Bhuvaneshwari Stotras & Hymns - Read Sacred Verses

శ్రీ భువనేశ్వరీ కవచం (త్రైలోక్యమంగళం)

శ్రీ భువనేశ్వరీ కవచం (త్రైలోక్యమంగళం).

Telugu

శ్రీ భువనేశ్వరీ కవచం (త్రైలోక్యమంగళం)

దేవ్యువాచ |
దేవేశ భువనేశ్వర్యా యా యా విద్యాః ప్రకాశితాః |
శ్రుతాశ్చాధిగతాః సర్వాః శ్రోతుమిచ్ఛామి సాంప్రతం || 1 ||
త్రైలోక్యమంగళం నామ కవచం యత్పురోదితం |
కథయస్వ మహాదేవ మమ ప్రీతికరం పరం || 2 ||
ఈశ్వర ఉవాచ |
శృణు పార్వతి వక్ష్యామి సావధానావధారయ |
త్రైలోక్యమంగళం నామ కవచం మంత్రవిగ్రహం || 3 ||
సిద్ధవిద్యామయం దేవి సర్వైశ్వర్యప్రదాయకం |
పఠనాద్ధారణాన్మర్త్యస్త్రైలోక్యైశ్వర్యభాగ్భవేత్ || 4 ||
[ త్రైలోక్యమంగళస్యాస్య కవచస్య ఋషిశ్శివః |
ఛందో విరాట్ జగద్ధాత్రీ దేవతా భువనేశ్వరీ |
ధర్మార్థకామమోక్షేషు వినియోగః ప్రకీర్తితః || ] హ్రీం బీజం మే శిరః పాతు భువనేశీ లలాటకం |
ఐం పాతు దక్షనేత్రం మే హ్రీం పాతు వామలోచనం || 1 ||
శ్రీం పాతు దక్షకర్ణం మే త్రివర్ణాఖ్యా మహేశ్వరీ | [త్రివర్ణాత్మా] వామకర్ణం సదా పాతు ఐం ఘ్రాణం పాతు మే సదా || 2 ||
హ్రీం పాతు వదనం దేవి ఐం పాతు రసనాం మమ |
వాక్పుటం చ త్రివర్ణాత్మా కంఠం పాతు పరాంబికా || 3 ||
శ్రీం స్కంధౌ పాతు నియతం హ్రీం భుజౌ పాతు సర్వదా |
క్లీం కరౌ త్రిపుటా పాతు త్రిపురైశ్వర్యదాయినీ || 4 || [త్రిపుటేశాని] ఓం పాతు హృదయం హ్రీం మే మధ్యదేశం సదాఽవతు |
క్రౌం పాతు నాభిదేశం మే త్ర్యక్షరీ భువనేశ్వరీ || 5 ||
సర్వబీజప్రదా పృష్ఠం పాతు సర్వవశంకరీ |
హ్రీం పాతు గుహ్యదేశం మే నమో భగవతీ కటిం || 6 ||
మాహేశ్వరీ సదా పాతు సక్థినీ జానుయుగ్మకం |
అన్నపూర్ణా సదా పాతు స్వాహా పాతు పదద్వయం || 7 ||
సప్తదశాక్షరీ పాయాదన్నపూర్ణాత్మికా పరా |
తారం మాయా రమాకామః షోడశార్ణా తతః పరం || 8 ||
శిరఃస్థా సర్వదా పాతు వింశత్యర్ణాత్మికా పరా |
తారం దుర్గేయుగం రక్షేత్ స్వాహేతి చ దశాక్షరీ || 9 ||
జయదుర్గా ఘనశ్యామా పాతు మాం సర్వతో ముదా |
మాయాబీజాదికా చైషా దశార్ణా చ పరా తథా || 10 ||
