Bagalamukhi Stotras & Hymns - Read Sacred Verses

శ్రీ బగళాముఖీ దశనామాత్మక స్తోత్రం

శ్రీ బగళాముఖీ దశనామాత్మక స్తోత్రం.

Telugu

శ్రీ బగళాముఖీ దశనామాత్మక స్తోత్రం

కైలాసాచలమధ్యగం పురవహం శాంతం త్రినేత్రం శివం
వామస్థా కవచం ప్రణంయ గిరిజా భూతిప్రదం పృచ్ఛతి |
దేవీ శ్రీబగలాముఖీ రిపుకులారణ్యాగ్నిరూపా చ యా
తస్యాశ్చాపవిముక్త మంత్రసహితం ప్రీత్యాఽధునా బ్రూహి మాం || 1 ||
శ్రీశంకర ఉవాచ |
దేవీ శ్రీభవవల్లభే శృణు మహామంత్రం విభూతిప్రదం
దేవ్యా వర్మయుతం సమస్తసుఖదం సాంరాజ్యదం ముక్తిదం |
తారం రుద్రవధూం విరించిమహిలా విష్ణుప్రియా కామయు-
-క్కాంతే శ్రీబగలాననే మమ రిపూన్నాశాయ యుగ్మంత్వితి || 2 ||
ఐశ్వర్యాణి పదం చ దేహి యుగలం శీఘ్రం మనోవాంఛితం
కార్యం సాధయ యుగ్మయుక్ఛివవధూ వహ్నిప్రియాంతో మనుః |
కంసారేస్తనయం చ బీజమపరాశక్తిశ్చ వాణీ తథా
కీలం శ్రీమితి భైరవర్షిసహితం ఛందో విరాట్ సంయుతం || 3 ||
స్వేష్టార్థస్య పరస్య వేత్తి నితరాం కార్యస్య సంప్రాప్తయే
నానాసాధ్యమహాగదస్య నియతన్నాశాయ వీర్యాప్తయే |
ధ్యాత్వా శ్రీబగలాననామనువరం జప్త్వా సహస్రాఖ్యకం
దీర్ఘైః షట్కయుతైశ్చ రుద్రమహిలాబీజైర్విన్యాస్యాంగకే || 4 ||
ధ్యానం |
సౌవర్ణాసనసంస్థితాం త్రినయనాం పీతాంశుకోలాసినీం
హేమాభాంగరుచిం శశాంకముకుటాం స్రక్చంపకస్రగ్యుతాం |
హస్తైర్మద్గరపాశబద్ధరసనాం సంబిభ్రతీం భూషణ-
-వ్యాప్తాంగీం బగలాముఖీం త్రిజగతాం సంస్తంభినీం చింతయే || 5 ||
వినియోగః |
ఓం అస్య శ్రీబగలాముఖీ బ్రహ్మాస్త్రమంత్ర కవచస్య భైరవ ఋషిః విరాట్ ఛందః శ్రీబగళాముఖీ దేవతా క్లీం బీజం ఐం శక్తిః శ్రీం కీలకం మమ పరస్య చ మనోభిలషితేష్టకార్యసిద్ధయే వినియోగః |
ఋష్యాదిన్యాసః |
భైరవ ఋషయే నమః శిరసి |
విరాట్ ఛందసే నమః ముఖే |
శ్రీ బగలాముఖీ దేవతాయై నమః హృది |
క్లీం బీజాయ నమః గుహ్యే |
ఐం శక్తయే నమః పాదయోః |
శ్రీం కీలకాయ నమః సర్వాంగే |
కరన్యాసః |
ఓం హ్రాం అంగుష్ఠాభ్యాం నమః |
ఓం హ్రీం తర్జనీభ్యాం నమః |
ఓం హ్రూం మధ్యమాభ్యాం నమః |
ఓం హ్రైం అనామికాభ్యాం నమః |
ఓం హ్రౌం కనిష్ఠికాభ్యాం నమః |
ఓం హ్రః కరతలకరపృష్ఠాభ్యాం నమః |
అంగన్యాసః |
ఓం హ్రాం హృదయాయ నమః |
ఓం హ్రీం శిరసే స్వాహా |
ఓం హ్రూం శిఖాయై వషట్ |
ఓం హ్రైం కవచాయ హుం |
ఓం హ్రౌం నేత్రత్రయాయ వౌషట్ |
ఓం హ్రః అస్త్రాయ ఫట్ |
భూర్భువస్సువరోమితి దిగ్బంధః |
మంత్రోద్ధారః |
ఓం హ్రీం ఐం శ్రీం క్లీం శ్రీబగలాననే మమ రిపూన్నాశయ నాశయ మమైశ్వర్యాణి దేహి దేహి శీఘ్రం మనోవాంఛితకార్యం సాధయః సాధయః హ్రీం స్వాహా |
కవచం |
శిరో మే పాతు ఓం హ్రీం ఐం శ్రీం క్లీం పాతు లలాటకం |
సంబోధనపదం పాతు నేత్రే శ్రీబగలాననే || 1 ||
శ్రుతౌ మమ రిపుం పాతు నాసికాన్నాశయ ద్వయం |
పాతు గండౌ సదా మామైశ్వర్యాణ్యం తం తు మస్తకం || 2 ||
దేహి ద్వంద్వం సదా జిహ్వాం పాతు శీఘ్రం వచో మమ |
కంఠదేశం మనః పాతు వాంఛితం బాహుమూలకం || 3 ||
కార్యం సాధయ ద్వంద్వంతు కరౌ పాతు సదా మమ |
మాయాయుక్తా తథా స్వాహా హృదయం పాతు సర్వదా || 4 ||
అష్టాధికచత్వారింశద్దండాఢ్యా బగలాముఖీ |
రక్షాం కరోతు సర్వత్ర గృహేఽరణ్యే సదా మమ || 5 ||
బ్రహ్మాస్త్రాఖ్యో మనుః పాతు సర్వాంగే సర్వసంధిషు |
మంత్రరాజః సదా రక్షాం కరోతు మమ సర్వదా || 6 ||
ఓం హ్రీం పాతు నాభిదేశం కటిం మే బగలాఽవతు |
ముఖీ వర్ణద్వయం పాతు లింగం మే ముష్కయుగ్మకం || 7 ||
జానునీ సర్వదుష్టానాం పాతు మే వర్ణపంచకం |
వాచం ముఖం తథా పదం షడ్వర్ణా పరమేశ్వరీ || 8 ||
జంఘాయుగ్మే సదా పాతు బగలా రిపుమోహినీ |
స్తంభయేతి పదం పృష్ఠం పాతు వర్ణత్రయం మమ || 9 ||
