MERCURY Stotras & Hymns - Read Sacred Verses

శ్రీ బుధ కవచం

శ్రీ బుధ కవచం.

Telugu

శ్రీ బుధ కవచం

అస్య శ్రీబుధ కవచస్తోత్రస్య కాత్యాయన ఋషిః, అనుష్టుప్ ఛందః, బుధో దేవతా, యం బీజం, క్లీం శక్తిః, ఊం కీలకం, బుధగ్రహ ప్రసాదసిద్ధ్యర్థే జపే వినియోగః ||
కరన్యాసః –
బాం అంగుష్ఠాభ్యాం నమః |
బీం తర్జనీభ్యాం నమః |
బూం మధ్యమాభ్యాం నమః |
బైం అనామికాభ్యాం నమః |
బౌం కనిష్ఠికాభ్యాం నమః |
బః కరతలకరపృష్ఠాభ్యాం నమః |
అంగన్యాసః –
బాం హృదయాయ నమః |
బీం శిరసే స్వాహా |
బూం శిఖాయై వషట్ |
బైం కవచాయ హుం |
బౌం నేత్రత్రయాయ వౌషట్ |
బః అస్త్రాయ ఫట్ |
ధ్యానం –
బుధః పుస్తకహస్తశ్చ కుంకుమస్య సమద్యుతిః |
బుధం జ్ఞానమయం సర్వం కుంకుమాభం చతుర్భుజం || 1 ||
ఖడ్గశూలగదాపాణిం వరదాంకితముద్రితం |
పీతాంబరధరం దేవం పీతమాల్యానులేపనం || 2 ||
వజ్రాద్యాభరణం చైవ కిరీట మకుటోజ్జ్వలం |
శ్వేతాశ్వరథమారూఢం మేరుం చైవ ప్రదక్షిణం || 3 ||
అథ కవచం –
బుధః పాతు శిరోదేశం సౌంయః పాతు చ ఫాలకం |
నేత్రే జ్ఞానమయః పాతు శ్రుతీ పాతు విధూద్భవః || 1 ||
ఘ్రాణం గంధధరః పాతు భుజౌ పుస్తకభూషితః |
మధ్యం పాతు సురారాధ్యః పాతు నాభిం ఖగేశ్వరః || 2 ||
కటిం కాలాత్మజః పాతు ఊరూ పాతు సురేశ్వరః |
జానునీ రోహిణీసూనుః పాతు జంఘే ఫలప్రదః || 3 ||
పాదౌ బాణాసనః పాతు పాతు సౌంయోఽఖిలం వపుః |
ఏషోఽపి కవచః పుణ్యః సర్వోపద్రవశాంతిదః || 4 ||
సర్వరోగప్రశమనః సర్వదుఃఖనివారకః |
ఆయురారోగ్యశుభదః పుత్రపౌత్రప్రవర్ధనః || 5 ||
యః పఠేత్కవచం దివ్యం శృణుయాద్వా సమాహితః |
సర్వాన్కామానవాప్నోతి దీర్ఘమాయుశ్చ విందతిః || 6 ||
ఇతి శ్రీబ్రహ్మవైవర్తపురాణే శ్రీ బుధ కవచం |

శ్రీ బుధ పంచవింశతినామ స్తోత్రం

శ్రీ బుధ పంచవింశతినామ స్తోత్రం.

Telugu

Read Stotra

శ్రీ బుధ పంచవింశతినామ స్తోత్రం

బుధో బుద్ధిమతాం శ్రేష్ఠో బుద్ధిదాతా ధనప్రదః |
ప్రియంగుకలికాశ్యామః కంజనేత్రో మనోహరః || 1 ||
గ్రహోపమో రౌహిణేయో నక్షత్రేశో దయాకరః |
విరుద్ధకార్యహంతా చ సౌంయో బుద్ధివివర్ధనః || 2 ||
చంద్రాత్మజో విష్ణురూపీ జ్ఞానీ జ్ఞో జ్ఞానినాయకః |
గ్రహపీడాహరో దారపుత్రధాన్యపశుప్రదః || 3 ||
లోకప్రియః సౌంయమూర్తిర్గుణదో గుణివత్సలః |
పంచవింశతినామాని బుధస్యైతాని యః పఠేత్ || 4 ||
స్మృత్వా బుధం సదా తస్య పీడా సర్వా వినశ్యతి |
తద్దినే వా పఠేద్యస్తు లభతే స మనోగతం || 5 ||
ఇతి శ్రీపద్మపురాణే శ్రీ బుధ పంచవింశతినామ స్తోత్రం |

శ్రీ బుధ స్తోత్రం –1

శ్రీ బుధ స్తోత్రం –1.

