శ్రీ రామనవమి పూజావిధానము

ప్రాతఃకాలమున నిద్రలేచి స్నానాది నిత్యకృత్యాలను ఆచరించి, శుద్ధుడై, తులసీ పుష్ప ఫలాది పూజాద్రవ్యాలను ఏర్పరచుకొని – శ్రీరాముని పటానికి గానీ, విగ్రహనికి గానీ యధావిధి పూజించాలి.

శ్రీ కేశవాది – నామాలతో ఆచమనీయం చేసిన తరువాత, ప్రాణాయామం ఆచరించి – సంకల్పించుకోవాలి.
మమ ఉపాత్త దురితక్షయ ద్వారా శ్రీ పరమేశ్వర ప్రీత్యర్ధం శుభేశోభనే ముహూర్తే శ్రీ మహా విష్ణోరాజ్ఞయా ప్రవర్తమానస్య అద్య బ్రహ్మణః ద్వితీయ పరార్ధే శ్వేతవరాహ కల్పే వైవస్వత మన్వంతరే కలియుగే ప్రథమ పాదే జంబూద్వీపే భరతవర్షే భరతఖండే మేరోః……. దిగ్భాగే, శ్రీశైలస్య…… ప్రథేశే, గంగాగోదావర్యోః మధ్యదేశే, అస్మిన్ వర్తమాన వ్యావహారిక చాన్ద్రమానేన స్వస్తిశ్రీ……. నామ సంవత్సరే ఉత్తరాయణే వసంత ఋతౌ చైత్రమాసే శుక్లపక్షే నవమ్యాం తిథౌ …వాసరే శుభనక్షత్ర శుభయోగ శుభకరణ ఏవంగుణ విశేషణ విశిష్టాయాం శుభతిథౌ శ్రీమాన్… గోత్రః ధర్మపత్నీ సమేతః…… నామధేయః, శ్రీమతః….. గోత్రస్య….. నామ ధేయస్య సహకుటుంబస్య క్షేమ స్త్థెర్య ధ్తెర్య ఆయురారోగ్య ఐశ్వర్యాభివృద్ధ్యర్ధం, జాంబవత్సుగ్రీవ హనుమ లక్ష్మణ భరత శత్రుఘ్న పరివార సమేత శ్రీ సీతారామచన్ద్ర దేవతా ప్రీత్యర్థం , శ్రీ సీతారామచన్ద్ర దేవతా ప్రసాద సిద్ధ్యర్థం షోడశోపచార పూజాం కరిష్యే…..
అని సంకల్పించుకొని కలాశారాధన చేసి – కలశంపై చేతినుంచి

శ్లో|| కలశస్య ముఖే విష్ణుః కంఠే రుద్రః సమాశ్రితః
మూలే తత్రస్ఠితో బ్రహ్మ మధ్యే మాతృగణాః స్ఠితాః||
కుక్షౌతు సాగరాస్సర్వే సప్తద్వీపా వసుంధరా|
ఋగ్వేదోథయజుర్వేద స్సామవేదో హ్యథర్వణః||
అంగైశ్చ సహితాస్సర్వే కలశాంబు సమాశ్రితాః|
గంగేచ యమునే కృష్ణే గోదావరి సరస్వతి|
నర్మదే సిన్ధు కావేరి జలేస్మిన్ సన్నిధిం కురు||
-(కలశజలాన్ని పుష్పంతోగాని, తులసితోగానీ, తీసుకొని దైవప్రతిమపై ప్రోక్షించి, తనపై జల్లుకుని, పుజద్రవ్యాలపై జల్లి-)

ఆదౌ నిర్విఘ్నేన పరిసమాప్త్యర్థం
శ్రీ మహగణపతి పుజాం కరిష్యే-(గణపతిని పూజించాక-) పూర్వ సంకల్పిత శ్రీసీతారామచన్ద్ర పూజాం కరిష్యే — అని పూజారంభం చేయాలి.
ధ్యానం — వామేభూమిసుతా పురస్తుహనుమాన్ పశ్చాత్సుమిత్రా సుతః|
శత్రుఘ్నోభరతశ్చ పార్శ్వదళయోఃవాయ్వాది కోణేషుచ
సుగ్రీవశ్చ విభీషణశ్చ యువరాట్తారాసుతో జాంబవాన్|
మధ్యే నీలసరోజ కోమలరుచిం రామం భజే శ్యామలం.

శ్లో|| కందర్పకోటి లావణ్యం – మందస్మిత శుభేక్షణం
మహాభుజం శ్యామవర్ణం – సీతారామం భజామ్యహం

శ్రీసీతరామచంద్ర పరమాత్మనే నమః ధ్యానం సమర్పయామి

ఆవాహనం- శ్రీరామాగచ్ఛ భగవన్ – రఘువీర నృపోత్తమ
జానక్యా సహ రాజేంద్ర — సుస్థిరో భవసర్వదా.

శ్లో|| రామచంద్ర మహేష్వాస – రావణాంతక రాఘవ
యావత్పూజాం సమాప్యేహం – తావత్త్వం సన్నిధిం కురు.

శ్లో|| రఘునాయక రాజర్షే – నమో రాజీవలోచన
రఘునందన మే దేవ – శ్రీరామాభిముఖో భవ

శ్రీసీతారామచంద్ర పరమాత్మనే నమః ఆవాహనం సమర్పయామి

సింహసనం రాజాధిరాజ రాజేంద్ర - రామచంద్ర మహాప్రభో రత్నసింహసనం తుభ్యం - దాస్యామి స్వీకురు ప్రభో||

శ్రీసీతారామచంద్ర పరమాత్మనే నమః నవరత్నఖచిత సింహసనం సమర్పయామి

పాద్యం త్త్రెలోక్య పావనానంత - నమస్తే రఘునాయక పాద్యం గృహణ రాజర్షే - నమో రాజీవలోచన

శ్రీసీతారామచంద్ర పరమాత్మనే నమః పాదయోః పాద్యం సమర్పయామి

అర్ఘ్యం పరిపూర్ణ పరానంద - నమో రాజీవ లోచన గృహణార్ఘ్యం మయాదత్తం - కృష్ణవిష్ణో జనార్దన

శ్రీసీతారామచంద్ర పరమాత్మనే నమః హస్తయోః అర్ఘ్య్ం సమర్పయామి

ఆచమనం నమో నిత్యాయ శుద్ధాయ - బుద్ధాయ పరమాత్మనే గృహాణాచమనం రామ - సర్వలోకైక నాయక!

శ్రీసీతారామచంద్ర పరమాత్మనే నమః ముఖే ఆచమనం సమర్పయామి

మధుపర్కం నమః శ్రీవాసుదేవాయ - బుద్ధాయ పరమాత్మనే మధుపర్కం గృహణేదం - రాజరాజాయతే నమః

శ్రీసీతారామచంద్ర పరమాత్మనే నమః మధుపర్కం సమర్పయామి

పంచామృతస్నానం క్షీరం దధి ఘృతం చైవ - శర్కరా మధు సంయుతం సిద్ధం పంచామృత స్నానం – రామ త్వం ప్రతిగృహ్యతాం

శ్రీసీతారామచంద్ర పరమాత్మనే నమః పంచామృత స్నానం సమర్పయామి

శుద్ధోదక స్నానం బ్రహ్మాండోదర మధ్యస్థం - తీర్థైశ్చ రఘునందన స్నాపయిష్యా మ్యహం భక్త్యా - సంగృహాణ జనార్ధన!