జిహ్వాం వర్ణద్వయం పాతు గుల్ఫౌ మే కీలయేతి చ |
పాదోర్ధ్వం సర్వదా పాతు బుద్ధిం పాదతలే మమ || 10 ||
వినాశయ పదం పాతు పాదాంగుల్యోర్నఖాని మే |
హ్రీం బీజం సర్వదా పాతు బుద్ధీంద్రియవచాంసి మే || 11 ||
సర్వాంగం ప్రణవః పాతు స్వాహా రోమాణి మేఽవతు |
బ్రాహ్మీ పూర్వదలే పాతు చాగ్నేయాం విష్ణువల్లభా || 12 ||
మాహేశీ దక్షిణే పాతు చాముండా రాక్షసేఽవతు |
కౌమారీ పశ్చిమే పాతు వాయవ్యే చాపరాజితా || 13 ||
వారాహీ చోత్తరే పాతు నారసింహీ శివేఽవతు |
ఊర్ధ్వం పాతు మహాలక్ష్మీః పాతాలే శారదాఽవతు || 14 ||
ఇత్యష్టౌ శక్తయః పాంతు సాయుధాశ్చ సవాహనాః |
రాజద్వారే మహాదుర్గే పాతు మాం గణనాయకః || 15 ||
శ్మశానే జలమధ్యే చ భైరవశ్చ సదాఽవతు |
ద్విభుజా రక్తవసనాః సర్వాభరణభూషితాః || 16 ||
యోగిన్యః సర్వదా పాతు మహారణ్యే సదా మమ |
ఇతి తే కథితం దేవి కవచం పరమాద్భుతం || 17 ||
శ్రీవిశ్వవిజయన్నామ కీర్తిశ్రీవిజయప్రదం |
అపుత్రో లభతే పుత్రం ధీరం శూరం శతాయుషం || 18 ||
నిర్ధనో ధనమాప్నోతి కవచస్యాస్య పాఠతః |
జపిత్వా మంత్రరాజం తు ధ్యాత్వా శ్రీబగలాముఖీం || 19 ||
పఠేదిదం హి కవచం నిశాయాం నియమాత్తు యః |
యద్యత్కామయతే కామం సాధ్యాసాధ్యే మహీతలే || 20 ||
తత్తత్కామమవాప్నోతి సప్తరాత్రేణ శంకరీ |
గురుం ధ్యాత్వా సురాం పీత్వా రాత్రౌ శక్తిసమన్వితః || 21 ||
కవచం యః పఠేద్దేవి తస్యాఽసాధ్యం న కించన |
యం ధ్యాత్వా ప్రజపేన్మంత్రం సహస్రం కవచం పఠేత్ || 22 ||
త్రిరాత్రేణ వశం యాతి మృత్యుం తం నాత్ర సంశయః |
లిఖిత్వా ప్రతిమాం శత్రోః సతాలేన హరిద్రయా || 23 ||
లిఖిత్వా హ్యది తం నామ తం ధ్యాత్వా ప్రజపేన్మనుం |
ఏకవింశద్దినం యావత్ప్రత్యహం చ సహస్రకం || 24 ||
జప్త్వా పఠేత్తు కవచం చతుర్వింశతివారకం |
సంస్తంభం జాయతే శత్రోర్నాత్ర కార్యా విచారణా || 25 ||
వివాదే విజయం తస్య సంగ్రామే జయమాప్నుయాత్ |
శ్మశానే చ భయం నాస్తి కవచస్య ప్రభావతః || 26 ||
నవనీతం చాభిమంత్ర్య స్త్రీణాం దద్యాన్మహేశ్వరి |
వంధ్యాయాం జాయతే పుత్రో విద్యాబలసమన్వితః || 27 ||
శ్మశానాంగారమాదాయ భౌమే రాత్రౌ శనావథ |
పాదోదకేన స్పృష్ట్వా చ లిఖేల్లోహశలాకయా || 28 ||
భూమౌ శత్రోః స్వరూపం చ హృది నామ సమాలిఖేత్ |
హస్తం తద్ధృదయే దత్వా కవచం తిథివారకం || 29 ||
ధ్యాత్వా జపేన్మంత్రరాజం నవరాత్రం ప్రయత్నతః |
ంరియతే జ్వరదాహేన దశమేఽహ్ని న సంశయః || 30 ||
భూర్జపత్రేష్విదం స్తోత్రమష్టగంధేన సంలిఖేత్ |
ధారయేద్దక్షిణే బాహౌ నారీ వామభుజే తథా || 31 ||
సంగ్రామే జయమాప్నోతి నారీ పుత్రవతీ భవేత్ |
బ్రహ్మాస్త్రాదీని శస్త్రాణి నైవ కృంతంతి తం జనం || 32 ||
సంపూజ్య కవచం నిత్యం పూజాయాః ఫలమాలభేత్ |
బృహస్పతిసమో వాపి విభవే ధనదోపమః || 33 ||
కామతుల్యశ్చ నారీణాం శత్రూణాం చ యమోపమః |
కవితాలహరీ తస్య భవేద్గంగాప్రవాహవత్ || 34 ||
గద్యపద్యమయీ వాణీ భవేద్దేవీప్రసాదతః |
ఏకాదశశతం యావత్పురశ్చరణముచ్యతే || 35 ||
పురశ్చర్యావిహీనం తు న చేదం ఫలదాయకం |
న దేయం పరశిష్యేభ్యో దుష్టేభ్యశ్చ విశేషతః || 36 ||
దేయం శిష్యాయ భక్తాయ పంచత్వం చాఽన్యథాప్నుయాత్ |
ఇదం కవచమజ్ఞాత్వా భజేద్యో బగలాముఖీం |
శతకోటి జపిత్వా తు తస్య సిద్ధిర్న జాయతే || 37 ||
దారాఢ్యో మనుజోస్య లక్షజపతః ప్రాప్నోతి సిద్ధిం పరాం
విద్యాం శ్రీవిజయం తథా సునియతం ధీరం చ వీరం వరం |
బ్రహ్మాస్త్రాఖ్యమనుం విలిఖ్య నితరాం భూర్జేష్టగంధేన వై
ధృత్వా రాజపురం వ్రజంతి ఖలు యే దాసోఽస్తి తేషాం నృపః || 38 ||
ఇతి విశ్వసారోద్ధారతంత్రే పార్వతీశ్వరసంవాదే బగళాముఖీకవచం సంపూర్ణం |