ఉత్తప్తకాంచనాభాసా జయదుర్గాఽఽననేఽవతు |
తారం హ్రీం దుం చ దుర్గాయై నమోఽష్టార్ణాత్మికా పరా || 11 ||
శంఖచక్రధనుర్బాణధరా మాం దక్షిణేఽవతు |
మహిషామర్దినీ స్వాహా వసువర్ణాత్మికా పరా || 12 ||
నైరృత్యాం సర్వదా పాతు మహిషాసురనాశినీ |
మాయా పద్మావతీ స్వాహా సప్తార్ణా పరికీర్తితా || 13 ||
పద్మావతీ పద్మసంస్థా పశ్చిమే మాం సదాఽవతు |
పాశాంకుశపుటే మాయే హ్రీం పరమేశ్వరి స్వాహా || 14 ||
త్రయోదశార్ణా తారాద్యా అశ్వారుఢాఽనలేఽవతు |
సరస్వతీ పంచశరే నిత్యక్లిన్నే మదద్రవే || 15 ||
స్వాహారవ్యక్షరీ విద్యా మాముత్తరే సదాఽవతు |
తారం మాయా తు కవచం ఖే రక్షేత్సతతం వధూః || 16 ||
హ్రూం క్షం హ్రీం ఫట్ మహావిద్యా ద్వాదశార్ణాఖిలప్రదా |
త్వరితాష్టాహిభిః పాయాచ్ఛివకోణే సదా చ మాం || 17 ||
ఐం క్లీం సౌః సతతం బాలా మూర్ధదేశే తతోఽవతు |
బింద్వంతా భైరవీ బాలా భూమౌ చ మాం సదాఽవతు || 18 ||
ఇతి తే కథితం పుణ్యం త్రైలోక్యమంగళం పరం |
సారం సారతరం పుణ్యం మహావిద్యౌఘవిగ్రహం || 19 ||
అస్యాపి పఠనాత్సద్యః కుబేరోఽపి ధనేశ్వరః |
ఇంద్రాద్యాః సకలా దేవాః పఠనాద్ధారణాద్యతః || 20 ||
సర్వసిద్ధీశ్వరాః సంతః సర్వైశ్వర్యమవాప్నుయుః |
పుష్పాంజల్యష్టకం దత్వా మూలేనైవ పఠేత్సకృత్ || 21 ||
సంవత్సరకృతాయాస్తు పూజాయాః ఫలమాప్నుయాత్ |
ప్రీతిమన్యోఽన్యతః కృత్వా కమలా నిశ్చలా గృహే || 22 ||
వాణీ చ నివసేద్వక్త్రే సత్యం సత్యం న సంశయః |
యో ధారయతి పుణ్యాత్మా త్రైలోక్యమంగళాభిధం || 23 ||
కవచం పరమం పుణ్యం సోఽపి పుణ్యవతాం వరః |
సర్వైశ్వర్యయుతో భూత్వా త్రైలోక్యవిజయీ భవేత్ || 24 ||
పురుషో దక్షిణే బాహౌ నారీ వామభుజే తథా |
బహుపుత్రవతీ భూత్వా వంధ్యాపి లభతే సుతం || 25 ||
బ్రహ్మాస్త్రాదీని శస్త్రాణి నైవ కృంతంతి తం జనం |
ఏతత్కవచమజ్ఞాత్వా యో జపేద్భువనేశ్వరీం |
దారిద్ర్యం పరమం ప్రాప్య సోఽచిరాన్మృత్యుమాప్నుయాత్ || 26 ||
ఇతి శ్రీరుద్రయామలే తంత్రే దేవీశ్వర సంవాదే త్రైలోక్యమంగళం నామ భువనేశ్వరీకవచం సమాప్తం |

