Chinnamasta Stotras & Hymns - Read Sacred Verses

శ్రీ ఛిన్నమస్తా కవచం

శ్రీ ఛిన్నమస్తా కవచం.

Telugu

శ్రీ ఛిన్నమస్తా కవచం

దేవ్యువాచ |
కథితాశ్ఛిన్నమస్తాయా యా యా విద్యాః సుగోపితాః |
త్వయా నాథేన జీవేశ శ్రుతాశ్చాధిగతా మయా || 1 ||
ఇదానీం శ్రోతుమిచ్ఛామి కవచం పూర్వసూచితం |
త్రైలోక్యవిజయం నామ కృపయా కథ్యతాం ప్రభో || 2 ||
భైరవ ఉవాచ |
శృణు వక్ష్యామి దేవేశి సర్వదేవనమస్కృతే |
త్రైలోక్యవిజయం నామ కవచం సర్వమోహనం || 3 ||
సర్వవిద్యామయం సాక్షాత్సురాత్సురజయప్రదం |
ధారణాత్పఠనాదీశస్త్రైలోక్యవిజయీ విభుః || 4 ||
బ్రహ్మా నారాయణో రుద్రో ధారణాత్పఠనాద్యతః |
కర్తా పాతా చ సంహర్తా భువనానాం సురేశ్వరి || 5 ||
న దేయం పరశిష్యేభ్యోఽభక్తేభ్యోఽపి విశేషతః |
దేయం శిష్యాయ భక్తాయ ప్రాణేభ్యోఽప్యధికాయ చ || 6 ||
దేవ్యాశ్చ చ్ఛిన్నమస్తాయాః కవచస్య చ భైరవః |
ఋషిస్తు స్యాద్విరాట్ ఛందో దేవతా చ్ఛిన్నమస్తకా || 7 ||
త్రైలోక్యవిజయే ముక్తౌ వినియోగః ప్రకీర్తితః |
హుంకారో మే శిరః పాతు ఛిన్నమస్తా బలప్రదా || 8 ||
హ్రాం హ్రూం ఐం త్ర్యక్షరీ పాతు భాలం వక్త్రం దిగంబరా |
శ్రీం హ్రీం హ్రూం ఐం దృశౌ పాతు ముండం కర్త్రిధరాపి సా || 9 ||
సా విద్యా ప్రణవాద్యంతా శ్రుతియుగ్మం సదాఽవతు |
వజ్రవైరోచనీయే హుం ఫట్ స్వాహా చ ధ్రువాదికా || 10 ||
ఘ్రాణం పాతు చ్ఛిన్నమస్తా ముండకర్త్రివిధారిణీ |
శ్రీమాయాకూర్చవాగ్బీజైర్వజ్రవైరోచనీయ హూం || 11 ||
హూం ఫట్ స్వాహా మహావిద్యా షోడశీ బ్రహ్మరూపిణీ |
స్వపార్శ్వే వర్ణినీ చాసృగ్ధారాం పాయయతీ ముదా || 12 ||
వదనం సర్వదా పాతు చ్ఛిన్నమస్తా స్వశక్తికా |
ముండకర్త్రిధరా రక్తా సాధకాభీష్టదాయినీ || 13 ||
వర్ణినీ డాకినీయుక్తా సాపి మామభితోఽవతు |
రామాద్యా పాతు జిహ్వాం చ లజ్జాద్యా పాతు కంఠకం || 14 ||
కూర్చాద్యా హృదయం పాతు వాగాద్యా స్తనయుగ్మకం |
రమయా పుటితా విద్యా పార్శ్వౌ పాతు సురేశ్వరీ || 15 ||
మాయయా పుటితా పాతు నాభిదేశే దిగంబరా |
కూర్చేణ పుటితా దేవీ పృష్ఠదేశే సదాఽవతు || 16 ||
వాగ్బీజపుటితా చైషా మధ్యం పాతు సశక్తికా |
ఈశ్వరీ కూర్చవాగ్బీజైర్వజ్రవైరోచనీయ హూం || 17 ||