శ్రీ బగళాముఖీ వర్ణ కవచం

శ్రీ బగళాముఖీ వర్ణ కవచం.

Telugu

Read Stotra

శ్రీ బగళాముఖీ వర్ణ కవచం

అస్య శ్రీబగళాముఖీవర్ణకవచస్య శ్రీపరమేశ్వరఋషిః అనుష్టుప్ ఛందః శ్రీబగలాముఖీ దేవతా ఓం బీజం హ్లీం శక్తిః స్వాహా కీలకం బగళాప్రసాద సిద్ధ్యర్థే జపే వినియోగః |
ధ్యానం |
జిహ్వాగ్రమాదాయ కరేణ దేవీం
వామేన శత్రూన్ పరిపీడయంతీం |
గదాభిఘాతేన చ దక్షిణేన
పీతాంబరాఢ్యాం ద్విభుజాం నమామి ||
కవచం |
ప్రణవో మే శిరః పాతు లలాటే హ్లీం సదాఽవతు |
బకారో భ్రూయుగం పాతు గకారః పాతు లోచనే || 1 ||
లకారః పాతు మే జిహ్వాం ముకారం పాతు మే శ్రుతిం |
ఖికారం పాతు మే తాలు సకారం చిబుకం తథా || 2 ||
వకారః పాతు మే కంఠం స్కంధౌ పాతు దకారకః |
బాహూ ష్టకారకః పాతు కరౌ పాతు నకారకః || 3 ||
స్తనౌ వకారకః పాతు చకారో హృదయం మమ |
మకారః పాతు మే నాభౌ ఖకారో జఠరం మమ || 4 ||
కుక్షిం పకారకః పాతు దకారః పాతు మే కటిం |
స్తకారో జఘనం పాతు భకారః పాతు మే గుదం || 5 ||
గుహ్యం యకారకః పాతు జకారోఽవతు జానునీ |
ఊరూ హ్వకారకః పాతు గుల్ఫౌ పాతు కకారకః || 6 ||
పాదౌ లకారకః పాతు యకారో స్ఛితి సర్వదా |
బుకారః పాతు రోమాణి ధికారస్తు త్వచం తథా || 7 ||
వికారః పాతు సర్వాంగే నకారః పాతు సర్వదా |
ప్రాచ్యాం శకారకః పాతు దక్షిణాశ్యాం యకారకః || 8 ||
వారుణీం హ్లీం సదా పాతు కౌబేర్యాం ప్రణవేన తు |
భూమౌ స్వకారకః పాతు హకారోర్ధ్వం సదాఽవతు || 9 ||
బ్రహ్మాస్త్రదేవతా పాతు సర్వాంగే సర్వసంధిషు |
ఇతి తే కథితం దేవి దివ్యమక్షరపంజరం || 10 ||
ఆయురారోగ్య సిద్ధ్యర్థం మహదైశ్వర్యదాయకం |
లిఖిత్వా తాడపత్రే తు కంఠే బాహౌ చ ధారయేత్ || 11 ||
దేవాసురపిశాచేభ్యో భయం తస్య న హి క్వచిత్ |
కర్మణేన సందర్శో త్రిషులోకేషు సిద్ధ్యతే || 12 ||
మహాభయే రాజే తు శతవారం పఠేద్యహం |
గృహే రణే వివాదే చ సర్వాపత్తి విముచ్యతే || 13 ||
ఏతత్కవచమజ్ఞాత్వా యో బ్రహ్మాస్త్రముపాసతే |
న తస్య సిద్ధ్యతే మంత్రః కల్పకోటిశతైరపి || 14 ||
ఇతి శ్రీ ఈశ్వరపార్వతిసంవాదే బగళావర్ణకవచం సంపూర్ణం |

శ్రీ బగళాముఖీ స్తోత్రం –1

శ్రీ బగళాముఖీ స్తోత్రం –1.

