Dhumavati Stotras & Hymns - Read Sacred Verses

శ్రీ ధూమావతీ కవచం

శ్రీ ధూమావతీ కవచం.

Telugu

శ్రీ ధూమావతీ కవచం

శ్రీపార్వత్యువాచ |
ధూమావత్యర్చనం శంభో శ్రుతం విస్తరతో మయా |
కవచం శ్రోతుమిచ్ఛామి తస్యా దేవ వదస్వ మే || 1 ||
శ్రీభైరవ ఉవాచ |
శృణు దేవి పరం గుహ్యం న ప్రకాశ్యం కలౌ యుగే |
కవచం శ్రీధూమావత్యాః శత్రునిగ్రహకారకం || 2 ||
బ్రహ్మాద్యా దేవి సతతం యద్వశాదరిఘాతినః |
యోగినో భవచ్ఛత్రుఘ్నా యస్యా ధ్యానప్రభావతః || 3 ||
ఓం అస్య శ్రీధూమావతీకవచస్య పిప్పలాద ఋషిః అనుష్టుప్ ఛందః శ్రీధూమావతీ దేవతా ధూం బీజం స్వాహా శక్తిః ధూమావతీ కీలకం శత్రుహననే పాఠే వినియోగః |
కవచం |
ఓం ధూం బీజం మే శిరః పాతు ధూం లలాటం సదాఽవతు |
ధూమా నేత్రయుగం పాతు వతీ కర్ణౌ సదాఽవతు || 4 ||
దీర్ఘా తూదరమధ్యే తు నాభిం మే మలినాంబరా |
శూర్పహస్తా పాతు గుహ్యం రూక్షా రక్షతు జానునీ || 5 ||
ముఖం మే పాతు భీమాఖ్యా స్వాహా రక్షతు నాసికాం |
సర్వవిద్యాఽవతు కంఠం వివర్ణా బాహుయుగ్మకం || 6 ||
చంచలా హృదయం పాతు ధృష్టా పార్శ్వే సదాఽవతు |
ధూమహస్తా సదా పాతు పాదౌ పాతు భయావహా || 7 ||
ప్రవృద్ధరోమా తు భృశం కుటిలా కుటిలేక్షణా |
క్షృత్పిపాసార్దితా దేవీ భయదా కలహప్రియా || 8 ||
సర్వాంగం పాతు మే దేవీ సర్వశత్రువినాశినీ |
ఇతి తే కథితం పుణ్యం కవచం భువి దుర్లభం || 9 ||
న ప్రకాశ్యం న ప్రకాశ్యం న ప్రకాశ్యం కలౌ యుగే |
పఠనీయం మహాదేవి త్రిసంధ్యం ధ్యానతత్పరైః |
దుష్టాభిచారో దేవేశి తద్గాత్రం నైవ సంస్పృశేత్ || 10 ||
ఇతి భైరవీభైరవసంవాదే ధూమావతీ కవచం సంపూర్ణం |

శ్రీ ధూమావతీ స్తోత్రం

శ్రీ ధూమావతీ స్తోత్రం.