హూం ఫట్ స్వాహా మహావిద్యా కోటిసూర్యసమప్రభా |
ఛిన్నమస్తా సదా పాయాదూరుయుగ్మం సశక్తికా || 18 ||
హ్రీం హ్రూం వర్ణినీ జానుం శ్రీం హ్రీం చ డాకినీ పదం |
సర్వవిద్యాస్థితా నిత్యా సర్వాంగం మే సదాఽవతు || 19 ||
ప్రాచ్యాం పాయాదేకలింగా యోగినీ పావకేఽవతు |
డాకినీ దక్షిణే పాతు శ్రీమహాభైరవీ చ మాం || 20 ||
నైరృత్యాం సతతం పాతు భైరవీ పశ్చిమేఽవతు |
ఇంద్రాక్షీ పాతు వాయవ్యేఽసితాంగీ పాతు చోత్తరే || 21 ||
సంహారిణీ సదా పాతు శివకోణే సకర్త్రికా |
ఇత్యష్టశక్తయః పాంతు దిగ్విదిక్షు సకర్త్రికాః || 22 ||
క్రీం క్రీం క్రీం పాతు సా పూర్వం హ్రీం హ్రీం మాం పాతు పావకే |
హ్రూం హ్రూం మాం దక్షిణే పాతు దక్షిణే కాలికావతు || 23 ||
క్రీం క్రీం క్రీం చైవ నైరృత్యాం హ్రీం హ్రీం చ పశ్చిమేఽవతు |
హూం హూం పాతు మరుత్కోణే స్వాహా పాతు సదోత్తరే || 24 ||
మహాకాలీ ఖడ్గహస్తా రక్షఃకోణే సదావతు |
తారో మాయా వధూః కూర్చం ఫట్ కారోఽయం మహామనుః || 25 ||
ఖడ్గకర్త్రిధరా తారా చోర్ధ్వదేశం సదాఽవతు |
హ్రీం స్త్రీం హూం ఫట్ చ పాతాలే మాం పాతు చైకజటా సతీ |
తారా తు సహితా ఖేఽవ్యాన్మహానీలసరస్వతీ || 26 ||
ఇతి తే కథితం దేవ్యాః కవచం మంత్రవిగ్రహం |
యద్ధృత్వా పఠనాద్భీమః క్రోధాఖ్యో భైరవః స్మృతః || 27 ||
సురాసుర మునీంద్రాణాం కర్తా హర్తా భవేత్స్వయం |
యస్యాజ్ఞయా మధుమతీ యాతి సా సాధకాలయం || 28 ||
భూతిన్యాద్యాశ్చ డాకిన్యో యక్షిణ్యాద్యాశ్చ ఖేచరాః |
ఆజ్ఞాం గృహ్ణంతి తాస్తస్య కవచస్య ప్రసాదతః || 29 ||
ఏతదేవ పరం బ్రహ్మ కవచం మన్ముఖోదితం |
దేవీమభ్యర్చ గంధాద్యైర్మూలే నైవ పఠేత్సకృత్ || 30 ||
సంవత్సరకృతాయాస్తు పూజాయాః ఫలమాప్నుయాత్ |
భూర్జే విలిఖితం చైతద్గుటికాం కాంచనస్థితాం || 31 ||
ధారయేద్దక్షిణే బాహౌ కంఠే వా యది వాన్యతః |
సర్వైశ్వర్యయుతో భూత్వా త్రైలోక్యం వశమానయేత్ || 32 ||
తస్య గేహే వసేల్లక్ష్మీర్వాణీ చ వదనాంబుజే |
బ్రహ్మాస్త్రాదీని శస్త్రాణి తద్గాత్రే యాంతి సౌంయతాం || 33 ||
ఇదం కవచమజ్ఞాత్వా యో భజేచ్ఛిన్నమస్తకాం |
సోఽపి శస్త్రప్రహారేణ మృత్యుమాప్నోతి సత్వరం || 34 ||
ఇతి శ్రీభైరవతంత్రే భైరవభైరవీసంవాదే త్రైలోక్యవిజయం నామ ఛిన్నమస్తాకవచం సంపూర్ణం |