Telugu

Read Stotra

శ్రీ బగళాముఖీ స్తోత్రం –1

ఓం అస్య శ్రీబగళాముఖీస్తోత్రస్య-నారదఋషిః శ్రీ బగళాముఖీ దేవతా- మమ సన్నిహితానాం విరోధినాం వాఙ్ముఖ-పదబుద్ధీనాం స్తంభనార్థే స్తోత్రపాఠే వినియోగః
మధ్యేసుధాబ్ధి మణిమంటప రత్నవేది
సింహాసనోపరిగతాం పరిపీతవర్ణాం |
పీతాంబరాభరణ మాల్యవిభూషితాంగీం
దేవీం భజామి ధృతముద్గరవైరి జిహ్వాం || 1 ||
జిహ్వాగ్రమాదాయ కరేణ దేవీం
వామేన శత్రూన్ పరిపీడయంతీం |
గదాభిఘాతేన చ దక్షిణేన
పీతాంబరాఢ్యాం ద్విభుజాం భజామి || 2 ||
చలత్కనకకుండలోల్లసితచారుగండస్థలాం
లసత్కనకచంపక ద్యుతిమదిందుబింబాననాం |
గదాహత విపక్షకాం కలితలోలజిహ్వాంచలాం
స్మరామి బగళాముఖీం విముఖవాఙ్మనస్స్తంభినీం || 3 ||
పీయూషో దధిమధ్యచారు విలస ద్రక్తోత్పలే మంటపే
సత్సింహాసన మౌళిపాతితరిపుం ప్రేతాసనాధ్యాసినీం |
స్వర్ణాభాం కరపీడితారిరసనాం భ్రాంయద్గదాం విభ్రమాం
ఇత్థం ధ్యాయతి యాంతి తస్య విలయం సద్యోథ సర్వాపదః || 4 ||
దేవిత్త్వచ్చరణాంబుజార్చనకృతే యః పీత పుష్పాంజలీన్
భక్త్యా వామకరే నిధాయ చ మనుం మన్త్రీ మనోజ్ఞాక్షరం |
పీఠధ్యానపరోఽథ కుంభకవశాద్బీజం స్మరేత్పార్థివ-
స్తస్యామిత్రముఖస్య వాచి హృదయే జాడ్యం భవేత్తత్‍క్షణాత్ || 5 ||
వాదీ మూకతి కంకతి క్షితిపతిర్వైశ్వానరశ్శీతితి
క్రోధీశాంయతి దుర్జనస్సుజనతి క్షిప్రానుగః ఖంజతి |
గర్వీ ఖర్వతి సర్వవిచ్చ జడతి త్వద్యంత్రణా యంత్రితః
శ్రీనిత్యే బగళాముఖి ప్రతిదినం కల్యాణి తుభ్యం నమః || 6 ||
మంత్రస్తావదయం విపక్షదలనే స్తోత్రం పవిత్రం చ తే
యంత్రం వాదినియంత్రణం త్రిజగతాం జైత్రం చ చిత్రం చ తే |
మాతః శ్రీబగళేతి నామ లలితం యస్యాస్తి జంతోర్ముఖే
త్వన్నామగ్రహణేన సంసది ముఖ స్తంభో భవేద్వాదినాం || 7 ||
దుష్టస్తంభనముగ్రవిఘ్నశమనం దారిద్ర్యవిద్రావణం
భూభృద్భీశమనం చలన్మృగదృశాం చేతస్సమాకర్షణం |
సౌభాగ్యైకనికేతనం సమదృశః కారుణ్యపూర్ణామృతం
మృత్యోర్మారణమావిరస్తు పురతో మాతస్త్వదీయం వపుః || 8 ||
మాతర్భంజయ మే విపక్షవదనాం జిహ్వాం చ సంకీలయ
బ్రాహ్మీం ముద్రయ నాశయాశుధిషణాముగ్రాం గతిం స్తంభయ |
శత్రూంశ్చూర్ణయ దేవి తీక్ష్ణగదయా గౌరాంగి పీతాంబరే
విఘ్నౌఘం బగళే హర ప్రణమతాం కారుణ్యపూర్ణేక్షణే || 9 ||
మాతర్భైరవి భద్రకాళి విజయే వారాహి విశ్వాశ్రయే
శ్రీవిద్యే సమయే మహేశి బగళే కామేశి రామే రమే |
మాతంగి త్రిపురే పరాత్పరతరే స్వర్గాపవర్గప్రదే
దాసోఽహం శరణాగతః కరుణయా విశ్వేశ్వరి త్రాహిమాం || 10 ||
సంరంభే సౌరసంఘే ప్రహరణసమయే బంధనేవారిమధ్యే
విద్యావాదేవివాదే ప్రతికృతినృపతౌ దివ్యకాలే నిశాయాం |
వశ్యే వా స్తంభనే వా రిపువధసమయే నిర్జనే వా వనే వా
గచ్ఛంస్తిష్ఠంస్త్రికాలం యది పఠతి శివం ప్రాప్నుయాదాశు ధీరః || 11 ||
త్వం విద్యా పరమా త్రిలోకజననీ విఘ్నౌఘసంఛేదినీ
యోషాకర్షణకారిణీ త్రిజగతామానందసంవర్ధినీ |
దుస్ఫోటోచ్చాటనకారిణీ జనమనస్సంమోహసందాయినీ
జిహ్వాకీలనభైరవీ విజయతే బ్రహ్మాస్త్రమంత్రో యథా || 12 ||
విద్యాలక్ష్మీస్సర్వసౌభాగ్యమాయుః
పుత్రైః పౌత్రైః సర్వసాంరాజ్యసిద్ధిః |
మానో భోగో వశ్యమారోగ్యసౌఖ్యం
ప్రాప్తం తత్తద్భూతలేఽస్మిన్నరేణ || 13 ||
యత్కృతం చ జపం హోమం గదితం పరమేశ్వరీ |
దుష్టానాం నిగ్రహార్థాయ తద్గృహాణ నమోఽస్తు తే || 14 ||
పీతాంబరాం తాం ద్విభుజాం త్రినేత్రాం గాత్రగోజ్జ్వలాం |
శిలాముద్గరహస్తాం చ స్మరేత్తాం బగళాముఖీం || 15 ||
బ్రహ్మాస్త్రమితి విఖ్యాతం త్రిషు లోకేషు విశ్రుతం |
గురుభక్తాయ దాతవ్యం నదేయం యస్య కస్యచిత్ || 16 ||
నిత్యం స్తోత్రమిదం పవిత్రమిహ యో దేవ్యాః పఠత్యాదరాత్
ధృత్వాయంత్రమిదం తథైవ సమరే బాహౌ కరే వా గళే |
రాజానోఽప్యరయో మదాంధకరిణస్సర్పా మృగేంద్రాదికాః
తే వై యాంతి విమోహితా రిపుగణా లక్ష్మీః స్థిరాస్సిద్ధయః || 17 ||
ఇతి శ్రీ రుద్రయామళే తంత్రే శ్రీ బగళాముఖీ స్తోత్రం ||

శ్రీ బగళాముఖీ స్తోత్రం 2

శ్రీ బగళాముఖీ స్తోత్రం 2.

