Tripura Bhairavi Stotras & Hymns - Read Sacred Verses

శ్రీ త్రిపురభైరవీ కవచం

శ్రీ త్రిపురభైరవీ కవచం.

Telugu

శ్రీ త్రిపురభైరవీ కవచం

శ్రీపార్వత్యువాచ –
దేవదేవ మహాదేవ సర్వశాస్త్రవిశారద |
కృపాం కురు జగన్నాథ ధర్మజ్ఞోసి మహామతే || 1 ||
భైరవీ యా పురా ప్రోక్తా విద్యా త్రిపురపూర్వికా |
తస్యాస్తు కవచం దివ్యం మహ్యం కథయ తత్త్వతః || 2 ||
తస్యాస్తు వచనం శ్రుత్వా జగాద జగదీశ్వరః |
అద్భుతం కవచం దేవ్యా భైరవ్యా దివ్యరూపి వై || 3 ||
ఈశ్వర ఉవాచ –
కథయామి మహావిద్యాకవచం సర్వదుర్లభం |
శృణుష్వ త్వం చ విధినా శ్రుత్వా గోప్యం తవాపి తత్ || 4 ||
యస్యాః ప్రసాదాత్సకలం బిభర్మి భువనత్రయం |
యస్యాః సర్వం సముత్పన్నం యస్యామద్యాపి తిష్ఠతి || 5 ||
మాతా పితా జగద్ధన్యా జగద్బ్రహ్మస్వరూపిణీ |
సిద్ధిదాత్రీ చ సిద్ధాస్స్యాదసిద్ధా దుష్టజంతుషు || 6 ||
సర్వభూతప్రియంకరీ సర్వభూతస్వరూపిణీ | [*హితంకర్త్రీ*] కకారీ పాతు మాం దేవీ కామినీ కామదాయినీ || 7 ||
ఏకారీ పాతు మాం దేవీ మూలాధారస్వరూపిణీ |
ఈకారీ పాతు మాం దేవీ భూరిసర్వసుఖప్రదా || 8 ||
లకారీ పాతు మాం దేవీ ఇంద్రాణీవరవల్లభా |
హ్రీంకారీ పాతు మాం దేవీ సర్వదా శంభుసుందరీ || 9 ||
ఏతైర్వర్ణైర్మహామాయా శాంభవీ పాతు మస్తకం |
కకారీ పాతు మాం దేవీ శర్వాణీ హరగేహినీ || 10 ||
మకారీ పాతు మాం దేవీ సర్వపాపప్రణాశినీ |
కకారీ పాతు మాం దేవీ కామరూపధరా సదా || 11 ||
కాకారీ పాతు మాం దేవీ శంబరారిప్రియా సదా |
పకారీ పాతు మాం దేవీ ధరాధరణిరూపధృక్ || 12 ||
హ్రీంకారీ పాతు మాం దేవీ ఆకారార్ధశరీరిణీ |
ఏతైర్వర్ణైర్మహామాయా కామరాహుప్రియాఽవతు || 13 ||
మకారః పాతు మాం దేవీ సావిత్రీ సర్వదాయినీ |
కకారః పాతు సర్వత్ర కలాంబా సర్వరూపిణీ || 14 ||
లకారః పాతు మాం దేవీ లక్ష్మీః సర్వసులక్షణా |
ఓం హ్రీం మాం పాతు సర్వత్ర దేవీ త్రిభువనేశ్వరీ || 15 ||
ఏతైర్వర్ణైర్మహామాయా పాతు శక్తిస్వరూపిణీ |
వాగ్భవా మస్తకం పాతు వదనం కామరాజితా || 16 ||
శక్తిస్వరూపిణీ పాతు హృదయం యంత్రసిద్ధిదా |
సుందరీ సర్వదా పాతు సుందరీ పరిరక్షతు || 17 ||
రక్తవర్ణా సదా పాతు సుందరీ సర్వదాయినీ |
నానాలంకారసంయుక్తా సుందరీ పాతు సర్వదా || 18 ||
సర్వాంగసుందరీ పాతు సర్వత్ర శివదాయినీ |
జగదాహ్లాదజననీ శంభురూపా చ మాం సదా || 19 ||
సర్వమంత్రమయీ పాతు సర్వసౌభాగ్యదాయినీ |
సర్వలక్ష్మీమయీ దేవీ పరమానందదాయినీ || 20 ||
పాతు మాం సర్వదా దేవీ నానాశంఖనిధిః శివా |
పాతు పద్మనిధిర్దేవీ సర్వదా శివదాయినీ || 21 ||
పాతు మాం దక్షిణామూర్తి ఋషిః సర్వత్ర మస్తకే |
పంక్తిశ్ఛందః స్వరూపా తు ముఖే పాతు సురేశ్వరీ || 22 ||
గంధాష్టకాత్మికా పాతు హృదయం శంకరీ సదా |
సర్వసంమోహినీ పాతు పాతు సంక్షోభిణీ సదా || 23 ||
సర్వసిద్ధిప్రదా పాతు సర్వాకర్షణకారిణీ |
క్షోభిణీ సర్వదా పాతు వశినీ సర్వదావతు || 24 ||
ఆకర్షిణీ సదా పాతు సదా సంమోహినీ తథా |
రతిదేవీ సదా పాతు భగాంగా సర్వదావతు || 25 ||
