SEETHA Stotras & Hymns - Read Sacred Verses

శ్రీ సీతా అష్టోత్తరశతనామావళిః

శ్రీ సీతా అష్టోత్తరశతనామావళిః.

Telugu

శ్రీ సీతా అష్టోత్తరశతనామావళిః

శ్రీ సీతా కవచం

శ్రీ సీతా కవచం.

Telugu

Read Stotra

శ్రీ సీతా కవచం

అగస్తిరువాచ |
యా సీతాఽవనిసంభవాఽథ మిథిలాపాలేన సంవర్ధితా
పద్మాక్షావనిభుక్సుతాఽనలగతా యా మాతులుంగోద్భవా |
యా రత్నే లయమాగతా జలనిధౌ యా వేదపారం గతా
లంకాం సా మృగలోచనా శశిముఖీ మాం పాతు రామప్రియా || 1 ||
అస్య శ్రీసీతాకవచమంత్రస్య అగస్తిరృషిః శ్రీసీతా దేవతా అనుష్టుప్ ఛందః రమేతి బీజం జనకజేతి శక్తిః అవనిజేతి కీలకం పద్మాక్షసుతేత్యస్త్రం మాతులుంగీతి కవచం మూలకాసురఘాతినీతి మంత్రః శ్రీసీతారామచంద్రప్రీత్యర్థం సకలకామనా సిద్ధ్యర్థం చ జపే వినియోగః |
అథ కరన్యాసః |
ఓం హ్రాం సీతాయై అంగుష్ఠాభ్యాం నమః |
ఓం హ్రీం రమాయై తర్జనీభ్యాం నమః |
ఓం హ్రూం జనకజాయై మధ్యమాభ్యాం నమః |
ఓం హ్రైం అవనిజాయై అనామికాభ్యాం నమః |
ఓం హ్రౌం పద్మాక్షసుతాయై కనిష్ఠికాభ్యాం నమః |
ఓం హ్రః మాతులుంగ్యై కరతలకరపృష్ఠాభ్యాం నమః |
అథ అంగన్యాసః |
ఓం హ్రాం సీతాయై హృదయాయ నమః |
ఓం హ్రీం రమాయై శిరసే స్వాహా |
ఓం హ్రూం జనకజాయై శిఖాయై వషట్ |
ఓం హ్రైం అవనిజాయై కవచాయ హుం |
ఓం హ్రౌం పద్మాక్షసుతాయై నేత్రత్రయాయ వౌషట్ |
ఓం హ్రః మాతులుంగ్యై అస్త్రాయ ఫట్ |
భూర్భువస్సువరోమితి దిగ్బంధః |
అథ ధ్యానం |
సీతాం కమలపత్రాక్షీం విద్యుత్పుంజసమప్రభాం |
ద్విభుజాం సుకుమారాంగీం పీతకౌశేయవాసినీం || 1 ||
సింహాసనే రామచంద్రవామభాగస్థితాం వరాం |
నానాలంకారసంయుక్తాం కుండలద్వయధారిణీం || 2 ||
చూడాకంకణకేయూరరశనానూపురాన్వితాం |
సీమంతే రవిచంద్రాభ్యాం నిటిలే తిలకేన చ || 3 ||
నూపురాభరణేనాపి ఘ్రాణేఽతిశోభితాం శుభాం |
హరిద్రాం కజ్జలం దివ్యం కుంకుమం కుసుమాని చ || 4 ||
బిభ్రతీం సురభిద్రవ్యం సుగంధస్నేహముత్తమం |
స్మితాననాం గౌరవర్ణాం మందారకుసుమం కరే || 5 ||
బిభ్రతీమపరే హస్తే మాతులుంగమనుత్తమం |
రంయహాసాం చ బింబోష్ఠీం చంద్రవాహనలోచనాం || 6 ||
కలానాథసమానాస్యాం కలకంఠమనోరమాం |
మాతులుంగోద్భవాం దేవీం పద్మాక్షదుహితాం శుభాం || 7 ||
మైథిలీం రామదయితాం దాసీభిః పరివీజితాం |
ఏవం ధ్యాత్వా జనకజాం హేమకుంభపయోధరాం || 8 ||
అథ కవచం |
శ్రీసీతా పూర్వతః పాతు దక్షిణేఽవతు జానకీ |
ప్రతీచ్యాం పాతు వైదేహీ పాతూదీచ్యాం చ మైథిలీ || 9 ||
అధః పాతు మాతులుంగీ ఊర్ధ్వం పద్మాక్షజాఽవతు |
మధ్యేఽవనిసుతా పాతు సర్వతః పాతు మాం రమా || 10 ||
స్మితాననా శిరః పాతు పాతు భాలం నృపాత్మజా |
పద్మాఽవతు భ్రువోర్మధ్యే మృగాక్షీ నయనేఽవతు || 11 ||
కపోలే కర్ణమూలే చ పాతు శ్రీరామవల్లభా |
నాసాగ్రం సాత్త్వికీ పాతు పాతు వక్త్రం తు రాజసీ || 12 ||
తామసీ పాతు మద్వాణీం పాతు జిహ్వాం పతివ్రతా |
దంతాన్ పాతు మహామాయా చిబుకం కనకప్రభా || 13 ||
పాతు కంఠం సౌంయరూపా స్కంధౌ పాతు సురార్చితా |
భుజౌ పాతు వరారోహా కరౌ కంకణమండితా || 14 ||
నఖాన్ రక్తనఖా పాతు కుక్షౌ పాతు లఘూదరా |
వక్షః పాతు రామపత్నీ పార్శ్వే రావణమోహినీ || 15 ||
పృష్ఠదేశే వహ్నిగుప్తాఽవతు మాం సర్వదైవ హి |
దివ్యప్రదా పాతు నాభిం కటిం రాక్షసమోహినీ || 16 ||
గుహ్యం పాతు రత్నగుప్తా లింగం పాతు హరిప్రియా |
ఊరూ రక్షతు రంభోరూర్జానునీ ప్రియభాషిణీ || 17 ||
జంఘే పాతు సదా సుభ్రూర్గుల్ఫౌ చామరవీజితా |
పాదౌ లవసుతా పాతు పాత్వంగాని కుశాంబికా || 18 ||
పాదాంగుళీః సదా పాతు మమ నూపురనిఃస్వనా |
రోమాణ్యవతు మే నిత్యం పీతకౌశేయవాసినీ || 19 ||
రాత్రౌ పాతు కాలరూపా దినే దానైకతత్పరా |
సర్వకాలేషు మాం పాతు మూలకాసురఘాతినీ || 20 ||
ఏవం సుతీక్ష్ణ సీతాయాః కవచం తే మయేరితం |
ఇదం ప్రాతః సముత్థాయ స్నాత్వా నిత్యం పఠేత్పునః || 21 ||
జానకీం పూజయిత్వా స సర్వాన్కామానవాప్నుయాత్ |
ధనార్థీ ప్రాప్నుయాద్ద్రవ్యం పుత్రార్థీ పుత్రమాప్నుయాత్ || 22 ||
స్త్రీకామార్థీ శుభాం నారీం సుఖార్థీ సౌఖ్యమాప్నుయాత్ |
అష్టవారం జపనీయం సీతాయాః కవచం సదా || 23 ||
అష్టభూసురసీతాయై నరైః ప్రీత్యార్పయేత్సదా |
ఫలపుష్పాదికాదీని యాని తాని పృథక్ పృథక్ || 24 ||
సీతాయాః కవచం చేదం పుణ్యం పాతకనాశనం |
యే పఠంతి నరా భక్త్యా తే ధన్యా మానవా భువి || 25 ||
పఠంతి రామకవచం సీతాయాః కవచం వినా |
తథా వినా లక్ష్మణస్య కవచేన వృథా స్మృతం || 26 ||
[*అధికశ్లోకాః –
తస్మాత్ సదా నరైర్జాప్యం కవచానాం చతుష్టయం |
ఆదౌ తు వాయుపుత్రస్య లక్ష్మణస్య తతః పరం ||
తతః పఠేచ్చ సీతాయాః శ్రీరామస్య తతః పరం |
ఏవం సదా జపనీయం కవచానాం చతుష్టయం ||
*] ఇతి శ్రీమదానందరామాయణే మనోహరకాండే సుతీక్ష్ణాగస్త్యసంవాదే శ్రీసీతాయాః కవచం |

