VENUS Stotras & Hymns - Read Sacred Verses

శ్రీ శుక్ర కవచం

శ్రీ శుక్ర కవచం.

Telugu

శ్రీ శుక్ర కవచం

అస్య శ్రీశుక్రకవచస్తోత్రమహామంత్రస్య భరద్వాజ ఋషిః అనుష్టుప్ ఛందః శుక్రో దేవతా అం బీజం గం శక్తిః వం కీలకం మమ శుక్రగ్రహప్రసాద సిద్ధ్యర్థే జపే వినియోగః |
కరన్యాసః –
భాం అంగుష్ఠాభ్యాం నమః |
భీం తర్జనీభ్యాం నమః |
భూం మధ్యమాభ్యాం నమః |
భైం అనామికాభ్యాం నమః |
భౌం కనిష్ఠికాభ్యాం నమః |
భః కరతలకరపృష్ఠాభ్యాం నమః ||
అంగన్యాసః –
భాం హృదయాయ నమః |
భీం శిరసే స్వాహా |
భూం శిఖాయై వషట్ |
భైం కవచాయ హుం |
భౌం నేత్రత్రయాయ వౌషట్ |
భః అస్త్రాయ ఫట్ |
భూర్భువః సువరోమితి దిగ్బంధః ||
ధ్యానం –
మృణాలకుందేందుపయోజసుప్రభం
పీతాంబరం ప్రసృతమక్షమాలినం |
సమస్తశాస్త్రార్థనిధిం మహాంతం
ధ్యాయేత్కవిం వాంఛితమర్థసిద్ధయే || 1 ||
కవచం –
శిరో మే భార్గవః పాతు ఫాలం పాతు గ్రహాధిపః |
నేత్రే దైత్యగురుః పాతు శ్రోత్రే మే చందనద్యుతిః || 2 ||
పాతు మే నాసికాం కావ్యో వదనం దైత్యవందితః |
జిహ్వా మే చోశనాః పాతు కంఠం శ్రీకంఠభక్తిమాన్ || 3 ||
భుజౌ తేజోనిధిః పాతు కుక్షిం పాతు మనోవ్రజః |
నాభిం భృగుసుతః పాతు మధ్యం పాతు మహీప్రియః || 4 ||
కటిం మే పాతు విశ్వాత్మా ఊరూ మే సురపూజితః |
జానుం జాడ్యహరః పాతు జంఘే జ్ఞానవతాం వరః || 5 ||
గుల్ఫౌ గుణనిధిః పాతు పాతు పాదౌ వరాంబరః |
సర్వాణ్యంగాని మే పాతు స్వర్ణమాలాపరిష్కృతః || 6 ||
య ఇదం కవచం దివ్యం పఠతి శ్రద్ధయాన్వితః |
న తస్య జాయతే పీడా భార్గవస్య ప్రసాదతః || 7 ||
ఇతి శ్రీబ్రహ్మాండపురాణే శ్రీ శుక్ర కవచం |

శ్రీ శుక్ర చతుర్వింశతినామ స్తోత్రం

శ్రీ శుక్ర చతుర్వింశతినామ స్తోత్రం.

Telugu

Read Stotra

శ్రీ శుక్ర చతుర్వింశతినామ స్తోత్రం

శృణ్వంతు మునయః సర్వే శుక్రస్తోత్రమిదం శుభం |
రహస్యం సర్వభూతానాం శుక్రప్రీతికరం పరం || 1 ||
యేషాం సంకీర్తనైర్నిత్యం సర్వాన్ కామానవాప్నుయాత్ |
తాని శుక్రస్య నామాని కథయామి శుభాని చ || 2 ||
శుక్రః శుభగ్రహః శ్రీమాన్ వర్షకృద్వర్షవిఘ్నకృత్ |
తేజోనిధిర్జ్ఞానదాతా యోగీ యోగవిదాం వరః || 3 ||
దైత్యసంజీవనో ధీరో దైత్యనేతోశనా కవిః |
నీతికర్తా గ్రహాధీశో విశ్వాత్మా లోకపూజితః || 4 ||
శుక్లమాల్యాంబరధరః శ్రీచందనసమప్రభః |
అక్షమాలాధరః కావ్యః తపోమూర్తిర్ధనప్రదః || 5 ||
చతుర్వింశతినామాని అష్టోత్తరశతం యథా |
దేవస్యాగ్రే విశేషేణ పూజాం కృత్వా విధానతః || 6 ||
య ఇదం పఠతి స్తోత్రం భార్గవస్య మహాత్మనః |
విషమస్థోఽపి భగవాన్ తుష్టః స్యాన్నాత్ర సంశయః || 7 ||
స్తోత్రం భృగోరిదమనంతగుణప్రదం యో
భక్త్యా పఠేచ్చ మనుజో నియతః శుచిః సన్ |
ప్రాప్నోతి నిత్యమతులాం శ్రియమీప్సితార్థాన్
రాజ్యం సమస్తధనధాన్యయుతాం సమృద్ధిం || 8 ||
ఇతి శ్రీస్కాందపురాణే శ్రీ శుక్ర చతుర్వింశతినామ స్తోత్రం |