శ్రీసీతారామచంద్ర పరమాత్మనే నమః స్నానాంతరం ఆచమనీయం సమర్పయామి

వస్త్రం

సంతప్త కాంచన ప్రఖ్యం – పీతాంబర యుగం శుభం
సంగృహాణ జగన్నాథ – రామచంద్ర నమోస్తు తే

శ్రీసీతారామచంద్ర పరమాత్మనే నమః వస్త్రయుగ్మం సమర్పయామి

అనంతరం ఆచమనీయం సమర్పయామి. యజ్ఞోపవీతం సమర్పయామి

ఆభరణాని
కౌస్తుభాహార కేయూర – రత్న కంకణ నూపురాన్
ఏవమాదీ నలంకారాన్ – గృహాణ జగదీశ్వర!

శ్రీసీతారామచంద్ర పరమాత్మనే నమః ఆభరణాన్ సమర్పయామి

గంధం కుంకుమాగరు కస్తూరీ - కర్పూరై ర్మిశ్ర సంభవమ్ తుభ్యం దాస్యామి దేవేశ - శ్రీ రామ స్వీకురు ప్రభో

శ్రీసీతారామచంద్ర పరమాత్మనే నమః శ్రీగంధం సమర్పయామి

పుష్పం తులసీకుందమందార జాతీపున్నాగచంపకైః నీలాంబుజైర్బిల్వదళైః పుష్పమాల్యైశ్చ రాఘవ!

పూజాయిష్యామ్యహం భక్త్యా సంగృహాణ జనార్దన

శ్రీ సీతారామచంద్ర పరమాత్మనే నమః నానావిధ పరిమళపత్ర పుష్పాణీ సమర్పయామి

వనమాలా తులసీ కుంద మందార - పారిజాతాంబుజైర్యుతాం వనమాలాం ప్రదాస్యామి - గృహణ జగద్వీశ్వర

శ్రీ సీతారామచంద్ర పరమాత్మనే నమః వనమాలాం సమర్పయామి

అథ అంగపూజా

శ్రీరామాయ నమః పాదౌ పూజయామి

శ్రీరామభద్రాయ నమః జంఘే పూజయామి

శ్రీరామచంద్రాయ నమః జానునీ పూజయామి

శ్రీశాశ్వతాయ నమః ఊరూన్ పూజయామి

శ్రీ రఘువల్లభాయ నమః కటిం పూజయామి

శ్రీ దశరథాత్మజాయ నమః ఉదరం పూజయామి

కౌసలేయాయ నమః నాభింపూజయామి

శ్రీ లక్ష్మణాగ్రాజాయ నమః వక్షస్థలం పూజయామి

శ్రీ కౌస్తుభాభరణాయ నమః కంఠం పూజయామి

శ్రీ రాజరాజాయ నమః స్కంధౌ పూజయామి

శ్రీ కోదండధరాయ నమః బాహూన్ పూజయామి

శ్రీ భరతాగ్రజాయ నమః ముఖం పూజయామి

శ్రీ పద్మాక్షాయ నమః నేత్రౌ పూజయామి

శ్రీ రమాయై నమః కర్ణౌ పూజయామి

శ్రీ సర్వేశ్వరాయ నమః శిరః పూజయమి

శ్రీ సీతారామచంద్ర పరబ్రహ్మాణే నమః సర్వాంణ్యంగాని పూజాయామి
తతః శ్రీ రామాష్టోత్తర శతనామా పూజాం కుర్యాత్

ధూపం వనస్పత్యుద్భవై ర్దివ్యై - ర్నానాగంధై స్సుసంయుతః అఘ్రేయ స్సర్వదేవానాం - ధూపోయం ప్రతిగృహ్యతాం

శ్రీ సీతారామచంద్ర పరమాత్మనే నమః ధూపమాఘ్రాపయామి

దీపం జ్యోతిషాం పతయే తుభ్యం - నమో రామాయా వేధసే గృహాణ దీపకం రాజన్ - త్రైలోక్య తిమిరాపహం

విధి ప్రకారేణ నివేదనం కుర్యాత్, మధ్యే మధ్యే పానీయం సమర్పయామి.
అమృతాపి ధానమసి ఉత్తరాపొశనం సమర్పయామి. హస్తౌప్రక్షాళయామి ముఖే ప్రక్షాళనం సమర్పయామి. పాదౌ ప్రక్షాళయామి. శుద్ధాచమనీయం సమర్పయామి.

తాంబూలం
నాగవల్లీ దళైర్యుక్తం – ఫూగీఫల సమన్వితం
తాంబూలం గృహ్యతాం రామ కర్పూరాది సమన్వితం

నీరాజనం
మంగళం విశ్వకళ్యాణ – నీరాజన మిదం హరే
సంగృహాణ జగన్నాథ – రామభద్ర నమోస్తుతే శ్రీ సీతారామచంద్ర పరమాత్మనే నమః నీరాజనం దర్శయామి నీరాజనానంతరం ఆచమనీయం సమర్పయామి

మంత్రపుష్పం
నమో దేవాదిదేవాయ – రఘునాథాయ శారిఙ్గణే
చిన్మయానంద రూపాయ – సీతాయాః పతయే నమః

శ్రీ సీతారామచంద్ర పరమాత్మనే నమః
సువర్ణ దివ్యమంత్ర పుష్పం సమర్పయామి

ప్రదక్షిణ నమస్కారం యానికానిచ పాపాని - జన్మాతర కృతానిచ తాని తాని ప్రణశ్యంతి - ప్రదక్షిణ పదేపదే పాపోహం పాపకర్మాహం - పాపాత్మా పాపసంభవః త్రాహిమాం కృపయా దేవ - శరణాగత వత్సల! అన్యధా శరణం నాస్తి - త్వమేవ శరణం మమ తస్మాత్కారుణ్య భావేన - రక్షరక్ష రఘూత్తమ||

శ్రీ సీతారామచంద్ర పరమాత్మనే నమః
ఆత్మ ప్రదక్షిణ నమస్కారం సమర్పయామి

పుష్పాంజలి
దాశరథాయ విద్మహే సీతావల్లభాయ ధీమహి
తన్నో రామచంద్రః ప్రచోదయాత్

శ్రీ సీతారామచంద్ర పరమాత్మనే నమః పుష్పాంజలి సమర్పయామి

ఉత్తరపూజా
శ్రీజాంబవత్సుగ్రీవ హనుమత్ లక్ష్మణ భరతశత్రుఘ్న పరివార సహిత
శ్రీ సీతారామచంద్ర పరబ్రహ్మణే నమః

ఛత్రం ధారయామి – చామరం వీజయామి
గీతం శ్రావయామి – నృత్యం దర్శయామి

ఆందోళికా మారోహయామి – అశ్వ మారోహయామి
గజమారోహయామి – సమస్త రాజోపచార దేవ్యోపచార భక్త్యోపచార శక్త్యోపచార పూజాం సమర్పయామి

యస్యస్మృత్యా చ నామోక్త్యా – తపఃపూజా క్రియాదిషు
న్యూనం సంపూర్ణతాం యాతి – సద్యో వన్దే తమచ్యుతమ్!
యత్పూజితం మయా రామ! – పరిపూర్ణం తదస్తుతే

అనయా ధ్యానావాహనాది పూజయా
శ్రీసీతారామచన్ద్ర దేవతా సుప్రీతా సుప్రసన్నా వరదా భవతు- (అని అక్షితలు నీళ్ళు విడిచిపెట్టి-)
హరిః తత్సత్.
సర్వం శ్రీ సీతారామచన్ద్రార్పణమస్తు