శ్రీ భువనేశ్వరీ పంజర స్తోత్రం

శ్రీ భువనేశ్వరీ పంజర స్తోత్రం.

Telugu

Read Stotra

శ్రీ భువనేశ్వరీ పంజర స్తోత్రం

ఇదం శ్రీ భువనేశ్వర్యాః పంజరం భువి దుర్లభం |
యేన సంరక్షితో మర్త్యో బాణైః శస్త్రైర్న బాధ్యతే || 1 ||
జ్వర మారీ పశు వ్యాఘ్ర కృత్యా చౌరాద్యుపద్రవైః |
నద్యంబు ధరణీ విద్యుత్కృశానుభుజగారిభిః |
సౌభాగ్యారోగ్య సంపత్తి కీర్తి కాంతి యశోఽర్థదం || 2 ||
ఓం క్రోం శ్రీం హ్రీం ఐం సౌః పూర్వేఽధిష్ఠాయ మాం పాహి చక్రిణి భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రూన్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 1 ||
ఓం క్రోం శ్రీం హ్రీం ఐం సౌః మమాగ్నేయాం స్థితా పాహి గదినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 2 ||
ఓం క్రోం శ్రీం హ్రీం ఐం సౌః యాంయేఽధిష్ఠాయ మాం పాహి శంఖినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవ దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 3 ||
ఓం క్రోం శ్రీం హ్రీం ఐం సౌః నైరృత్యే మాం స్థితా పాహి ఖడ్గినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 4 ||
ఓం క్రోం శ్రీం హ్రీం ఐం సౌః పశ్చిమే మాం స్థితా పాహి పాశినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 5 ||
ఓం క్రోం శ్రీం హ్రీం ఐం సౌః వాయవ్యే మాం స్థితా పాహి సక్థినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 6 ||
ఓం క్రోం శ్రీం హ్రీం ఐం సౌః సౌంయేఽధిష్ఠాయ మాం పాహి చాపినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 7 ||
ఓం క్రోం శ్రీం హ్రీం ఐం సౌః ఈశేఽధిష్ఠాయ మాం పాహి శూలినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 8 ||
ఓం క్రోం శ్రీం హ్రీం ఐం సౌః ఊర్ధ్వేఽధిష్ఠాయ మాం పాహి పద్మినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 9 ||
ఓం క్రోం శ్రీం హ్రీం ఐం సౌః అధస్తాన్మాం స్థితా పాహి వాణినీ భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 10 ||
ఓం క్రోం శ్రీం హ్రీం ఐం సౌః అగ్రతో మాం సదా పాహి సాంకుశే భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 11 ||
ఓం క్రోం శ్రీం హ్రీం ఐం సౌః పృష్ఠతో మాం స్థితా పాహి వరదే భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 12 ||
సర్వతో మాం సదా పాహి సాయుధే భువనేశ్వరి |
యోగవిద్యే మహామాయే యోగినీగణసేవితే |
కృష్ణవర్ణే మహద్భూతే బృహత్కర్ణే భయంకరి |
దేవి దేవి మహాదేవి మమ శత్రున్ వినాశయ |
ఉత్తిష్ఠ పురుషే కిం స్వపిషి భయం మే సముపస్థితం |
యది శక్యమశక్యం తన్మే భగవతి శమయ స్వాహా |
త్రైలోక్యమోహిన్యై విద్మహే విశ్వజనన్యై ధీమహి తన్నః శక్తిః ప్రచోదయాత్ || 13 ||
ఫలశ్రుతిః |
ప్రోక్తా దిఙ్మనవో దేవి చతుర్దశ శుభప్రదాః |
ఏతత్ పంజరమాఖ్యాతం సర్వరక్షాకరం నృణాం || 1
గోపనీయం ప్రయత్నేన స్వయోనిరివ పార్వతి |
న భక్తాయ ప్రదాతవ్యం నాశిష్యాయ కదాచన || 2
సిద్ధికామో మహాదేవి గోపయేన్మాతృజారవత్ |
భయకాలే హోమకాలే పూజాకాలే విశేషతః || 3
దీపస్యారంభకాలే వై యః కుర్యాత్ పంజరం సుధీః |
సర్వాన్ కామానవాప్నోతి ప్రత్యూహైర్నాభిభూయతే || 4
రణే రాజకులే ద్యూతే సర్వత్ర విజయీ భవేత్ |
కృత్యా రోగపిశాచాద్యైర్న కదాచిత్ ప్రబాధ్యతే || 5
ప్రాతఃకాలే చ మధ్యాహ్నే సంధ్యాయామర్ధరాత్రకే |
యః కుర్యాత్ పంజరం మర్త్యో దేవీం ధ్యాత్వా సమాహితః || 6
కాలమృత్యుమపి ప్రాప్తం జయేదత్ర న సంశయః |
బ్రహ్మాస్త్రాదీని శస్త్రాణి తద్గాత్రం న లగంతి చ |
పుత్రవాన్ ధనవాన్లోకే యశస్వీ జాయతే నరః || 7
ఇతి శ్రీభువనేశ్వరీ పంజరస్తోత్రం సంపూర్ణం |

శ్రీ భువనేశ్వరీ స్తోత్రం

శ్రీ భువనేశ్వరీ స్తోత్రం.

