Sacred Stotras & Deities

శని చాలీసా

దోహా
జయ గణేశ గిరిజా సువన, మంగల కరణ కృపాల ।
దీనన కే దుఖ దూర కరి, కీజై నాథ నిహాల ॥

జయ జయ శ్రీ శనిదేవ ప్రభు, సునహు వినయ మహారాజ ।
కరహు కృపా హే రవి తనయ, రాఖహు జన కీ లాజ ॥

చౌపాఈ
జయతి జయతి శనిదేవ దయాలా ।
కరత సదా భక్తన ప్రతిపాలా ॥

చారి భుజా, తను శ్యామ విరాజై ।
మాథే రతన ముకుట ఛవి ఛాజై ॥

పరమ విశాల మనోహర భాలా ।
టేఢఈ దృష్టి భృకుటి వికరాలా ॥

కుండల శ్రవణ చమాచమ చమకే ।
హియే మాల ముక్తన మణి దమకే ॥

కర మేం గదా త్రిశూల కుఠారా ।
పల బిచ కరైం ఆరిహిం సంహారా ॥

పింగల, కృష్ణోం, ఛాయా, నందన ।
యమ, కోణస్థ, రౌద్ర, దుఖ భంజన॥

సౌరీ, మంద, శని, దశ నామా ।
భాను పుత్ర పూజహిం సబ కామా ॥

జా పర ప్రభు ప్రసన్న హై జాహీమ్ ।
రంకహుం రావ కరైంక్షణ మాహీమ్ ॥

పర్వతహూ తృణ హోఈ నిహారత ।
తృణ హూ కో పర్వత కరి డారత॥

రాజ మిలత బన రామహిం దీన్హో ।
కైకేఇహుం కీ మతి హరి లీన్హోం॥

బనహూం మేం మృగ కపట దిఖాఈ ।
మాతు జానకీ గీ చతురాఈ॥

లఖనహిం శక్తి వికల కరి డారా ।
మచిగా దల మేం హాహాకారా॥

రావణ కీ గతి-మతి బౌరాఈ ।
రామచంద్ర సోం బైర బఢఈ॥

దియో కీట కరి కంచన లంకా ।
బజి బజరంగ బీర కీ డంకా॥

నృప విక్రమ పర తుహి పగు ధారా ।
చిత్ర మయూర నిగలి గై హారా॥

హార నౌలాఖా లాగ్యో చోరీ ।
హాథ పైర డరవాయో తోరీ॥

భారీ దశా నికృష్ట దిఖాయో ।
తేలిహిం ఘర కోల్హూ చలవాయో॥

వినయ రాగ దీపక మహం కీన్హోమ్ ।
తబ ప్రసన్న ప్రభు హై సుఖ దీన్హోం॥

హరిశ్చంద్ర నృప నారి బికానీ ।
ఆపహుం భరే డోమ ఘర పానీ॥

తైసే నల పరదశా సిరానీ ।
భూంజీ-మీన కూద గీ పానీ॥

శ్రీ శంకరహి గహయో జబ జాఈ ।
పార్వతీ కో సతీ కరాఈ॥

తనిక విలోకత హీ కరి రీసా ।
నభ ఉడి఼ గయో గౌరిసుత సీసా॥

పాండవ పర భై దశా తుమ్హారీ ।
బచీ ద్రౌపదీ హోతి ఉఘారీ॥

కౌరవ కే భీ గతి మతి మారయో ।
యుద్ఘ మహాభారత కరి డారయో॥

రవి కహం ముఖ మహం ధరి తత్కాలా ।
లేకర కూది పరయో పాతాలా ॥

శేష దేవ-లఖి వినతీ లాఈ ।
రవి కో ముఖ తే దియో ఛుడఈ ॥

వాహన ప్రభు కే సాత సుజానా ।
జగ దిగ్జ గర్దభ మృగ స్వానా ॥

జంబుక సింహ ఆది నఖధారీ ।
సో ఫల జజ్యోతిష కహత పుకారీ ॥

గజ వాహన లక్ష్మీ గృహ ఆవైమ్ ।
హయ తే సుఖ సంపత్తి ఉపజావైమ్ ॥

గర్దభ హాని కరై బహు కాజా ।
గర్దభ సిద్ఘ కర రాజ సమాజా ॥

జంబుక బుద్ఘి నష్ట కర డారై ।
మృగ దే కష్ట ప్రణ సంహారై ॥

జబ ఆవహిం ప్రభు స్వాన సవారీ ।
చోరీ ఆది హోయ డర భారీ ॥

తైసహి చారి చరణ యహ నామా ।
స్వర్ణ లౌహ చాంజీ అరు తామా ॥

లౌహ చరణ పర జబ ప్రభు ఆవైమ్ ।
ధన జన సంపత్తి నష్ట కరావై ॥

సమతా తామ్ర రజత శుభకారీ ।
స్వర్ణ సర్వ సుఖ మంగల కారీ ॥

జో యహ శని చరిత్ర నిత గావై ।
కబహుం న దశా నికృష్ట సతావై ॥

అదభుత నాథ దిఖావైం లీలా ।
కరైం శత్రు కే నశి బలి ఢీలా ॥

జో పండిత సుయోగ్య బులవాఈ ।
విధివత శని గ్రహ శాంతి కరాఈ ॥

పీపల జల శని దివస చఢావత ।
దీప దాన దై బహు సుఖ పావత ॥

కహత రామసుందర ప్రభు దాసా ।
శని సుమిరత సుఖ హోత ప్రకాశా ॥

దోహా
పాఠ శనిశ్చర దేవ కో, కీ హోం విమల తైయార ।
కరత పాఠ చాలీస దిన, హో భవసాగర పార ॥

శ్రీ శని స్తోత్రం (పిప్పలాద కృతం)