మాహేశ్వరీ సదా పాతు కౌమారీ సర్వదావతు |
సర్వాహ్లాదనకారీ మాం పాతు సర్వవశంకరీ || 26 ||
క్షేమంకరీ సదా పాతు సర్వాంగం సుందరీ తథా |
సర్వాంగం యువతీ సర్వం సర్వసౌభాగ్యదాయినీ || 27 ||
వాగ్దేవీ సర్వదా పాతు వాణీ మాం సర్వదావతు |
వశినీ సర్వదా పాతు మహాసిద్ధిప్రదావతు || 28 ||
సర్వవిద్రావిణీ పాతు గణనాథా సదావతు |
దుర్గాదేవీ సదా పాతు వటుకః సర్వదావతు || 29 ||
క్షేత్రపాలః సదా పాతు పాతు చాఽపరశాంతిదా |
అనంతః సర్వదా పాతు వరాహః సర్వదావతు || 30 ||
పృథివీ సర్వదా పాతు స్వర్ణసింహాసనస్తథా |
రక్తామృతశ్చ సతతం పాతు మాం సర్వకాలతః || 31 ||
సుధార్ణవః సదా పాతు కల్పవృక్షః సదావతు |
శ్వేతచ్ఛత్రం సదా పాతు రత్నదీపః సదావతు || 32 ||
సతతం నందనోద్యానం పాతు మాం సర్వసిద్ధయే |
దిక్పాలాః సర్వదా పాంతు ద్వంద్వౌఘాః సకలాస్తథా || 33 ||
వాహనాని సదా పాంతు సర్వదాఽస్త్రాణి పాంతు మాం |
శస్త్రాణి సర్వదా పాంతు యోగిన్యః పాంతు సర్వదా || 34 ||
సిద్ధాః పాంతు సదా దేవీ సర్వసిద్ధిప్రదావతు |
సర్వాంగసుందరీ దేవీ సర్వదావతు మాం తథా || 35 ||
ఆనందరూపిణీ దేవీ చిత్స్వరూపా చిదాత్మికా |
సర్వదా సుందరీ పాతు సుందరీ భవసుందరీ || 36 ||
పృథగ్దేవాలయే ఘోరే సంకటే దుర్గమే గిరౌ |
అరణ్యే ప్రాంతరే వాఽపి పాతు మాం సుందరీ సదా || 37 ||
ఇదం కవచమిత్యుక్తం మంత్రోద్ధారశ్చ పార్వతి |
యః పఠేత్ప్రయతో భూత్వా త్రిసంధ్యం నియతః శుచిః || 38 ||
తస్య సర్వార్థసిద్ధిః స్యాద్యద్యన్మనసి వర్తతే |
గోరోచనాకుంకుమేన రక్తచందనకేన వా || 39 ||
స్వయంభూకుసుమైశ్శుక్లైః భూమిపుత్రే శనౌ సురే |
శ్మశానే ప్రాంతరే వాపి శూన్యాగారే శివాలయే || 40 ||
స్వశక్త్యా గురుణా యంత్రం పూజయిత్వా కుమారికాం |
తన్మనుం పూజయిత్వా చ గురుపంక్తిం తథైవ చ || 41 ||
దేవ్యై బలిం నివేద్యాథ నరమార్జారసూకరైః |
నకులైర్మహిషైర్మేషైః పూజయిత్వా విధానతః || 42 ||
ధృత్వా సువర్ణమధ్యస్థం కంఠే వా దక్షిణే భుజే |
సుతిథౌ శుభనక్షత్రే సూర్యస్యోదయనే తథా || 43 ||
ధారయిత్వా చ కవచం సర్వసిద్ధిం లభేన్నరః |
కవచస్య చ మాహాత్ంయం నాహం వర్షశతైరపి || 44 ||
శక్నోమి తు మహేశాని వక్తుం తస్య ఫలం తు యత్ |
న దుర్భిక్షఫలం తత్ర న శత్రోః పీడనం తథా || 45 ||
సర్వవిఘ్నప్రశమనం సర్వవ్యాధివినాశనం |
సర్వరక్షాకరం జంతోశ్చతుర్వర్గఫలప్రదం || 46 ||
యత్ర కుత్ర న వక్తవ్యం న దాతవ్యం కదాచన |
మంత్రప్రాప్య విధానేన పూజయేత్సతతం సుధీః || 47 ||
తత్రాపి దుర్లభం మన్యే కవచం దేవరూపిణం |
గురోః ప్రసాదమాసాద్య విద్యాం ప్రాప్య సుగోపితాం || 48 ||
తత్రాపి కవచం దివ్యం దుర్లభం భువనత్రయే |
శ్లోకం వా స్తవమేకం వా యః పఠేత్ప్రయతః శుచిః || 49 ||
తస్య సర్వార్థసిద్ధిః స్యాచ్ఛంకరేణ ప్రభాషితం |
గురుర్దేవో హరః సాక్షాత్పత్నీ తస్య చ పార్వతీ || 50 ||
అభేదేన యజేద్యస్తు తస్య సిద్ధిరదూరతః || 51 ||
ఇతి శ్రీరుద్రయామళే భైరవభైరవీసంవాదే శ్రీ త్రిపురభైరవీ కవచం

