దైత్యపతేః కృతః సుసదృశః పాదాంగులీపర్వతః(ణాః)

పార్వత్యా ప్రతిపాల్యతాం త్రిభువనం నిఃశల్యకల్యం తయా .. 56..

నష్టానష్ష్టౌ గజేంద్రానవత న వసవః కిం దిశో ద్రాగ్గృహీతాః

శార్ఙ్గిన్సంగ్రామయుక్త్యా లఘురసి గమితః సాధు తార్క్ష్యేణ తైక్ష్ణ్యం .

ఉత్ఖాతా నేత్రపక్తిర్న తవ సమరతః(సురపతే)పశ్య నశ్యద్బలం స్వం

స్వర్నాథేత్యాత్తదర్పం వ్యసుమసురముమా కుర్వతీ త్రాయతాం వః .. 57..

శ్రుత్వా శత్రుం దుహిత్రా నిహతమతిజడోఽప్యాగతోఽహ్నాయ హర్షా-

దాశ్లిష్యంఛైలకల్పం మహిషమవనిభృద్బాంధవో వింధ్యబుద్ధ్యా .

యస్యాః శ్వేతీకృతేఽస్మిన్స్మితదశనరుచా తుల్యరూపో హిమాద్రి-

ర్ద్రాగ్ద్రాఘీయానివాసీదవతమస(తనుజను)నిరాసాయ సా స్తాదుమా వః .. 58..

క్షిప్తోఽయం మందరాద్రిః పునరపి భవతా వేష్ట్యతాం వాసుకేఽబ్ధౌ(సౌ)

ప్రీయస్వానేన(ప్రీతోఽనేనైవ)కిం తే బిసతనుతనుభిర్భక్షితస్తార్క్ష్య నాగైః .

అష్టాభిర్దిగ్గజేంద్రః సహ న హరికరీ కర్షతీమం హతే వో

హ్రీమత్యా హైమవత్యాస్త్రిదశ(దివ)రిపుప(హ)తౌ పాంత్వితి వ్యాహృతాని .. 59..

ఏష ప్లోష్టా పురాణాం త్రయమసుహృదురఃపాటనోఽయం నృసింహో

హంతా త్వాష్ట్రం ద్యురాష్ట్రాధిప ఇతి వివిధాన్యుత్సవేచ్ఛాహృతానాం .

విద్రాణానాం విమర్దే దితితనయమయే నాకలోకేశ్వరాణా-

మశ్రద్ధేయాని కర్మాణ్యవతు విదధతీ పార్వతీ వో హతారిః .. 60..

శత్రౌ శాతత్రిశూలక్షతవపుషి రుషా ప్రే(గ్రో)షితే ప్రేతకాష్ఠాం

కాలీ కీలాలకుల్యాత్రయమధికరయం(తరం)వీక్ష్య విశ్వాసితద్యౌః .

త్రిస్రోతాస్త్ర్యంబకేయం వహతి తవ భృశం పశ్య రక్తా విశేషా-

న్నో మూర్ధ్నా ధార్యతే కిం హసితపతిరితి ప్రీతయే కల్పతాం వః .. 69..

శృంగే పశ్యో(యస్య)ర్ధ్వదృష్ట్యాధికతరమతనుః సన్న పుష్పాయుధోఽస్మి

వ్యాలాసంగేఽపి నిత్యం న భవతి భవతో భీర్నయజ్ఞోఽస్మి యేన .

త్వం ముంచోచ్చైః పినాకిన్పునరపి విశిఖం దానవానాం పురోఽహం

పాయాత్సోత్ప్రాసమేవం హసితహరముమా మృద్గతీ దానవం వః .. 62..

నందీశోత్సార్యమాణాపసృతిసమనమన్నాకిలోకం(నృత్యం)నువత్యా

నప్తుర్హస్తేన హస్తం తదనుగతగతేః షణ్ముఖస్యావలంబ్య .

జామాతుర్మాతృమధ్యోపగమపరిహృతే దర్శనే శర్మ దిశ్యాత్-

నేదీయచ్చుంబ్యమానా (దేవీ సంతుష్యమాణా)మహిషవధమహే మేనయా మూర్ధ్న్యుమా వః .. 63..

భక్త్యా భృగ్వత్రిముఖ్యైర్మునిభిరభినుతా బిభ్రతీ నైవ గర్వం

శర్వాణీ శర్మణే వః ప్రశమితసకలోపప్లవా సా సదాస్తు .

యా పార్ష్ణిక్షుణ్ణశత్రుర్విగలితకులిశప్రాసపాశత్రిశూలం

(యా పార్ష్ణిక్షుణ్ణశత్రుర్విగలితకులిశాపాస్తశస్త్రీపినాకం)

నాకౌకోలోకమేవ స్వమపి భుజవనం సంయుగేఽవస్త్వమంస్త .. 64..

చక్రం శౌరేః ప్రతీపం ప్రతిహతమగమ(పత)త్ప్రాగ్ద్యుధామ్నాం తు పశ్చా-

దాపచ్చాపం బలారేర్న పరమగుణతాం పూస్త్రయప్లోషిణోఽపి .

శక్త్యాలం మాం విజేతుం న జగదపి శిశౌ షణ్ముఖే కా కథేతి

న్యక్కుర్వన్నాకిలోకం రిపురవధి యయా సావతాత్పార్వతీ వః .. 65..

విద్రాణే రుద్రవృందే సవితరి తరలే వజ్రిణి ధ్వస్తవజ్రే

జాతాశంకే శశాంకే విరమతి మరుతి త్యక్తవైరే కుబేరే .

వైకుంఠే కుంఠితాస్త్రే మహిషమతిరుషం పౌరుషోపఘ్ననిఘ్నం

నిర్విఘ్నం నిఘ్నతీ వః శమయతు దురితం భూరిభావా భవానీ .. 66..

భూషాం భూయస్తవాద్య ద్విగుణతరమహం దాతుమేవైష లగ్నో

భగ్నే దైత్యేన దర్పాన్మహిషితవపుషా కిం విషాణే విషణ్ణః .

ఇత్యుక్త్వా పాతు మాతుర్మహిషవధమహే కుంజరేంద్రాననస్య

న్యస్యన్నాస్యే గుహో వః స్మితసితరుచినీ ద్వేషిణో ద్వే విషాణే .. 67..

విశ్రామ్యంతి శ్రమార్తా ఇవ తపనభృతః సప్తయః సప్త యస్మి-

న్సుప్తాః సప్తాపి లోకాః స్థితిముషి మహిషే యామినీధామ్ని యత్ర .

ధారాణాం రౌధిరీణామరుణిమని నభఃసాంద్రసంధ్యాం దధాన-

 స్తస్య ధ్వంసాత్సుతాద్రేరపరదినపతిః పాతు వః పాదపాతైః .. 68..

దేవారేర్దానివారేర్ద్రుతమిహ మహిషచ్ఛద్మనః పద్మసద్మా

విద్రాతీత్యత్ర చిత్రం తవ కిమితి భవన్నాభిజాతో యతః సః .

నాభీతోఽభూత్స్వయంభూరివ సమరభువి త్వం తు యద్విస్మితాస్మీ(మాం)-

త్యు(స్త్య)క్త్వా తద్విస్మితం వః స్మరరిపుమహిషీవిక్రమేఽవ్యాజ్జయాయాః(వః) .. 69..

నిస్త్రింశేనోచితం తే విశసనమురసశ్చండి కర్మాస్య ఘోరం

వ్రీడామస్యోపరి త్వం కురు దృఢహృదయే(యం)ముంచ శస్త్రాణ్యమూని .

ఇత్థం దైత్యైః సదైన్యం సమదమపి సురైస్తుల్యమేవోచ్యమానా

రుద్రాణీ దారుణం వో ద్రవయతు దురితం దానవం దారయంతీ .. 70..

చక్షుర్దిక్షు క్షిపంత్యాశ్చలితకమలినీచారుకోషాభితామ్రం

మంద్రధ్వానానుయాతం ఝటితి వలయినో ముక్తబాణస్య పాణేః .

చండ్యాః సవ్యాపసవ్యం సురరిపుషు శరాన్ప్రేరయంత్యా జయంతి

త్రుట్యంతః పీనభాగే స్తనవలనభరాత్సంధయః కంచుకస్య .. 71..

బాహూత్క్షేపసముల్లసత్కుచతటం ప్రాంతస్ఫుటత్కంచుకం

గంభీరోదరనాభిమండలగలత్కాంచీధృతార్ధాంశుకం .

పార్వత్యా (రుద్రాణ్యాః)మహిషాసురవ్యతికరే వ్యాయామ(శృంగార)రమ్యం వపుః

పర్యస్తావధిబంధబంధురలసత్కేశోచ్చయం పాతు వః .. 72..

చక్రం చక్రాయుధస్య క్వణతి నిపతితం రోమణి గ్రావణీవ

స్థాణోర్బాణశ్చ లేభే ప్రతిహతిమురుణా చర్మణా వర్మణేవ .

యస్యేతి క్రోధగర్భం హసితహరిహరా తస్య గీర్వాణశత్రోః

పాయాత్పాదేన మృత్యుం మహిషతనుభృతః కుర్వతీ పార్వతీ వః .. 73..

కృత్వా వక్త్రేందుబింబం చలదలకలసద్భ్రూలతాచాపభంగం

క్షోభ(కోపాత్)వ్యాలోలతారం స్ఫురదరుణరుచిస్ఫారపర్యంతచక్షుః .

సంధ్యాసేవాపరాద్ధం భవమివ పురతో వామపాదాంబుజేన

 క్షిప్రం దైత్యం క్షిపంతీ మహిషితవపుషం పార్వతీ వః పునాతు .. 74..