శ్రీ సీతా అష్టోత్తరశతనామ స్తోత్రం

శ్రీ సీతా అష్టోత్తరశతనామ స్తోత్రం.

Telugu

Read Stotra

శ్రీ సీతా అష్టోత్తరశతనామ స్తోత్రం

అగస్త్య ఉవాచ |
ఏవం సుతీక్ష్ణ సీతాయాః కవచం తే మయేరితం |
అతః పరం శ్రుణుష్వాన్యత్ సీతాయాః స్తోత్రముత్తమం || 1 ||
యస్మినష్టోత్తరశతం సీతా నామాని సంతి హి |
అష్టోత్తరశతం సీతా నాంనాం స్తోత్రమనుత్తమం || 2 ||
యే పఠంతి నరాస్త్వత్ర తేషాం చ సఫలో భవః |
తే ధన్యా మానవా లోకే తే వైకుంఠం వ్రజంతి హి || 3
న్యాసః –
అస్య శ్రీ సీతానామాష్టోత్తర శతమంత్రస్య, అగస్త్య ఋషిః, అనుష్టుప్ ఛందః, రమేతి బీజం, మాతులుంగీతి శక్తిః, పద్మాక్షజేతి కీలకం, అవనిజేత్యస్త్రం, జనకజేతి కవచం , మూలకాసురమర్దినీతి పరమో మంత్రః, శ్రీ సీతారామచంద్ర ప్రీత్యర్థం సకల కామనా సిద్ధ్యర్థం జపే వినియోగః ||
కరన్యాసః |
ఓం సీతాయై అంగుష్ఠాభ్యాం నమః |
ఓం రమాయై తర్జనీభ్యాం నమః |
ఓం మాతులుంగ్యై మధ్యమాభ్యాం నమః |
ఓం పద్మాక్షజాయై అనామికాభ్యాం నమః |
ఓం అవనిజాయై కనిష్ఠికాభ్యాం నమః |
ఓం జనకజాయై కరతల కరపృష్ఠాభ్యాం నమః ||
అంగన్యాసః |
ఓం సీతాయై హృదయాయ నమః |
ఓం రమాయై శిరసే స్వాహా |
ఓం మాతులుంగ్యై శిఖాయై వషట్ |
ఓం పద్మాక్షజాయై నేత్రత్రయాయ వౌషట్ |
ఓం జనకాత్మజాయై అస్త్రాయ ఫట్ |
ఓం మూలకాసురమర్దిన్యై ఇతి దిగ్బంధః ||
ధ్యానం |
వామాంగే రఘునాయకస్య రుచిరే యా సంస్థితా శోభనా
యా విప్రాధిపయానరంయనయనా యా విప్రపాలాననా |
విద్యుత్పుంజవిరాజమానవసనా భక్తార్తిసంఖండనా
శ్రీమద్రాఘవపాదపద్మయుగళ న్యస్తేక్షణా సాఽవతు ||
స్తోత్రం |
శ్రీసీతా జానకీ దేవీ వైదేహీ రాఘవప్రియా |
రమాఽవనిసుతా రామా రాక్షసాంతప్రకారిణీ || 1 ||
రత్నగుప్తా మాతులుంగీ మైథిలీ భక్తతోషదా |
పద్మాక్షజా కంజనేత్రా స్మితాస్యా నూపురస్వనా || 2 ||
వైకుంఠనిలయా మా శ్రీర్ముక్తిదా కామపూరణీ |
నృపాత్మజా హేమవర్ణా మృదులాంగీ సుభాషిణీ || 3 ||
కుశాంబికా దివ్యదా చ లవమాతా మనోహరా |
హనుమద్వందితపదా ముగ్ధా కేయూరధారిణీ || 4 ||
అశోకవనమధ్యస్థా రావణాదికమోహినీ |
విమానసంస్థితా సుభ్రూః సుకేశీ రశనాన్వితా || 5 ||
రజోరూపా సత్త్వరూపా తామసీ వహ్నివసినీ |
హేమమృగాసక్తచిత్తా వాల్మీక్యాశ్రమవాసినీ || 6 ||
పతివ్రతా మహామాయా పీతకౌశేయవాసినీ |
మృగనేత్రా చ బింబోష్ఠీ ధనుర్విద్యావిశారదా || 7 ||
సౌంయరూపా దశరథస్నుషా చామరవీజితా |
సుమేధాదుహితా దివ్యరూపా త్రైలోక్యపాలినీ || 8 ||
అన్నపూర్ణా మహాలక్ష్మీర్ధీర్లజ్జా చ సరస్వతీ |
శాంతిః పుష్టిః క్షమా గౌరీ ప్రభాఽయోధ్యానివాసినీ || 9 ||
వసంతశీతలా గౌరీ స్నానసంతుష్టమానసా |
రమానామభద్రసంస్థా హేమకుంభపయోధరా || 10 ||
సురార్చితా ధృతిః కాంతిః స్మృతిర్మేధా విభావరీ |
లఘూదరా వరారోహా హేమకంకణమండితా || 11 ||
ద్విజపత్న్యర్పితనిజభూషా రాఘవతోషిణీ |
శ్రీరామసేవానిరతా రత్నతాటంకధారిణీ || 12 ||
రామవామాంకసంస్థా చ రామచంద్రైకరంజనీ |
సరయూజలసంక్రీడాకారిణీ రామమోహినీ || 13 ||
సువర్ణతులితా పుణ్యా పుణ్యకీర్తిః కళావతీ |
కలకంఠా కంబుకంఠా రంభోరుర్గజగామినీ || 14 ||
రామార్పితమనా రామవందితా రామవల్లభా |
శ్రీరామపదచిహ్నాంకా రామరామేతిభాషిణీ || 15 ||
రామపర్యంకశయనా రామాంఘ్రిక్షాలిణీ వరా |
కామధేన్వన్నసంతుష్టా మాతులుంగకరేధృతా || 16 ||
దివ్యచందనసంస్థా శ్రీర్మూలకాసురమర్దినీ |
ఏవమష్టోత్తరశతం సీతానాంనాం సుపుణ్యదం || 17 ||
యే పఠంతి నరా భూంయాం తే ధన్యాః స్వర్గగామినః |
అష్టోత్తరశతం నాంనాం సీతాయాః స్తోత్రముత్తమం || 18 ||
జపనీయం ప్రయత్నేన సర్వదా భక్తిపూర్వకం |
సంతి స్తోత్రాణ్యనేకాని పుణ్యదాని మహాంతి చ || 19 ||
నానేన సదృశానీహ తాని సర్వాణి భూసుర |
స్తోత్రాణాముత్తమం చేదం భుక్తిముక్తిప్రదం నృణాం || 20 ||
ఏవం సుతీక్ష్ణ తే ప్రోక్తమష్టోత్తరశతం శుభం |
సీతానాంనాం పుణ్యదం చ శ్రవణాన్మంగళప్రదం || 21 ||
నరైః ప్రాతః సముత్థాయ పఠితవ్యం ప్రయత్నతః |
సీతాపూజనకాలేఽపి సర్వవాంఛితదాయకం || 22 ||
ఇతి శ్రీమదానందరామాయణే సీతాష్టోత్తరశతనామ స్తోత్రం |