శ్రీ త్రిపురభైరవీ స్తోత్రం

శ్రీ త్రిపురభైరవీ స్తోత్రం.

Telugu

Read Stotra

శ్రీ త్రిపురభైరవీ స్తోత్రం

శ్రీ భైరవ ఉవాచ-
బ్రహ్మాదయస్స్తుతి శతైరపి సూక్ష్మరూపం
జానంతినైవ జగదాదిమనాదిమూర్తిం |
తస్మాదమూం కుచనతాం నవకుంకుమాస్యాం
స్థూలాం స్తువే సకలవాఙ్మయమాతృభూతాం || 1 ||
సద్యస్సముద్యత సహస్ర దివాకరాభాం
విద్యాక్షసూత్రవరదాభయచిహ్నహస్తాం |
నేత్రోత్పలైస్త్రిభిరలంకృతవక్త్రపద్మాం
త్వాం తారహారరుచిరాం త్రిపురాం భజామః || 2 ||
సిందూరపూరరుచిరాం కుచభారనంరాం
జన్మాంతరేషు కృతపుణ్య ఫలైకగంయాం |
అన్యోన్య భేదకలహాకులమానభేదై-
-ర్జానంతికింజడధియ స్తవరూపమన్యే || 3 ||
స్థూలాం వదంతి మునయః శ్రుతయో గృణంతి
సూక్ష్మాం వదంతి వచసామధివాసమన్యే |
త్వాంమూలమాహురపరే జగతాంభవాని
మన్యామహే వయమపారకృపాంబురాశిం || 4 ||
చంద్రావతంస కలితాం శరదిందుశుభ్రాం
పంచాశదక్షరమయీం హృదిభావయంతీ |
త్వాం పుస్తకంజపపటీమమృతాఢ్య కుంభాం
వ్యాఖ్యాంచ హస్తకమలైర్దధతీం త్రినేత్రాం || 5 ||
శంభుస్త్వమద్రితనయా కలితార్ధభాగో
విష్ణుస్త్వమంబ కమలాపరిణద్ధదేహః |
పద్మోద్భవస్త్వమసి వాగధివాసభూమి-
రేషాం క్రియాశ్చ జగతి త్రిపురేత్వమేవ || 6 ||
ఆశ్రిత్యవాగ్భవ భవాంశ్చతురః పరాదీన్-
భావాన్పదాత్తు విహితాన్సముదారయంతీం |
కాలాదిభిశ్చ కరణైః పరదేవతాం త్వాం
సంవిన్మయీంహృదికదాపి నవిస్మరామి || 7 ||
ఆకుంచ్య వాయుమభిజిత్యచ వైరిషట్కం
ఆలోక్యనిశ్చలధియా నిజనాసికాగ్రాం |
ధ్యాయంతి మూర్ధ్ని కలితేందుకలావతంసం
త్వద్రూపమంబ కృతినస్తరుణార్కమిత్రం || 8 ||
త్వం ప్రాప్యమన్మథరిపోర్వపురర్ధభాగం
సృష్టింకరోషి జగతామితి వేదవాదః |
సత్యంతదద్రితనయే జగదేకమాతః
నోచేద శేషజగతః స్థితిరేవనస్యాత్ || 9 ||
పూజాంవిధాయకుసుమైః సురపాదపానాం
పీఠేతవాంబ కనకాచల కందరేషు |
గాయంతిసిద్ధవనితాస్సహకిన్నరీభి-
రాస్వాదితామృతరసారుణపద్మనేత్రాః || 10 ||
విద్యుద్విలాస వపుషః శ్రియమావహంతీం
యాంతీముమాంస్వభవనాచ్ఛివరాజధానీం |
సౌందర్యమార్గకమలానిచకా సయంతీం
దేవీంభజేత పరమామృత సిక్తగాత్రాం || 11 ||
ఆనందజన్మభవనం భవనం శ్రుతీనాం
చైతన్యమాత్ర తనుమంబతవాశ్రయామి |
బ్రహ్మేశవిష్ణుభిరుపాసితపాదపద్మం
సౌభాగ్యజన్మవసతిం త్రిపురేయథావత్ || 12 ||
సర్వార్థభావిభువనం సృజతీందురూపా
యాతద్బిభర్తి పునరర్క తనుస్స్వశక్త్యా |
బ్రహ్మాత్మికాహరతితం సకలంయుగాంతే
తాం శారదాం మనసి జాతు న విస్మరామి || 13 ||
నారాయణీతి నరకార్ణవతారిణీతి
గౌరీతి ఖేదశమనీతి సరస్వతీతి |
జ్ఞానప్రదేతి నయనత్రయభూషితేతి
త్వామద్రిరాజతనయే విబుధా పదంతి || 14 ||
యేస్తువంతిజగన్మాతః శ్లోకైర్ద్వాదశభిఃక్రమాత్ |
త్వామను పాప్ర్యవాక్సిద్ధిం ప్రాప్నుయుస్తే పరాంశ్రియం || 15 ||
ఇతితే కథితం దేవి పంచాంగం భైరవీమయం |
గుహ్యాద్గోప్యతమంగోప్యం గోపనీయం స్వయోనివత్ || 16 ||
ఇతి శ్రీరుద్రయామళే ఉమామహేశ్వర సంవాదే పంచాంగఖండ నిరూపణే శ్రీభైరవీస్తోత్రం |