Telugu

Read Stotra

శ్రీ భువనేశ్వరీ స్తోత్రం

అథానందమయీం సాక్షాచ్ఛబ్దబ్రహ్మస్వరూపిణీం |
ఈడే సకలసంపత్త్యై జగత్కారణమంబికాం || 1 ||
ఆద్యామశేషజననీమరవిందయోనే-
-ర్విష్ణోః శివస్య చ వపుః ప్రతిపాదయిత్రీం |
సృష్టిస్థితిక్షయకరీం జగతాం త్రయాణాం
స్తుత్వా గిరం విమలయాప్యహమంబికే త్వాం || 2 ||
పృథ్వ్యా జలేన శిఖినా మరుతాంబరేణ
హోత్రేందునా దినకరేణ చ మూర్తిభాజః |
దేవస్య మన్మథరిపోరపి శక్తిమత్తా-
-హేతుస్త్వమేవ ఖలు పర్వతరాజపుత్రి || 3 ||
త్రిస్రోతసః సకలదేవసమర్చితాయా
వైశిష్ట్యకారణమవైమి తదేవ మాతః |
త్వత్పాదపంకజపరాగపవిత్రితాసు
శంభోర్జటాసు సతతం పరివర్తనం యత్ || 4 ||
ఆనందయేత్కుముదినీమధిపః కలానాం
నాన్యామినః కమలినీమథ నేతరాం వా |
ఏకత్ర మోదనవిధౌ పరమే క ఈష్టే
త్వం తు ప్రపంచమభినందయసి స్వదృష్ట్యా || 5 ||
ఆద్యాప్యశేషజగతాం నవయౌవనాసి
శైలాధిరాజతనయాప్యతికోమలాసి |
త్రయ్యాః ప్రసూరపి తథా న సమీక్షితాసి
ధ్యేయాసి గౌరి మనసో న పథి స్థితాసి || 6 ||
ఆసాద్య జన్మ మనుజేషు చిరాద్దురాపం
తత్రాపి పాటవమవాప్య నిజేంద్రియాణాం |
నాభ్యర్చయంతి జగతాం జనయిత్రి యే త్వాం
నిఃశ్రేణికాగ్రమధిరుహ్య పునః పతంతి || 7 ||
కర్పూరచూర్ణహిమవారివిలోడితేన
యే చందనేన కుసుమైశ్చ సుజాతగంధైః |
ఆరాధయంతి హి భవాని సముత్సుకాస్త్వాం
తే ఖల్వఖండభువనాధిభువః ప్రథంతే || 8 ||
ఆవిశ్య మధ్యపదవీం ప్రథమే సరోజే
సుప్తా హి రాజసదృశీ విరచయ్యవిశ్వం |
విద్యుల్లతావలయవిభ్రమముద్వహంతీ
పద్మాని పంచ విదలయ్య సమశ్నువానా || 9 ||
తన్నిర్గతామృతరసైః పరిషిక్తగాత్ర-
-మార్గేణ తేన విలయం పునరప్యవాప్తా |
యేషాం హృది స్ఫురసి జాతు న తే భవేయు-
-ర్మాతర్మహేశ్వరకుటుంబిని గర్భభాజః || 10 ||
ఆలంబికుండలభరామభిరామవక్త్రా-
-మాపీవరస్తనతటీం తనువృత్తమధ్యాం |
చింతాక్షసూత్రకలశాలిఖితాఢ్యహస్తా-
-మావర్తయామి మనసా తవ గౌరి మూర్తిం || 11 ||
ఆస్థాయ యోగమవిజిత్య చ వైరిషట్క-
-మాబద్ధ్యచేంద్రియగణం మనసి ప్రసన్నే |
పాశాంకుశాభయవరాఢ్యకరాం సువక్త్రా-
-మాలోకయంతి భువనేశ్వరి యోగినస్త్వాం || 12 ||
ఉత్తప్తహాటకనిభా కరిభిశ్చతుర్భి-
-రావర్తితామృతఘటైరభిషిచ్యమానా |
హస్తద్వయేన నలినే రుచిరే వహంతీ
పద్మాపి సాభయవరా భవసి త్వమేవ || 13 ||
అష్టాభిరుగ్రవివిధాయుధవాహినీభి-