శ్రీ సీతా సహస్రనామ స్తోత్రం

శ్రీ సీతా సహస్రనామ స్తోత్రం.

Telugu

Read Stotra

శ్రీ సీతా సహస్రనామ స్తోత్రం

ధ్యానం |
సకలకుశలదాత్రీం భక్తిముక్తిప్రదాత్రీం
త్రిభువనజనయిత్రీం దుష్టధీనాశయిత్రీం |
జనకధరణిపుత్రీం దర్పిదర్పప్రహంత్రీం
హరిహరవిధికర్త్రీం నౌమి సద్భక్తభర్త్రీం ||
బ్రహ్మణో వచనం శ్రుత్వా రామః కమలలోచనః |
ప్రోన్మీల్య శనకైరక్షీ వేపమానో మహాభుజః || 1 ||
ప్రణంయ శిరసా భూమౌ తేజసా చాపి విహ్వలః |
భీతః కృతాంజలిపుటః ప్రోవాచ పరమేశ్వరీం || 2 ||
కా త్వం దేవి విశాలాక్షి శశాంకావయవాంకితే |
న జానే త్వాం మహాదేవి యథావద్బ్రూహి పృచ్ఛతే || 3 ||
రామస్య వచనం శ్రుత్వా తతః సా పరమేశ్వరీ |
వ్యాజహార రఘువ్యాఘ్రం యోగినామభయప్రదా || 4 ||
మాం విద్ధి పరమాం శక్తిం మహేశ్వరసమాశ్రయాం |
అనన్యామవ్యయామేకాం యాం పశ్యంతి ముముక్షవః || 5 ||
అహం వై సర్వభావానామాత్మా సర్వాంతరా శివా |
శాశ్వతీ సర్వవిజ్ఞానా సర్వమూర్తిప్రవర్తికా || 6 ||
అనంతానంతమహిమా సంసారార్ణవతారిణీ |
దివ్యం దదామి తే చక్షుః పశ్య మే పదమైశ్వరం || 7 ||
ఇత్యుక్త్వా విరరామైషా రామోఽపశ్యచ్చ తత్పదం |
కోటిసూర్యప్రతీకాశం విష్వక్తేజోనిరాకులం || 8 ||
జ్వాలావలీసహస్రాఢ్యం కాలానలశతోపమం |
దంష్ట్రాకరాలం దుర్ధర్షం జటామండలమండితం || 9 ||
త్రిశూలవరహస్తం చ ఘోరరూపం భయావహం |
ప్రశాంయత్సౌంయవదనమనంతైశ్వర్యసంయుతం || 10 ||
చంద్రావయవలక్ష్మాఢ్యం చంద్రకోటిసమప్రభం |
కిరీటినం గదాహస్తం నూపురైరుపశోభితం || 11 ||
దివ్యమాల్యాంబరధరం దివ్యగంధానులేపనం |
శంఖచక్రకరం కాంయం త్రినేత్రం కృత్తివాససం || 12 ||
అంతఃస్థం చాండబాహ్యస్థం బాహ్యాభ్యంతరతః పరం |
సర్వశక్తిమయం శాంతం సర్వాకారం సనాతనం || 13 ||
బ్రహ్మేంద్రోపేంద్రయోగీంద్రైరీడ్యమానపదాంబుజం |
సర్వతః పాణిపాదం తత్సర్వతోఽక్షిశిరోముఖం || 14 ||
సర్వమావృత్య తిష్ఠంతం దదర్శ పదమైశ్వరం |
దృష్ట్వా చ తాదృశం రూపం దివ్యం మాహేశ్వరం పదం || 15 ||
తయైవ చ సమావిష్టః స రామో హృతమానసః |
ఆత్మన్యాధాయ చాత్మానమోంకారం సమనుస్మరన్ || 16 ||
నాంనామష్టసహస్రేణ తుష్టావ పరమేశ్వరీం |
స్తోత్రం |
సీతోమా పరమా శక్తిరనంతా నిష్కలామలా || 17 ||
శాంతా మాహేశ్వరీ నిత్యా శాశ్వతీ పరమాక్షరా |
అచింత్యా కేవలానంతా శివాత్మా పరమాత్మికా || 18 ||
అనాదిరవ్యయా శుద్ధా దేవాత్మా సర్వగోచరా |
ఏకానేకవిభాగస్థా మాయాతీతా సునిర్మలా || 19 ||
మహామాహేశ్వరీ శక్తా మహాదేవీ నిరంజనా |
కాష్ఠా సర్వాంతరస్థా చ చిచ్ఛక్తిరతిలాలసా || 20 ||
జానకీ మిథిలానందా రాక్షసాంతవిధాయినీ |
రావణాంతకరీ రంయా రామవక్షఃస్థలాలయా || 21 ||
ఉమా సర్వాత్మికా విద్యా జ్యోతీరూపాఽయుతాక్షరీ |
శాంతిః ప్రతిష్ఠా సర్వేషాం నివృత్తిరమృతప్రదా || 22 ||
వ్యోమమూర్తిర్వ్యోమమయీ వ్యోమాధారాఽచ్యుతా లతా |
అనాదినిధనా యోషా కారణాత్మా కలాకులా || 23 ||
నందప్రథమజా నాభిరమృతస్యాంతసంశ్రయా |
ప్రాణేశ్వరప్రియా మాతామహీ మహిషవాహినీ || 24 ||
ప్రాణేశ్వరీ ప్రాణరూపా ప్రధానపురుషేశ్వరీ |
సర్వశక్తిః కలా కాష్ఠా జ్యోత్స్నేందోర్మహిమాస్పదా || 25 ||