శ్రీ త్రిపురభైరవీ హృదయం

శ్రీ త్రిపురభైరవీ హృదయం.

Telugu

Read Stotra

శ్రీ త్రిపురభైరవీ హృదయం

మేరౌ గిరివరేగౌరీ శివధ్యానపరాయణా |
పార్వతీ పరిపప్రచ్ఛ పరానుగ్రహవాంఛయా || 1 ||
శ్రీపార్వత్యువాచ-
భగవంస్త్వన్ముఖాంభోజాచ్ఛ్రుతా ధర్మా అనేకశః |
పునశ్శ్రోతుం సమిచ్ఛామి భైరవీస్తోత్రముత్తమం || 2 ||
శ్రీశంకర ఉవాచ-
శృణు దేవి ప్రవక్ష్యామి భైరవీ హృదయాహ్వయం |
స్తోత్రం తు పరమం పుణ్యం సర్వకళ్యాణకారకం || 3 ||
యస్య శ్రవణమాత్రేణ సర్వాభీష్టం భవేద్ధ్రువం |
వినా ధ్యానాదినా వాఽపి భైరవీ పరితుష్యతి || 4 ||
ఓం అస్య శ్రీభైరవీహృదయమంత్రస్య దక్షిణామూర్తిః ఋషిః పంఙ్క్తిశ్ఛందః – భయవిధ్వంసినీ భైరవీదేవతా – హకారో బీజం – రీం శక్తిః – రైః కీలకం సర్వభయవిధ్వంసనార్థే జపే వినియోగః ||
అథ కరన్యాసః |
ఓం హ్రీం అంగుష్ఠాభ్యాం నమః |
ఓం శ్రీం తర్జనీభ్యాం నమః |
ఓం ఐం మధ్యమాభ్యాం నమః |
ఓం హ్రీం అనామికాభ్యాం నమః |
ఓం శ్రీం కనిష్ఠికాభ్యాం నమః |
ఓం ఐం కరతలకరపృష్ఠాభ్యాం నమః ||
అథాంగన్యాసః |
ఓం హ్రీం హృదయాయ నమః |
ఓం శ్రీం శిరసే స్వాహా |
ఓం ఐం శిఖాయై వషట్ |
ఓం హ్రీం కవచాయ హుం |
ఓం శ్రీం నేత్రత్రయాయ వౌషట్ |
ఓం ఐం అస్త్రాయ ఫట్ |
ధ్యానం |
దేవైర్ధ్యేయాం త్రినేత్రామసురభటఘనారణ్యఘోరాగ్ని రూపాం
రౌద్రీం రక్తాంబరాఢ్యాం రతి ఘటఘటితో రోజయుగ్మోగ్రరూపాం |
చంద్రార్ధభ్రాజి భవ్యాభరణ కరలసద్బాలబింబాం భవానీం
సిందూరాపూరితాంగీం త్రిభువనజననీం భైరవీం భావయామి || 1 ||
పంచచామరవృత్తం –
భవభ్రమత్సమస్తభూత వేదమార్గదాయినీం
దురంతదుఃఖదారిణీం సురద్రుహాం
భవప్రదాం భవాంధకారభేదన ప్రభాకరాం
మితప్రభాం భవచ్ఛిదాం భజామి భైరవీం సదా || 2 ||
ఉరః ప్రలంబితాహిమాల్యచంద్రబాలభూషణాం
నవాంబుదప్రభాం సరోజచారులోచనత్రయాం
సుపర్వబృందవందితాం సురాపదంతకారకాం
భవానుభావభావినీం భజామి భైరవీం సదా || 3 ||