శ్రీ ఛిన్నమస్తాదేవీ స్తోత్రం

శ్రీ ఛిన్నమస్తాదేవీ స్తోత్రం.

Telugu

Read Stotra

శ్రీ ఛిన్నమస్తాదేవీ స్తోత్రం

ఈశ్వర ఉవాచ |
స్తవరాజమహం వందే వై రోచన్యాశ్శుభప్రదం |
నాభౌ శుభ్రారవిందం తదుపరి విలసన్మండలం చండరశ్మేః
సంసారస్యైకసారాం త్రిభువనజననీం ధర్మకామార్థదాత్రీం |
తస్మిన్నధ్యే త్రిభాగే త్రితయతనుధరాం ఛిన్నమస్తాం ప్రశస్తాం
తాం వందే ఛిన్నమస్తాం శమనభయహరాం యోగినీం యోగముద్రాం || 1 ||
నాభౌ శుద్ధసరోజవక్త్రవిలసద్బంధూకపుష్పారుణం
భాస్వద్భాస్కరమండలం తదుదరే తద్యోనిచక్రం మహత్ |
తన్మధ్యే విపరీతమైథునరత ప్రద్యుంనసత్కామినీ
పృష్ఠంస్యాత్తరుణార్య కోటివిలసత్తేజస్స్వరూపాం భజే || 2 ||
వామే ఛిన్నశిరోధరాం తదితరే పాణౌ మహత్కర్తృకాం
ప్రత్యాలీఢపదాం దిగంతవసనామున్ముక్త కేశవ్రజాం |
ఛిన్నాత్మీయ శిరస్సమచ్చల దమృద్ధారాం పిబంతీం పరాం
బాలాదిత్య సమప్రకాశ విలసన్నేత్రత్రయోద్భాసినీం || 3 ||
వామాదన్యత్ర నాళం బహుగహనగళద్రక్తధారాభిరుచ్చై-
ర్గాయంతీమస్థిభూషాం కరకమలలసత్కర్తృకాముగ్రరూపాం |
రక్తామారక్తకేశీమవగతవసనావర్ణనీమాత్మశక్తిం
ప్రత్యాలీఢోరుపాదామరుణి తనయనాం యోగినీం యోగనిద్రాం || 4 ||
దిగ్వస్త్రాం ముక్తకేశీం ప్రళయఘనఘటా ఘోరరూపాం
ప్రచండాం దంష్ట్రాదుఃప్రేక్ష్యవక్త్రోదరవివరలసల్లోలజిహ్వాగ్రభాసాం |
విద్యుల్లోలాక్షియుగ్మాం హృదయతటలసద్భోగినీం భీమమూర్తిం
సద్యః ఛిన్నాత్మకంఠప్రగలితరుధిరైర్డాకినీ వర్ధయంతీం || 5 ||
బ్రహ్మేశానాచ్యుతాద్యైశ్శిరసి వినిహితా మందపాదారవిందై
రాజ్ఞైర్యోగీంద్రముఖ్యైః ప్రతిపదమనిశం చింతితాం చింత్యరూపాం |
సంసారే సారభూతాం త్రిభువనజననీం ఛిన్నమస్తాం ప్రశస్తాం
ఇష్టాం తామిష్టదాత్రీం కలికలుషహరాం చేతసా చింతయామి || 6 ||
ఉత్పత్తి స్థితిసంహృతీర్ఘటయితుం ధత్తే త్రిరూపాం తనుం
త్రైగుణ్యాజ్జగతోయదీయవికృతి బ్రహ్మాచ్యుతశ్శూలభృత్ |
తామాద్యాం ప్రకృతిం స్మరామి మనసా సర్వార్థసంసిద్ధయే
యస్మాత్ంసేరపదారవిందయుగళే లాభం భజంతే నరాః || 7 ||
అభిలషిత పరస్త్రీ యోగపూజాపరోఽహం
బహువిధజన భావారంభసంభావితోఽహం |
పశుజనవిరతోఽహం భైరవీ సంస్థితోఽహం
గురుచరణపరోఽహం భైరవోహం శివోఽహం || 8 ||
ఇదం స్తోత్రం మహాపుణ్యం బ్రహ్మణా భాషితం పురా |
సర్వసిద్ధిప్రదం సాక్షాన్మహాపాతకనాశనం || 9 ||
యఃపఠేత్ప్రాతరుత్థాయ దేవ్యాస్సన్నిహితోపి వా |
తస్య సిద్ధిర్భవేద్దేవీ వాంఛితార్థ ప్రదాయినీ || 10 ||
ధనం ధాన్యం సుతం జాయాం హయం హస్తినమేవ చ |
వసుంధరాం మహావిద్యామష్టసిద్ధిం లభేద్ధృవం || 11 ||
వైయాఘ్రాజినరంజితస్వజఘనేఽరణ్యే ప్రలంబోదరే
ఖర్వే నిర్వచనీయపర్వసుభగే ముండావళీమండితే |
కర్తీం కుందరుచిం విచిత్రవనితాం జ్ఞానే దధానే పదే
మాతర్భక్తజనానుకంపిని మహామాయేస్తు తుభ్యం నమః || 12 ||
ఇతి శ్రీ ఛిన్నమస్తాదేవీ స్తోత్రం |