గంగాసంపర్కదుష్యత్కమలవనసముద్ధూతధూలీవిచిత్రో

వాంఛాసంపూర్ణభావాదధికతరరసం తూర్ణమాయాన్సమీపం .

క్షిప్తః పాదేన దూరం వృషగ ఇవ యయా వామపాదాభిలాషీ

దేవారిః కైతవావిష్కృతమహిషవపుః సావతాదంబికా వః .. 75..

భద్రే భ్రూచాపమేతన్నమయసి ను వృథా (శమయ మమ (శమయసి తు)రుషా)విస్ఫురన్నేత్రబాణం

నాహం కేలౌ రహస్యే ప్రతియువతికృతఖ్యాతిదోషః పినాకీ .

దేవీ సోత్ప్రాసమేవం ధృతమహిషతనుం (మహిషితవపుషం)దృప్తమంతఃసకోపం

దేవారిం పాతుయుష్మానతిపరుషపదా నిఘ్నతీ భద్రకాలీ .. 76..

అన్యోన్యాసంగగాఢవ్యతికరదలితభ్రష్టకాపాలమాలాం(లం)

స్వాం భోః (స్వాంగం)సంత్యజ్య (వినయస్య)శంభౌ(భో)ఖురపుటదలితప్రోల్లసద్ధూలిపాండుః .

భద్రే క్రీ(క్రో)డాభిమర్దీ తవ సవిధమహం కామతః ప్రాప్త ఈశో-

ఽత్రైవం సోత్ప్రాసమవ్యాన్మహిషసురరిపుం నిఘ్నతీ పార్వతీ వః .. 77..

జ్వాలాధారాకరాలం ధ్వ(స్వ)నితకృతభయం యం ప్రభేత్తుం (యత్ర కర్తుం)న శక్తం

చక్రం విష్ణోర్దృఢాస్రి(శ్రి)ప్ర(సృ)తివిహతరయం దైత్యమాలా(యా)వినాశి(లాసి) .

క్షుణ్ణస్తస్యస్థిసారో విబుధరిపుపతేః(విభోః)పాదపాతేన యస్యా

రుద్రాణీ పాతు సా వః ప్రశమితసకలోపప్లవా(భువనోపద్రవా)నిర్విఘాతం .. 78..

గాఢావష్టంభపాదప్రబల(చుర)భరనమత్పూర్వకాయోర్ధ్వభాగం

దైత్యం సంజా(నిజ్ఞా)తశిక్షం జనమహిషమివ న్యక్కృ(ప్రాకృ)తాగ్ర్యాంగభాగం .

ఆరూఢా శూలపాణిః కృతవిబుధభయం(రూపం)హంతుకామం సగర్వం

దేయాద్వశ్చంతితాని ద్రుతమహిషవధావాప్తతుష్టిర్భవానీ .. 79..

బ్రహ్మా(హ్మన్)యోగైకతానో విరహభవ(భవవిరహ)భయాద్ధూర్జటిః స్త్రీ(స్వీ)కృతాత్మా

వక్షః శౌరేర్విశాలం ప్రణయకృతపదా పద్మవాసాధిశేతే .

యుద్ధక్ష్మామేవమేతే విజహతు ధిగిమం(మాంత్)యస్త్యజత్యేష శక్రో (శత్రుః)

(యుద్ధక్ష్మామేవమేతే విజహతు విదిశం ద్రాక్త్యజత్వేష శక్రః)

దృప్తం(ష్టం)దైత్యేంద్రమేవం సుఖయతు సమదా నిఘ్నతీ పార్వతీ వః .. 80..

ఏవం ముగ్ధే కిలాసీః కరకమలరుచా(తయా)మా ముహుః కేశపాశం

సోఽన్యస్త్రీణాం రతాదౌ కలహసముచితో యః ప్రియే దోష(కోప)లబ్ధే .

వైదగ్ధ్యాదేవమంతః కలుషితవచనం దుష్టదేవారినాథం

దేవీ వః పాతు పార్ష్ణ్యా దృఢతనుమసుభిర్మోచయంతీ భవానీ .. 81..

బాలోఽద్యాపీశజన్మా సమరముడుపభృత్పాంసులీలావిలాసీ

(బాలోఽద్యాపీశజన్మా సమరసురపతిర్భస్మలీలావిలాసీ)

నాగాస్యః శాతదంతః స్వతనుకరమదాద్విహ్వలః సోఽపి శాంతః .

ధిగ్యాసి క్వేతి దు(దృ)ష్టం ము(మృ)దితతనుముదం దానవం సస్ఫురో(టో)క్తం

పాయాద్వః శైలపుత్రీ మహిషతనుభృతం నిఘ్నతీ వామపార్ష్ణ్యా .. 82..

మూర్ధ్నః శూలం మమైతద్విఫలమభిముఖం శంకరోత్ఖాతశూలం

సంగ్రామాద్దూరమేతద్ధృ(మస్మత్స్థి)తమరి హరిణా మన్మనః కర్షతీవ .

గర్వాదేవం క్షిపంతం విబుధజనవిభూందైత్యసేనాధినాథం

శర్వాణీ పాతు యుష్మాన్పదభరదలనాత్ప్రాణతో దూరయంతీ .. 83..

భ్రామ్యద్ధామౌర్వదా(ద్భీమోరుదే)హక్షుభితజలచరవ్యస్తవీచీన్సకంపా-

న్కృత్వై(వా)వాశు(ద్రాగ)ప్రసన్నాన్పునరపి జలధీన్మందరక్షోభభాజః .

దర్పాదాయాంతమేవ శ్రుతిపుటపరుషం నాదమభ్యుద్గిరంతం

కన్యాద్రేః పాతు యుష్మాంశ్చరణభరనతం పింషతీ దైత్యనాథం .. 84..

మైనామిందో(మైనాం ముగ్ధై)ఽభినైషీః శ్రితపృథుశిఖరాం శృంగయుగ్మస్య పార్శ్వం(త్ర్యం)

యుద్ధక్ష్మాయాం తనుం స్వాం రతిమదవిలసతత్స్త్రీకటాక్షక్షమేయం .

భానో కిం వీక్షితేన క్షితిమహిషతనౌ త్వం హి సంన్యస్తపాదో

దర్పాదేవం హసంతం వ్యసుమసురసుమా కుర్వతీ త్రాయతాం వః .. 85..

సంగ్రామాత్త్రస్తమేతం త్యజ నిజమహిషం లోకజీవేశ మృత్యో

స్యాతుం శూలా(శస్త్రా)గ్రభూమౌ గతభయమజయం మత్తమేతం గృహాణ .

దైత్యే పాదేన యస్యాశ్ఛాలమహిషతనౌ శాయి(ప్రాపి)తే దీర్ఘనిద్రాం

భావోత్పత్తౌ(ద్రాగ్దుర్మేదే)జయైవం హసతి(హసిత)పితృపతిం సాంబికా వః పునాతు .. 86..

శ్రుత్వైతత్క(ఈదృక్క్)ర్మ భావాదనిభృతరభసం స్థాణునాభ్యేత్య (శంభునాగత్య)దూరా-

చ్ఛ్లిష్టా బాహుప్రసారం (బాహూపసాదం)శ్వసితభరచలత్తారకా ధూతహస్తా (కోద్ధూతహస్తా) .

దైత్యే గీర్వాణశత్రౌ (సంతాపితారౌ)భువనసుఖముషి ప్రే(ప్రో)షితే ప్రేతకాష్ఠాం

గౌరీ వోఽవ్యాన్మిలత్సు(త్స్వరూపం)త్రిదివిషు తమలం లజ్జయా వారయంతీ .. 87..

భద్రే స్థాణుస్తవాఙ్ధ్రిః క్షతమహిషరణవ్యాజకండూతిరేష(వ)

త్రైలోక్యక్షేమదాతా(నాత్)భువనభయహరః శంకరోఽతో హరోఽపి .

దేవానాం నాయికే(క)త్వద్గుణకృతవచనోఽతో మహాదేవ ఏష

(దేవైర్బ్రహ్మాదిభిస్త్వద్గుణకృతవచనోఽతో మహాదేవ ఏష)

కేలావేవం స్మరారిర్హసతి రిపువధే యాం శివా పాతు సా వః .. 88

కేలావేవం స్మరారౌ వదతి రిపువధే పార్వతీ వః పునాతు) .. 88..

ఖడ్గః కృష్ణస్య నూనం రహితగుణగతిర్నందకాఖ్యాం ప్రయాతః

శత్రోర్భంగేన వామస్తవ ముదితసురో నందకస్త్వేష పాదః .

భావాదేవం జయాయాం (గతానాం)నుతికృతి నితరాం సన్నిధౌ దేవతానాం

సవ్రీడా భద్రకాలీ హతరిపురవతాద్వీక్షితా శంభునా వః .. 89..

ఏకేనైవోద్గమే(తే)న ప్రవిలయమసురం(జయమపరం)ప్రాపయామీతి పాదో

యస్యాః కాంత్యా నఖానాం హసతి సురరిపుం (సహ విభుధరిపుం)హంతుముద్యన్సగర్వం .

విష్ణోస్రిః పాదపద్మం వలినియమవిధావుద్ధృ(ద్గ)తం)కైతవేన

క్షిప్రం(ప్తం)సా వో రిపూణాం వితరతు విపదం పార్వతీ క్షుణ్ణశత్రుః .. 90..