సర్వకార్యనియంత్రీ చ సర్వభూతేశ్వరేశ్వరీ |
అనాదిరవ్యక్తగుణా మహానందా సనాతనీ || 26 ||
ఆకాశయోనిర్యోగస్థా సర్వయోగేశ్వరేశ్వరీ |
శవాసనా చితాంతఃస్థా మహేశీ వృషవాహనా || 27 ||
బాలికా తరుణీ వృద్ధా వృద్ధమాతా జరాతురా |
మహామాయా సుదుష్పూరా మూలప్రకృతిరీశ్వరీ || 28 ||
సంసారయోనిః సకలా సర్వశక్తిసముద్భవా |
సంసారసారా దుర్వారా దుర్నిరీక్ష్యా దురాసదా || 29 ||
ప్రాణశక్తిః ప్రాణవిద్యా యోగినీ పరమా కలా |
మహావిభూతిర్దుర్ధర్షా మూలప్రకృతిసంభవా || 30 ||
అనాద్యనంతవిభవా పరాత్మా పురుషో బలీ |
సర్గస్థిత్యంతకరణీ సుదుర్వాచ్యా దురత్యయా || 31 ||
శబ్దయోనిః శబ్దమయీ నాదాఖ్యా నాదవిగ్రహా |
ప్రధానపురుషాతీతా ప్రధానపురుషాత్మికా || 32 ||
పురాణీ చిన్మయీ పుంసామాదిః పురుషరూపిణీ |
భూతాంతరాత్మా కూటస్థా మహాపురుషసంజ్ఞితా || 33 ||
జన్మమృత్యుజరాతీతా సర్వశక్తిసమన్వితా |
వ్యాపినీ చానవచ్ఛిన్నా ప్రధానా సుప్రవేశినీ || 34 ||
క్షేత్రజ్ఞా శక్తిరవ్యక్తలక్షణా మలవర్జితా |
అనాదిమాయాసంభిన్నా త్రితత్త్వా ప్రకృతిర్గుణా || 35 ||
మహామాయా సముత్పన్నా తామసీ పౌరుషం ధ్రువా |
వ్యక్తావ్యక్తాత్మికా కృష్ణా రక్తా శుక్లా ప్రసూతికా || 36 ||
స్వకార్యా కార్యజననీ బ్రహ్మాస్యా బ్రహ్మసంశ్రయా |
వ్యక్తా ప్రథమజా బ్రాహ్మీ మహతీ జ్ఞానరూపిణీ || 37 ||
వైరాగ్యైశ్వర్యధర్మాత్మా బ్రహ్మమూర్తిర్హృదిస్థితా |
జయదా జిత్వరీ జైత్రీ జయశ్రీర్జయశాలినీ || 38 ||
సుఖదా శుభదా సత్యా శుభా సంక్షోభకారిణీ |
అపాం యోనిః స్వయంభూతిర్మానసీ తత్త్వసంభవా || 39 ||
ఈశ్వరాణీ చ శర్వాణీ శంకరార్ధశరీరిణీ |
భవానీ చైవ రుద్రాణీ మహాలక్ష్మీరథాంబికా || 40 ||
మాహేశ్వరీ సముత్పన్నా భుక్తిముక్తిఫలప్రదా |
సర్వేశ్వరీ సర్వవర్ణా నిత్యా ముదితమానసా || 41 ||
బ్రహ్మేంద్రోపేంద్రనమితా శంకరేచ్ఛానువర్తినీ |
ఈశ్వరార్ధాసనగతా రఘూత్తమపతివ్రతా || 42 ||
సకృద్విభావితా సర్వా సముద్రపరిశోషిణీ |
పార్వతీ హిమవత్పుత్రీ పరమానందదాయినీ || 43 ||
గుణాఢ్యా యోగదా యోగ్యా జ్ఞానమూర్తివికాసినీ |
సావిత్రీ కమలా లక్ష్మీః శ్రీరనంతోరసిస్థితా || 44 ||
సరోజనిలయా శుభ్రా యోగనిద్రా సుదర్శనా |
సరస్వతీ సర్వవిద్యా జగజ్జ్యేష్ఠా సుమంగళా || 45 ||
వాసవీ వరదా వాచ్యా కీర్తిః సర్వార్థసాధికా |
వాగీశ్వరీ సర్వవిద్యా మహావిద్యా సుశోభనా || 46 ||
గుహ్యవిద్యాఽఽత్మవిద్యా చ సర్వవిద్యాఽఽత్మభావితా |
స్వాహా విశ్వంభరీ సిద్ధిః స్వధా మేధా ధృతిః శ్రుతిః || 47 ||
నాభిః సునాభిః సుకృతిర్మాధవీ నరవాహినీ |
పూజ్యా విభావరీ సౌంయా భగినీ భోగదాయినీ || 48 ||
శోభా వంశకరీ లీలా మానినీ పరమేష్ఠినీ |
త్రైలోక్యసుందరీ రంయా సుందరీ కామచారిణీ || 49 ||
మహానుభావమధ్యస్థా మహామహిషమర్దినీ |
పద్మమాలా పాపహరా విచిత్రముకుటాననా || 50 ||
కాంతా చిత్రాంబరధరా దివ్యాభరణభూషితా |
హంసాఖ్యా వ్యోమనిలయా జగత్సృష్టివివర్ధినీ || 51 ||
నిర్యంత్రా మంత్రవాహస్థా నందినీ భద్రకాలికా |
ఆదిత్యవర్ణా కౌమారీ మయూరవరవాహినీ || 52 ||
వృషాసనగతా గౌరీ మహాకాలీ సురార్చితా |
అదితిర్నియతా రౌద్రీ పద్మగర్భా వివాహనా || 53 ||