అఖండభూమి మండలైక భారధీరధారిణీం
సుభక్తిభావితాత్మనాం విభూతిభవ్యదాయినీం
భవప్రపంచకారిణీం విహారిణీం భవాంబుధౌ
భవస్యహృదయభావినీం భజామి బైరవీం సదా || 4 ||
శరచ్చమత్కృతార్ధ చంద్రచంద్రికావిరోధిక
ప్రభావతీ ముఖాబ్జ మంజుమాధురీ మిలద్గిరాం
భుజంగమాలయా నృముండమాలయా చ మండితాం
సుభక్తిముక్తిభూతిదాం భజామి భైరవీం సదా || 5 ||
సుధాంశుసూర్యవహ్ని లోచనత్రయాన్వితాననాం
నరాంతకాంతక ప్రభూతి సర్వదత్తదక్షిణాం
సముండచండఖండన ప్రచండచంద్రహాసినీం
తమోమతిప్రకాశినీం భజామి భైరవీం సదా || 6 ||
త్రిశూలినీం త్రిపుండ్రినీం త్రిఖండినీం త్రిదండినీం
గుణత్రయాతిరిక్తమప్యచిన్త్యచిత్స్వరూపిణీం
సవాసవాఽదితేయవైరి బృందవంశభేదినీం
భవప్రభావభావినీం భజామి భైరవీం సదా || 7 ||
సుదీప్తకోటిబాలభానుమండలప్రభాంగభాం
దిగంతదారితాంధకార భూరిపుంజపద్ధతిం
ద్విజన్మనిత్యధర్మనీతివృద్ధిలగ్నమానసాం
సరోజరోచిరాననాం భజామి భైరవీం సదా || 8 ||
చలత్సువర్ణకుండల ప్రభోల్లసత్కపోలరుక్
సమాకులాననాంబుజస్థశుభ్రకీర నాసికాం
సచంద్రభాలభైరవాస్య దర్శన స్పృహచ్చకోర-
నీలకంజదర్శనాం భజామి భైరవీం సదా || 9 ||
ఇదంహృదాఖ్యసంగతస్తవం పఠంతియేఽనిశం
పఠంతి తే కదాపినాంధకూపరూపవద్భవే
భవంతి చ ప్రభూతభక్తి ముక్తిరూప ఉజ్జ్వలాః
స్తుతా ప్రసీదతి ప్రమోదమానసా చ భైరవీ || 10 ||
యశోజగత్యజస్రముజ్జ్వలంజయత్యలంసమో
న తస్య జాయతే పరాజయోఽంజసా జగత్త్రయే
సదా స్తుతిం శుభామిమాం పఠత్యనన్యమానసో
భవంతి తస్య సంపదోఽపి సంతతం సుఖప్రదాః || 11 ||
జపపూజాదికాస్సర్వాః స్తోత్రపాఠాదికాశ్చ యాః
భైరవీహృదయస్యాస్య కలాన్నార్హంతి షోడశీం || 12 ||
కిమత్ర బహినోక్తేన శృణు దేవి మహేశ్వరి
నాతః పరతరం కించిత్ పుణ్యమస్తి జగత్త్రయే || 13 ||
ఇతి శ్రీభైరవకులసర్వస్వే శ్రీభైరవీహృదయస్తోత్రం ||

శ్రీ భైరవీ కవచం (త్రైలోక్యవిజయం)

శ్రీ భైరవీ కవచం (త్రైలోక్యవిజయం).