-ర్దోర్వల్లరీభిరధిరుహ్య మృగాధిరాజం |
దూర్వాదలద్యుతిరమార్త్యవిపక్షపక్షాన్
న్యక్కుర్వతీ త్వమసి దేవి భవాని దుర్గా || 14 ||
ఆవిర్నిదాఘజలశీకరశోభివక్త్రాం
గుంజాఫలేన పరికల్పితహారయష్టిం |
పీతాంశుకామసితకాంతిమనంగతంద్రా-
-మాద్యాం పుళిందతరుణీమసకృత్స్మరామి || 15 ||
హంసైర్గతిక్వణితనూపురదూరదృష్టే
మూర్తైరివార్థవచనైరనుగంయమానౌ |
పద్మావివోర్ధ్వముఖరూఢసుజాతనాలౌ
శ్రీకంఠపత్ని శిరసా విదధే తవాంఘ్రీ || 16 ||
ద్వాభ్యాం సమీక్షితుమతృప్తిమతేవ దృగ్భ్యా-
-ముత్పాట్య భాలనయనం వృషకేతనేన |
సాంద్రానురాగతరలేన నిరీక్ష్యమాణే
జంఘే శుభే అపి భవాని తవానతోఽస్మి || 17 ||
ఊరూ స్మరామి జితహస్తికరావలేపౌ
స్థౌల్యేన మార్దవతయా పరిభూతరంభౌ |
శ్రేణీభరస్య సహనౌ పరికల్ప్య దత్తౌ
స్తంభావివాంగవయసా తవ మధ్యమేన || 18 ||
శ్రోణ్యౌ స్తనౌ చ యుగపత్ప్రథయిష్యతోచ్చై-
-ర్బాల్యాత్పరేణ వయసా పరిహృష్టసారౌ |
రోమావళీవిలసితేన విభావ్య మూర్తిం
మధ్యం తవ స్ఫురతు మే హృదయస్య మధ్యే || 19 ||
సఖ్యః స్మరస్య హరనేత్రహుతాశశాంత్యై
లావణ్యవారిభరితం నవయౌవనేన |
ఆపాద్య దత్తమివ పల్లవమప్రవిష్టం
నాభిం కదాపి తవ దేవి న విస్మరేయం || 20 ||
ఈశేఽపి గేహపిశునం భసితం దధానే
కాశ్మీరకర్దమమనుస్తనపంకజే తే |
స్నాతోత్థితస్య కరిణః క్షణలక్ష్యఫేనౌ
సిందూరితౌ స్మరయతః సమదస్య కుంభౌ || 21 ||
కంఠాతిరిక్తగలదుజ్జ్వలకాంతిధారా-
-శోభౌ భుజౌ నిజరిపోర్మకరధ్వజేన |
కంఠగ్రహాయ రచితౌ కిల దీర్ఘపాశౌ
మాతర్మమ స్మృతిపథం న విలంఘయేతాం || 22 ||
నాత్యాయతం రచితకంబువిలాసచౌర్యం
భూషాభరేణ వివిధేన విరాజమానం |
కంఠం మనోహరగుణం గిరిరాజకన్యే
సంచింత్య తృప్తిముపయామి కదాపి నాహం || 23 ||
అత్యాయతాక్షమభిజాతలలాటపట్టం
మందస్మితేన దరఫుల్లకపోలరేఖం |
బింబాధరం వదనమున్నతదీర్ఘనాసం
యస్తే స్మరత్యసకృదంబ స ఏవ జాతః || 24 ||
ఆవిస్తుషారకరలేఖమనల్పగంధ-
-పుష్పోపరిభ్రమదలివ్రజనిర్విశేషం |
యశ్చేతసా కలయతే తవ కేశపాశం
తస్య స్వయం గలతి దేవి పురాణపాశః || 25 ||
శ్రుతిసుచరితపాకం శ్రీమతా స్తోత్రమేత-
-త్పఠతి య ఇహ మర్త్యో నిత్యమార్ద్రాంతరాత్మా |
స భవతి పదముచ్చైః సంపదాం పాదనంర-
-క్షితిపముకుటలక్ష్మీలక్షణానాం చిరాయ || 26 ||
ఇతి శ్రీరుద్రయామలే తంత్రే శ్రీభువనేశ్వరీ స్తోత్రం ||