ఖడ్గం ఖట్వాంగయుక్తం యువతిరపి విభో తే శరీరార్ధలీనా

(గంగా మౌలౌ విలగ్నాయువతిరితి విభో తే శరీరార్ధలీనా)

(ఖట్వాంగం ఖడ్గయుక్తం యువతిరపి విభో తే శరీరార్ధలీనా)

హాస్యం ప్రాగేవ లబ్ధం(గ్నం)సురజనసమితౌ దుష్కృతేన త్వయైవం .

జాతా భూయోఽపి లజ్జా రణత ఇయమలం హాస్యతా శూలభర్త-

ర్దర్పాదేవం హసంతం భవమసురముమా నిన్నతీ త్రాయతాం వః .. 91..

స్థాణౌ కండూవినోదో(దాత్)నుదతి దినకృతస్తేజసా తాపితం నో(నః)

తోయస్థానే న చాప్తం సుఖమధికతరం గాహనేనాంగజాతం .

శూన్యాయాం యుద్ధభూమౌ వదతి హి ధిగిదం మాహిషం రూపమేకం

రుద్రాణ్యారోపితో వః సుఖయతు మహిషే ప్రాణహృత్పాదపద్మః .. 92..

పింషంఛైలేంద్రకల్పం మహిషమతిగురుర్భగ్న(ర్శీర్ణ)గీర్వాణగర్వం

శంభోర్జాతో లఘీయాంఛ్రమరహితవపుర్దూరమభ్యూహ్యపాతః .

వామో దేవారిపృష్ఠే కనకగిరిసదాం క్షేమకారోఽఙ్ఘ్రిపద్మో

యస్యా దుర్వార ఏవం వివిధగుణగతిః సావతాదంబికా వః .. 93

(వామో దేవారిపృష్ఠే కనకగిరిసదాం క్షేమకారో హి యస్యాః

పాదోఽతుల్యప్రభావ వివిధగుణగతిః సావతాదంబికా వః) .. 93..

మార్గం శీతాంశుభాజాం సరభసమలధుం హంతుముద్యన్సురారిం

నేత్రైరుద్వృత్తతారైః సచకితమ(సు)మరైరున్ముఖైర్వీక్ష్యమాణః .

యస్యా వామో మహీయాన్ముదితసురమనాః ప్రాణహృత్పాదపద్మః

ప్రాప్తస్తన్మూర్ధసీమాం సుఖయతు భవతః సా భవానీ హతారిః .. 94..

మూర్ధన్యాపాతభగ్నే మిష(సుర)మహిషతనుః (మిషతనుమహిషః)సన్ననిఃశబ్దకంఠః

శోణాబ్జాతామ్రకాంతి(న్తిః)ప్రతతఘనబృహన్మ(లసన్మ)ణ్డలే పాదపద్మే .

యస్యా లేభే సురారిర్మధురస(పసు)నిభృతద్వాదశార్ధాంఘ్రిలీలాం

శర్వాణీ పాతు సా వస్త్రిభువనభయహృత్స్వగిభిః స్తూయమానా .. 95

(శర్వాణీ పాతు సర్వ త్రిభువనభయహృత్స్వగిభిః స్తూయమానా) .. 95..

పాదోత్క్షేపాద్వ్రజద్భిర్నఖకిరణశతైర్భూషితశ్చంద్రగౌరై-

ర్మూర్ధాగ్రే చాపతద్భిశ్చరణతలగతైరంశుభిః శోణశోభః (పద్మశోణః) .

సంన్యస్తాలీనరత్నప్రవిరచితకరైశ్చర్చితః క్షిప్తకాయై-

ర్యస్యా దేవైః ప్రణీతో హవిరివ మహిషః సావతాదంబికా వః .. 96..

క్వాయం తీక్ష్ణోగ్రధారాశతనిశితవపుర్వజ్రరూపః సురారిః

పాదశ్చాయం సరోజద్యుతిరనతి(మర)గురుర్యోషితః క్వేతి దేవ్యాః .

ధ్యాయం(త్వా)ధ్యాయం(త్వా)స్తుతో యః సురరిపుమథనే విస్మయావద్ధచిత్తైః

పార్వత్యాః సోఽ(సా)వతాద్వస్త్రిభువనగురుభిః సాదరం వంద్యమానః (వీక్ష్యమాణ) .. 97..

వజ్రిత్వం వజ్రపాణేర్దితితనయ(దనుజ)భిదశ్చక్రిణశ్చక్రకృత్యం

శూలిత్వం శూలభర్తుః సురకటక(సమితి)విభోః శక్తితా షణ్ముఖస్య .

యస్యాః పాదేన సర్వం కృతమమరరిపో(దితితనయభృత)ర్బాధయైతత్సురాణాం

రుద్రాణీ పాతు సా వో దనువిఫలయుధాం స్వర్గిణాం క్షేమకారీ .. 98..

పంగుర్నేతా హరీణామసమహరియుతః స్వందనశ్చైకచక్రో

భానోః సామగ్ర్యపేతః కృత ఇతి విధినా త్యక్తవైరః పతంగే .

దర్పాద్భ్రామ్యన్రణక్ష్మాం ప్రతిభటసమరాశ్లేషలుబ్ధః సురారి-

ర్యస్యాః పాదేన నీతః పితృపతిసదనం సావతాదంబికా వః .. 99..

యుక్తం తావద్గజానాం ప్రతిదిశమయ(గమ)నం యుద్ధభూమేర్దిగీశాం

హీయేతాశాగజత్వం సుభటరణకృతాం(యుధాం)కర్మణా దారుణేన .

యద్యేష స్థాణుసంజ్ఞో భయచకితదృశా నశ్యతీత్యద్భుతం త-

(యా చైషాం స్థాణుసంజ్ఞా భయచకితదృశాం నశ్యతీత్యద్భుతం త-)

ద్దర్షాదేవం సంతం సురరిపుమవతాన్నిఘ్నతీ పార్వతీ వః .. 100..

స్రస్తాంగః సన్నచేష్టో భయహతవచనః సన్నదోర్దండశాఖః

(యం దృష్ట్వా స్రస్తచేష్టః భయహతవచనః సన్నదోర్దండశాఖః)

స్థాణుర్దృష్ట్వా (ర్దైత్యం యమాజౌ క్షణమిహ(వ)సరుపం(భయం)స్థాణురేవోపజాతః .

(స్థాణుర్దైత్యం తమాజౌ క్షణమిహ(వ)సరుపం(భయం)స్థాణురేవోపజాతః) .

(స్థాణుర్దైత్యం యమాజౌ క్షణమిహ(వ)సరుపం(భయం)స్థాణురేవోపజాతః) .

(స్థాణుర్దృష్ట్వా సురారిం క్షణమిహ(వ)సరుపం(భయం)స్థాణురేవోపజాతః) .

తస్య ధ్వంసాత్సురారేర్మహితవపుషో లబ్ధమానావకాశః

పార్వత్యా వామపాదః శమయతు దురితం దారుణం వః సదైవ ..

(పార్వత్యా వామపాదః శమయతు భవతాం ధ్వాంతమంతర్హితార్కః) .. 101..

కుంతే దంతైర్నిరుద్ధే ధనుషి విముఖితజ్యే విషాణేన మూ(శూ)లా-

ల్లాంగూలేన ప్రకోష్ఠే వలయిని పతితే తత్కృపాణే స్వపాణేః .

శూలే లోలాంఘ్రిపాతైర్లలితకరతలాత్ప్రచ్యుతే దూరముర్వ్యాం

సర్వాంగీణం లులాయం జయతి చరణతశ్చండికా చూర్ణయంతీ .. 102..

ఇతి మహాకవిశ్రీబాణభట్టవిరచితం చండీశతకం సంపూర్ణం .

చండీకుచపంచాశికాస్తోత్రం

శ్రీగణేశాయ నమః ..

శ్రియం నౌమి దేవీం పరాం పారిజాతాం పదాంభోజరేణూపసేవాపరాణాం .

యదాద్యాక్షరస్యాభిధేయేన శూలీ ప్రలీఢోఽపి మృత్యుప్రజేతా గరేణ .. 1..

ఆశాదాసీభిరూర్ధ్వం కరవిధృతచతుష్కోణభాగాభఖండైః

     ఖండైరాఢ్యా పటానాం విధురవిఘటితా శుష్కతావాసయేయా .

స్వాత్మానాధః పతంతీం సజవమసకృదాకర్షణక్లాంతిపంకి-

     శ్వాసోచ్ఛ్వాసౌఘపూర్ణా హిమగిరిదుహితుః పాతు వోఽపూర్వకంథా .. 2..

ఆసీద్విరించివరదా సురసార్థతీర్థం తేజోమయీ మఖభుజామఖిలాస్తి శక్తిః .

ఏవం భవిష్యతి పురోఽపి పురారిపత్నీ త్రైకాలికం యదితి తన్మహ ఆద్యమీడే .. 3..

మధ్యే పీయూషసింధోర్ధనకుసుమలసత్కల్పవృక్షాంతరాలే

     దివ్యే మణ్యంతరీపే త్రిదశపరివృఢప్రౌఢగీర్వాణవర్ణ్యా .

శర్వాణీ పూర్ణమణ్యాభరణరణరణత్పాణినాభ్యర్ణవాణీం

     తూర్ణం చింతామణేర్మామపి సదసి సదాఽఽశ్లిష్య సింహాసనేఽస్తి .. 4..

వందారువృందారకసుందరీణాం సీమంతభృంగాంచితపాదపద్మా .

సంస్తోతృపద్మాపతిపద్మజన్మస్వారాట్పికాల్యాభ్రగుణా విభాతి .. 5..