నమోఽస్తు కోణసంస్థాయ పింగళాయ నమోఽస్తు తే | [క్రోధ] నమస్తే బభ్రురూపాయ కృష్ణాయ చ నమోఽస్తు తే || 1 ||
నమస్తే రౌద్రదేహాయ నమస్తే చాంతకాయ చ |
నమస్తే యమసంజ్ఞాయ నమస్తే సౌరయే విభో || 2 ||
నమస్తే మందసంజ్ఞాయ శనైశ్చర నమోఽస్తు తే |
ప్రసాదం కురు దేవేశ దీనస్య ప్రణతస్య చ || 3 ||
ఇతి పిప్పలాద కృత శ్రీ శని స్తోత్రం |

శ్రీ మహాకాల శని మృత్యుంజయ స్తోత్రం

నీలాద్రిశోభాంచితదివ్యమూర్తిః
ఖడ్గీ త్రిదండీ శరచాపహస్తః |
శంభుర్మహాకాలశనిః పురారి-
-ర్జయత్యశేషాసురనాశకారీ || 1 ||
మేరుపృష్ఠే సమాసీనం సామరస్యే స్థితం శివం |
ప్రణంయ శిరసా గౌరీ పృచ్ఛతి స్మ జగద్ధితం || 2 ||
పార్వత్యువాచ |
భగవన్ దేవదేవేశ భక్తానుగ్రహకారక |
అల్పమృత్యువినాశాయ యత్త్వయా పూర్వసూచితం || 3 ||
తదేవ త్వం మహాబాహో లోకానాం హితకారకం |
తవ మూర్తిప్రభేదస్య మహాకాలస్య సాంప్రతం || 4 ||
శనేర్మృత్యుంజయస్తోత్రం బ్రూహి మే నేత్రజన్మనః |
అకాలమృత్యుహరణమపమృత్యునివారణం || 5 ||
శనిమంత్రప్రభేదా యే తైర్యుక్తం యత్ స్తవం శుభం |
ప్రతినామ చతుర్థ్యంతం నమోంతం మనునా యుతం || 6 ||
శ్రీశంకర ఉవాచ |
నిత్యే ప్రియతమే గౌరి సర్వలోకహితే రతే |
గుహ్యాద్గుహ్యతమం దివ్యం సర్వలోకోపకారకం || 7 ||
శనిమృత్యుంజయస్తోత్రం ప్రవక్ష్యామి తవాధునా |
సర్వమంగళమాంగళ్యం సర్వశత్రువిమర్దనం || 8 ||
సర్వరోగప్రశమనం సర్వాపద్వినివారణం |
శరీరారోగ్యకరణమాయుర్వృద్ధికరం నృణాం || 9 ||
యది భక్తాసి మే గౌరి గోపనీయం ప్రయత్నతః |
గోపితం సర్వతంత్రేషు తచ్ఛృణుష్వ మహేశ్వరి || 10 ||
అస్య శ్రీమహాకాలశనిమృత్యుంజయ స్తోత్రమంత్రస్య పిప్పలాద ఋషిరనుష్టుప్ ఛందో మహాకాలశనిర్దేవతా శం బీజమాయసీ శక్తిః కాలపురుషాయేతి కీలకం మమాకాలాపమృత్యునివారణార్థే పాఠే వినియోగః ||
ఋషిన్యాసం కరన్యాసం దేహన్యాసం సమాచరేత్ |
మహోగ్రం మూర్ధ్ని విన్యస్య ముఖే వైవస్వతం న్యసేత్ || 11 ||
గలే తు విన్యసేన్మందం బాహ్వోర్మహాగ్రహం న్యసేత్ |
హృది న్యసేన్మహాకాలం గుహ్యే కృశతనుం న్యసేత్ || 12 ||
జాన్వోస్తూడుచరం న్యస్య పాదయోస్తు శనైశ్చరం |
ఏవం న్యాసవిధిం కృత్వా పశ్చాత్ కాలాత్మనః శనేః || 13 ||
న్యాసం ధ్యానం ప్రవక్ష్యామి తనౌ ధ్యాత్వా పఠేన్నరః |
కల్పాదియుగభేదాంశ్చ కరాంగన్యాసరూపిణః || 14 ||
కాలాత్మనో న్యసేద్గాత్రే మృత్యుంజయ నమోఽస్తు తే |
మన్వంతరాణి సర్వాణి మహాకాలస్వరూపిణః || 15 ||
భావయేత్ప్రతి ప్రత్యంగే మహాకాలాయ తే నమః |
భావయేత్ ప్రభవాద్యబ్దాన్ శీర్షే కాలజితే నమః || 16 ||
నమస్తే నిత్యసేవ్యాయ విన్యసేదయనే భ్రువోః |
సౌరయే చ నమస్తేస్తు గండయోర్విన్యసేదృతూన్ || 17 ||
శ్రావణం భావయేదక్ష్ణోర్నమః కృష్ణనిభాయ చ |
మహోగ్రాథ నమో భాద్రం తథా శ్రవణయోర్న్యసేత్ || 18 ||
నమో వై దుర్నిరీక్ష్యాయ చాశ్వినం విన్యసేన్ముఖే |
నమో నీలమయూఖాయ గ్రీవాయాం కార్తికం న్యసేత్ || 19 ||
మార్గశీర్షం న్యసేద్బాహ్వోర్మహారౌద్రాయ తే నమః |
ఊర్ధ్వలోకనివాసాయ పౌషం తు హృదయే న్యసేత్ || 20 ||
నమః కాలప్రబోధాయ మాఘం వై చోదరే న్యసేత్ |
మందగాయ నమో మేఢ్రే న్యసేద్వై ఫాల్గునం తథా || 21 ||
ఊర్వోర్న్యసేచ్చైత్రమాసం నమః శివోద్భవాయ చ |
వైశాఖం విన్యసేజ్జాన్వోర్నమః సంవర్తకాయ చ || 22 ||
జంఘయోర్భావయేజ్జ్యేష్ఠం భైరవాయ నమస్తథా |
ఆషాఢం పాదయోశ్చైవ శనయే చ నమస్తథా || 23 ||
కృష్ణపక్షం చ క్రూరాయ నమ ఆపాదమస్తకే |
న్యసేదాశీర్షపాదాంతే శుక్లపక్షం గ్రహాయ చ || 24 ||
న్యసేన్మూలం పాదయోశ్చ గ్రహాయ శనయే నమః |
నమః సర్వజితే చైవ తోయం సర్వాంగుళౌ న్యసేత్ || 25 ||
న్యసేద్గుల్ఫద్వయే విశ్వం నమః శుష్కతరాయ చ |
విష్ణుభం భావయేజ్జంఘోభయే శిష్టతమాయ తే || 26 ||
జానుద్వయే ధనిష్ఠాం చ న్యసేత్ కృష్ణరుచే నమః |
ఊరుద్వయే వారుణర్క్షం న్యసేత్కాలభృతే నమః || 27 ||
పూర్వభాద్రం న్యసేన్మేఢ్రే జటాజూటధరాయ చ |
పృష్ఠ ఉత్తరభాద్రం చ కరాళాయ నమస్తథా || 28 ||
రేవతీం చ న్యసేన్నాభౌ నమో మందచరాయ చ |
గర్భదేశే న్యసేద్దస్రం నమః శ్యామతరాయ చ || 29 ||