Telugu

Read Stotra

శ్రీ భైరవీ కవచం (త్రైలోక్యవిజయం)

శ్రీ దేవ్యువాచ |
భైరవ్యాః సకలా విద్యాః శ్రుతాశ్చాధిగతా మయా |
సాంప్రతం శ్రోతుమిచ్ఛామి కవచం యత్పురోదితం || 1 ||
త్రైలోక్యవిజయం నామ శస్త్రాస్త్రవినివారణం |
త్వత్తః పరతరో నాథ కః కృపాం కర్తుమర్హతి || 2 ||
ఈశ్వర ఉవాచ |
శృణు పార్వతి వక్ష్యామి సుందరి ప్రాణవల్లభే |
త్రైలోక్యవిజయం నామ శస్త్రాస్త్రవినివారకం || 3 ||
పఠిత్వా ధారయిత్వేదం త్రైలోక్యవిజయీ భవేత్ |
జఘాన సకలాన్దైత్యాన్యద్ధృత్వా మధుసూదనః || 4 ||
బ్రహ్మా సృష్టిం వితనుతే యద్ధృత్వాభీష్టదాయకం |
ధనాధిపః కుబేరోఽపి వాసవస్త్రిదశేశ్వరః || 5 ||
యస్య ప్రసాదాదీశోఽహం త్రైలోక్యవిజయీ విభుః |
న దేయం పరశిష్యేభ్యోఽసాధకేభ్యః కదాచన || 6 ||
పుత్రేభ్యః కిమథాన్యేభ్యో దద్యాచ్చేన్మృత్యుమాప్నుయాత్ |
ఋషిస్తు కవచస్యాస్య దక్షిణామూర్తిరేవ చ || 7 ||
విరాట్ ఛందో జగద్ధాత్రీ దేవతా బాలభైరవీ |
ధర్మార్థకామమోక్షేషు వినియోగః ప్రకీర్తితః || 8 ||
అధరో బిందుమానాద్యః కామః శక్తిశశీయుతః |
భృగుర్మనుస్వరయుతః సర్గో బీజత్రయాత్మకః || 9 ||
బాలైషా మే శిరః పాతు బిందునాదయుతాపి సా |
భాలం పాతు కుమారీశా సర్గహీనా కుమారికా || 10 ||
దృశౌ పాతు చ వాగ్బీజం కర్ణయుగ్మం సదావతు |
కామబీజం సదా పాతు ఘ్రాణయుగ్మం పరావతు || 11 ||
సరస్వతీప్రదా బాలా జిహ్వాం పాతు శుచిప్రభా |
హస్రైం కంఠం హసకలరీం స్కంధౌ పాతు హస్రౌ భుజౌ || 12 ||
పంచమీ భైరవీ పాతు కరౌ హసైం సదావతు |
హృదయం హసకలీం వక్షః పాతు హసౌః స్తనౌ మమ || 13 ||
పాతు సా భైరవీ దేవీ చైతన్యరూపిణీ మమ |
హస్రైం పాతు సదా పార్శ్వయుగ్మం హసకలరీం సదా || 14 ||
కుక్షిం పాతు హసౌర్మధ్యే భైరవీ భువి దుర్లభా |
ఐం ఈం ఓం వం మధ్యదేశం బీజవిద్యా సదావతు || 15 ||
హస్రైం పృష్ఠం సదా పాతు నాభిం హసకలహ్రీం సదా |
పాతు హసౌం కరౌ పాతు షట్కూటా భైరవీ మమ || 16 ||