యత్రోదగ్రహరిన్మణిప్రవిలసత్సౌధాంకురాణాం గణై-

     రుద్గీర్ణైర్నిజగర్భతశ్చ చణకైః సామ్యం గతానాం నవైః . రుద్గీర్ణైర్నిజ

ముక్తానామమృతద్యుతేరపి భరం వీక్ష్య స్థితానాం హృది

     శ్రాంత్యాఖూ రభసోత్పపాత హృదయే సారంగ ఏతన్ముధా .. 6..

పాదారవిందస్య పురందరోఽపి సేవాం విధాతాఽస్మ్యహమేవ దేవ్యాః .

నార్హస్త్వమస్మిన్నితి వజ్రపాణిర్వ్యాక్షిప్యతే యత్ర గణైర్విచిత్రం .. 7..

బిడౌజసి పదాంబుజే నిబిడతేజసి త్ర్యంబకస్త్రియాః

     ప్రణతిమీప్సితప్రతిపదాప్తయే నిర్జరైః .

హరావపి హరే విధౌ ప్రణతికర్మకార్మీణకే

     జయాంబ జగదంబికే జయ జయేతి యత్ర ధ్వనిః .. 8..

తత్రైకదా నిఖిలలోకచరిత్రవిద్భిః

సంప్రార్థితా భగవతీ ప్రణిధీనవర్గైః .

విజ్ఞాప్యమస్తి కిమపీతి రహస్యమస్మద్-

దృగ్యాయినః కవివరస్య కృతేర్విచిత్రం .. 9..

కిం కుంకుమోఽస్తి కలితామరభోజ్యవీచీ-

సారప్రసారవచసాం ప్రముఖః కవీనాం .

యత్కావ్యమన్యకవితాం విధునోతి జీర్ణాం

జాయామివాభినవముగ్ధవధూస్తనశ్రీః .. 10..

అసహ్యభరసహ్యభూధరమణౌ మహారాష్ట్రకే

మహాబలజటాఢ్యనిష్ప్రథితకృష్ణవేణీ ధునీ .

తదంబులహరీప్లుతా జయతి వాజిసంజ్ఞా పురీ

స లక్ష్మణకవీశ్వరో వసతి తత్ర వృత్త్యా స్వయా .. 11..

వేణీమాధవ ఏవ యస్య జనకః ప్రఖ్యాతకీర్తిస్తథా

రాధా యజ్జననీ సతీ గుణవతీ రామోఽపి యత్సోదరః .

అత్రిర్గోత్రపుమాంశ్చ యస్య కవితా చేతోహరా సామగోపాహ్వో

యః కిల రాజతే చరణయోర్దేవ్యా భవాన్యాః స్వయం .. 12..

యస్య గురుర్యో జాతో దండకరాభిన్నపర్వతాన్వయతః .

రఘునాథమందరాద్రిర్మథితుం తర్కాదిశాస్త్రచయజలధిం .. 13..

స త్వస్మత్పదపంకజస్ఫురదమందానందసందోహద-

స్యందన్మంజుమరందసుందరమధువ్యాలోలరోలంబకః .

సత్పోతేతరతావినీతవనితాసంభోగశూన్యః పున-

ర్యోఽసౌ సంప్రతి కథ్యతే మమ గుణప్రౌఢిప్రబద్ధాత్మకః .. 14..

తస్యైవ చేత్కిమపి కావ్యమకవ్యయేచ్ఛో-

రస్మత్సభాపరిసరే పఠనీయమస్తి .

యన్మత్పదాంబుజమధుప్రతిషేచనేఽస్య

మృద్వీకయాపి న కయాపి న మృద్వికాసః .. 15..

శ్రుత్వాఽఽదేశం దూతవర్గైర్భవాన్యా న్యాసాంధన్యాన్వీక్ష్య వాచః కవేస్తాన్ .

న్యస్తో మూర్ధా స్వామినీపాదపద్మే కర్త్రేత్యుక్తం తత్కృతేర్యత్కృతేఽత్ర .. 16..

సావధానా తతో దేవీ కావ్యశ్రవణకర్మణి .

జాతేత్యాలోచ్య సహగవర్గైః కావ్యం ప్రవర్ణ్యతే .. 17..

యద్యపి పదనుతిరాదౌ కార్యా మాతుస్తథాపి విశ్వస్య .

ముఖ్యమితి స్తనపానం లక్ష్మణబాలేన తత్స్తుతిర్విహితా .. 18..

ప్రాలేయశైలజనుషః సుహిరణ్యవల్ల్యా

గౌర్యాః పయోధరవిచిత్రఫలం పిబామి .

యత్స్పర్శనాదపి బభూవ స శూలినోఽపి

మృత్యుంజయత్వవిభవైకపదేఽభిషేకః .. 19..

కల్యాణావలిమాతనోతు నితరాం కర్పూరపూరాధిక-

ప్రాలేయం తుహినాలిశైలదుహితుస్తుంగం తదంగం హృదః .

యేనాకారి పురారిభాలనయనజ్వాలాకరాలావలీ-

బాఢోల్లీఢతనుస్తదీయహృది సోఽనంగోఽపి రంగే నటః .. 20..

ఆజీవం తదుపాస్మహేఽద్రిదుహితుః కర్పూరగౌరం కుచద్వంద్వం

     నీలగలం సుచందనయుతం తత్ప్రాఙ్ముఖేంద్వంకితం .

యద్వీక్ష్యైవ మమర్ద కిం నవమిదం జీవత్యశేషే మయి

     ప్రారూఢం శివయుగ్మమన్యదబలాహృన్మర్మణీతీర్ష్యయా .. 21..

ప్రత్యూహావలిమాలునాతు దయయా యశ్చార్ధనారీకుచ-

     ప్రాంతోత్తుంగపటీరపంకమదనీమీనైకముద్రాంకురః .

యం కృత్వా స్వయమేవ మన్మథరిపుః పాణిశ్రితస్వేదతో

     యాతః సాత్త్వికతాం హి తత్కజ ఇతి ధ్యాత్వా స్మరార్తోఽభవత్ .. 22..

శర్వాణీకుచకూలమూలవిలసత్కర్పూరకస్తూరికా-

     కాశ్మీరత్రితయావలేపరచనాచాతుర్యచర్యావతాత్ .

యాముద్దిశ్య మహేశమానసమహాహంసః ప్రయాగస్థితా

     వేణ్యేవేత్యవధారయన్నివ మమజ్జానన్యవృత్తిశ్చిరం .. 23..

నిత్యం పాయాదపాయాజ్జగదిహ తు శరచ్చంద్రగౌరప్రభాసౌ

     గౌర్యా వక్షోజయుగ్మద్వయశిఖరచరత్తారహీరాలిమాలా .

చండ్యా మే నాథచేతోవిహరణనిపుణేతీర్ష్యయా తత్ర బద్ధాం

     గంగాం నిశ్చిత్య భర్గః కరమపి చ దదౌ యత్పదే మోక్షకామః .. 24..

నుమోఽపర్ణాఽఽరామస్థలహృదయకాసారతటగ-

ప్రవల్గద్వక్షోజచ్ఛలమిలితచక్రాహ్వయుగలం .

దరాలోకాచ్ఛంభోః శిశిరశశిరేఖానఖగతా

స్మరంతీ సాపత్న్యం వ్యథయతి నితాంతం యదిహ సా .. 25..

వందే తత్కుసుమాయుధాంతకవధూతుంగస్తనాబ్జద్వయం

దుగ్ధామందమరందమందిరమిదం చూచాలిలీఢం పరం .

నిత్యాస్యేందువికాసనాన్ముకులితం షడ్వక్త్రవక్త్రాంబుజైః

పీతం కిం కిమితీశ్వరస్య మనసో యేనాభవద్విస్మయః .. 26..

మల్లీస్రక్ఫణిభోగభూషణమణిశ్రేణీవిదూరోల్లసన్-

మైనాకాచలసోదరీ కుచరసాధారద్వయీ మంజులా .

యస్యాః స్పర్శనతస్త్రిలోచనమనోమానవ్యపాయోఽభవత్

పాయాత్సా నిఖిలాం హి విష్టపలతాం సంసారఝంఝానిలాత్ .. 27..

తుషారగిరికన్యకాకుచతటీపటీరాటవీ

విపాటయతు కంకటోద్భవకఠోరతాపం హి సా .

యదీయదరదర్శనాదపి గరప్రలీఢో హరః

సుఖేన ఘనసారవిస్మరరిపుర్మహోగ్రః శివః .. 28..

రచయతు శివం వక్షోజన్మద్వయం ద్రుహిణోజ్జ్వలత్-

కనకకలశత్విఢ్బీజం తభిశుంభరిపోశ్చిరం .

తదపి చ ముహుర్దర్శం దర్శం కపాలికరోచ్ఛ్రిత-

ప్రఖరనఖరప్రాంచచ్చంద్రోదయోఽపి భవత్యహో .. 29..

దూరీకరోతు దురితాని పురారిదారవక్షోజశైలమిథునం జితమందరాద్రి .

యేనాభవద్భవమనోఽర్ణవతః ప్రమోదపీయూషమత్ర హుతమన్మథజీవనాయ .. 30..

అపారాం సంపత్తిం దిశతు కుచరత్నక్షితిధరః

సముత్తుంగస్థానం సుమనస ఉమే తే మమ చిరం .

యదీయే మూర్ఘ్ని శ్రీగలకరనఖాలిద్యుతిభర-

స్ఫురద్గంగాభంగా ఇహ హి విహరంత్యేవ సతతం .. 31..

తం కాసరాసురవిమర్దసముత్థశోణ-

శోణార్ద్రశోణితకణం స్తనమంబికాయాః .

వందేఽమరేంద్రకరిణః కృతశిల్పచిత్రం

యచ్ఛంభుహృద్యపి కటం స్మరణీబభూవ .. 32..