శ్రీ శుక్ర స్తవరాజ స్తోత్రం

శ్రీ శుక్ర స్తవరాజ స్తోత్రం.

Telugu

Read Stotra

శ్రీ శుక్ర స్తవరాజ స్తోత్రం

అస్య శ్రీశుక్రస్తవరాజస్య ప్రజాపతిరృషిః అనుష్టుప్ ఛందః శ్రీశుక్రో దేవతా శ్రీశుక్రప్రీత్యర్థే జపే వినియోగః ||
నమస్తే భార్గవశ్రేష్ఠ దైత్యదానవపూజిత |
వృష్టిరోధప్రకర్త్రే చ వృష్టికర్త్రే నమో నమః || 1 ||
దేవయానిపతిస్తుభ్యం వేదవేదాంగపారగః |
పరేణ తపసా శుద్ధః శంకరో లోకసుందరః || 2 ||
ప్రాప్తో విద్యాం జీవనాఖ్యాం తస్మై శుక్రాత్మనే నమః |
నమస్తస్మై భగవతే భృగుపుత్రాయ వేధసే || 3 ||
తారామండలమధ్యస్థ స్వభాసాభాసితాంబర |
యస్యోదయే జగత్సర్వం మంగళార్హం భవేదిహ || 4 ||
అస్తం యాతే హ్యరిష్టం స్యాత్తస్మై మంగళరూపిణే |
త్రిపురావాసినో దైత్యాన్ శివబాణప్రపీడితాన్ || 5 ||
విద్యయాఽజీవయచ్ఛుక్రో నమస్తే భృగునందన |
యయాతిగురవే తుభ్యం నమస్తే కవినందన || 6 ||
బలిరాజ్యప్రదో జీవస్తస్మై జీవాత్మనే నమః |
భార్గవాయ నమస్తుభ్యం పూర్వగీర్వాణవందిత || 7 ||
జీవపుత్రాయ యో విద్యా ప్రాదాత్తస్మై నమో నమః |
నమః శుక్రాయ కావ్యాయ భృగుపుత్రాయ ధీమహి || 8 ||
నమః కారణరూపాయ నమస్తే కారణాత్మనే |
స్తవరాజమిదం పుణ్యం భార్గవస్య మహాత్మనః || 9 ||
యః పఠేచ్ఛృణుయాద్వాపి లభతే వాంఛితం ఫలం |
పుత్రకామో లభేత్పుత్రాన్ శ్రీకామో లభతే శ్రియం || 10 ||
రాజ్యకామో లభేద్రాజ్యం స్త్రీకామః స్త్రియముత్తమాం |
భృగువారే ప్రయత్నేన పఠితవ్యం సమాహితైః || 11 ||
అన్యవారే తు హోరాయాం పూజయేద్భృగునందనం |
రోగార్తో ముచ్యతే రోగాద్భయార్తో ముచ్యతే భయాత్ || 12 ||
యద్యత్ ప్రార్థయతే జంతుస్తత్తత్ప్రాప్నోతి సర్వదా |
ప్రాతఃకాలే ప్రకర్తవ్యా భృగుపూజా ప్రయత్నతః |
సర్వపాపవినిర్ముక్తః ప్రాప్నుయాచ్ఛివసన్నిధిం || 13 ||
ఇతి శ్రీబ్రహ్మయామలే శ్రీ శుక్ర స్తవరాజః |

శ్రీ శుక్ర స్తోత్రం –1

శ్రీ శుక్ర స్తోత్రం –1.

Telugu

Read Stotra

శ్రీ శుక్ర స్తోత్రం –2

శ్రీ శుక్ర స్తోత్రం –2.