శ్రీ ఛిన్నమస్తా దేవీ హృదయం

శ్రీ ఛిన్నమస్తా దేవీ హృదయం.

Telugu

Read Stotra

శ్రీ ఛిన్నమస్తా దేవీ హృదయం

శ్రీపార్వత్యువాచ |
శ్రుతం పూజాదికం సంయగ్భవద్వక్త్రాబ్జ నిస్సృతం |
హృదయం ఛిన్నమస్తాయాః శ్రోతుమిచ్ఛామి సాంప్రతం || 1 ||
శ్రీ మహాదేవ ఉవాచ |
నాద్యావధి మయా ప్రోక్తం కస్యాపి ప్రాణవల్లభే |
యత్త్వయా పరిపృష్టోఽహం వక్ష్యే ప్రీత్యై తవ ప్రియే || 2 ||
ఓం అస్య శ్రీఛిన్నమస్తాహృదయస్తోత్రమహామంత్రస్య – భైరవ ఋషిః – సంరాట్ ఛందః -ఛిన్నమస్తా దేవతా – హూం బీజం – ఓం శక్తిః – హ్రీం కీలకం – శత్రుక్షయకరణార్థే జపే వినియోగః ||
అథ కరన్యాసః |
ఓం ఓం అంగుష్ఠాభ్యాం నమః |
ఓం హూం తర్జనీభ్యాం నమః |
ఓం హ్రీం మధ్యమాభ్యాం నమః |
ఓం క్లీం అనామికాభ్యాం నమః |
ఓం ఐం కనిష్ఠికాభ్యాం నమః |
ఓం హూం కరతలకరపృష్ఠాభ్యాం నమః |
అథ కరన్యాసః |
ఓం ఓం హృదయాయ నమః |
ఓం హూం శిరసే స్వాహా |
ఓం హ్రీం శిఖాయై వషట్ |
ఓం క్లీం నేత్రత్రయాయ వౌషట్ |
ఓం ఐం కవచాయ హుం |
ఓం హూం అస్త్రాయ ఫట్ |
భూర్భువస్సువరోమితి దిగ్బంధః |
ధ్యానం |
రక్తాభాం రక్తకేశీం కరకమలలసత్కర్తృకాం కాలకాంతిం
విచ్ఛిన్నాత్మీయముండాసృగరుణబహుళాం చక్రధారాం పిబంతీం |
విఘ్నాభ్రౌఘప్రచండశ్వసనసమనిభాం సేవితాం సిద్ధసంఘైః
పద్మాక్షీం ఛిన్నమస్తాం ఛలకరదితిజచ్ఛేదినీం సంస్మరామి || 1 ||
వందేఽహం ఛిన్నమస్తాం తాం ఛిన్నముండధరాం పరాం |
ఛిన్నగ్రీవోచ్ఛటాచ్ఛన్నాం క్షౌమవస్త్రపరిచ్ఛదాం || 2 ||
సర్వదా సురసంఘేన సేవితాంఘ్రిసరోరుహాం |
సేవే సకలసంపత్యై ఛిన్నమస్తాం శుభప్రదాం || 3 ||
యజ్ఞానాం యోగయజ్ఞాయ యా తు జాతా యుగే యుగే |
దానవాంతకరీం దేవీం ఛిన్నమస్తాం భజామి తాం || 4 ||
వైరోచనీం వరారోహాం వామదేమవివర్ధితాం |
కోటిసూర్యప్రభాం వందే విద్యుద్వర్ణాక్షిమండితాం || 5 ||
నిజకంఠోచ్ఛలద్రక్తధారయా యా ముహుర్ముహుః |
యోగినీ గణసంస్తుత్యా తస్యాశ్చరణమాశ్రయే || 6 ||
హూమిత్యేకాక్షరం మంత్రం యదీయం యుక్తమానసః |
యో జపేత్తస్య విద్వేషీ భస్మతాం యాతి తాం భజే || 7 ||
హూం స్వాహేతి మనుం సంయగ్యస్స్మరత్యార్తిమాన్నరః |