ఉద్దామద్విపకుంభదర్పదమనం ప్రాలేయశైలాంగజా-

వక్షోజద్వయమత్ర భద్రమనిశం ధత్తాం మమాప్రాకృతం .

యచ్ఛ్రీకంఠకఠోరకోటినఖరశ్రేణీసృణిస్థాపన-

ప్రద్యోతపృథుభాజనం సమభవత్పుష్పాయుధాయోధనే .. 33..

సౌవర్ణాచలసానుసమ్మితకుచద్వంద్వం భవాన్యాః స్తుమః

సేనానీస్ఫురితద్వివేదరసనాసంసర్పమంచాయితం .

ఈశో నైజకరోరుభూషణగణం మత్వేతి భూయస్తరా-

మాదాతుం యతతే యదీయశిఖరప్రాగ్భారపాణిభ్రమః .. 34..

మాలూరద్రుఫలప్రదర్పశమనం ప్రాలేయభూమీధర-

ప్రత్యుప్తప్రతిపక్షబీజమపరం దుర్గాస్తనాద్రిద్వయం .

యద్భోగైకదృశః పిశాచనృపతేర్వక్షఃస్థలే జాగ్రతీ

చిత్రా కాపి విసంస్థులా నమత తత్కండూరఖండాభవత్ .. 35..

దిగ్దంతావలకుంభమౌక్తికమణిశ్రేణీకమేణీదృశః

శర్వాణ్యాః కుచగుచ్ఛయుగ్మమవతాత్సంసారతాపాద్ద్రుతం .

యస్యోపాంతసముత్పతత్పశుపతివ్యాలోలసాభిస్ఫుర-

ల్లీలాపాంగతరంగభృంగసుభగైః శృంగారరంగాయియత్ .. 36..

స్మరారాతేః స్వాంతప్రకటకుముదం మోదయతి యో

హృదాకాశస్థస్తద్దహననయనాబ్జం ముకులయన్ .

దధచ్చూచం లక్ష్మ ప్రకటయతి చక్రాహ్వయుగలం

నిహంత్వద్రేః కన్యాకుచవిధురఘధ్వాంతపటలీం .. 37..

ప్రాలేయాచలకన్యకాకుచతటీపాటీరమోట్టాయితాం

పాపాటోపకఠోరకష్టపటలాన్యాపాటయంతీం స్తుమః .

యత్రాపీనపినాకపాణికఠినోరఃపీఠకంఠోల్లుఠద్-

వ్యాలాలీవలయావలేఖమకరోదాలింగనేఽన్యోన్యతః .. 38..

మాతః పర్యభివాదయే సురపురోద్యానాంతరాలోల్లసద్-

భూజన్యప్రసవాసవావసథముద్వక్షోజకోషద్వయం .

యస్యాంతః పరమేశ్వరస్య కరతః సమ్మర్దనవ్యాపృతౌ

భూతిః సంక్షరతి క్షపాపరివృఢార్భప్రేఢ్యచూడామణేః .. 39..

పరిధీమహితే కుచస్థలీం మణికాంతిద్యునదీనభఃస్థలీం .

శివపాణినఖేందుమండలీం నిజమౌలౌ వినిధాయ యా స్థితా .. 40..

మాతుర్నౌమి పయోధరౌ త్రిజగతామారంభకుభౌ శుభౌ

భావత్కౌ భువి తౌ భవప్రియతమే భావ్యక్షతౌ భాసురౌ .

యౌ శ్రీకంఠకరప్రవాలలతికామూర్ధస్ఫురత్పల్లవౌ

షడ్వక్త్రద్విరదాననాననవనోజ్జన్మాభిలీఢౌ చిరం .. 41..

వక్షఃపీఠే పటాఢ్యం స్మితవిబుధధునీనిర్ఝరైశ్చాభిషిక్తం

మాతర్వక్షోజరాజం శ్రితపవిమణిరుక్చామరం తే నమామి .

ఛత్రం క్షీరం పిపాసోర్నిటిలశశికలాం యత్ర పుత్రస్య మత్వా

దుర్గాధీశో మహేశః కరమపి స దదౌ తత్స్థమారాభినున్నః .. 42..

పటాసక్తం వక్షోజనియుగమపూర్వం గిరిపతేః

సుకన్యే మన్యే తే నవసుభగసారిద్వయమితి .

యదుత్తుంగోత్సంగే మృగధరధరాక్షానుసరణం

కరాబ్జవ్యాపారైః సమమనిశమున్మూలతితరాం .. 43..

ధయత్యేతౌ ధాతా జగదఖిలమేతద్రచయితుం

తథా పాతుం విష్ణుః పిబతి హరజాయే తవ కుచౌ .

ఇతి ప్రేక్షం ప్రేక్షం స్వయమపి హరో మర్దయతి తౌ

జగత్సమ్మర్దాయాభ్యసతి కిము విద్యామభినవాం .. 44..

భవేతాం క్షేమాయ స్మరహరవధూరోజకరిణౌ

యయోరేకా రోమావలికపటశుండాద్భుతకరీ .

మహాదేవస్వాంతప్రచురతరకాసారగతయా

యయా తద్వ్యాపారాంబుజమపహృతం క్రీడనవిధౌ .. 45..

ఉదంచంతౌ మాతస్తవ కుచహరీ హృద్దరిముఖాత్

కురంగానాం తారౌ శివహృదటవీసీమనిహతాం .

నిహత్యైనఃశ్రేణీమదదురధిరోహద్విపపతిం

ప్రకుర్వాణౌ ముక్తావలిమయమిదం యౌ త్రిభువనం .. 46..

తవేమౌ వక్షోజౌ వృజినహరణౌ దివ్యహరిణావహం

ధ్యాయే మాతర్దితిజతృణరాశ్యద్మరవరౌ .

విరూపాక్షస్వాంతోపవనవరయాత్రా చిరతరం

యయోరస్తి స్మారాభిధశబరధాటీవ్యతికరే .. 47..

దృఢం కూర్పాసేన ప్రతిపిహితముర్వీధరసుతే

భవాని త్వద్వక్షోరుహయుగలమీడే తదనిశం .

స్మరంతం వైరం తం స్మరమపరమాసాద్య సుహృదం

స్థితం సంలీయేతి వ్యథయతి హరో యత్పటగృహే .. 48..

వక్షస్తరక్షువరసంస్థముమే కుచం తే

తం నీలకంఠపరిలింగితభోగమీడే .

యత్రేశ్వరస్య మనసస్తవ రూపమేవే-

త్యాకల్పకల్పనమభూత్ ప్రవిలోకనేన .. 49..

ఘనం వక్షోజం తే నవనవహిరణ్యాకృతిధరం

నుమస్తం ప్రహ్లాదావలిజనకమద్రీశ్వరసుతే .

యదీయాభోగేఽస్మిన్ననుపమనఖాలివ్రణతతిః

స్ఫురత్యాకల్పం శ్రీగలకపటకంఠీరవకరైః .. 50..

వర్ధిష్ణుర్బలిమస్తకస్థితపదో వక్షఃకృతశ్రీః సుఖం

కుర్యాన్నస్తుహినావనీధరసుతే వక్షోజవిష్ణుస్తవ .

విష్ణుః శంభుహృదీతి వాక్యమమలం సత్యం విధాతుం స్వయం

యస్తూర్ణం కృతసంస్థితిర్విజయతే తస్యైవ హృన్మందిరే .. 51..

మనస్తిమిరశాంతయే ప్రతిపదం కుచార్కద్వయం

భవాని తవ చింత్యతే హృదయదేవవర్త్మస్థితం .

వికాసయతి సంతతం శివమనఃసరోజం పరం

యదేవ దివసే కథం వ్యథయతీహ కోకానహో .. 52..

స్మరాంతకరవల్లభే తవ పయోధరశ్రీఫలద్వయం

స్మరతి యో జనః స భవతీహ సచ్ఛ్రీఫలః .

ఇతీవ కిల బోధయన్ స్మృతభవత్కుచశ్రీః స్వయం

సముద్రమథనే పపావపి గరం హరః శ్రీఫలః .. 53..

స్మృతా తవ కుచద్వయీ తుహినశైలబాలే హర-

త్యసావఘభరం భవప్రియతమే నృభిః కైరపి .

ఇతీవ హృది తాం దధౌ విధిశిరోవిభేదోద్భవం

ప్రచండవృజినావలీకవలితః కపాలీ ధువం .. 54..

ఉచ్చైరుచ్చైః పదం యా నయతి గురుతరం వర్ధయత్యేవ భోగం

     భూభృత్సత్తాం తనోతి క్షితిధరతనయే త్వత్కుచశ్రీః శ్రియే నః .

యద్దీక్షాభిః కపర్దీ ప్రథమపరివృఢో భైక్ష్యవృత్తిః కపాలీ

     సోఽపి శ్రీమాన్విచిత్రం సపది చ జగతామీశ్వరోఽభూత్సుఖేన .. 55..

వక్షఃస్థం దితిజరిపోస్తవాభివందే

తారుణ్యోదధిజమురోజకౌస్తుభం తం .

యత్స్థానే స్మరజనకం మహో హి కించిత్

సమ్మోహం సపది మహేశితుశ్చకార .. 56..

తారుణ్యాంభోధిజన్మా దలితసుమకరః కామదస్రే ప్రకామం

కామం యచ్ఛత్వపర్ణే పృథుహృదయజనుః పారిజాతద్రుజాతః .

దైత్యవ్రాతాతపఘ్నః పదగతజగతీం ఛాయయా స్వై రసౌఘై

రక్షంస్తృప్తిం చ కుర్వన్భవహృదయమహానందనే నందతే యః .. 57..