సహస్రైం సక్థినీ పాతు సహసకలరీం సదావతు |
గుహ్యదేశం హస్రౌం పాతు జానునీ భైరవీ మమ || 17 ||
సంపత్ప్రదా సదా పాతు హైం జంఘే హసక్లీం పదౌ |
పాతు హంసౌః సర్వదేహం భైరవీ సర్వదావతు || 18 ||
హసైం మామవతు ప్రాచ్యాం హరక్లీం పావకేఽవతు |
హసౌం మే దక్షిణే పాతు భైరవీ చక్రసంస్థితా || 19 ||
హ్రీం క్లీం ల్వేం మాం సదా పాతు నిరృత్యాం చక్రభైరవీ |
క్రీం క్రీం క్రీం పాతు వాయవ్యే హూం హూం పాతు సదోత్తరే || 20 ||
హ్రీం హ్రీం పాతు సదైశాన్యే దక్షిణే కాలికావతు |
ఊర్ధ్వం ప్రాగుక్తబీజాని రక్షంతు మామధః స్థలే || 21 ||
దిగ్విదిక్షు స్వాహా పాతు కాలికా ఖడ్గధారిణీ |
ఓం హ్రీం స్త్రీం హూం ఫట్ సా తారా సర్వత్ర మాం సదావతు || 22 ||
సంగ్రామే కాననే దుర్గే తోయే తరంగదుస్తరే |
ఖడ్గకర్త్రిధరా సోగ్రా సదా మాం పరిరక్షతు || 23 ||
ఇతి తే కథితం దేవి సారాత్సారతరం మహత్ |
త్రైలోక్యవిజయం నామ కవచం పరమాద్భుతం || 24 ||
యః పఠేత్ప్రయతో భూత్వా పూజాయాః ఫలమాప్నుయాత్ |
స్పర్ధామూద్ధూయ భవనే లక్ష్మీర్వాణీ వసేత్తతః || 25 ||
యః శత్రుభీతో రణకాతరో వా
భీతో వనే వా సలిలాలయే వా |
వాదే సభాయాం ప్రతివాదినో వా
రక్షఃప్రకోపాద్గ్రహసకులాద్వా || 26 ||
ప్రచండదండాక్షమనాచ్చ భీతో
గురోః ప్రకోపాదపి కృచ్ఛ్రసాధ్యాత్ |
అభ్యర్చ్య దేవీం ప్రపఠేత్త్రిసంధ్యం
స స్యాన్మహేశప్రతిమో జయీ చ || 27 ||
త్రైలోక్యవిజయం నామ కవచం మన్ముఖోదితం |
విలిఖ్య భూర్జగుటికాం స్వర్ణస్థాం ధారయేద్యది || 28 ||
కంఠే వా దక్షిణే బాహౌ త్రైలోక్యవిజయీ భవేత్ |
తద్గాత్రం ప్రాప్య శస్త్రాణి భవంతి కుసుమాని చ || 29 ||
లక్ష్మీః సరస్వతీ తస్య నివసేద్భవనే ముఖే |
ఏతత్కవచమజ్ఞాత్వా యో జపేద్భైరవీం పరాం |
బాలాం వా ప్రజపేద్విద్వాన్దరిద్రో మృత్యుమాప్నుయాత్ || 30 ||
ఇతి శ్రీరుద్రయామలే దేవీశ్వరసంవాదే త్రైలోక్యవిజయం నామ భైరవీ కవచం సమాప్తం |