శ్రీ భువనేశ్వరీ హృదయం

శ్రీ భువనేశ్వరీ హృదయం.

Telugu

Read Stotra

శ్రీ భువనేశ్వరీ హృదయం

శ్రీదేవ్యువాచ |
భగవన్ బ్రూహి తత్ స్తోత్రం సర్వకామప్రసాధనం |
యస్య శ్రవణమాత్రేణ నాన్యచ్ఛ్రోతవ్యమిష్యతే || 1 ||
యది మేఽనుగ్రహః కార్యః ప్రీతిశ్చాపి మమోపరి |
తదిదం కథయ బ్రహ్మన్ విమలం యన్మహీతలే || 2 ||
ఈశ్వర ఉవాచ |
శృణు దేవి ప్రవక్ష్యామి సర్వకామప్రసాధనం |
హృదయం భువనేశ్వర్యాః స్తోత్రమస్తి యశోదయం || 3 ||
ఓం అస్య శ్రీభువనేశ్వవరీహృదయస్తోత్రమంత్రస్య శక్తిః ఋషిః – గాయత్రీ ఛందః – శ్రీభువనేశ్వరీ దేవతా – హకారో బీజం – ఈకారశ్శక్తిః – రేఫః కీలకం – సకల మనోవాంఛితసిద్ధ్యర్థే జపే వినియోగః ||
కరన్యాసః ||
ఓం హ్రీం అంగుష్ఠాభ్యాం నమః |
ఓం శ్రీం తర్జనీభ్యాం నమః |
ఓం ఐం మధ్యమాభ్యాం నమః |
ఓం హ్రీం అనామికాభ్యాం నమః |
ఓం శ్రీం కనిష్ఠికాభ్యాం నమః |
ఓం ఐం కరతలకరపృష్ఠాభ్యాం నమః |
అంగన్యాసః ||
ఓం హ్రీం హృదయాయ నమః |
ఓం శ్రీం శిరసే స్వాహా |
ఓం ఐం శిఖాయై వషట్ |
ఓం హ్రీం కవచాయ హుం |
ఓం శ్రీం నేత్రత్రయాయ వౌషట్ |
ఓం ఐం అస్త్రాయ ఫట్ |
ధ్యానం ||
ధ్యాయేద్బ్రహ్మాదికానాం కృతజనిజననీం యోగినీం యోగయోనిం
దేవానాం జీవనాయోజ్జ్వలితజయపరజ్యోతిరుగ్రాంగధాత్రీం |
శంఖం చక్రం చ బాణం ధనురపి దధతీం దోశ్చతుష్కాంబుజాతౌ
మాయామాద్యాం విశిష్టాం భవ భవ భువనాం భూభవా భారభూమిం || 4 ||
యదాజ్ఞయా యో జగదాద్యశేషం
సృజత్యజః శ్రీపతిరౌరసం వా |
బిభర్తి సంహంతి భవస్తదంతే
భజామహే శ్రీభువనేశ్వరీం తాం || 5 ||
జగజ్జనానందకరీం జయాఖ్యాం
యశస్వినీం యంత్రసుయజ్ఞయోనిం |
జితామితామిత్రకృతప్రపంచాం
భజామహే శ్రీభువనేశ్వరీం తాం || 6 ||
హరౌ ప్రసుప్తే భువనత్రయాంతే-
ప్యనారతన్నాభిజపద్మజన్మా |
విధిస్తతోఽంధే విదధార యత్పదం
భజామహే శ్రీభువనేశ్వరీం తాం || 7 ||
న విద్యతే క్వాపి తు జన్మ యస్యా
న వా స్థితిః సాంతతికీహ యస్యాః |
న వా నిరోధేఽఖిలకర్మ యస్యా
భజామహే శ్రీభువనేశ్వరీం తాం || 8 ||
కటాక్షమోక్షాచరణోగ్రవిత్తా
నివేశితార్ణా కరుణార్ద్రచిత్తా |