మాతః స్తన్యమధు స్తనస్థమనఘం యచ్ఛత్వజస్రం తవ

ప్రౌఢోల్లాసమఖండితం పశుజనుఃపాశచ్ఛిదం సుందరి .

యత్పానం గణపే ప్రకుర్వతి శిశౌ చేతోదృశౌ పశ్యతః

శంభోర్ముగ్ధమభూద్బభూవతురహో వ్యాఘూర్ణితే చ క్షణాత్ .. 58..

శైలేలాపాలబాలే నుమ ఇహ విబుధప్రాణజీవాతుమూర్తిం

క్షీరోదన్వత్ప్రభూతం భవగదహమురోజన్మధన్వంతరిం తే .

యస్యోపాస్తిప్రభావాత్పితృగహనగతో వాసుకిం కాలకూటం

కంఠే బిభ్రచ్చ శూలీ నయనగహుతభుక్సోఽపి మృత్యుంజయోఽభూత్ .. 59..

చంచన్నీలాభచోలీసలిలదపటలీలీనమమ్లానమాలా-

లోలాల్పాంకం దధానం ధరణిధరసుతే నౌమి తే తం కుచేందుం .

యస్యాలోకైర్వినిద్రం భవతి భవమనఃకైరవం హర్షితం చ

క్షీరాసారామృతౌఘం రసవదనముఖైః పాతుకామైశ్చకోరైః .. 60..

క్షీరాశసంసకలకామదమావకే తే వక్షోజనుః సురభిరూపమకం నిహంతు .

యత్పాతృషణ్ముఖగజాస్యహరీంద్రముఖ్యా వత్సా రసస్థరసనావసనైర్విరేజుః .. 61..

విచిత్రాలేఖాఢ్యం సమరదసుచాతుర్యకలితం

దధే మాతస్తం తే హృది హృదయజైరావణమహం .

యదీయాంచద్రోమావలికపటశుండా శివమనః-

సరోజం తచ్చక్షుః సరసి పరివిశ్యైవ హరతి .. 62..

భగవతి తవ వక్షోజన్మరంభాస్వరూపం

శుకహృది సుఫలస్య భ్రాంతిదం దర్శనేన .

దిశతు మమ శివం తన్నృత్యతీశస్య చేతః

కమలమివ సుధర్మా దివ్యదేశే చిరం యత్ .. 63..

ఉదగ్రగ్రీవం తేఽవిరలమసృణం నౌమి గిరిజే

సువృత్తం హీరోద్యన్మణిరుచమురోజేంద్రతురగం .

పయః పాతుం శ్లిష్టద్విరదముఖషడ్వక్త్రవదనా-

న్యపశ్యత్సప్తేశో గణపతిపితా యత్ర సహసా .. 64..

దితిజజనవినాశకం నమస్తే భగవతి కుచకూటకాలకూటం .

యదిహ హృది హరస్య కంఠలగ్నం కిమితి మదన్యదితీర్ష్యయావతస్థే .. 65..

కర్పూరకుంకుమసునాభిజచిత్రలేఖం

మన్యే కుచం వలయితం జననీంద్రచాపం .

యస్యోద్భవే స్మరరిపోః ప్రవవర్ష శంభో-

రానందజాశ్రుసలిలం నయనాంబువాహః .. 66..

శర్వాణి తే తరుణిమోద్గమసింధుజాతం

మన్యే కుచం దరమహం వృజినావలిఘ్నం .

యం కుర్వతో నిజకరే శశిశేఖరస్య

జాతః స్మరైకజనకత్వపదేఽభిషేకః .. 67..

ధరాధరసుతే సుతత్రిదశపేయమాశాస్మహే

తవ స్తనజనుఃసుధారసమసారసంసారహం .

స్మరామి నయనోజ్జ్వలజ్జ్వలనజాలదగ్ధోఽప్యసా-

వనంగ ఇహ యత్పదే కృతపదేన సంజీవితః .. 68..

అలమలమమలోహైః శ్లోకజాలైః కవేస్తైః

యదిదమఖిలమేతైః క్రీతమేవాస్మదీయం .

పునరపి యది చైవం వర్ణ్యతే తర్హ్యహం స్యాం

తదపి భవతు చేత్కిం పారితోషీయమస్య .. 69..

ఇత్యాకర్ణ్య వచో విచార్య చ చమత్కారాంచితం చేతసి

శ్రీదేవ్యాశ్చకితాః ప్రభోః ప్రణిధయశ్చక్రుస్తథా తైః పరం .

భూయః కించిదుదంచితస్తబకయా వాచేదమన్విష్యతే

యచ్చోక్తం కిల పారితోషికమితి స్యాత్కిం తదుక్తం వద .. 70..

స్తోత్రం గృహీతమనఘం స్తనపాలలక్ష్మ్యా

శుల్కం మదీయమఖిలం హి మయాస్య దత్త్వా .

శిష్టాహమస్మి మదభేదమనర్ఘమేతం

దాస్యామి తస్య పరితోషణికం సుఖేన .. 71..

ఏతదేవ కవిరాజమానసే కాంక్షితం లసతి సంతతం కిల .

అన్యదేకమపి దీయతే స్వతః భూయతామనుచరేశ్వరాః స్ఫుటం .. 72..

ఇతి స్తనఘటస్తవం పఠతి యస్తు చండ్యా మమ

ప్రసన్నహృదయః ప్రియో భవతి మే సదా సూనువత్ .

కవిర్భవతి భూమిపస్తుతవచఃప్రపంచః క్షితౌ

లభేత కిల వాంఛితం సహృది సుందరీణాం స్మరః .. 73..

మదీయచరణాంబుజే భవతి భక్తిభాజాం ప్రభుః

క్షితీశముకుటస్థితప్రసవపూజ్యపాదాంబుజః .

అనేకనవపద్మినీస్తనగిరీంద్రకాంతిచ్ఛటా-

జటాలహృదయాంతరః సదసి సంస్థితో రాజతే .. 74..

యః శ్రద్ధయా మమ ఘనస్తనకుంభలక్ష్మ్యాః

స్తోత్రం పఠేచ్చ కిల సంశృణుయాత్సలోకః .

గీర్వాణవామనయనానయనారవింద-

జాలప్రభాసరణికజ్జలతాముపైతి .. 75..

పృథివ్యాం భూపాలో భవతి నవవామోరునయన-

ప్రఫుల్లాంభోజన్మద్యుమణిరపి వాచా సురగురుః .

నిరస్తప్రోచ్చండాఖిలరిపుగణో మత్కుచతటీ-

స్తవం కుర్వన్నిత్యం జయతి నిజలక్ష్మ్యాపి ధనదం .. 76..

యశ్చిత్తే మమ కుచసంస్తవం దధాతి ప్రావీణ్యం సకలకలాసు సోఽయమేతి .

ఆమ్నాయస్మరణమపీహ మామకీనే పాదాంభోరుహయుగలే లభేత భక్తిం .. 77..

రమాపి సదనే సదా కృతపదా ముదా దాసవద్-

రిపుర్భవతి మిత్రవద్యువతిసంగమో మోక్షవత్ .

అవాగపి కవీశవద్భవతి పాతకం పుణ్యవద్-

యశోభిరమలా దిశో దశ భవంతి యస్తం పఠేత్ .. 78..

చండీకుచపంచాశత్సంజ్ఞమిమం యః స్తవం నవం పఠతి .

స నరో న పునర్జనుషే భవతి హి నిఃశ్రేయసాయ మే దయయా .. 79..

తథాఽస్తు కిల తత్పరం తవ జయంతు మాతః ప్రభో

పదాంబుజమధుచ్ఛదాః కవివరస్య మౌలౌ వరం .

యతో హి కవితామృతం పిబతి యః స ముక్తః శ్రుత-

స్తతః స భవతా న కిం జగతి ముక్తికాంతాపతిః .. 80..

ఇత్యుక్తవత్యనుచరేంద్రగణే పురస్తా-

దంబాపదాంబుజనితా మకరందధారా .

యా స్యందితా శిరసి మే కవిలక్ష్మణస్య

స్వప్నోత్థితస్య తు పునాతు పునస్త్రిలోకీం .. 81..

యావచ్ఛివార్ధగతమస్తి వపుస్త్వదీయం

యావత్త్వదంఘ్రికమలం చ పునాతి విశ్వం .

తావత్తవాంబ చరణాంబుజయోర్నిపత్య

యాచే త్వహం కిమపి యః శయనోత్థితస్త్వాం .. 82..

వాక్కాయచిత్తప్రకృతిస్వభావబుద్ధ్యాత్మభిః సదసతోరపి సంగమేన .

యద్యత్కృతం యదపి భావ్యమశేషమాతర్యద్యత్కరోమ్యఖిలమస్తు తవార్పణం తత్ .. 83..

ఇతి శ్రీమదత్రిగోత్రమాణిక్యసామగోపనామకవేణీమాధవాచార్యసుత-

రసాలంకారపారావారపారీణలక్ష్మణాచార్యకృతా

శ్రీచండీకుచపంచాశికాస్తోత్రం సంపూర్ణం ..

చండీకవచం

శ్రీగణేశాయ నమః .

అస్య శ్రీచండీకవచస్య బ్రహ్మా ఋషిః , అనుష్టుప్ ఛందః ,

చాముండా దేవతా , అంగన్యాసోక్తమాతరో బీజం ,

దిగ్బంధదేవతాస్తత్త్వం , శ్రీజగదంబాప్రీత్యర్థే జపే వినియోగః .

ఓం నమశ్చండికాయై .

ఓం మార్కండేయ ఉవాచ .

ఓం యద్గుహ్యం పరమం లోకే సర్వరక్షాకరం నృణాం .