Telugu

Read Stotra

శ్రీ బగళాముఖీ స్తోత్రం 2

అస్య శ్రీబగళాముఖీమహామంత్రస్య – నారదో భగవాన్ ఋషిః – అతిజగతీఛందః – శ్రీ బగళాముఖీ దేవతా – లాం బీజం ఇం శక్తిః – లం కీలకం-మమ దూరస్థానాం సమీపస్థానాం గతి మతి వాక్త్సంభనార్థే జపే వినియోగః
ఓం హ్రీం అంగుష్ఠాభ్యాం నమః
బగళాముఖీ తర్జనీభ్యాం నమః
సర్వదుష్టానాం మధ్యమాభ్యాం నమః
వాచం ముఖం పదం స్తంభయ అనామికాభ్యాం నమః
జిహ్వాం కీలయ బుద్ధిం వినాశయ కనిష్ఠికాభ్యాం నమః
హ్రీం ఓం స్వాహా కరతలకరపృష్టాభ్యాం నమః
ఓం హ్రీం హృదయాయ నమః
బగళాముఖీ శిరసే స్వాహా
సర్వదుష్టానాం శిఖాయై వషత్
వాచం ముఖం పదం స్తంభయ కవచా హుం
జిహ్వాం కీలయ బుద్ధిం వినాశయ నేత్రత్రయాయ వౌషట్
హ్రీం ఓం స్వాహా అస్త్రాయ ఫట్
భూర్భువస్సువరోమితి దిగ్బంధః |
పీతాంబరాం త్రిణేత్రాం చ ద్విభుజాం దహనోజ్వలాం |
శిలాపర్వతహస్తాం చ రిపుకంపాం మహోత్కటాం || 1 ||
గంభీరాం చ మదోన్మత్తాం స్వర్ణకాంతిసమప్రభాం |
వైరినిర్దళనార్థాయ స్మరేత్తాం బగళాముఖీం || 2 ||
చతుర్భుజాం త్రిణయనాం కమలాసనసంస్థితాం |
దక్షిణే ముద్గరం పాశం వామే జిహ్వాం చ వజ్రకం || 3 ||
పీతాంబరధరాం సాంద్రాం దృఢపీనయోధరాం |
వైరివాక్త్సంభినీం దేవీం స్మరామి బగళాముఖీం || 4 ||
హేమకుండలభూషాంగీం శీతచంద్రార్ధశేఖరీం |
పీతభూషణభూషాఢ్యాం స్వర్ణసింహాసనేస్థితాం || 5 ||
త్రిశూలధారిణీమంబాం సర్వసౌభాగ్యదాయినీం |
సర్వశృంగారవేషాఢ్యాం భజేత్తాం బగళాముఖీం || 6 ||
మధ్యే సుధాబ్ధిమణిమంటప రత్న వేద్యాం
సింహాసనోపరిగతాం పరిపీతవర్ణాం |
పీతాంబరాభరణమాల్యవిభూషితాంగీం
దేవీం నమామి ధృత ముద్గరవైరి జిహ్వాం || 7 ||
చలత్కనకకుండలోల్లసితచారుగండస్థలాం
లసత్కనకచంపక ద్యుతిమదర్ధేందు బింబాంచితాం |
సదాహితవిపక్షకాం దళితవైరి జిహ్వాంచలాం
నమామి బగళాముఖీం ధీమతాం వాఙ్మనస్స్తంభినీం || 8 ||
పీయూషో దధిమధ్యచారు విలసద్రత్నోజ్వలే మంటపే
యాసింహాసన మౌళిపాతితరిపు ప్రేతాసనాధ్యాసినీం |
స్వర్ణాభాం కరపీడితారిరశనాం భ్రాంయద్గదాం బిభ్రతీం
యస్త్వాం పశ్యతి తస్య యాంతి విలయం సద్యోహి సర్వాపదః || 9 ||
దేవి త్వచ్చరణాంబుజార్చనకృతే యః పీతపుష్పాంజలిం
ముద్రాం వామకరే నిధాయ చ పునర్మంత్రీ మనోజ్ఞాక్షరీం |
పీఠధ్యానపరోపి కుంభకవశాద్బీజం స్మరేత్ప్రార్థితం
తస్యా మిత్రచయస్య సంసది ముఖ స్తంభో భవేత్తత్క్షణాత్ || 10 ||
(ఓం హ్రీం బగళాముఖి సర్వదుష్టానాం వాచం ముఖం పదం స్తంభయ జిహ్వాం కీలయ బుద్ధిం వినాశయ హ్రీం ఓం స్వాహా)
మంత్రస్తావదయం విపక్షదళనే స్తోత్రం పవిత్రం చ తే
యంత్రంవాదిని యంత్రిణం త్రిజగతాం జైత్రం స చిత్రం చ తత్ |
శ్రీమాతర్బగళేతి నామ లలితం యస్యాస్తి జంతోర్ముఖే
తన్నామస్మరణేన వాగ్భవముఖ స్తంభోభవేత్తత్క్షణాత్ || 11 ||
దుష్టస్తంభనముగ్రవిఘ్నశమనం దారిద్ర్యవిద్రావణం
భూభృత్త్సంభనకారణం మృగదృశాం చేతస్సమాకర్షణం |
సౌభాగ్యైకనికేతనం మమ దృశాం కారుణ్యపూర్ణేక్షణే
మృత్యోర్మారణమావిరస్తు పురతో మాతస్త్వదీయం వపుః || 12 ||
సంఖ్యాగ్రే చోరదండ ప్రహరణసమయే బంధనే వైరిమధ్యే
విద్యావాదే వివాదే ప్రకటితనృపతౌ యుద్ధకాలే నిశాయాం |
వశ్యే చ స్తంభనే వా రిపువధసమయే ప్రాణబాధే రణే వా
గచ్ఛంతీష్టం త్రికాలం తవ పఠనమిదం కారయేదాశు ధీరః || 13 ||
మాతర్భంజయ మద్విపక్షవదనం జిహ్వాం చ సంకీలయ
బ్రాహ్మీం ముద్రయ ముద్రయాశుధిషణామంఘ్ర్యోర్గతిం స్తంభయ |
శత్రూన్ చూర్ణయ చూర్ణయాశు గదయా గౌరాంగి పీతాంబరే
విఘ్నౌఘం బగళే హర ప్రతిదినం కౌమారి వామేక్షణే || 14 ||
మాతర్భైరవి భద్రకాళి విజయే వారాహి విశ్వాశ్రయే