Telugu

Read Stotra

శ్రీ ధూమావతీ స్తోత్రం

ప్రాతర్యా స్యాత్కుమారీ కుసుమకలికయా జాపమాలాం జపంతీ
మధ్యాహ్నే ప్రౌఢరూపా వికసితవదనా చారునేత్రా నిశాయాం |
సంధ్యాయాం వృద్ధరూపా గలితకుచయుగా ముండమాలాం వహంతీ
సా దేవీ దేవదేవీ త్రిభువనజననీ కాళికా పాతు యుష్మాన్ || 1 ||
బధ్వా ఖట్వాంగఖేటౌ కపిలవరజటామండలం పద్మయోనేః
కృత్వా దైత్యోత్తమాంగైః స్రజమురసి శిరశ్శేఖరం తార్క్ష్యపక్షైః |
పూర్ణం రక్తైః సురాణాం యమమహిషమహాశృంగమాదాయ పాణౌ
పాయాద్వో వంద్యమాన ప్రలయ ముదితయా భైరవః కాళరాత్ర్యాం || 2 ||
చర్వంతీమస్తిఖండం ప్రకటకటకటా శబ్దసంఘాత ముగ్రం
కుర్వాణా ప్రేతమధ్యే కహహ కహకహా హాస్యముగ్రం కృశాంగీ |
నిత్యం నిత్యప్రసక్తా డమరుడమడిమాన్ స్ఫారయంతీ ముఖాబ్జం
పాయాన్నశ్చండికేయం ఝఝమఝమఝమా జల్పమానా భ్రమంతీ || 3 ||
టంటంటంటంటటంటాప్రకర టమటమానాదఘంటా వహంతీ
స్ఫేంస్ఫేంస్ఫేంస్ఫార కారాటకటకితహసా నాదసంఘట్టభీమా |
లోలా ముండాగ్రమాలా లల హలహలహా లోలలోలాగ్ర వాచం
చర్వంతీ చండముండం మటమటమటితే చర్వయంతీపునాతు || 4 ||
వామేకర్ణే మృగాంకప్రళయపరిగతం దక్షిణే సూర్యబింబం
కంఠేనక్షత్రహారం వరవికటజటాజూటకేముండమాలాం |
స్కంధే కృత్వోరగేంద్ర ధ్వజనికరయుతం బ్రహ్మకంకాలభారం
సంహారే ధారయంతీ మమ హరతు భయం భద్రదా భద్రకాళీ || 5 ||
తైలాభ్యక్తైకవేణీత్రపుమయవిలసత్కర్ణికాక్రాంతకర్ణా
లోహేనై కేన కృత్వా చరణనళినకా మాత్మనః పాదశోభాం |
దిగ్వాసారాసభేన గ్రసతి జగదిదం యా యవాకర్ణపూరా
వర్షిణ్యాతిప్రబద్ధా ధ్వజవితతభుజా భాసి దేవి త్వమేవ || 6 ||
సంగ్రామే హేతికృత్యైః సరుధిరదశనైర్యద్భటానాం శిరోభిః
మాలామాబద్ధ్యమూర్ధ్ని ధ్వజవితతభుజా త్వం శ్మశానే ప్రవిష్టా |
దృష్టా భూతప్రభూతైఃపృథుతరజఘనా బద్ధనాగేంద్రకాంచీ
శూలాగ్రవ్యగ్రహస్తా మధురుధిరవసా తాంరనేత్రా నిశాయాం || 7 ||
దంష్ట్రారౌద్రే ముఖేఽస్మిం స్తవ విశతి జగద్దేవి సర్వం క్షణార్ధాత్
సంసారస్యాంతకాలే నరరుధిరవసాసంప్లవే ధూమధూంరే |
కాళి కాపాలికీ సా శవశయనరతా యోగినీ యోగముద్రా
రక్తారూక్షా సభాస్థా మరణభయహరా త్వం శివా చండఘంటా || 8 ||
ధూమావత్యష్టకం పుణ్యం సర్వాపద్వినివారణం |
యఃపఠేత్సాధకో భక్త్యా సిద్ధిం విందతి వాంఛితాం || 9 ||
మహాపది మహాఘోరే మహారోగే మహారణే |
శత్రూచ్చాటే మారణాదౌ జంతూనాం మోహనే తథా || 10 ||
పఠేత్ స్తోత్రమిదం దేవి సర్వతః సిద్ధిభాగ్భవేత్ |
దేవదానవగంధర్వా యక్షరాక్షసపన్నగాః || 11 ||
సింహవ్యాఘ్రాదికాస్సర్వే స్తోత్రస్మరణమాత్రతః |
దూరాద్దూరాతరం యాంతి కింపునర్మానుషాదయః || 12 ||
స్తోత్రేణానేన దేవేశి కిన్న సిద్ధ్యతి భూతలే |
సర్వశాంతిర్భవేద్దేవి అంతే నిర్వాణతాం వ్రజేత్ || 13 ||
ఇతి ఊర్ధ్వాంనాయే శ్రీ ధూమవతీస్తోత్రం సంపూర్ణం |

శ్రీ ధూమావతీ హృదయం

శ్రీ ధూమావతీ హృదయం.