Telugu

Read Stotra

శ్రీ బుధ స్తోత్రం –1

నమో బుధాయ విజ్ఞాయ సోమపుత్రాయ తే నమః |
రోహిణీగర్భసంభూత కుంకుమచ్ఛవిభూషిత || 1 ||
సోమప్రియసుతాఽనేకశాస్త్రపారగవిత్తమ |
రౌహిణేయ నమస్తేఽస్తు నిశాకాముకసూనవే || 2 ||
పీతవస్త్రపరీధాన స్వర్ణతేజోవిరాజిత |
సువర్ణమాలాభరణ స్వర్ణదానకరప్రియ || 3 ||
నమోఽప్రతిమరూపాయ రూపానాం ప్రియకారిణే |
విష్ణుభక్తిమతే తుభ్యం చేందురాజప్రియంకర || 4 ||
సింహాసనస్థో వరదః కర్ణికారసమద్యుతిః |
ఖడ్గచర్మగదాపాణిః సౌంయో వోఽస్తు సుఖప్రదః || 5 ||
స్థిరాసనో మహాకాయః సర్వకర్మావబోధకః |
విష్ణుప్రియో విశ్వరూపో మహారూపో గ్రహేశ్వరః || 6 ||
బుధాయ విష్ణుభక్తాయ మహారూపధరాయ చ |
సోమాత్మజస్వరూపాయ పీతవస్త్రప్రియాయ చ || 7 ||
అగ్రవేదీ దీర్ఘశ్మశ్రుర్హేమాంగః కుంకుమచ్ఛవిః |
సర్వజ్ఞః సర్వదః సర్వః సర్వపూజ్యో గ్రహేశ్వరః || 8 ||
సత్యవాదీ ఖడ్గహస్తో గ్రహపీడానివారకః |
సృష్టికర్తాఽపహర్తా చ సర్వకామఫలప్రదః || 9 ||
ఏతాని బుధనామాని ప్రాతరుత్థాయ యః పఠేత్ |
న భయం విద్యతే తస్య కార్యసిద్ధిర్భవిష్యతి || 10 ||
ఇత్యేతత్ స్తోత్రముత్థాయ ప్రభాతే పఠతే నరః |
న తస్య పీడా బాధంతే బుద్ధిభాక్చ భవేత్సుధీః || 11 ||
సర్వపాపవినిర్ముక్తో విష్ణులోకం స గచ్ఛతి |
బుధో బుద్ధిప్రదాతా చ సోమపుత్రో మహాద్యుతిః |
ఆదిత్యస్య రథే తిష్ఠన్ స బుధః ప్రీయతాం మమ || 12 ||

శ్రీ బుధ స్తోత్రం –2

శ్రీ బుధ స్తోత్రం –2.