ఛినత్తి ఛిన్నమస్తాయా తస్య బాధాం నమామి తాం || 8 ||
యస్యాః కటాక్షమాత్రేణ క్రూరభూతాదయో ద్రుతం |
దూరే తస్య పలాయంతే ఛిన్నమస్తాం భజామి తాం || 9 ||
క్షితితలపరిరక్షాక్షాంతరోషా సుదక్షా
ఛలయుతకలకక్షాచ్ఛేదనే క్షాంతిలక్ష్యా |
క్షితిదితిజసుపక్షా క్షోణిపాక్షయ్యశిక్షా
జయతు జయతు చాక్షా ఛిన్నమస్తారిభక్షా || 10 ||
కలికలుషకలానాం కర్తనే కర్త్రిహస్తా
సురకువలయకాశా మందభానుప్రకాశా |
అసురకులకలాపత్రాసికాకాలమూర్తి-
ర్జయతు జయతు కాళీ ఛిన్నమస్తా కరాళీ || 11 ||
భువనభరణభూరీ భ్రాజమానానుభావా
భవ భవ విభవానాం భారణోద్భాతభూతిః |
ద్విజకులకమలానాం భాసినీ భానుమూర్తి-
ర్భవతు భవతు వాణీ ఛిన్నమస్తా భవానీ || 12 ||
మమ రిపుగణమాశు చ్ఛేత్తుముగ్రం కృపాణం
సపది జనని తీక్ష్ణం ఛిన్నముండం గృహాణ |
భవతు తవ యశోఽలం ఛింధి శత్రూన్కలాన్మే
మమ చ పరిదిశేష్టం ఛిన్నమస్తే క్షమస్వ || 13 ||
ఛిన్నగ్రీవా ఛిన్నమస్తా ఛిన్నముండధరాఽక్షతా |
క్షోదక్షేమకరీ స్వక్షా క్షోణీశాచ్ఛాదన క్షమా || 14 ||
వైరోచనీ వరారోహా బలిదానప్రహర్షితా |
బలియోజితపాదాబ్జా వాసుదేవ ప్రపూజితా || 15 ||
ఇతి ద్వాదశనామాని ఛిన్నమస్తా ప్రియాణి యః |
స్మరేత్ప్రాతస్సముత్థాయ తస్య నశ్యంతి శత్రవః || 16 ||
యాం స్మృత్వా సంతి సద్యః సకలః సురగణాః సర్వదా సంపదాఢ్యాః
శత్రూణాం సంఘమాహత్య విశదవదనాః స్వస్థచిత్తాః శ్రయంతి |
తస్యాః సంకల్పవంతః సరసిజచరణస్సంతతం సంశ్రయంతి
సాఽఽద్యా శ్రీశాదిసేవ్యా సుఫలతు సుతరాం ఛిన్నమస్తా ప్రశస్తా || 17 ||
హృదయమితిమజ్ఞాత్వా హంతుమిచ్ఛతి యో ద్విషం |
కథం తస్యాచిరం శత్రుర్నాశమేష్యతి పార్వతి || 18 ||
యదీచ్ఛేన్నాశనం శత్రోః శీఘ్రమేతత్పఠేన్నరః |
ఛిన్నమస్తా ప్రసన్నాపి దదాతి ఫలమీప్సితం || 19 ||
శత్రుప్రశమనం పుణ్యం సమీప్సితఫలప్రదం |
ఆయురారోగ్యదం చైవ పఠతాం పుణ్యసాధనం || 20 ||
ఇతి శ్రీనంద్యావర్తే మహాదేవపార్వతీసంవాదే శ్రీఛిన్నమస్తాహృదయస్తోత్రం సంపూర్ణం ||

ప్రచండ చండికా స్తవరాజః (శ్రీ ఛిన్నమస్తా స్తోత్రం)

ప్రచండ చండికా స్తవరాజః (శ్రీ ఛిన్నమస్తా స్తోత్రం).