Telugu

Read Stotra

శ్రీ ధూమావతీ హృదయం

ఓం అస్య శ్రీ ధూమావతీహృదయస్తోత్ర మహామంత్రస్య-పిప్పలాదఋషిః- అనుష్టుప్ఛందః- శ్రీ ధూమావతీ దేవతా- ధూం బీజం- హ్రీం శక్తిః- క్లీం కీలకం -సర్వశత్రు సంహారార్థే జపే వినియోగః
కరన్యాసః –
ఓం ధాం అంగుష్ఠాభ్యాం నమః |
ఓం ధీం తర్జనీభ్యాం నమః |
ఓం ధూం మధ్యమాభ్యాం నమః |
ఓం ధైం అనామికాభ్యాం నమః |
ఓం ధౌం కనిష్ఠకాభ్యాం నమః |
ఓం ధః కరతలకరపృష్ఠాభ్యాం నమః |
అంగన్యాసః –
ఓం ధాం హృదయాయ నమః |
ఓం ధీం శిరసే స్వాహా |
ఓం ధూం శిఖాయై వషట్ |
ఓం ధైం కవచాయ హుం |
ఓం ధౌం నేత్రత్రయాయ వౌషట్ |
ఓం ధః అస్త్రాయ ఫట్ |
ధ్యానం |
ధూంరాభాం ధూంరవస్త్రాం ప్రకటితదశనాం ముక్తబాలాంబరాఢ్యాం |
కాకాంకస్యందనస్థాం ధవళకరయుగాం శూర్పహస్తాతిరూక్షాం |
కంకాంక్షుత్క్షాంత దేహం ముహురతి కుటిలాం వారిదాభాం విచిత్రాం |
ధ్యాయేద్ధూమావతీం కుటిలితనయనాం భీతిదాం భీషణాస్యాం || 1 ||
కల్పాదౌ యా కాళికాద్యాఽచీకలన్మధుకైటభౌ |
కల్పాంతే త్రిజగత్సర్వం భజే ధూమావతీమహం || 2 ||
గుణాగారా గంయగుణా యా గుణాగుణవర్ధినీ |
గీతావేదార్థతత్త్వజ్ఞైః భజే ధూమావతీమహం || 3 ||
ఖట్వాంగధారిణీ ఖర్వఖండినీ ఖలరక్షసాం |
ధారిణీ ఖేటకస్యాపి భజే ధూమావతీమహం || 4 ||
ఘూర్ణ ఘూర్ణకరాఘోరా ఘూర్ణితాక్షీ ఘనస్వనా |
ఘాతినీ ఘాతకానాం యా భజే ధూమావతీమహం || 5 ||
చర్వంతీమస్తిఖండానాం చండముండవిదారిణీం |
చండాట్టహాసినీం దేవీం భజే ధూమావతీమహం || 6 ||
ఛిన్నగ్రీవాం క్షతాంఛన్నాం ఛిన్నమస్తాస్వరూపిణీం |
ఛేదినీం దుష్టసంఘానాం భజే ధూమావతీమహం || 7 ||
జాతాయా యాచితాదేవైరసురాణాం విఘాతినీం |
జల్పంతీం బహుగర్జంతీం భజేతాం ధూంరరూపిణీం || 8 ||
ఝంకారకారిణీం ఝుంఝా ఝంఝమాఝమవాదినీం |
ఝటిత్యాకర్షిణీం దేవీం భజే ధూమావతీమహం || 9 ||
హేతిపటంకారసంయుక్తాన్ ధనుష్టంకారకారిణీం |
ఘోరాఘనఘటాటోపాం వందే ధూమావతీమహం || 10 ||
ఠంఠంఠంఠం మనుప్రీతాం ఠఃఠఃమంత్రస్వరూపిణీం |
ఠమకాహ్వగతిప్రీతాం భజే ధూమావతీమహం || 11 ||
డమరూ డిండిమారావాం డాకినీగణమండితాం |
డాకినీభోగసంతుష్టాం భజే ధూమావతీమహం || 12 ||
ఢక్కానాదేనసంతుష్టాం ఢక్కావాదనసిద్ధిదాం |
ఢక్కావాదచలచ్చిత్తాం భజే ధూమావతీమహం || 13 ||
తత్వవార్తా ప్రియప్రాణాం భవపాథోధితారిణీం |
తారస్వరూపిణీం తారాం భజే ధూమావతీమహం || 14 ||