Telugu

Read Stotra

శ్రీ బుధ స్తోత్రం –2

ధ్యానం –
భుజైశ్చతుర్భిర్వరదాభయాసి-
గదా వహంతం సుముఖం ప్రశాంతం |
పీతప్రభం చంద్రసుతం సురేఢ్యం
సింహేనిషణ్ణం బుధమాశ్రయామి ||
అథ స్తోత్రం –
పీతాంబరః పీతవపుః కిరీటీ చ చతుర్భుజః |
పీతధ్వజపతాకీ చ రోహిణీగర్భసంభవః || 1 ||
ఈశాన్యాదిషుదేశేషు బాణాసన ఉదఙ్ముఖః |
నాథో మగధదేశస్య మంత్రో మంత్రార్థతత్త్వవిత్ || 2 ||
సుఖాసనః కర్ణికారో జైత్రశ్చాత్రేయగోత్రవాన్ |
భరద్వాజ ఋషిప్రఖ్యైర్జ్యోతిర్మండలమండితః || 3 ||
అధిప్రత్యధిదేవాభ్యామన్యతో గ్రహమండలే |
ప్రవిష్టః సూక్ష్మరూపేణ సమస్తవరదః సుఖీ || 4 ||
సదా ప్రదక్షిణం మేరోః కుర్వాణః కామరూపవాన్ |
అసిదండౌ చ బిభ్రాణః సంప్రాప్తసుఫలప్రదః || 5 ||
కన్యాయా మిథునస్యాపి రాశేరధిపతిర్ద్వయోః |
ముద్గధాన్యప్రదో నిత్యం మర్త్యామర్త్యసురార్చితః || 6 ||
యస్తు సౌంయేన మనసా స్వమాత్మానం ప్రపూజయేత్ |
తస్య వశ్యో భవేన్నిత్యం సౌంయనామధరో బుధః || 7 ||
బుధస్తోత్రమిదం గుహ్యం వసిష్ఠేనోదితం పురా |
దిలీపాయ చ భక్తాయ యాచమానాయ భూభృతే || 8 ||
యః పఠేదేకవారం వా సర్వాభీష్టమవాప్నుయాత్ |
స్తోత్రరాజమిదం పుణ్యం గుహ్యాద్గుహ్యతమం మహత్ || 9 ||
ఏకవారం ద్వివారం వా త్రివారం యః పఠేన్నరః |
తస్యాపస్మారకుష్ఠాదివ్యాధిబాధా న విద్యతే || 10 ||
సర్వగ్రహకృతాపీడా పఠితేఽస్మిన్న విద్యతే |
కృత్రిమౌషధదుర్మంత్రం కృత్రిమాదినిశాచరైః || 11 ||
యద్యద్భయం భవేత్తత్ర పఠితేఽస్మిన్న విద్యతే |
ప్రతిమా యా సువర్ణేన లిఖితా తు భుజాష్టకా || 12 ||
ముద్గధాన్యోపరిన్యస్త పీతవస్త్రాన్వితే ఘటే |
విన్యస్య విధినా సంయక్ మాసమేకం నిరంతరం || 13 ||
యే పూజయంతి తే యాంతి దీర్ఘమాయుః ప్రజాధనం |
ఆరోగ్యం భస్మగుల్మాది సర్వవ్యాధివినాశనం |
యం యం కామయతే సంయక్ తత్తదాప్నోత్యసంశయః || 14 ||
ఇతి శ్రీస్కాందపురాణే శ్రీ బుధ స్తోత్రం |

శ్రీ బుధ స్తోత్రం –3

శ్రీ బుధ స్తోత్రం –3.

Telugu

Read Stotra

శ్రీ బుధ స్తోత్రం –3

అస్య శ్రీబుధస్తోత్రమహామంత్రస్య వసిష్ఠ ఋషిః, అనుష్టుప్ ఛందః, బుధో దేవతా, బుధ ప్రీత్యర్థే జపే వినియోగః ||
ధ్యానం –
భుజైశ్చతుర్భిర్వరదాభయాసి-
-గదం వహంతం సుముఖం ప్రశాంతం |
పీతప్రభం చంద్రసుతం సురేఢ్యం
సింహే నిషణ్ణం బుధమాశ్రయామి ||
అథ స్తోత్రం –
పీతాంబరః పీతవపుః పీతధ్వజరథస్థితః |
పీయూషరశ్మితనయః పాతు మాం సర్వదా బుధః || 1 ||
సింహవాహం సిద్ధనుతం సౌంయం సౌంయగుణాన్వితం |
సోమసూనుం సురారాధ్యం సర్వదం సౌంయమాశ్రయే || 2 ||
బుధం బుద్ధిప్రదాతారం బాణబాణాసనోజ్జ్వలం |
భద్రప్రదం భీతిహరం భక్తపాలనమాశ్రయే || 3 ||
ఆత్రేయగోత్రసంజాతమాశ్రితార్తినివారణం |
ఆదితేయకులారాధ్యమాశుసిద్ధిదమాశ్రయే || 4 ||
కలానిధితనూజాతం కరుణారసవారిధిం |
కల్యాణదాయినం నిత్యం కన్యారాశ్యధిపం భజే || 5 ||
మందస్మితముఖాంభోజం మన్మథాయుతసుందరం |
మిథునాధీశమనఘం మృగాంకతనయం భజే || 6 ||
చతుర్భుజం చారురూపం చరాచరజగత్ప్రభుం |
చర్మఖడ్గధరం వందే చంద్రగ్రహతనూభవం || 7 ||
పంచాస్యవాహనగతం పంచపాతకనాశనం |
పీతగంధం పీతమాల్యం బుధం బుధనుతం భజే || 8 ||
బుధస్తోత్రమిదం గుహ్యం వసిష్ఠేనోదితం పురా |
యః పఠేచ్ఛృణూయాద్వాపి సర్వాభీష్టమవాప్నుయాత్ || 9 ||

శ్రీ బుధ అష్టోత్తరశతనామ స్తోత్రం

శ్రీ బుధ అష్టోత్తరశతనామ స్తోత్రం.