నమో భోగిస్రజే నిత్యం యమం స్తనయుగే న్యసేత్ |
న్యసేత్కృత్తికాం హృదయే నమస్తైలప్రియాయ చ || 30 ||
రోహిణీం భావయేద్ధస్తే నమస్తే ఖడ్గధారిణే |
మృగం న్యసేద్వామహస్తే త్రిదండోల్లసితాయ చ || 31 ||
దక్షోర్ధ్వే భావయేద్రౌద్రం నమో వై బాణధారిణే |
పునర్వసుమూర్ధ్వవామే నమో వై చాపధారిణే || 32 ||
తిష్యం న్యసేద్దక్షబాహౌ నమస్తే హరమన్యవే |
సార్పం న్యసేద్వామబాహౌ చోగ్రచాపాయ తే నమః || 33 ||
మఘాం విభావయేత్కంఠే నమస్తే భస్మధారిణే |
ముఖే న్యసేద్భగర్క్షం చ నమః క్రూరగ్రహాయ చ || 34 ||
భావయేద్దక్షనాసాయామర్యమాణశ్చ యోగినే |
భావయేద్వామనాసాయాం హస్తర్క్షం ధారిణే నమః || 35 ||
త్వాష్ట్రం న్యసేద్దక్షకర్ణే కృసరాన్నప్రియాయ తే |
స్వాతీం న్యసేద్వామకర్ణే నమో బ్రహ్మమయాయ తే || 36 ||
విశాఖాం చ దక్షనేత్రే నమస్తే జ్ఞానదృష్టయే |
మైత్రం న్యసేద్వామనేత్రే నమోఽంధలోచనాయ తే || 37 ||
శాక్రం న్యసేచ్చ శిరసి నమః సంవర్తకాయ చ |
విష్కంభం భావయేచ్ఛీర్షసంధౌ కాలాయ తే నమః || 38 ||
ప్రీతియోగం భ్రువోః సంధౌ మహామంద నమోఽస్తు తే |
నేత్రయోః సంధావాయుష్మద్యోగం భీష్మాయ తే నమః || 39 ||
సౌభాగ్యం భావయేన్నాసాసంధౌ ఫలాశనాయ చ |
శోభనం భావయేత్కర్ణే సంధౌ పుణ్యాత్మనే నమః || 40 ||
నమః కృష్ణాయాతిగండం హనుసంధౌ విభావయేత్ |
నమో నిర్మాంసదేహాయ సుకర్మాణం శిరోధరే || 41 ||
ధృతిం న్యసేద్దక్షబాహౌ పృష్ఠే ఛాయాసుతాయ చ |
తన్మూలసంధౌ శూలం చ న్యసేదుగ్రాయ తే నమః || 42 ||
తత్కూర్పరే న్యసేద్గండే నిత్యానందాయ తే నమః |
వృద్ధిం తన్మణిబంధే చ కాలజ్ఞాయ నమో న్యసేత్ || 43 ||
ధ్రువం తదంగుళీమూలసంధౌ కృష్ణాయ తే నమః |
వ్యాఘాతం భావయేద్వామబాహుపృష్ఠే కృశాయ చ || 44 ||
హర్షణం తన్మూలసంధౌ భుతసంతాపినే నమః |
తత్కూర్పరే న్యసేద్వజ్రం సానందాయ నమోఽస్తు తే || 45 ||
సిద్ధిం తన్మణిబంధే చ న్యసేత్ కాలాగ్నయే నమః |
వ్యతీపాతం కరాగ్రేషు న్యసేత్కాలకృతే నమః || 46 ||
వరీయాంసం దక్షపార్శ్వసంధౌ కాలాత్మనే నమః |
పరిఘం భావయేద్వామపార్శ్వసంధౌ నమోఽస్తు తే || 47 ||
న్యసేద్దక్షోరుసంధౌ చ శివం వై కాలసాక్షిణే |
తజ్జానౌ భావయేత్ సిద్ధిం మహాదేహాయ తే నమః || 48 ||
సాధ్యం న్యసేచ్చ తద్గుల్ఫసంధౌ ఘోరాయ తే నమః |
న్యసేత్తదంగుళీసంధౌ శుభం రౌద్రాయ తే నమః || 49 ||
న్యసేద్వామోరుసంధౌ చ శుక్లం కాలవిదే నమః |
బ్రహ్మయోగం చ తజ్జానౌ న్యసేత్సద్యోగినే నమః || 50 ||
ఐంద్రం తద్గుల్ఫసంధౌ చ యోగాధీశాయ తే నమః |
న్యసేత్తదంగుళీసంధౌ నమో భవ్యాయ వైధృతిం || 51 ||
చర్మణి బవకరణం భావయేద్యజ్వనే నమః |
బాలవం భావయేద్రక్తే సంహారక నమోఽస్తు తే || 52 ||
కౌలవం భావయేదస్థ్ని నమస్తే సర్వభక్షిణే |
తైతిలం భావయేన్మాంసే ఆమమాంసప్రియాయ తే || 53 ||
గరం న్యసేద్వపాయాం చ సర్వగ్రాసాయ తే నమః |
న్యసేద్వణిజం మజ్జాయాం సర్వాంతక నమోఽస్తు తే || 54 ||
వీర్యే విభావయేద్విష్టిం నమో మన్యూగ్రతేజసే |
రుద్రమిత్రపితృవసువారీణ్యేతాంశ్చ పంచ చ || 55 ||
ముహూర్తాంశ్చ దక్షపాదనఖేషు భావయేన్నమః |
ఖగేశాయ చ ఖస్థాయ ఖేచరాయ స్వరుపిణే || 56 ||
పురుహూతశతమఖే విశ్వవేధోవిధూంస్తథా |
ముహూర్తాంశ్చ వామపాదనఖేషు భావయేన్నమః || 57 ||
సత్యవ్రతాయ సత్యాయ నిత్యసత్యాయ తే నమః |
సిద్ధేశ్వర నమస్తుభ్యం యోగేశ్వర నమోఽస్తు తే || 58 ||
వహ్నినక్తంచరాంశ్చైవ వరుణార్యమయోనికాన్ |
ముహూర్తాంశ్చ దక్షహస్తనఖేషు భావయేన్నమః || 59 ||
లగ్నోదయాయ దీర్ఘాయ మార్గిణే దక్షదృష్టయే |
వక్రాయ చాతిక్రూరాయ నమస్తే వామదృష్టయే || 60 ||
వామహస్తనఖేష్వంత్యవర్ణేశాయ నమోఽస్తు తే |
గిరిశాహిర్బుధ్న్యపూషాజపాద్దస్రాంశ్చ భావయేత్ || 61 ||
రాశిభోక్త్రే రాశిగాయ రాశిభ్రమణకారిణే |
రాశినాథాయ రాశీనాం ఫలదాత్రే నమోఽస్తు తే || 62 ||
యమాగ్నిచంద్రాదితికవిధాతౄంశ్చ విభావయేత్ |
ఊర్ధ్వహస్తదక్షనఖేష్వంత్యకాలాయ తే నమః || 63 ||
తులోచ్చస్థాయ సౌంయాయ నక్రకుంభగృహాయ చ |
సమీరత్వష్టృజీవాంశ్చ విష్ణుతిగ్మద్యుతీన్న్యసేత్ || 64 ||
ఊర్ధ్వవామహస్తనఖేష్వన్యగ్రహనివారిణే |
తుష్టాయ చ వరిష్ఠాయ నమో రాహుసఖాయ చ || 65 ||