థాంథీంథూంథేమంత్రరూపాం థైంథోథంథఃస్వరూపిణీం |
థకారవర్ణసర్వస్వాం భజే ధూమావతీమహం || 15 ||
దుర్గాస్వరూపిణీదేవీం దుష్టదానవదారిణీం |
దేవదైత్యకృతధ్వంసాం వందే ధూమావతీమహం || 16 ||
ధ్వాంతాకారాంధకధ్వంసాం ముక్తధంమిల్లధారిణీం |
ధూమధారాప్రభాం ధీరాం భజే ధూమావతీమహం || 17 ||
నర్తకీనటనప్రీతాం నాట్యకర్మవివర్ధినీం |
నారసింహీం నరారాధ్యాం నౌమి ధూమావతీమహం || 18 ||
పార్వతీపతిసంపూజ్యాం పర్వతోపరివాసినీం |
పద్మారూపాం పద్మపూజ్యాం నౌమి ధూమావతీమహం || 19 ||
ఫూత్కారసహితశ్వాసాం ఫట్‍మంత్రఫలదాయినీం |
ఫేత్కారిగణసంసేవ్యాం సేవే ధూమావతీమహం || 20 ||
బలిపూజ్యాం బలారాధ్యాం బగళారూపిణీం వరాం |
బ్రహ్మాదివందితాం విద్యాం వందే ధూమావతీమహం || 21 ||
భవ్యరూపాం భవారాధ్యాం భువనేశీస్వరూపిణీం |
భక్తభవ్యప్రదాం దేవీం భజే ధూమావతీమహం || 22 ||
మాయాం మధుమతీం మాన్యాం మకరధ్వజమానితాం |
మత్స్యమాంసమదాస్వాదాం మన్యే ధూమావతీమహం || 23 ||
యోగయజ్ఞప్రసన్నాస్యాం యోగినీపరిసేవితాం |
యశోదాం యజ్ఞఫలదాం యజేద్ధూమావతీమహం || 24 ||
రామారాధ్యపదద్వంద్వాం రావణధ్వంసకారిణీం |
రమేశరమణీపూజ్యామహం ధూమావతీం శ్రయే || 25 ||
లక్షలీలాకళాలక్ష్యాం లోకవంద్యపదాంబుజాం |
లంబితాం బీజకోశాఢ్యాం వందే ధూమావతీమహం || 26 ||
బకపూజ్యపదాంభోజాం బకధ్యానపరాయణాం |
బాలాంతీకారిసంధ్యేయాం వందే ధూమావతీమహం || 27 ||
శంకరీం శంకరప్రాణాం సంకటధ్వంసకారిణీం |
శత్రుసంహారిణీం శుద్ధాం శ్రయే ధూమావతీమహం || 28 ||
షడాననారిసంహంత్రీం షోడశీరూపధారిణీం |
షడ్రసాస్వాదినీం సౌంయాం నేవే ధూమావతీమహం || 29 ||
సురసేవితపాదాబ్జాం సురసౌఖ్యప్రదాయినీం |
సుందరీగణసంసేవ్యాం సేవే ధూమావతీమహం || 30 ||
హేరంబజననీం యోగ్యాం హాస్యలాస్యవిహారిణీం |
హారిణీం శత్రుసంఘానాం సేవే ధూమావతీమహం || 31 ||
క్షీరోదతీరసంవాసాం క్షీరపానప్రహర్షితాం |
క్షణదేశేజ్యపాదాబ్జాం సేవే ధూమావతీమహం || 32 ||
చతుస్త్రింశద్వర్ణకానాం ప్రతివర్ణాదినామభిః |
కృతం తు హృదయస్తోత్రం ధూమావత్యాస్సుసిద్ధిదం || 33 ||
య ఇదం పఠతి స్తోత్రం పవిత్రం పాపనాశనం |
స ప్రాప్నోతి పరాం సిద్ధం ధూమావత్యాః ప్రసాదతః || 34 ||
పఠన్నేకాగ్రచిత్తోయో యద్యదిచ్ఛతి మానవః |
తత్సర్వం సమవాప్నోతి సత్యం సత్యం వదాంయహం || 35 ||