ఆపదుద్ధారణ స్తోత్రం

ఆపదామపహర్తారం దాతారం సర్వసంపదాం |
లోకాభిరామం శ్రీరామం భూయో భూయో నమాంయహం || 1 ||
ఆర్తానామార్తిహంతారం భీతానాం భీతినాశనం |
ద్విషతాం కాలదండం తం రామచంద్రం నమాంయహం || 2 ||
నమః కోదండహస్తాయ సంధీకృతశరాయ చ |
ఖండితాఖిలదైత్యాయ రామాయాపన్నివారిణే || 3 ||
రామాయ రామభద్రాయ రామచంద్రాయ వేధసే |
రఘునాథాయ నాథాయ సీతాయాః పతయే నమః || 4 ||
అగ్రతః పృష్ఠతశ్చైవ పార్శ్వతశ్చ మహాబలౌ |
ఆకర్ణపూర్ణధన్వానౌ రక్షేతాం రామలక్ష్మణౌ || 5 ||
సన్నద్ధః కవచీ ఖడ్గీ చాపబాణధరో యువా |
గచ్ఛన్ మమాగ్రతో నిత్యం రామః పాతు సలక్ష్మణః || 6 ||
అచ్యుతానంతగోవింద నమోచ్చారణభేషజాత్ |
నశ్యంతి సకలా రోగాః సత్యం సత్యం వదాంయహం || 7 ||
సత్యం సత్యం పునః సత్యముద్ధృత్య భుజముచ్యతే |
వేదాచ్ఛాస్త్రం పరం నాస్తి న దేవం కేశవాత్పరం || 8 ||
శరీరే జర్ఝరీభూతే వ్యాధిగ్రస్తే కలేవరే |
ఔషధం జాహ్నవీతోయం వైద్యో నారాయణో హరిః || 9 ||
ఆలోడ్య సర్వశాస్త్రాణి విచార్య చ పునః పునః |
ఇదమేకం సునిష్పన్నం ధ్యేయో నారాయణో హరిః || 10 ||

శ్రీ రామ ద్వాదశనామ స్తోత్రం

ప్రథమం శ్రీధరం విద్యాద్ద్వితీయం రఘునాయకం |
తృతీయం రామచంద్రం చ చతుర్థం రావణాంతకం || 1 ||
పంచమం లోకపూజ్యం చ షష్ఠమం జానకీపతిం |
సప్తమం వాసుదేవం చ శ్రీరామం చాఽష్టమం తథా || 2 ||
నవమం జలదశ్యామం దశమం లక్ష్మణాగ్రజం |
ఏకాదశం చ గోవిందం ద్వాదశం సేతుబంధనం || 3 ||
ద్వాదశైతాని నామాని యః పఠేచ్ఛ్రద్ధయాన్వితః |
అర్ధరాత్రే తు ద్వాదశ్యాం కుష్ఠదారిద్ర్యనాశనం || 4 ||
అరణ్యే చైవ సంగ్రామే అగ్నౌ భయనివారణం |
బ్రహ్మహత్యా సురాపానం గోహత్యాది నివారణం || 5 ||
సప్తవారం పఠేన్నిత్యం సర్వారిష్టనివారణం |
గ్రహణే చ జలే స్థిత్వా నదీతీరే విశేషతః |
అశ్వమేధశతం పుణ్యం బ్రహ్మలోకం గమిష్యతి || 6 ||
ఇతి శ్రీ స్కాందపురాణే ఉత్తరఖండే శ్రీ ఉమామహేశ్వరసంవాదే శ్రీ రామ ద్వాదశనామస్తోత్రం |

శ్రీ రఘువీర గద్యం (శ్రీ మహావీర వైభవం)