శ్రీనిత్యే బగళే మహేశి సమయే రామే సురామే రమే |
మాతంగి త్రిపురే పరాత్పరతరే స్వర్గాపవర్గప్రదే
వందేహం శరణాగతోస్మికృపయా విశ్వేశ్వరీ త్రాహి మాం || 15 ||
త్వం విద్యా పరమా త్రిలోకజననీ వ్యోషాననం ఛేదినీ
యోషాకర్షణకారిణీ చ సుమహాబంధైకసంభేదినీ |
దుష్టోచ్చాటనకారిణీ రిపుమనస్సందోహసందాయినీ
జిహ్వాకీలనభైరవీ విజయతే బ్రహ్మాస్త్రసారాయణీ || 16 ||
యః కృతం జపసంఖ్యానాం చింతితం పరమేశ్వరీ |
శత్రూణాం బుద్ధినాశాయ గృహాణ మదనుగ్రహాత్ || 17 ||
వైడూర్యహారపరిశోభితహేమమాలాం
మధ్యేతిపీన కుచయోర్ధృతపీతవస్త్రాం |
వ్యాఘ్రాధిరూఢ పరిపూరిత రత్నశోభాం
నిత్యం స్మరామి బగళాం రిపువక్త్ర కీలాం || 18 ||
ఏకాగ్ర మానసో భూత్వా స్తోష్యత్యంబాం సుశోభనాం |
రజన్యా రచితాం మాలాం కరే ధృత్వా జపేచ్ఛుచిః || 19 ||
వామే పాణౌ తు పాశం చ తస్యాధస్తాద్ధృఢం శుభం |
దక్షే కరేఽక్షసూత్రం చ అధఃపద్మం చ ధారిణీం || 20 ||
చాముండే చండికోష్ట్రే హుతవహదయితే శ్యామలే శ్రీభుజంగీ
దుర్గే ప్రత్యంగిరాద్యే మురరిపుభగినీ భార్గవీవామనేత్రే |
నానారూపప్రభేదే స్థితిలయజననం పాలయద్భర్గహృద్యే
విశ్వాద్యే విశ్వజైత్రీ త్రిపురః బగళే విశ్వవంద్యే త్వమేకా || 21 ||
చక్రం ఖడ్గం ముసలమభయం దక్షిణాభిశ్చ దోర్భిః
శంఖం ఖేటం హలమపి చ గదాం బిభ్రతీం వామదోర్భిః |
సింహారూఢామయుగనయనాం శ్యామలాం కంజవక్త్రాం
వందే దేవీం సకలవరదాం పంచమీం మాతృమధ్యాం || 22 ||
ద్వాత్రింశదాయుతయుతైశ్చతురష్టహస్తై-
రష్టోత్తరైశ్శతకరైశ్చ సహస్రహస్తైః |
సర్వాయుధైరయుత బాహుభిరన్వితాం తాం
దేవీం భజామి బగళాం రసనాగ్రహస్తాం || 23 ||
సర్వతశ్శుభకరాం ద్విభుజాం తాం
కంబుహేమ నవకుండల కర్ణాం |
శత్రునిర్దళనకారణకోపాం
చింతయామి బగళాం హృదయాబ్జే || 24 ||
జిహ్వాగ్రమాదాయ కరేణ దేవీం
వామేన శత్రూన్ పరిపీడయంతీం |
గదాభిఘాతేన చ దక్షిణేన
పీతాంబరాఢ్యాం ద్విభుజాం నమామి || 25 ||
వందే వారిజలోచనాం వసుకరాం పీతాంబరాడంబరాం
పీతాంభోరుహసంస్థితాం త్రినయనాం పీతాంగరాగోజ్జ్వలాం |
శబ్దబ్రహ్మమయీం మహాకవిజయీం త్రైలోక్యసంమోహనీం
విద్యుత్కోటి నిభాం ప్రసన్న బగళాం ప్రత్యర్థివాక్త్సంభినీం || 26 ||
దుఃఖేన వా యది సుఖేన చ వా త్వదీయం
స్తుత్వాఽథ నామబగళే సముపైతి వశ్యం |
నిశ్చిత్య శత్రుమబలం విజయం త్వదంఘ్రి
పద్మార్చకస్య భవతీతి కిమత్ర చిత్రం || 27 ||
విమోహితజగత్త్రయాం వశగతావనవల్లభాం
భజామి బగళాముఖీం భవసుఖైకసంధాయినీం |
గేహం నాతతి గర్వితః ప్రణమతి స్త్రీసంగమో మోక్షతి
ద్వేషీ మిత్రతి పాపకృత్సుకృతతి క్ష్మావల్లభోధావతి || 28 ||
మృత్యుర్వైధృతిదూషణం సుగుణతి త్వత్పాదసంసేవనాత్
త్వాం వందే భవభీతిభంజనకరీం గౌరీం గిరీశప్రియాం |
నిత్యం యస్తు మనోహరం స్తవమిదం దివ్యం పఠేత్సాదరం
ధృత్వా యన్త్రమిదం తథైవ సమరే బాహ్వోః కరే వా గళే || 29 ||
రాజానో వరయోషితోథకరిణస్సర్వామృగేంద్రా వశాః
స్తోత్రైర్యాంతి విమోహితా రిపుగణా లక్ష్మీః స్థిరా సిద్ధయః |
నిర్నిద్రే బగళే సముద్రనిలయే రౌద్ర్యాది వాఙ్ముద్రికే
భద్రే రుద్రమనోహరే త్రిభువనత్రాణే దరిద్రాపహే || 30 ||
సద్రత్నాకర భూమిగోజ్వల కరీ నిస్తంద్రి చాంద్రాననే
నీహారాద్రిసుతే నిసర్గసరళే విద్యే సురాద్యే నమః |
దేవీ తస్య నిరామయాత్మజముఖాన్యాయూంషి దద్యాదిదం
యే నిత్యం ప్రజపన్తి భక్తి భరితాస్తేభ్యస్స్తవం నిశ్చితం || 31 ||
నూనం శ్రేయో వశ్యమారోగ్యతాం చ ప్రాప్తస్సర్వం భూతలే సాధకస్తు |
భక్త్యా నిత్యం స్తోత్రమేతత్పఠన్వై విద్యాం కీర్తిం వంశవృద్ధిం చ విన్దేత్ || 32 ||
ఇతి శ్రీరుద్రయామళే శ్రీబగళాముఖీస్తోత్రం ||