Telugu

Read Stotra

శ్రీ బుధ అష్టోత్తరశతనామ స్తోత్రం

బుధో బుధార్చితః సౌంయః సౌంయచిత్తః శుభప్రదః |
దృఢవ్రతో దృఢఫలః శ్రుతిజాలప్రబోధకః || 1 ||
సత్యవాసః సత్యవచాః శ్రేయసాం పతిరవ్యయః |
సోమజః సుఖదః శ్రీమాన్ సోమవంశప్రదీపకః || 2 ||
వేదవిద్వేదతత్త్వజ్ఞో వేదాంతజ్ఞానభాస్వరః |
విద్యావిచక్షణ విభుర్విద్వత్ప్రీతికరో ఋజః || 3 ||
విశ్వానుకూలసంచారో విశేషవినయాన్వితః |
వివిధాగమసారజ్ఞో వీర్యవాన్ విగతజ్వరః || 4 ||
త్రివర్గఫలదోఽనంతః త్రిదశాధిపపూజితః |
బుద్ధిమాన్ బహుశాస్త్రజ్ఞో బలీ బంధవిమోచకః || 5 ||
వక్రాతివక్రగమనో వాసవో వసుధాధిపః |
ప్రసన్నవదనో వంద్యో వరేణ్యో వాగ్విలక్షణః || 6 ||
సత్యవాన్ సత్యసంకల్పః సత్యబంధుః సదాదరః |
సర్వరోగప్రశమనః సర్వమృత్యునివారకః || 7 ||
వాణిజ్యనిపుణో వశ్యో వాతాంగో వాతరోగహృత్ |
స్థూలః స్థైర్యగుణాధ్యక్షః స్థూలసూక్ష్మాదికారణః || 8 ||
అప్రకాశః ప్రకాశాత్మా ఘనో గగనభూషణః |
విధిస్తుత్యో విశాలాక్షో విద్వజ్జనమనోహరః || 9 ||
చారుశీలః స్వప్రకాశః చపలశ్చ జితేంద్రియః |
ఉదఙ్ముఖో మఖాసక్తో మగధాధిపతిర్హరః || 10 ||
సౌంయవత్సరసంజాతః సోమప్రియకరః సుఖీ |
సింహాధిరూఢః సర్వజ్ఞః శిఖివర్ణః శివంకరః || 11 ||
పీతాంబరో పీతవపుః పీతచ్ఛత్రధ్వజాంకితః |
ఖడ్గచర్మధరః కార్యకర్తా కలుషహారకః || 12 ||
ఆత్రేయగోత్రజోఽత్యంతవినయో విశ్వపావనః |
చాంపేయపుష్పసంకాశః చారణః చారుభూషణః || 13 ||
వీతరాగో వీతభయో విశుద్ధకనకప్రభః |
బంధుప్రియో బంధముక్తో బాణమండలసంశ్రితః || 14 ||
అర్కేశానప్రదేశస్థః తర్కశాస్త్రవిశారదః |
ప్రశాంతః ప్రీతిసంయుక్తః ప్రియకృత్ ప్రియభాషణః || 15 ||
మేధావీ మాధవాసక్తో మిథునాధిపతిః సుధీః |
కన్యారాశిప్రియః కామప్రదో ఘనఫలాశ్రయః || 16 ||
బుధస్యైవం ప్రకారేణ నాంనామష్టోత్తరం శతం |
సంపూజ్య విధివత్కర్తా సర్వాన్కామానవాప్నుయాత్ || 17 ||
ఇతి శ్రీ బుధ అష్టోత్తరశతనామ స్తోత్రం |

శ్రీ బుధ అష్టోత్తరశతనామావళిః

శ్రీ బుధ అష్టోత్తరశతనామావళిః.

Telugu

Read Stotra

శ్రీ బుధ అష్టోత్తరశతనామావళిః

బుధ గ్రహస్య వేదోక్త మంత్రం

బుధ గ్రహస్య వేదోక్త మంత్రం.