శ్రీమాన్వేంకటనాథార్య కవితార్కిక కేసరి |
వేదాంతాచార్యవర్యోమే సన్నిధత్తాం సదాహృది ||
జయత్యాశ్రిత సంత్రాస ధ్వాంత విధ్వంసనోదయః |
ప్రభావాన్ సీతయా దేవ్యా పరమవ్యోమ భాస్కరః ||
జయ జయ మహావీర మహాధీర ధౌరేయ,
దేవాసుర సమర సమయ సముదిత నిఖిల నిర్జర నిర్ధారిత నిరవధిక మాహాత్ంయ,
దశవదన దమిత దైవత పరిషదభ్యర్థిత దాశరథి భావ,
దినకర కుల కమల దివాకర,
దివిషదధిపతి రణ సహచరణ చతుర దశరథ చరమ ఋణవిమొచన,
కోసల సుతా కుమార భావ కంచుకిత కారణాకార,
కౌమార కేళి గోపాయిత కౌశికాధ్వర,
రణాధ్వర ధుర్య భవ్య దివ్యాస్త్ర బృంద వందిత,
ప్రణత జన విమత విమథన దుర్లలిత దోర్లలిత,
తనుతర విశిఖ వితాడన విఘటిత విశరారు శరారు తాటకా తాటకేయ,
జడకిరణ శకలధర జటిల నటపతి మకుట తట నటనపటు విబుధసరిదతిబహుళ మధుగళన లలితపద
నళినరజ ఉపమృదిత నిజవృజిన జహదుపల తనురుచిర పరమ మునివర యువతి నుత,
కుశిక సుత కథిత విదిత నవ వివిధ కథ,
మైథిల నగర సులోచనా లోచన చకోర చంద్ర,
ఖండపరశు కోదండ ప్రకాండ ఖండన శౌండ భుజదండ,
చండకర కిరణ మండల బోధిత పుండరీక వన రుచి లుంటాక లోచన,
మోచిత జనక హృదయ శంకాతంక,
పరిహృత నిఖిల నరపతి వరణ జనక దుహితృ కుచతట విహరణ సముచిత కరతల,
శతకోటి శతగుణ కఠిన పరశుధర మునివర కరధృత దురవనమతమ నిజ ధనురాకర్షణ ప్రకాశిత పారమేష్ఠ్య,
క్రతుహర శిఖరి కంతుక విహృత్యున్ముఖ జగదరుంతుద జితహరి దంతి దంత దంతుర దశవదన దమన కుశల దశశతభుజ ముఖ నృపతికుల రుధిర ఝర భరిత పృథుతర తటాక తర్పిత పితృక భృగుపతి సుగతి విహతికర నత పరుడిషు పరిఘ,
అనృత భయ ముషిత హృదయ పితృ వచన పాలన ప్రతిజ్ఞావజ్ఞాత యౌవరాజ్య,
నిషాద రాజ సౌహృద సూచిత సౌశీల్య సాగర,
భరద్వాజ శాసన పరిగృహీత విచిత్ర చిత్రకూట గిరి కటక తట రంయావసథ,
అనన్యశాసనీయ,
ప్రణత భరత మకుటతట సుఘటిత పాదుకాగ్ర్యాభిషేక, నిర్వర్తిత సర్వలోక యోగ క్షేమ,
పిశిత రుచి విహిత దురిత వలమథన తనయ బలిభుగనుగతి సరభస శయన తృణ శకల పరిపతన భయ చకిత సకల సుర మునివర బహుమత మహాస్త్ర సామర్థ్య,
ద్రుహిణ హర వలమథన దురాలక్ష శరలక్ష,
దండకా తపోవన జంగమ పారిజాత,
విరాధ హరిణ శార్దూల,
విలుళిత బహుఫల మఖ కలమ రజనిచర మృగ మృగయారంభ సంభృత చీరభృదనురోధ,
త్రిశిరః శిరస్త్రితయ తిమిర నిరాస వాసరకర,
దూషణ జలనిధి శోషణ తోషిత ఋషిగణ ఘోషిత విజయ ఘోషణ,
ఖరతర ఖర తరు ఖండన చండ పవన,
ద్విసప్త రక్షః సహస్ర నళవన విలోలన మహాకలభ,
అసహాయ శూర,
అనపాయ సాహస,
మహిత మహామృథ దర్శన ముదిత మైథిలీ దృఢతర పరిరంభణ విభవ విరోపిత వికట వీరవ్రణ,
మారీచ మాయా మృగ చర్మ పరికర్మిత నిర్భర దర్భాస్తరణ,
విక్రమ యశో లాభ విక్రీత జీవిత గృధ్రరాజ దేహ దిధక్షా లక్షిత భక్తజన దాక్షిణ్య,
కల్పిత విబుధభావ కబంధాభినందిత,
అవంధ్య మహిమ మునిజన భజన ముషిత హృదయ కలుష శబరీ మోక్ష సాక్షిభూత,
ప్రభంజనతనయ భావుక భాషిత రంజిత హృదయ,
తరణిసుత శరణాగతి పరతంత్రీకృత స్వాతంత్ర్య,
దృఢఘటిత కైలాస కోటి వికట దుందుభి కంకాళ కూట దూర విక్షేప దక్ష దక్షిణేతర పాదాంగుష్ఠ దరచలన విశ్వస్త సుహృదాశయ,
అతిపృథుల బహు విటపి గిరి ధరణి వివర యుగపదుదయ వివృత చిత్రపుంఖ వైచిత్ర్య,
విపుల భుజ శైలమూల నిబిడ నిపీడిత రావణ రణరణక జనక చతురుదధి విహరణ చతుర కపికులపతి హృదయ విశాల శిలాతల దారణ దారుణ శిలీముఖ,
అపార పారావార పరిఖా పరివృత పరపుర పరిసృత దవ దహన జవన పవనభవ కపివర పరిష్వంగ భావిత సర్వస్వ దాన,
అహిత సహోదర రక్షః పరిగ్రహ విసంవాది వివిధ సచివ విప్రలంభ (విస్రంభణ) సమయ సంరంభ సముజ్జృంభిత సర్వేశ్వర భావ,
సకృత్ప్రపన్న జన సంరక్షణ దీక్షిత వీర, సత్యవ్రత,
ప్రతిశయన భూమికా భూషిత పయోధి పుళిన,
ప్రళయ శిఖి పరుష విశిఖ శిఖా శోషితాకూపార వారిపూర,
ప్రబల రిపు కలహ కుతుక చటుల కపికుల కరతల తూలిత హృత గిరి నికర సాధిత సేతుపథ సీమా సీమంతిత సముద్ర,
ద్రుతగతి తరుమృగ వరూథినీ నిరుద్ధ లంకావరోధ వేపథు లాస్య లీలోపదేశ దేశిక ధనుర్జ్యాఘోష,
గగన చర కనక గిరి గరిమ ధర నిగమమయ నిజ గరుడ గరుదనిల లవ గళిత విష వదన శర కదన,
అకృతచర వనచర రణకరణ వైలక్ష్య కూణితాక్ష బహువిధ రక్షో బలాధ్యక్ష వక్షః కవాట పాటన పటిమ సాటోప కోపావలేప,
కటురటదటని టంకృతి చటుల కఠోర కార్ముఖ వినిర్గత విశంకట విశిఖ వితాడన విఘటిత మకుట విహ్వల విశ్రవస్తనయ విశ్రమ సమయ విశ్రాణన విఖ్యాత విక్రమ,
కుంభకర్ణ కులగిరి విదళన దంభోళి భూత నిశ్శంక కంకపత్ర,
అభిచరణ హుతవహ పరిచరణ విఘటన సరభస పరిపతదపరిమిత కపిబల జలధి లహరి కలకలరవ కుపిత మఘవజి దభిహననకృదనుజ సాక్షిక రాక్షస ద్వంద్వయుద్ధ,
అప్రతిద్వంద్వ పౌరుష,
త్ర్యంబక సమధిక ఘోరాస్త్రాడంబర,
సారథి హృత రథ సత్రప శాత్రవ సత్యాపిత ప్రతాప,
శిత శర కృత లవణ దశముఖ ముఖ దశక నిపతన పునరుదయ దర గళిత జనిత దర తరళ హరిహయ నయన నళినవన రుచి ఖచిత ఖతల నిపతిత సురతరు కుసుమ వితతి సురభిత రథ పథ,
అఖిల జగదధిక భుజ బల దశ లపన దశక లవన జనిత కదన పరవశ రజనిచర యువతి విలపన వచన సమవిషయ నిగమ శిఖర నికర ముఖర ముఖ ముని వర పరిపణిత,
అభిగత శతమఖ హుతవహ పితృపతి నిరృతి వరుణ పవన ధనద గిరిశ ముఖ సురపతి నుత ముదిత,
అమిత మతి విధి విదిత కథిత నిజ విభవ జలధి పృషత లవ,
విగత భయ విబుధ పరిబృఢ విబోధిత వీరశయన శాయిత వానర పృతనౌఘ,
స్వ సమయ విఘటిత సుఘటిత సహృదయ సహధర్మచారిణీక,
విభీషణ వశంవదీకృత లంకైశ్వర్య,
నిష్పన్న కృత్య,
ఖ పుష్పిత రిపు పక్ష,
పుష్పక రభస గతి గోష్పదీకృత గగనార్ణవ,
ప్రతిజ్ఞార్ణవ తరణ కృత క్షణ భరత మనోరథ సంహిత సింహాసనాధిరూఢ,
స్వామిన్, రాఘవ సింహ,
హాటక గిరి కటక సదృశ పాద పీఠ నికట తట పరిలుఠిత నిఖిల నృపతి కిరీట కోటి వివిధ మణి గణ కిరణ నికర నీరాజిత చరణ రాజీవ,
దివ్య భౌమాయోధ్యాధిదైవత,
పితృ వధ కుపిత పరశు ధర ముని విహిత నృప హనన కదన పూర్వ కాల ప్రభవ శత గుణ ప్రతిష్ఠాపిత ధార్మిక రాజ వంశ,
శుభ చరిత రత భరత ఖర్విత గర్వ గంధర్వ యూథ గీత విజయ గాథా శత,
శాసిత మధుసుత శత్రుఘ్న సేవిత,
కుశ లవ పరిగృహీత కుల గాథా విశేష,
విధివశ పరిణమదమర భణితి కవివర రచిత నిజ చరిత నిబంధన నిశమన నిర్వృత,
సర్వ జన సంమానిత,
పునరుపస్థాపిత విమాన వర విశ్రాణన ప్రీణిత వైశ్రవణ విశ్రావిత యశః ప్రపంచ,
పంచతాపన్న మునికుమార సంజీవనామృత,
త్రేతాయుగ ప్రవర్తిత కార్తయుగ వృత్తాంత,
అవికల బహుసువర్ణ హయమఖ సహస్ర నిర్వహణ నిర్వర్తిత నిజ వర్ణాశ్రమ ధర్మ,
సర్వ కర్మ సమారాధ్య,
సనాతన ధర్మ,
సాకేత జనపద జని ధనిక జంగమ తదితర జంతు జాత దివ్య గతి దాన దర్శిత నిత్య నిస్సీమ వైభవ,
భవ తపన తాపిత భక్తజన భద్రారామ,
శ్రీ రామభద్ర, నమస్తే పునస్తే నమః ||
చతుర్ముఖేశ్వరముఖైః పుత్రపౌత్రాదిశాలినే |
నమః సీతాసమేతాయ రామాయ గృహమేధినే ||
కవికథకసింహకథితం
కఠోరసుకుమారగుంభగంభీరం |
భవభయభేషజమేతత్
పఠత మహావీరవైభవం సుధియః ||