రవివారం లలాటే చ న్యసేద్భీమదృశే నమః |
సోమవారం న్యసేదాస్యే నమోఽమృతప్రియాయ చ || 66 ||
భౌమవారం న్యసేత్ స్వాంతే నమో బ్రహ్మస్వరూపిణే |
మేఢ్రే న్యసేత్ సౌంయవారం నమో జీవస్వరూపిణే || 67 ||
వృషణే గురువారం చ నమో మంత్రస్వరూపిణే |
భృగువారం మలద్వారే నమః ప్రళయకారిణే || 68 ||
పాదయోః శనివారం చ నిర్మాంసాయ నమోఽస్తు తే |
ఘటికాం న్యసేత్కేశేషు నమస్తే సూక్ష్మరూపిణే || 69 ||
కాలరూపిన్నమస్తేఽస్తు సర్వపాపప్రణాశక ||
త్రిపురస్య వధార్థాయ శంభుజాతాయ తే నమః || 70 ||
నమః కాలశరీరాయ కాలనున్నాయ తే నమః |
కాలహేతో నమస్తుభ్యం కాలనందాయ వై నమః || 71 ||
అఖండదండమానాయ త్వనాద్యంతాయ వై నమః |
కాలదేవాయ కాలాయ కాలకాలాయ తే నమః || 72 ||
నిమేషాదిమహాకల్పకాలరుపం చ భైరవం |
మృత్యుంజయం మహాకాలం నమస్యామి శనైశ్చరం || 73 ||
దాతారం సర్వభవ్యానాం భక్తానామభయంకరం |
మృత్యుంజయం మహాకాలం నమస్యామి శనైశ్చరం || 74 ||
కర్తారం సర్వదుఃఖానాం దుష్టానాం భయవర్ధనం |
మృత్యుంజయం మహాకాలం నమస్యామి శనైశ్చరం || 75 ||
హర్తారం గ్రహజాతానాం ఫలానామఘకారిణాం |
మృత్యుంజయం మహాకాలం నమస్యామి శనైశ్చరం || 76 ||
సర్వేషామేవ భూతానాం సుఖదం శాంతమవ్యయం |
మృత్యుంజయం మహాకాలం నమస్యామి శనైశ్చరం || 77 ||
కారణం సుఖదుఃఖానాం భావాభావస్వరూపిణం |
మృత్యుంజయం మహాకాలం నమస్యామి శనైశ్చరం || 78 ||
అకాలమృత్యుహరణమపమృత్యు నివారణం |
మృత్యుంజయం మహాకాలం నమస్యామి శనైశ్చరం || 79 ||
కాలరూపేణ సంసారం భక్షయంతం మహాగ్రహం |
మృత్యుంజయం మహాకాలం నమస్యామి శనైశ్చరం || 80 ||
దుర్నిరీక్ష్యం స్థూలరోమం భీషణం దీర్ఘలోచనం |
మృత్యుంజయం మహాకాలం నమస్యామి శనైశ్చరం || 81 ||
గ్రహాణాం గ్రహభూతం చ సర్వగ్రహనివారణం |
మృత్యుంజయం మహాకాలం నమస్యామి శనైశ్చరం || 82 ||
కాలస్య వశగాః సర్వే న కాలః కస్యచిద్వశః |
తస్మాత్త్వాం కాలపురుషం ప్రణతోఽస్మి శనైశ్చరం || 83 ||
కాలదేవ జగత్సర్వం కాల ఏవ విలీయతే |
కాలరూపః స్వయం శంభుః కాలాత్మా గ్రహదేవతా || 84 ||
చండీశో రుద్రడాకిన్యాక్రాంతశ్చండీశ ఉచ్యతే |
విద్యుదాకలితో నద్యాం సమారూఢో రసాధిపః || 85 ||
చండీశః శుకసంయుక్తో జిహ్వయా లలితః పునః |
క్షతజస్తామసీ శోభీ స్థిరాత్మా విద్యుతా యుతః || 86 ||
నమోఽంతో మనురిత్యేష శనితుష్టికరః శివే |
ఆద్యంతేఽష్టోత్తరశతం మనుమేనం జపేన్నరః || 87 ||
యః పఠేచ్ఛృణుయాద్వాపి ధ్యాత్వా సంపూజ్య భక్తితః |
తస్య మృత్యోర్భయం నైవ శతవర్షావధి ప్రియే || 88 ||
జ్వరాః సర్వే వినశ్యంతి దద్రువిస్ఫోటకచ్ఛుకాః |
దివా సౌరిం స్మరేత్ రాత్రౌ మహాకాలం యజన్ పఠేత్ || 89 ||
జన్మర్క్షే చ యదా సౌరిర్జపేదేతత్ సహస్రకం |
వేధగే వామవేధే వా జపేదర్ధసహస్రకం || 90 ||
ద్వితీయే ద్వాదశే మందే తనౌ వా చాష్టమేఽపి వా |
తత్తద్రాశౌ భవేద్యావత్ పఠేత్తావద్దినావధి || 91 ||
చతుర్థే దశమే వాఽపి సప్తమే నవపంచమే |
గోచరే జన్మలగ్నేశే దశాస్వంతర్దశాసు చ || 92 ||
గురులాఘవజ్ఞానేన పఠేదావృత్తిసంఖ్యయా |
శతమేకం త్రయం వాథ శతయుగ్మం కదాచన || 93 ||
ఆపదస్తస్య నశ్యంతి పాపాని చ జయం భవేత్ |
మహాకాలాలయే పీఠే హ్యథవా జలసన్నిధౌ || 94 ||
పుణ్యక్షేత్రేఽశ్వత్థమూలే తైలకుంభాగ్రతో గృహే |
నియమేనైకభక్తేన బ్రహ్మచర్యేణ మౌనినా || 95 ||
శ్రోతవ్యం పఠితవ్యం చ సాధకానాం సుఖావహం |
పరం స్వస్త్యయనం పుణ్యం స్తోత్రం మృత్యుంజయాభిధం || 96 ||
కాలక్రమేణ కథితం న్యాసక్రమసమన్వితం |
ప్రాతఃకాలే శుచిర్భూత్వా పూజాయాం చ నిశాముఖే || 97 ||
పఠతాం నైవ దుష్టేభ్యో వ్యాఘ్రసర్పాదితో భయం |
నాగ్నితో న జలాద్వాయోర్దేశే దేశాంతరేఽథవా || 98 ||
నాఽకాలే మరణం తేషాం నాఽపమృత్యుభయం భవేత్ |
ఆయుర్వర్షశతం సాగ్రం భవంతి చిరజీవినః || 99 ||
నాఽతః పరతరం స్తోత్రం శనితుష్టికరం మహత్ |
శాంతికం శీఘ్రఫలదం స్తోత్రమేతన్మయోదితం || 100 ||
తస్మాత్సర్వప్రయత్నేన యదీచ్ఛేదాత్మనో హితం |
కథనీయం మహాదేవి నైవాభక్తస్య కస్యచిత్ || 101 ||
ఇతి మార్తండభైరవతంత్రే మహాకాల శని మృత్యుంజయ స్తోత్రం ||