Telugu

Read Stotra

ప్రచండ చండికా స్తవరాజః (శ్రీ ఛిన్నమస్తా స్తోత్రం)

ఆనందయిత్రి పరమేశ్వరి వేదగర్భే
మాతః పురందరపురాంతరలబ్ధనేత్రే |
లక్ష్మీమశేషజగతాం పరిభావయంతః
సంతో భజంతి భవతీం ధనదేశలబ్ధ్యై || 1 ||
లజ్జానుగాం విమలవిద్రుమకాంతికాంతాం
కాంతానురాగరసికాః పరమేశ్వరి త్వాం |
యే భావయంతి మనసా మనుజాస్త ఏతే
సీమంతినీభిరనిశం పరిభావ్యమానాః || 2 ||
మాయామయీం నిఖిలపాతకకోటికూట-
-విద్రావిణీం భృశమసంశయినో భజంతి |
త్వాం పద్మసుందరతనుం తరుణారుణాస్యాం
పాశాంకుశాభయవరాద్యకరాం వరాస్త్రైః || 3 ||
తే తర్కకర్కశధియః శ్రుతిశాస్త్రశిల్పై-
-శ్ఛందోఽభిశోభితముఖాః సకలాగమజ్ఞాః |
సర్వజ్ఞలబ్ధవిభవాః కుముదేందువర్ణాం
యే వాగ్భవే చ భవతీం పరిభావయంతి || 4 ||
వజ్రపణున్నహృదయా సమయద్రుహస్తే
వైరోచనే మదనమందిరగాస్యమాతః |
మాయాద్వయానుగతవిగ్రహభూషితాఽసి
దివ్యాస్త్రవహ్నివనితానుగతాఽసి ధన్యే || 5 ||
వృత్తత్రయాష్టదలవహ్నిపురఃసరస్య
మార్తండమండలగతాం పరిభావయంతి |
యే వహ్నికూటసదృశీం మణిపూరకాంత-
-స్తే కాలకంటకవిడంబనచంచవః స్యుః || 6 ||
కాలాగరుభ్రమరచందనకుండగోల-
-ఖండైరనంగమదనోద్భవమాదనీభిః |
సిందూరకుంకుమపటీరహిమైర్విధాయ
సన్మండలం తదుపరీహ యజేన్మృడానీం || 7 ||
చంచత్తడిన్మిహిరకోటికరాం విచేలా-
-ముద్యత్కబంధరుధిరాం ద్విభుజాం త్రినేత్రాం |
వామే వికీర్ణకచశీర్షకరే పరే తా-
-మీడే పరం పరమకర్త్రికయా సమేతాం || 8 ||
కామేశ్వరాంగనిలయాం కలయా సుధాంశో-
-ర్విభ్రాజమానహృదయామపరే స్మరంతి |
సుప్తాహిరాజసదృశీం పరమేశ్వరస్థాం
త్వామద్రిరాజతనయే చ సమానమానాః || 9 ||
లింగత్రయోపరిగతామపి వహ్నిచక్ర-
-పీఠానుగాం సరసిజాసనసన్నివిష్టాం |
సుప్తాం ప్రబోధ్య భవతీం మనుజా గురూక్త-
-హుంకారవాయువశిభిర్మనసా భజంతి || 10 ||
శుభ్రాసి శాంతికకథాసు తథైవ పీతా
స్తంభే రిపోరథ చ శుభ్రతరాసి మాతః |
ఉచ్చాటనేఽప్యసితకర్మసుకర్మణి త్వం
సంసేవ్యసే స్ఫటికకాంతిరనంతచారే || 11 ||
త్వాముత్పలైర్మధుయుతైర్మధునోపనీతై-
-ర్గవ్యైః పయోవిలులితైః శతమేవ కుండే |
సాజ్యైశ్చ తోషయతి యః పురుషస్త్రిసంధ్యం
షణ్మాసతో భవతి శక్రసమో హి భూమౌ || 12 ||
జాగ్రత్స్వపన్నపి శివే తవ మంత్రరాజ-
-మేవం విచింతయతి యో మనసా విధిజ్ఞః |
సంసారసాగరసమృద్ధరణే వహిత్రం
చిత్రం న భూతజననేఽపి జగత్సు పుంసః || 13 ||
ఇయం విద్యా వంద్యా హరిహరవిరించిప్రభృతిభిః
పురారాతేరంతః పురమిదమగంయం పశుజనైః |
సుధామందానందైః పశుపతిసమానవ్యసనిభిః
సుధాసేవ్యైః సద్భిర్గురుచరణసంసారచతురైః || 14 ||
కుండే వా మండలే వా శుచిరథ మనునా భావయత్యేవ మంత్రీ
సంస్థాప్యోచ్చైర్జుహోతి ప్రసవసుఫలదైః పద్మపాలాశకానాం |
హైమం క్షీరైస్తిలైర్వాం సమధుకకుసుమైర్మాలతీబంధుజాతీ-
-శ్వేతైరబ్ధం సకానామపి వరసమిధా సంపదే సర్వసిద్ధ్యై || 15 ||
అంధః సాజ్యం సమాంసం దధియుతమథవా యోఽన్వహం యామినీనాం
మధ్యే దేవ్యై దదాతి ప్రభవతి గృహగా శ్రీరముష్యావఖండా |
ఆజ్యం మాంసం సరక్తం తిలయుతమథవా తండులం పాయసం వా
హుత్వా మాంసం త్రిసంధ్యం స భవతి మనుజో భూతిభిర్భూతనాథః || 16 ||
ఇదం దేవ్యాః స్తోత్రం పఠతి మనుజో యస్త్రిసమయం
శుచిర్భూత్వా విశ్వే భవతి ధనదో వాసవసమః |
వశా భూపాః కాంతా నిఖిలరిపుహంతుః సురగణా
భవంత్యుచ్చైర్వాచో యదిహ నను మాసైస్త్రిభిరపి || 17 ||
ఇతి శ్రీశంకరాచార్యవిరచితః ప్రచండచండికాస్తవరాజః సమాప్తః |