 శ్రీ రాఘవాష్టకం

రాఘవం కరుణాకరం మునిసేవితం సురవందితం
జానకీవదనారవిందదివాకరం గుణభాజనం |
వాలిసూనుహితైషిణం హనుమత్ప్రియం కమలేక్షణం
యాతుధానభయంకరం ప్రణమామి రాఘవకుంజరం || 1 ||
మైథిలీకుచభూషణామల నీలమౌక్తికమీశ్వరం
రావణానుజపాలనం రఘుపుంగవం మమ దైవతం |
నాగరీవనితాననాంబుజబోధనీయకలేవరం
సూర్యవంశవివర్ధనం ప్రణమామి రాఘవకుంజరం || 2 ||
హేమకుండలమండితామలకంఠదేశమరిందమం
శాతకుంభ మయూరనేత్రవిభూషణేన విభూషితం |
చారునూపురహారకౌస్తుభకర్ణభూషణభూషితం
భానువంశవివర్ధనం ప్రణమామి రాఘవకుంజరం || 3 ||
దండకాఖ్యవనే రతామరసిద్ధయోగిగణాశ్రయం
శిష్టపాలనతత్పరం ధృతిశాలిపార్థకృతస్తుతిం |
కుంభకర్ణభుజాభుజంగవికర్తనే సువిశారదం
లక్ష్మణానుజవత్సలం ప్రణమామి రాఘవకుంజరం || 4 ||
కేతకీకరవీరజాతిసుగంధిమాల్యసుశోభితం
శ్రీధరం మిథిలాత్మజాకుచకుంకుమారుణవక్షసం |
దేవదేవమశేషభూతమనోహరం జగతాం పతిం
దాసభూతభయాపహం ప్రణమామి రాఘవకుంజరం || 5 ||
యాగదానసమాధిహోమజపాదికర్మకరైర్ద్విజైః
వేదపారగతైరహర్నిశమాదరేణ సుపూజితం |
తాటకావధహేతుమంగదతాతవాలినిషూదనం
పైతృకోదితపాలకం ప్రణమామి రాఘవకుంజరం || 6 ||
లీలయా ఖరదూషణాదినిశాచరాశువినాశనం
రావణాంతకమచ్యుతం హరియూథకోటిగణాశ్రయం |
నీరజాననమంబుజాంఘ్రియుగం హరిం భువనాశ్రయం
దేవకార్యవిచక్షణం ప్రణమామి రాఘవకుంజరం || 7 ||
కౌశికేన సుశిక్షితాస్త్రకలాపమాయతలోచనం
చారుహాసమనాథబంధుమశేషలోకనివాసినం |
వాసవాదిసురారిరావణశాసనం చ పరాంగతిం
నీలమేఘనిభాకృతిం ప్రణమామి రాఘవకుంజరం || 8 ||
రాఘవాష్టకమిష్టసిద్ధిదమచ్యుతాశ్రయసాధకం
ముక్తిభుక్తిఫలప్రదం ధనధాన్యసిద్ధివివర్ధనం |
రామచంద్రకృపాకటాక్షదమాదరేణ సదా జపేత్
రామచంద్రపదాంబుజద్వయ సంతతార్పితమానసః || 9 ||
రామ రామ నమోఽస్తు తే జయ రామభద్ర నమోఽస్తు తే
రామచంద్ర నమోఽస్తు తే జయ రాఘవాయ నమోఽస్తు తే |
దేవదేవ నమోఽస్తు తే జయ దేవరాజ నమోఽస్తు తే
వాసుదేవ నమోఽస్తు తే జయ వీరరాజ నమోఽస్తు తే || 10 ||

శ్రీ రాఘవ స్తోత్రం

ఇంద్రనీలాచలశ్యామమిందీవరదృగుజ్జ్వలం |
ఇంద్రాదిదైవతైః సేవ్యమీడే రాఘవనందనం || 1 ||
పాలితాఖిలదేవౌఘం పద్మగర్భం సనాతనం |
పీనవక్షఃస్థలం వందే పూర్ణం రాఘవనందనం || 2 ||
దశగ్రీవరిపుం భద్రం దావతుల్యం సురద్విషాం |
దండకామునిముఖ్యానాం దత్తాభయముపాస్మహే || 3 ||
కస్తూరీతిలకాభాసం కర్పూరనికరాకృతిం |
కాతరీకృతదైత్యౌఘం కలయే రఘునందనం || 4 ||
ఖరదూషణహంతారం ఖరవీర్యభుజోజ్జ్వలం |
ఖరకోదండహస్తం చ ఖస్వరూపముపాస్మహే || 5 ||
గజవిక్రాంతగమనం గజార్తిహరతేజసం |
గంభీరసత్త్వమైక్ష్వాకం గచ్ఛామి శరణం సదా || 6 ||
ఘనరాజిలసద్దేహం ఘనపీతాంబరోజ్జ్వలం |
ఘూత్కారద్రుతరక్షౌఘం ప్రపద్యే రఘునందనం || 7 ||
చలపీతాంబరాభాసం చలత్కింకిణిభూషితం |
చంద్రబింబముఖం వందే చతురం రఘునందనం || 8 ||
సుస్మితాంచితవక్త్రాబ్జం సునూపురపదద్వయం |
సుదీర్ఘబాహుయుగలం సునాభిం రాఘవం భజే || 9 ||
హసితాంచితనేత్రాబ్జం హతాఖిలసురద్విషం |
హరిం రవికులోద్భూతం హాటకాలంకృతం భజే || 10 ||
రవికోటినిభం శాంతం రాఘవాణామలంకృతిం |
రక్షోగణయుగాంతాగ్నిం రామచంద్రముపాస్మహే || 11 ||
లక్ష్మీసమాశ్రితోరస్కం లావణ్యమధురాకృతిం |
లసదిందీవరశ్యామం లక్ష్మణాగ్రజమాశ్రయే || 12 ||
వాలిప్రమథనాకారం వాలిసూనుసహాయినం |
వరపీతాంబరాభాసం వందే రాఘవభూషణం || 13 ||
శమితాఖిలపాపౌఘం శాంత్యాదిగుణవారిధిం |
శతపత్రదృశం వందే శుభం దశరథాత్మజం || 14 ||
కుందకుడ్మలదంతాభం కుంకుమాంకితవక్షసం |
కుసుంభవస్త్రసంవీతం పుత్రం రాఘవమాశ్రయే || 15 ||
మల్లికామాలతీజాతిమాధవీపుష్పశోభితం |
మహనీయమహం వందే మహతాం కీర్తివర్ధనం || 16 ||
ఇదం యో రాఘవస్తోత్రం నరః పఠతి భక్తిమాన్ |
ముక్తః సంసృతిబంధాద్ధి స యాతి పరమం పదం || 17 ||