 శ్రీ శని కవచం –1

అస్య శ్రీ శనైశ్చర కవచ స్తోత్రస్య కశ్యప ఋషిః, అనుష్టుప్ ఛందః, శనైశ్చరో దేవతా, శం బీజం, వాం శక్తిః యం కీలకం, మమ శనైశ్చరకృతపీడాపరిహారార్థే జపే వినియోగః ||
కరన్యాసః –
శాం అంగుష్ఠాభ్యాం నమః |
శీం తర్జనీభ్యాం నమః |
శూం మధ్యమాభ్యాం నమః |
శైం అనామికాభ్యాం నమః |
శౌం కనిష్ఠికాభ్యాం నమః |
శః కరతలకరపృష్ఠాభ్యాం నమః ||
అంగన్యాసః –
శాం హృదయాయ నమః |
శీం శిరసే స్వాహా |
శూం శిఖాయై వషట్ |
శైం కవచాయ హుం |
శౌం నేత్రత్రయాయ వౌషట్ |
శః అస్త్రాయ ఫట్ |
ధ్యానం –
చతుర్భుజం శనిం దేవం చాపతూణీ కృపాణకం |
వరదం భీమదంష్ట్రం చ నీలాంగం వరభూషణం || 1 ||
నీలమాల్యానులేపం చ నీలరత్నైరలంకృతం |
జ్వాలోర్ధ్వమకుటాభాసం నీలగృధ్రరథావహం || 2 ||
మేరుం ప్రదక్షిణం కృత్వా సర్వలోకభయావహం |
కృష్ణాంబరధరం దేవం ద్విభుజం గృధ్రసంస్థితం |
సర్వపీడాహారం నౄణాం ధ్యాయేద్గ్రహగణోత్తమం || 3 ||
అథ కవచం –
శనైశ్చరః శిరో రక్షేన్ముఖం భక్తార్తినాశనః |
కర్ణౌ కృష్ణాంబరః పాతు నేత్రే సర్వభయంకరః || 4 ||
కృష్ణాంగో నాసికాం రక్షేత్ కర్ణౌ మే చ శిఖండిజః |
భుజౌ మే సుభుజః పాతు హస్తౌ నీలోత్పలప్రభః || 5 ||
పాతు మే హృదయం కృష్ణః కుక్షిం శుష్కోదరస్తథా |
కటిం మే వికటః పాతు ఊరూ మే ఘోరరూపవాన్ || 6 ||
జానునీ పాతు దీర్ఘో మే జంఘే మే మంగళప్రదః |
గుల్ఫౌ గుణాకరః పాతు పాదౌ మే పంగుపాదకః |
సర్వాణి చ మమాంగాని పాతు భాస్కరనందనః || 7 ||
ఫలశ్రుతిః –
య ఇదం కవచం దివ్యం సర్వపీడాహరం నృణాం |
పఠతి శ్రద్ధయా యుక్తః సర్వాన్ కామానవాప్నుయాత్ |
ఇహలోకే సుఖీభూత్వా పఠేన్ముక్తో భవిష్యతి || 8 ||
ఇతి శ్రీపద్మపురాణే శ్రీ శని కవచం |