శ్రీ ఛిన్నమస్తాదేవి అష్టోత్తరశతనామ స్తోత్రం

శ్రీ ఛిన్నమస్తాదేవి అష్టోత్తరశతనామ స్తోత్రం.

Telugu

Read Stotra

శ్రీ ఛిన్నమస్తాదేవి అష్టోత్తరశతనామ స్తోత్రం

శ్రీ పార్వత్యువాచ –
నాంనాం సహస్రం పరమం ఛిన్నమస్తాప్రియం శుభం |
కథితం భవతా శంభోస్సద్యశ్శత్రునికృంతనం || 1 ||
పునః పృచ్ఛాంయహం దేవ కృపాం కురు మమోపరి |
సహస్రనామపాఠే చ అశక్తో యః పుమాన్ భవేత్ || 2 ||
తేన కిం పఠ్యతే నాథ తన్మే బ్రూహి కృపామయ |
శ్రీ సదాశివ ఉవాచ –
అష్టోత్తరశతం నాంనాం పఠ్యతే తేన సర్వదా || 3 ||
సహస్రనామపాఠస్య ఫలం ప్రాప్నోతి నిశ్చితం |
ఓం అస్య శ్రీఛిన్నమస్తాదేవ్యష్టోత్తర శతనామ స్తోత్రమహామంత్రస్య సదాశివ
ఋషిః అనుష్టుప్ ఛందః శ్రీఛిన్నమస్తా దేవతా మమ సకలసిద్ధి ప్రాప్తయే జపే వినియోగః ||
ఓం ఛిన్నమస్తా మహావిద్యా మహాభీమా మహోదరీ |
చండేశ్వరీ చండమాతా చండముండప్రభంజినీ || 4 ||
మహాచండా చండరూపా చండికా చండఖండినీ |
క్రోధినీ క్రోధజననీ క్రోధరూపా కుహూః కళా || 5 ||
కోపాతురా కోపయుతా కోపసంహారకారిణీ |
వజ్రవైరోచనీ వజ్రా వజ్రకల్పా చ డాకినీ || 6 ||
డాకినీకర్మనిరతా డాకినీకర్మపూజితా |
డాకినీసంగనిరతా డాకినీప్రేమపూరితా || 7 ||
ఖట్వాంగధారిణీ ఖర్వా ఖడ్గఖర్పరధారిణీ |
ప్రేతాసనా ప్రేతయుతా ప్రేతసంగవిహారిణీ || 8 ||
ఛిన్నముండధరా ఛిన్నచండవిద్యా చ చిత్రిణీ |
ఘోరరూపా ఘోరదృష్టిః ఘోరరావా ఘనోదరీ || 9 ||
యోగినీ యోగనిరతా జపయజ్ఞపరాయణా |
యోనిచక్రమయీ యోనిర్యోనిచక్రప్రవర్తినీ || 10 ||
యోనిముద్రా యోనిగంయా యోనియంత్రనివాసినీ |
యంత్రరూపా యంత్రమయీ యంత్రేశీ యంత్రపూజితా || 11 ||
కీర్త్యా కపర్దినీ కాళీ కంకాళీ కలకారిణీ |
ఆరక్తా రక్తనయనా రక్తపానపరాయణా || 12 ||
భవానీ భూతిదా భూతిర్భూతిధాత్రీ చ భైరవీ |
