శ్రీఅఖిలాండనాయికాదండకః
అధ్వాతీతపదే అలంకృతశివే అర్థాంతరర్థే పరే
అత్యర్థే అమలాశయే అతిదయే అర్ధేందుభూషోజ్జ్వలే .
అధ్యక్షే అమరాంగనాపరివృతే అధ్యాత్మవిద్యామయే
అవ్యక్తే అచలాధిరాజతనయే వందేఽఖిలాండేశ్వరి .. 1..
ఆద్యే ఆగమసంప్రదాయనిపుణే ఆచార్యవర్యార్చితే
ఆధారాదిసరోజపీఠనిలయే ఆలోలనీలాలకే .
ఆతామ్రాధరచారుమందహసితే ఆపీనవక్షోరుహే
ఆబ్రహ్మాచ్యుతశంకరార్చితపదే వందేఽఖిలాండేశ్వరి .. 2..
ఇచ్ఛాజ్ఞానసమస్తశక్తిసహితే ఇందీవరశ్యామలే
ఇంద్రోపేంద్రవరపదే ఇభవనాధీశే ఇనారాధితే .
ఇజ్యే ఇందునిభాననే ఇభనుతే ఇష్టార్థసిద్ధిప్రదే
ఇంద్రాణీనమితే ఇభాననసుతే వందేఽఖిలాండేశ్వరి .. 3..
ఈశే ఈశవిరించిశౌరివరదే ఈడ్యాలి ఈశాత్మికే
ఈర్ష్యాదూషితచిత్తదూరచరణే ఈశప్రియే ఈశ్వరి .
ఈడయే ఈశ్వరవామభాగనిలయే ఈంకారక్లృప్తోదయే
ఈశిత్వాదిమహావిభూతినిలయే వందేఽఖిలాండేశ్వరి .. 4..
ఉద్యద్భానుసహస్రకోటికిరణే ఉర్వీధరేంద్రాత్మజే
ఉత్ఫుల్లాంబుజలోచనే ఉభయకావేర్యంతరాలాశ్రయే .
ఉద్యచ్చంద్రనిభాననే ఉరుతరే ఉచ్చాసనే ఉజ్జ్వలే
ఉద్దామద్యుతిపుంజమంజులతరే వందేఽఖిలాండేశ్వరి .. 5..
ఊహాపోహవివేకబాహ్యనిలయే ఊనాతిరిక్తోజ్జ్వలే
ఊర్జస్వన్మణిమేఖలావిలసితే ఊరీకృతార్థప్రియే .
ఊర్ధ్వాధోద్భవయోగమూలనిలయే ఊష్మాపహారోజ్జ్వలే
ఊధః క్షీరసుధాధృతత్రిభువనే వందేఽఖిలాండేశ్వరి .. 6..
ఋగ్వేదాదినిషేవితే ఋతునతే ఋద్ధానుకంపావహే .
ఋద్ధామోదముఖేప్సితే ఋతునుతే ఋక్షౌఘసంసేవితే .
ఋక్షాధీశకలాన్వితే ఋణతమోభాస్వత్పదాంభోరుహే
ఋద్ధ్యాపూరితవిష్టపత్రయనుతే వందేఽఖిలాండేశ్వరి .. 7..
రూపారూపసదాశివాంతరగతే రూపే సదా రూపిణి
రూపాతీతపరాపరార్థనిలయే రూఢప్రరూఢాత్మికే .
నౄణాం జన్మజరాపహారనిలయే నృత్రాణకల్పద్రుమే
నౄణాం పాపవిమోచనాద్యఫలదే వందేఽఖిలాండేశ్వరి .. 8..
క్లృప్తాశేషజగన్మహేశనిలయే క్లృప్తాంగరాగోజ్జ్వలే
క్లృప్తాక్లృప్తవిశంక్యమానవిలసన్మధ్యావలీరంజితే .