యన్న కస్యచిదాఖ్యాతం తన్మే బ్రూహి పితామహ .. 1..

బ్రహ్మోవాచ .

అస్తి గుహ్యతమం విప్ర సర్వభూతోపకారకం .

దేవ్యాస్తు కవచం పుణ్యం తచ్ఛృణుష్వ మహామునే .. 2..

ప్రథమం శైలపుత్రీతి ద్వితీయం బ్రహ్మచారిణీ .

తృతీయం చంద్రఘంటేతి కూష్మాండేతి చతుర్థకం .. 3..

పంచమం స్కందమాతేతి షష్ఠం కాత్యాయనీతి చ .

సప్తమం కాలరాత్రిశ్చ మహాగౌరీతి చాష్టమం .. 4..

నవమం సిద్ధిదాత్రీ చ నవదుర్గాః ప్రకీర్తితాః .

ఉక్తాన్యేతాని నామాని బ్రహ్మణైవ మహాత్మనా .. 5..

అగ్నినా దహ్యమానస్తు శత్రుమధ్యే గతో రణే .

విషమే దుర్గే చైవ భయార్తాః శరణం గతాః .. 6..

న తేషాం జాయతే కించిదశుభం రణసంకటే .

నాపదం తస్య పశ్యామి శోకదుఃఖభయం నహి .. 7..

యైస్తు భక్త్యా స్మృతా నూనం తేషాం సిద్ధిః ప్రజాయతే .

యే త్వాం స్మరంతి దేవేశి రక్షసే తాన్న సంశయః . 8..

ప్రేతసంస్థా తు చాముండా వారాహీ మహిషాసనా .

ఐంద్రీ గజసమారుఢా వైష్ణవీ గరుడాసనా .. 9..

మాహేశ్వరీ వృషారుఢా కౌమారీ శిఖివాహనా .

లక్ష్మీః పద్మాసనా దేవీ పద్మహస్తా హరిప్రియా .. 10..

శ్వేతరూపధరా దేవీ ఈశ్వరీ వృషవాహనా .

బ్రాహ్మీ హంససమారుఢా సర్వాభరణభూషితా .. 11..

ఇత్యేతా మాతరః సర్వాః సర్వయోగసమన్వితాః .

నానాభరణశోభాఢ్యా నానారత్నోపశోభితా .. 12..

దృశ్యంతే రథమారుఢా దేవ్యః క్రోధసమాకులాః .

శంఖం చక్రం గదాం శక్తిం హలం చ ముసలాయుధం .. 13..

ఖేటకం తోమరం చైవ పరశుం పాశమేవ చ .

కుంతాయుధం త్రిశూలం చ శార్ఙ్గమాయుధముత్తమం .. 14..

దైత్యానాం దేహనాశాయ భక్తానామభయాయ చ .

ధారయంత్యాయుధానీత్థం దేవానాం చ హితాయ వై .. 15..

నమస్తేఽస్తు మహారౌద్రే మహాఘోరపరాక్రమే .

మహాబలే మహోత్సాహే మహాభయవినాశినీ .. 16..

త్రాహి మాం దేవి దుష్ప్రేక్ష్యే శత్రూణాం భయవర్ధిని .

ప్రాచ్యాం రక్షతు మామైంద్రీ ఆగ్నేయామగ్నిదేవతా .. 17..

దక్షిణేఽవతు వారాహీ నైరృత్యాం ఖడ్గధారిణీ .

ప్రతీచ్యాం వారుణీ రక్షేద్వాయవ్యాం మృగవాహినీ .. 18..

ఉదీచ్యాం రక్ష కౌబేరి ఈశాన్యాం శూలధారిణీ .

ఊర్ధ్వం బ్రహ్మాణీ మే రక్షేదధస్తాద్వైష్ణవీ తథా .. 19..

ఏవం దశ దిశో రక్షేచ్చాముండా శవవాహనా .

జయా మే అగ్రతః స్థాతు విజయా స్థాతు పృష్ఠతః .. 20..

అజితా వామపార్శ్వే తు దక్షిణే చాపరాజితా .

శిఖాం మే ద్యోతినీ రక్షేదుమా మూర్ధ్ని వ్యవస్థితా .. 21..

మాలాధరీ లలాటే చ భ్రువౌ రక్షేద్యశస్వినీ .

త్రినేత్రా చ భ్రువోర్మధ్యే యమఘంటా చ నాసికే .. 22..

శంఖినీ చక్షుషోర్మధ్యే శ్రోత్రయోర్ద్వారవాసినీ .

కపోలౌ కాలికా రక్షేత్కర్ణమూలే తు శాంకరీ .. 23..

నాసికాయాం సుగంధా చ ఉత్తరోష్ఠే చ చర్చికా .

అధరే చామృతకలా జిహ్వాయాం చ సరస్వతీ .. 24..

దంతాన్ రక్షతు కౌమారీ కంఠమధ్యే తు చండికా .

ఘంటికాం చిత్రఘంటా చ మహామాయా చ తాలుకే .. 25..

కామాక్షీ చిబుకం రక్షేద్వాచం మే సర్వమంగలా .

గ్రీవాయాం భద్రకాలీ చ పృష్ఠవంశే ధనుర్ధరీ .. 26..

నీలగ్రీవా బహిఃకంఠే నలికాం నలకూబరీ .

స్కంధయోః ఖడ్గినీ రక్షేద్ బాహూ మే వజ్రధారిణీ .. 27.. ఖడ్గధారిణ్యుభౌ స్కంధౌ

హస్తయోర్దండినీ రక్షేదంబికా చాంగులీస్తథా .

నఖాంఛూలేశ్వరీ రక్షేత్ కుక్షౌ రక్షేన్నలేశ్వరీ .. 28..

స్తనౌ రక్షేన్మహాలక్ష్మీర్మనఃశోకవినాశినీ .

హృదయే లలితాదేవీ ఉదరే శూలధారిణీ .. 29..

నాభౌ చ కామినీ రక్షేద్గుహ్యం గుహ్యేశ్వరీ తథా .

పూతనా కామికా మేఢ్రం గుదే మహిషవాహినీ .. 30.. భూతనాథా చ మేఢ్రం చ

కట్యాం భగవతీ రక్షేజ్జానునీ వింధ్యవాసినీ .

జంఘే మహాబలా ప్రోక్తా సర్వకామప్రదాయినీ .. 31..

గుల్ఫయోర్నారసింహీ చ పాదౌ చామితతేజసీ .

పాదాంగులీః శ్రీర్మే రక్షేత్పాదాధస్తలవాసినీ .. 32..

నఖాందంష్ట్రాకరాలీ చ కేశాంశ్చైవోర్ధ్వకేశినీ .

రోమకూపేషు కౌబేరీ త్వచం వాగీశ్వరీ తథా .. 33..

రక్తమజ్జావమాంసాన్యస్థిమేదాంసీ పార్వతీ .

అంత్రాణి కాలరాత్రిశ్చ పిత్తం చ ముకుటేశ్వరీ .. 34..

పద్మావతీ పద్మకోశే కఫే చుడామణిస్తథా .

జ్వాలాముఖీ నఖజ్వాలా అభేద్యా సర్వసంధిషు .. 35..

శుక్రం బ్రహ్మాణీ మే రక్షేచ్ఛాయాం ఛత్రేశ్వరీ తథా .

అహంకారం మనో బుద్ధిం రక్ష మే ధర్మచారిణి .. 36..

ప్రాణాపానౌ తథా వ్యానం సమానోదానమేవ చ .

వజ్రహస్తా చ మే రేక్షేత్ప్రాణం కల్యాణశోభనా .. 37..

రసే రూపే చ గంధే చ శబ్దే స్పర్శే చ యోగినీ .

సత్త్వం రజస్తమశ్చైవ రక్షేన్నారాయణీ సదా .. 38..

ఆయూ రక్షతు వారాహీ ధర్మం రక్షతు వైష్ణవీ .

యశః కీర్తిం చ లక్ష్మీం చ ధనం విద్యాం చ చక్రిణీ .. 39..

గోత్రమింద్రాణీ మే రక్షేత్పశూన్మే రక్ష చండికే .

పుత్రాన్ రక్షేన్మహాలక్ష్మీర్భార్యాం రక్షతు భైరవీ .. 40..

పంథానం సుపథా రక్షేన్మార్గం క్షేమకరీ తథా .

రాజద్వారే మహాలక్ష్మీర్విజయా సర్వతః స్థితా .. 41..

రక్షాహీనం తు యత్స్థానం వర్జితం కవచేన తు .

తత్సర్వం రక్ష మే దేవి జయంతీ పాపనాశినీ .. 42..

పదమేకం న గచ్ఛేత్తు యదీచ్ఛేచ్ఛుభమాత్మనః .

కవచేనావృతో నిత్యం యత్ర యత్రాధిగచ్ఛతి .. 43..

తత్ర తత్రార్థ లాభశ్చ విజయః సార్వకామికః .

యం యం కామయతే కామం తం తం ప్రాప్నోతి నిశ్చితం .

పరమైశ్వర్యమతులం ప్రాప్స్యతే భూతలే పుమాన్ .. 44..

నిర్భయో జాయతే మర్త్యః సంగ్రామేష్వ పరాజితః .

త్రైలోక్యే తు భవేత్పూజ్యః కవచేనావృతః పుమాన్ .. 45..

ఇదం తు దేవ్యాః కవచం దేవానామపి దుర్లభం .

యః పఠేత్ప్రయతో నిత్యం త్రిసంధ్యం శ్రద్ధయాన్వితః .. 46..

దైవీ కలా భవేత్తస్య త్రైలోకేష్వ పరాజితః .