శ్రీ భరత కవచం

అగస్త్య ఉవాచ |
అతః పరం భరతస్య కవచం తే వదాంయహం |
సర్వపాపహరం పుణ్యం సదా శ్రీరామభక్తిదం || 1 ||
కైకేయీతనయం సదా రఘువరన్యస్తేక్షణం శ్యామలం
సప్తద్వీపపతేర్విదేహతనయాకాంతస్య వాక్యే రతం |
శ్రీసీతాధవసవ్యపార్శ్వనికటే స్థిత్వా వరం చామరం
ధృత్వా దక్షిణసత్కరేణ భరతం తం వీజయంతం భజే || 2 ||
అస్య శ్రీభరతకవచమంత్రస్య అగస్త్య ఋషిః శ్రీభరతో దేవతా అనుష్టుప్ ఛందః శంఖ ఇతి బీజం కైకేయీనందన ఇతి శక్తిః భరతఖండేశ్వర ఇతి కీలకం రామానుజ ఇత్యస్త్రం సప్తద్వీపేశ్వరదాస ఇతి కవచం రామాంశజ ఇతి మంత్రః శ్రీభరతప్రీత్యర్థం సకలమనోరథసిద్ధ్యర్థం జపే వినియోగః ||
అథ కరన్యాసః |
ఓం భరతాయ అంగుష్ఠాభ్యాం నమః |
ఓం శంఖాయ తర్జనీభ్యాం నమః |
ఓం కైకేయీనందనాయ మధ్యమాభ్యాం నమః |
ఓం భరతఖండేశ్వరాయ అనామికాభ్యాం నమః |
ఓం రామానుజాయ కనిష్ఠికాభ్యాం నమః |
ఓం సప్తద్వీపేశ్వరాయ కరతలకరపృష్ఠాభ్యాం నమః |
అథ అంగన్యాసః |
ఓం భరతాయ హృదయాయ నమః |
ఓం శంఖాయ శిరసే స్వాహా |
ఓం కైకేయీనందనాయ శిఖాయై వషట్ |
ఓం భరతఖండేశ్వరాయ కవచాయ హుం |
ఓం రామానుజాయ నేత్రత్రయాయ వౌషట్ |
ఓం సప్తద్వీపేశ్వరాయ అస్త్రాయ ఫట్ |
ఓం రామాంశజాయ చేతి దిగ్బంధః |
అథ ధ్యానం |
రామచంద్రసవ్యపార్శ్వే స్థితం కేకయజాసుతం |
రామాయ చామరేణైవ వీజయంతం మనోరమం || 1 ||
రత్నకుండలకేయూరకంకణాదిసుభూషితం |
పీతాంబరపరీధానం వనమాలావిరాజితం || 2 ||
మాండవీధౌతచరణం రశనానూపురాన్వితం |
నీలోత్పలదలశ్యామం ద్విజరాజసమాననం || 3 ||
ఆజానుబాహుం భరతఖండస్య ప్రతిపాలకం |
రామానుజం స్మితాస్యం చ శత్రుఘ్నపరివందితం || 4 ||
రామన్యస్తేక్షణం సౌంయం విద్యుత్పుంజసమప్రభం |
రామభక్తం మహావీరం వందే తం భరతం శుభం || 5 ||
ఏవం ధ్యాత్వా తు భరతం రామపాదేక్షణం హృది |
కవచం పఠనీయం హి భరతస్యేదముత్తమం || 6 ||
అథ కవచం |
పూర్వతో భరతః పాతు దక్షిణే కైకయీసుతః |
నృపాత్మజః ప్రతీచ్యాం హి పాతూదీచ్యాం రఘూత్తమః || 7 ||
అధః పాతు శ్యామలాంగశ్చోర్ధ్వం దశరథాత్మజః |
మధ్యే భరతవర్షేశః సర్వతః సూర్యవంశజః || 8 ||
శిరస్తక్షపితా పాతు భాలం పాతు హరిప్రియః |
భ్రువోర్మధ్యం జనకజావాక్యైకతత్పరోఽవతు || 9 ||
పాతు జనకజామాతా మమ నేత్రే సదాత్ర హి |
కపోలౌ మాండవీకాంతః కర్ణమూలే స్మితాననః || 10 ||
నాసాగ్రం మే సదా పాతు కైకేయీతోషవర్ధనః |
ఉదారాంగో ముఖం పాతు వాణీం పాతు జటాధరః || 11 ||
పాతు పుష్కరతాతో మే జిహ్వాం దంతాన్ ప్రభామయః |
చుబుకం వల్కలధరః కంఠం పాతు వరాననః || 12 ||
స్కంధౌ పాతు జితారాతిర్భుజౌ శత్రుఘ్నవందితః |
కరౌ కవచధారీ చ నఖాన్ ఖడ్గధరోఽవతు || 13 ||
కుక్షీ రామానుజః పాతు వక్షః శ్రీరామవల్లభః |
పార్శ్వే రాఘవపార్శ్వస్థః పాతు పృష్ఠం సుభాషణః || 14 ||
జఠరం చ ధనుర్ధారీ నాభిం శరకరోఽవతు |
కటిం పద్మేక్షణః పాతు గుహ్యం రామైకమానసః || 15 ||
రామమిత్రం పాతు లింగమూరూ శ్రీరామసేవకః |
నందిగ్రామస్థితః పాతు జానునీ మమ సర్వదా || 16 ||
శ్రీరామపాదుకాధారీ పాతు జంఘే సదా మమ |
గుల్ఫౌ శ్రీరామబంధుశ్చ పాదౌ పాతు సురార్చితః || 17 ||
రామాజ్ఞాపాలకః పాతు మమాంగాన్యత్ర సర్వదా |
మమ పాదాంగుళీః పాతు రఘువంశసుభూషణః || 18 ||
రోమాణి పాతు మే రంయః పాతు రాత్రౌ సుధీర్మమ |
తూణీరధారీ దివసం దిక్పాతు మమ సర్వదా || 19 ||
సర్వకాలేషు మాం పాతు పాంచజన్యః సదా భువి |
ఏవం శ్రీభరతస్యేదం సుతీక్ష్ణ కవచం శుభం || 20 ||
మయా ప్రోక్తం తవాగ్రే హి మహామంగళకారకం |
స్తోత్రాణాముత్తమం స్తోత్రమిదం జ్ఞేయం సుపుణ్యదం || 21 ||
పఠనీయం సదా భక్త్యా రామచంద్రస్య హర్షదం |
పఠిత్వా భరతస్యేదం కవచం రఘునందనః || 22 ||
యథా యాతి పరం తోషం తథా స్వకవచేన న |
తస్మాదేతత్సదా జప్యం కవచానామనుత్తమం || 23 ||
అస్యాత్ర పఠనాన్మర్త్యః సర్వాన్కామానవాప్నుయాత్ |
విద్యాకామో లభేద్విద్యాం పుత్రకామో లభేత్సుతం || 24 ||
పత్నీకామో లభేత్ పత్నీం ధనార్థీ ధనమాప్నుయాత్ |
యద్యన్మనోఽభిలషితం తత్తత్కవచపాఠతః || 25 ||
లభ్యతే మానవైరత్ర సత్యం సత్యం వదాంయహం |
తస్మాత్సదా జపనీయం రామోపాసకమానవైః || 26 ||
ఇతి శ్రీమదానందరామాయణే సుతీక్ష్ణాగస్త్యసంవాదే శ్రీభరతకవచం |

శ్రీ రామ హృదయం (అధ్యాత్మరామాయణే)

శ్రీ మహాదేవ ఉవాచ |
తతో రామః స్వయం ప్రాహ హనూమంతముపస్థితం |
శృణు తత్త్వం ప్రవక్ష్యామి హ్యాత్మానాత్మపరాత్మనాం || 1 ||
ఆకాశస్య యథా భేదస్త్రివిధో దృశ్యతే మహాన్ |
జలాశయే మహాకాశస్తదవచ్ఛిన్న ఏవ హి |
ప్రతిబింబాఖ్యమపరం దృశ్యతే త్రివిధం నభః || 2 ||
బుద్ధ్యవచ్ఛిన్నచైతన్యమేకం పూర్ణమథాపరం |
ఆభాసస్త్వపరం బింబభూతమేవం త్రిధా చితిః || 3 ||
సాభాసబుద్ధేః కర్తృత్వమవిచ్ఛిన్నేఽవికారిణి |
సాక్షిణ్యారోప్యతే భ్రాంత్యా జీవత్వం చ తథాఽబుధైః || 4 ||
ఆభాసస్తు మృషా బుద్ధిరవిద్యాకార్యముచ్యతే |
అవిచ్ఛిన్నం తు తద్బ్రహ్మ విచ్ఛేదస్తు వికల్పతః || 5 ||
అవిచ్ఛిన్నస్య పూర్ణేన ఏకత్వం ప్రతిపద్యతే |
తత్త్వమస్యాదివాక్యైశ్చ సాభాసస్యాహమస్తథా || 6 ||
ఐక్యజ్ఞానం యదోత్పన్నం మహావాక్యేన చాత్మనోః |
తదాఽవిద్యా స్వకార్యైశ్చ నశ్యత్యేవ న సంశయః || 7 ||
ఏతద్విజ్ఞాయ మద్భక్తో మద్భావాయోపపద్యతే |
మద్భక్తివిముఖానాం హి శాస్త్రగర్తేషు ముహ్యతాం |
న జ్ఞానం న చ మోక్షః స్యాత్తేషాం జన్మశతైరపి || 8 ||
ఇదం రహస్యం హృదయం మమాత్మనో
మయైవ సాక్షాత్కథితం తవానఘ |
మద్భక్తిహీనాయ శఠాయ న త్వయా
దాతవ్యమైంద్రాదపి రాజ్యతోఽధికం || 9 ||
ఇతి శ్రీమదధ్యాత్మరామాయణే బాలకాండే ప్రథమసర్గే శ్రీ రామ హృదయం ||