లింగారాధనతత్పరే లికుచరాజత్పాణిపంకేరుహే
క్లృప్తాకల్పమనోహరాంగలతికే వందేఽఖిలాండేశ్వరి .. 9..
లూతాధీశగజేంద్రపూజితపదే లూనాహితేశాన్వితే.
క్లీంకారాంకిత బిందుపీఠనిలయే క్లీంకారరూపేడితే .
లూతాతంతుజడీకృతేశనిలయే లూనాహివల్లీదలే
లూతాక్ష్మాపతిముక్తిదాతృమహిలే వందేఽఖిలాండేశ్వరి .. 10..
ఏకే ఏకమహాంబురాశినిలయే ఏకాంతక్లృప్తోదయే
ఏకానేకతయా విభక్తభువనే ఏకాతపత్రోజ్జ్వలే .
ఏణీచారువిలోలలోచనయుగే ఏకావలీభూషణే
ఏతత్తత్త్వమయాణిమాదివరదే వందేఽఖిలాండేశ్వరి .. 11..
ఐంకారాసనమధ్యపీఠనిలయే ఐంద్రాదిలోకప్రదే
ఐరావత్యుపమానదేహలతికే ఐంద్రాదిశక్తీడితే .
ఐంకారాక్షరవేదవేద్యవిభవే ఐశ్వర్యదానేక్షణే
ఐమైమిత్యనుసందధానభువనే వందేఽఖిలాండేశ్వరి .. 12..
ఓమిత్యేకపదావలీడితపదే ఓజోవిశేషాన్వితే
ఓష్ఠాధావితబింబవిద్రుమలతే ఓఘత్రయారాధితే .
ఓఘైరప్సరసాం సదాపరివృతే ఓతాఖిలార్థాధిపే
ఓజోరాజితవాగ్విభూతివినుతే వందేఽఖిలాండేశ్వరి .. 13..
ఔశీరాదిసుగంధిశోభనకచే ఔత్పత్తిజాలప్రియే
ఔదాసీన్యవిభిన్నదైత్యవిభవే ఔపాధికోపాన్వితే .
ఔదార్యాకరపాదపంకజయుగే ఔపమ్యహీనాననే
ఔమాకాంతపదప్రదార్తిహపదే వందేఽఖిలాండేశ్వరి .. 14..
అంభోజాసనముఖ్యసేవితపదే అంభోధరశ్యామలే
అంగాకల్పితరత్నభూషణశతే అండౌఘసంసేవితే .
అంబ్వాకాశతయా విభక్తభువనే అంభోరుహాంఘ్రిద్వయే
అహ్నాయాంతకసూదనప్రియతమే వందేఽఖిలాండేశ్వరి .. 15..
అస్తాఘే అవనమ్రదేవనివహే అస్తోకభాగ్యోదయే
అర్ధాధిక్యమనోహరే అచలజే అష్టాక్షరైరర్చితే .
అర్ఘాతీతమనోజ్ఞభూషణశతే అక్షీణసౌభాగ్యదే
అర్కాంభోరుహవైరివహ్నినయనే వందేఽఖిలాండేశ్వరి .. 16..
కావేరీపులినాలయే కమలజే కామారివామాలయే
కారుణ్యామృతలోచనే కవినుతే కందర్పకాంతిప్రదే .
కల్యాణి క్షితిలోకకల్పలతికే కారుణ్యవారాన్నిధే
కాలాంభోధరకమ్రకుండలధరే వందేఽఖిలాండేశ్వరి .. 17..
ఖర్వాటే ఖగకేతనానుజవరే ఖట్వాంగపాణిస్తుతే
ఖర్వాఖర్వవివర్జితే ఖగమయూఖారాధితే ఖడ్గిని .
ఖద్యోతేశవరప్రదే ఖగనుతే ఖద్యోతకోటిప్రభే
ఖండేందూజ్జ్వలశేఖరే ఖగచరే వందేఽఖిలాండేశ్వరి .. 18..