Telugu

Read Stotra

శ్రీ శుక్ర స్తోత్రం –2

కవీశ్వర నమస్తుభ్యం హవ్యకవ్యవిదాం వర |
ఉపాసక సరస్వత్యా మృతసంజీవనప్రియ || 1 ||
దైత్యపూజ్య నమస్తుభ్యం దైత్యేంద్రశాసనకర |
నీతిశాస్త్రకలాభిజ్ఞ బలిజీవప్రభావన || 2 ||
ప్రహ్లాదపరమాహ్లాద విరోచనగురో సిత |
ఆస్ఫూర్జిజ్జితశిష్యారే నమస్తే భృగునందన || 3 ||
సురాశన సురారాతిచిత్తసంస్థితిభావన |
ఉశనా సకలప్రాణిప్రాణాశ్రయ నమోఽస్తు తే || 4 ||
నమస్తే ఖేచరాధీశ శుక్ర శుక్లయశస్కర |
వారుణ వారుణీనాథ ముక్తామణిసమప్రభ || 5 ||
క్షీబచిత్త కచోద్భూతిహేతో జీవరిపో నమః |
దేవయానీయయాతీష్ట దుహితృస్థేయవత్సల || 6 ||
వహ్నికోణపతే తుభ్యం నమస్తే ఖగనాయక |
త్రిలోచన తృతీయాక్షిసంస్థిత శుకవాహన || 7 ||
ఇత్థం దైత్యగురోః స్తోత్రం యః స్మరేన్మానవః సదా |
దశాదౌ గోచరే తస్య భవేద్విఘ్నహరః సితః || 8 ||
సోమతుల్యా ప్రభా యస్య చాసురాణాం గురుస్తథా |
జేతా యః సర్వశత్రూణాం స కావ్యః ప్రీయతాం మమ || 9 ||

శ్రీ శుక్ర అష్టోత్తరశతనామ స్తోత్రం

శ్రీ శుక్ర అష్టోత్తరశతనామ స్తోత్రం.

Telugu

Read Stotra

శ్రీ శుక్ర అష్టోత్తరశతనామ స్తోత్రం

శుక్రః శుచిః శుభగుణః శుభదః శుభలక్షణః |
శోభనాక్షః శుభ్రరూపః శుద్ధస్ఫటికభాస్వరః || 1 ||
దీనార్తిహారకో దైత్యగురుః దేవాభివందితః |
కావ్యాసక్తః కామపాలః కవిః కళ్యాణదాయకః || 2 ||
భద్రమూర్తిర్భద్రగుణో భార్గవో భక్తపాలనః |
భోగదో భువనాధ్యక్షో భుక్తిముక్తిఫలప్రదః || 3 ||
చారుశీలశ్చారురూపశ్చారుచంద్రనిభాననః |
నిధిర్నిఖిలశాస్త్రజ్ఞో నీతివిద్యాధురంధరః || 4 ||
సర్వలక్షణసంపన్నః సర్వావగుణవర్జితః |
సమానాధికనిర్ముక్తః సకలాగమపారగః || 5 ||
భృగుర్భోగకరో భూమిసురపాలనతత్పరః |
మనస్వీ మానదో మాన్యో మాయాతీతో మహాశయః || 6 ||
బలిప్రసన్నోఽభయదో బలీ బలపరాక్రమః |
భవపాశపరిత్యాగో బలిబంధవిమోచకః || 7 ||
ఘనాశయో ఘనాధ్యక్షో కంబుగ్రీవః కళాధరః |
కారుణ్యరససంపూర్ణః కళ్యాణగుణవర్ధనః || 8 ||
శ్వేతాంబరః శ్వేతవపుశ్చతుర్భుజసమన్వితః |
అక్షమాలాధరోఽచింత్యో అక్షీణగుణభాసురః || 9 ||
నక్షత్రగణసంచారో నయదో నీతిమార్గదః |
వర్షప్రదో హృషీకేశః క్లేశనాశకరః కవిః || 10 ||
చింతితార్థప్రదః శాంతమతిః చిత్తసమాధికృత్ |
ఆధివ్యాధిహరో భూరివిక్రమః పుణ్యదాయకః || 11 ||
పురాణపురుషః పూజ్యః పురుహూతాదిసన్నుతః |
అజేయో విజితారాతిర్వివిధాభరణోజ్జ్వలః || 12 ||
కుందపుష్పప్రతీకాశో మందహాసో మహామతిః |
ముక్తాఫలసమానాభో ముక్తిదో మునిసన్నుతః || 13 ||
రత్నసింహాసనారూఢో రథస్థో రజతప్రభః |
సూర్యప్రాగ్దేశసంచారః సురశత్రుసుహృత్ కవిః || 14 ||
తులావృషభరాశీశో దుర్ధరో ధర్మపాలకః |
భాగ్యదో భవ్యచారిత్రో భవపాశవిమోచకః || 15 ||
గౌడదేశేశ్వరో గోప్తా గుణీ గుణవిభూషణః |
జ్యేష్ఠానక్షత్రసంభూతో జ్యేష్ఠః శ్రేష్ఠః శుచిస్మితః || 16 ||
అపవర్గప్రదోఽనంతః సంతానఫలదాయకః |
సర్వైశ్వర్యప్రదః సర్వగీర్వాణగణసన్నుతః || 17 ||
ఏవం శుక్రగ్రహస్యైవ క్రమాదష్టోత్తరం శతం |
సర్వపాపప్రశమనం సర్వపుణ్యఫలప్రదం |
యః పఠేచ్ఛృణుయాద్వాపి సర్వాన్ కామానవాప్నుయాత్ || 18 ||
ఇతి శ్రీ శుక్ర అష్టోత్తరశతనామ స్తోత్రం |