విరూపాక్షీ లేలిహానా మహాసురవినాశినీ |
మహాఫలాఽనవద్యాంగీ కామపూరా విభావరీ || 54 ||
విచిత్రరత్నముకుటా ప్రణతర్ధివివర్ధినీ |
కౌశికీ కర్షిణీ రాత్రిస్త్రిదశార్తివినాశినీ || 55 ||
విరూపా చ సురూపా చ భీమా మోక్షప్రదాయినీ |
భక్తార్తినాశినీ భవ్యా భవభావవినాశినీ || 56 ||
నిర్గుణా నిత్యవిభవా నిఃసారా నిరపత్రపా |
యశస్వినీ సామగీతిర్భవాంగనిలయాలయా || 57 ||
దీక్షా విద్యాధరీ దీప్తా మహేంద్రవినిపాతినీ |
సర్వాతిశాయినీ విద్యా సర్వశక్తిప్రదాయినీ || 58 ||
సర్వేశ్వరప్రియా తార్క్షీ సముద్రాంతరవాసినీ |
అకలంకా నిరాధారా నిత్యసిద్ధా నిరామయా || 59 ||
కామధేనుర్వేదగర్భా ధీమతీ మోహనాశినీ |
నిఃసంకల్పా నిరాతంకా వినయా వినయప్రదా || 60 ||
జ్వాలామాలాసహస్రాఢ్యా దేవదేవీ మనోన్మనీ |
ఉర్వీ గుర్వీ గురుః శ్రేష్ఠా సగుణా షడ్గుణాత్మికా || 61 ||
మహాభగవతీ భవ్యా వసుదేవసముద్భవా |
మహేంద్రోపేంద్రభగినీ భక్తిగంయపరాయణా || 62 ||
జ్ఞాన జ్ఞేయా జరాతీతా వేదాంతవిషయా గతిః |
దక్షిణా దహనా బాహ్యా సర్వభూతనమస్కృతా || 63 ||
యోగమాయా విభావజ్ఞా మహామోహా మహీయసీ |
సత్యా సర్వసముద్భూతిర్బ్రహ్మవృక్షాశ్రయా మతిః || 64 ||
బీజాంకురసముద్భూతిర్మహాశక్తిర్మహామతిః |
ఖ్యాతిః ప్రతిజ్ఞా చిత్సంవిన్మహాయోగేంద్రశాయినీ || 65 ||
వికృతిః శాంకరీ శాస్త్రీ గంధర్వయక్షసేవితా |
వైశ్వానరీ మహాశాలా దేవసేనా గుహప్రియా || 66 ||
మహారాత్రీ శివానందా శచీ దుఃస్వప్ననాశినీ |
పూజ్యాఽపూజ్యా జగద్ధాత్రీ దుర్విజ్ఞేయస్వరూపిణీ || 67 ||
గుహాంబికా గుహోత్పత్తిర్మహాపీఠా మరుత్సుతా |
హవ్యవాహాంతరా గార్గీ హవ్యవాహసముద్భవా || 68 ||
జగద్యోనిర్జగన్మాతా జగన్మృత్యుర్జరాతిగా |
బుద్ధిర్మాతా బుద్ధిమతీ పురుషాంతరవాసినీ || 69 ||
తపస్వినీ సమాధిస్థా త్రినేత్రా దివిసంస్థితా |
సర్వేంద్రియమనోమాతా సర్వభూతహృదిస్థితా || 70 ||
సంసారతారిణీ విద్యా బ్రహ్మవాదిమనోలయా |
బ్రహ్మాణీ బృహతీ బ్రాహ్మీ బ్రహ్మభూతా భయావనిః || 71 ||
హిరణ్మయీ మహారాత్రిః సంసారపరివర్తికా |
సుమాలినీ సురూపా చ తారిణీ భావినీ ప్రభా || 72 ||
ఉన్మీలనీ సర్వసహా సర్వప్రత్యయసాక్షిణీ |
తపినీ తాపినీ విశ్వా భోగదా ధారిణీ ధరా || 73 ||
సుసౌంయా చంద్రవదనా తాండవాసక్తమానసా |
సత్త్వశుద్ధికరీ శుద్ధిర్మలత్రయవినాశినీ || 74 ||
జగత్ప్రియా జగన్మూర్తిస్త్రిమూర్తిరమృతాశ్రయా |
నిరాశ్రయా నిరాహారా నిరంకుశరణోద్భవా || 75 ||
చక్రహస్తా విచిత్రాంగీ స్రగ్విణీ పద్మధారిణీ |
పరాపరవిధానజ్ఞా మహాపురుషపూర్వజా || 76 ||
విద్యేశ్వరప్రియా విద్యా విద్యుజ్జిహ్వా జితశ్రమా |
విద్యామయీ సహస్రాక్షీ సహస్రశ్రవణాత్మజా || 77 ||
సహస్రరశ్మి పద్మస్థా మహేశ్వరపదాశ్రయా |
జ్వాలినీ సద్మనా వ్యాప్తా తైజసీ పద్మరోధికా || 78 ||
మహాదేవాశ్రయా మాన్యా మహాదేవమనోరమా |
వ్యోమలక్ష్మీః సింహరథా చేకితాన్యమితప్రభా || 79 ||
విశ్వేశ్వరీ విమానస్థా విశోకా శోకనాశినీ |
అనాహతా కుండలినీ నలినీ పద్మవాసినీ || 80 ||
శతానందా సతాం కీర్తిః సర్వభూతాశయస్థితా |
వాగ్దేవతా బ్రహ్మకలా కలాతీతా కలావతీ || 81 ||