గంగావర్తసమాననాభికుహరే గండోజ్జ్వలత్కుండలే
గంధర్వాసురసిద్ధకిన్నరనుతే గంధోత్తమాలేపితే .
గంభీరామృతసింధుమధ్యనిలయే గాంభీర్యధైర్యాధికే
గంగోత్తుంగతరంగశేఖరయుతే వందేఽఖిలాండేశ్వరి .. 19..
గీతానందమయే గిరీశనమితే గీతప్రియారాధితే
గీతోల్లాసిని గీయమానచరితే గీర్నాథసంసేవితే .
గీష్పద్మావరదే గిరీంద్రనిలయే గీర్వాణవృందాంచితే
గీతే గీతమనోహరే గిరిసుతే వందేఽఖిలాండేశ్వరి .. 20..
గుప్తే గుప్తతరే గుహేశవరదే గుచ్ఛోజ్జ్వలన్మల్లికే
గుహ్యాచారగతే గురుస్తనభరే గుచ్ఛార్ధహారోజ్జ్వలే .
గుల్ఫస్థే గుణమందిరే గురువరే గుల్ఫోల్లసన్నూపురే
గూఢార్థాంతగతే గురూత్తమనుతే వందేఽఖిలాండేశ్వరి . 21
ఘంటాఘోరనినాదఘాతితమహాదైత్యే ఘనశ్యామలే
ఘర్మాఘర్మమయూఖవహ్నినయనే ఘర్మప్రశాంతిప్రదే .
ఘోరాఘోరవిఘోషదానవగణప్రోద్ఘుష్టఘోరారవే
ఘోరాఘౌఘనివారణే ఘననిభే వందేఽఖిలాండేశ్వరి .. 22..
చాతుర్వర్గ్యఫలప్రదే సుచరితే చాముండిరూపోత్తరే
చక్రాధిష్ఠితపాదపద్మచతురే చంద్రాననే చండికే .
చంద్రోపేంద్రచరాచరాత్మకజగద్రూపే చలత్కుండలే
చంచల్లోచనవంచితేశ్వరశివే వందేఽఖిలాండేశ్వరి .. 23..
ఛిద్రఘ్నస్మితచంద్రికాధవలితే ఛాయేశ్వరద్యోతితే
ఛందాందోలితభూషణాంకితగలే ఛందశ్రియాలంకృతే .
ఛాయాధీశ ధనంజయేందునయనే ఛన్నాంధకారారుణే
ఛందోవృందమహస్సుకాంతినిలయే వందేఽఖిలాండేశ్వరి .. 24..
జంబూమూలనిధే జనార్దననుతే జంభారిసంభావితే
జంబూద్వీపమనోజ్ఞకల్పలతికే జహ్న్వాత్మజాశేఖరే .
జన్మవ్యాధిజరాపహే జలమయే జాంబూనదాలంకృతే
జంబూనాథమనోహరే జననుతే వందేఽఖిలాండేశ్వరి .. 25..
ఝంఝావాతతరంగితప్రవిమల శ్రీనిర్ఝరాప్లావితే
ఝంకారీకృతషట్పదాలకభరే ఝాటిత్యబుద్ధిప్రదే .
ఝర్ఝారారవభూషణే ఝలఝలన్మంజీరపాదాంబుజే
ఝల్లీమద్దలఝర్ఝరస్వననుతే వందేఽఖిలాండేశ్వరి .. 26..
జ్ఞానానందమహాసముద్రతరణే జ్ఞానాత్మరూపాపరే
జ్ఞానజ్ఞేయమయే త్వదంఘ్రిభజతాం జ్ఞానప్రదేఽజ్ఞానినాం .
జ్ఞానాజ్ఞానమయస్వరూపిణి శివజ్ఞానప్రకాశప్రదే
జ్ఞాతిక్షేత్రకలత్రధాన్యధనదే వందేఽఖిలాండేశ్వరి .. 27..