శ్రీ శని వజ్రపంజర కవచం

బ్రహ్మోవాచ |
శృణుధ్వమృషయః సర్వే శనిపీడాహరం మహత్ |
కవచం శనిరాజస్య సౌరేరిదమనుత్తమం || 1 ||
కవచం దేవతావాసం వజ్రపంజరసంజ్ఞకం |
శనైశ్చరప్రీతికరం సర్వసౌభాగ్యదాయకం || 2 ||
అస్య శ్రీశనైశ్చర వజ్రపంజర కవచస్య కశ్యప ఋషిః అనుష్టుప్ ఛందః శ్రీ శనైశ్చరః దేవతా శ్రీశనైశ్చర ప్రీత్యర్థే జపే వినియోగః ||
ఋష్యాదిన్యాసః –
శిరసి కశ్యప ఋషయే నమః |
ముఖే అనుష్టుప్ ఛందసే నమః |
హృది శ్రీ శనైశ్చర దేవతాయై నమః |
సర్వాంగే శ్రీశనైశ్చర ప్రీత్యర్థే పాఠే వినియోగాయ నమః ||
ధ్యానం –
నీలాంబరో నీలవపుః కిరీటీ
గృధ్రస్థితస్త్రాసకరో ధనుష్మాన్ |
చతుర్భుజః సూర్యసుతః ప్రసన్నః
సదా మమ స్యాద్వరదః ప్రశాంతః ||
కవచం-
శిరః శనైశ్చరః పాతు ఫాలం మే సూర్యనందనః |
నేత్రే ఛాయాత్మజః పాతు పాతు కర్ణౌ యమానుజః || 1 ||
నాసాం వైవస్వతః పాతు ముఖం మే భాస్కరః సదా |
స్నిగ్ధకంఠశ్చ మే కంఠం భుజౌ పాతు మహాభుజః || 2 ||
స్కంధౌ పాతు శనిశ్చైవ కరౌ పాతు శుభప్రదః |
వక్షః పాతు యమభ్రాతా కుక్షిం పాత్వసితస్తథా || 3 ||
నాభిం గ్రహపతిః పాతు మందః పాతు కటిం తథా |
ఊరూ మమాంతకః పాతు యమో జానుయుగం తథా || 4 ||
పాదౌ మందగతిః పాతు సర్వాంగం పాతు పిప్పలః |
అంగోపాంగాని సర్వాణి రక్షేన్మే సూర్యనందనః || 5 ||
ఫలశ్రుతిః –
ఇత్యేతత్కవచం దివ్యం పఠేత్ సూర్యసుతస్య యః |
న తస్య జాయతే పీడా ప్రీతో భవతి సూర్యజః || 6 ||
వ్యయజన్మద్వితీయస్థో మృత్యుస్థానగతోఽపి వా |
కలత్రస్థో గతో వాఽపి సుప్రీతస్తు సదా శనిః || 7 ||
అష్టమస్థే సూర్యసుతే వ్యయే జన్మద్వితీయగే |
కవచం పఠతే నిత్యం న పీడా జాయతే క్వచిత్ || 8 ||
ఇత్యేతత్కవచం దివ్యం సౌరేర్యన్నిర్మితం పురా |
ద్వాదశాష్టమ జన్మస్థ దోషాన్నాశయతే సదా || 9 ||
ఇతి శ్రీబ్రహ్మాండపురాణే బ్రహ్మనారదసంవాదే శ్రీ శని వజ్రపంజర కవచం |

శ్రీ శనైశ్చర స్తోత్రం (దశరథ కృతం)