శ్రీ శుక్ర అష్టోత్తరశతనామావళిః

శ్రీ శుక్ర అష్టోత్తరశతనామావళిః.

Telugu

Read Stotra

శ్రీ శుక్ర అష్టోత్తరశతనామావళిః

శుక్ర గ్రహస్య వేదోక్త మంత్రం

శుక్ర గ్రహస్య వేదోక్త మంత్రం.

Telugu

Read Stotra

శుక్ర గ్రహస్య వేదోక్త మంత్రం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్ఠాయాం శుభతిథౌ మమ శుక్ర గ్రహపీడాపరిహారార్థం శుక్ర గ్రహదేవతా ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం శుక్ర గ్రహస్య న్యాసపూర్వక వేదోక్త మంత్రజపం కరిష్యే ||
అన్నాత్పరిస్రుతేత్యస్య మంత్రస్య శంఖ ఋషిః భురిగతిజగతీ ఛందః శుక్రో దేవతా రసం బ్రహ్మణా ఇతి బీజం శుక్ర ప్రీత్యర్థే జపే వినియోగః |
న్యాసః –
ఓం శంఖ ఋషయే నమః శిరసి |
ఓం భురిగతిజగతీ ఛందసే నమః ముఖే |
ఓం శుక్ర దేవతాయై నమః హృదయే |
ఓం రసం బ్రహ్మణా ఇతి బీజాయ నమః గుహ్యే |
ఓం శుక్ర ప్రీత్యర్థే జపే వినియోగాయ నమః సర్వాంగే |
కరన్యాసః –
ఓం అన్నాత్ పరిస్రుతో ఇతి అంగుష్ఠాభ్యాం నమః |
ఓం రసం బ్రహ్మణా వ్యపిబత్ ఇతి తర్జనీభ్యాం నమః |
ఓం క్షత్రం పయః ఇతి మధ్యమాభ్యాం నమః |
ఓం సోమం ప్రజాపతిరితి అనామికాభ్యాం నమః |
ఓం ఋతేన సత్యమిన్ద్రియం విపానగ్ం శుక్రమన్ధ సః ఇతి కనిష్ఠికాభ్యాం నమః |
ఓం ఇన్ద్రస్యేన్ద్రియమిదం పయోఽమృతం మధు ఇతి కరతలకరపృష్ఠాభ్యాం నమః |
హృదయాదిన్యాసః –
ఓం అన్నాత్ పరిస్రుతో ఇతి హృదయాయ నమః |
ఓం రసం బ్రహ్మణా వ్యపిబత్ ఇతి శిరసే స్వాహా |
ఓం క్షత్రం పయః ఇతి శిఖాయై వషట్ |
ఓం సోమం ప్రజాపతిరితి కవచాయ హుం |
ఓం ఋతేన సత్యమిన్ద్రియం విపానగ్ం శుక్రమన్ధ సః ఇతి నేత్రత్రయాయ వౌషట్ |
ఓం ఇన్ద్రస్యేన్ద్రియమిదం పయోఽమృతం మధు ఇతి అస్త్రాయ ఫట్ |
ధ్యానం –
శ్వేతాంబరః శ్వేతవపుః కిరీటీ
చతుర్భుజో దైత్యగురుః ప్రశాంతః |
తథాక్షసూత్రం చ కమండలుం చ
దండం చ బిభ్రద్వరదోఽస్తు మహ్యం ||
(య.వే.19-75)
అన్నా॑త్ పరి॒స్రుతో॒ రస॒o బ్రహ్మ॑ణా॒ వ్యపిబత్ క్ష॒త్రం పయ॒: సోమ॑o ప్ర॒జాప॑తిః |
ఋ॒తేన॑ స॒త్యమి॑న్ద్రి॒యం వి॒పానగ్ం శు॒క్రమన్ధ॑స॒ఽఇన్ద్ర॑స్యేన్ద్రి॒యమి॒దం పయో॒ఽమృత॒o మధు॑ ||
ఓం శుక్రాయ నమః ||
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత శుక్ర గ్రహస్య మంత్ర జపేన శుక్ర సుప్రీతో సుప్రసన్నో వరదో భవంతు |