టక్కాద్యాయుధభూషణోజ్జ్వలకరే ఠావేక్ష్యమానాననే
డింభాహుంకృతఢంకృతాసురశరే డోలాడిఢేశస్మితే .
డింభాకారతయా సుపాలితజనే ఢక్కారవోద్ఘోషితే
ఢంఢండేతి ఝటిక్వణాదిమహితే వందేఽఖిలాండేశ్వరి .. 28..
తత్త్వార్థప్రతిపాద్యమానచరణే తత్త్వత్రయోద్దీపికే
తత్త్వాతీతపదే తపోధననుతే తారేశచూడామణే .
తారుణ్యామృతసింధుమధ్యలతికే తార్క్ష్యధ్వజారాధితే
తాపిచ్ఛస్తబకద్యుతే తనులతే వందేఽఖిలాండేశ్వరి .. 29..
స్థాణుప్రేమనిధే స్థితీశమహితే స్థైర్యస్థితే స్థాపికే
స్థానాస్థానకృతార్థదేహినివహస్థిత్యంతసర్గోద్యతే .
స్థానాధిక్యమనోహరే స్థిరతరస్థాణ్వంతరాలాశ్రయే
స్థూలాగోచరదర్శనే స్థితిమయే వందేఽఖిలాండేశ్వరి .. 30..
దాక్షాచారవరప్రదే దమయుతే దక్షే దయాంకూరితే
దాంతే ద్రష్టృమనోహరద్విజవరే దంతావలారాధితే .
దానాదానవిదానచోదనపరే దాతృస్వరూపాపరే
దైన్యాధ్యాత్మికతాపహారిచరణే వందేఽఖిలాండేశ్వరి .. 31..
దివ్యజ్ఞానమయే దివాకరనిభే దివ్యాంబరాలంకృతే
దివ్యస్త్రీజనసేవితే ద్విజమయే దీక్షాప్రదానోద్యతే .
దీప్తే దీప్తశశాంకవహ్నినయనే దీనాదిముక్తిప్రదే
దిక్పాలాదిదిగంబరార్చితపదే వందేఽఖిలాండేశ్వరి .. 32..
దుర్భిక్షాదిసమస్తదుఃఖహరణే దుఃశీలతాపాపహే
దుర్గాద్యావృతిదేవతార్చితపదే దూర్వాంకురశ్యామలే .
దుర్లక్ష్యాగమచిత్తదూరచరితే దుర్గాదివస్యాపరే
దుర్వాసాదిమునీశ్వరస్తుతిపదే వందేఽఖిలాండేశ్వరి .. 33..
ధర్మిష్ఠే ధరణీధరేంద్రతనయే ధారాధరోద్యత్ప్రభే
ధమ్మిల్లాంచితమల్లికాదికుసుమే ధర్మాదిసంసేవితే .
ధర్మాద్యర్థచతుష్టయస్థితిపదేధామత్రయారాధితే
ధన్యే ధార్మికచిత్తనిత్యనిలయే వందేఽఖిలాండేశ్వరి .. 34..
నానారత్నవిభూషణే నవఘనశ్యామే నటేశప్రియే
నక్షత్రేశధరే నగేంద్రనిలయే నాగారివాహానుజే .
నానాదేవవృతే నరోత్తమనుతే నాథే నృముక్తిప్రదే
నాకౌకోగణనమ్యమానచరణే వందేఽఖిలాండేశ్వరి .. 35..
నీహారాచలకన్యకే నిగమగే నిత్యాత్మికే నిర్మలే
నిఃశేషాండసుమాతృకే నిశిచరారాధ్యే నిశీశాంకి(ఞ్చి)తే .
నీపారణ్యనివాసనిత్యరసికే నిర్నిద్రపద్మేక్షణే
నిఃశోకాకృతికే నిరంజనపదే వందేఽఖిలాండేశ్వరి .. 36..