Telugu

Read Stotra

బుధ గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ బుధ గ్రహపీడాపరిహారార్థం బుధ గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం బుధ గ్రహస్య న్యాసపూర్వక వేదోక్త మంత్రజపం కరిష్యే ||
ఉద్బుధ్యస్వేత్యస్య మంత్రస్య పరమేష్ఠీ ఋషిః ఆర్షీత్రిష్టుప్ ఛందః బుధో దేవతా త్వమిష్టాపూర్తేసం ఇతి బీజం బుధ ప్రీత్యర్థే జపే వినియోగః |
న్యాసః –
ఓం పరమేష్ఠీ ఋషయే నమః శిరసి |
ఓం ఆర్షీత్రిష్టుప్ ఛందసే నమః ముఖే |
ఓం బుధ దేవతాయై నమః హృదయే |
ఓం త్వామిష్టాపూర్తేసం ఇతి బీజాయ నమః గుహ్యే |
ఓం బుధ ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం ఉద్బుధ్యస్వాగ్నే ప్రతి జాగృహీతి అంగుష్ఠాభ్యాం నమః |
ఓం త్వమిష్టాపూర్తే సమితి తర్జనీభ్యాం నమః |
ఓం సృజేథామయం చేతి మధ్యమాభ్యాం నమః |
ఓం అస్మిన్త్సధస్థేఽఅధ్యుత్తరస్మిన్నితి అనామికాభ్యాం నమః |
ఓం విశ్వేదేవా ఇతి కనిష్ఠికాభ్యాం నమః |
ఓం యజమానశ్చ సీదతేతి కరతలకరపృష్ఠాభ్యాం నమః |
హృదయాదిన్యాసః –
ఓం ఉద్బుధ్యస్వాగ్నే ప్రతి జాగృహీతి హృదయాయ నమః |
ఓం త్వమిష్టాపూర్తే సమితి శిరసే స్వాహా |
ఓం సృజేథామయం చేతి శిఖాయై వషట్ |
ఓం అస్మిన్త్సధస్థేఽఅధ్యుత్తరస్మిన్నితి కవచాయ హుం |
ఓం విశ్వేదేవా ఇతి నేత్రత్రయాయ వౌషట్ |
ఓం యజమానశ్చ సీదతేతి అస్త్రాయ ఫట్ |
ధ్యానం –
పీతాంబరః పీతవపుః కిరీటీ
చతుర్భుజో దండధరశ్చ సౌంయః |
చర్మాసిధృత్ సోమసుతః సు మేరుః
సింహాధిరూఢో వరదో బుధశ్చ ||
(య.వే.15-54)
ఓం ఉద్బు॑ధ్యస్వాగ్నే॒ ప్రతి॑ జాగృహి॒ త్వమి॑ష్టాపూ॒ర్తే సగ్ం సృ॑జేథామ॒యం చ॑ |
అ॒స్మిన్త్స॒ధస్థే॒ఽఅధ్యుత్త॑రస్మి॒న్ విశ్వే॑ దేవా॒ యజ॑మానశ్చ సీదత ||
ఓం బుధాయ నమః |
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత బుధ గ్రహస్య మంత్ర జపేన బుధ సుప్రీతో సుప్రసన్నో వరదో భవంతు |

బుధ గ్రహస్య బీజ మంత్ర జపం

బుధ గ్రహస్య బీజ మంత్ర జపం.

Telugu

Read Stotra

బుధ గ్రహస్య బీజ మంత్ర జపం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ బుధ గ్రహపీడాపరిహారార్థం బుధ గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం బుధ గ్రహస్య బీజమంత్ర జపం కరిష్యే ||
ధ్యానం –
పీతాంబరః పీతవపుః కిరీటీ
చతుర్భుజో దండధరశ్చ సౌంయః |
చర్మాసిధృత్ సోమసుతః సు మేరుః
సింహాధిరూఢో వరదో బుధోఽస్తు ||
ప్రియంగుకలికాశ్యామం రూపేణాప్రతిమం బుధం |
సౌంయం సౌంయగుణోపేతం తం బుధం ప్రణమాంయహం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం బ్రాం బ్రీం బ్రౌం సః బుధాయ నమః | (8000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత బుధ గ్రహస్య మంత్రజపేన బుధ గ్రహదేవతా సుప్రీతో సుప్రసన్నో వరదో భవంతు |

Sign In

OTP Verification

Sacred Stotras & Deities

శ్రీ బుధ కవచం

శ్రీ బుధ పంచవింశతినామ స్తోత్రం

శ్రీ బుధ స్తోత్రం –1

శ్రీ బుధ స్తోత్రం –2

శ్రీ బుధ స్తోత్రం –3

శ్రీ బుధ అష్టోత్తరశతనామ స్తోత్రం

శ్రీ బుధ అష్టోత్తరశతనామావళిః

బుధ గ్రహస్య వేదోక్త మంత్రం

బుధ గ్రహస్య బీజ మంత్ర జపం

MENU

LINKS

Astrologer Section

Vendor Section

GET ADVICE ON

Download Our Apps