బ్రహ్మర్షిర్బ్రహ్మహృదయా బ్రహ్మవిష్ణుశివప్రియా |
వ్యోమశక్తిః క్రియాశక్తిర్జనశక్తిః పరాగతిః || 82 ||
క్షోభికా రౌద్రికాఽభేద్యా భేదాభేదవివర్జితా |
అభిన్నా భిన్నసంస్థానా వంశినీ వంశహారిణీ || 83 ||
గుహ్యశక్తిర్గుణాతీతా సర్వదా సర్వతోముఖీ |
భగినీ భగవత్పత్నీ సకలా కాలకారిణీ || 84 ||
సర్వవిత్సర్వతోభద్రా గుహ్యాతీతా గుహావలిః |
ప్రక్రియా యోగమాతా చ గంధా విశ్వేశ్వరేశ్వరీ || 85 ||
కపిలా కపిలాకాంతా కనకాభా కలాంతరా |
పుణ్యా పుష్కరిణీ భోక్త్రీ పురందరపురఃసరా || 86 ||
పోషణీ పరమైశ్వర్యభూతిదా భూతిభూషణా |
పంచబ్రహ్మసముత్పత్తిః పరమాత్మాత్మవిగ్రహా || 87 ||
నర్మోదయా భానుమతీ యోగిజ్ఞేయా మనోజవా |
బీజరూపా రజోరూపా వశినీ యోగరూపిణీ || 88 ||
సుమంత్రా మంత్రిణీ పూర్ణా హ్లాదినీ క్లేశనాశినీ |
మనోహరీ మనోరక్షీ తాపసీ వేదరూపిణీ || 89 ||
వేదశక్తిర్వేదమాతా వేదవిద్యాప్రకాశినీ |
యోగేశ్వరేశ్వరీ మాలా మహాశక్తిర్మనోమయీ || 90 ||
విశ్వావస్థా వీరముక్తిర్విద్యున్మాలా విహాయసీ |
పీవరీ సురభీ వంద్యా నందినీ నందవల్లభా || 91 ||
భారతీ పరమానందా పరాపరవిభేదికా |
సర్వప్రహరణోపేతా కాంయా కామేశ్వరేశ్వరీ || 92 ||
అచింత్యాఽచింత్యమహిమా దుర్లేఖా కనకప్రభా |
కూష్మాండీ ధనరత్నాఢ్యా సుగంధా గంధదాయినీ || 93 ||
త్రివిక్రమపదోద్భూతా ధనుష్పాణిః శిరోహయా |
సుదుర్లభా ధనాధ్యక్షా ధన్యా పింగలలోచనా || 94 ||
భ్రాంతిః ప్రభావతీ దీప్తిః పంకజాయతలోచనా |
ఆద్యా హృత్కమలోద్భూతా పరామాతా రణప్రియా || 95 ||
సత్క్రియా గిరిజా నిత్యశుద్ధా పుష్పనిరంతరా |
దుర్గా కాత్యాయనీ చండీ చర్చికా శాంతవిగ్రహా || 96 ||
హిరణ్యవర్ణా రజనీ జగన్మంత్రప్రవర్తికా |
మందరాద్రినివాసా చ శారదా స్వర్ణమాలినీ || 97 ||
రత్నమాలా రత్నగర్భా పృథ్వీ విశ్వప్రమాథినీ |
పద్మాసనా పద్మనిభా నిత్యతుష్టామృతోద్భవా || 98 ||
ధున్వతీ దుష్ప్రకంపా చ సూర్యమాతా దృషద్వతీ |
మహేంద్రభగినీ మాయా వరేణ్యా వరదర్పితా || 99 ||
కల్యాణీ కమలా రామా పంచభూతవరప్రదా |
వాచ్యా వరేశ్వరీ నంద్యా దుర్జయా దురతిక్రమా || 100 ||
కాలరాత్రిర్మహావేగా వీరభద్రహితప్రియా |
భద్రకాలీ జగన్మాతా భక్తానాం భద్రదాయినీ || 101 ||
కరాలా పింగలాకారా నామవేదా మహానదా |
తపస్వినీ యశోదా చ యథాధ్వపరివర్తినీ || 102 ||
శంఖినీ పద్మినీ సాంఖ్యా సాంఖ్యయోగప్రవర్తికా |
చైత్రీ సంవత్సరా రుద్రా జగత్సంపూరణీంద్రజా || 103 ||
శుంభారిః ఖేచరీ ఖస్థా కంబుగ్రీవా కలిప్రియా |
ఖరధ్వజా ఖరారూఢా పరార్ధ్యా పరమాలినీ || 104 ||
ఐశ్వర్యరత్ననిలయా విరక్తా గరుడాసనా |
జయంతీ హృద్గుహా రంయా సత్త్వవేగా గణాగ్రణీః || 105 ||
సంకల్పసిద్ధా సాంయస్థా సర్వవిజ్ఞానదాయినీ |
కలికల్మషహంత్రీ చ గుహ్యోపనిషదుత్తమా || 106 ||
నిత్యదృష్టిః స్మృతిర్వ్యాప్తిః పుష్టిస్తుష్టిః క్రియావతీ |
విశ్వామరేశ్వరేశానా భుక్తిర్ముక్తిః శివామృతా || 107 ||
లోహితా సర్వమాతా చ భీషణా వనమాలినీ |
అనంతశయనానాద్యా నరనారాయణోద్భవా || 108 ||
నృసింహీ దైత్యమథినీ శంఖచక్రగదాధరా |
సంకర్షణసముత్పత్తిరంబికోపాంతసంశ్రయా || 109 ||