సుభక్తయేరాతి సమీప్సితం యా
భజామహే శ్రీభువనేశ్వరీం తాం || 9 ||
యతో జగజ్జన్మ బభూవ యోనే-
స్తదేవ మధ్యే ప్రతిపాతి యాం వా |
తదత్తి యాంతేఽఖిలముగ్రకాళి
భజామహే శ్రీభువనేశ్వరీం తాం || 10 ||
సుషుప్తికాలే జనమధ్యయంత్యా
యయా జనః స్వప్నమవైతి కించిత్ |
ప్రబుధ్యతే జాగ్రతి జీవ ఏష
భజామహే శ్రీభువనేశ్వరీం తాం || 11 ||
దయాస్ఫురత్కోరకటాక్షలాభా-
న్నకేత్ర యస్యాః ప్రభవంతి సిద్ధాః |
కవిత్వమీశిత్వమపి స్వతంత్రా
భజామహే శ్రీభువనేశ్వరీం తాం || 12 ||
లసన్ముఖాంభోరుహముత్స్ఫురంతం
హృది ప్రణిధ్యాయ దిశి స్ఫురంతః |
యస్యాః కృపార్ద్రం ప్రవికాసయంతి
భజామహే శ్రీభువనేశ్వరీం తాం || 13 ||
యదానురాగానుగతాళిచిత్రా-
శ్చిరంతనప్రేమపరిప్లుతాంగాః |
సునిర్భయాస్సంతి ప్రముద్య యస్యాః
భజామహే శ్రీభువనేశ్వరీం తాం || 14 ||
హరిర్విరంచిర్హర ఈశితారః
పురోఽవతిష్ఠంతి పరంనతాంగాః |
యస్యాస్సమిచ్ఛంతి సదానుకూల్యం
భజామహే శ్రీభువనేశ్వరీం తాం || 15 ||
మనుం యదీయం హరమగ్నిసంస్థం
తతశ్చ వామశ్రుతిచంద్రసక్తం |
జపంతి యే స్యుస్సురవందితాస్తే
భజామహే శ్రీభువనేశ్వరీం తాం || 16 ||
ప్రసీదతు ప్రేమరసార్ద్రచిత్తా
సదా హి సా శ్రీభువనేశ్వరీ మే |
కృపాకటాక్షేణ కుబేరకల్పా
భవంతి యస్యాః పదభక్తిభాజః || 17 ||
ముదా సుపాఠ్యం భువనేశ్వరీయం
సదా సతాం స్తోత్రమిదం సుసేవ్యం |
సుఖప్రదం స్యాత్కలికల్మషఘ్నం
సుశృణ్వతాం సంపఠతాం ప్రశస్యం || 18 ||
ఏతత్తు హృదయం స్తోత్రం పఠేద్యస్తు సమాహితః |
భవేత్తస్యేష్టదా దేవీ ప్రసన్నా భువనేశ్వరీ || 19 ||
దదాతి ధనమాయుష్యం పుణ్యం పుణ్యమతిం తథా |
నైష్ఠికీం దేవభక్తిం చ గురుభక్తిం విశేషతః || 20 ||
పూర్ణిమాయాం చతుర్దశ్యాం కుజవారే విశేషతః |
పఠనీయమిదం స్తోత్రం దేవసద్మని యత్నతః || 21 ||
యత్రకుత్రాపి పాఠేన స్తోత్రస్యాస్య ఫలం భవేత్ |
సర్వస్థానేషు దేవేశ్యాః పూతదేహః సదా పఠేత్ || 22 ||
ఇతి నీలసరస్వతీతంత్రే శ్రీ భువనేశ్వరీపటలే శ్రీదేవీశ్వరసంవాదే శ్రీభువనేశ్వరీ హృదయస్తోత్రం సంపూర్ణం ||