ధ్యాత్వా సరస్వతీం దేవీం గణనాథం వినాయకం |
రాజా దశరథః స్తోత్రం సౌరేరిదమథాకరోత్ || 1 ||
దశరథ ఉవాచ |
నమః కృష్ణాయ నీలాయ శితికంఠనిభాయ చ |
నమో నీలమయూఖాయ నీలోత్పలనిభాయ చ || 2 || [మధూకాయ] నమో నిర్మాంసదేహాయ దీర్ఘశ్మశ్రుజటాయ చ |
నమో విశాలనేత్రాయ శుష్కోదర భయానక || 3 ||
నమః పరుషగాత్రాయ స్థూలరోమాయ వై నమః |
నమో నిత్యం క్షుధార్తాయ నిత్యతప్తాయ వై నమః || 4 || [తృప్తాయ] నమః కాలాగ్నిరూపాయ కృతాంతక నమోఽస్తు తే |
నమస్తే కోటరాక్షాయ దుర్నిరీక్ష్యాయ వై నమః || 5 ||
నమో ఘోరాయ రౌద్రాయ భీషణాయ కరాళినే |
నమస్తే సర్వభక్షాయ వలీముఖ నమోఽస్తు తే || 6 ||
సూర్యపుత్ర నమస్తేఽస్తు భాస్కరే భయదాయక | [భాస్వరో] అధోదృష్టే నమస్తుభ్యం వపుఃశ్యామ నమోఽస్తు తే || 7 || [సంవర్తక] నమో మందగతే తుభ్యం నిస్త్రింశాయ నమో నమః | [నిష్ప్రభాయ] తపసా దగ్ధదేహాయ నిత్యయోగరతాయ చ || 8 || [జ్ఞాన] నమస్తే జ్ఞాననేత్రాయ కాశ్యపాత్మజసూనవే |
తుష్టో దదాసి వై రాజ్యం రుష్టో హరసి తత్‍ క్షణాత్ || 9 || [క్రుద్ధో] దేవాసురమనుష్యాశ్చ పశుపక్షిసరీసృపాః |
త్వయా విలోకితాః సౌరే దైన్యమాశు వ్రజంతి చ || 10 ||
బ్రహ్మా శక్రో యమశ్చైవ ఋషయః సప్తతారకాః |
రాజ్యభ్రష్టాశ్చ తే సర్వే తవ దృష్ట్యా విలోకితాః || 11 ||
దేశా నగరగ్రామాశ్చ ద్వీపాశ్చైవాద్రయస్తథా |
రౌద్రదృష్ట్యా తు యే దృష్టాః క్షయం గచ్ఛంతి తత్ క్షణాత్ || 12 ||
ప్రసాదం కురు మే సౌరే వరార్థేఽహం తవాశ్రితః |
సౌరే క్షమస్వాపరాధం సర్వభూతహితాయ చ || 13 ||
ఇతి దశరథ కృత శ్రీ శనైశ్చర స్తోత్రం ||

శ్రీ శనైశ్చర ద్వాదశనామ స్తోత్రం

శనైశ్చరః స్వధాకారీ ఛాయాభూః సూర్యనందనః |
మార్తండజో యమః సౌరిః పంగూశ్చ గ్రహనాయకః || 1 ||
బ్రహ్మణ్యోఽక్రూరధర్మజ్ఞో నీలవర్ణోఽంజనద్యుతిః |
ద్వాదశైతాని నామాని త్రిసంధ్యం యః పఠేన్నరః || 2 ||
తస్య పీడాం న చైవాహం కరిష్యామి న సంశయః |
గోచరే జన్మలగ్నే చ వాపస్వంతర్దశాసు చ || 3 ||
ఇతి శ్రీ శనైశ్చర ద్వాదశనామ స్తోత్రం |

శ్రీ శనైశ్చర నామ స్తుతిః

శ్రీశనిరువాచ |
క్రోడం నీలాంజనప్రఖ్యం నీలవర్ణసమస్రజం |
ఛాయామార్తండసంభూతం నమస్యామి శనైశ్చరం || 1 ||
నమోఽర్కపుత్రాయ శనైశ్చరాయ
నీహారవర్ణాంచిత మేచకాయ |
శ్రుత్వా రహస్యం భవకామదశ్చ
ఫలప్రదో మే భవ సూర్యపుత్ర || 2 ||
నమోఽస్తు ప్రేతరాజాయ కృష్ణదేహాయ వై నమః |
శనైశ్చరాయ క్రూరాయ శుద్ధబుద్ధిప్రదాయినే || 3 ||
య ఏభిర్నామభిః స్తౌతి తస్య తుష్టో భవాంయహం |
మదీయం తు భయం తస్య స్వప్నేఽపి న భవిష్యతి || 4 ||
ఇతి శ్రీభవిష్యపురాణే ఉత్తరపర్వే చతుర్దశోత్తరశతతమోఽధ్యాయే శ్రీ శనైశ్చర నామ స్తుతిః |

శ్రీ శనైశ్చర మాలా మంత్రః

అస్య శ్రీశనైశ్చరమాలామంత్రస్య కాశ్యప ఋషిః అనుష్టుప్ ఛందః శనైశ్చరో దేవతా శం బీజం నిం శక్తిః మం కీలకం సమస్త పీడా పరిహారార్థే శనైశ్చరప్రసాదసిద్ధ్యర్థే జపే వినియోగః ||
కరన్యాసః –
శనైశ్చరాయ అంగుష్ఠాభ్యాం నమః |
కృష్ణవర్ణాయ తర్జనీభ్యాం నమః |
సూర్యపుత్రాయ మధ్యమాభ్యాం నమః |
మందగతయే అనామికాభ్యాం నమః |
గృధ్రవాహనాయ కనిష్ఠికాభ్యాం నమః |
పంగుపాదాయ కరతల కరపృష్ఠాభ్యాం నమః |
అంగన్యాసః –
శనైశ్చరాయ హృదయాయ నమః |
కృష్ణవర్ణాయ శిరసే స్వాహా |
సూర్యపుత్రాయ శిఖాయై వషట్ |
మందగతయే కవచాయ హుం |
గృధ్రవాహనాయ నేత్రత్రయాయ వౌషట్ |
పంగుపాదాయ అస్త్రాయ ఫట్ |
ధ్యానం –
దోర్భిర్ధనుర్ద్విశిఖచర్మధరం త్రిశూలం
భాస్వత్కిరీటముకుటోజ్జ్వలితేంద్రనీలం |
నీలాతపత్రకుసుమాదిసుగంధభూషం
దేవం భజే రవిసుతం ప్రణతోఽస్మి నిత్యం ||
ఓం నమో భగవతే శనైశ్చరాయ మందగతయే సూర్యపుత్రాయ మహాకాలాగ్నిసదృశాయ కృశదేహాయ గృధ్రాసనాయ నీలరూపాయ చతుర్భుజాయ త్రినేత్రాయ నీలాంబరధరాయ నీలమాలావిభూషితాయ ధనురాకారమండలే ప్రతిష్ఠితాయ కాశ్యపగోత్రాత్మజాయ మాణిక్యముక్తాభరణాయ ఛాయాపుత్రాయ సకలమహారౌద్రాయ సకలజగద్భయంకరాయ పంగుపాదాయ క్రూరరూపాయ దేవాసురభయంకరాయ సౌరయే కృష్ణవర్ణాయ స్థూలరోమాయ అధోముఖాయ నీలభద్రాసనాయ నీలవర్ణరథారూడాయ త్రిశూలధరాయ సర్వజనభయంకరాయ మందాయ దం శం నం మం హుం రక్ష రక్ష మమ శత్రూన్ నాశయ నాశయ సర్వపీడా నాశయ నాశయ విషమస్థ శనైశ్చరాన్ సుప్రీణయ సుప్రీణయ సర్వజ్వరాన్ శమయ శమయ సమస్తవ్యాధీన్ మోచయ మోచయ మాం రక్ష రక్ష సమస్తదుష్టగ్రహాన్ భక్షయ భక్షయ భ్రామయ భ్రామయ త్రాసయ త్రాసయ బంధయ బంధయ ఉన్మాదయోన్మాదయ దీపయ దీపయ తాపయ తాపయ సర్వవిఘ్నాన్ ఛింధి ఛింధి డాకినీ శాకినీ భూతవేతాల యక్ష రక్షో గంధర్వగ్రహాన్ గ్రాసయ గ్రాసయ భక్షయ భక్షయ దహ దహ పచ పచ హన హన విదారయ విదారయ ఓం శం నం మం హ్రాం ఫం హుం శనైశ్చరాయ నీలాభ్రవర్ణాయ నీలమేఖలయ సౌరయే నమః |