శ్రీ బగళాముఖీ హృదయం

శ్రీ బగళాముఖీ హృదయం.

Telugu

Read Stotra

శ్రీ బగళాముఖీ హృదయం

ఓం అస్య శ్రీబగళాముఖీహృదయమాలామంత్రస్య నారదఋషిః అనుష్టుప్ఛందః శ్రీబగళాముఖీ దేవతా హ్లీం బీజం క్లీం శక్తిః ఐం కీలకం శ్రీ బగళాముఖీ ప్రసాద సిద్ధ్యర్థే జపే వినియోగః ||
అథ న్యాసః |
ఓం నారదఋషయే నమః శిరసి |
ఓం అనుష్టుప్ ఛందసే నమః ముఖే |
ఓం శ్రీబగళాముఖీ దేవతాయై నమః హృదయే |
ఓం హ్లీం బీజాయ నమః గుహ్యే |
ఓం క్లీం శక్తయే నమః పాదయోః |
ఓం ఐం కీలకాయ నమః సర్వాంగే |
కరన్యాసః |
ఓం హ్లీం అంగుష్ఠాభ్యాం నమః |
ఓం క్లీం తర్జనీభ్యాం నమః |
ఓం ఐం మధ్యమాభ్యాం నమః |
ఓం హ్లీం అనామికాభ్యాం నమః |
ఓం క్లీం కనిష్ఠికాభ్యాం నమః |
ఓం ఐం కరతలకరపృష్ఠాభ్యాం నమః |
అంగన్యాసః |
ఓం హ్లీం హృదయాయ నమః |
ఓం క్లీం శిరసే స్వాహా |
ఓం ఐం శిఖాయై వషట్ |
ఓం హ్లీం కవచాయ హుం |
ఓం క్లీం నేత్రత్రయాయ వౌషట్ |
ఓం ఐం అస్త్రాయ ఫట్ |
ఓం హ్లీం క్లీం ఐం భూర్భువస్సువరోమితి దిగ్బంధః ||
ధ్యానం |
పీతాంబరాం పీతమాల్యాం పీతాభరణభూషితాం |
పీతకంజపదద్వంద్వాం బగళాం చింతయేఽనిశం ||
పీతశంఖగదాహస్తే పీతచందనచర్చితే |
బగళే మే వరం దేహి శత్రుసంఘవిదారిణీ ||
ఓం హ్లీం క్లీం ఐం బగళాముఖ్యై గదాధారిణ్యై ప్రేతాసనాధ్యాసిన్యై స్వాహా ||
ఇతి మంత్రం జపిత్వా పునః పూర్వవద్ధృదయాది షడంగన్యాసం కృత్వా
స్తోత్రం పఠేత్ ||
కరన్యాసః |
ఓం హ్లీం అంగుష్ఠాభ్యాం నమః |
ఓం క్లీం తర్జనీభ్యాం నమః |
ఓం ఐం మధ్యమాభ్యాం నమః |
ఓం హ్లీం అనామికాభ్యాం నమః |
ఓం క్లీం కనిష్ఠికాభ్యాం నమః |
ఓం ఐం కరతల కరపృష్ఠాభ్యాం నమః |
అంగన్యాసః |
ఓం హ్లీం హృదయాయ నమః |
ఓం క్లీం శిరసే స్వాహా |
ఓం ఐం శిఖాయై వషట్ |
ఓం హ్లీం కవచాయ హుం |
ఓం క్లీం నేత్రత్రయాయ వౌషట్ |
ఓం ఐం అస్త్రాయఫట్ |
ఓం హ్లీం క్లీం ఐం భూర్భువస్సువరోమితి దిగ్విమోకః ||
వందేఽహం బగళాం దేవీం పీతభూషణభూషితాం |
తేజోరూపమయీం దేవీం పీతతేజస్స్వరూపిణీం || 1 ||
గదాభ్రమణాభిన్నాభ్రాం భ్రుకుటీభీషణాననాం |
భీషయంతీం భీమశత్రూన్ భజే భక్తస్య భవ్యదాం || 2 ||
పూర్ణచంద్రసమానాస్యాం పీతగంధానులేపనాం |
పీతాంబరపరీధానాం పవిత్రామాశ్రయాంయహం || 3 ||
పాలయంతీమనుపలం ప్రసమీక్ష్యావనీతలే |
పీతాచారరతాం భక్తాం తాం భవానీం భజాంయహం || 4 ||
పీతపద్మపదద్వంద్వాం చంపకారణ్యవాసినీం |
పీతావతంసాం పరమాం వందే పద్మజవందితాం || 5 ||
లసచ్చారుసింజత్సుమంజీరపాదాం
చలత్స్వర్ణకర్ణావతంసాంచితాస్యాం |
వలత్పీతచంద్రాననాం చంద్రవంద్యాం
భజే పద్మజాదీడ్యసత్పాదపద్మాం || 6 ||
సుపీతాభయామాలయా పూతమంత్రం
పరం తే జపంతో జయం సల్లభంతే |
రణే రాగరోషాప్లుతానాం రిపూణాం
వివాదే బలాద్వైరకృద్ధాతమాతః || 7 ||
భరత్పీతభాస్వత్ప్రభాహస్కరాభాం
గదాగంజితామిత్రగర్వాం గరిష్ఠాం |
గరీయో గుణాగార గాత్రాం గుణాఢ్యాం
గణేశాదిగంయాం శ్రయే నిర్గుణాఢ్యాం || 8 ||
జనా యే జపంత్యుగ్రబీజం జగత్సు
పరం ప్రత్యహం తే స్మరంతః స్వరూపం |
భవేద్వాదినాం వాఙ్ముఖస్తంభ ఆద్యే
జయో జాయతే జల్పతామాశు తేషాం || 9 ||
తవ ధ్యాననిష్ఠా ప్రతిష్ఠాత్మప్రజ్ఞా-
వతాం పాదపద్మార్చనే ప్రేమయుక్తాః |
ప్రసన్నా నృపాః ప్రాకృతాః పండితా వా
పురాణాదిగాధాసుతుల్యా భవంతి || 10 ||
నమామస్తే మాతః కనకకమనీయాంఘ్రి జలజం
బలద్విద్యుద్వర్ణాం ఘనతిమిర విధ్వంస కరణం |
భవాబ్ధౌ మగ్నాత్మోత్తరణకరణం సర్వశరణం
ప్రపన్నానాం మాతర్జగతి బగళే దుఃఖదమనం || 11 ||
జ్వలజ్జ్యోత్స్నారత్నాకరమణివిషక్తాంకభవనం
స్మరామస్తే ధామ స్మరహరహరీంద్రేందు ప్రముఖైః |
అహోరాత్రం ప్రాతః ప్రణయనవనీయం సువిశదం
పరం పీతాకారం పరిచితమణిద్వీపవసనం || 12 ||
వదామస్తే మాతః శ్రుతిసుఖకరం నామ లలితం
లసన్మాత్రావర్ణం జగతి బగళేతి ప్రచరితం |
చలంతస్తిష్ఠంతో వయముపవిశంతోఽపి శయనే
భజామో యచ్ఛ్రేయో దివి దురవలభ్యం దివిషదాం || 13 ||
పదార్చాయాం ప్రీతిః ప్రతిదినమపూర్వా ప్రభవతు
యథా తే ప్రాసన్న్యం ప్రతిఫలమపేక్ష్యం ప్రణమతాం |
అనల్పం తన్మాతర్భవతి భృతభక్త్యా భవతు నో
దిశాతః సద్భక్తిం భువి భగవతాం భూరి భవదాం || 14 ||
మమ సకలరిపూణాం వాఙ్ముఖే స్తంభయాశు
భగవతి రిపుజిహ్వాం కీలయ ప్రస్థతుల్యాం |
వ్యవసితఖలబుద్ధిం నాశయాశు ప్రగల్భాం
మమ కురు బహుకార్యం సత్కృపేఽంబ ప్రసీద || 15 ||
వ్రజతు మమ రిపూణాం సద్మని ప్రేతసంస్థా
కరధృతగదయా తాన్ ఘాతయిత్వాశు రోషాత్ |
సధన వసన ధాన్యం సద్మ తేషాం ప్రదహ్య
పునరపి బగళా స్వస్థానమాయాతు శీఘ్రం || 16 ||
కరధృతరిపు జిహ్వాపీడన వ్యగ్రహస్తాం
పునరపి గదయా తాంస్తాడయంతీం సుతంత్రాం |
ప్రణతసురగణానాం పాలికాం పీతవస్త్రాం
బహుబల బగళాం తాం పీతవస్త్రాం నమామః || 17 ||
హృదయవచనకాయైః కుర్వతాం భక్తిపుంజం
ప్రకటిత కరుణార్ద్రాం ప్రీణతీజల్పతీతి |
ధనమథ బహుధాన్యం పుత్రపౌత్రాదివృద్ధిః
సకలమపి కిమేభ్యో దేయమేవం త్వవశ్యం || 18 ||
తవ చరణసరోజం సర్వదా సేవ్యమానం
ద్రుహిణహరిహరాద్యైర్దేవబృందైః శరణ్యం |
మృదులమపి శరణం తే శర్మదం సూరిసేవ్యం
వయమిహ కరవామో మాతరేతద్విధేయం || 19 ||
బగళాహృదయస్తోత్రమిదం భక్తి సమన్వితః |
పఠేద్యో బగళా తస్య ప్రసన్నా పాఠతో భవేత్ || 20 ||
పీతాధ్యానపరో భక్తో యః శృణోత్యవికల్పతః |
నిష్కల్మషో భవేన్మర్త్యో మృతో మోక్షమవాప్నుయాత్ || 21 ||
ఆశ్వినస్య సితే పక్షే మహాష్టంయాం దివానిశం |
యస్త్విదం పఠతే ప్రేంణా బగళా ప్రీతిమేతి సః || 22 ||
దేవ్యాలయే పఠన్ మర్త్యో బగళాం ధ్యాయతీశ్వరీం |
పీతవస్త్రావృతో యస్తు తస్య నశ్యంతి శత్రవః || 23 ||
పీతాచారరతో నిత్యం పీతభూషాం విచింతయన్ |
బగళాయాః పఠేన్నిత్యం హృదయస్తోత్రముత్తమం || 24 ||
న కించిద్ దుర్లభం తస్య దృశ్యతే జగతీతలే |
శత్రవో గ్లానిమాయాంతి తస్య దర్శనమాత్రతః || 25 ||
ఇతి సిద్ధేశ్వరతంత్రే ఉత్తరఖండే శ్రీ బగళాపటలే శ్రీబగళాహృదయస్తోత్రం ||

శ్రీ బగళాముఖీ అష్టోత్తరశతనామ స్తోత్రం

శ్రీ బగళాముఖీ అష్టోత్తరశతనామ స్తోత్రం.