జీవేద్వర్షశతం సాగ్రమపమృత్యు వివర్జితః .. 47..

నశ్యంతి వ్యాధయః సర్వే లూతావిస్ఫోటకాదయః .

స్థావరం జంగమం వాపి కృత్రిమం చాపి యద్విషం .. 48..

అభిచారాణి సర్వాణి మంత్రయంత్రాణి భూతలే .

భూచరాః ఖేచరాశ్చైవ జలజాశ్చోపదేశికాః .. 49..

సహజాః కులజా మాలాః శాకినీ డాకినీ తథా .

అంతరిక్షచరా ఘోరా డాకిన్యశ్చ మహాబలాః .. 50..

గ్రహభూతపిశాచాశ్చ యక్షగంధర్వరాక్షసాః .

బ్రహ్మరాక్షసవేతాలాః కూష్మాండా భైరవాదయః .. 51..

నశ్యంతి దర్శనాత్తస్య కవచే హృది సంస్థితే .

మానోన్నతిర్భవేద్రాజ్ఞస్తేజోవృద్ధికరం పరం .. 52..

యశసా వర్ధతే సోఽపి కీర్తిమండితభూతలే .

జపేత్సప్తశతీం చండీం కృత్వా తు కవచం పురా .. 53..

యావద్భూమండలం ధత్తే సశైలవనకాననం .

తావత్తిష్ఠతి మేదిన్యాం సంతతిః పుత్రపౌత్రకీ .. 54..

దేహాంతే పరమం స్థానం యత్సురైరపి దుర్లభం .

ప్రాప్నోతి పురుషో నిత్యం మహామాయాప్రసాదతః .. 55..

లభతే పరమం రూపం శివేన సహ మోదతే .. 56..

.. ఇతి శ్రీవారాహపురాణే హరిహరబ్రహ్మవిరచితం దేవ్యాః కవచం సంపూర్ణం ..

చండికాష్టకం

సహస్రచంద్రనిత్దకాతికాంత-చంద్రికాచయై-

దిశోఽభిపూరయద్ విదూరయద్ దురాగ్రహం కలేః .

కృతామలాఽవలాకలేవరం వరం భజామహే

మహేశమానసాశ్రయన్వహో మహో మహోదయం .. 1..

విశాల-శైలకందరాంతరాల-వాసశాలినీం

త్రిలోకపాలినీం కపాలినీ మనోరమామిమాం .

ఉమాముపాసితాం సురైరూపాస్మహే మహేశ్వరీం

పరాం గణేశ్వరప్రసూ నగేశ్వరస్య నందినీం .. 2..

అయే మహేశి! తే మహేంద్రముఖ్యనిర్జరాః సమే

సమానయంతి మూర్ద్ధరాగత పరాగమంఘ్రిజం .

మహావిరాగిశంకరాఽనురాగిణీం నురాగిణీ

స్మరామి చేతసాఽతసీముమామవాససం నుతాం .. 3..

భజేఽమరాంగనాకరోచ్ఛలత్సుచామ రోచ్చలన్

నిచోల-లోలకుంతలాం స్వలోక-శోక-నాశినీం .

అదభ్ర-సంభృతాతిసంభ్రమ-ప్రభూత-విభ్రమ-

ప్రవృత-తాండవ-ప్రకాండ-పండితీకృతేశ్వరాం .. 4..

అపీహ పామరం విధాయ చామరం తథాఽమరం

నుపామరం పరేశిదృగ్-విభావితా-వితత్రికే .

ప్రవర్తతే ప్రతోష-రోష-ఖేలన తవ స్వదోష-

మోషహేతవే సమృద్ధిమేలనం పదన్నుమః .. 5..

భభూవ్-భభవ్-భభవ్-భభాభితో-విభాసి భాస్వర-

ప్రభాభర-ప్రభాసితాగ-గహ్వరాధిభాసినీం .

మిలత్తర-జ్వలత్తరోద్వలత్తర-క్షపాకర

ప్రమూత-భాభర-ప్రభాసి-భాలపట్టికాం భజే .. 6..

కపోతకంబు-కామ్యకంఠ-కంఠయకంకణాంగదా-

దికాంత-కాశ్చికాశ్చితాం కపాలికామినీమహం .

వరాంఘ్రినూపురధ్వని-ప్రవృత్తిసంభవద్ విశేష-

కావ్యకల్పకౌశలాం కపాలకుండలాం భజే .. 7..

భవాభయ-ప్రభావితద్భవోత్తరప్రభావి భవ్య

భూమిభూతిభావన ప్రభూతిభావుకం భవే .

భవాని నేతి తే భవాని! పాదపంకజం భజే

భవంతి తత్ర శత్రువో న యత్ర తద్విభావనం .. 8..

దుర్గాగ్రతోఽతిగరిమప్రభవాం భవాన్యా

భవ్యామిమాం స్తుతిముమాపతినా ప్రణీతాం .

యః శ్రావయేత్ సపురూహూతపురాధిపత్య

భాగ్యం లభేత రిపవశ్చ తృణాని తస్య .. 9..

రామాష్టాంక శశాంకేఽబ్దేఽష్టమ్యాం శుక్లాశ్వినే గురౌ .

శాక్తశ్రీజగదానందశర్మణ్యుపహృతా స్తుతిః .. 10..

.. ఇతి కవిపత్యుపనామక-శ్రీ ఉమాపతిద్వివేది-విరచితం చండికాష్టకం

సంపూర్ణం ..

చండికాదండకస్తోత్రం

ఓం నమః శ్రీచండికాయై ఊం ఊం ఊం ఉగ్రచండం చచకితచకితం చంచరా(లా)

దుర్గనేత్రం హూం హూం హూంకారరూపం ప్రహసితవదనం ఖంగపాశాన్ ధరంతం .

దం దం దం దండపాణిం డమరుడిమిడిమాం డండమానం భ్రమంతం

భ్రం భ్రం భ్రం భ్రాంతనేత్రం జయతు విజయతే సిద్ధిచండీ నమస్తే .. 1..

ఘ్రం ఘ్రం ఘ్రం ఘోరరూపం ఘుఘురితఘురితం ఘర్ఘరీనాదఘోషం

హుం హుం హుం హాస్యరూపం త్రిభువనధరితం ఖేచరం క్షేత్రపాలం .

భ్రూం భ్రూం భ్రూం భూతనాథం సకలజనహితం తస్య దేహా (?) పిశాచం

హూం హూం హూంకారనాదైః సకలభయహరం సిద్ధిచండీ నమస్తే .. 2..

వ్రం వ్రం వ్రం వ్యోమఘోరం భ్రమతి భువనతః సప్తపాతాలతాలం

క్రం క్రం క్రం కామరూపం ధధకితధకితం తస్య హస్తే త్రిశూలం .

ద్రుం ద్రుం ద్రుం దుర్గరూపం భ్రమతి చ చరితం తస్య దేహస్వరూపం

మం మం మం మంత్రసిద్ధం సకలభయహరం సిద్ధిచండీ నమస్తే .. 3..

ఝం ఝం ఝంకారరూపం ఝమతి ఝమఝమా ఝంఝమానా సమంతాత్

కం కం కంకాలధారీ ధుధురితధురితం ధుంధుమారీ కుమారీ .

ధూం ధూం ధూం ధూమ్రవర్ణా భ్రమతి భువనతః కాలపాస్త్రిశూలం

తం తం తం తీవ్రరూపం మమ భయహరణం సిద్ధిచండీ నమస్తే .. 4..

రం రం రం రాయరుద్రం రురుధితరుధితం దీర్ఘజిహ్వాకరాలం

పం పం పం ప్రేతరూపం సమయవిజయినం సుంభదంభే నిసుంభే .

సంగ్రామే ప్రీతియాతే జయతు విజయతే సృష్టిసంహారకారీ

హ్రీం హ్రీం హ్రీంకారనాదే భవభయహరణం సిద్ధిచండీ నమస్తే .. 5..

హూంకారీ కాలరూపీ నరపిశితముఖా సాంద్రరౌద్రారజిహ్వే

హూంకారీ ఘోరనాదే పరమశిరశిఖా హారతీ పింగలాక్షే .

పంకే జాతాభిజాతే చురు చురు చురుతే కామినీ కాండకంఠే

కంకాలీ కాలరాత్రీ భగవతి వరదే సిద్ధిచండీ నమస్తే .. 6..

ష్ట్రీం ష్ట్రీం ష్ట్రీంకారనాదే త్రిభువననమితే ఘోరఘోరాతిఘోరం

కం కం కం కాలరూపం ఘుఘురితఘురితం ఘుం ఘుమా బిందురూపీ .

ధూం ధూం ధూం ధూమ్రవర్ణా భ్రమతి భువనతః కాలపాశత్రిశూలం

తం తం తం తీవ్రరూపం మమ భయహరణం సిద్ధిచండీ నమస్తే .. 7..

ఝ్రీం ఝ్రీం ఝ్రీంకారవృందే ప్రచరితమహసా వామహస్తే కప్ఃలం

ఖం ఖం ఖం ఖంగహస్తే డమరుడిమడిమాం ముండమాలాసుశోభాం .

రుం రుం రుం రుద్రమాలాభరణవిభూషితా దిర్ఘజిహ్వా కరాలా

దేవి శ్రీ ఉగ్రచండీ భగవతి వరదే సిద్ధిచండీ నమస్తే .. 8..

ఆరుణవర్ణసంకాశా ఖడ్గఫేటకబిందుకా .

కామరూపీ మహాదేవీ ఉగ్రచండీ నమోఽస్తుతే .. 9..

ఇతి శ్రీ చండికాదండకస్తోత్రం సంపూర్ణం ..