మహాజ్వాలా మహామూర్తిః సుమూర్తిః సర్వకామధుక్ |
సుప్రభా సుతరాం గౌరీ ధర్మకామార్థమోక్షదా || 110 ||
భ్రూమధ్యనిలయాఽపూర్వా ప్రధానపురుషా బలీ |
మహావిభూతిదా మధ్యా సరోజనయనాఽసనా || 111 ||
అష్టాదశభుజా నాట్యా నీలోత్పలదలప్రభా |
సర్వశక్త్యా సమారూఢా ధర్మాధర్మానువర్జితా || 112 ||
వైరాగ్యజ్ఞాననిరతా నిరాలోకా నిరింద్రియా |
విచిత్రగహనా ధీరా శాశ్వతస్థానవాసినీ || 113 ||
స్థానేశ్వరీ నిరానందా త్రిశూలవరధారిణీ |
అశేషదేవతామూర్తిర్దేవతా పరదేవతా || 114 ||
గణాత్మికా గిరేః పుత్రీ నిశుంభవినిపాతినీ |
అవర్ణా వర్ణరహితా నిర్వర్ణా బీజసంభవా || 115 ||
అనంతవర్ణానన్యస్థా శంకరీ శాంతమానసా |
అగోత్రా గోమతీ గోప్త్రీ గుహ్యరూపా గుణాంతరా || 116 ||
గోశ్రీర్గవ్యప్రియా గౌరీ గణేశ్వరనమస్కృతా |
సత్యమాత్రా సత్యసంధా త్రిసంధ్యా సంధివర్జితా || 117 ||
సర్వవాదాశ్రయా సాంఖ్యా సాంఖ్యయోగసముద్భవా |
అసంఖ్యేయాప్రమేయాఖ్యా శూన్యా శుద్ధకులోద్భవా || 118 ||
బిందునాదసముత్పత్తిః శంభువామా శశిప్రభా |
విసంగా భేదరహితా మనోజ్ఞా మధుసూదనీ || 119 ||
మహాశ్రీః శ్రీసముత్పత్తిస్తమఃపారే ప్రతిష్ఠితా |
త్రితత్త్వమాతా త్రివిధా సుసూక్ష్మపదసంశ్రయా || 120 ||
శాంత్యతీతా మలాతీతా నిర్వికారా నిరాశ్రయా |
శివాఖ్యా చిత్రనిలయా శివజ్ఞానస్వరూపిణీ || 121 ||
దైత్యదానవనిర్మాత్రీ కాశ్యపీ కాలకర్ణికా |
శాస్త్రయోనిః క్రియామూర్తిశ్చతుర్వర్గప్రదర్శితా || 122 ||
నారాయణీ నవోద్భూతా కౌముదీ లింగధారిణీ |
కాముకీ లలితా తారా పరాపరవిభూతిదా || 123 ||
పరాంతజాతమహిమా వడవా వామలోచనా |
సుభద్రా దేవకీ సీతా వేదవేదాంగపారగా || 124 ||
మనస్వినీ మన్యుమాతా మహామన్యుసముద్భవా |
అమృత్యురమృతాస్వాదా పురుహూతా పురుప్లుతా || 125 ||
అశోచ్యా భిన్నవిషయా హిరణ్యరజతప్రియా |
హిరణ్యా రాజతీ హైమీ హేమాభరణభూషితా || 126 ||
విభ్రాజమానా దుర్జ్ఞేయా జ్యోతిష్టోమఫలప్రదా |
మహానిద్రాసముద్భూతిర్బలీంద్రా సత్యదేవతా || 127 ||
దీర్ఘా కకుద్మినీ విద్యా శాంతిదా శాంతివర్ధినీ |
లక్ష్ంయాదిశక్తిజననీ శక్తిచక్రప్రవర్తికా || 128 ||
త్రిశక్తిజననీ జన్యా షడూర్మిపరివర్జితా |
స్వాహా చ కర్మకరణీ యుగాంతదలనాత్మికా || 129 ||
సంకర్షణా జగద్ధాత్రీ కామయోనిః కిరీటినీ |
ఐంద్రీ త్రైలోక్యనమితా వైష్ణవీ పరమేశ్వరీ || 130 ||
ప్రద్యుంనదయితా దాంతా యుగ్మదృష్టిస్త్రిలోచనా |
మహోత్కటా హంసగతిః ప్రచండా చండవిక్రమా || 131 ||
వృషావేశా వియన్మాత్రా వింధ్యపర్వతవాసినీ |
హిమవన్మేరునిలయా కైలాసగిరివాసినీ || 132 ||
చాణూరహంత్రీ తనయా నీతిజ్ఞా కామరూపిణీ |
వేదవిద్యావ్రతరతా ధర్మశీలాఽనిలాశనా || 133 ||
అయోధ్యానిలయా వీరా మహాకాలసముద్భవా |
విద్యాధరప్రియా సిద్ధా విద్యాధరనిరాకృతిః || 134 ||
ఆప్యాయంతీ వహంతీ చ పావనీ పోషణీ ఖిలా |
మాతృకా మన్మథోద్భూతా వారిజా వాహనప్రియా || 135 ||
కరీషిణీ స్వధా వాణీ వీణావాదనతత్పరా |
సేవితా సేవికా సేవా సినీవాలీ గరుత్మతీ || 136 ||
అరుంధతీ హిరణ్యాక్షీ మణిదా శ్రీవసుప్రదా |
వసుమతీ వసోర్ధారా వసుంధరాసముద్భవా || 137 ||
వరారోహా వరార్హా చ వపుఃసంగసముద్భవా |