శ్రీ రామ స్తుతిః (జటాయు కృతం)

జటాయురువాచ |
అగణితగుణమప్రమేయమాద్యం
సకలజగత్స్థితిసంయమాదిహేతుం |
ఉపరమపరమం పరమాత్మభూతం
సతతమహం ప్రణతోఽస్మి రామచంద్రం || 1 ||
నిరవధిసుఖమిందిరాకటాక్షం
క్షపితసురేంద్రచతుర్ముఖాదిదుఃఖం |
నరవరమనిశం నతోఽస్మి రామం
వరదమహం వరచాపబాణహస్తం || 2 ||
త్రిభువనకమనీయరూపమీడ్యం
రవిశతభాసురమీహితప్రదానం |
శరణదమనిశం సురాగమూలే
కృతనిలయం రఘునందనం ప్రపద్యే || 3 ||
భవవిపినదవాగ్నినామధేయం
భవముఖదైవతదైవతం దయాలుం |
దనుజపతిసహస్రకోటినాశం
రవితనయాసదృశం హరిం ప్రపద్యే || 4 ||
అవిరతభవభావనాతిదూరం
భవవిముఖైర్మునిభిః సదైవ దృశ్యం |
భవజలధిసుతారణాంఘ్రిపోతం
శరణమహం రఘునందనం ప్రపద్యే || 5 ||
గిరిశగిరిసుతామనోనివాసం
గిరివరధారిణమీహితాభిరామం |
సురవరదనుజేంద్రసేవితాంఘ్రిం
సురవరదం రఘునాయకం ప్రపద్యే || 6 ||
పరధనపరదారవర్జితానాం
పరగుణభూతిషు తుష్టమానసానాం |
పరహితనిరతాత్మనాం సుసేవ్యం
రఘువరమంబుజలోచనం ప్రపద్యే || 7 ||
స్మితరుచిరవికాసితాననాబ్జ-
-మతిసులభం సురరాజనీలనీలం |
సితజలరుహచారునేత్రశోభం
రఘుపతిమీశగురోర్గురుం ప్రపద్యే || 8 ||
హరికమలజశంభురూపభేదా-
-త్త్వమిహ విభాసి గుణత్రయానువృత్తః |
రవిరివ జలపూరితోదపాత్రే-
-ష్వమరపతిస్తుతిపాత్రమీశమీడే || 9 ||
రతిపతిశతకోటిసుందరాంగం
శతపథగోచరభావనావిదూరం |
యతిపతిహృదయే సదా విభాతం
రఘుపతిమార్తిహరం ప్రభుం ప్రపద్యే || 10 ||
ఇత్యేవం స్తువతస్తస్య ప్రసన్నోఽభూద్రఘూత్తమః |
ఉవాచ గచ్ఛ భద్రం తే మమ విష్ణోః పరం పదం || 11 ||
శృణోతి య ఇదం స్తోత్రం లిఖేద్వా నియతః పఠేత్ |
స యాతి మమ సారూప్యం మరణే మత్ స్మృతిం లభేత్ || 12 ||
ఇతి రాఘవభాషితం తదా
శ్రుతవాన్ హర్షసమాకులో ద్విజః ||
రఘునందనసాంయమాస్థితః
ప్రయయౌ బ్రహ్మసుపూజితం పదం || 13 ||
ఇతి శ్రీమదధ్యాత్మరామాయణే అరణ్యకాండే అష్టమసర్గే జటాయు కృత శ్రీ రామ స్తోత్రం ||

శ్రీ రామ స్తుతిః (బ్రహ్మదేవ కృతం)

బ్రహ్మోవాచ |
వందే దేవం విష్ణుమశేషస్థితిహేతుం
త్వామధ్యాత్మజ్ఞానిభిరంతర్హృది భావ్యం |
హేయాహేయద్వంద్వవిహీనం పరమేకం
సత్తామాత్రం సర్వహృదిస్థం దృశిరూపం || 1 ||
ప్రాణాపానౌ నిశ్చయబుద్ధ్యా హృది రుద్ధ్వా
ఛిత్త్వా సర్వం సంశయబంధం విషయౌఘాన్ |
పశ్యంతీశం యం గతమోహా యతయస్తం
వందే రామం రత్నకిరీటం రవిభాసం || 2 ||
మాయాతీతం మాధవమాద్యం జగదాదిం
మానాతీతం మోహవినాశం మునివంద్యం |
యోగిధ్యేయం యోగవిధానం పరిపూర్ణం
వందే రామం రంజితలోకం రమణీయం || 3 ||
భావాభావప్రత్యయహీనం భవముఖ్యై-
-ర్యోగాసక్తైరర్చితపాదాంబుజయుగ్మం |
నిత్యం శుద్ధం బుద్ధమనంతం ప్రణవాఖ్యం
వందే రామం వీరమశేషాసురదావం || 4 ||
త్వం మే నాథో నాథితకార్యాఖిలకారీ
మానాతీతో మాధవరూపోఽఖిలాధారీ |
భక్త్యా గంయో భావితరూపో భవహారీ
యోగాభ్యాసైర్భావితచేతః సహచారీ || 5 ||
త్వామాద్యంతం లోకతతీనాం పరమీశం
లోకానాం నో లౌకికమానైరధిగంయం |
భక్తిశ్రద్ధాభావసమేతైర్భజనీయం
వందే రామం సుందరమిందీవరనీలం || 6 ||
కో వా జ్ఞాతుం త్వామతిమానం గతమానం
మాయాసక్తో మాధవ శక్తో మునిమాన్యం |
వృందారణ్యే వందితవృందారకవృందం
వందే రామం భవముఖవంద్యం సుఖకందం || 7 ||
నానాశాస్త్రైర్వేదకదంబైః ప్రతిపాద్యం
నిత్యానందం నిర్విషయజ్ఞానమనాదిం |
మత్సేవార్థం మానుషభావం ప్రతిపన్నం
వందే రామం మరకతవర్ణం మథురేశం || 8 ||
శ్రద్ధాయుక్తో యః పఠతీమం స్తవమాద్యం
బ్రాహ్మం బ్రహ్మజ్ఞానవిధానం భువి మర్త్యః |
రామం శ్యామం కామితకామప్రదమీశం
ధ్యాత్వా ధ్యాతా పాతకజాలైర్విగతః స్యాత్ || 9 ||
ఇతి శ్రీమదధ్యాత్మరామాయణే యుద్ధకాండే త్రయోదశః సర్గే బ్రహ్మదేవ కృత శ్రీరామ స్తుతిః |

శ్రీ రామ స్తోత్రం (ఇంద్ర కృతం)