పద్మే పద్మనిభాననే పరతరే పద్మార్చితాంఘ్రిద్వయే
పద్మస్తే పరదానవారివినుతే పద్మాసనారాధితే .
పద్మాస్యే పరలోకసాధనపరే పంచాక్షరాలంకృతే
పక్షాపక్షవివర్జితే పరశివే వందేఽఖిలాండేశ్వరి .. 37..
ఫుల్లాంభోజదలేక్షణేందువికృతాలీకాభిరామాననే
ఫూత్కారాహిఫణాధరేంద్రరమణీనృత్తాంతరాలస్థితే .
స్ఫాయత్పండితసూక్తిమర్మవిభవే స్ఫాటిక్యతేజోమయ-
స్ఫూర్జత్కాంతిమయే ఫణీంద్రవరదే వందేఽఖిలాండేశ్వరి .. 38..
బాలేఽబాలపరాక్రమే బహువిధే బాలప్రవాలాధరే
బాలాదిత్యసమప్రభే బహునుతే బాలేందుభూషోజ్జ్వలే .
బంధుకారుణవిగ్రహే బహువిధబ్రహ్మాండభాండోదరి
బ్రహ్మాగస్త్యసురేంద్రవందితపదే వందేఽఖిలాండేశ్వరి .. 39..
భావాతీతపదప్రవర్తితగుణే భాషే భవారాధితే
భావాద్యే భవరోగభంజనకరే భద్రే భయచ్ఛేదిని .
భవ్యే భాగ్యవదుత్తమేడ్యచరణే భాగీరథీశాన్వితే
భాస్వచ్చంద్రవిలోచనార్చితపదే వందేఽఖిలాండేశ్వరి .. 40..
మాయే మన్మథసేవితే మరకతశ్యామే మనోజ్ఞామలే
మాయామోహవివర్జితే మణిమయాకల్పే మహామంజులే .
మాయాతీతమహామునీద్రవరదే మాణిక్యకేయూరకే
మాలాలంకరణే మతంగతనయే వందేఽఖిలాండేశ్వరి .. 41..
మిత్రాగ్నీందువిలోచనే మిహిరభే మీనోల్లసల్లోచనే
మిథ్యాజ్ఞానమనోఽతిదూరచరణే మీనధ్వజారాధితే .
మీమాంసాది సమస్త శాస్త్రమహితే మృష్టాన్నదానోద్యమే
మిత్రోద్భాసిని మిత్రవహ్నివినుతే వందేఽఖిలాండేశ్వరి .. 42..
ముగ్ధే ముగ్ధశశాంకశేఖరయుతే మూలాగమార్థోదయే
ముక్తే మూషికవాహనార్చితపదే మూర్తిత్రయారాధితే .
మలాధారగతే ముఖాబ్జవిలసన్ముగ్ధస్మితే ముక్తిదే
ముద్రామోదితమానసే మునినుతే వందేఽఖిలాండేశ్వరి .. 43..
యజ్ఞే యజ్ఞఫలప్రదే యమనుతే యక్షేశ్వరారాధితే
యక్ష్మఘ్నే యమసూదనప్రియతమే యజ్ఞేశసంపూజితే .
యంత్రస్థే యతిపూజితే యతికృతశ్రీచక్రభూషోజ్జ్వలే
యక్షిణ్యాదిసమస్తశక్తివినుతే వందేఽఖిలాండేశ్వరి .. 44..
రామే రామవరప్రదే రసకలే రాజీవపత్రార్చితే
రాకాచంద్రనిభే రమార్చితపదే రాజాధిరాజానతే .
రమ్యే రాజతశైలశృంగనిలయే రత్యాప్తపత్యా నుతే
రాగద్వేషవిహీనచిత్తసులభే వందేఽఖిలాండేశ్వరి .. 45..
లావణ్యాంబునిధే లలాటనయనే లంబోదరారాధితే
లాక్షారంజితపాదపద్మయుగలే లంబాలకోద్భాసితే .