శుక్ర గ్రహస్య బీజ మంత్ర జపం

శుక్ర గ్రహస్య బీజ మంత్ర జపం.

Telugu

Read Stotra

శుక్ర గ్రహస్య బీజ మంత్ర జపం

ఆచంయ | ప్రాణానాయంయ | దేశకాలౌ సంకీర్త్య | గణపతి స్మరణం కృత్వా |
పునః సంకల్పం –
అద్య పూర్వోక్త ఏవం గుణవిశేషణ విశిష్టాయాం శుభతిథౌ మమ శుక్ర గ్రహపీడాపరిహారార్థం శుక్ర ప్రసాద ద్వారా ఆయురారోగ్య ఐశ్వర్యాది ఉత్తమఫలావాప్త్యర్థం మమ సంకల్పిత మనోవాంఛాఫలసిద్ధ్యర్థం యథా సంఖ్యాకం శుక్ర గ్రహస్య బీజమంత్ర జపం కరిష్యే ||
ధ్యానం –
శ్వేతాంబరః శ్వేతవపుః కిరీటీ
చతుర్భుజో దైత్యగురుః ప్రశాంతః |
తథాసి దండం చ కమండలుం చ
తథాక్షసూత్రాద్వరదోఽస్తు మహ్యం ||
హిమకుందమృణాలాభం దైత్యానాం పరమం గురుం |
సర్వశాస్త్రప్రవక్తారం భార్గవం ప్రణమాంయహం ||
లమిత్యాది పంచపూజా –
లం పృథివ్యాత్మనే గంధం పరికల్పయామి |
హం ఆకాశాత్మనే పుష్పం పరికల్పయామి |
యం వాయ్వాత్మనే ధూపం పరికల్పయామి |
రం అగ్న్యాత్మనే దీపం పరికల్పయామి |
వం అమృతాత్మనే నైవేద్యం పరికల్పయామి |
సం సర్వాత్మనే సర్వోపచారాన్ పరికల్పయామి |
బీజమంత్రః –
ఓం ద్రాం ద్రీం ద్రౌం సః శుక్రాయ నమః | (16000)
సమర్పణం –
గుహ్యాతి గుహ్య గోప్తా త్వం గృహాణాస్మత్కృతం జపం |
సిద్ధిర్భవతు మే దేవ త్వత్ప్రసాదాన్మయి స్థిర ||
అనేన మయా కృత శుక్ర గ్రహస్య మంత్రజపేన శుక్ర సుప్రీతో సుప్రసన్నో వరదో భవంతు |

Sign In

OTP Verification

Sacred Stotras & Deities

శ్రీ శుక్ర కవచం

శ్రీ శుక్ర చతుర్వింశతినామ స్తోత్రం

శ్రీ శుక్ర స్తవరాజ స్తోత్రం

శ్రీ శుక్ర స్తోత్రం –1

శ్రీ శుక్ర స్తోత్రం –2

శ్రీ శుక్ర అష్టోత్తరశతనామ స్తోత్రం

శ్రీ శుక్ర అష్టోత్తరశతనామావళిః

శుక్ర గ్రహస్య వేదోక్త మంత్రం

శుక్ర గ్రహస్య బీజ మంత్ర జపం

MENU

LINKS

Astrologer Section

Vendor Section

GET ADVICE ON

Download Our Apps