శ్రీ ధూమావతీ అష్టోత్తరశతనామ స్తోత్రం

శ్రీ ధూమావతీ అష్టోత్తరశతనామ స్తోత్రం.

Telugu

Read Stotra

శ్రీ ధూమావతీ అష్టోత్తరశతనామ స్తోత్రం

ఈశ్వర ఉవాచ –
ఓం ధూమావతీ ధూంరవర్ణా ధూంరపానపరాయణా |
ధూంరాక్షమథినీ ధన్యా ధన్యస్థాననివాసినీ || 1 ||
అఘోరాచారసంతుష్టా అఘోరాచారమండితా |
అఘోరమంత్రసంప్రీతా అఘోరమంత్రపూజితా || 2 ||
అట్టాట్టహాసనిరతా మలినాంబరధారిణీ |
వృద్ధా విరూపా విధవా విద్యా చ విరళద్విజా || 3 ||
ప్రవృద్ధఘోణా కుముఖీ కుటిలా కుటిలేక్షణా |
కరాళీ చ కరాళాస్యా కంకాళీ శూర్పధారిణీ || 4 ||
కాకధ్వజరథారూఢా కేవలా కఠినా కుహూః |
క్షుత్పిపాసార్దితా నిత్యా లలజ్జిహ్వా దిగంబరీ || 5 ||
దీర్ఘోదరీ దీర్ఘరవా దీర్ఘాంగీ దీర్ఘమస్తకా |
విముక్తకుంతలా కీర్త్యా కైలాసస్థానవాసినీ || 6 ||
క్రూరా కాలస్వరూపా చ కాలచక్రప్రవర్తినీ |
వివర్ణా చంచలా దుష్టా దుష్టవిధ్వంసకారిణీ || 7 ||
చండీ చండస్వరూపా చ చాముండా చండనిఃస్వనా |
చండవేగా చండగతిశ్చండముండవినాశినీ || 8 ||
చాండాలినీ చిత్రరేఖా చిత్రాంగీ చిత్రరూపిణీ |
కృష్ణా కపర్దినీ కుల్లా కృష్ణారూపా క్రియావతీ || 9 ||
కుంభస్తనీ మహోన్మత్తా మదిరాపానవిహ్వలా |
చతుర్భుజా లలజ్జిహ్వా శత్రుసంహారకారిణీ || 10 ||
శవారూఢా శవగతా శ్మశానస్థానవాసినీ |
దురారాధ్యా దురాచారా దుర్జనప్రీతిదాయినీ || 11 ||
నిర్మాంసా చ నిరాకారా ధూమహస్తా వరాన్వితా |
కలహా చ కలిప్రీతా కలికల్మషనాశినీ || 12 ||
మహాకాలస్వరూపా చ మహాకాలప్రపూజితా |
మహాదేవప్రియా మేధా మహాసంకటనాశినీ || 13 ||
భక్తప్రియా భక్తగతిర్భక్తశత్రువినాశినీ |
భైరవీ భువనా భీమా భారతీ భువనాత్మికా || 14 ||
భేరుండా భీమనయనా త్రినేత్రా బహురూపిణీ |
త్రిలోకేశీ త్రికాలజ్ఞా త్రిస్వరూపా త్రయీతనుః || 15 ||
త్రిమూర్తిశ్చ తథా తన్వీ త్రిశక్తిశ్చ త్రిశూలినీ |
ఇతి ధూమామహత్ స్తోత్రం నాంనామష్టశతాత్మకం || 16 ||
మయా తే కథితం దేవి శత్రుసంఘవినాశనం |
కారాగారే రిపుగ్రస్తే మహోత్పాతే మహాభయే || 17 ||
ఇదం స్తోత్రం పఠేన్మర్త్యో ముచ్యతే సర్వసంకటైః |
గుహ్యాద్గుహ్యతరం గుహ్యం గోపనీయం ప్రయత్నతః || 18 ||
చతుష్పదార్థదం నౄణాం సర్వసంపత్ప్రదాయకం || 19 ||
ఇతి శ్రీధూమావత్యష్టోత్తరశతనామస్తోత్రం |

శ్రీ ధూమావత్యష్టోత్తరశతనామావళిః

శ్రీ ధూమావత్యష్టోత్తరశతనామావళిః.

Telugu

Read Stotra

శ్రీ ధూమావత్యష్టోత్తరశతనామావళిః

Sign In

OTP Verification

Sacred Stotras & Deities

శ్రీ ధూమావతీ కవచం

శ్రీ ధూమావతీ స్తోత్రం

శ్రీ ధూమావతీ హృదయం

శ్రీ ధూమావతీ అష్టోత్తరశతనామ స్తోత్రం

శ్రీ ధూమావత్యష్టోత్తరశతనామావళిః

MENU

LINKS

Astrologer Section

Vendor Section

GET ADVICE ON

Download Our Apps