లంకేశారినుతే లయోద్భవకరే లక్ష్మీపతీడ్యప్రియే
లక్ష్యాలక్ష్యమనోజ్ఞమధ్యలతికే వందేఽఖిలాండేశ్వరి .. 46..
వాచ్యే (వామే) వారిజలోచనార్చితపదే వాగ్దేవతాఽఽరాధితే
వామాద్యే వరశైలరాజతనయే వామాదిశక్త్యాత్మికే .
వశ్యాకర్షణసిద్ధిమూలగులికే వాదిత్రనాదప్రియే
వాణీవల్లభవజ్రపాణివరదే వందేఽఖిలాండేశ్వరి .. 47..
శాంతే శంకరవల్లభే శశియుతే శాతోదరి శ్యామలే
శంకాహీనవిశోకదే శతమఖారాధ్యే శశాంకాననే .
శక్తే శక్తిధరార్చితే శమధనాధీశార్చితే శారదే
శైవాద్యాగమపారగే శమధనే వందేఽఖిలాండేశ్వరి .. 48..
షట్చక్రాంతగతే షడక్షరమయే షట్త్రింశతత్త్వాత్మికే
షట్పద్మాంతపురే షడానననుతే షట్కోణసంభావితే .
షడ్వక్త్రద్విపవక్త్రరామవరదే షడ్గ్రంథివంద్యాత్మికే
షట్శక్తిప్రభవాత్మనః ప్రియతమే వందేఽఖిలాండేశ్వరి .. 49..
సర్వాభీష్టఫలప్రదే సుమతిభిః సంసేవితే సాత్త్వికైః
సర్వాలంకరణే సదాశివమయే సంపత్కరే సాక్షిణి .
సాదిస్థే సరసీరుహాక్షియుగలే సంఘట్టవక్షోరుహే
సాక్షాత్కారిణి సర్వలోకవరదే వందేఽఖిలాండేశ్వరి .. 50..
హాహాకారరవైస్త్రిభిః స్తుతపదే హారాభిరామేఽసమే
హంసోల్లాసితరమ్యవిశ్వవిభవే హంబీజమూలాంకురే .
హస్థే హస్తివనాలయే హరిహరబ్రహ్మేంద్రవంద్యేశ్వరి
హంసాతీతపదే హకారచరితే వందేఽఖిలాండేశ్వరి .. 51..
ళంబీజే లకుళే లతామృదుతనో ళంకారసంపూజితే
ళంబీజేన సులక్షితేడ్యవిభవే క్లీంకారరూపాన్వితే .
ళాంతే హంత గరే జవాత్సముదితే త్రస్తాన్సురాన్వీక్ష్య తత్
ళాంతే కే వినియచ్ఛదీశమహిళే వందేఽఖిలాండేశ్వరి .. 52..
క్షోణీశాగ్ర్యపదైకలక్షణవిధిక్షేపప్రమాణేక్షణే
క్షిప్రాదక్షిణకుక్షిశిక్షణమనఃక్షేత్రజ్ఞసంరక్షిణి .
త్ర్యక్షాలక్ష్యతితిక్షుదక్షదమనక్షాంతాంతసంవీక్షణే
క్షంతవ్యం క్షితిభృత్సుతే స్తుతివచః క్షుద్రం మదీయం శివే .. 53..
ఇతి గిరివరపుత్రీపాదరాజీవభూషా
భువనమమలయంతీ సూక్తిసౌరభ్యసారైః .
శివపదమకరందస్యందినీ మన్నిదానా
మదయతు కవిభృంగాన్మాతృకాపుష్పం .. 54..
ఇతి అఖిలాండేశ్వరీపుష్పమాలాస్తోత్రం సంపూర్ణం .
అక్షరమాలికా
.png){kind=avatar}
.png){kind=avatar}
.png){kind=avatar}