 శ్రీ శనైశ్చర రక్షా స్తవః

నారద ఉవాచ |
ధ్యాత్వా గణపతిం రాజా ధర్మరాజో యుధిష్ఠిరః |
ధీరః శనైశ్చరస్యేమం చకార స్తవముత్తమం || 1 ||
శిరో మే భాస్కరిః పాతు ఫాలం ఛాయాసుతోఽవతు |
కోటరాక్షో దృశౌ పాతు శిఖికంఠనిభః శ్రుతీ || 2 ||
ఘ్రాణం మే భీషణః పాతు ముఖం బలిముఖోఽవతు |
స్కంధౌ సంవర్తకః పాతు భుజౌ మే భయదోఽవతు || 3 ||
సౌరిర్మే హృదయం పాతు నాభిం శనైశ్చరోఽవతు |
గ్రహరాజః కటిం పాతు సర్వతో రవినందనః || 4 ||
పాదౌ మందగతిః పాతు కృష్ణః పాత్వఖిలం వపుః |
రక్షామేతాం పఠేన్నిత్యం సౌరేర్నామబలైర్యుతాం |
సుఖీ పుత్రీ చిరాయుశ్చ స భవేన్నాత్ర సంశయః || 5 ||

శ్రీ శనైశ్చర షోడశనామ స్తోత్రం

కోణః శనైశ్చరో మందః ఛాయాహృదయనందనః |
మార్తాండజస్తథా సౌరిః పాతంగీ గృహనాయకః || 1 ||
అబ్రాహ్మణః క్రూరకర్మా నీలవస్త్రాంజనద్యుతిః |
కృష్ణో ధర్మానుజః శాంతః శుష్కోదర వరప్రదః || 2 ||
షోడశైతాని నామాని యః పఠేచ్చ దినే దినే |
విషమస్థోఽపి భగవాన్ సుప్రీతస్తస్య జాయతే || 3 ||
ఇతి శ్రీ శనైశ్చర షోడశనామ స్తోత్రం |

 శ్రీ శనైశ్చరాష్టకం (దశరథ కృతం)

దశరథ ఉవాచ |
కోణోఽంతకో రౌద్ర యమోఽథ బభ్రుః
కృష్ణః శనిః పింగల మంద సౌరిః |
నిత్యం స్మృతో యో హరతే చ పీడాం
తస్మై నమః శ్రీరవినందనాయ || 1 ||
సురాసురః కింపురుషా గణేంద్రా
గంధర్వవిద్యాధరపన్నగాశ్చ |
పీడ్యంతి సర్వే విషమస్థితేన
తస్మై నమః శ్రీరవినందనాయ || 2 ||
నరా నరేంద్రాః పశవో మృగేంద్రా
వన్యాశ్చ యే కీటపతంగభృంగాః |
పీడ్యంతి సర్వే విషమస్థితేన
తస్మై నమః శ్రీరవినందనాయ || 3 ||
దేశాశ్చ దుర్గాణి వనాని యత్ర
సేనానివేశాః పురపత్తనాని |
పీడ్యంతి సర్వే విషమస్థితేన
తస్మై నమః శ్రీరవినందనాయ || 4 ||
తిలైర్యవైర్మాషగుడాన్నదానై-
-ర్లోహేన నీలాంబరదానతో వా |
ప్రీణాతి మంత్రైర్నిజవాసరే చ
తస్మై నమః శ్రీరవినందనాయ || 5 ||
ప్రయాగకూలే యమునాతటే చ
సరస్వతీ పుణ్యజలే గుహాయాం |
యో యోగినాం ధ్యానగతోఽపి సూక్ష్మ-
-స్తస్మై నమః శ్రీరవినందనాయ || 6 ||
అన్యప్రదేశాత్ స్వగృహం ప్రవిష్ట-
-స్తదీయవారే స నరః సుఖీ స్యాత్ |
గృహాద్గతో యో న పునః ప్రయాతి
తస్మై నమః శ్రీరవినందనాయ || 7 ||
స్రష్టా స్వయంభూర్భువనత్రయస్య
త్రాతా హరిః సంహరతే పినాకీ |
ఏకస్త్రిధా ఋగ్యజుః సామమూర్తి-
-స్తస్మై నమః శ్రీరవినందనాయ || 8 ||
శన్యష్టకం యః ప్రయతః ప్రభాతే
నిత్యం సుపుత్రైః పశుబాంధవైశ్చ |
పఠేచ్చ సౌఖ్యం భువి భోగయుక్తం
ప్రాప్నోతి నిర్వాణపదం పరం సః || 9 ||
ఇతి శ్రీదశరథ ప్రోక్తం శ్రీ శనైశ్చరాష్టకం ||