శ్రీ భువనేశ్వరీ అష్టోత్తరశతనామవళిః

శ్రీ భువనేశ్వరీ అష్టోత్తరశతనామవళిః.

Telugu

Read Stotra

శ్రీ భువనేశ్వరీ అష్టోత్తరశతనామవళిః

శ్రీ భువనేశ్వరీ అష్టోత్తరశతనామ స్తోత్రం

శ్రీ భువనేశ్వరీ అష్టోత్తరశతనామ స్తోత్రం.

Telugu

Read Stotra

శ్రీ భువనేశ్వరీ అష్టోత్తరశతనామ స్తోత్రం

లాసశిఖరే రంయే నానారత్నోపశోభితే |
నరనారీహితార్థాయ శివం పప్రచ్ఛ పార్వతీ || 1 ||
దేవ్యువాచ |
భువనేశీ మహావిద్యా నాంనామష్టోత్తరం శతం |
కథయస్వ మహాదేవ యద్యహం తవ వల్లభా || 2 ||
ఈశ్వర ఉవాచ |
శృణు దేవి మహాభాగే స్తవరాజమిదం శుభం |
సహస్రనాంనామధికం సిద్ధిదం మోక్షహేతుకం || 3 ||
శుచిభిః ప్రాతరుత్థాయ పఠితవ్యః సమాహితైః |
త్రికాలం శ్రద్ధయా యుక్తైః సర్వకామఫలప్రదః || 4 ||
అస్య శ్రీభువనేశ్వర్యష్టోత్తరశతనామ స్తోత్రమంత్రస్య శక్తిరృషిః గాయత్రీ ఛందః శ్రీభువనేశ్వరీ దేవతా చతుర్విధఫల పురుషార్థ సిద్ధ్యర్థే జపే వినియోగః ||
ఓం మహామాయా మహావిద్యా మహాయోగా మహోత్కటా |
మాహేశ్వరీ కుమారీ చ బ్రహ్మాణీ బ్రహ్మరూపిణీ || 5 ||
వాగీశ్వరీ యోగరూపా యోగినీకోటిసేవితా |
జయా చ విజయా చైవ కౌమారీ సర్వమంగళా || 6 ||
హింగుళా చ విలాసీ చ జ్వాలినీ జ్వాలరూపిణీ |
ఈశ్వరీ క్రూరసంహారీ కులమార్గప్రదాయినీ || 7 ||
వైష్ణవీ సుభగాకారా సుకుల్యా కులపూజితా |
వామాంగా వామచారా చ వామదేవప్రియా తథా || 8 ||
డాకినీ యోగినీరూపా భూతేశీ భూతనాయికా |
పద్మావతీ పద్మనేత్రా ప్రబుద్ధా చ సరస్వతీ || 9 ||
భూచరీ ఖేచరీ మాయా మాతంగీ భువనేశ్వరీ |
కాంతా పతివ్రతా సాక్షీ సుచక్షుః కుండవాసినీ || 10 ||
ఉమా కుమారీ లోకేశీ సుకేశీ పద్మరాగిణీ |
ఇంద్రాణీ బ్రహ్మచండాలీ చండికా వాయువల్లభా || 11 ||
సర్వధాతుమయీమూర్తిర్జలరూపా జలోదరీ |
ఆకాశీ రణగా చైవ నృకపాలవిభూషణా || 12 ||
నర్మదా మోక్షదా చైవ ధర్మకామార్థదాయినీ |
గాయత్రీ చాఽథ సావిత్రీ త్రిసంధ్యా తీర్థగామినీ || 13 ||
అష్టమీ నవమీ చైవ దశంయైకాదశీ తథా |
పౌర్ణమాసీ కుహూరూపా తిథిమూర్తిస్వరూపిణీ || 14 ||
సురారినాశకారీ చ ఉగ్రరూపా చ వత్సలా |
అనలా అర్ధమాత్రా చ అరుణా పీతలోచనా || 15 ||
లజ్జా సరస్వతీ విద్యా భవానీ పాపనాశినీ |
నాగపాశధరా మూర్తిరగాధా ధృతకుండలా || 16 ||
క్షత్రరూపా క్షయకరీ తేజస్వినీ శుచిస్మితా |
అవ్యక్తావ్యక్తలోకా చ శంభురూపా మనస్వినీ || 17 ||
మాతంగీ మత్తమాతంగీ మహాదేవప్రియా సదా |
దైత్యఘ్నీ చైవ వారాహీ సర్వశాస్త్రమయీ శుభా || 18 ||
య ఇదం పఠతే భక్త్యా శృణుయాద్వా సమాహితః |
అపుత్రో లభతే పుత్రం నిర్ధనో ధనవాన్ భవేత్ || 19 ||
మూర్ఖోఽపి లభతే శాస్త్రం చోరోఽపి లభతే గతిం |
వేదానాం పాఠకో విప్రః క్షత్రియో విజయీ భవేత్ || 20 ||
వైశ్యస్తు ధనవాన్ భూయాచ్ఛూద్రస్తు సుఖమేధతే |
అష్టంయాం చ చతుర్దశ్యాం నవంయాం చైకచేతసః || 21 ||
యే పఠంతి సదా భక్త్యా న తే వై దుఃఖభాగినః |
ఏకకాలం ద్వికాలం వా త్రికాలం వా చతుర్థకం || 22 ||
యే పఠంతి సదా భక్త్యా స్వర్గలోకే చ పూజితాః |
రుద్రం దృష్ట్వా యథా దేవాః పన్నగా గరుడం యథా |
శత్రవః ప్రపలాయంతే తస్య వక్త్రవిలోకనాత్ || 23 ||
ఇతి శ్రీరుద్రయామలే దేవీశ్వరసంవాదే శ్రీ భువనేశ్వర్యష్టోత్తరశతనామ స్తోత్రం |

Sign In

OTP Verification

Sacred Stotras & Deities

శ్రీ భువనేశ్వరీ కవచం (త్రైలోక్యమంగళం)

శ్రీ భువనేశ్వరీ పంజర స్తోత్రం

శ్రీ భువనేశ్వరీ స్తోత్రం

శ్రీ భువనేశ్వరీ హృదయం

శ్రీ భువనేశ్వరీ అష్టోత్తరశతనామవళిః

శ్రీ భువనేశ్వరీ అష్టోత్తరశతనామ స్తోత్రం

MENU

LINKS

Astrologer Section

Vendor Section

GET ADVICE ON

Download Our Apps