శ్రీ త్రిపురభైరవీ అష్టోత్తరశతనామ స్తోత్రం

శ్రీ త్రిపురభైరవీ అష్టోత్తరశతనామ స్తోత్రం.

Telugu

Read Stotra

శ్రీ త్రిపురభైరవీ అష్టోత్తరశతనామ స్తోత్రం

శ్రీదేవ్యువాచ |
కైలాసవాసిన్ భగవన్ ప్రాణేశ్వర కృపానిధే |
భక్తవత్సల భైరవ్యా నాంనామష్టోత్తరం శతం || 1 ||
న శ్రుతం దేవదేవేశ వద మాం దీనవత్సల |
శ్రీశివ ఉవాచ |
శృణు ప్రియే మహాగోప్యం నాంనామష్టోత్తరం శతం || 2 ||
భైరవ్యాశ్శుభదం సేవ్యం సర్వసంపత్ప్రదాయకం |
యస్యానుష్ఠానమాత్రేణ కిం న సిద్ధ్యతి భూతలే || 3 ||
ఓం భైరవీ భైరవారాధ్యా భూతిదా భూతభావనా |
ఆర్యా బ్రాహ్మీ కామధేనుస్సర్వసంపత్ప్రదాయినీ || 4 ||
త్రైలోక్యవందితా దేవీ మహిషాసురమర్దినీ |
మోహఘ్నీ మాలతీ మాలా మహాపాతకనాశినీ || 5 ||
క్రోధినీ క్రోధనిలయా క్రోధరక్తేక్షణా కుహూః |
త్రిపురా త్రిపురాధారా త్రినేత్రా భీమభైరవీ || 6 ||
దేవకీ దేవమాతా చ దేవదుష్టవినాశినీ |
దామోదరప్రియా దీర్ఘా దుర్గా దుర్గతినాశినీ || 7 ||
లంబోదరీ లంబకర్ణా ప్రలంబితపయోధరా |
ప్రత్యంగిరా ప్రతిపదా ప్రణతక్లేశనాశినీ || 8 ||
ప్రభావతీ గుణవతీ గణమాతా గుహేశ్వరీ |
క్షీరాబ్ధితనయా క్షేంయా జగత్త్రాణవిధాయినీ || 9 ||
మహామారీ మహామోహా మహాక్రోధా మహానదీ |
మహాపాతకసంహర్త్రీ మహామోహప్రదాయినీ || 10 ||
వికరాళా మహాకాలా కాలరూపా కళావతీ |
కపాలఖట్వాంగధరా ఖడ్గఖర్పరధారిణీ || 11 ||
కుమారీ కుంకుమప్రీతా కుంకుమారుణరంజితా |
కౌమోదకీ కుముదినీ కీర్త్యా కీర్తిప్రదాయినీ || 12 ||
నవీనా నీరదా నిత్యా నందికేశ్వరపాలినీ |
ఘర్ఘరా ఘర్ఘరారావా ఘోరా ఘోరస్వరూపిణీ || 13 ||
కలిఘ్నీ కలిధర్మఘ్నీ కలికౌతుకనాశినీ |
కిశోరీ కేశవప్రీతా క్లేశసంఘనివారిణీ || 14 ||
మహోన్మత్తా మహామత్తా మహావిద్యా మహీమయీ |
మహాయజ్ఞా మహావాణీ మహామందరధారిణీ || 15 ||
మోక్షదా మోహదా మోహా భుక్తిముక్తిప్రదాయినీ |
అట్టాట్టహాసనిరతా క్వణన్నూపురధారిణీ || 16 ||
దీర్ఘదంష్ట్రా దీర్ఘముఖీ దీర్ఘఘోణా చ దీర్ఘికా |
దనుజాంతకరీ దుష్టా దుఃఖదారిద్ర్యభంజినీ || 17 ||
దురాచారా చ దోషఘ్నీ దమపత్నీ దయాపరా |
మనోభవా మనుమయీ మనువంశప్రవర్ధినీ || 18 ||
శ్యామా శ్యామతనుశ్శోభా సౌంయా శంభువిలాసినీ |
ఇతి తే కథితం దివ్యం నాంనామష్టోత్తరం శతం || 19 ||
భైరవ్యా దేవదేవేశ్యాస్తవ ప్రీత్యై సురేశ్వరి |
అప్రకాశ్యమిదం గోప్యం పఠనీయం ప్రయత్నతః || 20 ||
దేవీం ధ్యాత్వా సురాం పీత్వా మకారైః పంచకైః ప్రియే |
పూజయేత్సతతం భక్త్యా పఠేత్ స్తోత్రమిదం శుభం || 21 ||
షణ్మాసాభ్యంతరే సోఽపి గణనాథసమో భవేత్ |
కిమత్ర బహునోక్తేన త్వదగ్రే ప్రాణవల్లభే || 22 ||
సర్వం జానాసి సర్వజ్ఞే పునర్మాం పరిపృచ్ఛసి |
న దేయం పరశిష్యేభ్యో నిందకేభ్యో విశేషతః || 23 ||
ఇతి శ్రీత్రిపురభైరవీ అష్టోత్తరశతనామస్తోత్రం |

శ్రీ త్రిపురభైరవీ అష్టోత్తరశతనామావళిః

శ్రీ త్రిపురభైరవీ అష్టోత్తరశతనామావళిః.

Telugu

Read Stotra

శ్రీ త్రిపురభైరవీ అష్టోత్తరశతనామావళిః

Sign In

OTP Verification

Sacred Stotras & Deities

శ్రీ త్రిపురభైరవీ కవచం

శ్రీ త్రిపురభైరవీ స్తోత్రం

శ్రీ త్రిపురభైరవీ హృదయం

శ్రీ భైరవీ కవచం (త్రైలోక్యవిజయం)

శ్రీ త్రిపురభైరవీ అష్టోత్తరశతనామ స్తోత్రం

శ్రీ త్రిపురభైరవీ అష్టోత్తరశతనామావళిః

MENU

LINKS

Astrologer Section

Vendor Section

GET ADVICE ON

Download Our Apps