Telugu

Read Stotra

శ్రీ బగళాముఖీ అష్టోత్తరశతనామ స్తోత్రం

నారద ఉవాచ |
భగవన్ దేవదేవేశ సృష్టిస్థితిలయేశ్వర |
శతమష్టోత్తరం నాంనాం బగళాయా వదాధునా || 1 ||
శ్రీ భగవానువాచ |
శృణు వత్స ప్రవక్ష్యామి నాంనామష్టోత్తరం శతం |
పీతాంబర్యా మహాదేవ్యాః స్తోత్రం పాపప్రణాశనం || 2 ||
యస్య ప్రపఠనాత్సద్యో వాదీ మూకోభవేత్ క్షణాత్ |
రిపవస్స్తంభనం యాన్తి సత్యం సత్యం వదాంయహం || 3 ||
ఓం అస్య శ్రీపీతాంబర్యష్టోత్తరశతనామస్తోత్రస్య సదాశివ ఋషిః అనుష్టుప్ఛందః శ్రీపీతాంబరీ దేవతా శ్రీపీతాంబరీ ప్రీతయే జపే వినియోగః |
ఓం బగళా విష్ణువనితా విష్ణుశంకరభామినీ |
బహుళా దేవమాతా చ మహావిష్ణుప్రసూరపి || 4 ||
మహామత్స్యా మహాకూర్మా మహావారాహరూపిణీ |
నారసింహప్రియా రంయా వామనా పటురూపిణీ || 5 ||
జామదగ్న్యస్వరూపా చ రామా రామప్రపూజితా |
కృష్ణా కపర్దినీ కృత్యా కలహా చ వికారిణీ || 6 ||
బుద్ధిరూపా బుద్ధభార్యా బౌద్ధపాషండఖండినీ |
కల్కిరూపా కలిహరా కలిదుర్గతినాశినీ || 7 ||
కోటిసూర్యప్రతీకాశా కోటికందర్పమోహినీ |
కేవలా కఠినా కాళీ కలా కైవల్యదాయినీ || 8 ||
కేశవీ కేశవారాధ్యా కిశోరీ కేశవస్తుతా |
రుద్రరూపా రుద్రమూర్తీ రుద్రాణీ రుద్రదేవతా || 9 ||
నక్షత్రరూపా నక్షత్రా నక్షత్రేశప్రపూజితా |
నక్షత్రేశప్రియా నిత్యా నక్షత్రపతివందితా || 10 ||
నాగినీ నాగజననీ నాగరాజప్రవందితా |
నాగేశ్వరీ నాగకన్యా నాగరీ చ నగాత్మజా || 11 ||
నగాధిరాజతనయా నగరాజప్రపూజితా |
నవీనా నీరదా పీతా శ్యామా సౌందర్యకారిణీ || 12 ||
రక్తా నీలా ఘనా శుభ్రా శ్వేతా సౌభాగ్యదాయినీ |
సుందరీ సౌభగా సౌంయా స్వర్ణాభా స్వర్గతిప్రదా || 13 ||
రిపుత్రాసకరీ రేఖా శత్రుసంహారకారిణీ |
భామినీ చ తథా మాయా స్తంభినీ మోహినీ శుభా || 14 ||
రాగద్వేషకరీ రాత్రీ రౌరవధ్వంసకారిణీ |
యక్షిణీ సిద్ధనివహా సిద్ధేశా సిద్ధిరూపిణీ || 15 ||
లంకాపతిధ్వంసకరీ లంకేశరిపువందితా |
లంకానాథకులహరా మహారావణహారిణీ || 16 ||
దేవదానవసిద్ధౌఘపూజితాపరమేశ్వరీ |
పరాణురూపా పరమా పరతంత్రవినాశినీ || 17 ||
వరదా వరదారాధ్యా వరదానపరాయణా |
వరదేశప్రియా వీరా వీరభూషణభూషితా || 18 ||
వసుదా బహుదా వాణీ బ్రహ్మరూపా వరాననా |
బలదా పీతవసనా పీతభూషణభూషితా || 19 ||
పీతపుష్పప్రియా పీతహారా పీతస్వరూపిణీ |
ఇతి తే కథితం విప్ర నాంనామష్టోత్తరం శతం || 20 ||
యః పఠేత్పాఠయేద్వాపి శృణుయాద్వా సమాహితః |
తస్య శత్రుః క్షయం సద్యో యాతి నైవాత్ర సంశయః || 21 ||
ప్రభాతకాలే ప్రయతో మనుష్యః
పఠేత్సుభక్త్యా పరిచింత్య పీతాం |
ధ్రువం భవేత్తస్య సమస్తవృద్ధిః
వినాశమాయాతి చ తస్య శత్రుః || 22 ||
ఇతి శ్రీవిష్ణుయామలే నారదవిష్ణుసంవాదే శ్రీబగళాష్టోత్తరశతనామస్తోత్రం |

శ్రీ బగళాష్టోత్తరశతనామావళిః

శ్రీ బగళాష్టోత్తరశతనామావళిః.

Telugu

Read Stotra

శ్రీ బగళాష్టోత్తరశతనామావళిః

Sign In

OTP Verification

Sacred Stotras & Deities

శ్రీ బగళాముఖీ దశనామాత్మక స్తోత్రం

శ్రీ బగళాముఖీ వర్ణ కవచం

శ్రీ బగళాముఖీ స్తోత్రం –1

శ్రీ బగళాముఖీ స్తోత్రం 2

శ్రీ బగళాముఖీ హృదయం

శ్రీ బగళాముఖీ అష్టోత్తరశతనామ స్తోత్రం

శ్రీ బగళాష్టోత్తరశతనామావళిః

MENU

LINKS

Astrologer Section

Vendor Section

GET ADVICE ON

Download Our Apps