శ్రీఫలీ శ్రీమతీ శ్రీశా శ్రీనివాసా హరిప్రియా || 138 ||
శ్రీధరీ శ్రీకరీ కంప్రా శ్రీధరా ఈశవీరణీ |
అనంతదృష్టిరక్షుద్రా ధాత్రీశా ధనదప్రియా || 139 ||
నిహంత్రీ దైత్యసింహానాం సింహికా సింహవాహినీ |
సుసేనా చంద్రనిలయా సుకీర్తిశ్ఛిన్నసంశయా || 140 ||
బలజ్ఞా బలదా వామా లేలిహానాఽమృతస్రవా |
నిత్యోదితా స్వయంజ్యోతిరుత్సుకామృతజీవినీ || 141 ||
వజ్రదంష్ట్రా వజ్రజిహ్వా వైదేహీ వజ్రవిగ్రహా |
మంగల్యా మంగలా మాలా మలినా మలహారిణీ || 142 ||
గాంధర్వీ గారుడీ చాంద్రీ కంబలాశ్వతరప్రియా |
సౌదామినీ జనానందా భ్రుకుటీకుటిలాననా || 143 ||
కర్ణికారకరా కక్షా కంసప్రాణాపహారిణీ |
యుగంధరా యుగావర్తా త్రిసంధ్యా హర్షవర్ధినీ || 144 ||
ప్రత్యక్షదేవతా దివ్యా దివ్యగంధా దివాపరా |
శక్రాసనగతా శాక్రీ సాధ్వీ నారీ శవాసనా || 145 ||
ఇష్టా విశిష్టా శిష్టేష్టా శిష్టా శిష్టప్రపూజితా |
శతరూపా శతావర్తా వినీతా సురభిః సురా || 146 ||
సురేంద్రమాతా సుద్యుంనా సుషుంణా సూర్యసంస్థితా |
సమీక్షా సత్ప్రతిష్ఠా చ నివృత్తిర్జ్ఞానపారగా || 147 ||
ధర్మశాస్త్రార్థకుశలా ధర్మజ్ఞా ధర్మవాహనా |
ధర్మాధర్మవినిర్మాత్రీ ధార్మికాణాం శివప్రదా || 148 ||
ధర్మశక్తిర్ధర్మమయీ విధర్మా విశ్వధర్మిణీ |
ధర్మాంతరా ధర్మమధ్యా ధర్మపూర్వా ధనప్రియా || 149 ||
ధర్మోపదేశా ధర్మాత్మా ధర్మలభ్యా ధరాధరా |
కపాలీ శాకలామూర్తిః కలాకలితవిగ్రహా || 150 ||
సర్వశక్తివినిర్ముక్తా సర్వశక్త్యాశ్రయాశ్రయా |
సర్వా సర్వేశ్వరీ సూక్ష్మా సుసూక్ష్మా జ్ఞానరూపిణీ || 151 ||
ప్రధానపురుషేశానీ మహాపురుషసాక్షిణీ |
సదాశివా వియన్మూర్తిర్దేవమూర్తిరమూర్తికా || 152 ||
ఏవం నాంనాం సహస్రేణ తుష్టావ రఘునందనః |
కృతాంజలిపుటో భూత్వా సీతాం హృష్టతనూరుహాం || 153 ||
భారద్వాజ మహాభాగ యశ్చైతత్ స్తోత్రమద్భుతం |
పఠేద్వా పాఠయేద్వాపి స యాతి పరమం పదం || 154 ||
బ్రహ్మక్షత్రియవిడ్యోనిర్బ్రహ్మ ప్రాప్నోతి శాశ్వతం |
శూద్రః సద్గతిమాప్నోతి ధనధాన్యవిభూతయః || 154 ||
భవంతి స్తోత్రమహాత్ంయాదేతత్ స్వస్త్యయనం మహత్ |
మారీభయే రాజభయే తథా చోరాగ్నిజే భయే || 156 ||
వ్యాధీనాం ప్రభవే ఘోరే శత్రూత్థానే చ సంకటే |
అనావృష్టిభయే విప్ర సర్వశాంతికరం పరం || 157 ||
యద్యదిష్టతమం యస్య తత్సర్వం స్తోత్రతో భవేత్ |
యత్రైతత్పఠ్యతే సంయక్ సీతానామసహస్రకం || 158 ||
రామేణ సహితా దేవీ తత్ర తిష్ఠత్యసంశయం |
మహాపాపాతిపాపాని విలయం యాంతి సువ్రత || 159 ||
ఇత్యార్షే శ్రీమద్రామాయణే వాల్మీకీయే ఆదికావ్యే అద్భుతోత్తరకాండే శ్రీసీతాసహస్రనామస్తోత్రకథనం నామ పంచవింశతితమః సర్గః ||

శ్రీ సీతా సహస్రనామావళిః

శ్రీ సీతా సహస్రనామావళిః.

Telugu

Read Stotra

శ్రీ సీతా సహస్రనామావళిః

Sign In

OTP Verification

Sacred Stotras & Deities

శ్రీ సీతా అష్టోత్తరశతనామావళిః

శ్రీ సీతా కవచం

శ్రీ సీతా అష్టోత్తరశతనామ స్తోత్రం

శ్రీ సీతా సహస్రనామ స్తోత్రం

శ్రీ సీతా సహస్రనామావళిః

MENU

LINKS

Astrologer Section

Vendor Section

GET ADVICE ON

Download Our Apps