భైరవాచారనిరతా భూతభైరవసేవితా || 13 ||
భీమా భీమేశ్వరీ దేవీ భీమనాదపరాయణా |
భవారాధ్యా భవనుతా భవసాగరతారిణీ || 14 ||
భద్రకాళీ భద్రతనుర్భద్రరూపా చ భద్రికా |
భద్రరూపా మహాభద్రా సుభద్రా భద్రపాలినీ || 15 ||
సుభవ్యా భవ్యవదనా సుముఖీ సిద్ధసేవితా |
సిద్ధిదా సిద్ధినివహా సిద్ధా సిద్ధనిషేవితా || 16 ||
శుభదా శుభగా శుద్ధా శుద్ధసత్త్వా శుభావహా |
శ్రేష్ఠా దృష్టిమయీ దేవీ దృష్టిసంహారకారిణీ || 17 ||
శర్వాణీ సర్వగా సర్వా సర్వమంగళకారిణీ |
శివా శాంతా శాంతిరూపా మృడానీ మదానతురా || 18 ||
ఇతి తే కథితం దేవీ స్తోత్రం పరమదుర్లభం |
గుహ్యాద్గుహ్యతరం గోప్యం గోపనియం ప్రయత్నతః || 19 ||
కిమత్ర బహునోక్తేన త్వదగ్రే ప్రాణవల్లభే |
మారణం మోహనం దేవి హ్యుచ్చాటనమతః పరం || 20 ||
స్తంభనాదికకర్మాణి ఋద్ధయస్సిద్ధయోఽపి చ |
త్రికాలపఠనాదస్య సర్వే సిద్ధ్యంత్యసంశయః || 21 ||
మహోత్తమం స్తోత్రమిదం వరాననే
మయేరితం నిత్యమనన్యబుద్ధయః |
పఠంతి యే భక్తియుతా నరోత్తమా
భవేన్న తేషాం రిపుభిః పరాజయః || 22 ||
ఇతి శ్రీఛిన్నమస్తాదేవ్యష్టోత్తరశతనామ స్తోత్రం ||

శ్రీ ఛిన్నమస్తాదేవి అష్టోత్తరశతనామావళిః

శ్రీ ఛిన్నమస్తాదేవి అష్టోత్తరశతనామావళిః.

Telugu

Read Stotra

శ్రీ ఛిన్నమస్తాదేవి అష్టోత్తరశతనామావళిః

Sign In

OTP Verification

Sacred Stotras & Deities

శ్రీ ఛిన్నమస్తా కవచం

శ్రీ ఛిన్నమస్తాదేవీ స్తోత్రం

శ్రీ ఛిన్నమస్తా దేవీ హృదయం

ప్రచండ చండికా స్తవరాజః (శ్రీ ఛిన్నమస్తా స్తోత్రం)

శ్రీ ఛిన్నమస్తాదేవి అష్టోత్తరశతనామ స్తోత్రం

శ్రీ ఛిన్నమస్తాదేవి అష్టోత్తరశతనామావళిః

MENU

LINKS

Astrologer Section

Vendor Section

GET ADVICE ON

Download Our Apps