ఇంద్ర ఉవాచ |
భజేఽహం సదా రామమిందీవరాభం
భవారణ్యదావానలాభాభిధానం |
భవానీహృదా భావితానందరూపం
భవాభావహేతుం భవాదిప్రపన్నం || 1 ||
సురానీకదుఃఖౌఘనాశైకహేతుం
నరాకారదేహం నిరాకారమీడ్యం |
పరేశం పరానందరూపం వరేణ్యం
హరిం రామమీశం భజే భారనాశం || 2 ||
ప్రపన్నాఖిలానందదోహం ప్రపన్నం
ప్రపన్నార్తినిఃశేషనాశాభిధానం |
తపోయోగయోగీశభావాభిభావ్యం
కపీశాదిమిత్రం భజే రామమిత్రం || 3 ||
సదా భోగభాజాం సుదూరే విభాంతం
సదా యోగభాజామదూరే విభాంతం |
చిదానందకందం సదా రాఘవేశం
విదేహాత్మజానందరూపం ప్రపద్యే || 4 ||
మహాయోగమాయావిశేషానుయుక్తో
విభాసీశ లీలానరాకారవృత్తిః |
త్వదానందలీలాకథాపూర్ణకర్ణాః
సదానందరూపా భవంతీహ లోకే || 5 ||
అహం మానపానాభిమత్తప్రమత్తో
న వేదాఖిలేశాభిమానాభిమానః |
ఇదానీం భవత్పాదపద్మప్రసాదా-
-త్త్రిలోకాధిపత్యాభిమానో వినష్టః || 6 ||
స్ఫురద్రత్నకేయూరహారాభిరామం
ధరాభారభూతాసురానీకదావం |
శరచ్చంద్రవక్త్రం లసత్పద్మనేత్రం
దురావారపారం భజే రాఘవేశం || 7 ||
సురాధీశనీలాభ్రనీలాంగకాంతిం
విరాధాదిరక్షోవధాల్లోకశాంతిం |
కిరీటాదిశోభం పురారాతిలాభం
భజే రామచంద్రం రఘూణామధీశం || 8 ||
లసచ్చంద్రకోటిప్రకాశాదిపీఠే
సమాసీనమంకే సమాధాయ సీతాం |
స్ఫురద్ధేమవర్ణాం తడిత్పుంజభాసాం
భజే రామచంద్రం నివృత్తార్తితంద్రం || 9 ||
ఇతి శ్రీమదధ్యాత్మరామాయణే యుద్ధకాండే త్రయోదశః సర్గే ఇంద్ర కృత శ్రీ రామ స్తోత్రం |

శ్రీ రామ స్తోత్రం (అహల్యా కృతం)

అహల్యోవాచ |
అహో కృతార్థాఽస్మి జగన్నివాస తే
పాదాబ్జసంలగ్నరజఃకణాదహం |
స్పృశామి యత్పద్మజశంకరాదిభి-
-ర్విమృగ్యతే రంధితమానసైః సదా || 1 ||
అహో విచిత్రం తవ రామ చేష్టితం
మనుష్యభావేన విమోహితం జగత్ |
చలస్యజస్రం చరణాదివర్జితః
సంపూర్ణ ఆనందమయోఽతిమాయికః || 2 ||
యత్పాదపంకజపరాగపవిత్రగాత్రా
భాగీరథీ భవవిరించిముఖాన్పునాతి |
సాక్షాత్స ఏవ మమ దృగ్విషయో యదాస్తే
కిం వర్ణ్యతే మమ పురాకృతభాగధేయం || 3 ||
మర్త్యావతారే మనుజాకృతిం హరిం
రామాభిధేయం రమణీయదేహినం |
ధనుర్ధరం పద్మవిశాలలోచనం
భజామి నిత్యం న పరాన్భజిష్యే || 4 ||
యత్పాదపంకజరజః శ్రుతిభిర్విమృగ్యం
యన్నాభిపంకజభవః కమలాసనశ్చ |
యన్నామసారరసికో భగవాన్పురారి-
-స్తం రామచంద్రమనిశం హృది భావయామి || 5 ||
యస్యావతారచరితాని విరించిలోకే
గాయంతి నారదముఖా భవపద్మజాద్యాః |
ఆనందజాశ్రుపరిషిక్తకుచాగ్రసీమా
వాగీశ్వరీ చ తమహం శరణం ప్రపద్యే || 6 ||
సోఽయం పరాత్మా పురుషః పురాణః
ఏషః స్వయంజ్యోతిరనంత ఆద్యః |
మాయాతనుం లోకవిమోహనీయాం
ధత్తే పరానుగ్రహ ఏష రామః || 7 ||
అయం హి విశ్వోద్భవసంయమానా-
-మేకః స్వమాయాగుణబింబితో యః |
విరించివిష్ణ్వీశ్వరనామభేదాన్
ధత్తే స్వతంత్రః పరిపూర్ణ ఆత్మా || 8 ||
నమోఽస్తు తే రామ తవాంఘ్రిపంకజం
శ్రియా ధృతం వక్షసి లాలితం ప్రియాత్ |
ఆక్రాంతమేకేన జగత్త్రయం పురా
ధ్యేయం మునీంద్రైరభిమానవర్జితైః || 9 ||
జగతామాదిభూతస్త్వం జగత్త్వం జగదాశ్రయః |
సర్వభూతేష్వసంయుక్త ఏకో భాతి భవాన్పరః || 10 ||
ఓంకారవాచ్యస్త్వం రామ వాచామవిషయః పుమాన్ |
వాచ్యవాచకభేదేన భవానేవ జగన్మయః || 11 ||
కార్యకారణకర్తృత్వఫలసాధనభేదతః |
ఏకో విభాసి రామ త్వం మాయయా బహురూపయా || 12 ||
త్వన్మాయామోహితధియస్త్వాం న జానంతి తత్త్వతః |
మానుషం త్వాఽభిమన్యంతే మాయినం పరమేశ్వరం || 13 ||
ఆకాశవత్త్వం సర్వత్ర బహిరంతర్గతోఽమలః |
అసంగో హ్యచలో నిత్యః శుద్ధో బుద్ధః సదవ్యయః || 14 ||
యోషిన్మూఢాఽహమజ్ఞా తే తత్త్వం జానే కథం విభో |
తస్మాత్తే శతశో రామ నమస్కుర్యామనన్యధీః || 15 ||
దేవ మే యత్ర కుత్రాపి స్థితాయా అపి సర్వదా |
త్వత్పాదకమలే సక్తా భక్తిరేవ సదాఽస్తు మే || 16 ||
నమస్తే పురుషాధ్యక్ష నమస్తే భక్తవత్సల |
నమస్తేఽస్తు హృషీకేశ నారాయణ నమోఽస్తు తే || 17 ||
భవభయహరమేకం భానుకోటిప్రకాశం
కరధృతశరచాపం కాలమేఘావభాసం |
కనకరుచిరవస్త్రం రత్నవత్కుండలాఢ్యం
కమలవిశదనేత్రం సానుజం రామమీడే || 18 ||
స్తుత్వైవం పురుషం సాక్షాద్రాఘవం పురతః స్థితం |
పరిక్రంయ ప్రణంయాశు సాఽనుజ్ఞాతా యయౌ పతిం || 19 ||
అహల్యయా కృతం స్తోత్రం యః పఠేద్భక్తిసంయుతః |
స ముచ్యతేఽఖిలైః పాపైః పరం బ్రహ్మాధిగచ్ఛతి || 20 ||
పుత్రాద్యర్థే పఠేద్భక్త్యా రామం హృది నిధాయ చ |
సంవత్సరేణ లభతే వంధ్యా అపి సుపుత్రకం || 21 ||
సర్వాన్కామానవాప్నోతి రామచంద్రప్రసాదతః || 22 ||
బ్రహ్మఘ్నో గురుతల్పగోఽపి పురుషః స్తేయీ సురాపోఽపి వా
మాతృభ్రాతృవిహింసకోఽపి సతతం భోగైకబద్ధాతురః |
నిత్యం స్తోత్రమిదం జపన్ రఘుపతిం భక్త్యా హృదిస్థం స్మరన్
ధ్యాయన్ముక్తిముపైతి కిం పునరసౌ స్వాచారయుక్తో నరః || 23 ||
ఇతి శ్రీమదధ్యాత్మరామాయణే బాలకాండే పంచమసర్గే అహల్యా కృత శ్రీ రామ స్తోత్రం |